مشاهدة النسخة كاملة : يا طالب الثانوية العامة مارايك ان تدخل كلية الزراعة؟
مشتاقة لرضا الله 05-12-2008, 02:31 PM السلام عليكم ورحمة الله وبركاته
يارب تكونوا بخير جميعا
وكل سنة وانتوا طيبين
المهم انا عايزه اسئلكم شوية اسئلة ( اه تحقيق حد عنده اعتراض:abdoog8:)
يلا نبدأ
ايه رايكم فى كلية الزراعة
هل تقبل تدخلها ؟
لو كنت جايب مجموع كبير تقبل تدخلها؟
ولو كنت جايب مجموع مش كبير هتدخلها ولا تفضل تجارة او حقوق او تربية مثلا ؟
انا كلامى مش موجه لطلبة الثانوية فقط
انما انا بسال كل الناس
انت تقبل انك تدخل كلية زراعة لو اتاحت ليك الفرصة.
لو تلاحظوا انى ماقلتش رايى فى الموضوع اصلا
لكن انا عايزة اعرف رايكم وبعدين نبقى نتناقش فى الموضوع
وياريت اللى هيقول اه او لا يشرحلنا وجهة نظره
Dr. Toka 05-12-2008, 10:08 PM نا لن اقبل هعمل بيها يه معتقدش انها ليها مستقبل زى السن او اعلام او حتى تجارة متهيألى انها ملهاش مستقبل اصلا
مشتاقة لرضا الله 06-12-2008, 04:21 AM نا لن اقبل هعمل بيها يه معتقدش انها ليها مستقبل زى السن او اعلام او حتى تجارة متهيألى انها ملهاش مستقبل اصلا
بشكرك على ردك ياتوتا
بس هقولك حاجة الكلية دى من أهم كليات العالم فعلا
وبالنسبة لمستقبلها فهى فى الحقيقة ليها مجالات كتير للعمل والمفروض ان البلاد اللى عايزة تتقدم تبدأ تهتم بالزراعة قبل اى شئ
لان دلوقتى كل الدول المتقدمة بتهتم بالزراعة والمواد العضوية وببتجه للزراعة الطبيعية بدون مبيدات فى حين اننا لسه مش عاجبانا كلية الزراعة (مش قصدى انتى يعنى) انما كل الناس واخدين فكرة وحشة جدا عن الكلية
لكن ربنا يصلح الاحوال
وبشكرك تانى على ردك
thechampion 06-12-2008, 04:33 AM لا الناس بتدخلها بسبب المجموع القليل؟؟؟؟؟؟؟
مشتاقة لرضا الله 06-12-2008, 04:43 AM لا الناس بتدخلها بسبب المجموع القليل؟؟؟؟؟؟؟
ماهى هى دى المشكلة
انا نفسى الناس تحس بأهميتها
المفروض ان الكلية دى تبقى اعلى من كليات القمة لانها مهمه جدا
ان شاء الله هابقى اعمل موضوع هكتب فيه المواد اللى بندرسها فى الزراعة
وانتوا تحكموا ان كانت مهمه ولا لاه
بجد نفسى الناس تغير رايها فى الكلية دى
thechampion 06-12-2008, 04:49 AM ده عيبنا
انتم اللى بتاكلونا واحنا حاليا عاله على الفلاح اللى بيزرع
تخيلوا لو 20مليون زرعوا كمصر زى مابيقولوا
مشتاقة لرضا الله 06-12-2008, 05:12 AM ده عيبنا
انتم اللى بتاكلونا واحنا حاليا عاله على الفلاح اللى بيزرع
تخيلوا لو 20مليون زرعوا كمصر زى مابيقولوا
فعلا الشعب المصرى كله عاله على الفلاح
والمساحة المزروعة اصلا فى مصر قليلة جدا
يبقى لازم نهتم بالكلية دى ولا لاه؟
AGRONOMIST 12-12-2008, 11:49 PM سلامو عليكو
انا بلا فخر في كلية الزراعة
لكن فكرتي عنها اتغيرت كتير بعد ما دخلتها
زمان مش كنت احبها خالص
لكن بعد ما دخلتها بقيت اتشرف اني في كلية الزراعة
سلام
Rambo_Uranium 13-12-2008, 09:56 PM نا لن اقبل هعمل بيها يه معتقدش انها ليها مستقبل زى السن او اعلام او حتى تجارة متهيألى انها ملهاش مستقبل اصلا
:angry2: مع احترامى لحضرتك
اللى ميعرفش يعنى ايه كلية الزراعة ميتكلمش
احنا 2 اصعب كلية فى مصر بعد كلية العلوم
احنا اكتر ناس بندرس مواد مختلفه عن بعضها نهائيا .
لو هتكلم عن كليتى كلية الزراعه جامعه عين شمس
انا عندى القسم الاقتصاد لوحده قد اى كلية تفكرى تدخليها .,
عندنا فى الكلية مصنع انتاج البان ومربى فى قسم علوم الاغذيه .
عندنا مزارع سمكية عندنا :049gc0:
منحل عندنا قسم خاص ووحدات انتاج عيش الغراب .
لو حضرتك هتتكلمى عن المستقبل فده بأيد ربنا بس والفاشل او المحبط هو اللى بيقول مفيش شغل او ملهاش مستقبل مع احترامى للجميع .
انا داخل زراعه وبكل قناعه ان انا صح
مع ان مجموعى كان يسمح انى ادخل تجارة وحقوق واداب والكلام ده .
والحمد لله على كل شيىء
شكرااااااااااااااااااااااااا
Rambo_Uranium 13-12-2008, 09:59 PM شكرااااااا يامشتاقة على موضوعك الجميل
وانا برده افتخررررررررررررررررررررررررررررررررررررررررررياجر وند ميست انى فى كلية الزراعة .
واللى يحب يتحدانا فى الكيمياء او الفيزياء او الاحياء او الطبيعة البحتة او الزولوجى او الوراثة او البوتانى يتفضل
انا مستنى الردود
شكرااااااااااااااااااااااااا
مشتاقة لرضا الله 14-12-2008, 06:12 AM شكرا يا AGRONOMIST على ردك
اكتر حاجة عجبتنى كلمة اتشرف انى فى كلية الزراعة لانها بجد كلية تشرف اى حد
وشكرا لردك المستفاض يا Rambo_Uranium
وبما اننا كلنا زراعة نحاول بقى نغير الفكرة اللى الناس واخدينها عن اهم كلية فى العالم
بامانة الكلية دى مش واخده حقها يعنى غير ان مجموعها قليل الناس شايفه ان ملهاش لزمة نفسى افهم ليه؟
love_princess 07-01-2009, 09:22 PM تسمحولي يا جماعه اني اقول رايي مش المهمانت جبت كام في الثانويه العامه ومش المهم انت في كليه ايه والمهم انت تقدر تقدم حاجه باللي انت بتاخده ديه للمجتمع ولا لا يااما في طلبه اتخرجوا من طب وطلعوا دكاتره فشله وياما ناس اتخرجوا من صيدله واشتغلوا في الادويه المخدره وياما مهندسين هدموا بيوت وموتوا اطفال اي كليه تفيد هي كليه قمه ماتفرقش صيدله من تجاره من زراعه المهم انك تقدر تفيد وتستفيد
مشتاقة لرضا الله 12-01-2009, 07:30 PM تسمحولي يا جماعه اني اقول رايي مش المهمانت جبت كام في الثانويه العامه ومش المهم انت في كليه ايه والمهم انت تقدر تقدم حاجه باللي انت بتاخده ديه للمجتمع ولا لا يااما في طلبه اتخرجوا من طب وطلعوا دكاتره فشله وياما ناس اتخرجوا من صيدله واشتغلوا في الادويه المخدره وياما مهندسين هدموا بيوت وموتوا اطفال اي كليه تفيد هي كليه قمه ماتفرقش صيدله من تجاره من زراعه المهم انك تقدر تفيد وتستفيد
كلام سليم جدا
لكن التحقير من كليات الزراعة فى مصر ده امر مقصود ومتخططله بعناية جامدة جدا
هما مش عاوزين حد يهتم بالزراعة عشان نفضل تحت رحمة الغرب اللى بياكلونا
يعنى لما نستورد القمح اللى هو اساس الاكل يبقى احنا تحت رحمة مين
كل الدول المحترمة اللى عايزة ترفع راسها ويبقى عندها كرامه هى اللى بتاكل نفسها
انما احنا عمالين يقولولنا الزيادة السكانية والارض الزراعية مش مكفية ومش عارف ايه
هما اللى بوظوا الارض اصلا وهما اللى عمالين يخربوها اكتر واكتر ويرجعوا يقولوا الزيادة السكانية
بجد حاجة تغيظ وتحرق الدم
يعنى كلية الزراعة فى الدول اللى عايزه تتقدم بجد تلاقيها من اعلى الكليات فى المجموع والاهتمام بيها عالى جدا
انما احنا بنعتبرها كليه كده تحصيل حاصل لانهم منزلين مجموعها جدا عشان محدش يفكر يدخلها اصلا
حسبى الله ونعم الوكيل
yoo0ssef 22-01-2009, 09:04 PM بسم الله الرحمن الرحيم
من وانا فى 2 ثانوى اخترت علمى متأدب عشان اخش كلية الزراعة
وبالمناسبة كليات الزراعة كلها السنة اللى فاتت ارتفع مجموعها يعنى مفيش ولا كلية كان تنسيقها 205 زى السنوات السابقة
وكلية زراعة القاهرة كانت 205 فى 2007 وبقت 247.5 فى 2008
صحيح برده قليل
بس الصراحة ان قيمة الكلية مش فى المجموع وربما 10 يدخلوها يعملوا شغل 1000
---
صح انا عندى سؤال ليكم يا طلبة كلية زراعة
الاقسام عندكم كتير اوى يعنى قسم للخضراوات وقسم للافات وقسم للفاكهة وهكذا
انا شايف ان دى مشكلة
ولا ايه رايكم
وانا سمعت ان الاقتصاد الزراعى بيدرس كل حاجة
افيدونى
eslam_2009 22-01-2009, 09:33 PM كلية الزراعة كلية جامدة جدا بس انا الصراحة مش عايز ادخلها لانى عايز اخش كلية بتدرس لغات
انا ابن عمى خريج زراعة وكان طالع التانى على الدفعة واشتغل علطول فى البحوث الزراعية وبعد كده سافر السعودية بعقد عمل وبياخد فلوس كتير هناك وكل ده عشان كان متفوق فى الكلية
وعلى فكرة مش اى كلية بتاخد من مجموع قليل بتبقى وحشة يعنى مثلا كلية الاثار كلية بتاخد من 93 و 94 ومبيلاقوش شغل فى الاخر
مشتاقة لرضا الله 02-02-2009, 04:36 PM بسم الله الرحمن الرحيم
من وانا فى 2 ثانوى اخترت علمى متأدب عشان اخش كلية الزراعة
وبالمناسبة كليات الزراعة كلها السنة اللى فاتت ارتفع مجموعها يعنى مفيش ولا كلية كان تنسيقها 205 زى السنوات السابقة
وكلية زراعة القاهرة كانت 205 فى 2007 وبقت 247.5 فى 2008
صحيح برده قليل
بس الصراحة ان قيمة الكلية مش فى المجموع وربما 10 يدخلوها يعملوا شغل 1000
---
صح انا عندى سؤال ليكم يا طلبة كلية زراعة
الاقسام عندكم كتير اوى يعنى قسم للخضراوات وقسم للافات وقسم للفاكهة وهكذا
انا شايف ان دى مشكلة
ولا ايه رايكم
وانا سمعت ان الاقتصاد الزراعى بيدرس كل حاجة
افيدونى
كلام حضرتك مظبوط
وبالنسبة لتعدد الاقسام فى الكلية فدى ميزة كبيرة جدا
لان كل قسم بيدرس بتوسع فرع معين
وبرضه بيدرس باقى التخصصات عشان يبقى ملم بكل حاجة
يعنى مثلا قسم الفاكهة بيدرس مبيدات وبيدرس رياضة وكيمياء وحشرات وحاجات تانية كمان لكن مش بتوسع زى مابيدرس انواع الافكهة مثلا وطريقة زراعتها وكده
وبالنسبة لقسم الاقتصاد الزراعى انا هبقى اسال ان شاء الله وارد عليك
لانى لسه فى سنة اولى وماعنديش معلومات كفاية
وشكرا على المرور
مشتاقة لرضا الله 02-02-2009, 04:41 PM كلية الزراعة كلية جامدة جدا بس انا الصراحة مش عايز ادخلها لانى عايز اخش كلية بتدرس لغات
انا ابن عمى خريج زراعة وكان طالع التانى على الدفعة واشتغل علطول فى البحوث الزراعية وبعد كده سافر السعودية بعقد عمل وبياخد فلوس كتير هناك وكل ده عشان كان متفوق فى الكلية
وعلى فكرة مش اى كلية بتاخد من مجموع قليل بتبقى وحشة يعنى مثلا كلية الاثار كلية بتاخد من 93 و 94 ومبيلاقوش شغل فى الاخر
مظبوط كلام حضرتك وده اللى نفسى كل الطلبة يفهموه
مش عشان الكلية مجموعها قليل تبقى وحشة
وربنا يوفقك وتدرس لغات زى مانت عاوز
وفعلا لخريجى الزراعة مستقبل كبير جدا وبالذات فى مجال الابحاث
ALEXAWYA 11-02-2009, 12:27 PM كلية الزراعة من كليات القمة بس للاسف محدش مهتم بيها في مصر
العاشقه الحزينه 22-03-2009, 07:54 PM لا طبعا مش كليه حد يدخلها لانك بعد ما تخلص اما هتقعد ف البيت اما تشتغل من غير شهاده ف اي مصنع او اي حاجه وتتساوي باللي مش معاه شهاده خالص اما تزرع جنينه بيتكم بقي
اما تضطر تشتري ارض وتستصلحها
لالالالالالالالالالالالالا تعب قلب
انا عندي ادخل تجااااااااااااارة ولا ادخلش زراااااااااااعه
وبالنسبه انها كانت من كليات القمه فهي كااااااااانت والحقوق كذالك بس الحقوق مستمرين ف دخولها
يسلمووووووووووووو ع الموضوع كتييييييير حلو ومهم
سلمت يمناكي
دمتم بود
العاشقه الحزينه 22-03-2009, 07:59 PM كلية الزراعة كلية جامدة جدا بس انا الصراحة مش عايز ادخلها لانى عايز اخش كلية بتدرس لغات
انا ابن عمى خريج زراعة وكان طالع التانى على الدفعة واشتغل علطول فى البحوث الزراعية وبعد كده سافر السعودية بعقد عمل وبياخد فلوس كتير هناك وكل ده عشان كان متفوق فى الكلية
وعلى فكرة مش اى كلية بتاخد من مجموع قليل بتبقى وحشة يعنى مثلا كلية الاثار كلية بتاخد من 93 و 94 ومبيلاقوش شغل فى الاخر
بالنسبه لرد حضرتك ف ده بيكوووووووووون واحد ف الميلون يعني بنسبه بسيطه جدا اللي بيلاقو وظايف ف الخارج وبيبنو مستقبلهمhttp://www.thanwya.com/vb/life/icons/icon111.gif
وبالنسبه لكليه الاثار اها مش بتلاقي شغل بس كفايه الاسم مثلا
لكن تعالي قول لحد خريج زراعه سوري يعني احتمال يستحقر مستوي تفكيرك وجايز يحترمك بس قله قليله
سوري اني علقت ع ردك بس بجد يلفت الانتباه
دمتم بود
مع خالص تحياتي لكم
العاشقه الحزينه 22-03-2009, 08:02 PM تسمحولي يا جماعه اني اقول رايي مش المهمانت جبت كام في الثانويه العامه ومش المهم انت في كليه ايه والمهم انت تقدر تقدم حاجه باللي انت بتاخده ديه للمجتمع ولا لا يااما في طلبه اتخرجوا من طب وطلعوا دكاتره فشله وياما ناس اتخرجوا من صيدله واشتغلوا في الادويه المخدره وياما مهندسين هدموا بيوت وموتوا اطفال اي كليه تفيد هي كليه قمه ماتفرقش صيدله من تجاره من زراعه المهم انك تقدر تفيد وتستفيد
كلااااااااااام جامد اخر حاجه
يسلموووووووووووو ع هالكلام
سليم ميه ميهhttp://www.thanwya.com/vb/life/icons/icon14.gif
|