فكرة المجلة [الأرشيف] - بوابة الثانوية العامة المصرية

عبقرينومان

05-12-2008, 07:51 PM

السلام عليكم

السادة الأفاضل

هذا حلم كبير منذ سنوات نحلم به ولكن ليس هناك أي خطوة إيجابية منا لتنفيذ فكرة المجلة لموقع الثانوية

اولا : كان الحلم بإنشاء مجلة تصدر عن موقع الثانوية وكان الحلم ان تكون المجلة ورقية توزع في المكتبات

وطبعا الحلم كبر والتنفيذ مش صعب ولكن نحتاج لخطوة

فقررت عمل أول خطوة وهي إنشاء مجلة شهرية للموقع اليكترونية تقرأ على شبكة الانترنت بشكل ملفات PDF

وهذا مثال لشكل وتصميم المجلة وليس للمضمون ولكن لفكرة شكل المجلة

شكل غلاف مجلة عقيدتي من خلال هذا الرابط (http://www.algomhuria.net.eg/akidaty/today/first/aka29.jpg)

وبعد ان عرفنا الفكرة

هنعرف مضمون المجلة

طبعا هيكون في المجلة مراجعات وامتحانات تخص صفوف التعليمي الثانوي والاعدادية

وبالطبع سيكون بالمجلة صفحات للمعلمين

وصحفات منوعة (دينية - ثقافية - علمية - تكنولوجية - رياضية )

ستكون في المقام الأول مجلة تعليمية ولكن سيكون فيها اخبار ومواضيع عامة

وانا بفكر ان هنا هنعمل موضوع نرشح فيه افضل موضوع عام ينشر هذا الشهر بالمجلة وطبعا افضل موضوع ديني وافضل موضوع رياضي وافضل موضوع سياسي وافضل موضوع اجتماعي وادبي

وسيكون افضل شعر من تأليف الاعضاء والمعلمين

ولكي تنجح الفكرة سيقوم كل موجه مادة تعليمية بالتنسيق مع مدرسي المادة واختيار المادة العلمية للشهر القادم التي ستنشر فيها

وأيضاً سيكون المشرفين السوبر من سيرشحون لنا من اقسامهم افضل المواضيع

مثلا في قسم ركن الثقافة يقوم نجم المشاعر بترشيح افضل شعر او نثر من الاقسام وسنقوم بنشر الشعر او الموضوع الادبي ويكتب تحته اسم صاحب الموضوع والصورة الشخصية لصاحب الموضوع لو أحب

وأيضاً سيكون ذلك في كل اقسام الموقع

وسيكون هناك اخبار المعلمين واخبار رابطة معلمي مصر

واخبار الموقع

واخبار التعليم المصري والوزارة

وخلافه

وفي انتظار اراء وافكار الجميع

EnG.BeLaL

05-12-2008, 07:58 PM

و الله فكرة رائعة يا استاذ اشرف
و جزاك الله خيرا على تعبك عشان التعليم و الطلاب و المدرسين
بجد مش عارف اقولك ايه بارك الله فيك

الرهينه

05-12-2008, 07:58 PM

وعليكم السلام ورحمة الله وبركاته

بجد خطوة حلوه استاذ اشرف

واقسامها كمان حلوه بس ياريت تدخل فيها مسابقات

وربنا يوفقكوا ان شاء الله :)

عبقرينومان

05-12-2008, 08:15 PM

وعليكم السلام ورحمة الله وبركاته

بجد خطوة حلوه استاذ اشرف

واقسامها كمان حلوه بس ياريت تدخل فيها مسابقات

وربنا يوفقكوا ان شاء الله :)

فكرة المسابقة جميلة جدااااا

وخليك متحمسة لفكرة المسابقة وقت تقسيم الادوار علشان تكوني محررة معانا وقت اختيار فريق التحرير بالمجلة

thechampion

05-12-2008, 08:20 PM

وايضا نعمل احاديث مع المشرفين الاداريين ومديرى الموقع
حلو جدا الفكرة دى لكى نتعرف على كل شى يدور بخاطر كل عضو؟؟؟؟؟؟؟؟؟؟

thechampion

05-12-2008, 08:22 PM

وانا يسعدنى انى ادخل اختبارات لاختيار فريق عمل المجلة
وانا لها باذن الله

الرهينه

05-12-2008, 08:24 PM

فكرة المسابقة جميلة جدااااا

وخليك متحمسة لفكرة المسابقة وقت تقسيم الادوار علشان تكوني محررة معانا وقت اختيار فريق التحرير بالمجلة

ربنا ييسر ان شاء الله

وانا تحت امركم :)

thechampion

05-12-2008, 08:28 PM

ايه رايكم فى فكرة الاحاديث الصحفية

مستر رمضان عيسى

05-12-2008, 08:28 PM

اتمنى ان يكون هناك قسم للمواهب ليس فقط من ابنائنا الطلاب بل ايضا من المعلمين

مستر رمضان عيسى

05-12-2008, 08:31 PM

كما اتمنى ان يكون هناك قسم اخر ببرامج التدريب بمراكز التدريب المختلفة بمصر و التنسيق مع السادة المسؤلين بها لعرض برامج هذه الدورات لتكون الاستفادة للجميع و ليس للمشاريكن فقط

مستر رمضان عيسى

05-12-2008, 08:33 PM

معلش و كمان عاوز صفحة للمدرسين المبتعثين خارجيا و يحكى لينا عن تجربته هناك

thechampion

05-12-2008, 08:33 PM

فكرة رائعة
واتمنى انى اكون محرر من محررى الجريدة
وسوال هل ستوزع الجريدة فى المكتبات ام ستكون على الانترنت فقط؟؟؟؟؟؟؟؟؟

عبقرينومان

05-12-2008, 09:01 PM

جميلة الافكار بجد في انتظار المزيد

7med@

05-12-2008, 09:14 PM

يكون فيه :
1- قسم اسئلة لاوائل الطلبة والفائقين
2- اسئلة مراجعة يحطها المدرسين اخر السنة
3-قسم خاص بالنكت
4- وممكن نختار افضل موضوع من كل قسم في المنتدي ونحطه في المجلة

Lost Dreamer

05-12-2008, 10:43 PM

هههههههه

هي دي \عيديتي يا استاذ اشرف

قسم جديد تحت اشرافي

هههه

فكره حلوه والله يا استاذنا

ومستنين التنفيذ النهائي ان شاء الله

ENG:3assoma

05-12-2008, 11:28 PM

فكرة رائعه جدا وممكن تختاروا أفضل الاعضاء لباقه لكي يقوموا بمراجعة الموضوع الذي تم اختياره أو تعديل في اسلوب كتابته ، وانا في الخدمة لو طلب مني أي شيء للمجلة لكي نرقى بمنتدانا ومجلتنا .

Free angel

05-12-2008, 11:58 PM

والله فكرة جميلة جداااااااا

وهتكون مفيده للمنتدى كله طلبة ومدرسين

يلا ورونا الهمة

CoMMaNdo

06-12-2008, 12:27 AM

بجد مجهود وفكره هائله يا استاذ اشرف
كان ليا طلب
ممكن يبقى فيه قسم للجامعات
ومقال صغير كدا معلومات قانونية وكدا

دكتور محمود فتحي

06-12-2008, 02:06 AM

على بركة الله ووفق الله الجميع لخير المنتدىو الطلبة والمعلمين ان شاء الله

استاذ بدوى الدجوى

06-12-2008, 04:29 AM

لا يا استاذ اشرف
الموضوع ده عايز اجتماع
ايه رأيك ؟
لو كده بلغنى فى رسالة خاصة
وان شاء الله يكون له شأن كبير جدا هذا الامر
الفكرة جامدة جداااااااااااااا
ومنتظرة الاعداد لها بدقة
اتمنى ان اكون معكم ان شاء الله
جزاكم الله خيرا عنها

المؤرخ حسين

06-12-2008, 04:42 AM

هى فكره جميله بس هيتم امتى بأذن الله
بس ممكن اضيف حاجه بعد اذنك يكون فيها قسم عن اخبار الجامعات المصريه والمقارنا بالجامعات الاخرى
وحل مشكلات التعليم الجامعى
وربنا الموفق يارب نكون من اوئل المنتديات على شبكة الانترنت
وجزاك الله خير يا استاذ اشرف

thechampion

06-12-2008, 04:55 AM

اقترح---احنا عايزين فى اول عدد نعمل حديث مع استاذ بورسعيدى

اشرف المصرى

06-12-2008, 05:35 AM

الفكرة جميله
والاهم من الفكرة التنفيذ
لان مع صدور اول عدد منها
حيكون وضعنا نفسنا فى محك الاختبار
يا نبثت اننا على قدر المسئوليه
يا اما حنفشل

مودتى

اشرف المصرى

06-12-2008, 05:36 AM

بالنسبة للتصميم
انا شايف ان غلاف مجلة عقيدتى مليان اوى
وده حيشتت المواضيع من القارئ
لاحظوا اننا بنتكلم على مجله الكترونيه يعنى العناويين لازم تشد الانتباه

عبقرينومان

06-12-2008, 07:46 AM

ممتازة حتى الآن الأفكار

ومن الوقفة بكرة بأذن الله هنبدأ أول خطوة وهي تجميع المواد للمجلة

طالب العفو

06-12-2008, 07:53 AM

فكرة ممتازة سيروا على بركة الله

!DreAmeR!

06-12-2008, 01:33 PM

انا معاك فى الرياضية يا مستر اشرف مقالات اخبار اى حاجة هتطلبها هتتنفذ ومتخفش وراءك رجال

وفكرة اكثر من رائعة

تقبل مرورى

مستر احمد يحيى

06-12-2008, 01:47 PM

فكره ممتازه اشرف باشا
وانا عندى فكره مجنونه شويه
مش حتنفع كتابتها على الصفحه

..Just Stop

06-12-2008, 01:48 PM

سلام عليكم
بجد بجد انا الامل بقا عندى كبير
اخيرا بعد تفكير سنوات وكلام صفحات
بدأنا اول خطوة فى المجلة
بجد كدا تبقا 100 مية يا عبقرينو
بس عايزين نتفق على محتوى المجلة
لى عودة ان شاء الله
وكل سنةوانت طيب يا استاذ اشرف

محمود طه القالع

06-12-2008, 01:53 PM

اخي الفاضل
المجلة بالنسبة للرياضيات في جميع المراحل التعلمية جاهزة
وفي انتظار نقطة البداية

أحمـدنجـم

06-12-2008, 01:57 PM

أ/ أشرف .. كل عام وأنت بخير ..
بإذن الله تعالى فكرة موفقة وسأساهم فيها ليس في مجال الشعر والأدب فقط ولكني بإذن الله أريد أن أقوم بالمراجعة اللغوية لكل محتويات المجلة مراجعة إملائية ونحوية وبلاغية حتى تخرج المادة المقدمة بإذن الله تعالى في أحسن صورة ..

وكذلك أخي العزيز أتمنى أن تكون المجلة بها عناصر الجذب حتى في عرض المادة التعليمية .. فيجب أن نبتعد عن الشكل التقليدي في عرض المادة التعليمية فيمكن أن تكون مصاحبة مثلاً بمرفقات صوتية صوت بحر مثلاً صوت هواء صوت طيور وغير ذلك من المؤثرات الصوتية الطبيعية التي تطرب لها الأذن .. وكذلك في شكل الإخراج الالكتروني يجب أن تكون جذابة وفي تنسيق الموضوعات يجب أن يستخدم أكثر من لون وأن تبرز العناوين حتى لا يمل القارئ منها ..
وكذلك في القسم الديني يمكن أن يتضمن عنصر تطبيق بمعنى مثلاً صوراً لكيفية الوضوء أو الصلاة أو الحج وغير ذلك من المجالات التطبيقية سواء أكانت متحركة أو ثابتة ..
وكذلك سأقوم بمسرحة أي درس يقع عليه الاختيار في صفحة يمكن أن نطلق عليها مسرحة المناهج وغير ذلك ,, وأي فكرة ستطرأ على ذهني سأبلغكم بها بإذن الله تعالى ,.. ووفقنا الله لما فيه الخير .. وفكرة رائعة رائدة يا أستاذ أشرف ..

محمود طه القالع

06-12-2008, 02:06 PM

اخواني الافاضل
برجاء البداء في عمل العدد الاول حتي لو فية عيوب
وممكن نعدل من العيوب
ويكفي حوار بدون تنفيذ
هذا رائي

صوت الحق

06-12-2008, 02:15 PM

على العلم انا استمتع بكل الافكار التى تطرح فى هذا الموضوع
الاحلام اصبحت حقيقة
كلمات الشكر الان اصبح لا معنى لها فى نظير الاعمال التى قمت بها مؤخرا
شكرا اخى الكريم على هذه المجلة
الكرة الان فى ملف الموجهين والمدرسين وباقى الاعضاء
كل هذه الهداية جت فى العيد والعيد الكبير كمان يعنى عيد الاضحية
والبوابة بتضحى بكل الافكار الجيدة تنفذ فورا

..Just Stop

06-12-2008, 02:26 PM

Lost Dreamer

06-12-2008, 02:43 PM

هقترح شوية حاجات فى المجلة
قضية العدد ( هتتناول اهم موضوع يجرى علىالساحة)
::::::::::
اسلامنا
حديث نبوى
مع تفسير بعض ايات القرأن
::::::::::::::
قصيدة العدد
هيتم اختيار افضل قصيدة فى كل شهر سواء عامية لوغيرها
:::::::::::::::::
الجزء الرياضى
اخر اخبار الرياضة
::::::::::::::::
ضيف العدد
هيتم كتابة نبذة عن عضو ما فى المنتدى
:::::::::::::::
كلمة العدد
:::::::::::::
دى بعض المقترحات
علىمانشوف هنعمل ايه تانى

انا معاك يا محمود بجد فكر واقتراحات حلوه

انا كنت هقول بعض من الحاجات دي مش كلها

بس الي سبا اكل النبا

وشكرا يا استاذ اشرف علي عديتك ليا

قسم جديد تحت اشرافي:)

سيد عثمان

06-12-2008, 02:47 PM

أخي العزيز الأستاذ أشرف هذه الفكرة تم طرحها في اجتماع مكتبة مبارك منذ عدة اشهر طال انتظارنا لها ياريت يبدأ العمل بها في اقرب فرصة ويكون الجانب التعليمي لها 90 % من محتوياتها ولامانع من بعض الجوانب الأخرى الترفيهية والأخبارية بنسبة 10 %
ربنا يوفقك والله معك ونحن بعد الله معك إن شاء الله
وكل عام وأنتم بخير

MoHaMeD ELsHeRbEnY

06-12-2008, 02:52 PM

اية دة اية دة اية دة اية دة

دا فية اقسام جديدة وافكار جديدة

جزاك الله خير عليها

فعلا فكرة عبقرية من عبقرى فعلا

عبقرينومان اسم على مسمى

جزاك الله خيرا

ننتظر تنفيذها ان شاء الله

ولى رد اخر ببعض الاقتراحات ان شاء الله

فى امان الله

ممدوح مصطفى الانصارى

06-12-2008, 03:42 PM

الفكرة رائعة وعبقرية ومفيدة وانا مع كل عمل مفيد.
انتظر تعليمات حضرتك بمشاركتى معكم ويشرفنى المشاركة فى بعض او كل من المجالات الاتية :-1- رياضيات كل المراحل (ابتدائى/اعدادى/ثانوى).
2- موضوعات واخبار من الاقسام (كادر المعلم /قضايا ومشاكل المعلمين/رابطة معلمى مصر)
3- موضوعات ثقافية متنوعة .
4- موضوعات ترفيهية من التراث العربى .
خالص امنياتى بالتوفيق الدائم لافكاركم الجادة والجيدة .

عاطف خليفة

06-12-2008, 03:47 PM

السلام عليكم

لا تنسوا اننا موقع تعليمي

بالدرجه الاولي

يعني لابد بل من اللازم ان تكون المجله تعليميه

التعليم هو الاصل بنسبه 95 %

وان لم يكن بنسبه 100%

مش عايزين نهجص

الجرايد مليه النت

واخبار المنتدي علي المنتدي

احنا بنعمل عمل تعليمي

فوقوا بقي يا ناس

وعموما وفقكم الله

والسلام

الجويرية

06-12-2008, 03:48 PM

هقترح شوية حاجات فى المجلة
قضية العدد ( هتتناول اهم موضوع يجرى علىالساحة)
::::::::::
اسلامنا
حديث نبوى
مع تفسير بعض ايات القرأن

بجد ما شاء الله فكرة راااااااائعة
وانا لسه اول مرة اشوف الموضوع ده
ان شاء الله معاكم فى الركن الدينى
وان شاء الله مجلة موفقة
الى الامام دائما
وجزاكم الله خيرا

mohsen ghareeb

06-12-2008, 04:10 PM

فكرة أكثر من رائعة أستاذنا الكبير أشرف

بارك الله فيك وأكثر من أمثالك وعلمك ما ينفع ونفعك بما تعلمت

أنا معكم يا أستاذ أشرف أكيد سواء مايخص الرياضيات أو الألغاز والمسابقات.
متى أبدأ فى التجهيز ؟

تحت أمر منتدانا العظيم.

_GUIDE_

06-12-2008, 05:14 PM

انا عارف انى داخل متاخر بس مش حبيت ارد
لان انا واقعى اكتر
احنا عملنا مجلة
ولسه لغاية الان مفيش مواد توضع فيها
الفكرة اتناقشنا فيها قبل كده فى الفيوم والقاهرة
وقولنا ان فكرة المجلة على بال ما تخرج للنور وبالشكل المطلوب هتحتاج
وقت ومجهود من جميع القائمين عليها
فى انتظار مجهودات وشروحات السادة المدرسيين والموجهين
مع العلم اننا لسه برضه منعرفش تقسيمة المجلة هتكون ازاى
بمعنى عدد الصفح
الموضوعات الاقسام داخل المجلة

thechampion

06-12-2008, 05:19 PM

صح لازم توضع خطة شاملة للمجلة
وعلى فكرة فىشارعنا انا قمت بعمل مجلة من اربع شهور بسرياضية
وحوارت مع لاعبى شارعنا
وووووو
بسكانت لذذذذذذذيدة وكانت نسخة واحدة بس

مس رانيا حسن

06-12-2008, 05:21 PM

فكرة ممتازة
والله المستعان
وسابدأ من الأن بتجهيز مايخص المواد الفلسفيه
واجتماعيات طالب
فى امان الله

hend ere

06-12-2008, 05:27 PM

والله الفكره اكثر من رائعه
والافكار المطروحه هايله
لكن فعلا غلاف مجلة عقيدتى مليان اوى وبصراحه لا يلفت الانظار
ياريت نحاول نظبط الحته دى
بالتوفيق انشاء الله

مستر خالد غباشى

06-12-2008, 05:34 PM

لالالالالالالالالالا........فكرة عبقرينوووووووووووووووووو.....دة فكرة ممتازة وتحتاج الى اعداد هائللكى تولد كبيرة انا معكم واتمنى ان ترلاى هذة الفكرة النور

عبقرينومان

06-12-2008, 05:42 PM

عبقرينومان

06-12-2008, 05:44 PM

كدا كل الناس عرفت الفكرة

بكرة بأذن الله هنبدأ الخطوة الثانية

mR . mOstafa Fathi

06-12-2008, 06:01 PM

جميلة جداً الفكرة
وانا مع جيهاد
مسابقات
وحوارات مع الاعضاء

Ahmed Salah

06-12-2008, 06:23 PM

موضوع رائع

وبالتوفيق دائما

sunsero2000

06-12-2008, 06:25 PM

فكره جميله بس انا معترض على شكل الغلاف دى هتكون مجله الكترونيه يعنى الغلاف البساطه اجمل فيه وانا من رايى نعمل مسابقات فى منتدى االصور والتصميم عشان نختار تصميم معين

الاستاذ محمد سرور

06-12-2008, 06:38 PM

طيب قبل ما اقول اى حاجة
لى سؤال
ازاى ترسل لى رسالة وما تظهرش لى رسالة تنبية برسالة جديدة زى باقى الادارة

وبالنسبة للموضوع انا عارفه وبيتم تنسيقه مع المدرسين
ادخل حجرة مدرسى الرياضيات
وبعد العيد استلم المادة العلمية ان شاء

باذن الله على الخير دوما

leprince

06-12-2008, 07:02 PM

بارك الله فيك

وجعل هذا الجهد فى ميزان حسناتك

كلنا معك وكلنا رجل واحد

وان شاء الله ستكون مجله جباره

وسنقوم بتجميع الماده العلميه وتنسيقها بشكل يليق بالموقع

على بركة الله

emoo

06-12-2008, 07:24 PM

فكره جميله فعلا
و انا اقدر ابقى معاكو فى الفكره دى
و فى افكار كتير
انا عن نفسى شغال فى كليتى برده مدير تحرير مجلة فى اتحاد الطلاب
يعنى عندى خبره فى الموضوع ده
المهم بس انتو تختارو الناس اللى هتشتغل معاكو فى المجله
ونا اقدر ابقى معاكو ان شاء الله

الأستاذة أم معتصم

06-12-2008, 07:37 PM

السلام عليكم

استاذ اشرف

نحن فى انتظار تنفيذ هذه الخطوة منذ ان تناقشنا فيها فى اول اجتماع لنا فى بداية العام الدراسى

وبدانا بالفعل الترتيب والاعداد لها

وفقكم الله جميعا الى الخير

وتقبل منا جميعا

بندق__2007

06-12-2008, 08:14 PM

الموضوع يا استاذ أشرف رائع و فكرة هايلة

و يمكن انا من فترة .................... و لا بلاش

عموما الفكرة هايلة جدا جدا بس ليا طلب

ياريت تكون جريدة بكل الاقسام .... و طبعا مفهوم

عبقرينومان

06-12-2008, 08:24 PM

كدا انا مبسوط

وبأذن الله هنبدأ في اختيار فريق العمل وتحديد الأدوار

محمد كامل فوده

06-12-2008, 09:26 PM

اخواني الافاضل
برجاء البداء في عمل العدد الاول حتي لو فية عيوب
وممكن نعدل من العيوب
ويكفي حوار بدون تنفيذ
هذا رائي

وانا اتمني ذلك ايضا استاذ محمود وبالنسبه لمدرسي الرياضيات مستعدون في اي وقت ان شاء الله والتنسيق بيننا دائم ومستمر وانتمني التوفيق ان شاء الله

Alyaa2008

06-12-2008, 10:03 PM

فكره حلوه وانا م عارفه ايه حكايه الاختبارات بالضبط بس على العموم انا مستعده

مسيو منتصر الجميلي

06-12-2008, 11:12 PM

فعلا فكرة رائعة استاذ اشرف واحنا قبل كده كنا اجتمعنا في بداية العام وطلبنا عمل المجلة وبالفعل ارسلنا المادة العملية Pdf لكن مش عارف لم تكتمل حينئذ الفكرة ، ربنا يوفق وتكتمل الآن ان شاء الله واحنا في قسم اللغة الفرنسية تحت أمركم

جمال الدين عوض

06-12-2008, 11:21 PM

الله علي الأفكار الجميلة وانا تحت أمر المنتدي والمشاركة في المادة العلمية أو التصميم أو التجهيز وفقكم الله

مسيو وليد عسكر

06-12-2008, 11:29 PM

الموضوع رائع وفعلا انا مش عارف مشوفتوش ازاي وجزاك الله خيرا لاهتماك وارسالي لينك الموضوع
الموضوع ده كبير وكبير بجد ومحتاج اجتماعت تحضيريه لكي يتم تنسيق الادوار بشكل جيد وانا لها ومعكم قلبا وقالبا بكل ذخيرتي
ووعد مني بتقديم النخبه والصفوه وترشيح مبدعين للعمل في هذه المنظومه الرائعه والاكثر من ذلك المساهمه بموضوعات تعليميه في تخصصي مع كل زملائي مدرسي اللغه الفرنسيه في المنتدي
وليكن شعارنا
المبعدون قادمون
ارجو موافاتي بكل جديد ورجاء تحديد موعد لاجتماع تحضيري سريع في الغرفه الصوتيه وثق اني ساقدم لك مبدعون من العيار الثقيل وستنبهر بفكرهم الرائع
جزاك الله كل خير وربنا يجعله في ميزان حساناتك ايها العبقري الجميل

بهاء هاشم

07-12-2008, 12:15 AM

بالتوفيق وانا جاهز لاى خدمة تحت امركم

MohammeD el_SadaT

07-12-2008, 01:32 AM

عبقرينومان

07-12-2008, 01:37 AM

يااااااااااااااااااااااااااااااااااااااااااااااااا ااااااااه

بجد أنا مش مصدق نفسى إن الفكره تم إحياءها من جديد وبدأت تاخد شكل رسمى

بس يارب متبقاش كالعاده ساعتين حماس ويروحو لحالهم

لا حماس ولا فتح

بأذن الله هنشتغل ومن الصبح بأذن الله هنبدأ الخطوة الثانية في فريق التحرير

Mr_ibrahim Mustafa

07-12-2008, 02:00 AM

فعلا احنا محتاجين مجلة......... ولكن ليس لنضع فيها مواد تعليمية ومراجعات وكلام من ده
لا إحنا محتاجين مجلة تعبر عن معلمى مصر عن أحلامهم وطموحاتهم وآمالهم فى المستقبل
مجلة تحافظ على كرامة المعلم وتتصدى لكل من يحاول المساس بها
مجلة تبرز نماذج مشرفة من معلمى مصر الشرفاء وتكون بمثابة درع لنا نحتمى بها من ظلم الظالمين
مجلة تظهر ماهية المعلم المصرى القدير والغلبان فى نفس الوقت تظهر ايجابياته وتعالج سلبياته
مجلة ليست عادية....... بل تكون علامة تاريخية فى هذه الحقبة الزمنية

thechampion

07-12-2008, 02:21 AM

يا جماعة يشرفنى انى اكون عضو فى فريق التحرير

ymymym

07-12-2008, 02:28 AM

فكره جميله جدا ياريت حاجه زي دي تتنفذ

thechampion

07-12-2008, 02:46 AM

ارب بس يتعمل اختبارات للمحررين
وليس بدون دلك

khafmn12

07-12-2008, 02:48 AM

فكرة ممتازة وكلنا معك يا أستاذ أشرف وفى أنتظار ظهور المجلة وفقك الله

أ/ مروان حسن

07-12-2008, 03:24 AM

بسم الله الرحمن الرحيم
بالتوفيق ان شاء الله
بس لي اقتراح بسيط
ان تكون المجلة اسبوعية
وتكون ورقية بأسرع وقت
لأنها لو استمرت على النت لفترة طويلة لن تنجح في تحقيق المردود المنتظر منها فلن تختلف كثيرا عن مضمون المواقع التعليمية
ولكن ان تتحول الى مجلة ورقية فهذا يضمن لها نجاح باهر لأنها ستصل لعدد اكبر مش كل مصر بتستفاد من التعليم الألكتروني (ولا ربعها حتى)

المهم
المسأله فعلا هتبقى رائعه لو المجلة ورقية على الأقل مش هتبقى زي شروحات الجرائد اللي مش بيكون فيها جديد
اخي ا/ أشرف
توكل على الله
واعرف لنا الميزانية المخصصة لطباعة المجلة ولنساهم فيها جميعا لنرى هذا الحلم واعتبرني أول المساهمين
سواء بالمادة العلمية مع كل مدرسي الدراسات والتاريخ واعتبرني اول المساهمين ماديا لو قررتم انشاء شركة مساهمة لتحريدة المجلة التعليمية

تخيلوا معي
تستيقظ صباحا
لتلقى نظرة سريعه على جرائدك الصباحية
فتجد جريدة رائعة التصميم
بعنوان
(( البوابة))
جريدة تعليمية للمرحلة الأعدادية والثانوية يحررها رابطة معلمي مصر

بالتوفيق بأذن الله

thechampion

07-12-2008, 03:29 AM

شكرا استاذمروان
جدا
وانا عايز اشارك بكل جهدى وعايز كمان ابقى محرر

امال عبد الهادى

07-12-2008, 09:46 AM

مستر اشرف يسعدنى المشاركة فى ذلك العمل المبدع الذى سيظهر الكثير من ابداعات الزملاء وان شاء الله سوف افكر فى كيفية المساهمة الفعاله به

اشكرك بالنيابة عن معلمى مصر لاتاحة الفرصة لنا للتعبير عن افكارنا واعمالنا بارك الله فيك وفى منتداك وجعله عاليا وفى مقدمة المنتديات وده احلى عيدية منك لمعلمى مصر

مستر محمد سلامه

07-12-2008, 10:02 AM

فكرة رائعة أ/ اشرف

وائل عرفه

07-12-2008, 10:12 AM

على بركة الله
واحنا موجودين في اي مشاركه مطلوبه منا في هذا الموضوع
بارك الله فيك

باهى فوزى فخرالدين

07-12-2008, 10:47 AM

فكرة جميلة جدا واتمنى أن اكون من الذين يقدمون اللغة العربية مع زملائى الأعزاء مدرسى اللغة العربية
باهى فخرالدين

Mr.Ahmed Fadel

07-12-2008, 12:57 PM

فكرة رائعة ولكن تحتاج الى الكثير من الترتيبات حتى تخرج بشكل جيد

m.medhat ramadan

07-12-2008, 10:00 PM

الفكرة رائعة جداُ جدا ربنا يوفقنا جميعاُ إلي عمل الخير

محمود حسن عبدالعال

07-12-2008, 10:34 PM

فكرة ممتازة جدا
وبنا معكم
وجعلكم الله لنا زخرا

محمد حسن ضبعون

07-12-2008, 10:35 PM

يسعدنى الأنضمام
قسم مادة العلوم
للمرحلة الأعدادية
والله ولى التوفيق

محمد عبد العظيم وسية

07-12-2008, 10:41 PM

من أجل ألا نتكلم كثيرا ...

ونضيع الوقت في الاقتراحات

.. يجب فورا

تشكيل رئيس تحرير ..
ومحررين ..
ورؤساء أقسام للمجلة ..

من أنشط الأعضاء ..

ونبدأ في توزيع المهام ..

ويجب أن يكون غلاف المجلة متميزا جدا ..

ويجب أن يكون أول عدد غاية في الروعة والإتقان ..

ــــــــــ
ونسيت ..

هي فكرة أكثر من رائعة ..
وتنفيذها بإذن الله ليس صعبا ..

وفقكم الله ..
وأنار بصيرتكم ..
ووزقكم الخير أينما كنتم ..

محمد حسن ضبعون

07-12-2008, 10:46 PM

عبدالمجيد يوسف

08-12-2008, 01:14 AM

الله الموفق ويسعدني الانضمام اليكم

mr.osama

08-12-2008, 05:08 AM

أرجو أن أساعد في هذا العمل الرائع والمتميز فأنا لي خبرة في مجال الصحافة حيث عملت في مجال الصحافة كمحرر بجريدة مصر ومجلة صوت الشرقية وجريدة أخبار الشرقية بجانب مراسلتي لفترة طويلة لمجلة الأهرام الرياضي.

مسيو محمد البيلى

08-12-2008, 08:00 AM

فكره اكثر من رائعه وانا معكم دائمااااااااااااااا
وكل عام وانتم بخير

محمد رضوان علي

08-12-2008, 10:19 AM

فكره جميله نرجو من الله الاعانه علي تنفيذها

روميو

08-12-2008, 05:41 PM

بجد فكرة رائعة جدا جدا جدا

وياريت اكون معاكوا فيها وبجد ياريت تتحقق الفكرة دى

Drowns in a sea grief

08-12-2008, 08:11 PM

طبعا الفكرة فى غايه الجمال و الروعه
و ان شاء الله تتنفز
و طبعا ان بسم الله ما شاء الله
ردى فى اول صفحة و اول رد:(
امسكوا الخشب بس علشان الحسد
و طبعا مشرفه فشله مش نفعه خالص
عرفه والله من غير متلفوا:confused:
لكن فعلا الرساله اللى بعتهالى يا استاذ اشرف
مظهرتش عندى خالص والله غير لما دخلت ابعت رساله
فشفت الرسلتين بعتذر عن تقصيرى
و هحاول ان شاء الله اعالج التقصير
و يكون فى جديد ان شاء الله

ayooosh

11-12-2008, 07:04 PM

فكره المجله دى جميله
ومحتاجه مجهود وان شاء الله ربنا يوفقكم
وانا ان شاء الله معاكم ومش هتاخر

gamal saber

11-12-2008, 07:31 PM

الفكرة حلوة يا استاذ اشرف
لاكن التنفيذ لازم يكون بنظام معين
لحد دلوقتى مفيش اى نظام لتحديد اقسام المجلة
او الموضوعات الى هتتقدم فيها او المجموعة الى هتشارك فى المجلة
لان مش معقول كل الاعضاء هيكتبو فى المجلة ومش معقول بردو كل الى ردو هنا يكتبو فيها
وعموما بالتوفيق ان شاء الله وان احتاجتم اى حاجة فى مجال القانون قسم كليات الحقوق تحت امركم
gamal saber

Not Allowed

11-12-2008, 07:34 PM

فكرة جميلة جدآ بالتوفيق بأذن الله

wafa2y

17-12-2008, 08:17 PM

السلام عليكم
فعلا يا أشرف الفكرة دي كان نفسنا فيها من أول ما عرفنا الموقع
و إن شاء الله نقدر ننفذها كمجلة بتتباع
كمجلة تعليمية و موضوعات عامة
علي الأقل هنخاطب فيها ناس من سننا و أصغر مننا
و أنا معاكم إن شاء الله في الأجازة بأي حاجة ممكن أقدمها
و ياريت أعرف أعمل أي حاجة للمنتدي
اللي هو بيتي
و أنا بسجل مروري و إني معاكم إن شاء الله
بعد الإمتحانات و اللخبطة دي
و إدعولي بالله عليكم
أخوكم
محمود