عيد مختلف مع موقع الثانوية وعبقرينو [الأرشيف] - بوابة الثانوية العامة المصرية

عبقرينومان

06-12-2008, 03:20 PM

السلام عليكم

العنوان مش ليه دعوة بالموضوع صح

المهم انا هتكلم هنا زي ما هتتكلموا عن العيد

العيد في مصر مختلف عن اي بلد

بمعنى ان العيد يبقي ليه شكل تاني وهيصة وفرحة وبهجة وزيارات وخروجات وزحمة غير اي بلد عربي اخر

وكمان تلاقي كل بيوت مصر من امبارح ناشرة الغسيل والملايات والمفارش

كله بينظف البيت وبيروقه وكأنه مش هينظفه تاني

طيب فين النظافة دي على طول يعني علشان العيد

وكمان العيد الكبير بيكون ليه بهجة عن العيد الصغير

يعني من كام يوم وآدم مشتاق للعيد وبيسألني كل شويا عن العيد بيفكرني بأيام زمان

لانه بصراحة العيد واحنا صغيرين بس واحنا بنلعب ونأخذ العيدية

واحنا بنفكر ازاي هنصرف العيدية وهنحوش منها ولا هنصرفها كلها

طيب هنجيب بيها ايه

وكمان اجمل حكاية الايام دي بعد صلاة العيد ونسلم على بعض

وتبدأ تلف على الحبايب والأقارب والصحاب

وبالليل تحلى الخروجة مع الأهل

بس بصراحة انا بقضي العيد في بيت ابويا

والسنة دي العيد له مذاق خاص علشان كمية الرسائل الخاصة الرهيبة اللي وصلتني بتهنئة العيد

انت ايه حكايتك في العيد

وبتعمل ايه في العيد

والبيت عندكم اتروق ولا لسا

والخروف اشتريت ولا هتشتري لحمة

وكمان اخبار العيد معاك زي زمان وانت صغير ولا خلاص مش بقي ليه طعم معاك

وفي النهاية احب اقول لكل اهل غزة احنا فاكرينكم وبنقول لكم كل عيد وانت اصمت واقوي في وجهة الاحتلال

وحسبي الله في كل من حرم حجيج غزة من الحج هذا العام

وكمان ايه رايكم في لوجو الموقع بتاع العيد عجبكم

ومستني كل واحد يقولي ويحكيلنا عن العيد

..Just Stop

06-12-2008, 03:34 PM

عيد يا عيديا عيد
راحت فين ايام العيد

:::::::::::::::
اكيدطبعا يا عبقر العيد هنا مختلف

لسنا الوحيدون ولكننا الافضل:d

البيوت متروقة والغسيل منشوروزمانه نشف والهدوم مكوية

واللحمة فى التلاجة بقالها اسبوعd

والفلوس اتفكت لجنيهات واربع:d

والحياة ماشية تمام

:::::::::::::::::

بس احلى حاجة فى العيد هيا صلاته

هيا دى فرحة العيدبالنسبة ليا

بعدها بندوخ سبع دوخات على اهالينا وحنا بنهنيهم بالعيد
بس العيدمبقاش ز الاول
لان النفوس اتغيرت
ربنا يجعل ايامناكلها اعياد
::::::::::::::::::::
ويا اهل فلسطين
انتم المنصورون ان شاء الله
لعله يكون اخر عيد فى حصاركم
ربنا معاكو
شكرا يا عبقر على الموضوع
ودمت فى رعاية الله
وكل
عام
وانت الى الله اقرب وعلى طاعته ادوم

the black rose

06-12-2008, 03:50 PM

مش عارفة ليه العيد السنادى فرحانة بيه اوى
بالنسبة للترويق و الكلام ده انا مليش دخل بيه :romarioxp6:
انا ثانوية :slap1qk6:
يمكن العيد السنادى حلو عشان هعمل حفلة يوم ميلادى تانى يوم العيد
و عازمة ناس كتييييييير و فرحانة اوى انى هشوف اصحابى و نتجمع قبل ما ندخل الجامعة
و كمان كنت فرحانة بعيدميلادى فى المنتدى هنا اوى ( ثانكس لمى )
و يمكن فرحانة عشان هاخد اجازة من الدروس :d
و فرحانة عشان حبايبى كلهم حوليا ربنا ما يحرمنى منهم :friendsxs3:

بس المهم نفتكر غزة
ربنا يحميها و يجمع شملكم
و ينصرهم على اعدائهم

شكرا عالموضوع بس انا حاسة ان مكانه اهدائات

EnG.BeLaL

06-12-2008, 03:54 PM

مش عارف ليه كل لما اكبر كل لما بهجة العيد عندي بتقل
بس احلى حاجة فيه اني بنام براحتي
و اني بكلم صحابي كلهم و كل البعيد بيسأل
و طبعا مش عايزين نتكلم عن اللحمة :av4056bb7jp3:
بس نفسي ارجع للعيد زمان و اللعب و الالعاب و اللي كنت بشتريها :romarioxp6:هههههههههه
و الله احلى ايام الطفولة دي لما كان يبقى العيد بكرة كنت ببقى طاير من الفرحة
و كان يوم الوقفة احلى عندي من ايام العيد كلها كان ليه مذاق خاص من كتر الفرحة
و غير كده كان معايا بابا ( الله يرحمه ) كان بيبقى احلى عيد
لكن كل لما اكبر الايام بتفرق و الناس بتبعد و تتغير
و الله يا استاذ اشرف فكرتني بالذي مضى

بس مهما كان العيد ليه فرحة في قلوبنا لازم منساش اخواننا اللي بيقضوا العيد و هما
محاصرين و لازم ندعيلهم ربنا ينصرهم و العيد الجاي تبقى فلسطين حرة بإذن الله

همس

06-12-2008, 03:58 PM

ربنا يبارك في حضرتك يا استاذ اشرف

عجبني الموضوع جدا

صراحة
والله احنا لسا هنضف البيييييت بكرة .. البيوت بيتنضف علاطول يا استاذ اشرف

بس تنضيف العيد بيبقى غير .. البيوت بتنقلب رأساً على عقب وهي بتتنضف ايام العيد

* العيد بالنسبة ليا صلاة وفقط

يعني انا كل عيد الي بعمله اني بصلي وبقف قدام المصلى اسلم على اصحابي والناس الي اعرفهم وخلاص واروح

ويا سلام على القعدة في البيت :av4056bb7jp3:

بخرج صحيح اول يوم:av4056bb7jp3:

بس من اودة لاودة تانية في البيت

هههههههه

فكرتني والله بالعيد بتاعي:romarioxp6:

عيد مميز جدا

مش بلف على حد ولا بروح اسلم على حد

وزي ما قال محمود

النفوس مش بقت زي الاول .. للأسف

حتى اقاربي كل واحد فينا في منطقة غير التاني

يعني نعيد على بعض بالتليفون وبس

واذا قدرنا نتنفق ونتجمع يبقى خير وبركة

بس اغلب المرات بيبقى لأ

صراحة ..

من زمااااااااااااااااااااااان اوي اوي اوي

وانا مش بحس بالعيد

كفاية بعد والدي عننا

بجد الاعياد كلها مش ليها طعم ولا لون ولا اي معنى من غير ابي

ربنا يخليه ليا

...

بجد احلى حاجة انك تبقى مع والدك ووالدتك يوم العيد

صحيح والدتي معانا

ربنا يكرمها ويحفظها ونقدر نرد ليها الجميل .. لانها الاب والام في نفس الوقت

بس برده والدي اكيد لو كان معايا

كان هيبقى العيد احلى

دا تاسع عيد مش اقضيه مع ابي :(

ربنا يخلي لكل واحد في المنتدى والده ووالدته واخواته

وكل عام وانتم بخير جميعا

ربنا يجعل ايامنا كلها اعياد

وزي ما قال محمود

يا اهل فلسطين
انتم المنصورون ان شاء الله
لعله يكون اخر عيد فى حصاركم
ربنا معاكو

كل عام وانت بخير يا استاذ اشرف وربنا يعيده علينا وعليك بالخير

تقبل مروري المتواضع :)

همس

06-12-2008, 04:00 PM

مش عارفة ليه العيد السنادى فرحانة بيه اوى

بالنسبة للترويق و الكلام ده انا مليش دخل بيه :romarioxp6:
انا ثانوية :slap1qk6:
يمكن العيد السنادى حلو عشان هعمل حفلة يوم ميلادى تانى يوم العيد
و عازمة ناس كتييييييير و فرحانة اوى انى هشوف اصحابى و نتجمع قبل ما ندخل الجامعة
و كمان كنت فرحانة بعيدميلادى فى المنتدى هنا اوى ( ثانكس لمى )
و يمكن فرحانة عشان هاخد اجازة من الدروس :d
و فرحانة عشان حبايبى كلهم حوليا ربنا ما يحرمنى منهم :friendsxs3:

بس المهم نفتكر غزة
ربنا يحميها و يجمع شملكم
و ينصرهم على اعدائهم

شكرا عالموضوع بس انا حاسة ان مكانه اهدائات

ربنا يجعل كل ايامك افراح يا شيرين :)

كل سنة وانتي طيبة يا حبيبة قلبي

انا شايفة ان الموضوع يفضل هنا في العام احسن

عشان الكل يشوفه ويقول تعليقه

وبعد كدا نبقى ننقله الاهدائات

Not Allowed

06-12-2008, 04:06 PM

العيد جميل اوى بصلاتة

بس مش عارف لية انا حاسس ان كل سنة بتتقدم العيد بيبقى زى اى يوم عادى ربنا يجعل ايامنا سعيدة يارب

الرحمة حلوة

06-12-2008, 04:23 PM

اولا كل سنة وانتم طيبين وكلكم بخييييييييييييير
العيد هو الصلاة طبعا ممكن مانمش يوم الوقفة وبنتجمع انا وصحباتى ونروح نصلى والصبح
كده والناس كتير بيبقى المنظر بجد تحفة
وعن التوضيب والترويق الحمد لله كله تمام التمام
بس انا محططشى ايدى فى اى قشاية فى البيت
والخروف السنة ده اترحم لاننا هنشترك فى عجل
وطبعا فى العيد بروح عند عمى وخلانى ونتقابل كلنا
المهم ان انا مش حاسة بالعيد اوى لان ورايا حاجات ماتتلم وامتحانات وواجبات وبلاوى سورى
فالاساتذة مستنين العيد على احر من الجمر عشان يشونا :abdoog8:
وربنا يستر
وطبعا الدعاء لاخواننا فى غزة ربنا يفك اسرهم وينتقم من اليهود يارب

عبقرينومان

06-12-2008, 04:41 PM

عيد يا عيديا عيد

راحت فين ايام العيد

:::::::::::::::
اكيدطبعا يا عبقر العيد هنا مختلف

لسنا الوحيدون ولكننا الافضل:d

البيوت متروقة والغسيل منشوروزمانه نشف والهدوم مكوية

واللحمة فى التلاجة بقالها اسبوعd

والفلوس اتفكت لجنيهات واربع:d

والحياة ماشية تمام

:::::::::::::::::

بس احلى حاجة فى العيد هيا صلاته

هيا دى فرحة العيدبالنسبة ليا

بعدها بندوخ سبع دوخات على اهالينا وحنا بنهنيهم بالعيد
بس العيدمبقاش ز الاول
لان النفوس اتغيرت
ربنا يجعل ايامناكلها اعياد
::::::::::::::::::::
ويا اهل فلسطين
انتم المنصورون ان شاء الله
لعله يكون اخر عيد فى حصاركم
ربنا معاكو
شكرا يا عبقر على الموضوع
ودمت فى رعاية الله
وكل
عام

وانت الى الله اقرب وعلى طاعته ادوم

فعلا من اجمل حاجة في العيد صلاته

وكل عام وانت اقرب الى الله ومن الصالحين

عبقرينومان

06-12-2008, 04:43 PM

مش عارفة ليه العيد السنادى فرحانة بيه اوى

بالنسبة للترويق و الكلام ده انا مليش دخل بيه :romarioxp6:
انا ثانوية :slap1qk6:
يمكن العيد السنادى حلو عشان هعمل حفلة يوم ميلادى تانى يوم العيد
و عازمة ناس كتييييييير و فرحانة اوى انى هشوف اصحابى و نتجمع قبل ما ندخل الجامعة
و كمان كنت فرحانة بعيدميلادى فى المنتدى هنا اوى ( ثانكس لمى )
و يمكن فرحانة عشان هاخد اجازة من الدروس :d
و فرحانة عشان حبايبى كلهم حوليا ربنا ما يحرمنى منهم :friendsxs3:

بس المهم نفتكر غزة
ربنا يحميها و يجمع شملكم
و ينصرهم على اعدائهم

شكرا عالموضوع بس انا حاسة ان مكانه اهدائات

انتي مش ملاحظة ان يوم ميلاد اتعمل في الموقع مرتين

ولسا كمان هتعملي في البيت كمان

طبعا لازم تفرحي علشان مفيش دروس

ده احنا كنا بنستنى العيد علشان نريح من المذاكرة

وكل سنة وانتي بخير وصحة

ENG:3assoma

06-12-2008, 04:53 PM

أولا : كل سنه وكل الناس الحلوة دي بخير .
ثانيا : الموضوع بسيط خالص الناس حاسه ان العيد مختلف السنه دي علشان المنتدى بقى أحسن كتيـــــــــر من السنه اللي فاتت بس.

GooD LucK

نسمة هوى

06-12-2008, 04:56 PM

**تسابيح**

06-12-2008, 05:04 PM

انت ايه حكايتك في العيد
انا فكرة زمان وانا في ابتدائي كنت ببقي عايزة الصبح يجي بسرعة
عشان اروح أصلي وتفسح وخرج وروح اتصور ولعب بقا (أيام زمان بقا)

وبتعمل ايه في العيد
في الوقت الحالب هقعد في بتنا بعمل بالعمل اللي بيقول(من خرج من داره اتقل مقداره)

والبيت عندكم اتروق ولا لسا
طبعا من زمان هي الوالدة هتسيبه لحد دلوقتي

والخروف اشتريت ولا هتشتري لحمة
اه الخروف اشتري وهندبحه انا بحب اتفرج عليه وهو بيدبح

وكمان اخبار العيد معاك زي زمان وانت صغير ولا خلاص مش بقي ليه طعم معاك
اه صح لاطعم ولا ريحة كل لما الواحد يكبر كل لما يفقد الاحساس بالعيد مش بقا ليه بعم الحاجة
اهم حاجة في العيد دا العيدية دي الحاجة الوحيدة اللي مهما حصل مش هتنازل عنها

وفي النهاية احب اقول لكل اهل غزة احنا فاكرينكم وبنقول لكم كل عيد وانت اصمت واقوي في وجهة الاحتلال
يارب ربنا يحررهم قريب اووووووووووووووووووووي

وحسبي الله في كل من حرم حجيج غزة من الحج هذا العام
امممممممممممممممين

وكمان ايه رايكم في لوجو الموقع بتاع العيد عجبكم
اووووووووووووووووووووووي بجد جميل
شكرا علي الموضوع يااستاذ أشرف مفروض بقا تعزم المنتدي كله علي العيد عند حضرك طبعا واهم حاجة العيديه:):)

أحمـدنجـم

06-12-2008, 05:07 PM

أنا هرد بسرعة عشان أقوم أصلي المغرب ,, وانا هتكلم بالعامية طبعاً انتم اتعودتم اتكلم بالفصحى بس بصراحة عاوز ارجع لطفولتي شوية واكيد وأنا عيل مكنتش بتكلم بالفصحى ..
اولاً انا بشكر أخي اشرف على الموضوع البسيط الرائع الي بينكش الذاكرة وبياخدنا لأيام زمان ايام فرحة الطفولة بالعيد .. والعيدية واللعب والفرحة .. يااااااااه كانت ايام بجد رائعة .. بصراحة اقولكم حاجة انا في العيد بتمرجح مع أولادي قال ايه باخد بالي منهم وانا بيني وبينكم ببقى عايز اركب المراجيح والعب زيهم بالظبط اشمعنى هما يعني حتى وانا بشتري ليهم اللعب ببقى نفسي اجيب لنفسي انا كمان لعبة .. بس بصراحة مجرد ان اشوف الفرحة في عيونهم بتدخل في قلبي فرحة اكبر من فرحتي ايم زمان .. بجد الأولاد نعمة من ربنا وعاطفة الأبوة عاطفة رائعة ..
السنة دي المسألة مختلفة شوية .. لأني ليا أسرة جديدة وكبيرة اوي .. هي اسرة المنتدى تصدقوني والله .. أنا بحس بجد اني في وسط أهلى وعيلي وصحبتي اللي هي أجمل صحبة في الدنيا .. وانا معجب جداً باللوجو الجديد بتاع العيد .. ومعجب بالروح الجميلة اللي بين الأعضاء .. ومبسوط جداً إن السنة دي ليا أسرة كبيرة جداً متفرعة في أنحاء مصر كلها .. يااااااااااه مين في الدنيا أدي ولا أسرته اد اسرتي ؟

ربنا يخليكم ليا يا رب .. وكل سنة وانتم طيبين ..

يلا بقى عشان الصلاة .. سلاااااااام:)

عبقرينومان

06-12-2008, 05:48 PM

مش عارف ليه كل لما اكبر كل لما بهجة العيد عندي بتقل

بس احلى حاجة فيه اني بنام براحتي
و اني بكلم صحابي كلهم و كل البعيد بيسأل
و طبعا مش عايزين نتكلم عن اللحمة :av4056bb7jp3:
بس نفسي ارجع للعيد زمان و اللعب و الالعاب و اللي كنت بشتريها :romarioxp6:هههههههههه
و الله احلى ايام الطفولة دي لما كان يبقى العيد بكرة كنت ببقى طاير من الفرحة
و كان يوم الوقفة احلى عندي من ايام العيد كلها كان ليه مذاق خاص من كتر الفرحة
و غير كده كان معايا بابا ( الله يرحمه ) كان بيبقى احلى عيد
لكن كل لما اكبر الايام بتفرق و الناس بتبعد و تتغير
و الله يا استاذ اشرف فكرتني بالذي مضى

بس مهما كان العيد ليه فرحة في قلوبنا لازم منساش اخواننا اللي بيقضوا العيد و هما

محاصرين و لازم ندعيلهم ربنا ينصرهم و العيد الجاي تبقى فلسطين حرة بإذن الله

اكيد كل ما نكبر تروح فرحة العيد في اللعب ولكن تزيد فرحة العيد بالصلاة وتواصل المسلمين

وفلسطين حرة لانها ما زالت صامتة امام كل اعداء الامة الخارجين والدخلاء

mR . mOstafa Fathi

06-12-2008, 05:49 PM

عبقرينومان

06-12-2008, 05:51 PM

the black rose

06-12-2008, 07:09 PM

ربنا يجعل كل ايامك افراح يا شيرين :)
ثانكس يا نيدو ( مش نيدو ده اسم لبن :d)
كل سنة وانتي طيبة يا حبيبة قلبي

و انتى طيبة يا قمر :blush:
انا شايفة ان الموضوع يفضل هنا في العام احسن
هو اتنقل خلاص ;)
عشان الكل يشوفه ويقول تعليقه

وبعد كدا نبقى ننقله الاهدائات
اهو قعدله شوية اهوه :078111rg3:

the black rose

06-12-2008, 07:23 PM

انتي مش ملاحظة ان يوم ميلاد اتعمل في الموقع مرتين

ايون و هعمله فى البيت مرتين برده :d
ولسا كمان هتعملي في البيت كمان
ايه الحقد ده :romarioxp6:
طبعا لازم تفرحي علشان مفيش دروس

اه الحمدلله :av4056bb7jp3:
ده احنا كنا بنستنى العيد علشان نريح من المذاكرة
مين احنا :confused:
ده على اساس ان حضرتك بتذاكر :unsure:
وكل سنة وانتي بخير وصحة
و حضرتك بخير ان شاء الله :078111rg3:

عبقرينومان

06-12-2008, 08:26 PM

ربنا يجعل كل ايامك افراح يا شيرين :)

كل سنة وانتي طيبة يا حبيبة قلبي

انا شايفة ان الموضوع يفضل هنا في العام احسن

عشان الكل يشوفه ويقول تعليقه

وبعد كدا نبقى ننقله الاهدائات

وانا شايف كدا برضوا وعلشان كدا بعد اذن المشرفة ترافيل هنقل الموضوع للعام تاني

عبقرينومان

06-12-2008, 08:28 PM

العيد جميل اوى بصلاتة

بس مش عارف لية انا حاسس ان كل سنة بتتقدم العيد بيبقى زى اى يوم عادى ربنا يجعل ايامنا سعيدة يارب

طبعا الصلاة اجمل شيء في اليوم

وكمان صلة الرحم

وكل سنة وانت طيب

بس شكل العيد عندك عادي خالص

عبقرينومان

06-12-2008, 08:32 PM

اولا كل سنة وانتم طيبين وكلكم بخييييييييييييير

العيد هو الصلاة طبعا ممكن مانمش يوم الوقفة وبنتجمع انا وصحباتى ونروح نصلى والصبح
كده والناس كتير بيبقى المنظر بجد تحفة
وعن التوضيب والترويق الحمد لله كله تمام التمام
بس انا محططشى ايدى فى اى قشاية فى البيت
والخروف السنة ده اترحم لاننا هنشترك فى عجل
وطبعا فى العيد بروح عند عمى وخلانى ونتقابل كلنا
المهم ان انا مش حاسة بالعيد اوى لان ورايا حاجات ماتتلم وامتحانات وواجبات وبلاوى سورى
فالاساتذة مستنين العيد على احر من الجمر عشان يشونا :abdoog8:
وربنا يستر

وطبعا الدعاء لاخواننا فى غزة ربنا يفك اسرهم وينتقم من اليهود يارب

اكيد شكل طيب وتجمع كبير للمصلين بعد الصلاة

كل بتاع ثانوي بيدلعوا ومش بيعلموا حاجة في البيت بحجة انهم ثانوي عام

وبيني وبينك الخروف فعلا اترحم

وربنا يكون في عون المدرسين هيسترحوا شويا

وكل سنة وانتي بخير وسعادة

bosy .. mostafa

06-12-2008, 09:06 PM

بسم الله الرحمن الرحيم
السلام عليكم
كل سنه و انتم طيبين كلكم يارب .. و عيد سعيد عليكم ان شاء الله
و بأمر الله كلنا نقضي عيد زي الفل :)
بالنسبه لي بقى العيد ده انا حاسه انه مختلف عن اي عيد تاني مش عارفه ليه ؟
يمكن عشان ليلى بنت اخويا جت للدنيا ولا عشان العيد الجاي بأمر الله هكون في الجامعه و هستريح من المدرسه اللي اتفصلت منها :d -ان شاء الله- ولا يمكن عشان مش راح اقضيه في بيتنا زي كل سنه :d:d
بس اجمل لحظه في العيد بجد .. هي صلاة العيد
لإني بنزل قبل الصلاه بخمس دقايق و بتكون الجوامع هتبدأ تصلي و انا ببقى قاعده ادور على مسجد لسه مبدأش خصوصاً و انه مافيش مسجد لازق في بيتي .. تقول ايه في الكسل على ما بصحى :d

اما بالنسبه للترويق و الشقه و كده .. الحمد لله خلصنا امبارح بس بعد عناء :slap1qk6:
الشقه كنت عايزه ارميها كلها اصلا و ادخل انام :d
و كنت بعمل حاجه من هنا و اقرا ورقة فيزيا من الناحيه التانيه .. يعني بذاكر و بعمل الشقه في وقت واحد << قدرات بقى :d

يلا كل سنه و انتم طيبين و في صحه و سلامه يارب
و ماتنسوش موعد الاستحمام السنوي :d

قالوا الوداع قولت قشطة

06-12-2008, 09:40 PM

كل سنه وانتا بألف صحه وسلامه
والله الواحد كل ما كبر كل ما صغر العيد
اهوه زي ما انتا شايف فيه عيد وناس وكلام من دا بس مفيش فرحه زي زمان

الواحد بقا يحاول يصنع الفرحه بنفسه علشان يعرف يعيد
وكل سنه وانتا طيب

عبقرينومان

07-12-2008, 01:42 AM

أولا : كل سنه وكل الناس الحلوة دي بخير .

ثانيا : الموضوع بسيط خالص الناس حاسه ان العيد مختلف السنه دي علشان المنتدى بقى أحسن كتيـــــــــر من السنه اللي فاتت بس.

good luck

الموضوع ابسط من كدا علشان انت معانا بمشاركاتك السنة دي

شفت العيد احلي معاك ازاي

كل سنة وانت طيب

عبقرينومان

07-12-2008, 01:46 AM

انا الصراحة عن نفسى بحب العيد الضغير اكتر من العيد الكبير بس انا مش عارفة انا مش فرحانة ان العيد جة يعنى بنسبالى عادى خالص اما العيدية انا بخدها فى العيد الصغير بس و العيد الكبير بابا بيقلى دة مش للععديات دة للحمة بس انا باخد برضوا بس ادعولى اكون فرحانة بالعيد عشان انا الايام دى مكتئبة خالص

هو انتي لسا بتأخذي عيدية

طيب والله كويس

تعرفي ان العيدية زمااااان كنا بنفرح بيها وبنعقد نحسب بقي عمي اعطاني كام وسيدي وخالي وهكذا

واللي ما يعطنيش عيدية كنت بقول عليه ده جلدة وبخيل وبقول لوالدي ده فلان بخيل ومش عطاني حاجة

المهم ربنا يفك الاكتئاب العام اللي عندك ده وتفرحي بالعيد زي كل سنة

الرهينه

07-12-2008, 01:54 AM

قبل ما ارد على اسئلة حضرتك .. احب اقول ان العنوان بجد صح بكل المقاييس .. اعياد كتير عدت ماكنتش حاسه بفرحة خالص بس بجد العيد ده مختلف احلى كتير ..

:av4056bb7jp3:

انت ايه حكايتك في العيد

وبتعمل ايه في العيد

العيد ده لسه مش عارفة بس استحمال اخرج تالت يوم:)

والبيت عندكم اتروق ولا لسا

لا ومش هيتروق اخواتى يا عينى مطحونين ف المذاكرة والامتحانات :(وطبعا انا ماليش ف الحاجات دى خالص :)

والخروف اشتريت ولا هتشتري لحمة

لا السنادى مش هندبح هنشترى

وكمان اخبار العيد معاك زي زمان وانت صغير ولا خلاص مش بقي ليه طعم معاك

وفي النهاية احب اقول لكل اهل غزة احنا فاكرينكم وبنقول لكم كل عيد وانت اصمت واقوي في وجهة الاحتلال

وحسبي الله في كل من حرم حجيج غزة من الحج هذا العام

حسبى الله ونعم الوكيل .. ربنا يفك اسرهم يارب :(

وكمان ايه رايكم في لوجو الموقع بتاع العيد عجبكم

جامد جداااااااااااااا

الاستاذ محمد سرور

07-12-2008, 02:05 AM

شمس بياض

07-12-2008, 02:36 AM

احبتى فى الله رئيس مجلس اداره المنتدى والمديران وجميع هيئه الاشراف وجميع الاعضاء

السلام عليكم ورحمه الله وبركاته وكل عام وانتم الى الله اقرب وعلى طاعته ادوم

طبعا العيد صلاه كما قلت اخى عبقر

لكن عندينا فى القريه الحريم ملهاش مصلى الا ان الجيل الجديد وايضا سكان غير اهل القريه بنات وحريم يخرجون للصلاه خلف الرجال

اما انا فالتزم البيت واقوم باعداد اللحمه اللى هاتتاكل بد الصلاه من الزوار

وبعدين بنروح البيت الكبير وندبح العجل على الضهر العصر كده فى وسط جمع غفير من الاطفال وشباب وبنات العيله وطبعا البنات والحريم بيتدبسوا فى تنضيف الاحشاء
بس انا بهرب من المووضوع دا باستقبالى للضيوف
من البنات والحريم طبعا والرجاله بتبقى فى المندره

طبعا اغلعيد ده لهطعم تانى لانى السنه دى مشتركه فى اجمل واغلى منتدى والحمد لله منتدى يحوز احترام الجميع

وايضا بنتجمع ذى ما قلت

بالنسبه للتنضيف باقوم بيه على مراحل دلوقت لسه يادوب مخلصه غسيل هانعمل ايه بقى كسل

ربنا يعين
بكره ان شاء الله للعباده وتقبل الله منا ومنكم والمسلمين صالح الاعمال
اللهم انصر اهل غزه وحرر الاقصى وفلسطين واجعل رايه الاسلام خفاقه عاليه بهمه شباب المسلمين
وكل عام وانتم طيبين

MohammeD el_SadaT

07-12-2008, 02:37 AM

العيد
بصراحه أنا مش عيدت من 2 ثانوى لأنى بفضل سهران طول الليل أصلى وأنا سطيحه للضهر أو العصر أصحى بعد العيد

وكمان بينى وبينك بخاف أمشى فى الشارع بيبقى حرب العيال الصغيره بالبنادق الخرز مش راحمين حد فبان أحسن
:)

Rera

07-12-2008, 02:45 AM

السلام عليكم ورحمة الله وبركاته

كل سنه والمنتدى بخير دايما

انا العيد بالنسبة ليا ميكونش ليه طعم من غير صلاته وياسلام وانت قاعد فى المسجد بتكبر وتروح تسلم على الشيوخ ويفضلوا يدعولك
وانا العيد ده كللللله خروجات فى كل الايام هخرج يعنى هخرج
والعيديه كل لما بكبر بتكبر معايا ويلا سلام كترت عليكم

ياااااااااااااااااااااااااااااااااااااارب ينصر اهل غزة وفلسطين يااااااااااااااااااااااااااااارب

emoo

07-12-2008, 02:53 AM

انا العيد بالنسبالى مش عيد للاسف
قبله امتحانات و بعده امتحانات
يعنى الاسبوع اللى بعد العيد علاطول حد و اتنين و خميس و الحد و الخميس و السبت اللى بعدهم امتحانات عملى و اسبوع و ابدأ فى النظرى

فحاجه تجيب اكتئاب الصراحه
خصوصا انى لازم اذاكر بعد ما درجة ماده فى الميد تيرم نزلت انهارده و جابتلى اكتئاب

ريم البنا

07-12-2008, 04:24 AM

اولا كل عام وانتم بخير
احسن حاجه عندي في العيد الصلاه والتكبيرات
وبعدين اسلم واهني اصحابي والاهالي بعد الصلاه
و الكبيرات بحب اسمعها طووووووول العيد
ولو مسمعتهاش مش بحس بالعيد
وبعدين الدبيحه بس بتصعب عليا قوي لما تدبح
بس بحب قوي اوزعها لها فرحه
كبيره قوي
بالنسبه لتنظيف البيت
ده الحمد لله عند ماما طووووووول السنه
بس بيزيد الايام دي
اما العديه
بتحرج قوي لما بخدها
حتي من جدو حبيب قلبي
بس نا مش حاسه بالعيد
علشان اخويا مش معنا
مسافر بيشتغل محاسب في السعوديه
وصراحه العيد من غيره مالوش طعم خالص
وبقضي العيد دايما طول النهار في بيتنا
ومككن بالليل اروح لاقاربي
او ممكن نسهر ولب بقي وسوداني
ومكسرات
اما لوجو المنتدي جميل قوي
وكمان الرسائل الي بنرسلها في المنتدي لبعض
جميله قويييييييي
بس العيد له طعم تاني واحنا صغيرين
نفسي اصغر تاني
وحسبي الله ونعم الوكيل في الي منع
حجيج
غزه ها العام وربنا يفك اسرهم يارب
واخر حاجه اقوله
ان ده احسن منتدي عندي
وكل سنه وجميع اعضاء ومشرفين المنتدي الغالي بخير

JusT DreaM

07-12-2008, 08:25 AM

وكمان بينى وبينك بخاف أمشى فى الشارع بيبقى حرب العيال الصغيره بالبنادق الخرز مش راحمين حد فبان أحسن
وانا بخاف امشي في الشارع عشان كده:d
ومش العيال الصغيرين وبس
العيال الكبار ليهم دور بلسانهم بدل البنادق:mad:
العيد السنادي انا بدعي انه بيقى جميل بس مش حاسة بكده
مستنياه زيك ياشيريو عشان هعمل عيد ميلادي بس اول يوم
قرايبنا كلهم بيتجمعو عندنا قبل الضهر
ده بيبقى احسن وقت في العيد
او تقريبا هو ده العيد
بس السنادي ناوية اخليه مختلف بحكاية عيد ميلادي
يارب يبقى يوم جميل:)
بالنسبة للتنضيف انا مليش في الحوارات دي بس هما خلصو
اللهم انصر اهل غزه وحرر الاقصى وفلسطين واجعل رايه الاسلام خفاقه عاليه بهمه شباب المسلمين

امين يارب
ربنا بنصر الاسلام في شتى بقاع الارض

واللوجو الجديد حلو جدا:)

فداك يا مصر

07-12-2008, 08:32 AM

تهانينا لكل أعضاء المنتدى وكل عام وأنتم بخير ............
أنا أول مرة أعيد في مصر ، أنتظر المفاجات اللي هتحصل بس أعتقد انه هيكون أحسن من العيد الصغير ..

عبقرينومان

07-12-2008, 12:56 PM

عبقرينومان

07-12-2008, 12:59 PM

عبقرينومان

07-12-2008, 01:01 PM

.. .. السلام عليكم .. ..
كل سنه وانت طيب يا استاذ اشرف
يعنى الواحد فى العيد كل ما بيكبر مش بيحس بالعيد وكدا
انما بعد الصلاة وزى ماقولت بنسلم على اصحابنا
ونروح للقرايب وكدا
تانى يوم خروج وكدا

وان شاء الله عيد مبارك على الكل

يا راجل انا مبسوط منك اني عرفت اسلم عليك

كل سنة وانت بخير يا مصطفى

واكيد كل لما بتكبر ويضحكوا عليك في العيدية بتختفي فرحة الطفولة بالعيد

_GUIDE_

07-12-2008, 01:16 PM

هو عمتا العيد فعلا الايام دى ملوش طعم
تقدر تقول كده انى بقضى العيد نوم
اللهم اذا خرجت يوم وعيدت على اخواتى ووالدى بس يعنى
معظم العيد بقضيه نوم

همس

07-12-2008, 03:51 PM

هو عمتا العيد فعلا الايام دى ملوش طعم
تقدر تقول كده انى بقضى العيد نوم
اللهم اذا خرجت يوم وعيدت على اخواتى ووالدى بس يعنى
معظم العيد بقضيه نوم

نوم الظالم عبادة يا اسلام :d

بهزر طبعا

كل سنة وانت طيب :) ......

nanes

07-12-2008, 07:15 PM

السلام عليكم

العنوان مش ليه دعوة بالموضوع صح

يعني عادي ممكن يمشي له

المهم انا هتكلم هنا زي ما هتتكلموا عن العيد

العيد في مصر مختلف عن اي بلد

بمعنى ان العيد يبقي ليه شكل تاني وهيصة وفرحة وبهجة وزيارات وخروجات وزحمة غير اي بلد عربي اخر

اه والله العيد برة بيبقى ملوش اي طعم ورخم وتقيل كده ..,, إنما مصر يا حلاوتك يا مصر ,يا جمالك يا مصر .. مع انها معفنة والله بس متفهمش فيها روح حلوة اوي

وكمان تلاقي كل بيوت مصر من امبارح ناشرة الغسيل والملايات والمفارش

كله بينظف البيت وبيروقه وكأنه مش هينظفه تاني

اه والله تمشي تلاقي يمين وشمال البيوت مقلبووووووبة

طيب فين النظافة دي على طول يعني علشان العيد

وكمان العيد الكبير بيكون ليه بهجة عن العيد الصغير

يعني من كام يوم وآدم مشتاق للعيد وبيسألني كل شويا عن العيد بيفكرني بأيام زمان

ربنا يخليهولك يارب

لانه بصراحة العيد واحنا صغيرين بس واحنا بنلعب ونأخذ العيدية

واحنا بنفكر ازاي هنصرف العيدية وهنحوش منها ولا هنصرفها كلها

طيب هنجيب بيها ايه ماهو حضرتك من الجيل الذي مضى بقى :d:d خلاص ايام الطفولة راحت لحالها

وكمان اجمل حكاية الايام دي بعد صلاة العيد ونسلم على بعض

وتبدأ تلف على الحبايب والأقارب والصحاب

وبالليل تحلى الخروجة مع الأهل

بس بصراحة انا بقضي العيد في بيت ابويا

والسنة دي العيد له مذاق خاص علشان كمية الرسائل الخاصة الرهيبة اللي وصلتني بتهنئة العيد

انت ايه حكايتك في العيد

حكايتي مع الزمان :d:d:d ..العيد فرحة جميلة بجد احلى ما فيه وسط اهلي وناسي

وبتعمل ايه في العيد

بعمل جمعية :d:d,,,, اكيد اول يوم بيبقى الدبح وزيارة القرايب ,, بعد كده الواحد بينطلق مع صحابه بقى من اول يوم بالليل .. بنتجمع سوا ونعسس في شوارع اسكندرية ,,

والبيت عندكم اتروق ولا لسا

اااااااه يا ضهري ,, ونبي متقلبش عليا المواجع ,,, اها اتروق الحمد لله

والخروف اشتريت ولا هتشتري لحمة

اه اشترينا خروف الحمد لله

وكمان اخبار العيد معاك زي زمان وانت صغير ولا خلاص مش بقي ليه طعم معاك

امممممممم بصراحة انا حاسه العيد ده بالذات هيبقى احلى من اي عيد تاني ,,, بس في الغالب ,, لسه العيد ليه بهجه كده بالنسبه ليا

وفي النهاية احب اقول لكل اهل غزة احنا فاكرينكم وبنقول لكم كل عيد وانت اصمت واقوي في وجهة الاحتلال

وحسبي الله في كل من حرم حجيج غزة من الحج هذا العام

وكمان ايه رايكم في لوجو الموقع بتاع العيد عجبكم

ظريف اووي وحلو الخروف الكميلة ده :romarioxp6:,,, بس لو سمحت يا استاذ اشرف رجعو لصحابو بقى ,, عنده دبح بكرة ميتأخرش عليه :d:d

ومستني كل واحد يقولي ويحكيلنا عن العيد

بحييك بجد استاذ اشرف ع الموضوع ,,