مشاهدة النسخة كاملة : و بعد الاجتماع
السلام عليكم و رحمة الله و بركاته
بعد اجتماع امس مع مشرفين اقسام الجامعات
اولا عشان كل واحد ياخد حقه
حضر الاجتماع انا و مستر مينا و محمد كوماندوا
فامبير و د/أحمد كانو معذروين
فامبير انا اتكلمت معاه و ناقشته يعنى كأنه حضر الاجتماع
و د/أحمد وراه امتحانات اليومين دول و اما ظروفه تسمح هتكلم معاه
لكن الباشمهندس و اسلام توريزم معرفش عنهم حاجه
أولا بالنسبه للباشمهندس
قليل الدخول و النشاط اوى و بدخل القسم بلاقى دايما اخطاء بصحهها انا
كنت عامل فى حسابى انه اما يحضر الاجتماع اكلمه و انبهه و بكده يبقى ليه فرصه
لكنه لغى الفرصه دى بنفسه بعدم حضور الاجتماع
ونا يبقى حرام عليا اما اشوف واحد افضل منه و مقولش عليه و هوا مبيشتغلش ربنا هيحاسبنى
لذلك بعد المناقشه مع المشرفين اختارنا العضو (EnG.BeLaL) كمشرف لقسم كليات المجموعة الهندسيه بدل من المشرف الحالى (الباشمهندس)
نيجى لقسم كلية التربيه بأنواعها
القسم مفهوش شغل اوى رغم ان حرام قسم زى ده يقى مفهوش شغل
واحنا شايفين ان السبب ان مفهوش مشرف يتابعه و ينزل مواضيع و ينشطه
استاذ مينا اقترح علينا المشرف أحمد شوقى (Sad Does Not Cry) مشرف القسم الأدبى انه يبقى مشرف
قسم كلية التربية بأنواعها هوا طالب فى كلية التربيه و شغله كويس و كمان قسمه مش بعض يعنى يقدر يباشر
الاتنين مع بعض و انا شايف انه هيقدر يمشى القسم كويس
تالت حاجه قسم المجموعة الأدبية بيضم سياسة و اقتصاد و السن و آثار و شأنه شأن قسم كليات التربية
نايم و حرام يبقى نايم
اقترحنا يبقى عليه العضوه نسمه (Sharp Nails ) هيا طالبة فى ألسن و ممكن تشتغل فى القسم
بالنسبه لقسم كليات السياحة و الفنادق Eslam_Tourism صحيح محضرش الاجتماع بس الى حد ما بيشتغل فى
القسم بس ليه شغل فى القسم و مطلوب منه انه يشتغل أكتر و ينشط القسم
نيجى بقى لاكبر مشكلة و هيا قسم كليات العلوم
بالنسبه لاستاذ اشرف
انا عارف ان اسلام (***star***) حصل بينه و بينك مشكله
بس انا متأكد ان مفيش حد هييجى يمشى القسم و يشغله زى اسلام
و كلنا امبارح اجمعنا على كده
حتى انت يا سيدى ادخل القسم و شوف شغله خساره بجد انا يصعب عليا القسم يموت بعد النشاط اللى كان
اسلام عمله فيه
فياريت تقولنا لو عندك استعداد ترجعه تانى و لو عندك ليك عليا هكلمه انا
لو مش عندك قولى برده و احنا اقترحنا امبارح كام اسم بس صدقنى محدش هيعوض اسلام خالص او هيشتغل
شغله خصوصا انه فى سنه تالته و هتبقى خساره كبيره
و مستنى ردك برده
بالنسبه لقسم جامعات الازهر الشريف او الجامعات الخاصه انا برده صعبان عليا يبقو نايمين
لكن الصراحه مقدرناش نلاقى مشرفين للقسمين دول فا لو عند الاداره حد يقدر يمسك الاقسام دى يبقى
كويس اما جامعات اخرى يكفى عليه اشرافى انا
كده بالنسبه للمشرفين خلاص
نيجى لموضوع القوانين حطينا قوانين ثابته على جميع الاقسام عشان تبقى الدنيا مقننه و مكتوبه ادام الاعضاء
بعد تعيين المشرفين الجدد و اقعد معاهم و كله يعرف مهامه
ناويين ان شاء الله نعمل مسابقات فى الاقسام عشان نشاطها يزيد
بس يخلص تعيين المشرفين الجدد و تخلص هوجة الامتحانات
تقريبا دى كل تفاصيل الاجتماع
و منتظرين كلنا رد الاداره على الاشراف
ملحوظه :- لسه مفيش حد من المرشحين انا عرفته انه ممكن يبقى مرشح او اطلب منه الاشراف
عشان بس منتظرين رد الاداره الاول و رأيها و لو فى حاجه نتناقش فيها و كده
بس كده
و شكراااا
Lost Dreamer 06-12-2008, 11:43 PM ياااه
الحمد لله ان لسه في مشرفين بتعمل اجتماعات مع بعض
ترشيحاتك جميله بس
استاذ اشرف مش هيرد او مش هينفذ الحاجات دي
الا تاني يوم العيد ان شاء الله
وبشكر بجد المشرفين مره تانيه
MohammeD el_SadaT 07-12-2008, 01:22 AM بجد يا أيمن مجهود جميل وإقتراحات أجمل
وأنا بجد موافق على كل شخص تم ترشيحه وموافق بردو على رجوع إسلام للأشراف
بس هو إيه الخلاف اللى حصل بينه وبين الأستاذ أشرف
عبقرينومان 07-12-2008, 01:29 AM يا عم محمد ده ايمن باشا يعني الشغل والنشاط ما ينفعش ده تقول له بعد العيد
لازم ترد عليه في وقتها
اولا لاول مشرف بالنسبة لقسم المجموعة الهندسية بصراحة انت سبقتني وانا كنت هطلب والله قريب
وده احتيار موفق
وبالنسبة للعضو الثاني اظن ان الاستاذ نجم المشاعر بيقول ان المشرف ده مش نشيط في قسمه علشان يمسك التربية كمان
وبالنسبة لاسلام استار لو طلب رجوعه للاشراف انا لست عندي مانع
ويا سيدي بسم الله ما شاء الله على ايمن بتاع اجتماعات وشغل كبير وشكله هيأخذ احسن مشرف سوبر
MohammeD el_SadaT 07-12-2008, 01:35 AM يا عم محمد ده ايمن باشا يعني الشغل والنشاط ما ينفعش ده تقول له بعد العيد
لازم ترد عليه في وقتها
اولا لاول مشرف بالنسبة لقسم المجموعة الهندسية بصراحة انت سبقتني وانا كنت هطلب والله قريب
وده احتيار موفق
وبالنسبة للعضو الثاني اظن ان الاستاذ نجم المشاعر بيقول ان المشرف ده مش نشيط في قسمه علشان يمسك التربية كمان
وبالنسبة لاسلام استار لو طلب رجوعه للاشراف انا لست عندي مانع
ويا سيدي بسم الله ما شاء الله على ايمن بتاع اجتماعات وشغل كبير وشكله هيأخذ احسن مشرف سوبر
أيوم ياعم أيمن الأستاذ أشرف صاحيلك الساعه 1:30 عشان يرد على موضوعك وإيه موفقات كله ياعينى ياعينى
وفعلاً
أحمد مقصر على الركن الأدبى بس يمكن على القسم الجديد ميكونش مقصر فياريت يا أيمن تقولنا ايه وجهة نظرك فيه يعنى انت شايفه نشيط ولا ايه نظامه فى القسم
ياااه
الحمد لله ان لسه في مشرفين بتعمل اجتماعات مع بعض
ترشيحاتك جميله بس
استاذ اشرف مش هيرد او مش هينفذ الحاجات دي
الا تاني يوم العيد ان شاء الله
وبشكر بجد المشرفين مره تانيه
ربنا يكرمك يا محمد
شفت اهو كسفك و رد:p
بجد يا أيمن مجهود جميل وإقتراحات أجمل
وأنا بجد موافق على كل شخص تم ترشيحه وموافق بردو على رجوع إسلام للأشراف
بس هو إيه الخلاف اللى حصل بينه وبين الأستاذ أشرف
ربنا يخليك يا محمد
بعض ما عندكم
يعنى كان سوء تفاهم حصل
بس انا ان شاء الله هكلم اسلام تانى انه يرجع
مادام اشرف باشا وافق
و بالنسبه لاحمد شوقى
هوا يمكن مش نشيط فى قسمه
بس اشراف اقسام الجامعات يختلف عن اى قسم فى الموقع
لازم يبقى طالب فى نفس الكليه او خريج منها
عشان يقدر ينشطها
عشان كده ده كان ممكن يبقى دافع ليه انه يشتغل فى قسم التربيه
لان اصلا كده كده القسم نايم
يا عم محمد ده ايمن باشا يعني الشغل والنشاط ما ينفعش ده تقول له بعد العيد
لازم ترد عليه في وقتها
اولا لاول مشرف بالنسبة لقسم المجموعة الهندسية بصراحة انت سبقتني وانا كنت هطلب والله قريب
وده احتيار موفق
وبالنسبة للعضو الثاني اظن ان الاستاذ نجم المشاعر بيقول ان المشرف ده مش نشيط في قسمه علشان يمسك التربية كمان
وبالنسبة لاسلام استار لو طلب رجوعه للاشراف انا لست عندي مانع
ويا سيدي بسم الله ما شاء الله على ايمن بتاع اجتماعات وشغل كبير وشكله هيأخذ احسن مشرف سوبر
ربنا يخليك يارب
انا لو ناجح ده بنجاح المشرفين اللى معايا بجد مستر مينا و محمد و فامبير و احمد و اسلام هما سبب نجاحى فعلا
طيب تمام كده موافقه على اول اقترح بالنسبه للمجموعه الهندسيه
بالنسبه لتربيه انا معاك ياباشا فى كلامك بس كان ليه وجهة نظر شرحتها فى ردى على محمد
بس انا معاك ان لو فى مشرف شغال تانى و نشيط او عضو ممكن يبقى نشيط بشرط انه يبقى طالب فى تربيه
انا معنديش اى مانع و هيبقى افضل
ياترى انت تعرف طالب نشيط فى تربيه ممكن يمسك القسم؟
لو اى حد يعرف ياريت يقترح علينا و نشوفه
بس لازم يبقى فى مشرف على القسم ده عشان حرام يبقى نايم
كمان يا باشا انت مردتش على كليات المجموعه الادبيه قلنا ممكن نسمه Sharp Nails
عايزين نعرف رأيك
و كمان اقتراح نسينا نقول عليه
العضو(Msamido)طبعا غنى عن التعريف
الباشمهندس محمد عامل شغل كويس اوى فى قسم الحاسبات
و ممكن يمسك اشراف قسم الحاسبات
و هوا مكانته اعلى كمان من كده بكتير
بس هوا لو مسك اشراف قسم الحاسبات
انا مش هدخل القسم ونا مطمن
عبقرينومان 07-12-2008, 03:20 AM ربنا يخليك يارب
انا لو ناجح ده بنجاح المشرفين اللى معايا بجد مستر مينا و محمد و فامبير و احمد و اسلام هما سبب نجاحى فعلا
طيب تمام كده موافقه على اول اقترح بالنسبه للمجموعه الهندسيه
بالنسبه لتربيه انا معاك ياباشا فى كلامك بس كان ليه وجهة نظر شرحتها فى ردى على محمد
بس انا معاك ان لو فى مشرف شغال تانى و نشيط او عضو ممكن يبقى نشيط بشرط انه يبقى طالب فى تربيه
انا معنديش اى مانع و هيبقى افضل
ياترى انت تعرف طالب نشيط فى تربيه ممكن يمسك القسم؟
لو اى حد يعرف ياريت يقترح علينا و نشوفه
بس لازم يبقى فى مشرف على القسم ده عشان حرام يبقى نايم
كمان يا باشا انت مردتش على كليات المجموعه الادبيه قلنا ممكن نسمه sharp nails
عايزين نعرف رأيك
و كمان اقتراح نسينا نقول عليه
العضو(msamido)طبعا غنى عن التعريف
الباشمهندس محمد عامل شغل كويس اوى فى قسم الحاسبات
و ممكن يمسك اشراف قسم الحاسبات
و هوا مكانته اعلى كمان من كده بكتير
بس هوا لو مسك اشراف قسم الحاسبات
انا مش هدخل القسم ونا مطمن
موافق على الاثنين كمان
بس المهم تأخذ رأي الناس دي كلها
موافق على الاثنين كمان
بس المهم تأخذ رأي الناس دي كلها
خلاص تمام
يبقى كده بس ناقص لينا بس مشرف لتربية
اكيد هقولهم كلهم ان شاء الله
بس اهم حاجه موافقة الاداره الاول بس
ان شاء الله من بكره هبلغهم
بس عايزين نشوف حل لقسم كليات التربيه
على فكره
انا مسكت الموضوع اللى الطلبه بيكتبو فيه اسم كليتهم او سنه كام اعدادى او ثانوى بتاع استاذ عصام
انى الاقى طالب تربيه
بجد مفيش خالص غير احمد مشرف القسم الادبى
و شكله مفيش غيره
عامة انا ممكن بكره ونا بقول للمشرفين الجدد اقوله برده و اظبط معاه الشغل و انه يبقى نشيط
ممكن اما يلاقى حاجه خاصه بدراسته يبقى انشط فيها
و لا انتو ايه رأيكو
برده مش هعمل حاجه غير اما اشوف رأيكو
Travel 07-12-2008, 10:02 AM انا عارف ان اسلام (***star***) حصل بينه و بينك مشكله
بس انا متأكد ان مفيش حد هييجى يمشى القسم و يشغله زى اسلام
و كلنا امبارح اجمعنا على كده
حتى انت يا سيدى ادخل القسم و شوف شغله خساره بجد انا يصعب عليا القسم يموت بعد النشاط اللى كان
اسلام عمله فيه
فياريت تقولنا لو عندك استعداد ترجعه تانى و لو عندك ليك عليا هكلمه انا
لو مش عندك قولى برده و احنا اقترحنا امبارح كام اسم بس صدقنى محدش هيعوض اسلام خالص او هيشتغل
شغله خصوصا انه فى سنه تالته و هتبقى خساره كبيره
و مستنى ردك برده
يااااااااااريت فعلاا اسلام يرجع تان
وانا مستعدة لو هو بيدخل الموقع كتيير زى زمان
اكلمه
علشان هو فعلاا خسارة انه يسيب القسم
بجد ده شغله كان فوق الممتاز
يارييت بجد يرجع تان
MoHaMeD ELsHeRbEnY 07-12-2008, 10:08 AM يااااااااااريت فعلاا اسلام يرجع تان
وانا مستعدة لو هو بيدخل الموقع
اكلمه
علشان هو فعلاا خسارة انه يسيب القسم
بجد ده شغله كان فوق الممتاز
يارييت بجد يرجع تان
يا جماعة اسلام موجود ومتابع كل حاجة كمان
وايميلة كمان موجود
لو محتاجينة انا ممكن ابعتة للى محتاجة على الخاص
واية ياعم ايمن النشاط الرهيب دة
اجتماعات واحزاب
هبلغ عنك امن الدولة
ههههههههههههههههههههههههه
جزاك الله خيرا
فى ميزان حسناتك ان شاء الله
فى امان الله
عبقرينومان 07-12-2008, 11:41 AM ما توقفش الدنيا عند قسم التربية
وشوف رأي الناس في الاشراف ورد علينا
علشان نبدأ نعينهم اليوم بأذن الله
MoHaMeD ELsHeRbEnY 07-12-2008, 11:51 AM ما توقفش الدنيا عند قسم التربية
وشوف رأي الناس في الاشراف ورد علينا
علشان نبدأ نعينهم اليوم بأذن الله
بالنسبة لاسلام خلاص هوة موافق
تقدر ترجعة حضرتك دلوقتى
فى امان الله
عبقرينومان 07-12-2008, 02:20 PM اسلام رجع
فين موافقة بقية المشرفين
***star*** 07-12-2008, 02:38 PM اسلام رجع
فين موافقة بقية المشرفين
كان في جنب اسمي طالب جامعي ( كليه العلوم)....ياريت ترجعهالي زي ماشلتها مني يااستاذ اشرف:(:(:(...
اسلام رجع
فين موافقة بقية المشرفين
هرد عليك اول ما يردوا عليا علاطول باذن الله
مبروك عليك يا اسلام رجوعك للاشراف
***star*** 07-12-2008, 05:27 PM هرد عليك اول ما يردوا عليا علاطول باذن الله
مبروك عليك يا اسلام رجوعك للاشراف
ربنا يبارك فيك ياايمن...:):)
يلا نبدأ بأول حاجه
نسمه(Sharp Nails) وافقت على ترشيحها لقسم المجموعة الأدبية
عينها بقى يا باشا و فى انتظار ردود البقايين:)
Travel 07-12-2008, 07:18 PM مبرووك رجوعك يا اسلام
بجد القسم كان هيخسر واحد من اكفا المشرفين:)
vampire1188 07-12-2008, 10:08 PM على فكرة يا ايمن .. احنا نسينا نناقش قسم الحاسبات في الاشراف
قبل كدا كانت هند ماسكاه .. بس اما ربنا فتح عليها في الاشراف الاداري سابته
فكدا القسم محتاج مشرف .. ودي نقطة احنا مانقشنهاش ..
اما بالنسبة لاشراف قسم الجامعات الخاصة .. دوروا على مشرفين كويس اوي
واذا مالقيتوش حد مناسب .. انا تحت امركوا
لإني دخلت على القسم واتلاقيت نفسي هاعرف انظمه كويس ..
بس دا في حالة انكوا لو مالقيتوش حد مناسب (خريج جامعة خاصة)
وكل سنة وانتوا طيبين ..
الجويرية 07-12-2008, 11:13 PM ربنا يوفقكوا ان شاء الله
والى الامام دائما
على فكرة يا ايمن .. احنا نسينا نناقش قسم الحاسبات في الاشراف
قبل كدا كانت هند ماسكاه .. بس اما ربنا فتح عليها في الاشراف الاداري سابته
فكدا القسم محتاج مشرف .. ودي نقطة احنا مانقشنهاش ..
اما بالنسبة لاشراف قسم الجامعات الخاصة .. دوروا على مشرفين كويس اوي
واذا مالقيتوش حد مناسب .. انا تحت امركوا
لإني دخلت على القسم واتلاقيت نفسي هاعرف انظمه كويس ..
بس دا في حالة انكوا لو مالقيتوش حد مناسب (خريج جامعة خاصة)
وكل سنة وانتوا طيبين ..
هههههههههههههههههههه
نسيت اناقشك انت
بس كنت مكلم استاذ مينا و محمد على مساميدو و اتفقنا عليه
معتقدش انك هتعترض عليه:P
بالنسبه لمساميدو(msamido)
انا بناقشه دلوقتى و بحاول اقنعه باذن الله يقتنع يبقى مشرف على حاسبات
بالنسبه لنسمه (Sharp Nails)
هيا وافقت على تعيينها مشرفه على قسم كليات المجموعة الأدبيه
نرجو سرعة تعيينا عشان تستلم شغلها:)
بالنسبه لقسم الجامعات الخاصه
معتقدش ان فى حد هنا ممكن يمسكه
و فامبير عنده خبره فى الجامعات الخاصه
عشان كده بطلب تعيين(vampire1188)مشرف كلية تجاره ان هيبقى مشرف على الجامعات الخاصة و ان شاء الله ينشطه
يبقى كده لغاية دلوقتى يا باشا
-تعيين Sharp Nails على المجموعه الادبيه
-تعيين vampire1188 على الجامعات الخاصه بالاضافه لقسم كليات التجاره
و فى انتظار رد باقى المرشحين:)
ربنا يوفقكوا ان شاء الله
والى الامام دائما
اللهم امين:)
جزاكى الله خيرا:)
اوك يا ايمو موافق
و ادى موافقة الباشمهندس
EnG.BeLaL
يبقى كده كله تمام
-تعيين Sharp Nails على قسم المجموعه الادبيه
-تعيين EnG.BeLaL على قسم المجموعه الهندسيه
-تعيين vampire1188 على الجامعات الخاصه بالاضافه لقسمه
و فى انتظار رد msamido بالنسبه لقسم حاسبات
:)
ياريت الاداره تعين الناس اللى وافقت بسرعه
-تعيين Sharp Nails على قسم المجموعه الادبيه
-تعيين EnG.BeLaL على قسم المجموعه الهندسيه
-تعيين vampire1188 على الجامعات الخاصه بالاضافه لقسمه
عشان يستلمو شغلهم و اشرافهم
و يبدأوا العمل فى اقسامهم:)
عبقرينومان 08-12-2008, 06:24 PM تم تعيين الثلاثة يا اخ ايمن
تم تعيين الثلاثة يا اخ ايمن
جزاك الله خيرا يا باشا
و شكرا لاستجابتك و تعبك معانا
بس ليا استفسار بسيط
انت ناوى تسيب الباشمهندس مشرف على المجموعه الهندسيه جنب بلال؟
الباشمهندس مش شغال اصلا فى القسم
كأنه مش موجود
يعنى ياريت لو تشيله و تخلى EnG.BeLaL مشرف ظاهر ادام الناس باللون البرتقالى:)
|