السلام عليكم ورحمة الله

موضوعي سيسخط عليه معظم الاعضاء
فهذا لأنه عكس جميع المقالات المكتوبة في قسم ملفات مصرية
ايها الزملاء في المنتدي هذا القسم اسمه ملفات مصرية يعني مواضيع في حب مصر
وليس في ذم مصر !
فمش معقوله ان معظم المواضيع تسيئ لبلدنا الحبيبة
صحيح فيه فعلا أوضاع سيئة بل منتشرة أكثر من الأوضاع الصحيحة بس بدل مانعد نشتم في البلد
يريت نصحح أنفسنا أولاً :
وبلاش نسمع الكلام الهايف المحطم للامال واللي بيكسر مقاديف اي حد عنده امل وعاوز يعيش في البلد دي
واحنا مش مستريحين لاننا طماعين بعض الشئ عاوزين نكون اغنية وعاوزين نكون ذات سلطات عليا وعاوزين وعاوزين ! مش بالسرعة دي يا جماعة وكل واحد بياخد نصيبه وامكانيات دولتك كده هتعملك ايه اكتر من كده
التعليم اللي بتقوله عليه غليت مصاريفه ! عاوز اقلكم ان في اي بلد بره التعليم الساعه بكزا دولار
شوف انتا يابتاع الجامعه ياللي بتعد في المحاضرة ساخط علي الدكتور في المحاضرة وبتضايق لما يديك نص ساعه زيادة ، والله لو عملوا قرار بأن اللي هيسقط هيدفع عشر الالاف جنيه أقسم بالله لتبقي نسبة النجاح 99في الميه زي الكليات العسكرية بالظبط لاننا مش هننجح الا بهذه السياسة الأجبارية ودا موجود فينا كلنا ودا امر لا جدال فيه .
النقطة التانية اننا بنسخر من أي شخص ناجح فلماذا هذا الأسلوب السافر ؟
واحد ناجح في شغله سيبه مش تعقده في عيشته وفي الاخر يبقي متاخر وفاشل زيك بالظبط
وانا عن نفسي شاب زي زيكم بالظبط ولكن اللي بيميزني عن غيري هو الطموح في الظروف الصعبة
والإيمان بربنا سبحانه وتعالي هو اللي مديني صبر من المعاناه اللي كلنا فيها وعدم سماعي لأقوال السفهاء في حياتهم .
النقطة التالتة والأهم ليه بنغلط في بعض قدام دول الخليج ونسئ لأنفسنا أمامهم
وأخرتها يقلك أصل المصري مهان في كل مكان ! ماأنتا اللي عملت كده في نفسك تضر زميلك عشان رضا مديرك أو شويه ملاليم في أخر الشهر هيتحطوا في جيبك .
فأرجوا زي مافيه مواضيع بتغلط في البلد يريت يكون فيه مواضيع بتذكر مميزات في البلد .

فنهاية قولي أرجو أن لا تستاؤا من كلامي هذا
ويريت اللي عنده اي رد سواء موافق او رافض يكتبه عشان اشوف مدي نجاح او فشل الموضوع في قسمكم الموقر !

مع تحياتي
أ.مصطفي نور
مدرس اللغة الفرنسية

السلام عليكم ورحمة الله بركاتة

استاذ مصطفى فعلا موضوعك اكثرمن رائع

وكلة صحيح

ماشاء الله عليك

وفعلا المفروض القسم للكلام الكويس

عن مصر ولكن الموجود العكس

انا هثبت الموضوع ويارت الناس تشوفة

وتعمل بية

علشان حتى الناس الى من خارج مصر مش اول اما يدخلو ميلقوش غير المشاكل

حرام فعلا

شكرا مرة تانية على الموضوع

جزاك الله خيرا

فى امان الله

اولا احب اشكر حضرتك جداااا على الكلام داا لانه فعلا صحيح وبيحصل كتير جدااااا
ثانيا حضرتك اتكلمت عن فئه معينه بس من الناس يعنى مش الاغلبيه ودا للظروف هما ملهمش يد فيها وهما عندهم حق وحضرتك برده عندك حق لكن الشباب اللى اتخرجوا وملقوش شغل وبيحالوا يلقوا ومفيش امل يعملوا ايه مش لاقين قدامهم غير الكلام يمكن يخفف عن اللى جواهم شويه وبيبقى فى وقت غضب وزهق والناس دى بقوا كتير اوى
الناس اللى اديهم واصله شويه هما اللى يقدروا يعيشوا والناس اللى الحظ بيمشى معاهم وطبعا بتوفيق ربنا اولا برده

بس بجد الموضوع جميل ومنطقى بس فين الناس اللى هتسمع الناس تعبت من اللى هما فيه

تسلم ايديك بجد يا استاذ مصطفى
وجزاك الله كل خير
كل سنه وحضرتك طيب

اخي وصديقي الاستاذ مصطفي / اولا اوجه لك التحيه بكتابه موضوع بهذا الابداع والطريقه الرائعه في السرد تلك وثانيا احب ان اؤيدك في معظم النقاط التي ذكرتها وهي اننا نسيء لانفسنا امام الاخرين وهذا يحط من قدرنا هذا واقعي ولكن ما اريد مناقشتك فيه بحق هو النظره المثاليه جدا التي تري بها الاشياء انا لا ادعو الي التشائم والتصادم مع الاخرين بلي ولكنني ادعو الي الحراك و النشاط و النقد في كل المجالات . لا يجب السكات عن اي شيء خطا في مجتمعنا . يجب ان يعرف كل انسان ذو سلطه ان في هذا البلد رقيب عليه حتي لو كان هذا الرقيب هو مجرد نظرات الناس وهمساتهم في الخفاء . ان ما اخرنا وجعلنا في ذيل الامم هو سكوتنا عن حقنا وأنا اولكم في هذا الخطأ الفادح وهذا اخي العزيز يعتبر كتدعيم لكلامك الجميل . وجزاك الله كل خير اخي وصديقي الاستاذ مصطفي علي هذا الموضوع الشيق

موضوع جميل ويرتبط ارتباط كبير بواقعنا الاليم فللاسف تحول كل فرد منا الى ناقد اتمنى ان نعمل اكثر من ان نتحدث جزاك الله خيرا وكل عام وانت بخير

أنا مش فاهم حاجة خالص

السلام عليكم ورحمه الله وبركاته
اشكر اللورد شكرا جزيلا
واشكر كل من ردو لولا ومسيو سعيد ومسيو البيلي علي ردودهم المحقة

ولكن انا اعتقد في نظري انه موضوع مهم وناجح بالرغم من قله مشاركاته ولكن بكثره مشاهداته
ولكن إلي من شاهد ولم يرد ! ماذا يستطع أن يقول ؟ حتي لو رأيه مخالف فمن حقه أن يدلي به ويقوله
شكرا لجميع من شاركوا
مع تحياتي

اولا الموضوع بجد له اكتر من جانب وحساس جدا لان ده عن الوطن اللى احنا عايشين فيه بس مين صح ومين غلط لازم قبل ما نتكلم الاول نشوف احنا بنعمل ايه للوطن ده وخدنا حقنا ولا لاء ياترى ادينا كل واجبتنا عشان نطالب بكل قوه عن حقوقنا لازم كل مواطن يسأل نفسه السؤال ده انا كمان بسأل نفسى

شكرا يا اختي الكريمة علي ردك وعلي مرورك

والله يا استاذ مصطفى معاك حق ف كل كلمة احنا بيبقى منظرنا زبالة هنا لما بنتناقش ف موضوع بين البلدين ببقى مكسوفاااااااااا

ميرسي جدا لمرورك يا اخت هنا
بس ولكن لو كل واحد اتكلم عن مصر كويس الناس بره هتعاملنا كويس

تقبل مروري استاذي الفاضل ..؛

ولكني رديت على موضوعكـ في موضوع جديد .؛

ياريت شكل الموضوع دة اتثبت موضوع الرد علية هو كمان يتثبت

ايه الكويس فى مصر انا طالب فى الصف الثالث الاعدادى يعنى المفرود احب مصر بس للاسف لم اشوف تاس اغنيه جدا /وناس فقير جدا مفيش طبقه متوسطه تصور ان فى ناس فى القرن21عيشين 6 وحمار فى اواد واحده الحكومه سرفلهم فى الشهر 50جنيه يعملو ايه يسرقوا نقول وحشين ودى مش اسره واحده دى منطقه كامله
با الله عليك هيحبوه ليه$$$

وفقت على الموضوع الجميل وجزاك اللة خير

موضوع مفيد جدا رائع جدا هايل خالص

واقعي منطقي وافي مفيد بدرجه كبير

شكرا ليك مسيو مصطفي

تحياتي لحضرتك وشكري الخالص

لفكرك و عرضك الهايل الراقي

احبها علي اية

الموضوع دون المستوى

مصر ياما يا سفينه مهما كان البحر عاتى فلاحينك ملاحينك يزعقوا للريح يواتى,, اللي ع الدفة صنايعي و اللي ع المجداف زناتي,, و اللي فوق الصاري كاشف كل ماضي و كل آتي

الحاجات الكويسة اللي حضرتك بتتكلم عليها بتتكتب فعلا بس هي طبعا قليلة لان ده الواقع يعني ممكن نتكلم عن حروب مصر و علماء مصر .. اعتقد مفيش حاجات تانية كتير ممكن نتكلم فيها.
و بعدين انا بعترض بشدة على مبدأ "نتكلم عن الايجابيات" الايجابيات اللي بيقولو عليها دي بتكون حاجات طبيعية و المفروض انها تحصل زي عادل امام لما قال "في قطر طلع من القاهرة وصل العياط محصهلوش اي حاجة و الركاب قعدوا يغنوا".
و بالنسبة لموضوع التعليم المجاني اللي حضرتك بتقول عليه .. انا مش هقولك ان مستوى التعليم وحش هو في الحقيقة مش بطال بس القضة في انك لو اتعلمت كويس هتتخرج و مش هتلاقي شغل كمان هتدفع فلوس؟
و بعدين هي الناس معاها فلوس اصلا..مهو الناس بره بتدفع فلوس في مقابل ان دخلهم عالي.
طب انا هقول لحضرتك حاجة عندنا في كلية العلوم في قسم اسمه برنامج جيولوجيا البترول و مصاريفه 10000 جنيه في السنة و ميزته انك بتتخرج تشتغل على طول لان البرنامج شكرة هي اللي عاملاه يعني لو مكانش في الموضوع ده يبقى محدش هيدخل طبعا و حتى العدد اللي دخل مش كبير.
و بالنسبة لصورة مصر قدام العالم و بالذات العرب و الخليجيين انا فعلا بيضايقني الموضوع ده بس هنعمل ايه..مش معقول هنتستر على كل ده عشان صورتنا..و كرامة المصري الضايعة بره بلده فدي سببها حاجتين ان كرامته ضايعة اكتر جوه مصر و السبب التاني هو ان مصر مبقاش يتخاف منها زي زمان و السفارات مش قايمة بشغلها السفير بس بيحضر حفلات و عزومات و لو راجل تقابله لانه عايز يحافظعلى منصبه و ده مترتب على انه يرضي الدولة اللي هو سفير فيها.
ده انا سمعت ان زمان اي واحد مصري بره يتمسك في قسم يقولوه انت منين يقولهم مصري يقولو بلد ناصر؟
يعني كانو بيعملو حساب عارفين ان البلد دي مش سهلة.

مصر ستظل بخير دائما بفضل الله وبفضلكم جميعا رغم انف الحاقدين
تحيا مصر بلد الامن والسلام

والله الحب المفرط مضر
لازم نحاسب نفسنا عشان الاخطاء ماتتكررش

السلام عليكم ورحمة الله وبركاته اشكرك جدا على الموضوع الهايل ده وعايزة اقول ان السبب الرئيسى فى الكلام اللى البعض
بيقوله هو ضغوط الحياة اللى احنا عايشنها واللى بيزود ده الاعلام والفضائيات اللى بيحسسونا ان احنا عايشين فى غابة يارب يرحمونا شوية ولكن مصر والله ماهينصلح حالها الا اذا كل واحد فينا رعى ضميره فى شغله واللى بيتكلم عن بلدى بطريقة مش
كويسة ده انسان فاشل يحاول الاول انه يغير من نفسه ومن اللى حوليه زبعد كده يتكلم عن بلده وفى النهاية
"تعيشى يامصر تعيشى يامصر "

عندك حق يا استاذ مصطفى لو كل واحد يعمل زى ما انت قولت هايبقى الوضع احسن من كده بكتييييييييييييييير
انا عن نفسى هعمل بكلامك و ربنا يوفقنا و يوفقكم

لا فعلا لازم نحب بلدنا
ولازم نفرق بين حبنا لمصر وزعلنا من اي شيئ تاني

جزاك الله كل خير أ\مصطفى على هذا الموضوع الرائع
وحب الوطن شئ ضرورى لان سيدنا محمد صلى الله عليه وسلم كان بيحب بلده مكة وكان بيحب جبل احد فالمفروض علينا اننا نحب بلدنا

إنت صح --- ويكفيك فخرا بفكرك المستنير------ هو لو مش لاقى شغل وكرهت البلد هتلاقى الشغل بيخبط على بابك-مال الوطن واللى بنعمله فيه -وصدقونى البلد دى هى اللى من حقها تكرهنا من عمايلنا فيها-وشكرا للجميع

مسلم وافتخر
مصري وافتخر
عربي وافتخر

انا مش ضد المظاهرات السلمية

بس ضد ان الشعب يكون السبب الاول في التدخل الخارجي
...


عارفين سينايرو ما بعد مبارك هيكون ايه

خدو عندكو

1 - سقوط الحكومة المصرية ... و عدم القدرة علي السيطرة علي الموقف من جانب الحكومة
والشعب المصري يحتفل في كل مكان - وامريكا تهنئ الشعب المصري بعد معاناة دامت 30 عاما -

2 - تشكيل حكومة مؤقته و اجراء انتخابات بعد 30 يوما - وامريكا ترحب بالديموقراطية المصرية -

3 - مظاهرات رفض للحكومة المؤقته ومطالبات بأجراء انتخابات فورية - و امريكا تتابع الموقف -

4 - اقصاء جميع المرشحين ذوي العلاقة بجماعة الاخوان المحظورة - و امريكا تدعم الموقف -

5 - مظاهرات اعتراض علي استيعاد جماعة الاخوان و الجيش يتدخل - و امريكا تحذر من انفلات امني -

6 - تفجير بكنيسة العباسية و اصابع الاتهام تشير الي الاخوان المسلمين و تنظيم القاعدة - و امريكا تحذر من فتنة طائفية -

7 - الاف الاقباط يتظاهرون ويستنجدون بأمريكا لحمايتهم من تنظيم القاعدة

8 - امريكا تأسف علي الاوضاع في مصر وتدعو الجميع الي ضبط النفس

9 - اشتعال الفتنة الطائفية و اندلاع المعارك بين المسلمين و الاقباط

10 - مقتل 200 قبطي منذ اندلاع المعارك و الفاتيكان يطالب امريكا بالتدخل

11 - الكونجريس يمرر مشروع قانون يتيح ارسال قوات لحماية الاقباط في مصر

12 - امريكا ترسل قوات لحماية الاقباط في مصر

13 - انتو عارفين هيبقي ايه
---------------------------

ركزو في الكلام اللي بالاحمر و بفن كبير

فكركم... فيه سيناريو تاني غير ده ؟؟؟

بجد خايف علي مصر من الناس اللي مش فاهمين
واللي ملهمش فيها

لا مستقبل لمن ليس له حاضر مبنى على ماض مشرف

اولا الموضوع بجد له اكتر من جانب وحساس جدا لان ده عن الوطن اللى احنا عايشين فيه بس مين صح ومين غلط لازم قبل ما نتكلم الاول نشوف احنا بنعمل ايه للوطن ده وخدنا حقنا ولا لاء ياترى ادينا كل واجبتنا عشان نطالب بكل قوه عن حقوقنا لازم كل مواطن يسأل نفسه السؤال ده انا كمان بسأل نفسى

انا مش ضد المظاهرات السلمية
بس ضد ان الشعب يكون السبب الاول في التدخل الخارجي
...
عارفين سينايرو ما بعد مبارك هيكون ايه
خدو عندكو
1 - سقوط الحكومة المصرية ... و عدم القدرة علي السيطرة علي الموقف من جانب الحكومة
والشعب المصري يحتفل في كل مكان - وامريكا تهنئ الشعب المصري بعد معاناة دامت 30 عاما -
2 - تشكيل حكومة مؤقته و اجراء انتخابات بعد 30 يوما - وامريكا ترحب بالديموقراطية المصرية -
3 - مظاهرات رفض للحكومة المؤقته ومطالبات بأجراء انتخابات فورية - و امريكا تتابع الموقف -
4 - اقصاء جميع المرشحين ذوي العلاقة بجماعة الاخوان المحظورة - و امريكا تدعم الموقف -
5 - مظاهرات اعتراض علي استيعاد جماعة الاخوان و الجيش يتدخل - و امريكا تحذر من انفلات امني -
6 - تفجير بكنيسة العباسية و اصابع الاتهام تشير الي الاخوان المسلمين و تنظيم القاعدة - و امريكا تحذر من فتنة طائفية -
7 - الاف الاقباط يتظاهرون ويستنجدون بأمريكا لحمايتهم من تنظيم القاعدة
8 - امريكا تأسف علي الاوضاع في مصر وتدعو الجميع الي ضبط النفس
9 - اشتعال الفتنة الطائفية و اندلاع المعارك بين المسلمين و الاقباط
10 - مقتل 200 قبطي منذ اندلاع المعارك و الفاتيكان يطالب امريكا بالتدخل
11 - الكونجريس يمرر مشروع قانون يتيح ارسال قوات لحماية الاقباط في مصر
12 - امريكا ترسل قوات لحماية الاقباط في مصر
13 - انتو عارفين هيبقي ايه
---------------------------
ركزو في الكلام اللي بالاحمر و بفن كبير
فكركم... فيه سيناريو تاني غير ده ؟؟؟
بجد خايف علي مصر من الناس اللي مش فاهمين
واللي ملهمش فيها



والله عندك حق وبتمني من الشعب المصري انه يفوق بقي وميمشيش ورا اي كلام لاكن يمشي ورا عقله في المقام الاول ولا ينسي ان هذا هو وطنه ووطن احفاده

احبها علي اية

نعيب بلادنا والعيب فينا ومالا لبلادنا عيب سوانا
ونهجوا بلادنا بغير ذنب ولونطق البلد بنا لهجانا

والله عندك حق وبتمني من الشعب المصري انه يفوق بقي وميمشيش ورا اي كلام لاكن يمشي ورا عقله في المقام الاول ولا ينسي ان هذا هو وطنه ووطن احفاده
انا معكم جداااااااااااااااااااا

يارب احفظ مصر من اللي مش بيحبوها

مشكووووووووووووووووووور

مشكووووووووورين

شكرا أخى مصطفى على الموضوع الجميل ولك كل الحق . علشان نغير الواقع اللى بنعيشه لازم كل واحد فينا يرضى بما أعطاه الله ولا ينظر الى من هو أغنى منه ولكن ينظر لمن هو أقل منه . ولازم نغير من أنفسنا فى البداية وكل واحد يبدأ بنفسه.لو كل واحد رضى ضميره فى عمله سوف نعبر بمصرنا الى بر الأمان .

أنا مش فاهم حاجة خالص

تسلم ايديك بجد يا استاذ مصطفى
وجزاك الله كل خير