السلام عليكم
بسم الله
نبدأ الآن الخطوة الثانية في اصدار المجلة الالكترونية للموقع
ولكي لا تأخذ المجلة طريق الكسل وعدم التنفيذ وللاستغلال الحماس الموجود
نبدأ الآن بوضع خطوات تنفيذ المجلة بعد ان قام الجميع بالمشاركة معنا في فكرة المجلة بالموضوع السابق
ولكي تقوم المجلة بالشكل المطلوب يجب وضع خطة تنفيذ المجلة ومضمونها
فبالنسبة لمضمون المجلة تكون بالنظام التالي
وستكون المجلة في المقام الأول تعليمية تنفع الطالب
عدد صفحات المجلة 30 صفحة
الصفحة الأولى هي صفحة الغلاف وسيكون بها اهم عناوين المجلة واهم الصور التي تشد القارئ والطالب
الصفحة الثانية هي الفهرس وبالجانب بنفس الصفحة فريق التحرير
من الصفحة الثالثة وحتى الصفحة الخامسة عشر خاص بالمرحلة الثانوية
من الصفحة 16 وحتى الصفحة 20 خاص بالمرحلة الاعدادية
من الصفحة 21 وحتى الصفحة 23 خاص بالمعلمين والاخبار التعليمية واخبار الرابطة للمعلمين
ومن الصفحة 24 وحتى الصفحة الاخيرة رقم 30 المنوعات ( المواضيع الدينية - الثقافية - الادبية - الرياضية
- العلمية - التكنولوجيا - الحوارات - المسابقات - الاهداءات ) وخلافه من المواضيع الغير تعليمية
وطبعا التقسيم هذا مبدئي وسنأخذ رايكم في التقسيم في هذا الموضوع ولمدة يومين وحتى يوم 10 ديسمبر وبعدها نبدأ في
تنفيذ المقترحات بهذا الموضوع
ثانياً فريق العمل
- رئيس التحرير ( أشرف السيد)
- مدير عام تحرير القسم التعليمي ( الاستاذ عصام )
- مدير عام بقية المواضيع ( الاستاذ حسام )
- الاستاذ وليد عسكر محرر ركن المعلمين والرابطة
- موجهي المواد التعليمية - محررين المواد التعليمية وسيكون اسم كل موجه والمادة التعليمية التي يقوم بها وعلى الموجه
تجميع الدروس او المراجعات او الامتحان او ما يراه مناسب حسب الاتفاق مع المدرس الذي سيقوم بوضع المادة العلمية لهذا الشهر
- الاستاذة رانيا محرر الركن الديني والاجتماعي بالتعاون مع المشرفين السوبر لهذه الاركان
- المشرفين السوبر المحررين المسئولين عن تسليم اهم مواضيع اقسامهم
فريق التجميع للمجلة
- المشرفين الاداريين هم المسئولين عن استلام الاعمال من المشرفين السوبر وتصحيها نحويا وتسليمها لمحمد السادات واسلام المرشد
- المشرفين الاداريين التعليمين هم المسئولين عن استلام الاعمال من الموجهين وتصحيها نحويا وتسليمها للاستاذ عصام
وكما
- يكون الاستاذ حسام المسئول عن استلام الأعمال وارسالها لفريق التصميم الذي سيقوم بتصميم الاجزاء النهائية للمجلة
ويتبقي فريق التصميم
وهناك الكثير من ارسل الى وطلب العمل لوجه الله كمصمم في العمل وعلى كل من طلب مني العمل كمصمم ان يقوم بالرد هنا لكي نقوم
باختياره كفريق التصميم
وهذا الموضوع مفتوح حتى يوم 10 ديسمبر فقط
لكي نبدأ بأذن الله بعدها في العمل لاصدار العدد الأول لكي ينشر ويصدر يناير 2009 بأذن الله
وهذا الموضوع ليس بشكل نهائي ولكن متاح للجميع بالتفكير والاقتراح والطرح والمناقشة
وفي انتظار الجميع
وكل عام وانتم بخير
والسلام عليكم

بسم الله الرحمن الرحيم


استاذ اشرف انت مش عارف سعادتي قد ايه بجد بتنفيذ خطوه كنا بنحلم بيها من زمان

وسعادتي برضه اني هشارك معاكوا محرر بصفتي مشرف سوبر

احي حضرتك بجد علي الفكره العظيمه

وخلاص

كلها اقل من شهر ونشوف حلمنا وامنياتنا من زمان يتحقق في اول اصدار للمجله في شهر يناير

وان شاء الله طاقم العمل كله يبقي موفق ونتعاون علي قد ما نقدر

ومستنين موعد البدا في العمل:)

أستاذ أشرف ، السلام عليكم و رحمة الله و بركاته

فكر ة رائعة

إنها لفرصة طيبة أن يتسع لى المجال أن أهنئكم و أهنئ الأمة الإسلامية بعيد الأضحى المبارك

ثم أعلم أخى الكريم المبدع حقا أن جيلا من طلاب مصر لن ينسو ا ـ إن شاء الله ـ هذه الفكرة الرائعة التى أسهمت فى تطوير الفكر الطلابى ، و تنوير عقول الطلاب على اختلاف أعمارهم

ـ و إن شاء الله أنا معك فى كل خير يخدم طلاب مصر

أما عن الأفكار الجديدة : أقترح تخصيص صفحة للنقد
ـ أ ـ نقد المناهج : وهذا ليس عيبا لأن واضع المنهج بشر ، و هو يخطأ ، و لقد تغير المنهج أكثرمن عشر مرات ، وهذا يعنى أنه يحتمل النقد و التغيير
ب ـ نقد ذاتى للموقع : فلا مانع أن نسمع بصدر رحب أصوات الأبناء الطلاب .
ج ـ نقد الكتب الخارجية : فكثير من الكتب بها عثرات ، و كم خاطبنا المؤلفين ، و لا يسمعون
فإن كان ما لديهم الصحيح فليبرهنوا على ذلك ، و هى فرصة لأن نتعلم منهم ، و إن كان الصواب فى جانبنا ، فكل طلباتنا تصحيح المعلومات هذا من أجل أبنائنا جميعا .


أستاذ أشرف ، شكر الله لك إخلاصك فى خدمة أبنائك طلاب الثانوية

موافق على كل الكلام ده
بس معنى كده ان هيكون فيه متابعة مستمرة لشغل المجلة
ومعنى كده ان الشغل هيبئا تدريجى
نفرض ان فى طقم من التقسيمة دى حصلت ليه ظروف ومقدرش يكمل او
شغله توقف مش عارف بس حاسس ان موضوع تقسييم العمل محتاج مراجعة وتظبيط اكتر من كده
ربنا يوفق الجميع

أنا بجد مش هصدق إن الفكره بقت جديه غير لما ألمسها على رأيى الواقع
أعزونى أصلى حلمت كتير وصحيت على مفيش


بس ده ميمنعش إن مع حضرتك فى أى شىء تطلبه منى أكون أقدر أنفذه يعنى أنا معاك ياريس
:)
وربنا يوفق

وأنا برشح جنرال يكون فى فرق عمل تصميم المجله

وليا تعليق على طريقه تقسيم المجله بس خليه فى الرد الثانى ليه

جمهل جدا هذا الحوار وهذه الافكار
ولكن
الجزء التعليمي وهو ما يخصني في المقام الاول
1) يجب تحديد عدد صفحات كل مادة تعليمية حتي لاتطغي واحدة علي الاخري
2) يجب تحديد ابعاد الصفحة للمجلة حتي يراعي ذلك عند كتابة المادة العلمية
3) تحديد الزء الخاص بالصف الاول والجزء الخاص بالصف الثالث الثانوية وكذلك بالنسبة للمرحلة الاعدادية وكذالك الازهرية
ولذا
اري ان عدد [color=blue]18 صفحةS/color](تعليمة لا تكفي الا اذا كانت العملية تجربة ويمكن ان تذيد(عدد الصفحات

في انتظار الرد علي الاستفسارات السابقة حتي استطيع ان اقول لكم ان الرياضيات في المرحلة الاعدادية والثانوية ( جاهز ) ويتم التعامل مع باقي المودد [/colgr]
[color=blue]بالاضافة لابد من تحديد لها ميعاد ثابت في الاصدار ولذا يجب تجميع علي الاقل مادة تكفي عددين غير الذي يصدر تحسب لا ظرف

موافق جدا جدا جدا على كل هذا الكلام

ان شاء الله

ومعاكم فى كل حاجة

بس ياريت لو امكن حضرتك تحدد شغل كل واحد مننا اكتر شوية

علشان نكون متمكنين منة

وجزاك الله خيرا

فى امان الله

جميل جدا هذا الحوار وهذه الافكار
ولكن
الجزء التعليمي وهو ما يخصني في المقام الاول
1) يجب تحديد عدد صفحات كل مادة تعليمية حتي لاتطغي واحدة علي الاخري
2) يجب تحديد ابعاد الصفحة للمجلة حتي يراعي ذلك عند كتابة المادة العلمية
3) تحديد الزء الخاص بالصف الاول والجزء الخاص بالصف الثالث الثانوية وكذلك بالنسبة للمرحلة الاعدادية وكذالك الازهرية
ولذا
اري ان عدد 18 صفحة تعليمة لا تكفي الا اذا كانت العملية تجربة ويمكن ان تذيد عدد الصفحات

في انتظار الرد علي الاستفسارات السابقة حتي استطيع ان اقول لكم ان الرياضيات في المرحلة الاعدادية والثانوية ( جاهز ) ويتم التعامل مع باقي المواد
بالاضافة لابد من تحديد لها ميعاد ثابت في الاصدار ولذا يجب تجميع علي الاقل مادة تكفي عددين غير الذي يصدر تحسب لا ظرف


بالنسبة لحجم الورقة سيكون بحجم صفحة word الافتراضية A4

بالنسبة للازهرية ليس الان هنكتفي بالاول والثالث الثانوي العام والثالث الاعدادي فقط في بداية اول عدد

وبعدها ربنا ييسر

بالنسبة لحجم الورقة سيكون بحجم صفحة word الافتراضية a4

بالنسبة للازهرية ليس الان هنكتفي بالاول والثالث الثانوي العام والثالث الاعدادي فقط في بداية اول عدد

وبعدها ربنا ييسر


مع احترامي للكلام ولكن
الصفحة يجب ان تقسم الي اعمدة وليس صفحة كاملة
ولكن عموما
استطيع ات اقول لكن الرياضيات للمرحلة المطلوبة جاهز من الان

مع احترامي للكلام ولكن
الصفحة يجب ان تقسم الي اعمدة وليس صفحة كاملة
ولكن عموما
استطيع ات اقول لكن الرياضيات للمرحلة المطلوبة جاهز من الان


طبعا الصفحة ستقسم لاعمدة

وهتكون بشكل المجلات المطبوعة بالفعل

يا مسهل الحال يارب
على بركة الله وان شاء الله هتبقى تمام
وبضم صوتى لمحمد مصمم المجلة احمد رضا وجينرال

طبعا الصفحة ستقسم لاعمدة

وهتكون بشكل المجلات المطبوعة بالفعل

هذا ما اقصد
ولذا يجب تحديد ابعاد الاعمدة حتي يستطيع الكل تجهيز المادة
وللعلم
ان اشتركت قبل ذلك في عرض مادة علمية في احد المجالات في احدي الدول العربية
وكان لابد من معرفة عرض وطول الاعمدة
وللمرة الاخير
فكرة جيدة

انا معاكم كلكم يا جماعة ان شاء الله

الله المستعان
وان شاء الله سيتم اختيار افضل الموضوعات بالقسم الدينى
والاجتماعى
وقريبا ساجهز ما يخص مادتى علم النفس والفلسفه
جزاكم الله خيرا
فى امان الله

علم وينفذ ان شاء الله

بجد الفكره جميله جداااااااااا
ويارب تتم على خير
ويارب دائما نكون فى تقدم

على بركة الله
نبدأ

بالنسبة للمجلة مطلوب معرفة شكل الصفحة والحجم وعدد الصفحات لكل صف دراسى وعدد الصفحات المخصصة لكل مادة داخل الصف
و18 صفحة تعليمى لالولى ثانوى وثالثة ثانوى وثالثة اعدادى

3 اعدادى 5 مواد ب 5 صفحات
اولى ثانوى 11 مادة ب 11 صفحة
3 ثانوى ما لا يقل عن 12 مادة ب 12 صفحة
يعنى كدة على اقل تقدير محتاجين 28 صفحة للقسم التعليمى فقط قابلة للزيادة
ولا هى اتحسبت ازاى

دة غير طبعا ان عدد الصفحات لابد وان يقبل القسم على 4 ........جت منين بقى ال 30

مع الاعتبار ان فى مواد مقسمة الى فرعين او اكثر مثل الرياضيات والفلسفة والمنطق وعلم النفس والاجتماع والاقتصاد والاحصاء ............

منتظر شرح تفصيلى

مش مهم الكم لكن المهم الابداااااااع
فى نفسى فى كل الاقسام يرااااااااع
العمليه مش حشو واتبااااااااااااااااااع
العمليه ذوق و احساس واشعااااااااع
على بركة الله سيرو م القلب ان دااع

هل نرسل نحن الموضوع على ورقة a4 بصرف النظر عن حجم العمود وشكل الصفحة وبعد ذلك يأتى دور المصممين فى أنهم يعدلوا شكل الموضوع لما يناسب المجلة من ناحية الأخراج . أعتقد أن كدة يبقى أسهل لينا ولكنه متعب جداً جداً للمصممين .
بقى سؤال واحد أين نرسل مواضيعنا ( وطبعاً على هيئة مرفقات ) ؟

جاري اعداد موضوع فيه كل ما يتعلق برابطه معلمي مصر وسوف اقوم بعمل موضوع مثبت في قسم الكادر ورابطه معلمي مصر من اجل اختيار الافضل والاجود والله هو ولي التوفيق

جاري اعداد موضوع فيه كل ما يتعلق برابطه معلمي مصر وسوف اقوم بعمل موضوع مثبت في قسم الكادر ورابطه معلمي مصر من اجل اختيار الافضل والاجود والله هو ولي التوفيق
الف مبارك بداية الخطوة الثانية في اصدار المجلة الالكترونية للموقع .
ومعكم بامر الله الى ان ياذن الله باتمام عمل نافع يرضى عنه ويرضى به عنا جميعا .
وسنكون مع اتصال دائم بالاستاذ/ وليدعسكر محرر ركن المعلمين والرابطة .
وان شاء نبارك قريبا للمهندس /اشرف (عبقرينومان) مدير المنتدى لصدور باكورة المجلة ،والله الموفق.

بالنسبة لحجم الورقة سيكون بحجم صفحة word الافتراضية a4

بالنسبة للازهرية ليس الان هنكتفي بالاول والثالث الثانوي العام والثالث الاعدادي فقط في بداية اول عدد

وبعدها ربنا ييسر





لا ...........لية بانسبة للازهرية ليس الان لابد ان تكون المجلة لكل الطلاب ازهر وعام هو طالب الازهر دة...........اية يعنى مالوش اى حق.....ولا نعمل زى الدولة ظالمة لطالب الازهر .....الرحلات لطلاب المدارس اقصد رحلات الاوائل والصحف تكتب عن اوائل المدارس سيدة الوزير يوزع اجهزة كمبيوتر على طلاب المدارس.اما طلاب الازهر لالالالالالالالالالالاوالف لالالالالالالا
....يعنى الموقع بيحارب طلاب الازهر ولا اية.....اذا كان الكل بيحارب طلاب الازهر الذين يحملون القران الكرم واذا كانت دراسة الحديث والفقة وسيرة رسول الله عيبفى نظر البعض...اذا..فلا داعى للدخول فى جدال لافائدة منة ..........ارجو التفكير جدا فى هذ الموضوع ولابد ان تصدر الجريدة وهى بها كل الاقسام يعنى يكون فيها قسم رياضى عن الكورة وخلافة ولايوجد بها قسم خاص بطلاب الازهر الشريف لالالالالالالالالالالالالالالالالالالالالا
ارجو الرد .............................

على بركة الله
وبالتعاون الجاد وبالفعل كل شيء سوف يصبح حقيقة باذن الله
بالنسبة للازهر حاضر ده العدد الاول تجريبة ولن نحرم اى قسم من المجلة بسى ننفذ العدد الاول باذن الله ونشوف

معكم ان شاء الله ومستعدون لكل ما تطلبون فيما يخص اللغة الفرنسية والله الموفق

السلام عليكم ورحمة الله وبركاته
طبعا الفكره رائعه والتنفيذ إن شاء الله سيكون على أعلى مستوى لأن عندنا أناس متميزيين
المهم أنا أقترح فى البدايه تكون المجله للمرحله الثانويه ( أولى وثالثه ) كتجربه وبعدها عندما يتم التوسع فيها وتزيد عدد صفحاتها
يكون هناك قسم خاص بالمرحله الإعداديه وكذلك الإبتدائيه أيضا
وفى البدايه يجب أن تكون عدد صفحات القسم التعليمى كثيره لأن المجله فى المقام الأول تعليميه
وقبل أن نحدد عدد الصفحات يجب تجميع الماده التعليميه أولا فى المراحل التى سيتم عرضها فى المجله وعلى أساسها يتم تحديد الموضوعات الأخرى الفرعيه 0000000000
هذا فى المرحله الأولى
أما بالنسبه للمرحله الثانيه
يجب تطوير القسم التعليمى فى المجله لأنه سيكون الأهم فيها ودرج المراحل الأخرى إعداديه وإبتدائيه وأزهريه أيضا
حتى تكون المجله شامله ولا تقتصر على مرحله بعينها وتكون فى أيدى الجميع وبالتالى يكون توزيعها أكثر
أما بالنسبه للماده التعليميه فيجب تكاتف الجميع من أجل إعداد موضوعات عاليه الجوده ومهمه لكل طالب وغير مكرره
وغير دارجه فى الكتب الأخرى من حيث الشرح والتمارين الجديده والمهمه حتى تجذب الطلاب إليها وهذا دور كل معلم فى البوابه
وفى نهاية كلمتى أحب أن أن أوجه نظر حضراتكم إلى كلمه مهمه جدا وهى ( إذا حسن البدء حسن الختام ) وكذلك البدايه مهمه جدا وعلى أساسها يتوقف نجاح المجله من عدمه
والله الموفق
أستاذ / عادل مجاهد مصطفى
مدرس أول رياضيات / الجماليه / دقهليه / 0166870877

موافق وفى الخدمة

وعلى استعداد لأى استفسار أو مواضيع خاصة بالتكنولوجيا والثقافة

والله الموفق

على بركة الله
وإلى الأمام دائما
والله ولى التوفيق

أخي الأستاذ سمير على بركة الله وانا مستعد لتصميم المجلة وكتابتها مع فريق العمل والمشاركة وما تطلبوه مني أنا تحت امر المنتدى

اقتراح مستر محمود طه ــ ممتاز ..

تقسم الصفحة إلى أعمدة ...

هناك أعمدة ثابتة .. يكتب فيها أعضاء ثابتين .. بعناوين ثابتة .. وبتصميم ثابت ..

ــــــــ

المهم ..

المرحلة القادمة على فريق التصميم ..
وممكن أن أساعدهم لخبرتي الطويلة في الفوتوشوب والتصوير .. بفضل الله .

وبالنسبة للموضوعات والدروس والمسابقات ... كثيرة جدا بإذن الله ..

ونحن مستعدون لها ..

بارك الله في كل فكرة جديدة تخرج إلى النور ، وتجد من يساندها .

ارجو ان لا تكون المجلة نسخة مكررة من المنتدى اكرر نريد الابداع ان كان مستطاع نريد التجديد اذا كانت الارادة حديد نريد التميز

اكرر نريد دماءا جديدة تضخ
مش معقول كل اللى فى المنتدى هيبقى فى المجلة نريد تنقيح و تنوع حتى يتجدد الفكر
زهقنا من الفكر الواحد نريد افكار متنوعة مختلفة واعدة تنمى لا تهدم تنير لا تقلد

بارك الله فيكم واتمنى وجود مكان لى معكم

استاذ اشرف
هذه الخحطوة رائعة جدا

واتمنى الا يمر 15 ديسمبر قبل ظهور المجلة كما اتفقنا من قبل

ثانيا كنت اريد ان اعرف

حجم المادة العلمية لكل مادة سيكون صفحة كاملة
اى 3 اعمدة ام اكثر ام اقل

حتى نستطيع ان نحدد عدد مواد كل مرحلة ونقوم بتقسيم الصفحات على المواد
وبالنسبة للمرحلة الثانوية

سيكون العمل على الصف الاول والثالث فقط

ولكن لابد ان يوضع فى الاعتبار فيما بعد ان شاء الله

ولابد من زيادة المساحة من اجل الصف الثانى


وارجو ايضا الا نهمل وجود جزء خاص بالاسئلة التعليمية الخاصة بكل مادة وتكون مسابقى دورية فى جميع المواد
ونعلن اسماء الفائزين فى العدد المقبل
وايضا مسابقة ثقافية ودينية

انا فى رايى ان هذا سيثير النشاط فى الاقبال على المجلة

انتظر رد حضرتك

على باركة الله التقسيما حلوة بس فين ركن الجامعات
وكل سنه وانتم طيبين

بالتوفيق ان شاء الله
ولكني اكرر ما ذكرته في الموضوع السابق عن اهمية السرعه في تنفيذ النسخة الورقية والمساهمه من محبي المنتدى في تكاليف الطباعة واعتبروني اول المساهمين

اما بخصوص تقسيم المجلة اعتقد ان تكون 40 صفحة افضل حتى عندما تتحول لنسخة ورقية يبقى العدد مقسوم على اربعة
واقترح
تحديد 32 صفحة لجميع المراحل التعليمية
صفحة الغلاف (بها تنويهات عن المواضيع)
لا داعي لصفحة الفهرس حيث لا يوجد فهرس في المجلات
فريق التحرير يكتب في عمود في احد الصفحات وومكن تكون الاخيرة
7 صفحات للموضوعات المختلفة المتبقية
شكرا وبالتوفيق

على بركة الله وإن شاء الله سنجهز المادة العلمية وربنا يوفقنا

اولا عيد سعيد
ثانيا مليون مبروك
ثالثا ارجو الانضمام معكم ويشرفني ذلك

فكرة رائعة وعلى بركة الله والمنتدى به كفاءات رائعة فى كل المواد . ان شاء الله فكرة ناجحة وعمل متميز

بص يا استاذ محمد عدد الاعمدة هتكون ثلاثة في كل صفحة وزي ما قلنا الصفحة مقاس ورقة a4 وكمان ممكن يكون العدد قابل للزيادة

أرجو أن أساعد في هذا العمل الرائع والمتميز فأنا لي خبرة في مجال الصحافة حيث عملت في مجال الصحافة كمحرر بجريدة مصر ومجلة صوت الشرقية وجريدة أخبار الشرقية بجانب مراسلتي لفترة طويلة لمجلة الأهرام الرياضي.

وانا معكم ان شاء الله وتحت امر قسم اللغه الفرنسيه

بص يا استاذ محمد عدد الاعمدة هتكون ثلاثة في كل صفحة وزي ما قلنا الصفحة مقاس ورقة a4 وكمان ممكن يكون العدد قابل للزيادة


a4 مقسمة لثلاث اعمدة ازاى

ما ينفعش طبعا


الصفحة a4 اقل حاجة تقسم الى عمودين يا دوب علشان الكلام يبقى واضح والتنسيق بين الكلام ولو فى رسومات كمان حيبقى فى كلام فى كيفية التنسيق

من رائي ان يكون القسم التعليمي مختلف مع الجرائد التعليميه الاخري فمثلا معظم الجرائد التعليميه تقوم بالاسئله والاجوبه للطالب والطالب في هذا الوقت محتاج شرح اكثر للمنهج والله الموفق

حجم الورقة A4 في الرابط ده وتقدر تحكم لما تكون 3 اعمدة هيكون شكلها جميل ازاي

http://www.graphic-design-employment.com/images/a4-paper-dimensions.jpg

ربنا يوفقكم الى ما فيه الخير
ومعاكم ان شاء الله
وجزاكم الله خيرا

اولا ذو بدء : كل عام وانتم بخير بمناسبه عيد الاضحي

ثانيا اشكر كل القائمين علي هذا العمل الجميل ، ولكن لي اقتراح بسيط يجب تحديد المواد التي سوف يتم ادراجها

ثالثا كما قرات سابقا علمت ان المرحله الثانويه سوف تاخذ اكثر من نصف صفحات المجله طيب ازاي وفين الجانب الديني والثقافي و باقي المراحل لكل مرحله ماده معينه وقصد ان عدد الصفحات كده هاتكون غير كافيه واقصد مثلا ممكن يكون هناك علي الاقل اكثر من 25 ماده في المرحلتين الاعداديه والثانويه وكيف يتم ادراجهم في تلك الصفحات
نعم سوف تكلف اكثر ولكن يجب علينا جميعا ان نتكاتف من اجل اخراجها باعلي صوره ويشارك الجميع في البدايه لاظهارها وبعدين المجله عندما تلاقي رواجا واكثر بيعيا سوف يتم ازاله تلك العقبات ان شاء الله

كل عام و انتم بخير

حسب فهمى لمشروع المجلة الالكترونية انها ستكون فى صورة ملف اكروبات و ليست ورقية على الاقل فى الوقت الحالى

و لذلك فانه لا توجد مشكلة فى عدد صفحات المجلة فيمكن ان تتعدى المائة صفحة و تكون شاملة لكل المواد العلمية و غير العلمية و مدعمة بالصور

كذلك فى حالة ملف الاكروبات لا توجد مشكلة فى عدد الاعمدة و مقاس الخط نظرا لامكانية تكبير الصفحة لاحجام كبيرة جدا

و لكن ستظهر مشكلة عدد الصفحات و عدد الاعمدة و حجم الخط عند التحول الى المجلة الورقية

المجلة الالكترونية ستحتاج الى كثير من العرق قليل من المال

المجلة الورقية موضوع آخر

و شكرا لادارة المنتدى

انا معكم فى اى شىء لخدمة هذا المنتدى العطاء

السلام عليكم ورحمة الله وبركاته

كل عام والجميع بخير

فكرة المجلة فكرة رائعة ... ولدىّ اقتراح
بأن تكون المجلة من جزئين

جزء خاص بالمراحل التعليمية ... الجزء الثاني مجلة إثرائية
وكل مجلة منفصلة عن الأخرى ... ويجمعهما فقط صفحة في كل منهما

صفحة بالمجلة التعليمية بها محتويات "فقط" لمواضيع عدد المجدلة الإثرائية
وكذلك صفحة بالمجلة الإثرائية بها خطوط عريضة وعناوين للمجلة التعليمية

المجلة التعليمية موجهة أصلاً لطلاب مراحل الدراسة
أما الثانية فللتثقيف وتعليم كمبيوتر ومواضيع إثرائية أخرى

================

بالنسبة لشكل المجلة ...
أقترح إذا نويتم أن تكون على ورق A4 فيجب أن لا تتضمن الصفحة أكثر من عمودين أسوة بالمجلة
http://www.eltwhed.com/majalah/tawhid1.rar (http://www.eltwhed.com/majalah/tawhid1.rar)

أو تكون على شكل مجلة في جريدة
http://www.el-wasat.com/details.php?id=33425 (http://www.el-wasat.com/details.php?id=33425)

================

بالنسبة للطباعة إذا فكرتم بالطباعة
فأرخص طباعة ألوان أو عادي في الوطن العربي مكاتب الشناوي لدينا بالزقازيق
(تكلفة الورقة ألوان 25 قرش والورق العادي 8 قروش) ... سامحوني للدعاية :)


وفقكم الله

حجم الورقة A4 في الرابط ده وتقدر تحكم لما تكون 3 اعمدة هيكون شكلها جميل ازاي

http://www.graphic-design-employment.com/images/a4-paper-dimensions.jpg




استاذ اشرف
صلى على النبى كدة وركز معايا بالله عليك
انا مل قلتش ان ال 3 اعمدة شكلها وحش
انا بقول انه لا يمكن تقسيم ورقة a4 الى ثلاث اعمدة علشان تنسيق الكلام المكتوب
وبقول ان a4 على اقصى تقدير تقسم الى عمودين وفى العمودين كمان لو فى صور حتبقى محتاجه مهارة فى التنسيق بين الكلام والصور (للحفاظ على السياق )

ايه بقى علاقة ان شكلها جميل او وحش باللى انا بقوله

عايز تخليها 3 اعمدة تبقى على الاقل الورقة تكون (ثمانيات) او a3

ماشى كدة

استاذ اشرف
صلى على النبى كدة وركز معايا بالله عليك
انا مل قلتش ان ال 3 اعمدة شكلها وحش
انا بقول انه لا يمكن تقسيم ورقة a4 الى ثلاث اعمدة علشان تنسيق الكلام المكتوب
وبقول ان a4 على اقصى تقدير تقسم الى عمودين وفى العمودين كمان لو فى صور حتبقى محتاجه مهارة فى التنسيق بين الكلام والصور (للحفاظ على السياق )

ايه بقى علاقة ان شكلها جميل او وحش باللى انا بقوله

عايز تخليها 3 اعمدة تبقى على الاقل الورقة تكون (ثمانيات) او a3

ماشى كدة


بص يا سيادة الرئيس

المادة التي تحتاج عمودين لا ضير والمادة التي يصلح فيها الا عمود لا ضير

والمادة التي يصلح معها 3 اعمدة لا ضير

يعني مفيش مشكلة في عدد الاعمدة المهم ان تظهر المادة بشكل طيب

بص يا سيادة الرئيس

المادة التي تحتاج عمودين لا ضير والمادة التي يصلح فيها الا عمود لا ضير

والمادة التي يصلح معها 3 اعمدة لا ضير

يعني مفيش مشكلة في عدد الاعمدة المهم ان تظهر المادة بشكل طيب


طيب بص انا حريحك واريح نفسى

انا ح ارسل المادة العلمية صفحات وورد مفتوح

الصفحة على بعضها من غير عواميد

ومعها اسم وصورة المدرس صاحب الموضوع

وربنا يكون فى عون اللى حينسق الكلام فى عواميد

حطها بقى فى عمود فى اثنين فى ثلاثة .... حسب ما يترائى لك انه مناسب
بعد رؤيتك للصورة النهائية قبل عرضها على الموقع

ماشى كدة متفقين
بس طبعا حيتم عرض المادة العلمية مرة اخرى على المدرسين بعد التنسيق لمراجعتها مرة اخرى

من الممكن ان اكون محررا لكل الاخبار الرياضية والانفرادات ارياضية

اولا
مبرووك
مستر/اشرف والادارة


بس معنى كده ان هيكون فيه متابعة مستمرة لشغل المجلة



ومعنى كده ان الشغل هيبئا تدريجى

نفرض ان فى طقم من التقسيمة دى حصلت ليه ظروف ومقدرش يكمل او
شغله توقف مش عارف بس حاسس ان موضوع تقسييم العمل محتاج مراجعة وتظبيط اكتر من كده




وأنا برشح جنرال يكون فى فرق عمل تصميم المجله



لفت نظرى النقطتين دول بصراحة
ومتحاجين نظرة عليهم

وبضم صوتى
فى اختيار جينيرال واحمد رضا لفريق المجلة
:)
. . . . . . . .
بالنسبة بقى للمجلة
انا ملحقتش اقول فى فكرتها اى حاجة علشان كانت عندى ظروف
واسفة على انى مشفتش لينك الموضوع اللى متاخر:(

طبعا هيكون في المجلة مراجعات وامتحانات تخص صفوف التعليمي الثانوي والاعدادية

حضرتك نسيت المرحلة الابتدائية
وبالنسبة للغات
هيكون ليهم صفحات برضه
:confused:
حضرتك قلت المجلة هتكون 30 صفحة
لكل حاجة فى المنتدى
اخبار المعلمين واخبار رابطة معلمي مصر

واخبار الموقع

واخبار التعليم المصري والوزارة
بجانب شرح للطلبة لكافة المراحل
(هو حضرتك متاكد انها هتكفى):d
المشرفين السوبر المحررين المسئولين عن تسليم اهم مواضيع اقسامهم
مفيش مشرفين سوبر على
الاقسام الجديدة والمميزة
اللى من ضمنها
الركن العام
وكمان فى تقصير منهم شوية على اقسامهم

المشرفين الاداريين هم المسئولين عن استلام الاعمال من المشرفين السوبر وتصحيها نحويا

صعبة اوى دى عبقرينو:d
لا بالنسبة لتصحيح النحو دى محتاجة
مدرسين لغة عربية
يتم اختيارهم:bosyht9:

أرى أنه يجب اختيار فريق عام من أساتذة اللغعة العربية لمراجعة كل ما هو مكتوب باللغة العربية املائيا ونحويا ، ثم فريق متخصص لكل مادة مكون من موجه المادة ومشرفيها وبعض المدرسين للمراجعة المتخصصة والخاصة بالمادة العلمية المقدمة فهذه هي باكورة المجلة ويجب ان تخرج في أبهى صورها. مع تمنياتي بالتوفيق

وانا موجود باذن الله تعالى وبعتذر عن التغيب فى الفترة الاخيرة وان شاء الله
الى الامام دائما ودى خطوة كلنا كنا بنحلم بيها من زمان وان شاء الله تتحقق
والله المستعان

من الصفحة 24 وحتى الصفحة الاخيرة رقم 30 منوعات
- ومفيش ولا ربع صفحة للمرحلة الابتدائية ؟
- الابتدائي موش تبع التربية والتعليم ولا إيه ؟
وفقكم الله لما فيه الخير وسدد خطاكم
وإلى الأمام

على بركة الله وأنا معكم في أي عمل يسند إلي .. وفي انتظار التكليف

فكرة رائعة واتمنى المشاركة

بالتوفيق إلي الجميع وعلي بركـــــــــــــــة الله

أستاذ أشرف ، السلام عليكم و رحمة الله و بركاته
بارك الله فيك

أولاً الحمد لله إنها ظهرت إلى النور
ثانياً عمود أو أكثر هذا يعود إلى الخبر المكتوب
ثالثاً لاحظت أنها تحوى دروس وأسئلة فأخذت مساحة كبيرة ألا نكتفى بالعنوان ويكون عبارة عن لينك نصل به لنفس الصفحة على موقعنا وخاصة أنه بالفعل موجود ( فلتكن المجلة عبارة عن إعلان عن الجديد وعلى القارء الوصول لما يريد عن طريق اللينك، وذلك يتيح التواصل أكثر مع الخبر أو المعلومة والتعليق عليها
رابعاً خالص شكرى وتقديرى للقائمين على المجلة
والله ولى التوفيق

أولاً الحمد لله إنها ظهرت إلى النور
ثانياً عمود أو أكثر هذا يعود إلى الخبر المكتوب
ثالثاً لاحظت أنها تحوى دروس وأسئلة فأخذت مساحة كبيرة ألا نكتفى بالعنوان ويكون عبارة عن لينك نصل به لنفس الصفحة على موقعنا وخاصة أنه بالفعل موجود ( فلتكن المجلة عبارة عن إعلان عن الجديد وعلى القارء الوصول لما يريد عن طريق اللينك، وذلك يتيح التواصل أكثر مع الخبر أو المعلومة والتعليق عليها
رابعاً خالص شكرى وتقديرى للقائمين على المجلة
والله ولى التوفيق