السلام عليكم ورحمة الله وبركاته

إزيكم يا بنات ويا شباب؟؟

يا رب تكونوا بخير دايماً

أول حاجة الموضوع مالهوش علاقة بالعام خالص بس .. أستسمح حضرات المشرفين يسيبوا الموضوع فى القسم يوم واحد بعد إذنكم

أنا عايزة أحكيلكم يومى إنهارده يا جماعة

بجد يوم أكثر من رائع .. أول مرة أحسن إنى بنى آدمة بجد

قال رسول الله صلى الله عليه وسلم " إن لله عباداً إختصهم لقضاء حوائج الناس وحببهم فى الخير وحبب الخير إليهم " صدق رسول الله صلى الله عليه وسلم


فعلاً يا جماعة إنهارده كان يوم جميل جداً جداً .. إنهارده كنا فى قرية برقاش فى الجيزة ..
إتجمعنا الصبح فى فرع رسالة المهندسين هنينا بعض بالعيد و صلينا الضحى وفضلنا نقرأ قرآن لغاية ما قالولنا يلا علشان هنمشى ..المفروض فى عجلين حوالى 500ك يتذبحوا ويتقطعوا ويتوزعوا فى القرية ..

والطريق للقرية بناخده فى ساعة ونص تقريباً

و ركبنا الباصات وقولنا دعاء الركوب ومشينا وفى بنت إقترحت لنقول كلنا التلبية سوا فعلاً فضلنا نص الطريق نقول : " لبيك اللهم لبيك .. لبيك لا شريك لك لبيك .. إن الحمد والنعمة لك والملك .. لا شريك لك لبيك " .
نص الطريق التانى قولنا تسبيح العيد :"الله أكبر, الله أكبر, الله أكبر.لا إله إلا الله.الله أكبر الله أكبر ولله الحمد الله أكبر الله أكبر الله أكبر لا إله إلا الله. الله أكبر

كبيره والحمد لله كثيرا, وسبحان الله وبحمده بكرة وأصيلا. لا اله إلا الله وحده, صدق وعده, ونصر عبده, وأعز جنده,

وهزم الأحزاب وحده. لا إله إلا الله, ولا نعبد إلا إياه, مخلصين له الدين ولو كره الكافرون.اللهم صلى على سيدنا محمد

وعلى آل سيدنا محمد وعلى أنصار سيدنا محمد وعلى أصحاب سيدنا محمد وعلى أزواج سيدنا محمد وعلى زرية محمد

وسلم تسليماً كثيرا . الله أكبر, الله أكبر, الله أكبر.لا اله الا الله.الله أكبر الله أكبر ولله الحمد الله " .

وصلنا القرية وقولنا دعاء دخول القرية

قسمنا نفسنا مجموعات ( مجموعة تقطيع اللحمة / مجموعة تكييس وتكييل اللحمة / مجموعة توزيع اللحمة ) .. و كان مطلوب مننا نخلص كل حاجة قبل المغرب بدأنا نشتغل ونبدل من مجموعة لمجموعة .. والحمد لله خلصنا كل شىء على العصر بالظبط :078111rg3: ..صلينا جماعة الظهر والعصر ..
و إحنا راجعين فضلنا نقرأ قرآن ونقول أذكار وكل واحد فينا إتصل بإصحابه وقرايبه وجرانه على قد ما قدر علشان يهنيهم بالعيد .. كان يوم رائع جداً يا جماعة .. يا سلام لما تمسك سكينة وتقطع لحمة وتجهزها لناس محتاجاها فعلاً ( خافوا منى بقا أنا بقيت معلمة قد الدنيا :stickjo4:) .. ولا لما تروح توصل الكيس البسيط ده بإيدك للمحتاج وتبتسم فى وشه وتقوله كل سنة وأنت طيب .. وما أجمل الدعوة اللى يقولهالك .. ربنا يستركم ويبارك فيكم ويرزقكم من وسع ولا يرميكم فى ضيقة أبداً ..

الله .http://www.paldf.net/forum/images/smilies/1004.gif. الله .http://www.paldf.net/forum/images/smilies/1004.gif. الله

الله لما تكون صايم ومش أى يوم دا يوم عرفة .. و واحد أو واحدة غلابة يدعولك دعوة بسيطة من قلبهم

تفتكر ممكن ربنا مايقبلش الدعوة دى

طبعاً لو بنية خالصة لوجه الله .. ربنا مش هيرفضها

لبيك اللهم لبيك لبيك لا شريك لك لبيك .. إن الحمد والنعمة لك والملك لا شريك لك لبيك

أنا بس حبيت أعرض عليكم تجروبتى .. بجد أنا كنت بشوف أخويا رايح يعمل خير ويقولى تعالى وأكسل أروح معاه .. بس الحمد لله ربنا هدانى لطريق كله خير والحمد لله .. وربنا يهدينا أجمعين
فقد ثبت عن الرسول صلى الله عليه وسلم أنه قال " من فرج عن مسلم كربة فرج الله عنه كربة من كربات يوم القيامة ومن ستر مسلما ستره الله يوم القيامة " صدق رسول الله صلى الله عليه وسلم
بجد يا جماعة طريق الخير ده جميل جداً خسارة يكون فى إيد كل واحد فينا ومانستغلهوش .. بالله عليكم بلاش نكسل ونضيع وقتنا فى حاجات مالهاش فايدة لينا .. وحاولوا أى وقت تكونوا فاضيين فيه على قد ما تقدروا ساعدوا أى حد محتاج

ولما تقع فى ضيقة أو مشكلة لا قدر الله وتتحل بكل سهلة عقلك هيفكرك بالخير اللى عاملته علشان تفك ضيقة شخص .. و إزاى ربنا ردهولك تانى

على فكرة أنا دعيتلكم فى كل صلاة إنهارده .. إنتوا بقا دعيتولى ولا إيه نظامكم :stickjo4:

::http://www.paldf.net/forum/images/smilies/1004.gif::http://www.paldf.net/forum/images/smilies/1004.gif::http://www.paldf.net/forum/images/smilies/1004.gif::http://www.paldf.net/forum/images/smilies/1004.gif::http://www.paldf.net/forum/images/smilies/1004.gif::

إن شاء الله فى قافلة توزيع لحمة فى الجيزة ( العياط ) تبع جمعية رسالة فرع المهندسين خامس وسادس أيام العيد ( يوم الجمعة 12/12/2008م والسبت 13/12/2008م) التجمع فى الجمعية بالمهندسين الساعة 8,30ص والتحرك بمشيئة الله 9ص بالظبط .. نتمنا تشاركوا معانا فى الخير .. وجزاكم الله خيراً وأكلتم لحم طيراً ورُزقتم من الجنة منزلاً .. http://www.paldf.net/forum/images/smilies/1004.gifوكل عام وأنتم بخيرhttp://www.paldf.net/forum/images/smilies/1004.gif

ما شاء الله عليكم ياريت كل الشباب والبنات يكونوا زيكم
بس ليه الذبح ميكونش بكره علشان تكون أضحية مش صدقة

بجد ربنا يبارك فيكى الجمعيه دى جامد جدا يا جماعه وموجود ليها فرع فى كل محافظه والله مبنساش العيد اللى فات لما رحت معاهم مستشفى الاطفال احاس جميل بجد هتحس انك حد ليك لازمه ودعوات الناس وابتسامتهم من امهات مع اولادهم فبجد حاجه جامده ويوم جميل والموضوع يتاب هنا ع الاقل اليومين دول يوم جميل يا مها ربنا سيبارك فيكى وفى الاخوه اللى معاكى

ياندلة ياماهى
مش تخدينى معاكى ياخسارة الى كان بنا:slap1qk6:
بس بجد يابختك
الواحد النهاردة معملش اى حاجة مفيدة:(
تقبل الله ياقمر وكل سنة وانتى طيبة
بس برضه هتضربى لما اشوفك
لو كنتى قولتيلى كنت هاجى :slap1qk6:

ما شاء الله
يابختك يا موها
يا ريتنى كنت معاكوا انا بحب الحاجات دى اوى
ربنا يوعدنا و يتقبل
بجد كان يوم تحفة ربنا يتقبل
اكيد انتى طبعا ناو حاسة انك فرحانة جدا :romarioxp6:
انا بحسدك يا بت :stickjo4:

شكرا يا مها :)

ما شاء الله عليكى
ربنا يبارك فيكى
جزاكى الله خيرا

ما شاء الله عليكم ياريت كل الشباب والبنات يكونوا زيكم
بس ليه الذبح ميكونش بكره علشان تكون أضحية مش صدقة

هو أصلاً إحنا بنروح قافلة كل يوم جمعة فا يوم الجمعة اللى فات فى واحد من القرية إتبرع بعجلين دا غير الذبح أول يوم العيد

فا نزلنا إنهارده الشباب ربنا يكرمهم دبحوا العجلين وقطعناهم و وزعنا على القرية والحمد لله فاض كتير جداً للقرى اللى جنب قرية برقاش

فا هو الراجل ربنا يكرمه إتبرع لرسالة بيهم فا قلنا ندبحهم ونوزعهم قبل العيد لاننا هنكون الجمعة والسبت الجايين بإذن الله فى قرى تانية بنوزع

وعلى فكرة من بكره إن شاء الله فى مجازر فاتحة تعب الجمعية لمدة 4 أيام اللى يحب يروح يتصل بالجمعية ويستفسر عن كل حاجة

وجزاك الله خيراً على الرد :)

بجد ربنا يبارك فيكى الجمعيه دى جامد جدا يا جماعه وموجود ليها فرع فى كل محافظه والله مبنساش العيد اللى فات لما رحت معاهم مستشفى الاطفال احاس جميل بجد هتحس انك حد ليك لازمه ودعوات الناس وابتسامتهم من امهات مع اولادهم فبجد حاجه جامده ويوم جميل والموضوع يتاب هنا ع الاقل اليومين دول يوم جميل يا مها ربنا سيبارك فيكى وفى الاخوه اللى معاكى

ربنا يخليكى يا سمنة يا حُبى

و إن شاء الله تتكرر زيارة الأطفال وزيارة رسالة بكل أنشطتها

جزاكِ الله خيراً :)

ياندلة ياماهى

مش تخدينى معاكى ياخسارة الى كان بنا:slap1qk6:
بس بجد يابختك
الواحد النهاردة معملش اى حاجة مفيدة:(
تقبل الله ياقمر وكل سنة وانتى طيبة
بس برضه هتضربى لما اشوفك

لو كنتى قولتيلى كنت هاجى :slap1qk6:



طيب يا حلوة فى حاجة كده هنعملها فى العيد وفى ناس كتير جايين معايا هبقا أقولك عليها بعدين

وعندك يوم الجمعة والسبت الجايين توزيع لحمة

عارفة لو ماجتيش

أنا اللى هضربك لما أشوفك :slap1qk6:

لما أشوف أخرتها معاكو إيه ؟؟ :stickjo4:

وكل سنة وانتم طيبين جميعاً

وجزاكِ الله خيراً يا نسومتى :)

مجهود راااااائع جدا يا مها جزاكم الله عليه خيرا كثيراااااااااا وربنا يجعله فى ميزان حسناتكم
وفعلا جمعية رسالة من الجمعيات المتميزة جداااا
واتمنى ان تتاح لى الفرصة فى انى اشترك فيها بس مش الوقت ده عشان الامتحانات وكده دعواتك بقى يا قمر
لكن هحاول باذن الله على الاجازة كده وهبقى اتصل بيكى اعرف ازاى انضميتى ليهم ان شاء الله

هما دول الشباب اللى يفرح بجد
بجد بارك الله فيكم
ومجهود حلو اوى اللى انتوا بتعملوا بس للاسف مش هاقدر اشترك معاكى لظروف كده:(
بس ربنا يوفقكوا يارب

بجد فعلا احساس رائع

انا لما بطلع قافله او معرض تبع رساله بحس بنفسي بجد بحس ان انسانه ليه هدف ودور في الحياه بيبقي احساس جميل وانت شايف بسمه ببترسم علي وجوه الناس الغلابه ديه

بجد حزاك الله كل خير مها
ربنا يكرمك ياااااااارب:)

تصدقى انا حسيت انى كنت معاك من طريقتك الجميله اللى حكيتى بيها
ربنا يجعله فى ميزان حسناتك يا ميمى ويقدرك دائما على فعل الخير

بسم الله الرحمن الرحيم
السلام عليكم ورحمة الله وبركاته
كل عام وحضراتكم بخير وفي صحة وسعادة
الله يجعله في ميزان حسناتكم
الله يعطيعكم العافية ويعنيكم على فعل الخير
بس انتو لية مش روحتو الصعيد حتى انا سمعت والله اعلم انهم بيذيعوا عنهم في التلفاز والمسجل انتو عارفين بقولو اية.....

بسم الله الرحمن الرحيم

السلام عليكم ورحمة الله وبركاته
كل عام وحضراتكم بخير وفي صحة وسعادة
الله يجعله في ميزان حسناتكم
الله يعطيعكم العافية ويعنيكم على فعل الخير
بس انتو لية مش روحتو الصعيد حتى انا سمعت والله اعلم انهم بيذيعوا عنهم في التلفاز والمسجل انتو عارفين بقولو اية.....


وعليكم السلام ورحمة الله وبركاته

كل سنة وحضرتك طيب

على فكرة رسالة بتوزع فى الصعيد وفى قافلة مجمعة من كل الفروع بتتعمل كل فترة وبتكون شبابا بس بتستمر حوالى 4 أيام متواصلة

الحمد لله على قد ما نقدر بنوصل لجنوب مصر

وجزاك الله خيراً:)

ما شاء الله

يابختك يا موها
يا ريتنى كنت معاكوا انا بحب الحاجات دى اوى
ربنا يوعدنا و يتقبل
بجد كان يوم تحفة ربنا يتقبل
اكيد انتى طبعا ناو حاسة انك فرحانة جدا :romarioxp6:
انا بحسدك يا بت :stickjo4:

شكرا يا مها :)



إيه الناس الحقودة دى :angry2:

وأنا اللى كنت ف****ى طيبة :slap1qk6:

منورة يا شيرى .. و يا ريتكم كنتوا معايا :(

ربنا يجمعنا كلنا فى الخير.. آميـن :)

ما شاء الله عليكى
ربنا يبارك فيكى
جزاكى الله خيرا


جزانا و إياكم كل خير

وربنا يبارك فينا أجمعين

جزاك الله خيراً

مجهود راااااائع جدا يا مها جزاكم الله عليه خيرا كثيراااااااااا وربنا يجعله فى ميزان حسناتكم
وفعلا جمعية رسالة من الجمعيات المتميزة جداااا
واتمنى ان تتاح لى الفرصة فى انى اشترك فيها بس مش الوقت ده عشان الامتحانات وكده دعواتك بقى يا قمر
لكن هحاول باذن الله على الاجازة كده وهبقى اتصل بيكى اعرف ازاى انضميتى ليهم ان شاء الله


جزانا وإياكم كل خير يا قمر

ربنا يوفقك يا رب ونسمع أحلى تقدير بإذن الله

أنا فى الخدمة فى أى وقت:078111rg3: .. وجزاك الله كل خير