ايه رأيك في صفحة قسم الكادر؟ [الأرشيف] - بوابة الثانوية العامة المصرية

M.Sherif

08-12-2008, 10:06 AM

السلام عليكم و رحمة الله وبركاته
اقتراحاتك
http://www.te3p.com/pic/line/t34456.gif

طالبين من حضراتكم طلب:wub:
بما انكم بردودكم ومشاركتكم الرائعة وايجابيتكم الدائمة
السبب في ان قسم الكادر يبقا بالثراء ده
وانطلاقا من مبدأ الشوري

طالب رأيكم في شكل صفحة قسم الكادر حاليا
و ايه رأيكم في الموضوعات المثبتة؟
تستمر و لها نتايج مؤثرة؟
ولا نحذفها؟:wacko:
http://www.te3p.com/pic/line/t34456.gif

محتاج نصايحكم
واراءكم
وافكاركم واقتراحتكم الجديدة
:rolleyes:

هه؟:blink::huh:

هه؟
:(:(
انتو ساكتين ليه يا جماعة؟:(:(
http://www.te3p.com/pic/line/t34456.gif

ياريت الكل في الموضوع ده يكتب اقتراحاته ...افكاره...أي حاجة في نفسه مضايقاه من المشرفين مثلا..ياريت تكشفولنا عيوبنا :d:rolleyes::d

اكتب رأيك في الصفحة
عايز شكلها يكون ازاي؟

ايه الموضوعات اللي مهم تبقا مثبته؟
http://www.te3p.com/pic/line/t34456.gif

طب قريت موضوع قوانين قسم الكادر المثبت؟
ايه رأيك :av4056bb7jp3:
تحب تضيف تعديل؟:romarioxp6:
في بند مضايقك؟
http://www.te3p.com/pic/line/t34456.gif

نفسي نشارك كلنا علشان في الاخر نقول ان كل عضو هنا كان ليه بصمة
واقترح اقتراح واتنفذ
:039uw8:
http://www.te3p.com/pic/line/t34456.gif
لو دخلت و ما قلتش رايك ولا قلت اقتراح
يبقا انت راضي بالشكل الحالي:friendsxs3:
وموافق:006et4:
ومعندكش اقتراحات جديدة:bosyht9:
خلي بالك
السكوت علامة الرضا:excl:
:blink::blink:

:022yb4:

اسامه القزاز

08-12-2008, 10:51 AM

أخى الحبيب شريف
* الموضوعات المثبتة ممتازة وتستحق
* اشكرك شكراً كبيراً على مجهودك الكبير فى قسم الكادر جعله الله فى ميزان حسناتك

جمال سراج

08-12-2008, 11:00 AM

خلي بالك

السكوت علامة الرضا:excl:
:blink::blink:

:022yb4:

السكوت علامة الرضا فعلا
والله العظيم انت راجل عسل
كفايه علينا يشرف على القسم ده راجل شيك ومحترم وكل حاجة حلوة زيك كدا يا مستر شريف
صباح الفل عليك وعليكوا كلكوا
وايامكوا زى الفل باذن الله
كل عام انتم بخير
ويارب تكون الجيوب عمرانة فعلا
بالحلال طبعا
والقلوب عمرانه بذكر الله

العبد لله الفقير لله

08-12-2008, 11:07 AM

حقا شريف وستظل شريف حقا بجدارة تستحق لقب مشرف يامستر شريف وان من زمان قولتها انت تستحق الاشراف كل حاجة انتة عملها تستاهل مليون الف تحية وتحية الى الامام يابطل الى الامام جعلت للمنتدى روح ملئة بالروائح العطرة التى تجلى الصدر عيد سعــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــيد

مسيو وليد عسكر

08-12-2008, 11:31 AM

اشهد الله العلي القدير وقتما كنت بمفردي اني كنت اشعر بحاله من القلق والتوتر وكانت ردودي تتسم بالعصبيه الي حد ما نتيجه للحمل الثقيل الذي كلفت به بمفردي وكنت اخشي ان لا اكون علي قدر المسئوليه ولكن الان تغير الوضع تماما بعد وجودك مع استاذي الاستاذ ممدوح الانصاري
(المشرف الحالي لرابطه معلمي مصر )
والاستاذه امال عبد الهادي ....فقد تجمع معي العمالقه ومنحوني شعورا خفيا بالطمانينه والهدؤ النفسي
هل تدرك الشعور بالامن والطمانينه بعدما كنت انك تشعر انك وحيدا ....اما الان فقد تبدل الحال فهناك مخلصين يساعدوك في عملك ولا يبتوغون اي شيء سوي العمل التطوعي
هل تدرك كم الثقه وانا افتح الصفحه الان وانا مطمئن اني لن اجد ما يعكر صفوي لاني اعلم ان هناك مخلصين امثالك يعشقون القسم بدرجه تفوق عشقي له مرات ومرات ؟
هل تدرك كم ابدعت وجعلت لقسم الكادر روحا شبابيه لذيذه ؟ فقد جعلته ينافس وبقوه بعض الاقسام الترفيهيه في المنتدي رغم ان الطبع السائد لهذه الصفحه يبدو الي حد ما كئيب ولكن روحك المرحه اضفت الكثير والكثير علي هذه الصفحه
ابشرك اخي شريف..
لقد فعلت المستحيل ... وقمت بعمل رائع في فتره بسيطه جدااا وتركت بصمه قويه جداا في صفحه الكادر وبزغ نجمك بسرعه الصاروخ في سماء المنتدي وانا ابشرك ان شاء الله بالمزيد والمزيد من التقدير لك من اداره المنتدي
هنيئا لك اخي الحبيب شريف بحب كل رواد صفحه الكادر... استمر في ابداعك وتالقك... وكل عام وحضرتك بخير....

أفنان أحمد

08-12-2008, 11:35 AM

جزاكم الله خيرا أستاذ شريف نصائح غالية و قد قرأت قوانين قسم الكادر و حضرتك متابع جيد لكل موضوعات القسم ونشكر لك جهدك الكبير ونصائحك الغالية وبالنسبة للصفحة السكوت علامة الرضا :078111rg3:

مستر / محمد أحمد

08-12-2008, 11:49 AM

جزاك الله كل خير اخى العزيز شريف

مستر محمد سلامه

08-12-2008, 12:03 PM

بجد قسم الكادر اصبح من صفحاتي المفصلة و بقى نمبر وان في الفيفوريتس بتاعتي
الى الامام بفضل ادارة حكيمه واعية

M.Sherif

08-12-2008, 01:07 PM

* الموضوعات المثبتة ممتازة وتستحق

بارك الله فيك علي حسن ظنك
و عايز افكارك واقتراحاتك علشان القسم محتاجلك جدا يا مستر
تسلم

وايامكوا زى الفل باذن الله

ربنا يملا حياتنا تفاؤل و أمل و شخصيات زي الفل زيك

تستحق لقب مشرف

والله يا اخي الحبيب الكل هنا يستحق لقب مشرف مع انه مش مكافأة ولا حاجة بالعكس
ده وجع قلب لكن فداكو ..انتو تستحقوا والله كل خير الواحد منا يقدمه وتستحقوا الواحد يسهر طول الليل علشان خاطر عيونكم والله
وشكرا علي مرورك يا غني بالله

ونشكر لك نصائحك الغالية

تسلم ...بس علي فكرة انا اللي طالب النصيحة مش بعطيها (حاشا لله)
بارك الله فيك
:)

جزاك الله كل خير اخى العزيز شريف

بل جزي الله أمثال حضرتك من ذوي الخبرة والرغبة المتواصلة في العطاء وكفي بافكارك في الرابطة فخرا لك

و بقى نمبر وان

القسم بقا نمبر ون لان اعضاؤه اللي هما حضراتكم نمبر ون في كل شئ
اخلاقا ومجهودا وعملا وايجابية
و يكفي بكم ايجابية
أن تنطلق الرابطة من هذا القسم المبدع

M.Sherif

08-12-2008, 01:22 PM

وقتما كنت بمفردي

وكنت اخشي ان لا اكون علي قدر المسئوليه

امثالك يعشقون القسم بدرجه تفوق عشقي له مرات ومرات ؟

..

ماذا أستطيع أن أقول لشخص ملأ سماء المنتدي ذوقه الرفيع و ردوده المليئة بحب الجميع

و التي تنشر في أجواء المنتدي والقسم
رياحين عطر ورود رحمة تسامح ذوق اخلاق عطاء تفاني صدق اخلاص اعطاء كل ذي حق حقه
مهما تكلمت أنا و غيري لن نستطيع موافاتك نقطة من محيطات حقوقك علينا
لن أكمل كلامي لان أخلاقك وسمعتك في المنتدي أشهر من أن أتحدث أنا عنها

فقط أقول لك ...وقتما كنت بمفردك .. كان القسم قمة في الابداع واندهش كيف ذلك وانت كنت بممفردك
ان دل ذلك علي شئ فانما يدل علي انك تستطيع أن تقوم بمنتدي كامل وحدك
ان لم تكن انت أهل للمسئولية فمن؟
عملك وتفانيك يدل علي انك تعشق القسم والمنتدي أكثر مني بكثير ومن الكثير

كنت أود أن لا يناقش هذا الموضوع اي شئ سوي اقتراحات الاعضاء
ولكن حبك سيطر علي كل القواعد و القوانين التي وضعتها لنفسي في هذا الموضوع
فليسامحني الجميع علي هذه المداخلة
ولنناقش سويا اقتراحاتكم
فحتي الان لم يتقدم احد باقتراح جديد:)
و شكرا جزيلا مسيو وليد علي اهتمامك ومشاركتك ونشاطك في كافة الموضوعات في الركن

طارق فاروق مسعد

08-12-2008, 02:42 PM

جزاك اللة كل خير اخ شريف وشكرا على موضوعك المتميز لى

محمد عبد العظيم وسية

08-12-2008, 03:15 PM

بصراحة .. صفحة الكادر جديدة جدا ..

ولكننا نحلم بأن تكون ممتازة مع مرتبة الشرف ..

بنوع من التنظيم وبشكل متميز ، وجاري التحضير لفكرة بإذن الله ..

وبالنسبة للموضوعات المثبتة ممتازة كلها ماعدا موضوع واحد ..

((( بتاع الآخ محمد وسية .... قسم خاص باستفسارات الكادر ........ شيل يا راجل بلا وجع دماغ )))

هويدااحمد76

08-12-2008, 03:21 PM

اشكركم عل تطوير الصفحة ويا سلام ع الخروف الجميل اللى منور الصفحة ضحيتوا بيه والا لسة انا عاوزة كباب ريش وفتة والله الموضوعات المثبتة كلها مهمة لانها توزع اختصاصات الموضوعات واكتلا موضوع عاجبنى هو الخاص بالاستفسارات
http://www.thanwya.com/vb/life/misc/sticky.gif مثبــت: قسم خاص لجميع استفسارات كادر المعلم (http://www.thanwya.com/vb/showthread.php?t=86268) ‏(http://www.thanwya.com/vb/life/misc/multipage.gif 1 (http://www.thanwya.com/vb/showthread.php?t=86268) 2 (http://www.thanwya.com/vb/showthread.php?t=86268&page=2) 3 (http://www.thanwya.com/vb/showthread.php?t=86268&page=3) ... الصفحة الأخيرة (http://www.thanwya.com/vb/showthread.php?t=86268&page=17))
محمد عبد العظيم وسية
وايضا http://www.thanwya.com/vb/life/misc/sticky.gif مثبــت: أخبرنا عن مخالفة بقسم الكادر (http://www.thanwya.com/vb/showthread.php?t=67561) ‏(http://www.thanwya.com/vb/life/misc/multipage.gif 1 (http://www.thanwya.com/vb/showthread.php?t=67561) 2 (http://www.thanwya.com/vb/showthread.php?t=67561&page=2) 3 (http://www.thanwya.com/vb/showthread.php?t=67561&page=3) ... الصفحة الأخيرة (http://www.thanwya.com/vb/showthread.php?t=67561&page=8))
صوت الحق
وايضاhttp://www.thanwya.com/vb/life/misc/sticky.gif مثبــت: ~¤ô¦¦§¦¦ô¤~ أفضل مواضيع قسم الكادر ~¤ô¦¦§¦¦ô¤~ (http://www.thanwya.com/vb/showthread.php?t=92700)
شـريف
هذا رأيى ان هذه هى اهم ثلاث موضوعات مثبتة
وعيد سعيد

nabila_banoub

08-12-2008, 03:39 PM

قرأت قوانين قسم الكادر التى كتبتها يا أستاذ شريف وفعلاًعجبتنى جداً
اللة ينور عليك

M.Sherif

08-12-2008, 03:42 PM

شيل يا راجل بلا وجع دماغ

عيب
ده اشيك موضوع
دانت الخير و البركة
و بعدين موضوع مفيد جدا و خدم ناس كثير

المعلم 2000

08-12-2008, 03:43 PM

bassemtaha

08-12-2008, 03:44 PM

جزاك الله كل خير

M.Sherif

08-12-2008, 03:46 PM

الموضوعات المثبتة كلها مهمة لانها توزع اختصاصات الموضوعات واكتلا موضوع عاجبنى هو الخاص بالاستفسارات

شكرا جزيلا مشاركتك

M.Sherif

08-12-2008, 03:52 PM

ياريت يضم الفسم أخبار موثقة ونبعد عن سمعنا وقالوا بلا مستند او دليل وياريت ندعوا اخواننا من المحامين كى يساندونا ويعطونا رأى القانون فى بعض الامور التى تهم الكثير من المعلمين مثل الحق فى الحوافز مثلا وغيرها من الامور التى تحتاج راى قانونى متخصص فى قضايا المعلمين وياريت القسم يتبنى مثل هذه الدعوة ونشكركم على المجهود الرائع

بخصوص الاخبار الموثقة من عدمها
متهيألي موضوع (قوانين قسم الكادر) فيه المفيد
و بالنسبة لموضوع النواحي القانونية متهيألي دي أفكار
ممكن تتحقق كلها من خلال تحقيق حلم الرابطة

مشاركة واقتراح رائعين
جزاك الله الف خير

M.Sherif

08-12-2008, 04:58 PM

قرأت قوانين قسم الكادر التى كتبتها يا أستاذ شريف وفعلاًعجبتنى جداً
اللة ينور عليك
الله يخليكي يا اختي الفاضلة

شكرا لاهتمامك

kaaaago

08-12-2008, 05:10 PM

أستاذي العزيز : شريف باشا
تحية طيبة وبعد
بخوص صفحة الكادر فهي الأن جيدة ولاحظ كلمتي الآن ........... يعني بعد ماحيتسكن المعلم في مكانه أخشي أن يقل زائري القسم فبرجاء التجديد وده عن طريق أفكار مشرفينا الأفزاز
أما بخصوص المواضيع المثبتة فلاحظ معي أن جميع المواضيع من كتابة المشرفين باسثناء موضوع واحد وهو لعضو خبرة تعدى ال 600 مشاركو الأ يوجد عضو في المنتدى كتب موضوع يستحق التثبيت وإن كان لا فأين العيب فينا أو في المشرفين أو في
........... أو .........................
برجاء الرد أسف لو تكلمت بتلقائية أصلي ما بحبش الألوان يا أبيض يا إسود

وتقبل تحياتي

M.Sherif

08-12-2008, 05:46 PM

أستاذي العزيز : شريف باشا

برجاء الرد أسف لو تكلمت بتلقائية أصلي ما بحبش الألوان يا أبيض يا إسود

وتقبل تحياتي

ههههههههههه

حبيبي
واحشني
ايه ياعم الاراء الجامدة دي؟
كلامك مظبوط
بس خلي بالك
في موضوعات لازم تتثبت
ولازم كمان اللي يكتبها يبقا مشرف
لانه تخصصه
زي مثلا الموضوع بتاع ((قوانين قسم الكادر))

و زي اعلان هام بتاع مسيو وليد ( عن مجلة المعلمين)

و زي الموضوعات اللي كانت عن الرابطة

و بالنسبة لموضوع استاذ وسية فوالله العظيم لو كان كتبه اي عضو تاني
كان لازم برضه الموضوع ده يتم تثبيته لانه مهم جدا زي مانت شايف

و بالنسبة لموضوع (افضل مواضيع قسم الكادر)
فده مين هيهتم يعمله غير مشرف؟
ومين هيتابعه وينسق الردود ويظبط الموضوعات اللي بتتحط ويعلن عن اهمها غير مشرف

علي فكرة ف افكار كتيرة ما تقدرش تنفذها ولا حتي تيجي علي بالك الا وانت مشرف
علشان كده تلاقي موضوعات مثبتة كتير للمشرفين

و بالنسبة كمان لموضوع (اخبرنا عن مخالفة)
فده تبع صوت الحق مدير الموقع
وهوا اللي مثبته بنفسه
وموضوع غاية في الاهمية زي مانت عارف

تفتكر مين هيقول من الاعضاء جملة (اخبرنا عن مخالفة)
الا اذا كان من ادارة الموقع؟؟؟؟؟؟؟؟؟

و بعدين مش كل المووضوعات المثبت لمشرفين

بدليل موضوع استاذ محمد حسن ضبعون الفذ المثبت

وموضوع استاذ جمال الدين اللي تم تثبيته قبل ما يمسك الاشراف بكتير

و بخصوص التلقائية اللي انت بتقول عليها واتكلمت بيها فدي حاجة بنتمناها من الناس كلها
أسوأ حاجة التكلف

أما بخصوص الالوان
فاحب اطمنك
مافيش حد هنا بيحب اللون الرمادي
ومافيش تحيز لحد
بدليل ان المشرفين نفسهم بيتحذفلهم موضوعات وكتير كمان
كلنا برضه يا ابيض يا اسود
معندناش بنفسجي لامؤاخذة:)

kaaaago

08-12-2008, 06:03 PM

[/color]

ههههههههههه

حبيبي
واحشني
ايه ياعم الاراء الجامدة دي؟
كلامك مظبوط
بس خلي بالك
في موضوعات لازم تتثبت
ولازم كمان اللي يكتبها يبقا مشرف
لانه تخصصه
زي مثلا الموضوع بتاع ((قوانين قسم الكادر))

و زي اعلان هام بتاع مسيو وليد ( عن مجلة المعلمين)

و زي الموضوعات اللي كانت عن الرابطة

و بالنسبة لموضوع استاذ وسية فوالله العظيم لو كان كتبه اي عضو تاني
كان لازم برضه الموضوع ده يتم تثبيته لانه مهم جدا زي مانت شايف

و بالنسبة لموضوع (افضل مواضيع قسم الكادر)
فده مين هيهتم يعمله غير مشرف؟

ومين هيتابعه وينسق الردود ويظبط الموضوعات اللي بتتحط ويعلن عن اهمها غير مشرف

علي فكرة ف افكار كتيرة ما تقدرش تنفذها ولا حتي تيجي علي بالك الا وانت مشرف
علشان كده تلاقي موضوعات مثبتة كتير للمشرفين

و بالنسبة كمان لموضوع (اخبرنا عن مخالفة)
فده تبع صوت الحق مدير الموقع
وهوا اللي مثبته بنفسه
وموضوع غاية في الاهمية زي مانت عارف

تفتكر مين هيقول من الاعضاء جملة (اخبرنا عن مخالفة)
الا اذا كان من ادارة الموقع؟؟؟؟؟؟؟؟؟

و بعدين مش كل المووضوعات المثبت لمشرفين

بدليل موضوع استاذ محمد حسن ضبعون الفذ المثبت

وموضوع استاذ جمال الدين اللي تم تثبيته قبل ما يمسك الاشراف بكتير

و بخصوص التلقائية اللي انت بتقول عليها واتكلمت بيها فدي حاجة بنتمناها من الناس كلها
أسوأ حاجة التكلف

أما بخصوص الالوان
فاحب اطمنك
مافيش حد هنا بيحب اللون الرمادي
ومافيش تحيز لحد
بدليل ان المشرفين نفسهم بيتحذفلهم موضوعات وكتير كمان
كلنا برضه يا ابيض يا اسود
معندناش بنفسجي لامؤاخذة:)

الحمد لله وشهد شاهد هو أهلها
يعني الأعضاء يكتبوا دا أنتم مثبتين مواضيع مهمة جدا (اخبرنا عن مخالفة)
(افضل مواضيع قسم الكادر) ماشي بس المفروض إن القسم ده ينمي فينا حاجة يغرس فينا شئ معظم العضاء مدرسين واطلعوا على الشروط
فحتى اللي بيخالف فبيكون تحت الإطار المسموح به بحدود يعني
وأنا شايف إن بعض الأعضاء جاملتك عندما قالت مفيش أحسن من كدة
لا فيه وفيه وفيه هل سنقف عند هذا الحد !!!!!!!!!
برجاء يا أستاذ شريف لا تغضب من كلامي فهو للمصلحة العامة
لماذا لم يتم تجميع الكتب اللي امتحناها وتثبيتها مثلا
لماذا لم يطور القسم نفسه بنفسه لماذا ولماذا ولماذا

M.Sherif

08-12-2008, 06:40 PM

الحمد لله وشهد شاهد هو أهلها

شهد علي ايه مش فاهم؟؟؟
انت قرات كلامي وفهمته ولا لا؟؟؟؟
شكلك متقل في اللحمة شوية

يعني الأعضاء يكتبوا دا أنتم مثبتين مواضيع مهمة جدا (اخبرنا عن مخالفة)
(افضل مواضيع قسم الكادر) ماشي بس المفروض إن القسم ده ينمي فينا حاجة يغرس فينا شئ معظم العضاء مدرسين واطلعوا على الشروط
فحتى اللي بيخالف فبيكون تحت الإطار المسموح به بحدود يعني

بصراحة قرأت الجملتين دول بتاع خمس مرات ومافهمتش

وأنا شايف إن بعض الأعضاء جاملتك عندما قالت مفيش أحسن من كدة
لا فيه وفيه وفيه هل سنقف عند هذا الحد !!!!!!!!!

علي فكرة مافيش حد قال ان مافيش احسن من كده
قوللي مين؟ وبعدين انا عامل موضوع علشان يطرح الناس افكارهم و يقولوا اقتراحاتهم علشان يبقا امرنا شوري بيننا
و طلبت من كل واحد يقول رأيه
وانت عارف ان الاختلاف في الاراء وارد
و في مؤيد وفي معارض و في حابب وفي كاره
قول رأيك براحتك لكن ماتلومش علي الناس انها بتقول رأيها
و أظن الناس اللي علقت هنا في الموضوع مش صغيرة
علشان تجامل في الحق ولا تتضحك علي نفسها

لماذا لم يتم تجميع الكتب اللي امتحناها وتثبيتها مثلا
لماذا لم يطور القسم نفسه بنفسه لماذا ولماذا ولماذا

تجميع الكتب اللي امتحناها؟؟؟؟؟
واضح انك مش معانا خالص
و انا بقا اللي زعلان منك
لانك بتتكلم من غير ما تتأكد
طب بالله عليك يا اخي بص كده في الموضوعات المثبتة
ودور علي اللي انت عايزه
وبعدين لو مالاقتهوش ابقا قول اللي انتا عايزه
وبعدين يعني ايه (لماذا لم يطور القسم نفسه بنفسه دي)؟؟؟
أمال في حد تاني بيجي يطوره من بره؟؟؟؟؟

وبعدين ما بتساعدش انت ليه في تطويره؟؟؟
ولا انت منتظر مين يطوره غيرنا كأعضاء؟؟؟؟
و ليه مافكرتش انت انك تعمل موضوع فيه كل امتحانات الكادر علي هيئة ملف باور بوينت مثلا؟؟؟؟
مستني تاخد ع الجاهز كل حاجة ولا ايه؟
مش ناوي تتعب نفسك شوية يا ابو خالد؟؟

الاهم من ده كله بقا
ماتقولش كلمة
لماذا ولماذا ولماذا دي ابدا

خلي دايما كلامك واضح و محدد ...نصيحتي ليك
مش احنا اتفقنا ان ممنوع الغمز واللمز والقاء التهم جزافا؟؟؟؟؟؟
يبقا ياريت ما تقولش كلام غير مفهوم ومالوش معني

اكتب علي طول السلبيات اللي انت شايفها بدون عصبية
واقتراحاتك نحلها ازاي
انا كاتب الموضوع ده عشان تشاركنا مع كل الاعضاء بمقترحاتك وافكارك وحلك للمشاكل اللي انت شايفها
مش تلقي باللوم و المسئولية علي المشرفين وخلاص
وتكتب جملتين وتقوم خالع !!!!!!!

شارك يا حبيبي
ورينا مجهودك
ماتهربش
فين موضوعاتك؟
فين ملفاتك؟
فين مشاركاتك في كل المسابقات اللي موجودة في المنتدي
و طلبات الادارة
طب عندك موضوع مثبت دلوقتي لمسيو وليد
اسمه المسابقة الكبري
بص فيه كده
ورينا شغلك
هتفيدنا بايه؟
ولا انت داخل تتكلم و بس يا خالووود؟؟؟؟؟

kaaaago

08-12-2008, 06:45 PM

جاري الإطلاع والرد يا باشا

M.Sherif

08-12-2008, 06:49 PM

جاري الإطلاع والرد يا باشا

بعد كلامك ده كله وتضييع الوقت جاي تتطلع دلوقتي

اه منك

kaaaago

08-12-2008, 06:55 PM

والله ده مجهود مشكور يا ريس بس أنا دخلت على الموضوع ده قبل كدة ما كانشي متكامل كدة
بس أنا بعتذر الأن وأطالب بالمزيد وبالنسبة للمسابقة أنا لا أستطيع الكتابة كثيرا على الكمبيوتر نظرا لأشغالي الكثيرة والبركة فيكم بس لوطلبتم مني أي حاجة تلزم مشوار لأي جهة أنا مستعد ولو طلبتم أي عمل جرافيك أنا تحت الأمر

عبدالله أبوزيد3

08-12-2008, 10:14 PM

انا اقترح الاكثار من الموضوعات حتنى نتخطى الملل من رؤيتها كل يوم ولو موضوع كل شهر

عبدالله أبوزيد3

08-12-2008, 10:17 PM

اما بخصوص الغلاف فهو حلو زى الى عملة ولو غيرة حيبقى بردة حلو وكل ما يغيرة حيبقى بردة حلو انت ياحلو

عبدالله أبوزيد3

08-12-2008, 10:19 PM

بلا شك الموضوغات المثبتة جميلة ونحن نطمع فى المزيد من الجمال ولا اية

عبدالله أبوزيد3

08-12-2008, 10:23 PM

يا مستر شريف معقول تصمم حاجة على زوقك الحلو نشفها احنا وحشة يا راجل يا حلو انت

M.Sherif

09-12-2008, 10:04 AM

يا مستر شريف معقول تصمم حاجة على زوقك الحلو نشفها احنا وحشة يا راجل يا حلو انت

عايزين اقتراحاتك وافكارك لقسم الكادر
اطمن
ما باكلش م الكلام ده:)

M.Sherif

09-12-2008, 03:43 PM

انا اقترح الاكثار من الموضوعات حتنى نتخطى الملل من رؤيتها كل يوم ولو موضوع كل شهر

الاكثار من انهي موضوعات بالظبط حضرتك تقصد؟
المثبتة ولا العادية ؟
الاكثار من الموضوعات المثبتة لازم يبقا محكوم شوية علشان
ما يأثرش علي مساحة باقي الموضوعات العادية في الصفحة الاولي
اما لو تقصد الاكثار بمعني التغيير فلو لاحظت
الموضوعات المثبتة اصبحت تتغير باستمرار
ماعدا بعض الموضوعات المثبتة اللي هيا تعتبر من اركان القسم
بيستفيد منها الجميع
اما لو كان قصد حضرتك الاكثار من موضوعات القسم العادية مش المثبتة
فالبركة فيك يا باشا
مش انا اللي هقوم بالموضوع ده كمشرف
انا مش ماكينة موضوعات جديدة :)
البركة في الاعضاء طبعا
واي تقصير في الجانب ده هتتوزع مسئوليته علي جميع الاعضاء
لان بايديهم رفع المنتدي الي القمة
او ...........

اما بخصوص الغلاف فهو حلو زى الى عملة ولو غيرة حيبقى بردة حلو وكل ما يغيرة حيبقى بردة حلو انت ياحلو

مش فاهم غلاف ايه؟
معلش انا مخي تخين شوية
وبعدين ايه (يا حلو انت يا حلو) دي؟
وايه حكاية الحلاوة معاك؟

بلا شك الموضوغات المثبتة جميلة ونحن نطمع فى المزيد من الجمال ولا اية
المزيد من (الجمال ) بكسر الجيم؟؟؟؟؟؟؟؟؟
اوعي يكون قصدك كده
بزعل و الله

bassemtaha

09-12-2008, 06:23 PM

للاسف الموضوعات كتيييييييييييرة جدا ياريت نقللها شوية لمناقشة كل موضوع مناقشة جيدة وعندي رأي ياريت تاخدوا بيه وهو لازم كل موضوع ياخد ساعة أو نص ساعة قبل البدء في موضوع جديد

ايمن الشريف

09-12-2008, 06:33 PM

رجاااااااء
أخي ألا يستمر الموضوع المثبت لأكثر من ثلاثة أيام
وذلك لأن كثرة الموضوعات المثبتة تجعل هناك زحام في الموضوعات مما يضيع التركيز على الموضوع الهام
ويجعل الصفحة مليئة بدون داع

هذا والله أعلم

وشكرا للجميع

ممدوح مصطفى الانصارى

09-12-2008, 06:41 PM

M.Sherif

09-12-2008, 06:44 PM

للاسف الموضوعات كتيييييييييييرة جدا

بجد؟؟؟؟؟؟

انت مقتنع بالكلام اللي بتقوله ده؟؟؟؟

طب بتعمل عكسه ليه؟

نفسي اعرف:stickjo4:

منى عبد الحافظ

09-12-2008, 06:51 PM

يعنى احنا لما بنقول رأينا بتخدوا به؟؟؟؟؟؟؟؟؟؟؟؟؟؟؟؟؟

طارق ممدوح ذكي محمد

09-12-2008, 06:56 PM

حضرتك كلك نظر يا أستاذ/شريف .

رغم النظارة والحال من بعضة .
قسم الكادر والموضوعات المثبتة والقوانين
وموضوعات الاعضاء( كلها 10/10).
بفضل الله ثم مجهودات الجميع.
ولكن لى رجاء وامل :-
قسم الكادر محبب لنا جميعا ويظهر
قوتنا وترابطنا وانا طماع أريد قوتنا
وتماسكنا يظهروا ايضا بقسم الرابطة
لان الرابطة حلم لنا جميعا ومرورنا
عليه يعطى دفعة للرابطة .
يا رب حماسنا للرابطة يترجم الى
مشاركات بها .

مجهزلك موضوع ناري في قسم الرابطة

بس عايزين الديموقراطية وسعة الصدر

وكل الحاجات الحلوة دي والا مش هكتب

حضرتك عارف ( ايدي متبرية مني )

خالص تحياتي ومستني ردك

أكتب ولا ما اكتبش ؟؟؟

M.Sherif

09-12-2008, 06:59 PM

رجاااااااء
أخي ألا يستمر الموضوع المثبت لأكثر من ثلاثة أيام

اخي الحبيب
الكلام اللي انت بتقوله ده شبه مستحيل !!

وتعالي نتناقش بالعقل كده...

هوا ليه أساسا بنثبت موضوع؟؟؟؟؟؟
أكيد علشان الموضوع ده مهم جدا علي الاقل في المرحلة الحالية
و بالتالي
تلات ايام هيبقوا قليلين جدا عليه !!!!!

حاجة كمان
ان في بعض الموضوعات المثبتة
ركن من اركان القسم
والقسم بيعتمد عليها اعتماد كلي
زي مثلا موضوعات امتحانات الكادر والملازم
و الموضوعات المهمة اللي بنحتاجها علشان الامتحان
و بما ان القسم اسمه قسم الكادر
فدي اهم موضوعات لازم تبقا مثبتة علي طول متهيألي يعني
وكمان علشان المعلمين الافاضل او حتي الزوار اللي بيدخلوا المنتدي
لما يدخلوا قسم الكادر علشان يبحثوا علي موضوعات يذاكروا منها
او ملفات او امتحانات
تفتكر المفروض والطبيعي انهم يقلبوا في 200 صفحة؟
امال وظيفتنا احنا ايه؟؟؟؟؟
كده الناس هتتهمنا اننا مقصرين في تنسيق الصفحة
وبعدين موضوع زي (قوانين قسم الكادر) ما ينفعش نثبته تلات ايام فقط
اذا كان اهو بقاله كام يوم ومافيش عدد كبير دخل ولا عنده حب استطلاع حتي يقرأ
لازم يقعد فترة ولو لفيت انت ودخلت كل الاقسام التانية هتلاقيهم دايما مثبتين موضوع
عن قوانين القسم علشان الناس تلتزم

موضوع كمان زي موضوع المسابقة اللي عاملها مسيو وليد
بالله عليك شوف محطوط امته
وشوف كام واحد دخل واشترك الي الان
يبقا ده لو قعد تلات ايام بس
تفتكر هيجيب نتيجة؟

احنا برضه لسه عندنا سلبية جامدة
يمكن علشان انشغالنا بلقمة العيش والحاجات الاهم في الحياة
بس كده مش هينفع
لازم ايجابية
ولازم نشارك كلنا
انا موافقك ان الموضوع يتثبت تلات ايام بس
لكن ده في حالة واحدة
لو الايجابية والمتابعة عندنا 100%

ساعتها هتلاقي ثراء كبير في الافكار
و نطرح فكرة ويومين و تتنفذ و نطرح غيرها و تتنفذ وهكذا
مش نكتب موضوع مثبت
يقعد اسبوعين تلاتة علي ما يشوفه كل الاعضاء

انا بقيت اشك ان الناس بتبص علي الموضوعات المثبت اصلا
اتمني نتعاون
لان كل تغيير حصل في العالم
بدأ بتغيير الناس لنفسها
و شكرا علي مشاركتك

M.Sherif

09-12-2008, 07:03 PM

يعنى احنا لما بنقول رأينا بتخدوا به؟؟؟؟؟؟؟؟؟؟؟؟؟؟؟؟؟

اختي العزيزة
و النبي بلاش العبارات اللي بخط كبير الرنانة دي
واللي بتجيب احباط للناس
قولي وجربي
اقترحي
وناخد برأي الاغلبية
قوليلي طلب اترفض
او اقتراح
قولي حضرتك اللي عندك
وانصحينا
ووالله العظيم هناخد بالنصيحة
بس تبقا نصيحة واقتراح قابل للتنفيذ
مش خيالي
جربي كده
و نتناقش
احنا مش حكومة بنطلع قرارت زي السيف علي رقاب الجميع
احنا كلنا اخوة هنا
واللي انتي عايزاه هيتنفذ

M.Sherif

09-12-2008, 07:06 PM

أريد قوتنا
وتماسكنا يظهروا ايضا بقسم الرابطة
لان الرابطة حلم لنا جميعا

كلنا تحت أمرك استاذ ممدوح
و كم يسعدني نشاطك من اول يوم
و رغبتك لتحفيز الجميع
الرابطة حلم
و مافيش حاجة اسمها مستحيل
اهم حاجة بس
نشيل كلمة (سلبية)
من حياتنا

abeda

09-12-2008, 07:10 PM

مساء الفل علي الكل

بل قل :
السلام عليكم ورحمة الله وبركاته
فإنها تحية أهل الجنة
ثم راجع هذا الموضوع:
إني محدثكم بحديث.. فاسمعوه (http://www.thanwya.com/vb/showthread.php?t=89854)
وكن قدوة لأعضاء المنتدى يؤتك الله أجرك .

M.Sherif

09-12-2008, 07:16 PM

بل قل :
السلام عليكم ورحمة الله وبركاته
فإنها تحية أهل الجنة
ثم راجع هذا الموضوع:
إني محدثكم بحديث.. فاسمعوه (http://www.thanwya.com/vb/showthread.php?t=89854)

وكن قدوة لأعضاء المنتدى يؤتك الله أجرك .

الله
بارك الله فيك
و الله بحبك في الله
حاضر
و ادي اول اقتراح هيتنفذ حالا يا جماعة
هغير الكلمة دي حالا
تسلم ايدك ولسانك
و جزاك الله خيرا

ممدوح مصطفى الانصارى

09-12-2008, 07:23 PM

مجهزلك موضوع ناري في قسم الرابطة

بس عايزين الديموقراطية وسعة الصدر

وكل الحاجات الحلوة دي والا مش هكتب

حضرتك عارف ( ايدي متبرية مني )

خالص تحياتي ومستني ردك

أكتب ولا ما اكتبش ؟؟؟

اكتب يا استاذ/ طارق.
وكل ما فى جعبتك وكل ما تطيب به نفسك ،ونفسك طيبة بامر الله.
لو النقد لى انا تحت امرك ويا ريت( فرحم الله رجل اهدى الى عيوبى ).
اتمنى ان تكون موضوعاتنا الاولى محفزة لباقى الزملاء فى المشاركة الايجابية ، وبعد ما يشاركوا ويتجمعوا رابطة هم سيقوموا بالواجب
من نقد وهجوم . وطبعا وقتها يبقى من حقهم علينا .
منتظر مشاركاتك واكرر انا من مريدى موضوعاتك الراقية فى اى مكان .

abeda

09-12-2008, 07:41 PM

الله

بارك الله فيك
و الله بحبك في الله
حاضر
و ادي اول اقتراح هيتنفذ حالا يا جماعة
هغير الكلمة دي حالا
تسلم ايدك ولسانك

و جزاك الله خيرا

السلام عليكم ورحمة الله وبركاته

تعرف أخي .... لقد خشيتُ أن أجد منك ردا معاكسا .... لكن صدق ظني فيك وما خاب

لا تترد عن قبول الحق ولا تتكبر عليه

بارك الله فيك أخي الحبيب شريف

وأحبك الذي أحببت أخاك فيه

وأنا أيضا أحبك في الله

حمادة مشالى

09-12-2008, 07:45 PM

أصبح الموقع من إحدى الصفحات المفضلة والذى ساعدنى كثيرا ً فى عمل قسم الاحصاء من خلال المعلمومات المتوفرة
فعلى بركة الله وبالنسبة للموضوعات المثبتة نحتاج المزيد عن هيئة ضمان الجودة والاعتماد التربوى - برنامج جوائز الامتياز المدرسى بمراحله وملفاته الثامنية والا المام ومزيد من العطاء

عامر الوكيل

09-12-2008, 07:45 PM

نرجو صفحات تخصيص لموضوعات الكادر بمعنى كل مجال له صفحاته الاخبار الجديدة - موضوعات تهم المدرسين
قوانين وقرارات - كنترول واإداريات وهكذا

ممدوح مصطفى الانصارى

09-12-2008, 07:50 PM

[/center]

كلنا تحت أمرك استاذ ممدوح
و كم يسعدني نشاطك من اول يوم
و رغبتك لتحفيز الجميع
الرابطة حلم
و مافيش حاجة اسمها مستحيل
اهم حاجة بس
نشيل كلمة (سلبية)

من حياتنا

الامر لله يا استاذ /شريف واشكر حضرتك ، وانتظر نفحاتك للرابطة .

محمد عباس 011

09-12-2008, 07:54 PM

صفحة قسم الكادر تفخر بسيادتكم الاستاز شريف
وعلى فكرة اصبحت اقضى مع صفحة الكادر معظم الوقت والموضو عات المثبتة رااااااائعة اعانكم الله

kaaaago

09-12-2008, 09:23 PM

M.Sherif

09-12-2008, 10:30 PM

نحتاج المزيد عن هيئة ضمان الجودة والاعتماد التربوى -

اليك هذا الرابط اخي الكريم مقتبس من قسم المدرس الاول
عن الجودة والاعتماد
http://www.thanwya.com/vb/attachment.php?attachmentid=12904&d=1228244993

M.Sherif

09-12-2008, 10:36 PM

نرجو صفحات تخصيص لموضوعات الكادر بمعنى كل مجال له صفحاته الاخبار الجديدة - موضوعات تهم المدرسين
قوانين وقرارات - كنترول واإداريات وهكذا

لنا قسم واحد هو قسم الكادر
لن نستطيع ان نتفرع الي اقسام اخري
بل نستطيع ان نفعل ما نشاء داخل قسمنا
بما يتناسب مع قوانينه

M.Sherif

09-12-2008, 11:00 PM

صفحة قسم الكادر تفخر

بل كل الفخر لي بدخولي هذا القسم
الذي ألف بين قلوب الكثير

محمد السيد غريب

10-12-2008, 07:04 AM

بجد اصبح قسم الكادر هو المفضل عندى لان يوجد به مميزات كثيرة

M.Sherif

10-12-2008, 11:38 AM

بجد اصبح قسم الكادر هو المفضل عندى لان يوجد به مميزات كثيرة

نتمني ذلك
و نسألك النصيحة

اسامه القزاز

10-12-2008, 12:35 PM

اخى شريف
انت عارف اجمل حاجة فيك ايه ؟
الصراحة .. ودى بتبقى ناتجة من طيبة القلب

scc_scc

10-12-2008, 12:43 PM

نجد ان بعض الموضوعات القديمة وتخرج علينا كأنها جديدة ونستعجب من وجودها لما نقرآها
فنرجو عدم ظهور الموضوعات المعادة من فترة طويلة

M.Sherif

10-12-2008, 12:57 PM

نجد ان بعض الموضوعات القديمة وتخرج علينا كأنها جديدة ونستعجب من وجودها لما نقرآها
فنرجو عدم ظهور الموضوعات المعادة من فترة طويلة

و الله الموضوع الجيد يفرض نفسه اخي الحبيب
هيا الموضوعات دي هتخرج علينا ازاي زي مانت بتقول
الا اذا عشان في رد جديد علي الموضوع من احد الاعضاء او مشاركة او مشاهدة جديدة؟؟؟؟
هيا دي بس الاسباب اللي بتخلي الموضوع يظهر للنور مرة اخري
وبعدين انا في ايديا ايه؟
تفتكر انا هقدر امنعها من الظهور؟؟؟؟
هوا انا وزير الداخلية؟؟؟؟؟؟
هههههههههههههه

اعضاء القسم الافاضل هما اللي بايديهم يخرجوا موضوع للنور
و للصفحة الاولي
بمشاركتهم فيه
ومشاهدتهم ليه

مش المشرفين خالص:d

M.Sherif

10-12-2008, 01:09 PM

اخى شريف
انت عارف اجمل حاجة فيك ايه ؟
الصراحة .. ودى بتبقى ناتجة من طيبة القلب

انا اسف و الله اني صريح كده لان البعض بيفهمني غلط
بس مشكلتي اني بعشق قسم الكادر
وبعشق البوابة
و بخاف حد يخترع مبررات لقسم الكادر علشان يتلغي
قسم الكادر هوا اللي جمعنا بالشكل ده
احنا لو كنا قعدنا 100 سنة خارج المنتدي
ماكناش هنتقابل و لا هنتجمع و لا نفضفض مع بعض كده
اكيد المكان اللي كان السبب ده يعز علينا
ويهمنا
ولازم نحافظ عليه
و كل مشكلتي اني حريص علي القسم ده و بتضايق من اي مخالفات
تخلي البعض يوجه لنا اللوم و يقلل من قيمتنا كمعلمين
بس
هوا ده الموضوع والله

yasser 200

10-12-2008, 01:19 PM

الاخ كاتب الموضوع انا ملاحظ انك مهيمن على كل الردود

نجيب البقلي

10-12-2008, 01:24 PM

M.Sherif

10-12-2008, 01:39 PM

الاخ كاتب الموضوع انا ملاحظ انك مهيمن على كل الردود

ههههههههههههههه

يعني ايه مش فاهم؟

مهيمن دي لييها معاني كتير

ياريت توضح !!!

اقترح انا طيب

مهيمن بمعني: مش بسيب رد الا اما اعلق عليه ؟؟؟؟؟

طب دي ميزة مش عيب

وبعدين هوا ده الهدف من الموضوع ده

المناقشة

تفتكر لو الناس شاركت هنا باقتراحات وانا كمشرف ما تابعتش الموضوع وماتابعتش الاقتراحات وما ردتش

يبقا هو ده الطبيعي؟؟؟؟؟
يبقا فكرة الموضوع هتنجح؟؟؟؟؟؟؟
يبقا كتبت الموضوع انا ليه اساسا مادام مش هرد !!!

و لا الافضل اني أرد علي الجميع ونتناقش ونصل لنتيجة؟؟؟؟

يمكن مهيمن تقصد اني صريح شوية ؟او اي معني تاني يعني؟؟

معلش انا اسف
اصلي عندي حماس شديد للافكار الجديدة و عندي ايمان شديد باهمية التغيير

حماس شباب طايش معلش:)

جمال سراج

10-12-2008, 01:39 PM

لنا قسم واحد هو قسم الكادر

لن نستطيع ان نتفرع الي اقسام اخري
بل نستطيع ان نفعل ما نشاء داخل قسمنا

بما يتناسب مع قوانينه

هى دى الخلاصة
وعشان كدا التمسوا لنا الاعذار لما بنقدم مواضعنا هنا فى الاول
والله بنحبكوا! طب بس نعمل ايهّ!

نجيب البقلي

10-12-2008, 01:50 PM

أستاذ شريف

قسم الكادر
من أفضل الآقسام و أنفعها
الموضوعات كلها مفيدة
الموضوعات المثبته مهمة جدا
أتمني فقط أري بعض الصفحات الخاصة ببعض الموضوعات المستمرة علي غرار أسئلة و استفسارات الكادر
مثلا يكون فيه صفحة اخبار

صفحة اقتراحات

أستاذ شريف أنا قدمت الاقتراح ده حوالي 5 مرات
وسيادتك لم ترد بأي رد إيجابي أو توضيح المانع
أحسن من وجود أكثر من 100 موضوع للأخبار
المهم عايزين رد سيادتك
لعل المانع خير

طارق ممدوح ذكي محمد

10-12-2008, 02:06 PM

اكتب يا استاذ/ طارق.
وكل ما فى جعبتك وكل ما تطيب به نفسك ،ونفسك طيبة بامر الله.
منتظر مشاركاتك واكرر انا من مريدى موضوعاتك الراقية فى اى مكان .

كتبت يا استاذ ممدوح في قسم الرابطة

ومنتظر رأي حضرتك ورأي الزملاء الافاضل

((( بناءً على الأوامر والتعليمات _ رابطتنا أحلى الرابطات _ )))

يالا بقى ع الرابطة خلي استاذ شريف يرتاح مننا شوية:078111rg3:
http://www.thanwya.com/vb/showthread.php?t=93546 (http://www.thanwya.com/vb/showthread.php?t=93546)

M.Sherif

10-12-2008, 02:20 PM

أستاذ شريف أنا قدمت الاقتراح ده حوالي 5 مرات

وسيادتك لم ترد بأي رد إيجابي

اخي الحبيب والله العظيم اول مرة اشوف اقتراحك حالا
حضرتك كتبته خمس مرات فين بالظبط؟؟؟؟؟؟؟؟؟

عموما انا عايز حضرتك توضحلي اكتر ايه المطلوب بالتحديد علشان اقوم انا وزملائي المشرفين بالتنفيذ فورا

يعني اشرح باسهاب شوية
و جزاك الله خيرا

M.Sherif

10-12-2008, 02:26 PM

هى دى الخلاصة
وعشان كدا التمسوا لنا الاعذار لما بنقدم مواضعنا هنا فى الاول
والله بنحبكوا! طب بس نعمل ايهّ!

جميل
واحنا كلنا بنحب بعض الحمد لله رب العالمين
مواضيعنا هنا الاول
لكن مانزعلش بقا بعد يوم او اتنين لما تتنقل الموضوعات لمكانها الصحيح المناسب
ولا ايه راي حضرتك؟
تسلم ايدك علي المشاركة
و ربنا يبارك في عمرك

جمال سراج

10-12-2008, 03:03 PM

جميل

واحنا كلنا بنحب بعض الحمد لله رب العالمين
مواضيعنا هنا الاول
لكن مانزعلش بقا بعد يوم او اتنين لما تتنقل الموضوعات لمكانها الصحيح المناسب
ولا ايه راي حضرتك؟
تسلم ايدك علي المشاركة

و ربنا يبارك في عمرك

وانتا حد يزعل منك ابدا
والله ما يحصل دا انتا فاكهة المندى دا ان جاز التعبير
ربنا ما يحرمنا منك ولا من ابتسامتك اللى زى العسل

sakran6270

10-12-2008, 03:06 PM

السكوت علامة الرضا فعلا
وشكرا لك اخى الكريم الفاضل شريف
ووفقك الله ووفق الجميع معك

نجيب البقلي

10-12-2008, 08:30 PM

اخي الحبيب والله العظيم اول مرة اشوف اقتراحك حالا
حضرتك كتبته خمس مرات فين بالظبط؟؟؟؟؟؟؟؟؟

عموما انا عايز حضرتك توضحلي اكتر ايه المطلوب بالتحديد علشان اقوم انا وزملائي المشرفين بالتنفيذ فورا

يعني اشرح باسهاب شوية
و جزاك الله خيرا[/center]

الأخ الحبيب
شريف المحترم جدا
أشكرك علي الرد
أقصد أحيانا كثيرة نجد الخبر الواحد مكرر أكثر من مرة بعناوين مختلفة
و أخبار قديمة جدا موضوعة في الصفحة الأولي بعناوين جديدة
و علي العكس نجد موضوعات روعة و مهمة جدا اختفت في الصفحات التالية
و ردود كثيرة ليس لها علاقة بالموضوع أو لمجرد الرد و زيادة عدد المشاركات فقط
و أشياء اخري حضرتك عارفها كويس
و المقصود من الأخوة المشرفين
تخصيص صفحة للأخبار فمن يريد إدراج خبر يكون من خلال الصفحة دي
ومن أراد تصفح الأخبار أيضا من خلالها بدلا من تكرار الخبر و تضييع الوقت في البحث أو خبر مهم يذهب للصفحات الأخيرة قبل مطالعته
صفحة للنشرات و الوثائق فمن لديه نشرة مدرسية أو قانون أو يبحث عن نشرة أو قانون يكون من خلال هذه الصفحة
صفحة للاقتراحات و الأفكار الابداعية فمن لديه خبر أو فكرة جميلة أو من يبحث عن اقتراحات يذهب لهذه الصفحة و كذلك باقي الموضوعات التي يمكن تصنيفها
هكذا ننظم العمل و يسهل التصفح
و في النهاية تقبل تحياتي ورنا يعينك لخدمة الزملاء

شمس بياض

10-12-2008, 08:51 PM

شهد علي ايه مش فاهم؟؟؟

انت قرات كلامي وفهمته ولا لا؟؟؟؟
شكلك متقل في اللحمة شوية

بصراحة قرأت الجملتين دول بتاع خمس مرات ومافهمتش

علي فكرة مافيش حد قال ان مافيش احسن من كده
قوللي مين؟ وبعدين انا عامل موضوع علشان يطرح الناس افكارهم و يقولوا اقتراحاتهم علشان يبقا امرنا شوري بيننا
و طلبت من كل واحد يقول رأيه
وانت عارف ان الاختلاف في الاراء وارد
و في مؤيد وفي معارض و في حابب وفي كاره
قول رأيك براحتك لكن ماتلومش علي الناس انها بتقول رأيها
و أظن الناس اللي علقت هنا في الموضوع مش صغيرة
علشان تجامل في الحق ولا تتضحك علي نفسها

تجميع الكتب اللي امتحناها؟؟؟؟؟
واضح انك مش معانا خالص
و انا بقا اللي زعلان منك
لانك بتتكلم من غير ما تتأكد
طب بالله عليك يا اخي بص كده في الموضوعات المثبتة
ودور علي اللي انت عايزه
وبعدين لو مالاقتهوش ابقا قول اللي انتا عايزه
وبعدين يعني ايه (لماذا لم يطور القسم نفسه بنفسه دي)؟؟؟
أمال في حد تاني بيجي يطوره من بره؟؟؟؟؟

وبعدين ما بتساعدش انت ليه في تطويره؟؟؟
ولا انت منتظر مين يطوره غيرنا كأعضاء؟؟؟؟
و ليه مافكرتش انت انك تعمل موضوع فيه كل امتحانات الكادر علي هيئة ملف باور بوينت مثلا؟؟؟؟
مستني تاخد ع الجاهز كل حاجة ولا ايه؟
مش ناوي تتعب نفسك شوية يا ابو خالد؟؟

الاهم من ده كله بقا
ماتقولش كلمة
لماذا ولماذا ولماذا دي ابدا

خلي دايما كلامك واضح و محدد ...نصيحتي ليك
مش احنا اتفقنا ان ممنوع الغمز واللمز والقاء التهم جزافا؟؟؟؟؟؟
يبقا ياريت ما تقولش كلام غير مفهوم ومالوش معني

اكتب علي طول السلبيات اللي انت شايفها بدون عصبية
واقتراحاتك نحلها ازاي
انا كاتب الموضوع ده عشان تشاركنا مع كل الاعضاء بمقترحاتك وافكارك وحلك للمشاكل اللي انت شايفها
مش تلقي باللوم و المسئولية علي المشرفين وخلاص
وتكتب جملتين وتقوم خالع !!!!!!!

شارك يا حبيبي
ورينا مجهودك
ماتهربش
فين موضوعاتك؟
فين ملفاتك؟
فين مشاركاتك في كل المسابقات اللي موجودة في المنتدي
و طلبات الادارة
طب عندك موضوع مثبت دلوقتي لمسيو وليد
اسمه المسابقة الكبري
بص فيه كده
ورينا شغلك
هتفيدنا بايه؟
ولا انت داخل تتكلم و بس يا خالووود؟؟؟؟؟

تعرف والله العظيم لو ابقى بس رئيسه جمهوريه

اول قرار هو تعيينك وزيرا للخارجيه المصريه تعرف ترد على اللى باكلوا من خيرنا ويتقمزوا علينا

قول ان شاء الله --ان مش بتعدى حدودى دى بس امنيه لما شريف يبقى الوزير وهارجع تانى معلمه ابتدائى

دا اذا كان فى العمر بقيه بعد كده

M.Sherif

10-12-2008, 11:10 PM

وانتا حد يزعل منك ابدا
والله ما يحصل دا انتا فاكهة المندى دا ان جاز التعبير
ربنا ما يحرمنا منك ولا من ابتسامتك اللى زى العسل

ربنا يجبر بخاطرك
فاكهة ايه بس؟
قول خيار المنتدي ...موالح المنتدي...

اسكت اسكت خليها في سرك
يحسن في ناس لو شافت كلامك ده هتتهمني انا وانت اننا صحاب
مع اني والله العظيم ماعرف اسم حضرتك حتي:d

M.Sherif

10-12-2008, 11:51 PM

تخصيص صفحة للأخبار صفحة للنشرات و الوثائق
صفحة للاقتراحات و الأفكار الابداعية

والله العظيم دي أول حاجة فكرت فيها أول يوم تم تكليفي بالاشراف فيه
لكن اتصدمت بتصرفات من بعض لاعضاء ماكانتش علي بالي ولا شعرت بيها قبل الاشراف خالص
متهيألي كلمة صفحة اللي حضرتك بتقولها دي معناها موضوع مثبت...مش كده برضه؟؟؟؟؟
أصل يعني ايه لصفحة لده وصفحة لده؟؟؟؟؟
اكيد موضوع مثبت لان احنا عندنا صفحة واحدة بس ماينفعش تتقسم
الا لو ادارة المنتدي أضافت قسم جديد ينتمي ويندرج كفرع تحت اسم قسم الكادر
فأكيد كلام حضرتك علي الموضوعات المثبتة
موضوع مثبت للاخبار و موضوع مثبت للنشرات وموضوع مثبت للاقتراحات والافكار
متهيألي هيبقا كتير اوي علي المساحة المخصصة للموضوعات المثبتة
احنا بنحاول بشتي الطرق تقليل مساحة الموضوعات المثبتة في الصفحة
قولي ليه؟
علشان موضوعاتكم تاخد حيز كويس في صفحة الكادر
لان مساحة الموضوعات المثبتة لو زادت
بالتالي هتقل مساحة الموضوعات العادية بتاعة الاعضاء في الصفحة
و العكس بالعكس
و لكن انا اقترحت فكرة وشغال بنفذ فيها وبتمني الجميع يساعدني
لان المفروض الاعضاء هما اللي ينفذوها مش انا
وهي فكرة عمل موضوع مثبت اسمه (((أفضل موضوعات القسم)))
وكل الاقسام الناجحة بتعمل كده
والموضوع ده يا استاذي الفاضل مش قادر اقولك علي فايدته
و هو برضه بيصب في وجهة نظر حضرتك عن عمل صفحات واقسام واكيد هدف حضرتك
الاسمي من اقتراحك هو سهولة الوصول الي الموضوعات المهمة وعدم العناء في البحث عنها بين
عشرات الصفحات
و بالظبط هوا ده هدفي من موضوعي ده المثبت حاليا (رجاء تلقي نظرة عليه)
و الرابط اهو ..........http://www.thanwya.com/vb/showthread.php?t=92700
هدفي الاوحد من الموضوع ده ان اللي عايز يدخل قسم الكادر يبحث عن اهم الموضوعات
اللي تفيد كل المدرسين يبقا هيخش علي موضوع واحد وهوا مغمض
هيلاقي كل اللي يهمه
بدل ما يبحث في كل الصفحات دي

مشكلة بقا قابلتها وشعرت بيها بشدة بعد الاشراف
و هيا انك مهما قسمت ومهما عملت موضوعات مثبتة فيها المفيد كله
زي مثلا موضوع (استفسارات عن الكادر) اللي متثبت حاليا
مهما تعمل ومهما تطلب من الناس و تقول يا جملعة
اللي عايز يكتب اي استفسار يخش هنا
في الموضوع ده بس
مايكتبش موضوع جديد كل شوية
ونادي براحتك زي مانت عايز شوف مين هيسمعلك ولا يريحك و يريح الجميع

تلاقي كل يوم مليون موضوع عبارة عن استفسار
طيب يا خي ياللي بتحط الموضوع ده
ما تكلف نفسك شوية وبص علي الموضوعات المثبتة
هتلاقي قسم خاص بالاستفسارات
استفسر فيه عن اللي انت عايزه
انما تقول لمين
المشكلة اخي الحبيب في الالتزام من الجميع
والترابط ويبقا هدفنا واحد
لكن انا وانت نقعد نتكلم في اقتراحات وافكار جيدة ومفيدة جدا وفي الاخر
الاعضاء في وادي تاني
و علشان كده أحب أقولك باختصار شديد
لن تنجح أي فكرة جديدة أو تنسيق جديد لصفحة الكادر
بدون مشاركة الاعضاء واتفاقهم علي هذا التنسيق
وايجابيتهم ومشاركتهم
و بالتالي
علشان ننفذ اقتراح حضرتك مطلوب منك تدعيمه !!!
بمعني
مطلوب من حضرتك والزملا اقتراح طرق (لجعل جميع الاعضاء يلتزموا بما نتفق عليه وتحفيزهم
علي المشاركة والانضباط والالتزام) بحلم أانا باين صح؟؟؟؟؟؟؟؟؟
منتظر رأي حضرتك باسهاب

جمال سراج

11-12-2008, 12:20 AM

ربنا يجبر بخاطرك

فاكهة ايه بس؟
قول خيار المنتدي ...موالح المنتدي...

اسكت اسكت خليها في سرك
يحسن في ناس لو شافت كلامك ده هتتهمني انا وانت اننا صحاب

مع اني والله العظيم ماعرف اسم حضرتك حتي:d

ملكش حل - مش ممكن مفيش فايدةفيك
بردو ربنا ما يحرمنا منكوغير اسمى بقا بصفتك مشرف مش صديق!
ياريت تكون صديق والله يشرفنى
غير اسمى حتى عشان تعرف اسمى يا عم
غيره لاسمى الحقيقى وهو:
جمال سراج
او خليه مستر جمال سراج
وانا مدرس رياضيات ثانوى بالغربية

دى مش ليك للناس
ولا زى بعضة ليك بردو منتا ناس بردو!!!!!!!!!!!!!!!!
ربنا ما يحرمنا من افشاتك دى
مساء الفل عليك والناس كلها

M.Sherif

11-12-2008, 12:30 AM

غير اسمى حتى عشان تعرف اسمى يا عم

حبيبي خش علي الرابط ده
http://www.thanwya.com/vb/showthread.php?t=25762
و اكتب مشاركة اطلب من المديرين تغيير اسمك واكتب الاسم اللي انت عايز تغير ليه
و في ظرف يوم او اتنين بالكتير هيكون اسمك اتغير وبنفس عدد مشاركاتك وعضويتك
(الاسم بس هوا اللي بيتغير) gooooa
مش:d عارف بتجيبوا الاسامي دي منين؟

طارق ممدوح ذكي محمد

11-12-2008, 12:46 AM

ربنا يجبر بخاطرك

فاكهة ايه بس؟
قول خيار المنتدي ...موالح المنتدي...

فعلا يا استاذ شريف انت خيار

قصدي من خيار الناس

وكمان احياناً الخيار بيبقى احسن من الفاكهه لانه بيفتح النفس ع الاكل زيك كده لما فاتح نفسنا للمنتدى

أبو ملك

11-12-2008, 12:52 AM

يا أخي يكفيك أن تعلم أن صفحة الكادر هي الصفحة الرئيسية الآن عندي ولا أجلس على النت إلا لها بارك الله في العاملين في هذا الموقع

M.Sherif

11-12-2008, 01:17 AM

يا أخي يكفيك أن تعلم أن صفحة الكادر هي الصفحة الرئيسية الآن عندي ولا أجلس على النت إلا لها بارك الله في العاملين في هذا الموقع

نفس ما نشعر به اخي الحبيب

لا حرمنا الله منك

مشيل ثابت

11-12-2008, 01:40 AM

جمال سراج

11-12-2008, 02:26 AM

حبيبي خش علي الرابط ده

http://www.thanwya.com/vb/showthread.php?t=25762
و اكتب مشاركة اطلب من المديرين تغيير اسمك واكتب الاسم اللي انت عايز تغير ليه
و في ظرف يوم او اتنين بالكتير هيكون اسمك اتغير وبنفس عدد مشاركاتك وعضويتك
(الاسم بس هوا اللي بيتغير) gooooa

مش:d عارف بتجيبوا الاسامي دي منين؟

معلش يا باشا والله فعلا منا عارف انا جبت الاسم ده منين
عموما ان كنت فى الاول اختارته goo بس انتوا اللى ما قبلتهوش ومنفعش التسجيل ولا بتلاتة او 4 او الا لما جت الa مش عارف اكتبها بالعربى ازاى دى
طب او ماشى انما التانية دى ازاى!

محمد السيد غريب

11-12-2008, 06:39 AM

بصراحة قسم الكادر هو المفضل وكل الموضوعات المثبتة ممتازة

M.Sherif

11-12-2008, 08:30 AM

تحياتى للجميع اولا شكرا على هذا المجهود الرائع للاخ شريف بس ياريت يكون فية باب يشرح الائحة التنفيذية للكادر لان الانصبه
كثيرة جدا من حيث عدد الحصص فمش معقول واحد لية 30سنة فى التعليم ويكون نصابة 17حصصة كمان يكون فى باب للتظلمات
او اى مشاكل فى العملية التعليمية

فكرة رائعة
ان شاء الله سيتم وضعها في الحسبان
انما باب للتظلمات بمعني ايه؟؟؟؟؟؟
يمكن قصدك باب للاستفسارات؟؟؟
موجود بالفعل للاستاذ وسية في الموضوعات المثبتة

M.Sherif

11-12-2008, 08:34 AM

بصراحة قسم الكادر هو المفضل وكل الموضوعات المثبتة ممتازة

شكرا جزيلا

يعني خلاص؟
مافيش أمل حد يقترح افكار فذة جديدة؟؟؟؟؟
مافيش حد عنده اقتراحات غير تقليدية؟؟؟؟؟؟

يارب
انا في انتظار ابداعاتكم

M.Sherif

11-12-2008, 10:31 AM

فعلا يا استاذ شريف انت خيار

!!!!!!!!!

استاذ طارق
انت متضايق مني في حاجة؟؟؟؟
أي صفة مش عاجباك فيا ياريت تقول بالتصريح
مش بالتلميح
ياريت تعرفني عيوبي
علشان اغيرها
رحم الله رجلا أهدي إلي عيوبي

كلامك بيودي علي كذا سكة !!!
نفسي افهمك :excl:

نجيب البقلي

11-12-2008, 10:50 AM

[/center]
http://www.thanwya.com/vb/showthread.php?t=92700
هدفي الاوحد من الموضوع ده ان اللي عايز يدخل قسم الكادر يبحث عن اهم الموضوعات
اللي تفيد كل المدرسين يبقا هيخش علي موضوع واحد وهوا مغمض
هيلاقي كل اللي يهمه

أشكر حضرتك علي المجهود و العناء الذي تلاقيه
واعلم أن كل عمل تعمله تبتغي به وجه الله يجازيك به خير
و أنا معاك إن معظم الأعضاء يجب توعيتهم للإلتزام بهذا الأسلوب لأنه أفضل للجميع و يسهل الوصول للموضوعات الهامة
و السؤال عن إمكانية تصفية الموضوعات قبل نزولها للمنتدي بحيث لا تكون مكررة و لا جارحة و ملتزمة بقوانين المنتدي
وكذلك إمكانية أن تكون صفحات أي عنوان فرعي تحت كادر المعلم
و إمكانية أن يلتزم كل عضو بالكتابة في المكا المخصص و القسم المناسب
و في النهاية لك الشكر و كافة المشرفين و المديرين علي المجهود الجبار المبذول من أجل جموع المعلمين الذي جعل البوبة بوجه عام و الكادر بوجه خاص ملئ الأسماع و الأبصار

M.Sherif

11-12-2008, 10:59 AM

و في النهاية لك الشكر و كافة المشرفين

لا شكر علي واجب

بارك الله فيك
والف شكر علي المتابعة و الاهتمام

M.Sherif

11-12-2008, 01:24 PM

يالا بقى ع الرابطة خلي استاذ شريف يرتاح مننا شوية:078111rg3:

انا ارتاح منكم؟؟؟؟؟؟؟؟؟؟؟؟؟؟
انا عمري ما اقدر استغني عن اي حد في المنتدي ده
انت عارف يا استاذ طارق
انا ساعات ببعت لناس كتير علي الخاص
بلاقيهم مش موجودين لفترة كبيرة
ببعتلهم اقولهم انتو فين
وحشتونا
لعل غيابكم والمانع خير
شاركونا
انصحونا
ماتبعدوش

و الحمد لله البعض بيستجيب

اتمني جملتك دي مباشرة وتحمل معناها الظاهر
وما يكونش قصدك
ياللا بقا علي الرابطة
خلينا نرتاح من المشرف ده شوية:)

طارق ممدوح ذكي محمد

11-12-2008, 02:18 PM

[/center]

!!!!!!!!!

استاذ طارق
انت متضايق مني في حاجة؟؟؟؟
أي صفة مش عاجباك فيا ياريت تقول بالتصريح
مش بالتلميح
ياريت تعرفني عيوبي
علشان اغيرها
رحم الله رجلا أهدي إلي عيوبي

كلامك بيودي علي كذا سكة !!!

نفسي افهمك :excl:

استاذ شريف عمري ما حبيت نظام التلميح ابداً

يمكن بحب الدعابة شوية ودي حاجة في شخصيتي ومش هيغيرها

المهم ان انا والله معجب بحضرتك جداً وبنشاطك الغير عادي وبخفة دمك

وبعدين انت بتقتبس اللي على مزاجك ولا ما قريتش الباقي في نفس المشاركة

بقــــــــــــــــــولك

قصدي من خيار الناس
وكمان احياناً الخيار بيبقى احسن من الفاكهه لانه بيفتح النفس ع الاكل زيك كده لما فاتح نفسنا للمنتدى

طارق ممدوح ذكي محمد

11-12-2008, 06:19 PM

انا ارتاح منكم؟؟؟؟؟؟؟؟؟؟؟؟؟؟

انا عمري ما اقدر استغني عن اي حد في المنتدي ده
انت عارف يا استاذ طارق
انا ساعات ببعت لناس كتير علي الخاص
بلاقيهم مش موجودين لفترة كبيرة
ببعتلهم اقولهم انتو فين
وحشتونا
لعل غيابكم والمانع خير
شاركونا
انصحونا
ماتبعدوش

و الحمد لله البعض بيستجيب

اتمني جملتك دي مباشرة وتحمل معناها الظاهر
وما يكونش قصدك
ياللا بقا علي الرابطة

خلينا نرتاح من المشرف ده شوية:)

يا احلى مشرف :d

مش هقول غير كده

وده تصريح:022yb4: مش تلميح :p

ويارب تفهمني صح بعد كده:078111rg3:

اسامه القزاز

11-12-2008, 06:20 PM

اخى الحبيب .. المشرف الجميل .. صاحب القلب الطيب
بارك الله فيك وفى آداءك .. تستحق ان تتخطى العضو الجديد ثم الفعال ثم الممتاز ثم القدير ثم الخبرة ثم المتواصل ثم المشرف وقريباً ان شاء الله هنبارك المشرف السوبر واكتر من كده تستحق .
بخصوص اقتراحاتى فلى اقتراح بسيط يمكن يزود نشاط وهمة الأعضاء وتركيزهم وهو
أن يكون هناك مكان أو اثنين فى الموضوعات المثبتة يتغيروا اسبوعياً يوضع فيهما اجمل
موضوعين خلال كل اسبوع وسيكون من السهل اختيار موضوع من ستة صفحات او سبعة

هدى ناصر احمد

11-12-2008, 08:09 PM

الاستاذ الفاضل شريف
صفحة كادر المعلم هى المفضلة لدى بل اننى لا اذهب الى غيرها بها الكثيرمما احتاج اليه من معلومات مهنيه واخبار وموضوعات لكن لى بعض المقترحات
ارجو من سيادتكم تقبل رأى بصدر رحب
أ‌- المنتدى ذاخر بالموضوعات الهامه جدا ولكنها ????وسط كم من الموضوعات الغير هامه
ب‌- عدد الصفحات تخطى 240 من الممكن تقليل هذا العدد وتنظيم محتوياته
بمعنى حذف الموضوعات التى انتهى تاريخها واهميتها مثال الموضوعات التى كانت تتحدث عن قرب ظهور النتيجة وكذلك الموضوعات التى تتحدث عن اخبار قديمه عرفناها منذ مدة ولم تزل موجوده
موضوعات الى عايز يعرف نتيجته - واخبار الامتحانات وكل ما هو كان مفيد وانتهى وقته وبالتالى صلاحيته

عمل موضوع مثبت عن اسئلة الكادر فى جميع التخصصات ومن خلاله يتم تجميع جميع مشاركات الاعضاء عن موضوعات الاسئلة والشرح وعروض البور بوينت وكل ما يتيح للمعلم الاستفاده منه خاصه من لم يوفق فى الامتحان ونسميه ( ارشيف الامتحانات ) ونضيف اليه كل جديد من اسئلة الاعضاء التى تم الامتحان فيها كل معلم يتذكر سؤال يكتبه ونعمل بنك اسئله جديدة ومتميزه لكل تخصص
ان مثلا تذكرت حوالى 30 سؤال علوم ابتدائى ودونتهم لدى وشاركت ببعضهم فى المنتدى
عمل ابواب ثابته خاصة بمنتدى كادر المعلم مثال باب عن الدورات التدريبية للمعلمين
· باب عن اخر الاخبار عن الكادر والتعليم عامة
· باب عن المعلم المثالى ويضم كل الموضوعات التى تفيد المعلم وترقى بمستواه العلمى والثقافى والمهنى واعتقد انه مثبت تحت عنوان اهم الموضوعات
· باب عن اخبار الرابطة ومجلة المعلم واهم الاعمال واهم المشاريع والموضوعات وهو مثبت حاليا
· باب بعنوان شارك برأيك وهو باب مفتوح لكل الاعضاء للمشاركة بمواضيع مختلفة ويقوم الاشراف بنقل الموضوع كلا حسب اهميته وتخصصه مع ملاحظه حذف الاشاعات
· ممكن عمل باب او موضوع مثبت بعنوان قوانين يضم قوانين المنتدى وقانون الكادر و
والقانونالجديد للتعليم واى قوانين اخرى تصدر خاصة بالتعليم والمعلمين والطلاب
· باب عن التعلم النشط حيث انه قد تم تعميمه فى معظم المدارس ولم ينفذ فى البعض الاخر ويحتاج الكثير من المعلمين الى تبادل الخبرات فى هذا الموضوع
الشكل الحالى للصفحة جميل لكن لما لا نغير ونجدد فى التصميم لتكون صفحة مميزة عن باقى صفحات بوابة الثانويه العامه ومن خلالها نظهر ابداع المعلم

اسفه للاطاله وارجو تقبل رأى المتواضع الذى يقبل الصواب والخطأ بصدر رحب