مشاهدة النسخة كاملة : لا اخترناه .. ولا بايعناه .. نجح أزاى ؟؟؟ سبحان الله
Dr.taz l0gic 08-12-2008, 01:01 PM نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده ف ايده الخلاص
***
نبايع سيادته ولا حد غيره
كفاية علينا نبرطع ف خيره
و نام شعب مصر العظيمة و شخيره
يقول للحرامي ما تسرق كمان
نبايع سيادته و ابنه و حفيده
مفيش زي فكره قديمه و جديده
خرابك يا مالطة حيحصل بايده
و مين فيكي يعني بيسمع آذان
***
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
دي مصر بتاعتك و احنا ضيوفك
كفاية علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
***
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة ومهانة وحوجة و مر
لكن يعني مادمنا شعب انتساب
و دايما و أبدا في حالة غياب
متعملش لينا يا ريس حساب
دي عزبة سيادتك و فيها انت حر
***
و دستور مدستورش مش فارقة خالص
كلام فاضي كله يا فندم بناقص
كفاية علينا الفساد اللي ماصص
عرقنا و معشش و ضارب جذوره
و ايه يعني تهري جتتنا البلاوي
يوماتي كوارث فضايح رشاوي
كفاية علينا القعاد في القهاوي
بنستنى لما الوريث ييجي دوره
***
Dr.taz l0gic 08-12-2008, 01:06 PM وعجــــــبي
TAREK KEWAN 10-12-2008, 02:19 AM بدووون تعليق
nahoous 10-12-2008, 02:24 AM اتحجز مكان ليكى عند اخوانا البعدة
استخبى في بير السم ولا فى الساندرة
ashrafnassr 10-12-2008, 02:32 AM اتحجز مكان ليكى عند اخوانا البعدة
استخبى في بير السم ولا فى الساندرة
عيب الكلام ده احنا بلد ديموقراطى و دولة مؤسسات و قضاء نزيه
Free angel 10-12-2008, 11:57 AM ايه الكلام الجامد ده
ده انت المفروض متخرجش من بيتك لمده شهر
Dr.taz l0gic 10-12-2008, 04:57 PM بدووون تعليق
احيانا الصمت بيعبر أحسن من الكلام
Dr.taz l0gic 10-12-2008, 04:58 PM اتحجز مكان ليكى عند اخوانا البعدة
استخبى في بير السم ولا فى الساندرة
انا مش فاهم التعليق اوى بس علي العموم شكرا للرد
Dr.taz l0gic 10-12-2008, 05:00 PM عيب الكلام ده احنا بلد ديموقراطى و دولة مؤسسات و قضاء نزيه
وفعلا تسمية علي مسمي لأن قضائنا " أقرع ونزهى "
Dr.taz l0gic 10-12-2008, 05:03 PM ايه الكلام الجامد ده
ده انت المفروض متخرجش من بيتك لمده شهر
محدش بيموت ناقص عمر
" قل لن يصيبنا إلا ما كتب الله لنا " صدق الله العظيم
بس مش شايفة أن شهر ده مدة قليلة شوية :d
ريحانه من الجنه 10-12-2008, 11:13 PM نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
دي مصر بتاعتك و احنا ضيوفك
كفاية علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
اااااااه طبعااااا اماال ايييييييه
كلااام حضرتك مظبوووط 100 %
الف شكر لحضرتك ع الموضوع
شمس بياض 11-12-2008, 12:14 AM دى بجد رساله جاءت لى على الاميل ردا على شعرك
هو اكيد هيرد عليك ويقول--يا شعبى يا حبيبى يا روحى يا بيبى--يا حاطك فى جيبى--يا ابن الحلال--ياواكل سمومك وبايع هدومكوحامل همومك وشايل جبال--يا شعبىياللى نايموسارح وهايم وفى الفقر عايم وحالوا دا حال--احبك محشش مفرفش مطنشودايخ مدروخ واخر انسطال--لكن لو تفكر --تخطط تقررتشغلى مخك وتفتح جدال--وتبدا تشاكل وتعمل مشاكلوتنكش مسائل وتسال سؤال--هبهدل جنابك واذل اللى جابك وهيكون عذابك دا فوق الاحتمال--هتقبل 00هاحبك هترفض هلبك--هتطلع هتنزل هاجبلك جمال
Dr.taz l0gic 11-12-2008, 12:24 AM نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
دي مصر بتاعتك و احنا ضيوفك
كفاية علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
اااااااه طبعااااا اماال ايييييييه
كلااام حضرتك مظبوووط 100 %
الف شكر لحضرتك ع الموضوع
بالمنطق كده بابا محمد خلاص استكفى لو جه واحد جديد أكيد هيكون لسه مستكفاش وأكيد هيفكر يستكفى وكله هيجي علينا بقي اشى ضرايب واشى رسوم واشى دمغات .... إلخ :abdoog8:
Dr.taz l0gic 11-12-2008, 12:29 AM دى بجد رساله جاءت لى على الاميل ردا على شعرك
هو اكيد هيرد عليك ويقول--يا شعبى يا حبيبى يا روحى يا بيبى--يا حاطك فى جيبى--يا ابن الحلال--ياواكل سمومك وبايع هدومكوحامل همومك وشايل جبال--يا شعبىياللى نايموسارح وهايم وفى الفقر عايم وحالوا دا حال--احبك محشش مفرفش مطنشودايخ مدروخ واخر انسطال--لكن لو تفكر --تخطط تقررتشغلى مخك وتفتح جدال--وتبدا تشاكل وتعمل مشاكلوتنكش مسائل وتسال سؤال--هبهدل جنابك واذل اللى جابك وهيكون عذابك دا فوق الاحتمال--هتقبل 00هاحبك هترفض هلبك--هتطلع هتنزل هاجبلك جمال
حلوة هترفض هلبك دي .. جمال جمال .. واللي نعرفه أحسن من اللي منعرفهوش
thechampion 11-12-2008, 05:35 AM طيب انا عرد
لما انت قلت لا
وهو لا
وده لا
هههههههههههههههههه
الواقع انه نجح باصوات
بامانة ليه
اقولك
كانوا يرجوا يصوتوا وياخدو ال50 جنيه
هكدا نجح
لا واللى كانوا خايفين لا ييجى واحد جديد ويخربها
بامانة كل من عارض مبارك قعد فى بيته
وللاسفبقولكم
اه اخترناه
اه بايعناه
ويسقط ليه
لنا الله
Ph.Sameh 13-12-2008, 08:47 PM كل اللي أقدر أقوله
:lol::lol::lol::lol::lol::lol::lol::lol:
و نفس التعليق على أخينا ده :lol::lol::lol:
المشاركة الأصلية كتبت بواسطة nahoous
اتحجز مكان ليكى عند اخوانا البعدة
استخبى في بير السم ولا فى الساندرة
عيب الكلام ده احنا بلد ديموقراطى و دولة مؤسسات و قضاء نزيه
مسيو إيهاب 24-12-2008, 06:16 PM اولا أثنان لا يشبعان طالب علم وطالب مال
وده أحسن رد على كلامأن مبرك أحسن من غيره لأنه شبع هو عمره مهيشبع والناس تتطحن أكثر
لا حول و لا قوة إلا بالله
و ألا لاقينه معانا و الا لاقيين غيره يساعدنا
أنا بافكر لا قدر الله أيه اللى ممكن يبوظ "أكتر من كده يعنى" لو لا قدر الله مات
مش لاقيين حتى بديل نختاره
أيمن نور؟ حرامى و مزور
و ألا أحزاب المعارضة "و الا شوفناها فى شارع و ألا فى محافظة من محافظات الصعيد و الا غيره"
و مشاركة الشباب فى الأحزاب منعدمة تقريباً!!!
فى ناس و مسؤولين كويسين بس أحنا محتاجين مواطنين صالحين قبل مسئولين كوسين"أسرائيل الفساد واكلها من أولها لآخرها و رغم كده أهلها هما اللى رافعنها السماء و أحنا ممرمطين مكانتنا الأرض!!!!"
و ربنا يستر معانا على اللى جاى
lamar 21-02-2009, 05:09 AM من اكتر الكلام اللى بتضايقنى او بمعنى اصح انى مختلفة معاها جدا (لانه طبعا كل واحد حر فى رايه)
واللى بيتلخص فى نقطتين
1. انه مفيش حد يقدر يحكمنا فى مصر غير سيد عصره واوانه ( هو انتو مفكرين الموضوع سهل ولا ايه) :abdoog8:
2.وان هو انتو ضامنين اللى هييجي غيره هيبقى عامل ازاى ( اللى نعرفه احسن من اللى منعرفهوش ) :(
والى اخره من الكلام اللى بشوف فيه كتير من الانهزامية
و رايى ان فى مصر فيها اللى يقدر يمسك الحكم وببنى فيها كمان حضارة مصر الحديثة
هتقولو طب لو شاطرة قولى اسم لو واحد بس هقولك ببساطة ان النظام اللى بيحكم مصر 28 سنة وبيمهد
كمان للتوريث مش بالغباء انه يخلى الناس دى ذيعها ينتشر وتكون ليه شعبية تهددهم ولما الناس دى بتظهر
اظن اننا كلنا عارفين ايه اللى بيحصلهم و كان اقرب مثال ايمن نور وطبعا فيه امثلة كتير غيره
اما موضوع انه مش ضامنين اللى هييجى غيره هيبقى سئ ولا اسوأ
فالمفروض ساعتها اننا نبدأ مرحلة جديدة(ونتعلم من اخطائنا بقى ) واول حاجة فى المرحلة دى هى
تفعيل وتحقيق النظرية والحقيقة العلمية الثابتة فى انو البلد دى بتاعتا
وانها مش وسية او عزبة مالكها الحاكم واحنا بنتشغل عنده ومش من حقنا يكون لنا راى او اى اعتراضات
وساعتها مش هيمسك مسئولية الحكم غير الجدير بالمسئولية دى
shaheen11 21-02-2009, 05:47 AM حالنا عامل زي مسرحية تخاريف في اخر جزء فيها
وبخصوص اللي نعرفه احسن من اللي منعرفوش
ده زي مثل عصفور في اليد خير من عشره ع الشجره
بس احنا اصلا مفيش حاجه في ايدنا عشان نخاف عليه
يعني انته كده كده عايش في حاله ما يعلم بيها الا ربنا الجديد هيعمل اكتر من كده ايه
يعني لو سبنا ده موجود هيبقا احتمال واحد وهوه البلد ملهاش مستقبل
انما لو جربت الجديد احتمال يعمل حاجه واحتمال لا يبقا انهو الاحسن
وبعدين لما يجي الجديد ابدا حاسبه فعلا بدل ما العمليه سايبه كده
Dr.taz l0gic 31-03-2009, 01:40 AM شكرا للجميع علي المرور .. واضح انى مش لوحدي في الرأى ده ..
أسيل رزق 27-10-2009, 10:26 AM هههههههه
أحمد فؤاد نجم ده فظيع :p
ربنا يديله الصحة :d
Łosт Mεмoяч 27-10-2009, 07:43 PM و دستور مدستورش مش فارقة خالص
كلام فاضي كله يا فندم بناقص
كفاية علينا الفساد اللي ماصص
عرقنا و معشش و ضارب جذوره
و ايه يعني تهري جتتنا البلاوي
يوماتي كوارث فضايح رشاوي
كفاية علينا القعاد في القهاوي
بنستنى لما الوريث ييجي دوره
***
جميل اوى الجزء ده
كونت شوفت كاركتير انهرده بيقول المصرى ال على حق مايقولش للتورايث لأ:bosyht9:
|