http://www.i11i.net/from/uploaded/1_1171032769.gif





أبي الحبيب محمد حسني مبارك

مقدمــه لسيادتكــم برعــم نشــأ فى عهدكــم وتربّــى فى كنفكــم وشرب من بحــر علمكــم وحكمتكــم التى أذهلــت العــدو قبل الصديــق


تسمـحلي أقــولّك يابابا ؟


بابا أنا تعبــانة أوي ....لأ مــش سنانــي دي ودانــي !!!...أيــوه ودانــي ..أصلي سمعــت كتيــر أوي عن حاجــات حلوة حتحصــل لنا وما حصلــش منها حاجــة ...حقول لك شويــة حاجــات منها واخواتي هنا يمكــن يحبــوا يزودوا عليها شــوية حاجات تانيــة جايز أكــون نسيتها ... بابا مــش عيزاك تزعــل منى علشان فتحــت لك قلبــي



(1)
بابا...مصــر فى السياســة والإقتصــاد وحتى فى الرياضــة بقت في الحضيض.. بقينا في آخــر القايمــة يابابا صــدقنى


(2 )
الدول اللى كان محــدش بيسمع عنــها خالــص بقت أحسن مننا بكتيــر أوي يعنــى دول زي الهند...الفلبين...حتى تايــلاند عندهم إيــدز وبرضه بيشتغلــوا وبيصدّروا كمــان
ده غير الصيين اللى حاجتها ملت بلدنا
انا حاسه اننا خلااص احنا كمان هنقلب صينى كمان شويه
....إنت نمــت يابابا؟ .....لسه صاحي... طيب أكمــل


(3)
بتشــوف قناة الجزيــرة والعربيــة ودبى يابابا....شوف همّه وصلــوا وبقوا إيه واحــنا بقيــنا إيه....الإعــلام بتاعــنا بقه زبــالة بصراحــة يابابا...تفتكــر ده من إيــه؟


(4)
المصرييــن اللى عايشيــن بره محــدش بيســأل فيهم خــالص يابابا....تصــوّر لو حــد منهم مات ...السفــارة مابترضــاش تبعت جثته إلا لــو الناس لمّــت من بعضها ودفعــت المعلــوم......ده غير إن سفــاراتنا بتعاملهم بطــريقة وحشه اووى وقلّة ادب بصــراحة



(5)
إحنا مابنزرعــش قمــح ليه يابابا ؟؟؟....هو كل حاجه مستووورد
أنا عــارفة إنــك بتحب الكنتلــوب علشــان طعمــه أحلــى ....مش مهــم



(6)
بابا...بيقولــوا إن إسرائيل ممكــن ترجــع تحتلّنا تانى علشــان المعاهدة اللــي عمّــو أنــور مضى عليها دي.....مينفعــش تلغيــها يابابا وندخّل جيــش مصــري في سينا



(7)
هــوه ليه عمــو عمرو خــالد وأنكــل يوســف القرضــاوى ملهمش برامــج على التليفزيــون المصــري يابابا ؟؟؟....ليه كل البــرامج بتطلــع فيها روبــي ونانســي ودينا؟؟؟....طــب عمو طنطــاوي مابيزعلــش لما بيشــوف الحاجــات دي ؟



(8)
فيه إشاعــة بتقول إن عدد الجــراد اللى هاجم مصــر 70 مليون و دخلوا فى ال 80 جرادة يعنى نفــس عدد شعــب مصر وإن عمــو كمال الشاذلى هــوه اللى بعتهــم علشان يقولــوا نعم يامبارك .... صحيــح إنهم كتبــوا ليك مبايعة علــى ورق الشجــر يابابا؟

(9)
صحيح يا بابا ..... وزير الزراعة الجديد ده باين عليــه فقــر وقدمــه نحــس .... اوعى تفرط فيــه يابابا لأنــه بقى أملنــا الوحيد


(10)
بابا...إنــت صحيح ناوي تجــدد تاني في 2011 ؟؟؟



باباااااااا......سيب شعرررررري ياباباااا.......مين الناس دول يابابااااااااا

همّا واخدني ورايحين على فين يابابااااااااا

الحقنى يا باباااااااااا

http://forums.fatakat.com/images/newsmilies/sFun_duh2.gifhttp://forums.fatakat.com/images/newsmilies/sFun_duh2.gif



بابا يا بابا بعد كل دة يا بابا والى لسة مستخبى يابابا والحاجة الى بقت ناااااااااااار يا بابا والمرتبات الى مبتزدش الا بالقطارة (ده لو فى قطارة اساسا ) والشباب الى مش لاقى شغل يابابا والبنات الى فاتها القطر يابابا والناس الى عايشة فى ايجارات جديدة ب500 وا600 وبتتطرد بعد شهورو مش بيتجددلهم يابابا والمصرين الى بيسيبو بيوتهم وعيالهم ويهاجرو ويتغربو علشان المم يابابا والمدرسين الى نايمين فى الفصول ومش بيشرحو للطلبة علشان الدروس الخصوصية يابابا
ارحمنا يابابا الناس بتكلم نفسها ياباباhttp://forums.fatakat.com/images/newsmilies/sFun_duh2.gif





منقول
مع تعديلات و اضافات




و كل عام و انتم بخير جميعااااا


http://abeermahmoud2006.jeeran.com/544-Bless.gif

تسمـحلي أقــولّك يابابا ؟



اه يانا ياما

:bosyht9:

لاتنظرى لنصف الكوب الفارغ
أنظرى للنصف المملوء
نحمد الله على ما نحن فيه
يكفى أننا تجنبنا الحروب والدمار
أنظرو لتحديث البنية التحتية

والله بابا دا مفيش احسن منه

كفايه بقينا زباله العالم

لكنك نسيت حاجات كتير

بس كده كويس

وبعدين يا عم / محمد حسن ضيعون

نص فارغ ونص قاضي ايه ونص مليان

الدنيا بقت هباااااب

انظر حولك

دي والله يا بني الكلاب ليها قيمه

الله المستعان

لنا الله

بجد موضووووووووووووووووووووع تحفة
تسلم ايدك
ويريت يتبعت ل بابا

لاتنظرى لنصف الكوب الفارغ
أنظرى للنصف المملوء
نحمد الله على ما نحن فيه
يكفى أننا تجنبنا الحروب والدمار
أنظرو لتحديث البنية التحتية


اولا الموضوع جميل جدا ويارب صوت اى حد يوصل

ثانيا انا مش متفقة مع حضرتك لو تجنبنا الحروب والدمار اللى بره ماهى البلد بيحصل فيها بلاوى سودة والله كل يوم ولا حد بيعرف حاجة هتفرق ايه دمار بره عن دمار جوه .

موضوع حساس جدا

ورسالة حقيقى تمس معظم مشاكلنا

انا بس تعقيبى على الاستاذ الى بيقول

لاتنظرى لنصف الكوب الفارغ
أنظرى للنصف المملوء
نحمد الله على ما نحن فيه
يكفى أننا تجنبنا الحروب والدمار
أنظرو لتحديث البنية التحتية

كوب ايه الى فاضى ومليان
حضرتك مش واخد بالك ان مافيش كوب اساسا
بص كويس وشوف الحقيقة امام عينك
للأسف طالما هناك ناس مثلك لن نتغير ابدا
28سنة بنية تحتيه ياراجل ؟
وبعدين تجنب حروب ايه ؟
احنا رحنا وحاربنا اخواتنا فى العراق بمحض ارادتنا
وكانت وصمة فى جبيننا طول العمر ولن ينساها التاريخ
وبعدين فى فرق كبير بين تجنب الحروب وبين الجبن والخوف من الحروب
كان يبقا ايه الحل لو الرئيس السادات هو كمان تجنب الحروب
كان هايكون ايه وضع سيناء الان؟
مش هايفرق كتير طبعا عن وضع القدس

-------------------------------------------

موضوعاتك السياسية جميلة جدا ياريحانه
استمرى

اشكرك جداااا على الموضوع الرائع
بجد ياريت يوصل ل0000 بابا:romarioxp6:

تسلمى ريحانه ع الموضوع
وده اقل الحاجات اللى حاصله فى البلد
ربنا يستر من اللى جاى
وسلميلى كتير على بابا اللى لسه نايم وعمره ما هيصحى اصلا

تم النقل لملفات مصرية

لاتنظرى لنصف الكوب الفارغ



تم خصخصة الكوب بحمد الله .. وبيعت الأرض لشركة استثمارية يهودية كبرى

مشاركة ممتازة

أتمني لو يقرأبابا هذا المقال الأكثر من رائع ولا يمكن معندوش نت في البيت !!!!!!!!!!!!!!!!!!!!!

والمدرسين الى نايمين فى الفصول ومش بيشرحو للطلبة علشان الدروس الخصوصية يابابا



أظن أن الحملة اللى كل يوم بتزيد على المعلمين ورثة الأنبياء كفاية لدرجة أن الواحد خلاص بيفكر يترك مهنة التدريس لغاية ما فى يوم المجتمع هيكون من غير مدرسين ويتخل القيم والمبادئ

موضوعك حلو اوى اوى يا ريحانة

و فعلا بابا تقريبا نايم و نومه تقيييييييييييييييل شوية

لما يصحى ان شاء الله

هيعملك كل اللى انتى عاوزاه

و سلميلى على بابا

الله المستعان

تم خصخصة الكوب بحمد الله .. وبيعت الأرض لشركة استثمارية يهودية كبرى
:049gc0::049gc0::049gc0::049gc0::049gc0::049gc0:
:049gc0::049gc0::049gc0::049gc0::049gc0:
:049gc0::049gc0::049gc0::049gc0:
:049gc0::049gc0::049gc0:
:049gc0::049gc0:
:049gc0:

باباااااااا......سيب شعرررررري ياباباااا.......مين الناس دول يابابااااااااا


همّا واخدني ورايحين على فين يابابااااااااا


الحقنى يا باباااااااااا


متسأليش بقى رايحة فين
احنا مش قلنا مش عايزين كلام هنا :)

موضوعك جميل الصراحة
سلمت يداك

بابا ايه؟؟؟؟؟؟؟ قولى جدو
جدو مبارك عنده 80 سنة
وبعدين إرفعى صوتك شوية يمكن سمع جده تقيل.
وانتى طولت على جده خالص وهو مش فاضى للكلام ده.
و الاخ اللى بيقول:
لاتنظرى لنصف الكوب الفارغ
أنظرى للنصف المملوء
نحمد الله على ما نحن فيه
يكفى أننا تجنبنا الحروب والدمار
أنظرو لتحديث البنية التحتية
انته حزب وطنى ؟؟؟؟؟؟؟؟؟ اصل هما اللى ماشين فى الشوارع شايلين أكواب نصف مملوءة:av4056bb7jp3::av4056bb7jp3:

السلام عليكم

الف الف شكر لحضراتكم جميعا على مروركم و تشريفكم

و اسفه جدا لتأخرى فى الرد






والمدرسين الى نايمين فى الفصول ومش بيشرحو للطلبة علشان الدروس الخصوصية يابابا



أظن أن الحملة اللى كل يوم بتزيد على المعلمين ورثة الأنبياء كفاية لدرجة أن الواحد خلاص بيفكر يترك مهنة التدريس لغاية ما فى يوم المجتمع هيكون من غير مدرسين ويتخل القيم والمبادئ




و الله يا استاذى الفاضل انا لااقصد ابدا هذا
و لكن
زى ما حضرتك عارف و كلنا عارفين
ان لكل قاعده شواذ
يعنى مش معنى هذا

والمدرسين الى نايمين فى الفصول ومش بيشرحو للطلبة علشان الدروس الخصوصية يابابا

ان كل المدرسين كده
لالا طبعا و الف لاااااا
لانه طبعا مش تعميم

اتمنى تكون وجهه نظرى وصلت لحضرتك

و الف شكر لحضرتك
و اتمنى حضرتك متكونش زعلت
و انا اسفه لو حد زعل من كلام

و الف الف شكر لحضراتكم جميعااا مرة تانيه

http://eshraqa1.com/vb/imgcache/2/6375alsh3er.gif

والله كلام زى الفل

السلام عليكم ورحمه الله
طبعا يا جماعه كلكو عمالين بتتكلمو اعلي الرئيس محمد حسني مبارك وطبعا كل واحد بيتهيألوه انه لو مسك رئيس جمهورية
هيظبط الدنيا يا جماعة من فضلكم ركزوا ف الاحداث شوية الاخ اللي بيقول ايه يعني نخش حرب مش يمكن اهلك يروحوا فيها
و الاخت اللي بتقول قناة الجزيره احسن منا احب اقولها ان الجزيره دي اصلا بتشتم مصر ومصر اكتر دوله ساعدت الفلسطنين
وهما اضروا قالوا كده ف الاخر لان الاخبار العالمية بتؤكد كده ،ليه يا جماعه تعقدوا نفسكم ليه دايما بتيئسوا نفسكم انا زي زيكو
عايش في نفس الهم ده برضه بس مواجهه الهم مش بالاسلوب ده ، مصر يعني مش وحشه للدرجادي واللي مش مصدق يتفضل يعيش بره ويشوف بقي الحياه علي اصولها ، أمريكا اللي هي كانت القوي العظمي اقسم بالله محدش يستجري يمشي فيها بعد 8 او 9 مساءا وطبعا انتي هنا يا اختي لو مشيتي الساعه 12 باليل حتي للظروف محدش هنا يقدر يقولك بم ـ وفي السعودية والكويت البنات بتتخطف خطف والشرطه هناك مش بتعمل اي حاجه دا أولاً
ثانيا الاجور اللي بتتريقوا عليها دي مقدرة الدولة و متقارونهاش بالدول الاوربية ليه بقي
عشان هناك الوظيفه بتعد 9 ساعات و 9 ساعات شغل مكثفين ، تعالي بقي هنا الموظف الموقر بيجي متأخر ساعه عشان المواصلات طيب انتا مش بتصحي بدري ليه يا بني ادم يقولك هو نومي كده ، وطبعا ساعه متاخره وكمان ساعه يفطر يخلص كام مصلحه علي ادان الظهر يقوم يصلي في ساعه عقبال ماتيجي الساعه واحده يقوموا بقي ايه مقفلين ومروحين
فلا بد يا حضرات زي مابتقارنوا ف المرتبات قارنوا الشغل ومدي الاتقان فيه
هي مقومات بلدك كده ولو مش عاجبك شوف بلد تانيه عيش فيها عشان ترتاح واحنا برده نرتاح بس الحق مش عليك يا معارض
الحق علي الدمرداش وعمرو اديب لعنه الله عليه اللي بيشتموا في البلد دول ناس قابضه يا جماعه افهموا بقي
افهموا بقي هتفضلوا لحد امتي فاكرين ان البلد وحشه مانا زيي زيكوا اهو اشمعنا انا مش بشتكي وغيري مش بيشتكي
ولا هو لازم اي كلام وخلاص وواحد من الاساتذه الموقرين لما قال انظر نصف الكوب كلكو هاجمتوه طب ليييييييييه
سيبوه اهو واحد احسن من مفيش يا جماعه انا رأي صح
وانتو برده رأيكو صح بس بدل مانتا تتكلم في الوحش وخلاص اعمل حاجه لبلدك او تلتزم الصمت المؤقت
انا مش بكلمكو انتو يا بتوع صفحه المنتدي انا بكلم كل واحد معارض بيسمع قناة سفيها زي الجزيره ولا جورنال احمق زي الدستور
اللي مش بيزكر حسنه واحده حتي صغيره وانا لو من مبارك كنت فجرت القنوات والصحافة دي عشان خلت اي حد بيتكلم في مواضيع مش من اختصاصه وهو اصلا شكله غلط لما فتح حرية الصحافة في مصر حقيقي غلطت يا ريس
والله لو مبارك زي عبد الناصر الله يرحموه مكنش حد اتأجرء وقال الكلام ده
بس هاقول ايه
الله المستعان علي هذا الانقسام الحزبي الذي نحن فيه الان وانا لست اخوانيا ولا حزب وطني
انا واحد شفت وسمعت ناس كتيره رجعت من بره وكل صحابي وقرايبي اللي سافروا بره أمريكا والسعودية وفرنسا و الكويت ورجعوا مش معاهم حتي تمن تذكره الرجوع وبيحمدوا ربهم انهم رجعوا بشق الانفس
ارجو ان كلامي مش زعلكم بس كلامكم يحترم وكلمه الراجل الوحيد اللي قال كلمه في حق البلد برده تحترم
والسلام عليكم ورحمه الله وبركاته

الحل العودة الى الدين والى الله لأننا نسينا الأخرة
لأن هذا هو الطريق الصحيح

اولا مشكوره على النقل
رساله جيده ولكنها توضح ان من كتبها
لا يعلم اى شىء !!!!
اولا فى البدايه لازم نتفق على نقطه واحده
ان اى دوله على مستوى الدنيا يوجد بها فساد وفقر وتشرد
حتى امريكا
=========
تانى حاجه مين قال ان السياسه او الاقتصاد
او الرياضه فى الحضيض
نبتدى بالرياضه مشاء الله اخده بطولات كتير
والمشاكل اللى فى الانديه موجوده فى كل مكان مش مصر بس
الاقتصاد ممكن اعرف منكم ايه هى المشاريع الاقتصاديه الاخيره فى البلد ؟؟
تعرفو اى شىء عنها؟؟
فاضل السياسه
بالنسبه للسياسه مصر الخارجيه فانا لا اختلف معها لانها متماشيه م الجو فى العالم العربى فسياستنا مصر اولا
هى فيها مشكله واحده علشان اكون منصف
ان المتحدث باسم السياسه لازم يكون اقوى
بالنسبه بقى للسياسه الدخليه
انا شايف كله واخد راحته وبيتكلم برحته
فى اى مكان حتى على النت
حتى اللى مش فاهم اللى بيعترض علشان يعترض وخلاص
لكن باقى الاحزاب المختلفه تمارس وجودها فى مجلس الشعب
او فى الفضائيات وليهم كامل الحريه
وبرضو لو تابعنا هنشوف ين الاحزاب اللى ماشيه بما يرضى الله
واحزاب تانيا لا
==================================

ومين قال اننا لا نصدر كذب عليكى وخدعك من قال هذا وتشهد صناعات يدويه عديده على ما اقول
النحاس يصدر للخارج والرخام و السجاد
وكتير معارض بتتعمل فى الخارج تعرف ايه عنها ليه محولتش تدور عليها ؟؟؟
وننزلها نفتخر ببلدنا بدل ما احنا عمالين ندبح فيها
ما اصحابها برضو مصريين
الصين حاجتهم ماليه الدنيا كلها طب مفكرتش ليه تشوف صناعه من بتاعتهم وتفكر تعملها مشروع بايدى مصريه وخامات مصريه ؟؟؟؟؟؟؟
ليه بس تعترضو انها ملت الدنيا ما فيه صندوق رعايه المشروعات الصغيره
للى مش معاه فلوس واللى هيقول فيه مشاريع فاشله فيه هقوله بص للناس اللى التزمت ونجحت
والا نجيب سيره الفشل بس

===============================
عمر الجزيره والعربيه ما كانو مقياس لشىء
لانكم بتباعو حمالات الهجوم على مصر دايما لكن القنوات اللى ماشيه تنقل الخبر وتتعامل مع الاحداث صدق وصراحه مبقاش ليها اى مكان تانى
غير مجرد تردد على قناه
واللى يسال على ما كتب فى حق قناه النيل للاخبار يعملم عن ماذا اتحدث
===================================
سفارتنا فى الخارج
من قال هذا الكلام وبالنسبه لقضيه الطبيبين
ومن صديق مصرى موجود بالمملكه كان متابع لما يحدث
مين قال ان سفارتنا مهتمتش
لكن مش لازم الجعجعه
على الفاضى
واعرفو ان يه كتير من المعتربين بعوها اصلا من زمان
وبعدين هى السفاره بتدخل لما بيكونو كويسين بتاخد منهم فلوس مثلا لما بتجلهم
ما هما ليهم حدود برضو
ولن افتى فى هذا الموضوع كثرا لان هناك من هم ادرى منى بها
==============================
ومين قال اننا مبنزرعش قمح احنا 80 مليون يا شعب بيعترض وخلاص

وتشير بيانات رسمية إلى أن مصر كانت تستورد في 1995 نحو مليون طن من القمح ارتفع العام الماضي إلى سبعة ملايين، وبلغ إنتاج القمح المحلي 8.2 مليون طن في حين كان الاستهلاك 9.1 مليون طن.

ومع أول التسعينيات قفز الإنتاج ليسجل 41% من الاستهلاك وارتفع إلى 57% عام 2006، وأخيرا 60- 65% عام 2007، فيما بلغ معدل استهلاك الفرد من القمح 180 كيلوغراما في 2007 بينما يقل عن ذلك بكثير في دول العالم. http://www.aljazeera.net/ebusiness/kengine/imgs/top-page.gif


=================================
معترضين عليها ليه المعاهده
الغاءها كاننا اعطينا كارت اخضر لضربنا من امريكا واسرائبل عندنا جيش اه
لكن
هل عندك استعداد انك تخشى حرب دلوقتى توقفك اكتر ما وقفنا قبل كده!!!!!!!
عندك استعداد تشوفو اولادكم واهلكم بيموتو وبلدك بتدمر
وانى قاعده بتشوفى كل اللى اللى البلد بنته من منشاءات ومشاريع عملاقه
باموال الشعب اللى لسه بيعانى من الحرب اللى فاتت
كل اللى احنا فيه ده من اللى اتاخرنا بسبب الحروب وملحقناش نعمله
===============================
اقولك انا بقى ليه عمو وانكل مبيظهروش ليه
لان الناس دى اخدت الدين بزنس مش دين
ورحم الله الشيخ الشعرواى
وبعدين تابعى العاشره مساء و90 دقيقه البيت بيتك
عمرو ديب
هتلاقى ناس اهم من هيفا وناسى بكتير بس احنا مبنشفش غيرهم
=============================
بصى وصدقينى لو فيه 10 مليون رافضين بابا
صدقينى فيه 70 مليون مش عايزين غيره
============================
بالنسبه لوزير الذراعه انا شايف انهم بيحاولو
ونسبلهم فرصه
===============================
ادعى ربنا يديله طولت العمر
علشان تفضلو عايشين مرتاحين كده
بدل البهدله من بعده فى عالم ربنا الاعلم بيه
=============================
برضو نسال نفسنا ما فيه ناس كتير وشباب زى الورد شغال زى الفل وبعدين المرتبات بتزيد بس مش لوحدنا فى العالم اى حاجه بتغلى بره بتقر علينا يريت تقرو فى الاقتصاد شويه
وبالنسبه للشباب اللى قاعد من غير شغل
صدقونى عاجبهم البطله فى وربا والدول المتقدمه
الشباب بيشتغلو من وهم بيدرسو اى حاجه
علشان يتعودو يعتمدو على نفسهمبينزلو يوزعو جرايد
ويغسلو صحون
واللى بيسافرو بره بيعملو كده
طب ما تشتغل كده فى بلدك
انا بقول الكلام ده وفيه كتير شغالين كده
وزى ما اتكلمت قبل كده عندكم قرض للشباب اللى عنده استعداد يخدوه ويشتغل ويتعب هيلاقى نتيجه عمله فى الاخر
=========================
والله ظالمين المدرسين زى ا كل مهنه فى كل الكون
فيها كده وكده
بردو مدرسين مصر نفس القصه
وبعدين ما فيه قناه تعليميه عملاها الدوله برضو
وفيه ناس بتنجح وتجيب فوق 100%
==============================
معلش على الاطاله بس تصورت منتدى مصرى
وقسم للملفات المصريه الافضل تنشروه الحسنه مش السيئه خصوصا لو حد مش فاهم اللى بينقله ده ممكن يشوه الصوره اللى انتم بتقولو ان منظرنا بقى زباله
شوفو مين بيخلى منظرنا زباله ؟؟؟؟
اسف على الاطاله
=========================
على فكره انا لا وطنى ولا وفدى
انا مصرى
ومصر اولا قبل اى شىء

ياناس بلاش تظلموا الريس
الريس عمل كتير بس احنا نظرنا ضعيف وبنحسش عشان كده لاشوفنا ولا حسينا وشكرا

ايه يابنتى هو انتى مش عارفه ان بابا مسافر وسايب رعايه شئون البيت والاسرة لماما هو مسافر الخليج عشان يجيب ليكم فلوس تتفسحوا بيها وتصرفوا على نفسكم فقوقوا بقىىىىىىىىىىىىىىىىىىىىىىىىىىىىىىىىىىىىىىىى هو بابا فاضليناااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااا