mohaameed
09-12-2008, 08:48 PM
بسم الله الرحمن الرحيم
يا جماعة انا طالب فى 3ثانوي عندي مشكلة جامده اوي وساعات بتخليني اضايق
هي اني مبعرفش ادخل فى الحوار مع الكبار يعني مثلا
لما اتلاقي ناس قرايبي بيتكلموا فى موضوع عام انا بفضل ساكت مش لاقي اى حاجة اقولها
عشان ادخل فى الموضوع او الحوار معهم
فارجوا من مشرفوا غرفة التنمية البشرية ان يجدوا لي حلا لهذة المشكلة او من الاعضاء الخبرة
وشكرااااااااااااا:(
*ساسُّو*
10-12-2008, 12:46 AM
انا مش خبرة بس كنت بعمل كدة
لو عندى معلومات او اعرف اى حاجه عن الموضوع اللى بيتكلموا فيه ممكن اكلم مع اتنين واوجه لهم كلامى
فبينتبهوا ويتكلموا معايا
وبعدين ندخل احنا التلاته فى الكلام واوجه كلامى ليهم كلهم
اتكلم معاهم وهتعرف تندمج معاهم قريب ان شاء الله
معاك ربنا
Lost Dreamer
10-12-2008, 01:59 AM
السلام عليكم
لازم تثق في نفسك الاول وتحس وتبقي واثق من جواك ان رايك صح
وحاول في مواقف معينه تكسر الحاجز ده
وابتدبيها واحده واحده
الاول مع الناس الي بتتكلم معاها بس في حاجز صغير بينك وبينها
وتاني مره مع الناس الي الحاجز بينك وبينها اكبر شويتين
وكده
عشان تعالجها بتدريج
وان شاء الله تبقي فيلسوف زمانك
مس رانيا حسن
10-12-2008, 12:26 PM
نصيحتى عليك بالقراءه والاطلاع
فالقراءه تنمى العقل وتزيد من الحصيله اللغويه لدى صاحبها
وتكسبه الطلاقه والثقه بالنفس
بالتوفيق
فى امان الله
Sherif Elkhodary
10-12-2008, 03:16 PM
انا بقا نصيحتي ليك حاجة تانية خالص
و متاكد انه هتجيب نتيجة
احضر حصة استاذة رانيا
بجد استاذة علي درجة كبيرة من العلم و هنفيدك كتير مش في الدرسة بس
اسمع الكلام واحضر و هتستفيد كتير
في امان الله
Last Fantasy
10-12-2008, 06:39 PM
أنا ماشي عكسك خالص كل صحابي أكبر مني أقل واحد تقريبا أكبر مني بـ 7 سنين وأعز أصدقائي متجوز وأنا في تالته ثانوي وصحابي اللي في سني بقت علاقتي بيهم زماله تقريبا مش أكتر باستثناء 2 أو 3 اللي هما الانتيم يعني من واحنا صغيرين جيران وكده