مصرع عميد شرطة بالاسماعيلية
.. والسبب "توك توك"!!
الاسماعيلية- مجدي الجندي:
لقي عميد شرطة مصرعه وأصيب سائق في تصادم سيارة بأنه ب "توك توك" بدون لوحات علي طريق القنطرة بورسعيد.
تلقي اللواء مصطفي كامل مدير أمن الاسماعيلية اخطارا من العميد ياسر صابر رئيس مباحث الاسماعيلية بمصرع العميد شرطة سعيد إبراهيم العطار مدير إدارة تأمين كوبري السلام فوق قناة السويس.
أكدت معلومات العقيد علاء عبدالرحمن وكيل المباحث والمقدم أحمد حماد رئيس قسم المتابعة ان عميد الشرطة كان متجها إلي عمله بالكوبري وفوجئ قائد سيارته ويدعي عبدالله أحمد سليم بتوك توك في الاتجاه المعاكس فحاول مفاداته وانقلبت السيارة عدة مرات وسقطت في مصرف علي طريق الاسماعيلية- بورسعيد مما إدي إلي مصرع عميد الشرطة واصابة السائق بجراح بسيطة


نفسى افهم مين اللى سمح للتوك توتك فى مصر و ليه ملوش قانون او ترخيص
على فكرة كل يوم ناس تموت بسبه و اعدده بقى فى الليمون رغم ايمانى الشديد انه حل نسبه كبيره من مشكلة البطاله لكن محتاج ربط وظبط و الا ايييييييييييييييييييييييييه

فعلا التوك توك بقى منتشر جدا فى مصر
وهو يمكن حل مشكلة البطاله شويه
لكن مش يحل مشكله ويسبب مشكله اكبر
المفروض يكون له قانون زى ما حضرتك بتقول
مشكووووووووور

بجد حاجه خنقه والله التوك توك ده ولا اللى بيسقوه ما شاء الله عليهم متخلفين عقليا الا من رحم ربى

شكرا على الموضوع

الحمد لله احنا مافيش عندنا تك تك

بس التكتك كان مجرد سبب فى وفاة الراجل ده

يعنى لو كان مافيش تكتك كان هايعيش ؟؟

طبعا لاء

الحمد لله احنا مافيش عندنا تك تك

بس التكتك كان مجرد سبب فى وفاة الراجل ده

يعنى لو كان مافيش تكتك كان هايعيش ؟؟

طبعا لاء
انا مختلفه معاك يا أستاذ مجدى
هو اه ده عمره لحد كده
وقدر الله وما شاء فعل
لكن فيه فعلا دلوقتى مشكلة التوك توك
وبقت اعداد فعلا تموت منه
لأنه اللى بيسوقه دول مش بن ءادمين
وكمان دول بقوا الأطفال هما اللى بيسوقوه
يعنى مافيش اى قوانين له

بس انا ركبته قبل كده وكان جميل ايوه السواقين بيبي خالص بس يعني اهو بيساعد في حل حاجات كتيره قوي ان كان بطاله ان كان مواصلات زياده الناس تركبها يعني

انا مختلفه معاك يا أستاذ مجدى
هو اه ده عمره لحد كده
وقدر الله وما شاء فعل
لكن فيه فعلا دلوقتى مشكلة التوك توك
وبقت اعداد فعلا تموت منه
لأنه اللى بيسوقه دول مش بن ءادمين
وكمان دول بقوا الأطفال هما اللى بيسوقوه
يعنى مافيش اى قوانين له


انا لا اؤيد انتشار التك تك بدون قوانين والحكومة تأخرت اوى فى النظر فى مشكلة التك تك
وعلى ما اظن ان الحكومة بدأت تقنن قانون للتكتك ورخصة ومخالفات وخلافة
انا بس قولت ان ده نصيب وقدر هذا الظابط
كما كان مقدر ومكتوب ان ينجى السائق سبحان الله

هو منتشر جداااااااا بسى ارزاق وناس بتاكل عيش

هو كويس علشان حل جزء من مشكلة البطالة لكن الوقتي بقى زي الرز محدش عارف يمشي منه ده غير في الشتاء ممكن يتزحلق باللي فيه وحوادث .......إلخ

إنا لله وإنا إليه لراجعون
ربنا يرحمنا برحمته
يااااااااه يعنى الواحد تبقى نهايته على ايد توك توك؟
مش عاوزة اقول اسمه التانى ايه غير صرصار الشارع :d
ده لما عربية 128 تفرمل عليا بقول لنفسى,"ايه ده؟! يعنى اموت على ايد عربية 128؟ طب ياريتها كانت BMW كانت تبقى مبلوعة"
ايش حال لو توك توك بقى
ده بقى اشهر من القطر هنا يا جماعة
وتلاقيهم عاملين الموقف بتاعهم فى نص الشارع, عشان يجبروا الناس تركب
وفعلا بيبقوا عكس السير
عليه العوض ومنه العوض عليكى يا بلد