بالنسبة لفكرة المجلة الالكتورنية الخاصة بالموقع [الأرشيف]

مشاهدة النسخة كاملة : بالنسبة لفكرة المجلة الالكتورنية الخاصة بالموقع

alhawary@w.cn

10-12-2008, 12:12 AM

السلام عليكم ورحمة الله وبركاته

طبعا انا مبسوط ان يكون اول مشاركة ليا في الموقع العريق ده هو موضوع عن فكرة جميلة جدا زي المجلة

معلش ممكن أكون لسة مشاركاتي تحت الصفر بس بعد اذنك يا عبقرينومان تقبل مشاركتي الي نهايتها

انا عارف شغل مجموعة هايل لتكنولوجيا المعلومات كويس وبيعجبني ... زي موقع الاستاذ مثلا

بس ممكن تكون فكرتي بتوضح حاجة جميلة ممكن تخدمك في اصدار مجلتك الالكترونية الخاصة بالموقع ومنها تقدر تستمد اخبر مجلتك الورقية

الفكرة كلها عبارة عن مجلة تركب علي الموقع وتتربط بقاعدة البيانات الخاصة بالمنتدي وتكون المجلة والمنتدي حاجة واحدة يقدر اليوزر يدخل علي الاتنين بنفس اليوزر والباص ودي انا محققها في موقعي .. علي فكرة انا مصمم موقع جامعتي ولو عايز تشوفه انا ممكن احط الرابط بس مردتش احطه احسن تفتكر انه اعلان عن الموقع او حاجة لو عايزني اكتبه في الموضوع اكتبه ولو عايزني ابعتهولك علي الخاص ابعته

الفكرة كلها في المجلة دي تعتمد علي

* إندماج كامل مع قاعدة بيانات المنتدى بما فيها جدول الأعضاء، أى أن نظام تسجيل الدخول موحد للمجلة والمنتدى.
* تم مراعاة المقاييس العالمية فى تصميم المجلة، xhtml و css مطابقة للمواصفات القياسية.
* إمكانية استخدام الستايل الخاص بالمنتدى كستايل للمجلة أو استخدام الستايل الخاص بالمجلة.
* إمكانية تفعيل أو تعطيل خاصية اختيار الأعضاء للستايل المستخدم للتصفح (الستايلات المتوفرة بالمنتدى والمجلة).
* إمكانية تفعيل أو تعطيل خاصية اختيار الأعضاء للغة التصفح (اللغات المتوفرة بالمنتدى والمجلة).
* أكثر من 25 بلوك متضمن بالمجلة بوظائف وإمكانيات متعددة مع إمكانية إنشاء بلوكات إضافية بلغة HTML أو PHP.
* إمكانية إنشاء صفحات داخلية بالمجلة مع إمكانية تفعيلها وتعطيلها فى أى وقت وإمكانية تحديد صلاحيات تصفحها حسب المجموعات.
* إمكانية تحديد صلاحيات تصفح بعض الأقسام والبرامج الملحقة ومشاهدة بعض البلوكات وتحديد صلاحيات المشاركة وذلك وفقاً للمجموعات الموجودة بالمنتدى.

ده بالنسبة لأهم إمكانيتها

ــــــــــــــــــــــــــــ

بالنسبة للبرامج والموديلات الملحقة معاها :

* المدونات (أعط الأعضاء إمكانية إنشاء صفحاتهم الشخصية على موقعك بالتنسيق المناسب لهم)
* البوم الصور (يمكنك إنشاء البوم صور متكامل الخواص ومتعدد الإمكانيات: رفع/تعديل/تقييم/تعليق على الصور مع إمكانية تصنيفها)
* الكلمات العابرة (الكلمات العابرة يمكنك اسخدامه كنظام مماثل لسجل الزوار يمكن للجميع المشاركة به وتظهر آخر المشاركات أعلى المجلة)
* مركز التحميل (مركز التحميل مركز متعدد الإمكانيات به خصائص رفع وتحميل من وإلى الموقع مع إمكانية تصنيف الملفات وتقييمها والتعليق عليها)
* الأخبار (إمكانية إنشاء وتنسيق وضبط والتعليق على المقالات المطروحة بقسم الأهبار مع إمكانية تصنيفها)
* سباق المواقع (يمكنك تشغيل خدمة سباق المواقع حيث يمكن رفع صورة كبيرة وصورة مصغرة لكل موقع ووضع الرابط وتقييم كل موقع على حدى)
* قسم الدروس (يمكنك إنشاء وتنسيق وضبط وتقييم والتعليق على الدروس المطروحة بقسم الدروس والتى يمكن تصنيفها أيضاص حسب الإختصاص)
* الأقوال المأثورة (هنا يمكنك وضع الأقوال المأثورة لعظام التاريخ أو للعلماء أو استخدامه لأغراض أخرى مماثلة)
* المحادثة (يمكنك التحدث إلى الآخرين من خلال المحادثة الموجودة بالمجلة ويمكن لباقى الأعضاء التواصل من خلالها)

طبعا المدونات هتسيب مساحة للأعضاء انهم يكتبوا عن نفسهم ويبئي عندك مواقع صغيرة جوا موقعك ودي هيزود نسبة الزيارات للموقع لأن دليل جوجل هياخد من المواقع روابط ومواد علمية اكتر وبالتالي نسبة عرض اكبر في البحث

يارب تكون فكرتي عجبتك

ولتفاصيل أكتر راسلني علي الخاص او الميل وانا هكون علي اتصال بيك

بس ياريت لو الموضوع معجبكش متحذفش الموضوع قبل مترد ولو علي الخاص حتي علي الفكرة سواء بالايجاب او السلب

معلش اني طولت عليك يا باشا

أخوك / م.أحمد الهواري

م أحمد الهواري

10-12-2008, 12:27 AM

أسف اذا كنت سجلت باسم الايميل
ده الاكونت الجديد وياريت لو حد من الادارة يغيرلي الاسم بتاع الاكونت القديم لأي اسم يدل عليا ابئي شاكر ليه جدا
وانا لسة مستني الردود

الاستاذ محمد سرور

10-12-2008, 12:44 AM

أسف اذا كنت سجلت باسم الايميل
ده الاكونت الجديد وياريت لو حد من الادارة يغيرلي الاسم بتاع الاكونت القديم لأي اسم يدل عليا ابئي شاكر ليه جدا
وانا لسة مستني الردود

انت كدة يا احمد بتشرح الموقع بالفعل بشكل مختلف
انت لو تلف لفة كدة فى المنتدى حتلاقى كلام شبية بالكلام دة

فكرة المجلة حتكون pdf جاهزة للتحميل وفى المراحل المقبله سيتم طبعاتها ك مجلة تعليمية ورقية يتم طرحها فى الاسواق

جزيت خيرا على الفكرة الجميلة
وياريت بعد ما تلف شوية فى الاقسام وتشوف المواضيع والاقسام والتفاعل بين الطلاب والمدرسين

ترد على كلامى وتوضح اذا كان فى اختلاف مع كلامك ام لا

م أحمد الهواري

10-12-2008, 01:03 AM

من سماتي الشخصية اني مبكتبش في موقع او منتدي او مدونة الا لما اعرف كل حاجة عن الموقع اللي انا بكتب فيه
مين صاحبه ومتسجل من خلال موقع وتاريخ تسجيله هينتهي امتي ومتسجل علي انهي سيرفرات
لأني بحب اعرف انا بكتب عن ايه وليه

حضرتك ممكن متكنش فهمت فكرتي كويس

المنتدي يفرق عن المجلة كتيييييييير اوي

المنتدي عبارة عن اقسام مختلفة مواضيعها تعبر عن اسمها يعني منتدي الكمبيوتر ملقيش فيه موضوع عن النكت لأ هلاقي موضوع بيتكلم عن الهاردوير والسوفت وير

لكن المجلة حاجة تانية خالص
المجلة موقع لوحديها والمنتدي جزء منها .. تخيل حضرتك ان المنتدي ده كله هيبئي جزء صغير مش هيتعدي الـ 1/10 من الموقع

ده غير ان المجلة هتبئي مجمة لكل الاقسام في صفحة واحدة يعني مش هيتحط فيها موضوع واحد ولا قسم واحد لأ
ده الادارة هيبئي ليها المميزات انها تحط كذا موضوع من كذا قسم في شكل اخبار متتالية ورا بعض

يعني مثلا
موضوع من منتدي الهندسة
موضوع من منتدي الصف الأول الثانوي
موضوع من منتدي المكتبة

وهكذا

في اختلاف رهيب جدا بين المنتدي والمجلة حضرتك

ده عالم و ده عالم تاني تماما

ابسط حاجة في المجلة دي انك هتعمل قسم لتحميل الصور والفايلات بدون تركيب سكربتات خاصة بكدة

لو حضرتك عايز تشوف مثال قلي وانا اكتبلك موقع شغال بيها وتشوف انا قصدي ايه

سعيد نجم

10-12-2008, 01:27 AM

السلام عليكم

تصورى للمجلة الالكترونية انها مجلة ورقية تم تحويلها الى ملف اكروبات و هذا الملف يمكن تحميله من منتدى البوابة او موقعها كملف مرفق أو عن طريق رابط
و نظرا لانها قد تكون اسبوعية و كونها تعليمية فان الملفات ستكون تراكمية بمعنى امكانية العضو من تحميل الملفات القديمة و يطلبها عن طريق التاريخ أو رقم العدد
و انا اعتقد ان الموضوع بسيط جدا بعيد عن التعقيدات التى ذكرتها

و كمثال لما يمكن ان تكون عليه المجلة يمكنك الاطلاع على احدى نسخ جريدة البروجريه اجيبسيان و الدخول عليها من موقع جريدة الجمهورية فهى تعرض النسخ القديمة من الجريدة فى صورة ملف اكروبات ( pdf)

و هذا المثال يوضح مدى مرونة استخدام ملف الاكروبات حيث يمكن عمل صفحة جريدة كاملة فى صفحة عادية و يتم التكبير لسهولة القراءة

وشكرا

م أحمد الهواري

10-12-2008, 01:43 AM

اللي انت بتتكلم عنه مش مجلة الكترونية
دي مجلة ورقية ولكن في شكل الكتروني
فياما انا فهمت المطلوب من المجلة غلط يا اما انتوا مش فهمني
بصراحة مش عارف
بس ان المجلة تكون علي صورة pdf دي حاجة مش تميز الموقع ابدا ودي سهلة جدا جدا جدا ومش محتاجة كل الضجة دي واللي انا بتكلم عنه مفهوش اي تعقيدات ولا حاجة بالعكس ده هيشمل علي الفكر دي جواه
وبيتم تركيب المجلة وتشغيلها في اقل من 10 دقائق فقط يعني مفيش صعوبة

وعلي العموم دي فكرة جديدة برده لو فعلا الادارة مش عايزاها كدة

هي فكر متطور جدا عن الصفحة الرئيسية للموقع خصوصا ان اللي مصمم الصفحة الرئيسية للموقع غلط غلطة فادحة وانه مجربش الـ css للـ template ده علي اكثر من متصفح وده اللي ادي الي ان الـ home page للموقع مبتفتحش كويس الا علي الـ IE لكن الـ firefox مثلا اللي شغال بيه 28% من مستعرضي الانترنت في مصر بيقراه غلط وتقدر تجرب بنفسك ... 28% تقترب من الثلث جدا

حاجات صغيرة بتتحول لمشاكل كبيرة جدا

عبقرينومان

10-12-2008, 09:34 AM

شكرا ليك على الفكرة

ولكن ما تذكر هي مجلة زي vb وخلافه

ولكن ما نريده تصميم مجلة شبه المجلات الورقية التي توزع في الاسواق وتكون بشكل pdf لكي يسهل على الطالب طباعتها وتصويرها لزميله وهكذا

م أحمد الهواري

10-12-2008, 12:42 PM

مستر رمضان عيسى

10-12-2008, 01:09 PM

الكلام كبير
بس ايه المانع نستفيد من خبرات كل الناس علشان نحتل القمة بدرى بدرى
انا مبسوط بتبادل الخبرات

م أحمد الهواري

10-12-2008, 03:26 PM

مشكور علي ردك يا استاذنا

!DreAmeR!

10-12-2008, 04:48 PM

الكلام كبير
بس ايه المانع نستفيد من خبرات كل الناس علشان نحتل القمة بدرى بدرى
انا مبسوط بتبادل الخبرات

معاك حق والله يا مستر

شكرا على المعلومات يا باشموهندس

تقبل مرورى

م أحمد الهواري

10-12-2008, 04:50 PM

مشكور علي المرور يا king

mr.osama

10-12-2008, 06:49 PM

هذا النقاش والجدال الراقي والرائع .. أرجو أن يفيد في إخراج مجلة إلكترونية متميزة.

م أحمد الهواري

10-12-2008, 06:56 PM

ياريت يا استاذنا

مشكور علي الرد

MiDo1O2

10-12-2008, 07:33 PM

يا جماعة المجلة الالكترونية احسن كتيييييييير وهتبقى منتشرة ولو نجحت ممكن ساعتها نعمل مجلة pdf وغيره
انا ممكن اساعد بس في الاجازة عشان انا ليا في المواقع والسرفرات
وياريت الفكرة تتنفذ

م أحمد الهواري

10-12-2008, 11:56 PM

مشكور علي تأييدك يا mido
ويارب حد من الادارة يسمع بئة

اشرف المصرى

13-12-2008, 04:51 AM

وليه ميكنش الاتنين وليه مخليش عندي مجلة الكترونيه استمد منها المجلة الورقية

علي فكرة احنا عاملين كدة انا مركب مجلة في الموقع بتاع الاكاديمية بتاعتنا وفي واحد زميلتنا في قسم صحافة بتستمد مواضيعها من المجلة وبتجمعها وتعملها pdf وتطبعها

يا جماعة انا بتكلم عن واقع والله مش عن خيال او تفكير من غير اي اساس

بعد اذنكوا حاولوا حتي تشوفوا مثال علي كدة قبل متحكموا علي ان الموضوع فاشل ومش هيفيد المجلة الورقية في شئ

انا متفهم لفكرتك استاذ احمد
وعارف انها بتجذب الاعضاء وتشدهم كما انها بتجذب مواقع البحث وترفع الترافيك
وياريت حضرتك تحط لينك موقع الاكاديمية بتاعتكم مثلا كمثال ليها علشان الصورة تكون شامله
واعتقد ان الموضوع من الناحية دى يهم ادارة الموقع واصحابه اكتر من الاعضاء

لكن ده لا يمنع انى اوضح ليك الفكرة اللى المنتدى بيسعى ليها
وهى عمل مجله تتحمل على جهاز الكمبويتر وتكون رفيقة للطالب والمعلم على جهازة
او يطبعها طبعا
ودى خطوة مبدئية على طريق اصدار مجلة مطبوعه باسم المنتدى
وهو هدف المجلة الاساسى

مودتى

social_worker

13-12-2008, 07:04 PM

والله فكرتك جميله جدا وأنا مع عمل مجله إلكترونيه أولا ولكن الكيفيه نفسى أشوف المجله الخاصه بالأكاديميه بتاعتك ياأستاذ هوارى حتى يصل إلى المعنى بصوره صحيحه وليه لأ أحنا بنشجع الموهوبين من حضراتكم ولابد من أن يكون هناك مرونه للتوصل الى الأفضل والأفيد وإسألوا مجرب والا إيه

م أحمد الهواري

13-12-2008, 09:47 PM

اولا مشكور علي المرور ( اشرف المصري ) و ( social_worker )

ثانيا :

انا ممكن احط الموقع بتاعنا عادي بس لما حد من الادارة يقول لأني عارف انا المقالب .. الادارة تقلك بتعمل دعاية لموقعك يبئي عضو مخالف وخلاص علي كدة

مش عارف انا بجد محدش من الادارة بيتكلم معانا ويناقشنا ليه وهما فين اصلا مبشفهمش كتير

ياريت بجد تتابعونا وتتابعوا ارائنا

أبو رزق

12-02-2009, 05:18 PM

أنا متحمس لفكرة هواري