الست فايقة العايقة تموت فى الفطش

على كل جيرانها وفى الاخر تقعد للماتش

الكورة لاحسة دماغها هى وفتكات

وكل ما تشوف محروس جوزها تقول له هات

يرجع جوزها من الشغل طوالى ع البيت

يقول حضرى الاكل تقول له اكل يووووووووه نسيت

ليل ونهار منكدة على جوزها يا ولداه

وجوزها من حرقته كاتم فى قلبه الاه

ماهى قاعدة للكورة هى وفتكات جارتها

تعد فى الاهداف وان شا الله يولع بيتها

وفى يوم كانت بتطبخ والماتش شغال

سابت الطبيخ ع النار وجريت ع التليفزيون فى الحال

المباراة كانت جامدة وهى قدامها مركزة وقاعدة

وطبيخها شاط وهى بتحكم فى الكورة اللى جات فى العارضة

هوب الحريقة مسكت فى فوطة المطبخ وع الخشب سرحت النار

اصل دولاب مطبخها خشب عادى مش قبنورى اللى ضد الفار

والناس ترزع على بابها وجوزها كمان

اللى رجع على ملى وشه وشاف الدخان

ولما جات المطافى كان ولع كل المكان

ودخل محروس الشقة ووراه كل الجيران

طفوا الحريقة باعجوبة وهى واقفة مرعوبة

والشقة بقت فحم وغرقانة ولا الشوارع فى مطر طوبة

محروس فقعها قلم وكان تقيل فى الجون

ورمى عليها اليمين وبعت يجيب ماذون

عشان يخلص من قرفها وعيشتها المحسورة


وده برضو كان سببه الكورة


وعجبىىىى


(تمت).....


...... احلام (نغم البحر)..

ياه الكورة بتعمل كدة

ممنوع الستات يتفرجوا علي اي كورة
اما بقي لو عايزين و ضروري يبقي يطلبوا المازون هما
الحرايق في كل كان مش ناقصة؟ :P

اه شفت والله بتعمل اكتر من كده بس انا مقولتش طلقها عشان بتشوف ماتش وخلاص

لكن بسبب الاهمال لواجباتها الزوجية ولسعان دماغها بالكورة


هههههههههههههه اما المازون موجود فى كل مكان وتحت الطلب بس بعد الشر

نتمنى للجميع هدوء السر والسعادة ويكفيهم شر الحرايق ويبعد عنهم المطافى

وميرسى للمتابعة يا حميدو

لا حلوة اوى شكرا احلام

ميرسى اوى ليك يا احمد

لا حول ولا قوة الا بالله العلي العظيم ربنا يشفي هههه

مشكورة احلام علي نقل الحريقة دي

ههههههههههههههههههههههههههههههههههه

والله لو اتجوز واحدة كده اطلقها طبعا

بعدين يا انسة احلام انا غلبت معاكى ليه مش بتردى على رسايلى الخاصة ليكى

والله مش قاصد اضايقك بس انا متاكد انك شخصية محترمة جدا وفيكى صفات جميلة

نموذج رائع للفتاة فى الرومانسية وخفة الدم والاخلاق العالية وكمان متاكد انك جميلة اوى

يا ريت بقى تعبرينى وبلاش القسوة دى ده احنا اسكندرانية زى بعض يعنى بلديات

العفو يا ابراهيم وما نجيلكش فى حريقة هههههههههههههههههه

وميرسى ليك ع المرور

يا اخ خالد انا مش برد على رسايلك الخاصة عشان بصراحة غيظانىىىىىىىى

وعموما هرد لك ع العام عشان اخلص

اولا انا مش شبه اميرة موناكو ولا شبه حد من الممثلين ولا المغنيين

ثانيا ايوه انا رسامة واللوحة اللى انت بتقول شفتها فى المعرض عليها امضائى بتاعتى

وبما اننا من اسكندرية زى بعض وسيادتك طالب دراسات عليا عندنا فى الكلية راعى اللياقة العامة

معايا وبلاش الرسايل الخاصية اللى بدون داعى دى كمان حاول تشاركنا بمواضيع ع المنتدى

اوكى دعوة موفقة من قلبى بالتوفيق

اها مبروك علي المنتدي بقي بينا فنانة كمان الحمد لله الصراحة ردك كان رائع اختي
واخ خالد يعني الواحد علي رأي المثل (بيفهما وهيا طايرة) انتا بعت رسائل كتير
وملقتش رد يبقي خلاص تفهما لوحدك واسف اذا كنت ادخلت
واسف اذا كلامي ضايق حد بس الصراحة مقدرش اشوف الغلط واسكت

ياااااااااااااااااااااااة كلامك جميل جدا ياعروسة البحر
يانغم البحر ياعروسة الاسكندرية
يالؤلؤء البحر

هههههههههههه حلوة اوى ياعبقرينو مان وربنا يستر بس الفوطه كانت سبب ومتظلمش الوليه معاك

شكرا ليك يا اخ ابراهيم

اه فعلا المفروض الواحد يفهم من نفسه كل حاجة

ما تقلقش يا ابراهيم كلامك ما يضايقش حد ابدا

ميرسى اوى اوى ليك يا حمادة بس ايه الكلام ده كلو انا ما استحقش كل ده

يا سلام يا كريم فوطة ايه بس ماهى اللى ست مهملة حد يسيب طبيخ ع النار يشيط ويقعد للماتش

هههههههههههههههههههه

ميرسى ليك ع المرور والمتابعة

انا اسف جدا يا انسة احلام لو كنت ضايقتك برسايلى واسئلتى عموما انا عارف انك بنت جدعة اوى ومحترمة جدا عشان كده انا بطلب منك تسامحينى وانسى اللى فات

وياريت نكون اخوة وزمايل منتدى بجد واحبذ نبقى اصحاب

لان شخصية زيك صعب اوى الواحد يقابلها ويخسرها

اتمنى تردى عليا

ومرة تانية متاسف يا نغم

خلاص يا خالد عفا الله عما سلف والمسامح كريم

... وبالتاكيد كل اعضاء المنتدى اخوة واصدقاء ليا..

وحشتينا والله يا أحلام و وحشتنا مواضيعك الجميلة