withoutname2100
11-12-2008, 04:24 PM
اشرب بيريل واسترجل ..خلاص يا جماعه بيريل بقت معني للرجوله..ازازاه شعير بقت رمز لمعني سامي زي ده ..بقت رمز للشجاعه والكرامه والمسئوليه..وبقوا شويه{ معتوهين } فالاعلان هما دول رمز لرجاله مصر..انا مش جايه اتكلم عن اعلان..انا بتكلم عن مبدأ..مبدأ خدوا كتير من رجال الاعلام وهو مبدا الاستخاف بعقولنا وقيمنا لتسويق منتجاتهم..ازاي تبقي بيريل لرمز للرجوله..وبناء عليه فكل من لايشرب بيريل مشروب الرجوله الاول فهو ليس برجل؟؟معقوله دي؟؟وياتري الاعلان ده ممكن يسيب ايحاءات ايه فشبابنا اللي بقي علي شفا حفره..لما ازازه بيريل بتخلي الواحد راجل امال ايه تاثير الخمره والمخدرات؟؟ هي دي بقي الحلقه الجديده من مسلسل الاستخاف بعقولنا ؟؟ولا حلقه من المسلسل التاني بتاع تغير قيمنا؟؟قد كده الرجوله بقت معني تافه او عمله نادره بالنسبالهم عشان يستخدموا وسيله لتسويق منتجاتهم بالشكل المستفز ده..انا هحكلكم علي موقف هو اللي خلاني اكتب الموضوع ده..كنت في ماركت وبعدين لقيت طفل نازل زن علي والده يا بابا عاوز بيرل عاوز بيريل يقله يا بني طعمها مر ومش هتحبه يقله لا يا بابا انا عاوزها عشان ابقي راجل واضرب العيال..يا بركاتك يا بيريل..اهي بيريل بقت معني الرجوله عند الاطفال وبقت الرجوله معناها الضرب والعنف..وعلي فكره في جروب عالفيس بوك برده ضد الاعلان ده..وكل سنه وانتم طيبيبن
7med@
11-12-2008, 04:57 PM
زي ما ريد بول بيعطيك جوانح
وبايسون كلك حركات
بيريل استرجل بس اعتقد ان الرجولة اللي في الاعلان ليها معنى تاني غير الشجاعة والكرامة
والاعلان ده استفزازي جدا يعني بيقولك لو راجل اشرب بريل
وبالنسبة للجروب انا اشتركت فيه ويا ريت كل اللي في الفيس بوك يشترك علشان نوقف الاعلان ده
وشكرا على الموضوع
bosy .. mostafa
11-12-2008, 05:33 PM
طيب مانا بشرب بيريل بطريقه مش طبيعيه معناه كده اني بقيت بنت مسترجله مثلاً؟
مش معناه كده اكيد طبعاً .. الناس هي اللي بتاخدها بمعنى ان اللي يشربها يبقى راجل و بتاع
لكن هما قصدهم يعني ان طعمها مر و مش حلو و مش اي حد يقدر يشربها فآل يعني اللي يشربها يبقى بطل !
و ده طبعاً مش حقيقي بطل مين و بتاع ايه
نهايته
ده الاعلام بتاعنا و مش هنقدر نغيره .. ماعندناش احنا زي بلاد بره اننا نمشي رأينا و الكلام ده !!
هتقولوا لي اني سلبيه و بتاع .. بس بالله عليكم اللي عنده حل يقول
مالوش لازمه اطلاقا اننا نقعد ننتقد و نشتم في الاعلام .. ايه يللي راح نوصله ؟!
جاوبوني
FRANKENSTEIN
11-12-2008, 07:30 PM
ههههههههههههههه
المشكله دلوقت
ينفع اشرب بيبسي ولا دي معيله :d
زمرده
11-12-2008, 09:25 PM
يا جماعه والله الأعلانات دى بقت مصيبه اليومين دول بدل ما تبقى اعلانات نوعى بيها الناس ونعرفهم الصح من الغلط لا دى بقت اخر استهزاء وقلة ادب واسفه فى اللفظ ده بس علا كل الاعلانات دلوقتى ما هى الا وسائل مش كويسه لتضييع الوقت والاستخفاف بعقولنا
هنقول ايه حسبى الله ونعم الوكيل
ياريت تقبل مرورى وشكرا على الموضوع
شيماء شريف
11-12-2008, 10:36 PM
للاسف حاجة تقرف خلاص الاعن اخر استفزاز وانتقاص لرجولة الراجل
Mo'MeN 2
11-12-2008, 10:41 PM
يا جماعة انتو بتناقشو ايه اصلا ده اعلان تهريج يعنى مش بجد عشان تناقشوه....انتو فاضيين للدرجادى يعنى...طويب طويب!
withoutname2100
12-12-2008, 01:22 PM
علي كده كل حاجه فحياتنا بقت تهريج...انا مش جايه اناقش الاعلان انا بتكلم علي فكره الاستخفاف بعقولنا ودا فكل حاجه حولينا ..وبصراحه من التفاهه ان الواحد يعدي كل حاجه كده حوليه من غير ما يفكر فيها وياخد موقف منها لان دي هي السلبيه ودا اللي بيخلي اللي ادامك يستخف بيك اكتر واكتر..ولو الموضوع مش عاجبكم انا كنت بعبر عن فكره عندي مش اكتر وممكن احذفه..
العازف
12-12-2008, 01:24 PM
انا مش بشرب بيريل انا بشرب سجائر معناه الرجوله
ههههههههههههههههههههههههه
amooor slim
12-12-2008, 02:18 PM
اشرب بيريل واسترجل ..خلاص يا جماعه بيريل بقت معني للرجوله..ازازاه شعير بقت رمز لمعني سامي زي ده ..بقت رمز للشجاعه والكرامه والمسئوليه..وبقوا شويه{ معتوهين } فالاعلان هما دول رمز لرجاله مصر..انا مش جايه اتكلم عن اعلان..انا بتكلم عن مبدأ..مبدأ خدوا كتير من رجال الاعلام وهو مبدا الاستخاف بعقولنا وقيمنا لتسويق منتجاتهم..ازاي تبقي بيريل لرمز للرجوله..وبناء عليه فكل من لايشرب بيريل مشروب الرجوله الاول فهو ليس برجل؟؟معقوله دي؟؟وياتري الاعلان ده ممكن يسيب ايحاءات ايه فشبابنا اللي بقي علي شفا حفره..لما ازازه بيريل بتخلي الواحد راجل امال ايه تاثير الخمره والمخدرات؟؟ هي دي بقي الحلقه الجديده من مسلسل الاستخاف بعقولنا ؟؟ولا حلقه من المسلسل التاني بتاع تغير قيمنا؟؟قد كده الرجوله بقت معني تافه او عمله نادره بالنسبالهم عشان يستخدموا وسيله لتسويق منتجاتهم بالشكل المستفز ده..انا هحكلكم علي موقف هو اللي خلاني اكتب الموضوع ده..كنت في ماركت وبعدين لقيت طفل نازل زن علي والده يا بابا عاوز بيرل عاوز بيريل يقله يا بني طعمها مر ومش هتحبه يقله لا يا بابا انا عاوزها عشان ابقي راجل واضرب العيال..يا بركاتك يا بيريل..اهي بيريل بقت معني الرجوله عند الاطفال وبقت الرجوله معناها الضرب والعنف..وعلي فكره في جروب عالفيس بوك برده ضد الاعلان ده..وكل سنه وانتم طيبيبن
واللهى عندك حق تماما فى هذا الموضوع وانا والحمد لله عمرى ماشربت بيريل ابدا لانى بحس انها تشبه الخمرة وبعد ما قريت موضوعك كرهتها اكتر واكتر وبالنسبة للاعلان فهو اعلان مسفوف وكذلك كتير من الاعلانات زيه زى اعلانات الجيل والشامبو وغيرها وربنا يرحمنا برحمته الواسعة وشكرا على موضوعك الرائع
SmSm Basha
12-12-2008, 09:27 PM
فعلا بجد الاعلان مستفز و كمان ليه ايحاءات مش حلوة خالص باينة جدا من الاشخاص اللي بيجيبوهم في الاعلان
prince Of Love
14-12-2008, 01:53 AM
لا حول و لا قوة إلا بالله
حسبنا الله و نعم الوكيل
فوزي الحديدي
14-12-2008, 07:53 PM
فعلا موضوع خطير واستخفاف بالعقول
مشكور على الموضوع
..Just Stop
14-12-2008, 08:38 PM
هنقول ايه بس
اشرب ميرندا
يا لذيذ يا رايق
ربنا يهدى