بسم الله الرحمن الرحيم
السلام عليكم و رحمة الله و بركاته

لما تحس بيأس .. افتكر على طول كلمة مصطفى كامل .. ( لا يأس مع الحياه و لا حياه مع اليأس)
ياترى كان يقصد ان اللي عنده يأس ينتحر ولا أيه؟

لما بتحس انك متضايق اوي و مخنوق و مش طايق حد ..
ياترى بتفتكر اي حاجه تضحكك؟ ولا بتفتكر اي ذكريات عدت كده وخلاص؟؟

نصيحه اخويه مني .. لو انت مش عايز تبقى محبط ماتكملش الموضوع ده و روح اقرا نكت او اي حاجه تضحك في جرس الفسحه
ده بس عشان مش تحس بالإحباط اللي عندي .. اللي اعتقد انه كان سبب في دخولي الانترنت
بصراحه الموضوع ده انا مش عارفه ايه هدفه .. ولا ايه اللي انا بكتبه ده من اساسه

نهايته .. ماعلينا
انا لقيت نفسي كده مره واحده بكتب كلام كده و مش عارفه ايه هدفه يعني؟ تفتكروا ده جنون؟
بصوا انتوا اعتبروا ده جنون او مرض نفسي .. لإن الاتنين مافيش فرق بينهم في مجتمعنا العربي :romarioxp6:

يبقى الجنون هو الحاله النفسيه .. و الحاله النفسيه هي الجنون ..
طب مسألتش نفسك ايه الحاله النفسيه؟ بلاش تسأل نفسك مش مهم مش مهم

تعالوا نتكلم عن الثقه (ايه يا ست بوسي اتكلمنا عنها كتير:stickjo4:)
احنا كتير بنثق في ناس .. و فجأه يحصل موقف معين و مش نثق فيهم .. لما الاشخاص دول بيتحولوا لاشباج (اللي كنت واثق فيهم)

فبتحس بواحد من التلاته دول

ان دول اشخاص وهميه صنعها خيالك
اشخاص كان نفسك تقابلهم فخيالك صورلك ان هما دول
و ممكن تكره الناس كلها و تفقد الثقه فيهم كلهم و مش بعيد ثقتك في نفسك

لازم هتتصدم في عدم وجودهم .. لإنهم خيال
حاجه بتحبها و ظنيت ان هي في شخص معين .. لكن تكتشف انها لا تمت له بصله و تطير في الهوا
و انا هنا بتكلم عن كل الخصال الحميده بوجه عام

ياترى عرفتوا انا كتبت الموضوع ليه؟ لو حد عرف يبقى جدع لإني شخصياً مش عارفه :confused:
كل اللي اعرفه اني كنت عايزه اتكلم .. و الكلام طلع معايا كده و خلاص
انتوا كمان مش عايزين تتكلموا ؟
قولوا كل اللي جواكم و مش شرط يكون الكلام منظم

انا خايفه اني اقع في غلط .. بس الغلط الوحيد اللي مؤمنه بيه ان فيه سنين من عمري ضاعت و مش استغليتها صح
يمكن انا حالتي دي مش يحس بيها غير اللي بيمر بنفس ظروفي ..
يمكن اكون مجنونه بس بحاول اثبت العكس :romarioxp6:
يمكن مريضه نفسياً !؟ و عايزه اخرج من حالتي
عموماً لو حد حاسس باللي انا بقوله ده يقولي

و يارب يكون الموضوع عجبكم

انا طبعا كنت بموت وانا بقرا كلامك دا مش عارفه كنت حاسه بحزن بجد حاسه لاول مرة انى متكتفه وانى مش قادرة اعملك حاجه اللى انتى كتبتيه دا كمية احاسيس انتى عايشاها بتدل على ياسك وحزنك
اة انا عارفه مالك وانتى كمان عارفه مالك بس هوة شعور غريب جوة اى حد بيحاول يقنع نفسه انه مش عارف ماله
انا عارفه يا بوسى انك حد جميبل وحد قريب من ربنا وان شاء الله تخرجى من اللى انتى فيه
لان معتقدشى ان فى حد غيرك هيقدر يعمل حاجه
وعلى فكرة فى ناس كتير زيك كدا وفنفس حالتك :(
وطبعا فى فرق كبير جداا بين الحاله النفسيه والجنون
الحاله النفسيه ممكن نتيجة زعل او حزن من شىء معين او حاجه حصلتلك نتج عنها الحاله النفسيه بتباه ممكن نتيجة الضغط بتاع الحياة
انما الجنون دا بيباه مرض عقلى
ربنا يوفقك يا بوسى وتخرجى من اللى انتى فيه دا بسرعه

ضاقت فلما استحكمت حلقاتها فرجت و كنت أظنها لا تفرج

تأتي للانسان لحظات ييأس فيها ولا يجد حلاً لمشكلاته ولا يرى النور في ظلماته ، ولا يجد مؤنساً لمواساته ، ولا فكراً لمساندته ، انها لحظات التغيير ، انها اللحظات التي تشتد على المرء فتنهك قواه وتثقل كاهله ولا تسد رمقه ،

هنا فقط تكون الرغبة الحقيقية في التغيير والاحساس بالحاجة لحياة أفضل ،

وهنا تتدخل العناية الإلهية فتساعد من اضناه كثرة الدعاء واتعبه كثرة العمل حتى استسلم فخضع لربه وناداه اني مسني الضر وانت ارحم الراحمين ،

والذي ذل له فقال واذا مرضت فهو يشفين ،

رغم تأخر نصره إلاّ أنه لم يؤخره إلا ليربيه ويجتبيه ، كالطفل يتركه أبوه ليسقط لا قسوة منه ولكن رحمة وتعليم ، انها الحكمة الإلهية التي تساعد من يساعد نفسه فإن عجز كانت المعجزة ، وان بكى كانت اليد المساعدة ، فقط متى ساعد الإنسان نفسه وسعى للنجاح وللشفاء وسعى لله بكل ما أوتي من قوة فإن خارت قواه كان الاله له مؤيداً وناصراً وهو من قبل له ناظراً كما قال لموسى " واصطنعتك لنفسي ولتصنع على عيني " ، وليكون الفضل له والحمد له ، واذا ابتعد الأخلاء فانه معك ولك لتحبه وحده ، وتعتمد عليه وحده ، وتطلب منه أن ينير لك الطريق ويسعد لك حياتك ، ويبعد عنك الشرور والآثام ويوفقك لكل خير ، فهو العلي الكبير القدير ولانقول لله الا انك انت الأعلى .

مش عارف اقول لحضرتك ايه بجد ... الواحد كتير بيمر بالاحساس دا ... بحس اني ضايع في الدنيا دي بحس اني ضيعت عمري على حاجة مش ليها اي لزمة بحس اني بتعلم و التعليم مش مفيد في بلدنا دي بحس اني كنت بتعامل مع ناس كتيير كويس اوي و اكتشف ان هم المعاملة بس لمجرد المعامله معاهم سواء وحشة او حلوة مش ليها اي لزمة مضيعة للوقت وخلاص بحس اني تايه ومش عارف انا عايش ازاي من كتر اللي شايله جوايا بحس ان مفيش اي حد سواء اخ او اب او صاحب وا قريب فاهمني بحس ساعات ان الناس كلها في وادي ود نيا راضية بيها وعايشة مع بعض و مبسوطة وانا لوحدي في دنيا مش طايق حد وللا طايق كلمة بحس بحاجات كتيير وبحس بيها كتيير بس الحمد لله ربنا يخرجني من الاحاسيس دي كلها لان الواحد بجد لو فضل عايش في اي احساس من دوول كدا ممكن فعلا يبقى مجنون او مريض نفسي احساس انك تبقى عايش مع نفسك ومن اجل نفسك ولا يوجد هدف اسمى من انك تعيش لمجرد ان تحيا بهذه الحياة وينقضي عمرك

بجد انا مش عاف انا جبت الكلام دا كله منين ... انا في الاول مش كنت عارف اقول ايه بس الواحد طلع شايل كتيير جواه

في الاخر اسف جدا على الاطالة وارجو تقبل مروري و الف شكر على الموضوع

و على فكرة مواضيع حضرتك رائعة زيي ما هي .. بقالي كتير مش دخلت المنتدى و الحمد لله لقيت المواضيع الجيدةحلوة بجد تستحق اني اوفر من وقتي كتير علشان اقرأها

شكرا كتير مرة تانية على الموضوع و اسف جدا على الاطالة

انا والله مش عارفه ارد اقول ايه بس انتى بجد يا بوسى فكرتينى بحاجات كنت بجد بحاول انساها بحاول انسى كل حاجه انسى الدنيا واللى فيها انسى كل شخص قربتله ووثقت فيه واخلصت له والاخر خزلنى وخانى وافشى اسرارى لكا من حولى بنسى اصحابى اللى باعونى واللى فعلا ماعتش ليا صحاب بنسى انى فعلا مش لاقيه حد اتكلم معاه ومش عارفه اطلع اللى جوايا ازاى عشان استريح بحاول انسى كل اللى فى دماغى عشان فى الاخر مااعيطش زى كل يوم بجد بحاول انسى كل حاجه



اسفه على الكلام الكتير ده


بجد موضوعك جميل وبجد خلانى اطلع

شويه من اللى جوايا واستريح شويه

مشكووووووووووووووووووووووووووره

يابوسى على الموضوع

بسم الله الرحمن الرحيم

السلام عليكم و رحمة الله و بركاته

لما تحس بيأس .. افتكر على طول كلمة مصطفى كامل .. ( لا يأس مع الحياه و لا حياه مع اليأس)
ياترى كان يقصد ان اللي عنده يأس ينتحر ولا أيه؟
لا طبعاً مكنش يقصد كده ..

لما بتحس انك متضايق اوي و مخنوق و مش طايق حد ..
ياترى بتفتكر اي حاجه تضحكك؟ ولا بتفتكر اي ذكريات عدت كده وخلاص؟؟
بصراحة بتوضا وأصلي ركتين وبعدين بروح أقعد على البحر

نصيحه اخويه مني .. لو انت مش عايز تبقى محبط ماتكملش الموضوع ده و روح اقرا نكت او اي حاجه تضحك في جرس الفسحه
ركن جرس الفسحة مغلق:angry2:

ده بس عشان مش تحس بالإحباط اللي عندي .. اللي اعتقد انه كان سبب في دخولي الانترنت

معقولة دا السبب الوحيد لدخولك النت؟

بصراحه الموضوع ده انا مش عارفه ايه هدفه .. ولا ايه اللي انا بكتبه ده من اساسه

نهايته .. ماعلينا
انا لقيت نفسي كده مره واحده بكتب كلام كده و مش عارفه ايه هدفه يعني؟ تفتكروا ده جنون؟
بصوا انتوا اعتبروا ده جنون او مرض نفسي .. لإن الاتنين مافيش فرق بينهم في مجتمعنا العربي :romarioxp6:

لا لا متقوليش كده بعد الشر عليكي من الجنون كلنا بيحصلنا كده والله وساعات بيحصلنا أغرب من كده نقدر نسميها فضفضة مش أكثر:)


يبقى الجنون هو الحاله النفسيه .. و الحاله النفسيه هي الجنون ..
طب مسألتش نفسك ايه الحاله النفسيه؟ بلاش تسأل نفسك مش مهم مش مهم

تعالوا نتكلم عن الثقه (ايه يا ست بوسي اتكلمنا عنها كتير:stickjo4:)

هههههه كنت هقولها

احنا كتير بنثق في ناس .. و فجأه يحصل موقف معين و مش نثق فيهم .. لما الاشخاص دول بيتحولوا لاشباج (اللي كنت واثق فيهم)


فبتحس بواحد من التلاته دول
ان دول اشخاص وهميه صنعها خيالك
اشخاص كان نفسك تقابلهم فخيالك صورلك ان هما دول
و ممكن تكره الناس كلها و تفقد الثقه فيهم كلهم و مش بعيد ثقتك في نفسك
لازم هتتصدم في عدم وجودهم .. لإنهم خيال

حاجه بتحبها و ظنيت ان هي في شخص معين .. لكن تكتشف انها لا تمت له بصله و تطير في الهوا
و انا هنا بتكلم عن كل الخصال الحميده بوجه عام

ياترى عرفتوا انا كتبت الموضوع ليه؟ لو حد عرف يبقى جدع لإني شخصياً مش عارفه :confused:

هااااااااااااي أنا جدع:av4056bb7jp3:

كل اللي اعرفه اني كنت عايزه اتكلم .. و الكلام طلع معايا كده و خلاص
انتوا كمان مش عايزين تتكلموا ؟
قولوا كل اللي جواكم و مش شرط يكون الكلام منظم

انا خايفه اني اقع في غلط .. بس الغلط الوحيد اللي مؤمنه بيه ان فيه سنين من عمري ضاعت و مش استغليتها صح

معلش ملحوقة إن شاء الله:)

يمكن انا حالتي دي مش يحس بيها غير اللي بيمر بنفس ظروفي ..
يمكن اكون مجنونه بس بحاول اثبت العكس :romarioxp6:
يمكن مريضه نفسياً !؟ و عايزه اخرج من حالتي
عموماً لو حد حاسس باللي انا بقوله ده يقولي


و يارب يكون الموضوع عجبكم

أعتقد أن القضية الآن هل أعجبنا الموضوع أم لا ولكن القضية أعمق من هذا بكثير .. اسمحي لي أختي الكريمة أن أفند هذا الموضوع ولكن رجاء تقرأي كلامي لآخره ..

1. عندما نكتشف فجأة أن من وثقنا به خائن أو لا يستحق تلك الثقة ..

كلنا مر علينا مثل ذلك الموقف ولكن (لا تلومن إلا نفسك) هناك قاعدة تقول (المؤمن كيس فطن) ومعنى تلك القاعدة أننا نسير في الحياة معتمدين على الإحساس أكثر من التفكير ولذلك تخرج أحكامنا على الأمور والأشخاص أحكاماً غير منطقية أو غير عقلانية وسأسرد عليكم موقفاً هاماً ..

أمي رحمها الله في يوم من الأيام اعترض طريقها لص مسلح وطلب منها أن تعطيه كل ما معها من ذهب وأموال وبالفعل وتحت تهديد السلاح أعطته كل ما معها و قام مجموعة من الشباب الشهم بالإمساك به وتوصيله إلى قسم الشرطة .. في القسم بكى اللص فحن قلب أمي عليه وقالت للضابط لا ليس هو .. الدنيا كانت ظلام ولم أره جيداً ..هل هذا الموقف في كل الحالات سيمنع اللص من السرقة ؟ أعتقد لا هناك بيت شعر لأمير الشعراء أحمد شوقي يقول :
الشر إن تلقه بالخير ضقت به ذرعاً وإن تلقه بالشر ينحسم

أقصد من كلامي أننا نثق في الآخرين ثقة عمياء ونطيع من نحب طاعة عمياء .. مع أننا لا نفعل ذلك حتى مع الله عز وجل في أمور ديننا نسأل ونجادل ولماذا يجب أن نفعل كذا ؟ وما الدليل على كذا ؟ وهكذا .. نريد أن نثق في الآخرين فليس من المعقول أن أحيا حياتي وأنا أشك في كل من حولي ولكن هل ينفع مثلاً أن نسالم إسرائيل سلاماً أعمى ؟ طبعاً لا يقول أحد الشعراء ..
تحياتي لمجتمع السلام وكفي ممسك بيد الحسام

معنى هذا الكلام أن الثقة يجب أن تكون حذرة مبصرة يجب أن أعلم أن من أثق به إنسان له ثغراته وعثراته وغدراته وله قلب يتقلب فيجب أن أؤمن نفسي من تقلبات القلوب .. ويجب أن أحذر دائماً وأقول في نفسي (دوام الحال من المحال)

العقل والفطنة والكياسة كنوز مفقودة إن استعملها الإنسان قلت بل ندرت فرصة خيانة الآخرين له وغدرهم به حتى إن حدثت مرة يؤمن المؤمن بأن (لا يلدغ المؤمن من جحر مرتين) والكيس من استطاع أن يتعلم من أخطائه وتجاربه..

2. الإحباط ..

سلوك سلبي لا يعرفه المؤمن لا يعرفه (أولو الألباب) ذوو النفوس المطمئنة .. ليس معنى هذا أن الإنسان لن يتعرض للإحباط ولكن اجعلوا إحباطكم ككبوة الجواد سريعاً ما يقف منها ويظل جواداً .. هل رأينا يوماً جواداً كبا (أي وقع) فتحول (حماراً) مثلاً .. عذراً للمثل ..

أتدرون ما معنى (ألا بذكر الله تطمئن القلوب)؟

الله الله .. في تلك الآية .. إذا الله خالقنا يعلم أن القلوب ستضطرب ستدمى ستخان ستعذب فوضع لنا العلاج البتار .. (ذكر الله) قال يونس عليه السلام في بطن الحوت "لا إله إلا أنت سبحانك إني كنت من الظالمين" فرد الله تعالى"فكشفنا ما به من غم" .. أليس هذا علاج للإحباط .. نذهل عنه - إلا من رحم ربي - هيا بنا نداوي الإحباط واليأس .. لماذا يصيبنا الإحباط إن غدر بنا بشر ؟

كن متأكداً أن من غدر بك سيجعل الله لك حجة عليه يوم القيامة فحالك أفضل من حاله .. وبإذن الله لن يتكرر هذا أبداً ..

آسف للإطالة .. لكني وجدتها لازمة .. تحياتي لكل القلوب الحالمة .. لكل النفوس المعذبة .. هيا رددوا معي هيا .. "لا إله إلا أنت سبحانك إني كنت من الظالمين"

انا حاسه بيكي اكيييييييييييد

لاني بمر بالحالة دي دلوقتي

لما حد بيحس بحد اوي ويحب اصحابه وفي الاخر

فعل بحس ان دول

ان دول اشخاص وهميه صنعها خيالك

اشخاص كان نفسك تقابلهم فخيالك صورلك ان هما دول

و ممكن تكره الناس كلها و تفقد الثقه فيهم كلهم و مش بعيد ثقتك في نفسك

انا دلوقتي عديت عالمراحل الاولي والتانيه

وبمر بالتالته

وبتضحك علي نفسي عشان صدقت ن دي ممكن تكون صديقة عمري

انا حاسه بيكي كتييير

ربنا معكي ومعايا

وحولي تتعملي مع البشر بقي

ببرود وعدم الثقة العمياء

اشكركم اوي لمروركم ده
هبقى ارد على كل واحد رد بعدين بس ناو انا مشغوله اوي في المذاكره
ادعولي :)
بحبكم في الله