مســــــــــــــابقة __( خش بسرعة جاوب ) منافسة ساخنة جدا >>>> متجدد [الأرشيف]

M.Sherif

13-12-2008, 01:32 PM

السلام عليكم

1- لتنمية مهارات اللغة العربية بيننا
2- للاستعداد للامتحانات القادمة (بعد سنة أو خمسة)
3-لبث روح البحث عن المعلومة من جديد والاستفادة
4-لصحصحة مدرسين العربي معانا شوية (المطنشين منهم)
5-للخروج عن الموضوعات التقليدية التي تسبب حالة من ....
لكل الاسباب اللي فوق دي
نبدأ هذه المسابقة

فكرتها

سأبدا بطرح سؤال في اللغة العربية ( قواعد نحوية - شعر ومن قائل هذه العبارة -هات جمع -هات اعراب -اسئلة اختيارية -بلاغة-همزات-تاءات- فقرات وقطع واسئلتها-لطائف نحوية-أسرار اللغة والفوائد الهامة- التعبيرات و الالفاظ وانتمائها للفصحي من عدمه)
كده يعني
اي حاجة تحبوها اسئلة في اللغة العربية
و من اسئلة الكادر او من خارجها
عايزين نوسع الافق
حاجة كويسة برضه

هكتب سؤال
حضرتك تفكر وتجاوبه

و اللي هيجاوب صح

له صقفة كبيرة أوي:):av4056bb7jp3:

و اللي هيجاوب غلط :stickjo4:

خلاص بقا هنسامحه ...هنعمل ايه يعني؟
ايه رأيكم؟؟؟
نبدأ علي بركة الله السؤال الأول

(هما سؤالين سهلين علشان نتشجع)
http://www.te3p.com/pic/line/t34456.gif
السؤال الأول
أيهما أصح؟؟؟ نقول ......
-مساهمة منه لتنمية القدرات؟ أم ......
-اسهاما منه لتنمية القدرات؟
و لماذا؟
السؤال الثاني

صفا لك اليوم ورقّ النسيم وجال في الأزهار دمْعُ الغيـوم
ورجّــع البلبــل ألحـانَه يقول :هيّا اطربْ وخل الهموم
يدعو الشاعر في هذين البيتين إلى:
أ) التمتع بجمال الطبيعة .
ب) التفاؤل بالحياة.
ج) الزهد في الحياة .
د) الإقبال على المجون

ها؟
مين هيجاوب الأول؟

أول واحد هيجاوب له امتياز خاص
هيبقا ليه الحق في وضع اسئلة في الموضوع في اي وقت
اثناء المسابقة

مسيو وليد عسكر

13-12-2008, 02:24 PM

بسم الله الرحمن الرحيم
الاجابه علي السؤال الاول:اسهاما لانها المصدر الصريح من فعل يساهم وهي الادق علي ما اعتقد
السؤال الثاني الاجابه الصحيحه الفقره
(ب)التفاءول

ghanem111

13-12-2008, 02:34 PM

بسم الله الرحمن الرحيم
الاجابه علي السؤال الاول:اسهاما لانها المصدر الصريح من فعل يساهم وهي الادق علي ما اعتقد
السؤال الثاني الاجابه الصحيحه الفقره
(ب)التفاءول
اعتقد الان الجملة الثانية هي الصحيحة فاسهاما هي مفعول مطلق لفعل محذوف تقديره أسهم اسهاما لتأكيد الإسهام
والثانية هي التفاؤل

جمال سراج

13-12-2008, 02:45 PM

أول واحد هيجاوب له امتياز خاص
هيبقا ليه الحق في وضع اسئلة في الموضوع في اي وقت

اثناء المسابقة
ايوه كدا
هات ما فى جعبتك ايها البطل الهمام!!!!!!!!!!!!!!!
هفكر شوية بلاش اخد انا الصدمة الاولى
خليك - قصدى خلينى زكىّّّّّّّّّّّّّّّّّّّّّّّّّّّّّّّّّّّّّّّ!!!!!!!! !!!
دائما متجدد وانيق
ما انا قلتها ملكش حل
بنحبك
انجليزى نلاقيك - عربى نلاقيك
يمكن بكرة تجبلنا هندى!!!!!!!!!!!!!!!!!!!!!!!
بلاش بس رياضيات عشان متقطعش علينا!!!!!!!! خليك حلو!

M.Sherif

13-12-2008, 02:51 PM

ايوه كدا
هات ما فى جعبتك ايها البطل الهمام!!!!!!!!!!!!!!!
هفكر شوية بلاش اخد انا الصدمة الاولى
خليك - قصدى خلينى زكىّّّّّّّّّّّّّّّّّّّّّّّّّّّّّّّّّّّّّّّ!!!!!!!! !!!
دائما متجدد وانيق
ما انا قلتها ملكش حل
بنحبك
انجليزى نلاقيك - عربى نلاقيك
يمكن بكرة تجبلنا هندى!!!!!!!!!!!!!!!!!!!!!!!
بلاش بس رياضيات عشان متقطعش علينا!!!!!!!! خليك حلو!

ماليش دعوة
قول زي مانت عايز
بس ماتهربش
جاوب حالا
وقبل ما يخش أي مدرس عربي
م اللي بيتكلمو الفصحي دول

مسيو وليد عسكر

13-12-2008, 02:56 PM

شريف
هي لطائف نحويه حاجه كده زي القطايف الرمضانيه

M.Sherif

13-12-2008, 03:05 PM

ياللا يا جماعة
الباقي يجاوب
ما تقلقوش
الظاهر ان اجابتنا كلنا هتطلع غلط!

مسيو وليد عسكر

13-12-2008, 03:09 PM

M.Sherif

13-12-2008, 03:40 PM

اجابة السؤال الاول
يقولون : إسهاما منها في تشجيع القدرات
ـ والصواب : مساهمة منها في تشجيع القدرات

إسهاماً هو مصدر الفعل أسهم ، وهذه تعني كما يقول إبن فارس في مقاييس اللغة أسهم الرجلان إذا إقترعا) وذلك من السّهمة والنصيب . وهذه تختلف مساهمة المشتقة من الفعل ساهم الذي يعني شارك ، فالمساهمة هي المشاركة والإسهام يعني الإقتراع . ومن هنا نلاحظ أن أية زيادة في المبني تؤدي إلى تغيير المعنى

أ/ محمد عبد العظيم

13-12-2008, 04:17 PM

استاذ شريف لا تحرمنا من مسابقاتك بارك الله فيك

البورسعيدية

13-12-2008, 04:20 PM

الاجابة الثانية
الاقبال على المجون لانة يريد ان يتخلى عن الهموم

M.Sherif

13-12-2008, 04:22 PM

ياللا نجاوب
علي سؤال مسيو وليد
لانه هوا اول واحد جاوب وليه حق طرح الاسئلة

M.Sherif

13-12-2008, 04:25 PM

الاجابة الثانية
الاقبال على المجون لانة يريد ان يتخلى عن الهموم

انتي عارفة حضرتك يعني ايه كلمة مجون؟؟؟؟؟؟؟؟؟؟؟؟

elafif

13-12-2008, 04:30 PM

سؤال مسيو وليد صعب جدا

M.Sherif

13-12-2008, 04:46 PM

سؤال مسيو وليد صعب جدا

بيني و بينك
انا قاعد ابص له من ساعتها
فاتحا فمي (مع سرحان غريب)

تفتكر ده من ايه؟:)

kaaaago

13-12-2008, 04:50 PM

صمتى لا يعنى عدم درايتى بما يحدث حولى

و لكن ما يحدث حولى لا يحتاج الى أن اقول أى كلام

M.Sherif

13-12-2008, 05:00 PM

صمتى لا يعنى عدم درايتى بما يحدث حولى

و لكن ما يحدث حولى لا يحتاج الى أن اقول أى كلام

والله يا اخ خالد انا فهمت ظاهر الكلام لكن مافهمتش باطنه

ياريت توضح

في حاجة مضايقاك؟

في حاجة مش عاجباك؟

محمد عبد العظيم وسية

13-12-2008, 05:06 PM

طبعا انا لا شيء بجانب عمالقه اللغه العربيه الافذاذ ولكني كنت احبها جداا اثناء دراستي وكنت ساتخصص فيها لولا ان اخي الاكبر مدرسا للغه العربيه (علشان اسيبه ياكل عيش )ولرغبتي الشديده في سبر اغوار اللغه الفرنسيه والتي عشقتها مع اللحظات الاولي لدراستها ولكني ساجتهد بينكم في طرح قصيده اعجبتني جداا نقلا عن والدي -اطال الله في عمره- وهي في حديث نفسي بين الاب وابنه وهو يعاتبه بينه وبين نفسه عندما علم الاب ان ابنه شكاه الي رسول الله صلي الله عليه وسلم بانه اخذ ماله وجميع مايملك.
غدوتك مولودا وعلتك يافعا تعل بما ادني لديك وتنهل
اذا ليلة نابتك بالشكو لم ابت لشكواك الا ساهرا اتململ
كاني انا المطروق دونك بالذي طرفت فعيناي تهمل
فلما بلغت السن والغايه التي اليها مدي وماكنت فيك اؤمل
فليتك اذا لم ترعي حق ابوتي فعلتك كما الجار والمجرور يفعل
1- اعرب مافوق الخط
2-استخرج ثلاث الوان بيانيه مع الشرح

لديك : ظرف مكان ، والكاف ضمير مبني في محل جر مضاف إليه .
أتململ : فعل مضارع مرفوع وعلامة رفعه الضمة الظاهرة على آخره .
دونك : ظرف مكان والكاف نفس الكلام (( والله مش عارف مكرر نفس السؤال ليه ؟؟ ))) ما علينا بتوع لغة الفرنجه دول هنستحملهم ـــــــ أما نشوف آخرتها ))
مدى : أشك في صياغتها
ولكنها كما هي ( مبتدأ مؤخر مرفوع بالضمة المقدرة ) .
((((( يعني احنا ممكن نطنش على همزات ماشي ...... لكن إزاي نكتب ( لم نرعى ) ونسيب الآلف كده ماشيه على حل شعرها برغم وجود ( لم )
الصحيح ( لم نرعَ )
( فعلتك ) برغم أني أشك أيضا في صياغتها .
إلا أنها : فعل ماض مبني والتاء ( فاعل ) ، والكاف ( مفعول به ) .
ــــــــــ
أما بالنسبة للألوان البياينة فهي واضحة وضوح الشمس
وأي طالب في الصف الأول الثانوي من فرسان الغرف الصوتية يقدر يجاوبها بسهولة .
المهم :
الأول : استعارة مكنية ( ليلة نابتك بالشكوى ) الليلة تشكو .
الثاني : كناية في ( ساهرا أتململ ) عن الأرق وعدم النوم والقلق والاضطراب .
الثالث : التشبيه التمثيلي في البيت الأخير : شبه الفعل فيك كفعل الجار بالمجرور ، وفيها نوع من الإهانة والسخرية .

تمت بحمد الله الإجابة .
فإن أصبتُ فمن توفيق الله الرحمن
وإن أصبت فمن نفسي ومن الشيطان .

وآآآآآآآآآآآخر مره يا شريف
تخلي بتوع لغة الفرنجة يحطوا أسئلة لغة عربية ..
إيه يعني هيه سايبه ؟؟؟؟؟؟؟؟؟؟؟؟؟؟؟؟

M.Sherif

13-12-2008, 05:15 PM

وآآآآآآآآآآآخر مره يا شريف
تخلي بتوع لغة الفرنجة يحطوا أسئلة لغة عربية ..
إيه يعني هيه سايبه ؟؟؟؟؟؟؟؟؟؟؟؟؟؟؟؟

بالراحة علينا شوية يا عم استاذ اللغة الجميلة انت

احنا عاملين المسابقة للغلابة اللي زينا

انا بنادي علي جهابذة اللغة علشان يشرفوا بس علي المسابقة

مش يحلوا الاسئلة؟؟؟؟؟

يبقا احنا عملنا ايه؟؟

لو حطيت كل سؤال وحضرتك تيجي تجاوبه كده بصباع ايدك الصغير

مش هيبقا في مسابقة

تابعنا بس الله يكرمك وبعد من الناس تجاوب
طالب منك خدمة

تراجعلنا علي الاجابات وتصححها

و تسلم يا باشا علي الاجابة السريعة دي

نعمه محمود

13-12-2008, 05:19 PM

أنا لسه راجعه ومشفتش المسابقة الا دلوقتى

عاوزين أسئلة تانى

M.Sherif

13-12-2008, 05:26 PM

سؤال اخر بما ان الاستاذ وسية حل السؤال قبل ما نبدأ نفكر فيه

يقولون : نسائم الصباح العليلة
و يقولون: نسمات الصباح العليلة

أيهما أصح ولماذا؟؟؟؟؟؟

جمال سراج

13-12-2008, 05:27 PM

أنا لسه راجعه ومشفتش المسابقة الا دلوقتى

عاوزين أسئلة تانى
خلاص يا مستر شريف بقا
مستر محمد يحط الاسئلة المرة دى
مش هو اللى جاوب
بس بالله عليك يا مستر خليها على قدنا احنا الغلابة زى ما قالك مستر شريف
بس بردو باى حال احنا ما نستغناش عنك فى التحابيش والرتوش الاخرنيه!

نعمه محمود

13-12-2008, 05:30 PM

سؤال اخر بما ان الاستاذ وسية حل السؤال قبل ما نبدأ نفكر فيه

يقولون : نسائم الصباح العليلة
و يقولون: نسمات الصباح العليلة

أيهما أصح ولماذا؟؟؟؟؟؟

نسمة تجمع نسمات وبالتالى نسمات الصبح العليلة هى الصحيحية

جمال سراج

13-12-2008, 05:31 PM

اقتباس:
المشاركة الأصلية كتبت بواسطة محمد عبد العظيم وسية http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=967465#post967465)
وآآآآآآآآآآآخر مره يا شريف
تخلي بتوع لغة الفرنجة يحطوا أسئلة لغة عربية ..
إيه يعني هيه سايبه ؟؟؟؟؟؟؟؟؟؟؟؟؟؟؟؟

شفت يا عم
طب لما مسيو وليد يحط اسئلة بالشياكة الفرنساوى دى
امال بتوع العربى يحطوا ايه بقا!!!!!!!!!!
ربنا يستر علينا

أحمـدنجـم

13-12-2008, 05:34 PM

بارك الله فيكم وجزاكم خيراً وأنا معكم بإذن الله تعالى

M.Sherif

13-12-2008, 05:39 PM

نسمة تجمع نسمات وبالتالى نسمات الصبح العليلة هى الصحيحية

صقفة كبيرة اوي لـ نعمة محمود

الاجابة صحيحة

نسائم على وزن فعائل ومفردة نسيمة على وزن فعيلة مثلها في ذلك مثل صحيفة وطريقة ووديعة
وجمعها صحائف وطرائق وودائع ، أما جمع نسمة فهو نَسَمٌ أو نسمات

M.Sherif

13-12-2008, 05:47 PM

السؤال الخامس

يقولون : هذا بئر عميق

و يقولون : هذه بئر عميقة

أيهما أصح؟ هات دليل علي اجابتك

نعمه محمود

13-12-2008, 05:52 PM

هذه بئر عميقة

M.Sherif

13-12-2008, 05:55 PM

هذه بئر عميقة والدليل في سورة يوسف

الاجابة صحيحة
لأن كلمة بئر مؤنثة كما جاء في الآية 45 من سورة الحج { وَبِئْرٌ مُعَطَّلَةٌ وَقَصْرٌ مَشِيدٌ } وجمع

بئر آبار وتُصَغَّر على بؤيرة .

M.Sherif

13-12-2008, 05:56 PM

بما انك جاوبتي سؤالين صح يا استاذة نعمة
ياريت تتحفينا بسؤال من عندك

نعمه محمود

13-12-2008, 06:05 PM

بما انك جاوبتي سؤالين صح يا استاذة نعمة
ياريت تتحفينا بسؤال من عندك

معلش يا استاذ شريف حضرتك اسأل .لايفتى ومالك في المدينة

M.Sherif

13-12-2008, 06:34 PM

معلش انا ركزت في البداية علي الاخطاء اللغوية الشائعة كبداية فقط
و بعد كده هنخش في المفيد

السؤال:

يقولون : ملفت للنظر

ويقولون: لافت للنظر
أيهما أصح؟؟؟؟

نعمه محمود

13-12-2008, 06:36 PM

b الصحيح لافت للنظر : أسم فاعل
لفت :لافت
فعل:فاعل

السندباد المصري

13-12-2008, 06:38 PM

هو كله
عربي
عربي
مفيش
حاجة تانية

نعمه محمود

13-12-2008, 06:39 PM

اسمحولى اسأل سؤال

قول الرسول صلى الله عليه وسلم :
( ما من مولود إلا يولد على الفطرة فأبواه يهودانه أو ينصرانه أو يمجسانه"

والمطلوب اعراب كلمة مولود

M.Sherif

13-12-2008, 06:41 PM

b الصحيح لافت للنظر : أسم فاعل
لفت :لافت
فعل:فاعل

انتي كده خدتي كل اعمال السنة
:)

نعمه محمود

13-12-2008, 06:45 PM

انتي كده خدتي كل اعمال السنة

:)

يعنى ضمنت النجاح

والله شكر ا انك رجعتنا لجمال اللغة العربية

وأنا كنت متخيلة ان اللغة الفرنسية نسيتى اللغة العربية
لكن الحمد لله اطمنت على نفسي
شكرا مستر شريف

نعمه محمود

13-12-2008, 06:47 PM

اسمحولى اسأل سؤال

قول الرسول صلى الله عليه وسلم :
( ما من مولود إلا يولد على الفطرة فأبواه يهودانه أو ينصرانه أو يمجسانه"

والمطلوب اعراب كلمة مولود

هو السؤال ده شفاف محدش شايفه

أفنان أحمد

13-12-2008, 06:50 PM

مسيو وليد عسكر

13-12-2008, 06:56 PM

سؤال اخر بما ان الاستاذ وسية حل السؤال قبل ما نبدأ نفكر فيه

يقولون : نسائم الصباح العليلة
و يقولون: نسمات الصباح العليلة

أيهما أصح ولماذا؟؟؟؟؟؟

يستحضرني قول الشاعر
يادايب في النسيم وساكن في القمر جمالك الوسيم معلمني السهر
النسيم جمعها نسائم
ونسمه جمعها نسمات

مسيو وليد عسكر

13-12-2008, 06:59 PM

طب اما اخلص شغلي وارجع لكم بليل
اما اعدتكم في بيوتكم ياجهابذه اللغه العربيه

نعمه محمود

13-12-2008, 07:00 PM

فعلا كسرتوا الملل موضوع جميل جدا وحى ,صحيح أنا لست متخصصة فى اللغة العربية لكننى أحبها جدا
لكن الأستاذ الفاضل /شريف والأستاذة الفاضلة/نعمة مش كنا نبدأ بالعربى للجميع على قد حالنا ؟؟؟حتى اللى مثلى يعرفوا يجيبوا .

عندك حق وفي سؤال عن الاخطاء الشائعة

هل الصواب أن نقول منطقة تعبئة وتجنيد الجيزة
أم منطقة الجيزة للتعبئة والتجنيد

leprince

13-12-2008, 07:01 PM

فعلا لم يكدب ولن يكدب من يقول عنك عبقرى الكادر

M.Sherif

13-12-2008, 07:02 PM

يستحضرني قول الشاعر
يادايب في النسيم وساكن في القمر جمالك الوسيم معلمني السهر

هههههههههههههههههههههه

الشاعر ده منين بالظبط؟:078111rg3:

M.Sherif

13-12-2008, 07:04 PM

عندك حق وفي سؤال عن الاخطاء الشائعة

هل الصواب أن نقول منطقة تعبئة وتجنيد الجيزة
أم منطقة الجيزة للتعبئة والتجنيد

و الله العظيم أول ما شوفت السؤال ده فطست علي نفسي م الضحك
مش عارف ليه

M.Sherif

13-12-2008, 07:06 PM

اسمحولى اسأل سؤال

قول الرسول صلى الله عليه وسلم :
( ما من مولود إلا يولد على الفطرة فأبواه يهودانه أو ينصرانه أو يمجسانه"

والمطلوب اعراب كلمة مولود

هو السؤال ده شفاف محدش شايفه

متهيألي مولود اسم مجرور

و لا في خدعة في السؤال؟؟؟؟؟

مسيو وليد عسكر

13-12-2008, 07:06 PM

هههههههههههههههههههههه

الشاعر ده منين بالظبط؟:078111rg3:

الاستاذ ايهاب توفيق في شريط اسمه لقاء النجوم
كلمات:ايمن بهجت قمر
الحان :حمدي صديق
توزيع:الشركه العربيه للادويه

M.Sherif

13-12-2008, 07:07 PM

فعلا لم يكدب ولن يكدب من يقول عنك عبقرى الكادر
شكرا علي مرورك يا عبقري البحيرة

نعمه محمود

13-12-2008, 07:08 PM

متهيألي مولود اسم مجرور

و لا في خدعة في السؤال؟؟؟؟؟

هو مش اسم مجرور
ومفيش خدعه ولا حاجة

الأستاذة هدى

13-12-2008, 07:09 PM

السلام عليكم ورحمة الله وبركاته
والان أول يوم لى لدخول المنتدى من قبل الوقفة
أعاد الله العيد علينا جميعا وعلى الأمة الاسلامية بالخير والبركات اللهم أمين
وفكرة الأستاذ شريف الحقيقة حلوة وجديدة وتعطينا احساس بجو السمر والمسابقات وهو جو نفتقده فأجمل تحية له لأفكاره المثمرة
أما سؤال أستاذة نعمة عن اعراب مولود فأعتقد اسم مجرور بمن وعلامة جره الكسرة وان كان خطأ فأرجو التصويب

نعمه محمود

13-12-2008, 07:10 PM

و الله العظيم أول ما شوفت السؤال ده فطست علي نفسي م الضحك

مش عارف ليه

على فكرة السؤال ده كان من ضمن اسئلة امتحان الكفاءة لتسجيل الماجستير

نعمه محمود

13-12-2008, 07:12 PM

طب اما اخلص شغلي وارجع لكم بليل
اما اعدتكم في بيوتكم ياجهابذه اللغه العربيه
في انتظارك يا مسيو لما نشوف مين هيقعد في البيت

نعمه محمود

13-12-2008, 07:18 PM

و الله العظيم أول ما شوفت السؤال ده فطست علي نفسي م الضحك

مش عارف ليه

وبرضه انا ضحكت على السؤال وكانت النتيجة الدكتور اللي بيمتحنى عطل لى التسجيل 3 شهور

نعمه محمود

13-12-2008, 07:19 PM

مولود:مبتدأ مرفوع وعلامة رفعه الضمة المقدرة منع من ظهورها حركة حرف الجر الزائد...

والسبب:أن من هنا زائدة لأنها سبقت بنفي..

M.Sherif

13-12-2008, 07:24 PM

مولود:مبتدأ مرفوع وعلامة رفعه الضمة المقدرة منع من ظهورها حركة حرف الجر الزائد...

والسبب:أن من هنا زائدة لأنها سبقت بنفي..

جزاكي الله خيرا

M.Sherif

13-12-2008, 07:28 PM

سؤال اخر
-تدل صيغة افعل على
أ-الغريزة والطبيعة
ب-النعوت والصفات
ج الجمع والتعددية

المخلص

13-12-2008, 07:30 PM

المبتكر حبب قلوب الاعضاء شريف باشا الكبير

ايه الجمال دا

مبدع ولا ارع

M.Sherif

13-12-2008, 07:32 PM

المبتكر حبب قلوب الاعضاء شريف باشا الكبير

ايه الجمال دا

مبدع ولا ارع
ربنا يجبر بخاطرك يا حبي
هات لنا كام سؤال من عندك كده
ساعدني يحسن احتست

أفنان أحمد

13-12-2008, 07:33 PM

أعتقد الإجابة : منطقة الجيزة للتعبئة والتجنيد
وإليكم بعض عجائب الشعر حاجة على قدنا أين نحن من جهابذة النحو؟!!!
من عجائب الشعر :
حلموا فما ساءت لهم شيم .....سمحوا فما شحت لهم منن
سلموا فلا زلت لهم قدم .... رشدوا فلا ضلت لهم منن
الأبيات من قصيدة مدح وثناء ولكن إذا قرأتها بالمقلوب كلمة كلمة تكون قصيدة ذم وهجاء

ممدوح مصطفى الانصارى

13-12-2008, 07:34 PM

ب-النعوت والصفات
ايه الجمال دا كله يا عبقرى الكادر .
وعقلك لسه شغال بنص طاقته .
منتظرينك بعد الزواج بعقل معدل يعمل بكل طاقته.

المخلص

13-12-2008, 07:35 PM

سؤال اخر
-تدل صيغة افعل على
أ-الغريزة والطبيعة
ب-النعوت والصفات
ج الجمع والتعددية

التعوت والصفات

نعمه محمود

13-12-2008, 07:37 PM

M.Sherif

13-12-2008, 07:40 PM

من عجائب الشعر :
حلموا فما ساءت لهم شيم .....سمحوا فما شحت لهم منن
سلموا فلا زلت لهم قدم .... رشدوا فلا ضلت لهم منن
الأبيات من قصيدة مدح وثناء ولكن إذا قرأتها بالمقلوب كلمة كلمة تكون قصيدة ذم وهجاء

معلومة رائعة وجهد مشكور

المخلص

13-12-2008, 07:40 PM

أيهما أصح أن نقول مع ذكر السبب

قطعة خبز محشوة أم قطعة خبز محشية

سؤال اتي علي جوعه ههههههههههه

M.Sherif

13-12-2008, 07:42 PM

بعقل معدل .

فعلا انا محتاج عقل معدل يحسن انا كده مش نافع وانا بنص عقل

انا ماشي بفردة واحدة :d:d

جمال الدين عوض

13-12-2008, 07:44 PM

سؤال : كلمة تأتي في القرآن مرتان متتاليتان بدون فاصلة

M.Sherif

13-12-2008, 07:44 PM

التعوت والصفات

اجابة صحيحة

ايه ده ؟

محدش هيجاوب غلط ولا ايه؟؟

عايزين نشتغل في الصيف الملاحق حرام عليكو:)

نعمه محمود

13-12-2008, 07:47 PM

أيهما أصح أن نقول مع ذكر السبب

قطعة خبز محشوة أم قطعة خبز محشية

سؤال اتي علي جوعه ههههههههههه

محشوة هى الاصح لان اصل الكلمة حشو
واسم المفعول منها محشو

M.Sherif

13-12-2008, 07:48 PM

أيهما أصح أن نقول مع ذكر السبب

قطعة خبز محشوة أم قطعة خبز محشية

سؤال اتي علي جوعه ههههههههههه

لو قولتلي محشية ايه ممكن اعرف اجاوبك ...انا خلاص جوعت:rolleyes:

متهيألي محشوة

حشر يحشر حشرا محشوا:)

المخلص

13-12-2008, 07:50 PM

سؤال : كلمة تأتي في القرآن مرتان متتاليتان بدون فاصلة
سوال صعب بس ان شاء الله هعرفه ههههههههههههه

المخلص

13-12-2008, 07:51 PM

محشوة هى الاصح لان اصل الكلمة حشو
واسم المفعول منها محشو
تماااااااااااااااااااااااااااام صح الصح

المخلص

13-12-2008, 07:54 PM

لو قولتلي محشية ايه ممكن اعرف اجاوبك ...انا خلاص جوعت

متهيألي محشوة

حشر يحشر حشرا محشوا:)

ومين سمعك .انا خلاص جوعت:rolleyes:هههههههههههه

نعمه محمود

13-12-2008, 07:58 PM

رأيتُ اللهَ أكبرَ كلَّ شيءٍ ................. محاولةً واكثرهم جنودا

ما اعراب الكلمة التي تحتها خط في البيت الشعري..(( محاولة)).

M.Sherif

13-12-2008, 08:01 PM

رأيتُ اللهَ أكبرَ كلَّ شيءٍ ................. محاولةً واكثرهم جنودا

ما اعراب الكلمة التي تحتها خط في البيت الشعري..(( محاولة)).

تمييز
لالا مش مفعول مطلق متهيألي
تمييز منصوب

M.Sherif

13-12-2008, 08:03 PM

سؤال : كلمة تأتي في القرآن مرتان متتاليتان بدون فاصلة
مافيش اختيارات يا مستر؟:)
مش عايزين نعدي السؤال ده

نعمه محمود

13-12-2008, 08:03 PM

تمييز

لالا مش مفعول مطلق متهيألي

تمييز منصوب

براااااااااااااااااافو مستر شريف
صح

نعمه محمود

13-12-2008, 08:06 PM

سؤال : كلمة تأتي في القرآن مرتان متتاليتان بدون فاصلة
سهلها شوية يا مستر

M.Sherif

13-12-2008, 08:08 PM

سؤال : كلمة تأتي في القرآن مرتان متتاليتان بدون فاصلة
انا شاكك في كلمة

هيهات هيهات؟؟؟؟؟؟؟؟
بسم الله الرحمن الرحيم
هيهات هيهات لما توعدون
دي متكررة و بدون فواصل في القران انا فاكر

M.Sherif

13-12-2008, 08:10 PM

براااااااااااااااااافو مستر شريف
صح
الواد شرشر ده فظيع

جمال الدين عوض

13-12-2008, 08:10 PM

(وَإِذَا جَاءتْهُمْ آيَةٌ قَالُواْ لَن نُّؤْمِنَ حَتَّى نُؤْتَى

مِثْلَ مَا أُوتِيَ رُسُلُ اللّهِ اللّهُ أَعْلَمُ حَيْثُ

يَجْعَلُ رِسَالَتَهُ سَيُصِيبُ الَّذِينَ أَجْرَمُواْ صَغَارٌ

عِندَ اللّهِ وَعَذَابٌ شَدِيدٌ بِمَا كَانُواْ يَمْكُرُونَِ)

الأنعام 124
(لاَ تَقُمْ فِيهِ أَبَدًا لَّمَسْجِدٌ أُسِّسَ عَلَى التَّقْوَى

مِنْ أَوَّلِ يَوْمٍ أَحَقُّ أَن تَقُومَ فِيهِ فِيهِ رِجَالٌ

يُحِبُّونَ أَن يَتَطَهَّرُواْ وَاللّهُ يُحِبُّ الْمُطَّهِّرِينَِ)

التوبة108
((
يا أيها الذين آمنوا آمنوا بالله ورسوله والكتاب الذي نزل على رسوله والكتاب الذي أنزل من قبل ومن يكفر بالله وملائكته وكتبه ورسله واليوم الآخر فقد ضل ضلالاً بعيدا(النساء: 136) ))

M.Sherif

13-12-2008, 08:13 PM

و الايه اللي انا جبتها يا مستر برضه صح
الكلمتين متتاليتين

جمال الدين عوض

13-12-2008, 08:18 PM

تمام يامستر شريف كان نفسي تبقى معانا

جمال الدين عوض

13-12-2008, 08:24 PM

أغبى خمس أسئله

السلام عليكم ورحمة الله وبركاته

أغبى خمسة أسئله في العالم ،،هي غبيه لكن أتحداكم تحلونها ،،يالله ورونا شطارتكم

هذي قصة واحد غبـــــــــــــي شارك في مسابقه ثقافيه جائزتها مليون دولار نقداً

بس عندي طلب... تقرؤون الأسئلة إلى آخر الرسالة عشان تعرفون لأي درجة بعض الناس توصل في الغباء !!!

بسم الله نبدا

س1 : كم استمرت حرب المئة عام؟؟

أ.116
ب.99
ج.100
د.150

فكر صاحبنا كثير ثم اختار تخطي هذا السؤال لأنه أول مرة يمر عليه ! (حرب المئة عام يعني بالله كم مدتها )

طيب مفيش مشكلة نروح للسؤال الثاني.

س2 : اين تصنع قبعات بنما؟؟
أ.البرازيل
ب.تشيلي
ج.بنما
د.الاكوادور
اختار هذا الفالح انه يستعين باصدقائه في الجامعة للإجابة على هالسؤال كمان . (اية رايكم... بس تابعوا معنا!)

س3 : في أي شهر يحتفل الروس بثورة اكتوبر؟
أ.يناير
ب.سبتمبر
ج.اكتوبر
د.نوفمبر

ما قدر هذا الغبي الاجابه وطلب مساعدة الجمهور

س4: أي هذه الاسماء هو الاسم الاول للملك جورج السادس؟
أ.جون
ب.ألبرت
ج.جورج
د.مانويل

طلب الغبي حذف اجابتين وبعد جهد جهيـــــــــد توصل للاجابه

س5:مالحيوان التي اخذت منه جزر الكناري اسمها؟؟

أ.طائر الكناري
ب.الكنغر
ج.الجرو
د.الفأر

عندها انسحب ذلك الشخص من المسابقه ولم يستطع اكمالها.

إياكم وظلم هذا الغبي !!!!!!!

الاجابة هي :ـ

----------------------

جواب السؤال الاول: استمرت حرب المئة عام 116 سنة من عام 1337 وحتى 1453

جواب السؤال الثاني : قبعات بنما تصنع في الاكوادور

جواب السؤال الثالث: يحتفل الروس بثورة اكتوبر في نوفمبر

جواب السؤال الرابع: الاسم الاول للملك جورج هو البرت

جواب السؤال الخامس: جزر الكناري اخذت اسمها من الجرو... حيث ان اسمها اللاتيني هو Insularia Canaria

والذي يعني جزر الجراء.

الحـــــــــــين

جميعنا يعذر الغبي ..

M.Sherif

13-12-2008, 08:29 PM

شكرا يا مستر جمال بارك الله فيك علي المعلومات وعلي ذوقك

M.Sherif

13-12-2008, 08:30 PM

أفنان أحمد

13-12-2008, 08:34 PM

سؤال : كلمة تأتي في القرآن مرتان متتاليتان بدون فاصلة
فى سورة المجادلة (وتشتكى إلى الله والله يسمع تحاوركما)
لفظ الجلالة بينهما واو مش فاصلة :)

M.Sherif

13-12-2008, 08:40 PM

فى سورة المجادلة (وتشتكى إلى الله والله يسمع تحاوركما)
لفظ الجلالة بينهما واو مش فاصلة :)

بارك الله فيكي

شوفت يا مستر جمال؟

احنا جامدين جدا

أفنان أحمد

13-12-2008, 08:41 PM

الإجابة (أ) على ما أعتقد

نعمه محمود

13-12-2008, 08:45 PM

طالبَ الأب أبنائه بالتهيّؤ للامتحانات
بس مش متأكدة

M.Sherif

13-12-2008, 08:49 PM

طالبَ الأب أبنائه بالتهيّؤ للامتحانات
بس مش متأكدة
شكرا علي ايجابيتك و نشاطك
بس علي فكرة
اجابة السؤال ده مش موجودة امامي
لذلك كل واحد هيقول رأيه و يقنع التاني
لاني مش موافقك علي الاختيار ده

حد عنده رأي تاني يا جماعة

نعمه محمود

13-12-2008, 08:55 PM

هو مفيش مدرسين عربي في المنتدى فين الاستاذ محمد وسية يساعدنا

نعمه محمود

13-12-2008, 08:56 PM

ياريت يا مستر شريف نعمل كمان مسابقة في المعلومات العامة

أفنان أحمد

13-12-2008, 08:59 PM

الإجابة الصحيحة إن شاء الله (أ)
طالب الأب أبناءه بالتهيؤ للإمتحانات
وإليكم بعض الشعر الذى قيل فى البخلاء
يجوع ضيف أبى نوح بكرة وعشيا
أجاع بطنى حتى وجدت طعم المنية
فجاءنى برغيف قد أدرك الجاهلية
فقمت بالفأس كيما أدق منه شظية
فسلم الفأس وانصاع مثل سهم الرمية
فشج رأسى ثلاثا ودق منى ثنية
معنى سلم الفأس (بضم السين) يعنى انكسر

محمد عبد العظيم وسية

13-12-2008, 09:07 PM

سؤال كمان

العبارة الصحيحة من حيث الرسم الإملائي هي:
أ) طالبَ الأب أبناءه بالتهيّؤ للامتحانات .
ب) طالبَ الأب أبناءه بالتهيّئ للامتحانات
ج) طالبَ الأب أبنائه بالتهيّؤ للامتحانات.

د) طالبَ الأب أبنائه بالتهيّئ للامتحانات

الإجابة الأولى هي الصحيحة ..
لأن ( أبناءه ) مفعول به منصوب ،،،،،،،،،،،، والهمزة المتطرفة ( في آخر الكلمة ) إذا نصبت ترسم على السطر ..
وإذا رفعت ترسم على الواو ( أبناؤه )
وإذا جرت ترسم على الياء ( أبنائه ) .

ـــــــــ
وطبعا التهيؤ ................ همزة متطرفة ترسم على الواو لأن ما قبلها مضعف مضموم
التهيــُّؤ

M.Sherif

13-12-2008, 09:09 PM

جهبذ اللغة العربية في المنتدي جاب م الاخر اهو
ماعدتش في كلام

قلب صغير2

13-12-2008, 09:19 PM

العبارة الصحيحة من حيث الرسم الإملائي هي:
أ) طالبَ الأب أبناءه بالتهيّؤ للامتحانات

ممدوح مصطفى الانصارى

13-12-2008, 09:24 PM

1- أهديت شريف باقة من الورد .
2- اهديت شريف طاقة من الورد .
اى من العبارتين السابقتين صحيحة.
عقبال ما اشارك فى فرحك يا سى شريف .

mohamed ahmed abdel fattah

13-12-2008, 09:26 PM

الاجابة الصحيحة علي هذا السؤال: نسائم الصباح العليلة هي الأصح لأنها جمع نسيم والنسيم هو الهواء العليل.

نعمه محمود

13-12-2008, 09:31 PM

العبارتان صحيتان

طاقة من طوق بمعنى شعبة من ريحان

حسب لسان العرب لابن منظور

أفنان أحمد

13-12-2008, 09:47 PM

أستاذة نعمة أدرى لكن
مش المفروض تكون كلمة " شريف" فى الجملتين منصوبة يا أستاذ ممدوح؟ شريفا

نعمه محمود

13-12-2008, 09:53 PM

أستاذة نعمة أدرى لكن
مش المفروض تكون كلمة " شريف" فى الجملتين منصوبة يا أستاذ ممدوح؟ شريفا
شكرا لكن قد تكون اجابتى خاطئة فالأمر لايعدو كونه اجتهاداً

M.Sherif

13-12-2008, 09:56 PM

أستاذة نعمة أدرى لكن
مش المفروض تكون كلمة " شريف" فى الجملتين منصوبة يا أستاذ ممدوح؟ شريفا

أنا ماتنصبش ابدا
مستحيل:stickjo4:

ممدوح مصطفى الانصارى

13-12-2008, 10:01 PM

الخلاف فى الجملتين فى الباقة والطاقة ،
1- أهديت شريفا باقة من الورد .
2- اهديت شريفا طاقة من الورد .
اى من العبارتين السابقتين صحيحة.
عقبال ما اشارك فى فرحك يا سى شريف

M.Sherif

13-12-2008, 10:04 PM

1- أهديت شريف باقة من الورد .
2- اهديت شريف طاقة من الورد .
اى من العبارتين السابقتين صحيحة.
عقبال ما اشارك فى فرحك يا سى شريف .
يسلم لسانك
وتسلم ايدك
يا ابو لسان بينقط سكر وعسل

M.Sherif

13-12-2008, 10:23 PM

طيب إلي أن نأتي بالسؤال التالي

اليكم هذا الفاصل

من يأت لي بمعني كلمة

(زينب) !!

يوسفتي

13-12-2008, 10:33 PM

معني زينب الشجر حسن المظهر طيب الرائحة واصله زين اب

M.Sherif

13-12-2008, 10:37 PM

معني زينب الشجر حسن المظهر طيب الرائحة واصله زين اب
شكرررررررررررررررا

يوسفتي

13-12-2008, 10:40 PM

لا شكر على واااجب
بس لية اسم زينب

ممدوح مصطفى الانصارى

13-12-2008, 10:41 PM

معني زينب الشجر حسن المظهر طيب الرائحة واصله زين اب
كلام جميل واجابة اعتقد انها صحيحة .

M.Sherif

13-12-2008, 10:42 PM

مطلوب فورا للاهمية

جمع كلمة:

أخطبوط

وجمع كلمة:

نساء

سؤال للتعجيز
معرفش لسه اجابته
(بس ده تبع الفاصل)
لتنشيط العقول

M.Sherif

13-12-2008, 10:44 PM

لا شكر على واااجب
بس لية اسم زينب

مش عارف
جت كده
في الفاصل

طارق ممدوح ذكي محمد

13-12-2008, 10:45 PM

جمع كلمة:

أخطبوط جمعها ( اخطبوط )

وجمع كلمة:

قوم ( أقوام )

يوسفتي

13-12-2008, 10:48 PM

جمع كلمة اخطبوط :::::::::::::::اخبطة او اخابيط..(والله اعلم)
جمع النساء ::::نسوه

M.Sherif

13-12-2008, 10:49 PM

جمع كلمة:

أخطبوط جمعها ( اخطبوط )
!!!!!

لا افهمها دي بقا
عشان بجد نفسي اعرف

مسيو وليد عسكر

13-12-2008, 11:15 PM

اخطبوط جمعها اخاطيب
جمع نساء نسوه

مسيو وليد عسكر

13-12-2008, 11:20 PM

ماجمع ("عندليب-دلو )
ما مرادف اقحوان
اشتريت(11) كتابا و(5) كراسات اكتب الاعداد بالحروف

هدى ناصر احمد

13-12-2008, 11:55 PM

اعتقد ان
عندليب ــــــــ عنادب

دلو ـــــــــــ جرادل بصراحه مش عارفه ممكن تكون ادلاء
استريت احدى عشرة كتابا وخمسة كراسات

على فكرة الى بحل غلط عقابه ايه :slap1qk6:

مسيو وليد عسكر

14-12-2008, 12:08 AM

عندليب /عنادل
دلو /دلاء

مسيو وليد عسكر

14-12-2008, 12:09 AM

والبقيه تاتي ان شاء الله

مس رانيا حسن

14-12-2008, 01:18 AM

ما مرادف اقحوان
هى اسم لزهرة بيضاء يوجد فى وسطها اصفرار وهى زهرة رقيقه وصافيه

اشتريت(11) كتابا و(5) كراسات اكتب الاعداد بالحروف
اشتريت أحد عشر كتابا وخمس كراسات

M.Sherif

14-12-2008, 06:20 AM

اشتريت أحد عشر كتابا وخمس كراسات
بارك الله فيكي

الاجابة من بعيد كده شكلها صح
مسيو وليد يقول بقا

مسيو وليد عسكر

14-12-2008, 12:44 PM

اشتريت أحد عشر كتابا وخمس كراسات
اجابه صحيحه الف شكر

M.Sherif

14-12-2008, 05:40 PM

سؤال في اللغة
و المعلومات العامة في نفس الوقت

ما هما :
الداران:
العشاءان:
الثقلان:
الأصفران:
الأصغران:

مس رانيا حسن

14-12-2008, 06:29 PM

[quote=شـريف;969935]سؤال في اللغة

و المعلومات العامة في نفس الوقت

ما هما :
الداران: الدنيا والأخرة
العشاءان: المغرب والعشاء ( الظلمة )
الثقلان: الإنس والجن
الأصفران: زيت الزيتون والعسل
الأصغران:اللسان والقلب
جزاكم الله خيرا مستر شريف
فى امان الله

M.Sherif

14-12-2008, 07:17 PM

نعيم أحمد زمزم

14-12-2008, 10:35 PM

سؤال سهل جدا أرجو الاجابه عليه
ابن الجملة الآتية للمجهول :
طلعت الشمس

ميدو76

15-12-2008, 12:41 AM

سؤال سهل جدا أرجو الاجابه عليه
ابن الجملة الآتية للمجهول :
طلعت الشمس أطلعت الشمس
بزيادة همزة التعدية
وشكرا على هذا السؤال الجميل

شمس بياض

17-12-2008, 08:48 PM

استاذنا /شريف موضوع جميل واول مره اشوفه بعد رجوعى

ومنشط للذهن والذاكره

وبما انى احب الحريه واؤمن بالحريه

حتى الحريه فى الحروف

عايزه من حضرات الاعضاء بيت شعر

حروفه بتحب الحريه

يعنى غير مشبكه فى بعضها

مين اول من يقول

بلاش الاستاذ محمد وسيه

خلى الناس تفتكر الزمن الجميل ايام الدراسه والاسئله اللطيفه لبعضنا

شمس بياض

17-12-2008, 10:33 PM

ليه ياجماعه هو السؤال صعب كده

بيت شعر حروفه مفرقه لايمكن تشابكها

صعب ولا ايه
اغير السؤال؟

نعيم أحمد زمزم

17-12-2008, 10:35 PM

أطلعت الشمس
بزيادة همزة التعدية
وشكرا على هذا السؤال الجميل
للأسف اجابة خاطئة
ومرة ثانية السؤال :
ابن الجملة الآتية للمجهول : طلعت الشمس

شمس بياض

18-12-2008, 12:45 AM

ان شاء الله هاجاوب بكره

شدوا حيلكم

محمد السيد غريب

18-12-2008, 04:23 AM

سؤال محتاج جواب مافائدة نقابة المعلمين فى هذة الايام

شمس بياض

18-12-2008, 02:21 PM

يعنى محدش جاوب على سؤالى

من له اهتماما بالشعر يجاوب

الروكو

18-12-2008, 05:41 PM

نسمات الصباح العليلة ولاتقل : نسائم الصباح العليلة وذلك لان نسائم على وزن فعائل ومفردها نسيمة مثل صحيفة وصحائف اما نسمات مفردها نسمة

شمس بياض

18-12-2008, 10:41 PM

M.Sherif

19-12-2008, 04:12 AM

اخوانى اعضاء المنتدى الكرام

اليكم الاجابه عن السؤال
بيت شعر حروفه تحب الحريه
لايوجد حرف ملاصق اخوه

زر دار ود ان اردت ودادا==========ذادوك ودا ان رأوك ودودا

تحياتى لكم جميعا
ان شاء الله هسال سؤال تانى بس محدش يطنش

يا سلام عليكي وعلي ايجابيتك ونشاطك

تسلم ايدك انك أحييتي المسابقة من جديد

المعلومة رائعة

منتظرين المزيد ان شاء الله

شمس بياض

20-12-2008, 09:18 PM

ماشى يا استاذنا الفاضل

بس معلومات على القد
وعلى بختى النت فصل من المنتدى والشرق كله

انا خايفه لما اكتب السؤال وانتظر الاجابه النت يفصل من العالم

M.Sherif

20-12-2008, 09:20 PM

ماشى يا استاذنا الفاضل

بس معلومات على القد
وعلى بختى النت فصل من المنتدى والشرق كله

انا خايفه لما اكتب السؤال وانتظر الاجابه النت يفصل من العالم
هاتي ما عندك
و اللي يجاوب فكريله في جايزة
ان شا الله
مصاصايه

نعمه محمود

20-12-2008, 09:26 PM

سؤال جديد
كلمة " بحث" تجمع على بحوث أم على أبحاث ، في مثل قولنا مراكز بحوث (أبحاث) أو مركز أبحاث(بحوث) ؟

M.Sherif

20-12-2008, 09:38 PM

اعتقد ان الجمعين صحيحين
لان في جمع قلة وجمع كثرة
مثل قلب قلوب
و صوت أصوات
يبقا بحث=بحوث,أبحاث

أحمـدنجـم

20-12-2008, 09:46 PM

أمّا عن جمع "بحث"
فإذا عاملْنا كلمةَ "بحث" مُعامَلَةَ الاسم لا المصدر
فلَها حالَتانِ في جمع التّكسير :

- إمّا أن نجمَعَها جمعَ كثرَة إذا أردْنا وضعَها
للعدد الكثير من أحدَ عشر إلى ما لا نهايَةَ :
فنقول : بَحْث/بُحوث ، مثل قَلْب/قُلوب، وبَحْر/بُحور
و رأس/رُؤوس ، وصقر/صُقور ...

- أو نَجْمَعَها جمعَ قلّة إذا قصدْنا وضعَها للعدد القَليل
من الثّلاثَة إلى العَشَرَة :
فَنقول : بَحْث/أبْحاث ، وبيْت/أبيات ، و طَوْد/أطْواد ،
و يَوْم/أيّام ، و صوْت/أصوات ...

و أمّا عن "مركز البحوث" أو "مركز الأبحاث"
فالقياس أن نقول "مركز البحوث" لأنّ الأمر يتعلّق
بما لا يكاد ينحصر من البحوث المتعلّقة بميدانٍ معيّن
فعدد بحوث المركزكثير جدا ، و لا يراد من تأسيس المركز
أن يهتمّ ببضعة أبحاث
وقد يقال : لَقَد جرى العرف أن يُستَعْمَلَ جمع القلّة "مركز الأبحاث"
أجل ، جرى العرف بذلِك ، و لكن هذا الاستعمالَ وإن شاعَ
فهو في العربيّة جمعٌ غير مناسب لوظيفة المركز من حيثُ عدد البُحوث المُعالَجَة

إذا عاملْنا البحْثَ مُعامَلَةَ المصدرِ لمْ نَجْمَعْه لأنّ المَصادِرِ لا تُجْمَعُ
على المشهورِ
وعليه نَقولُ : "مركَز البَحْث" ونقصدُ بذلِك : مركز القيامِ بعمل البحثِ
[أو فِعْلِ البحث] بغضّ النّظرِ عمّا إذا كان المركزُ قادراً على استيعابِ ما لا حصْر
لَه من البُحوثِ أو غيرَ قادرٍ ؛ لأنّ المركزَ في هذه الحالِ ليسَ مُعدّاً للتّوثيقِ والجمعِ والتّكديس
لرُكامِ البُحوث ، بل هومُعدّ للتّدريبِ على مناهج البحث وطُرُقِه وأدواتِه وتَخريجِ الأطُرِ القادِرة
على إنجازِ البحث العلمي في ميدانٍ من الميادين
وهذا ما قامت عليه كثير من المراكز العلميّة الدّوليّة مثل
المركز الوطني للبحث العلمي بفرنسا ِcnrs
بصيغة المفرد في كلمة بحث ؛ لأنّ المقصودَ بالبحث المصدرُ لا المنجَزاتُ

أمّا إذا قصدْنا مركزَ توثيق البُحوث وجمعِها ليُصبِحَ مرجعاً للباحثينَ
قُلنا "مَرْكز البُحوث" بجمعِ الكثرة ؛ لأنّ البُحوثَ لا حدّ لعددِها
أمّا إذا قُلْنا مركز الأبحاث ، جازَ على غيرِ قياسٍ، أي نكونُ قد أخْرجنا اللفظَ عن موضعِه
وهذا من آفاتِ الدّلالة اللغويّة في عصرِنا

منقول للفائدة وجزاكم الله خيراً

gomaa ashour

20-12-2008, 09:47 PM

أيه الحلاوة دى
هو ده المفيد من الآن
ربنا يخلى عباقرة اللغة العربية

منال محمود سليمان

20-12-2008, 10:03 PM

اجمل حاجه فى الموضوع روحكوا الجميله دى بارك الله فيكم واثابكم عنا خيرا ان شاء الله

منال محمود سليمان

20-12-2008, 10:16 PM

الاجابه طلعت الشمس بضم الطاء وكسر اللام وفتح العين وتسكين التاء
يا رب تكون صح ولو غلط من فضلوكوا حد يقول الصح علشان عاوزة اعرف الصح

نعمه محمود

20-12-2008, 10:30 PM

اعتقد ان الجمعين صحيحين

لان في جمع قلة وجمع كثرة
مثل قلب قلوب
و صوت أصوات

يبقا بحث=بحوث,أبحاث
اجابة صحيحة استاذ شريف
تكسب المصاصاية

نعمه محمود

20-12-2008, 10:33 PM

أمّا عن جمع "بحث"

فإذا عاملْنا كلمةَ "بحث" مُعامَلَةَ الاسم لا المصدر
فلَها حالَتانِ في جمع التّكسير :

- إمّا أن نجمَعَها جمعَ كثرَة إذا أردْنا وضعَها
للعدد الكثير من أحدَ عشر إلى ما لا نهايَةَ :
فنقول : بَحْث/بُحوث ، مثل قَلْب/قُلوب، وبَحْر/بُحور
و رأس/رُؤوس ، وصقر/صُقور ...

- أو نَجْمَعَها جمعَ قلّة إذا قصدْنا وضعَها للعدد القَليل
من الثّلاثَة إلى العَشَرَة :
فَنقول : بَحْث/أبْحاث ، وبيْت/أبيات ، و طَوْد/أطْواد ،
و يَوْم/أيّام ، و صوْت/أصوات ...

و أمّا عن "مركز البحوث" أو "مركز الأبحاث"
فالقياس أن نقول "مركز البحوث" لأنّ الأمر يتعلّق
بما لا يكاد ينحصر من البحوث المتعلّقة بميدانٍ معيّن
فعدد بحوث المركزكثير جدا ، و لا يراد من تأسيس المركز
أن يهتمّ ببضعة أبحاث
وقد يقال : لَقَد جرى العرف أن يُستَعْمَلَ جمع القلّة "مركز الأبحاث"
أجل ، جرى العرف بذلِك ، و لكن هذا الاستعمالَ وإن شاعَ
فهو في العربيّة جمعٌ غير مناسب لوظيفة المركز من حيثُ عدد البُحوث المُعالَجَة

إذا عاملْنا البحْثَ مُعامَلَةَ المصدرِ لمْ نَجْمَعْه لأنّ المَصادِرِ لا تُجْمَعُ
على المشهورِ
وعليه نَقولُ : "مركَز البَحْث" ونقصدُ بذلِك : مركز القيامِ بعمل البحثِ
[أو فِعْلِ البحث] بغضّ النّظرِ عمّا إذا كان المركزُ قادراً على استيعابِ ما لا حصْر
لَه من البُحوثِ أو غيرَ قادرٍ ؛ لأنّ المركزَ في هذه الحالِ ليسَ مُعدّاً للتّوثيقِ والجمعِ والتّكديس
لرُكامِ البُحوث ، بل هومُعدّ للتّدريبِ على مناهج البحث وطُرُقِه وأدواتِه وتَخريجِ الأطُرِ القادِرة
على إنجازِ البحث العلمي في ميدانٍ من الميادين
وهذا ما قامت عليه كثير من المراكز العلميّة الدّوليّة مثل
المركز الوطني للبحث العلمي بفرنسا ِcnrs
بصيغة المفرد في كلمة بحث ؛ لأنّ المقصودَ بالبحث المصدرُ لا المنجَزاتُ

أمّا إذا قصدْنا مركزَ توثيق البُحوث وجمعِها ليُصبِحَ مرجعاً للباحثينَ
قُلنا "مَرْكز البُحوث" بجمعِ الكثرة ؛ لأنّ البُحوثَ لا حدّ لعددِها
أمّا إذا قُلْنا مركز الأبحاث ، جازَ على غيرِ قياسٍ، أي نكونُ قد أخْرجنا اللفظَ عن موضعِه
وهذا من آفاتِ الدّلالة اللغويّة في عصرِنا

جزاك الله خيرا على هذه المعلومات القيمة

شمس بياض

20-12-2008, 11:11 PM

شمس بياض

20-12-2008, 11:12 PM

كلمه تركت خطا سهوا

اسفه

والصحيحه

طرقت

أحمـدنجـم

20-12-2008, 11:18 PM

اشكرك يا شريف
لسه ماخدناش الكادر على العموم اللىييجى من الصعايده فايده--حتى لو مصاصايه--انا تحت امركم

السؤال

تركت الباب حتى كلمتنى----فلما كلمتنى كلمتنى

فقلت يا اسما عيل صبرى-----فقالت يا اسماعيل صبرا

فى البيت الاول كلمه كلمتنى---اختر الاجابه وعلل لها

مختلفه عن المعنى (الاولى عن الثانيه

متساويه فى المعنى (الاولى مثل الثانيه

فى البيت الثانى كلمه اسما عيل
فى الشطر الاول ---كلمتان ام كلمه واحده

وما المقصود بها؟

التفسير : طرقت الباب حتى كل متني (أي تعبت يدي) فملما كلمتني (تعبت يدي) كلمتني (أجابتني) قلت يا اسماعيل صبري (اسما) اسمها (عيل) نفذ صبري ، فقالت يا اسماعيل (اسمي) اصبر .. وجزاكم الله خيراً

نعمه محمود

20-12-2008, 11:18 PM

اشكرك يا شريف
لسه ماخدناش الكادر على العموم اللىييجى من الصعايده فايده--حتى لو مصاصايه--انا تحت امركم

السؤال

تركت الباب حتى كلمتنى----فلما كلمتنى كلمتنى

فقلت يا اسما عيل صبرى-----فقالت يا اسماعيل صبرا

فى البيت الاول كلمه كلمتنى---اختر الاجابه وعلل لها

مختلفه عن المعنى (الاولى عن الثانيه

متساويه فى المعنى (الاولى مثل الثانيه

فى البيت الثانى كلمه اسما عيل
فى الشطر الاول ---كلمتان ام كلمه واحده

وما المقصود بها؟

الاجابة
فى البيت الاول كلمه كلمتنى

مختلفه عن المعنى (الاولى عن الثانيه
الاولى تعنى لما تعبت كلمتنى كل متنى

فى البيت الثانى كلمه اسما عيل
كلمتان
أسما عيل اى (كل صبرى)