http://www.ahl-alquran.com/uploads/1184.bmp
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك


ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت


عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

الغريبة أن الشاعر الجميل أحمد فؤاد نجم بيعشق مصر .. ولكنه في أعماله قد عرض كل سلبياتها .. ولكن لي سؤال هل يكفي عرض السلبيات لحلها ؟ أم أننا كأدباء وشعراء يجب أن نساهم في الحل ؟ مجرد سؤال .. سؤال فقط

الغريبة أن الشاعر الجميل أحمد فؤاد نجم بيعشق مصر .. ولكنه في أعماله قد عرض كل سلبياتها .. ولكن لي سؤال هل يكفي عرض السلبيات لحلها ؟ أم أننا كأدباء وشعراء يجب أن نساهم في الحل ؟ مجرد سؤال .. سؤال فقط

ده المفروض يا مستر .. لكن حتى دى اصبحت شعارات

بنقول الشعر والادب حتى التمثيل رساله وبنعرض بيهم قضايا عشان نلاقيلها حل

بس كله كلام والحال كل مادا بيكون اسوأ ف اسوأ

هتيجى على فؤاد نجم يعنى

بس على اد ما القصايد دى بتوصف حالنا فعلا على اد ما بتنرفز اوى لما بقرأها والاقى حد بيوصف مصر بالعيوب مع انها ماتتوصفش بغير كده

ميرسى ع القصيده

والله يا مستر أنا شايف ان اللى بحب حاجة اوى بينتقدها أوى لما يشوف فيها حاجة مش بتعجبه
لانه نفسه انها تكون زى ما هو عايز

ميرسى ع القصيده



شكرا لمرورك الجميل دوت

بجد كلمات توصف للاسف ما نحن عليه الان
انا مش عارفه اعلق اقول ايه بجد حاجه بقت صعبه
ربنا يرحمنا
مرسى ليك

فعلا هى دى حالتك يامصر
مش عارفه اعلق واقول ايه بس بجد صدقت
وياريت تتقبل مرورى

دايما منكد اللى جابونا كده
يا عم فكك بقا
ده أنت نكد
ههههههههههه

والله عندك حق ده احنا بقينا شعب خلاص زهق من دنيته عشاااان تعرفوا يا اخواني الشعب المصري ده اقوى شعب في العالم انه يستحمل كل اليي بيحصل فيه ده لو كان شعب تاني مكانش هيستحمل ثنية من اليي احنا بنششووفه

ربنا يصلح حال البلد

ميرسي اوي بتاعت جتك القرف ديه
الراجل ده شعره كلامه جميل اوي
تسلم الايادي اللى كتبت الكلام واللى نقلته لنا