اهداء لكل معلمي البوابة ومعلمي مصر الشامخين [الأرشيف]

مشاهدة النسخة كاملة : اهداء لكل معلمي البوابة ومعلمي مصر الشامخين

M.Sherif

14-12-2008, 09:13 PM

اهداء لكل معلمي البوابة ومعلمي مصر الشامخين
كتبتها في مسابقة في قسم الكادر
و أحببت المشاركة بها هنا

http://www.te3p.com/pic/line/t34456.gif

انت عارف مين أنا؟
أنا المدرس.....أنا
أنا الدكتور والمهندس
متخرجين من تحت ايدي
من كام مليون سنة
انت عارف مين انا؟
انا المدير والغفير
الصغير والكبير
اللي عايش واللي مات
اللي فايت و اللي فات
يعرفوا قدري انا
انت عارف مين أنا؟
أنا منبر الارادة
أنا جلاب السعادة
أنا الفايدة والإفادة
و همس الدندنة
انت عارف مين أنا؟
القلم واللي كتب
انا العلة والسبب
برج ايفل في شموخه
والهرم يوم ما اتبني
انت عارف مين انا؟
اللي رايح واللي راح
اللي وضح والايضاح
اللي خلا الكون براااااح
و اللي زارع و جني
جيت في لحظة
جيت في ثانية
عيشوني
في دنيا تانية
رحمتك يا ربنا
انت عارف يا مدير؟
انت عارف يا وزير؟
ابنك انت
علمك انت
مكانك انت
مكانتك انت
عيشتك انت
حياتك انت
مني أنا

كادر ايه؟
هم ايه؟
غم ايه؟
و لكام سنة؟؟؟؟؟
افكارك يا مصري؟
ابداع خيالك؟
ولا افكار الجيران؟
مستوردة متسرطنة !

انت عارف يا وزير؟
يوم رسوبي
يوم هروبي
لا نشوف سعادة ولا هنا

ابني قاللي
يا بابا ليه؟
امتحان
اختبار
امتهان
انهيار
بكايا دام الفين سنة
يابني عارف
يابني فاهم
يابني حافظ
الملازم !
لكن قرار
حكيم !
وزاري
هد كل اللي اتبنا
ع العموم
مابقاش كلام
قاللي نفذ
و السلام !
يا وزيرنا
يا همام
للخلف در
مليون سنة

الشاعر/محمد علي

15-12-2008, 03:19 AM

جميله جداً يا أ شريف زعاوزين نشوف حاجات تانية كمان

M.Sherif

15-12-2008, 10:29 PM

جميله جداً يا أ شريف زعاوزين نشوف حاجات تانية كمان

جزاك الله خيرا

أحمـدنجـم

16-12-2008, 12:20 AM

M.Sherif

17-12-2008, 07:24 PM

روعة روعة .. بس دي من تأليف يا شريف .. بجد لو من تأليفك تبقى شاعر جامد أوي أوي ..
وأحب تتطلع على العمل دا في نفس الموضوع برضه ..
http://www.thanwya.com/vb/showthread.php?t=84416&highlight=%c5%e5%cf%c7%c1

وتقبل مروري اخي الكريم

اخي الحبيب
كل ما حد يقراها يسألني نفس السؤال
ان شاء الله هكتب كمان تاني زجل هيبان منه اوي مين اللي كاتبه

والله العظيم انا :)

شعرك رائع يا مبدع

شمس بياض

17-12-2008, 07:28 PM

كنت لسه بكتب دلوقت انا دخلت ولم اجد شريف

وقبليها اليوم اللى فات

لاحرمنا الله من ابداعك

هى دى اللى هاتحصد الاصوات حصدا

دانت متعدد المواهب

بقول يعينوك وزيرا للخارجيه

علشان ترميهم بكلامك المؤثر وتجيب حقنا الضايع فى كل بلد شويه

لاحرمنا الله من ابداعك اخى شريف الى الامام
ايه فى الروعه

M.Sherif

20-12-2008, 09:17 PM