مشاهدة النسخة كاملة : احلى ربطات طرح لاحلى بنات
egypty3000 24-06-2006, 08:58 PM فيه بنات كتير قوي مش بتعرف إنها تختار الإيشارب ازاي وممكن إنها تلف طول النهار على الإيشاربات في محلات كتير وحاجات ممكن إنها تكون غالية جدا، وفي الآخر تجيب الإيشارب ولكن ممكن تحصل كارثة إنها بعد اللف ده طول النهار والفلوس الكتير اللي اندفعت فيه ممكن إنها تلاقيه مش لايق عليها، بس ولا يهمك.. أنا هاقول لك على شوية حاجات تخلي بالك منها وإنتِ بتشتري الإيشاربات وهي:
أولا: الألوان
ودي بقى مهمة صعبة قوي لأنك فيها لازم تحاولي إنك تحققي معادلة صعبة جدا بين تناسق لون الطرحة مع بشرتك أولا ومع ملابسك ثانيا ومع الإيشاربات بعضها مع بعض ثالثا.
•
مع لون البشره
بصي يا ستي كل اللي مطلوب منك إنك وإنتِ بتشتري إيشارب إنك تحطي الإيشارب على راسك وتقفي قدام المرايا في المحل وتشوفي اللون عامل عليكِ إيه "يعني بالعربي مفتح وشك ولاّ مغمقه".. كمان خدي بالك إن لو كانت بشرتك غامقة يبقى ابعدي نهائيا في اختيارك عن الألوان الغامقة لأنها أكيد هتغمق بشرتك زيادة. وده على العكس طبعا لو بشرتك بيضاء يبقى هتلاقي إن الألوان الغامقة هي اللي مناسبة ليكِ على عكس طبعا الألوان الفاتحة اللي ممكن يكون فيها درجات تخلي لون وشك شاحب.
• مع الملابس
وعلشان تحققي المعادلة دي يا ريت إنك تاخدي الطقم اللي إنتِ عايزة تجيبي له الإيشارب معاكِ وتحاولي توفّقي لون مناسب للإيشارب مع الطقم.
• مع الإيشاربات بعضها ببعض
وطبعا لأن الموضة دلوقتي هي الإسبانش هتلاقي نفسك إنك ممكن تلبسي تلات ألوان من الإيشاربات مع بعضهم أو أكتر علشان كده لازم تخلي بالك كويس وإنتِ بتختاري الألوان دي إنها تكون متناسقة مع بعضها. وعلى فكرة ياريت إنك كمان تحاولي إنك تجددي في الألوان وبلاش تمشي على دمج الألوان التقليدية مع بعضها وخلّي عندك جراءة في اختيار الألوان، يعني مثلا ممكن إنك تدمجي التركواز مع الأبيض والأسود...
وعلى فكرة
الصيف ده نازلة تشكيلة هايلة جدا من الألوان المختلفة زي البني بدرجاته المختلفة والبرتقالي بدرجاته المختلفة والتركواز والروز والزيتي بدرجاتهم أيضا.. كمان فيه إيشاربات فيها نقوش ودي بالذات بتناسب أكتر الفتاة الجامعية.. كمان فيه إيشاربات عليها تطريز وترتر بس خدي بالك إنك تختاري الإيشاربات اللي عليها تطريز بسيط جدا لو كنتِ هتلبسيها في الصباح، لكن لو كنتِ هتلبسيها في المساء أو في مناسبة يبقى براحتك على الآخر..
ثانيا: نوع القماش
ودي نقطة مهمة قوي لازم تخلي بالك منها خاصة لو كانت بشرتك من النوع الحساس.. هتلاقي نفسك لازم تبعدي نهائي عن الأنواع اللي مصنوعة من البوليستر لأنها هتضر بشرتك.. ده بالإضافة إلى أنها مع الحر هتخليكِ مش طايقة نفسك نهائي، ده غير إنها بتتزحلق كل شوية.
علشان كده حاولي إنك تختاري الأنواع المصنوعة من القطن أو الحرير على قطن أو الشيفونات لأنها ببساطة جدا هتلاقيها مريحة جدا في اللبس.
بس كده.. دي كانت شوية نصايح علشان تخلي بالك..
ربطات مختلفة للإيشاربات
نموذج1
تشبكها من عند الرقبة من الوسط ويكون طرف أطول من طرف عشان نقدر نلفها حول الرأس وممكن نزود عليها لو رايحين سهرة أو مناسبة إيشارب كمان بيلمع أو تل أو قماشة سواريه نلفها فوق الإيشارب الأول.. ممكن تكون اللفة طويلة.. الربطة دي بتليق مع كل وجه ومهمة جدا وبتغطي الرقبة لو لابسة حاجة مفتوحة أو قيمص.
http://www.shababy.org/upload/pic/kamar_38.jpg http://www.shababy.org/upload/pic/kamar_39.jpghttp://www.shababy.org/upload/pic/kamar_40.jpg
http://www.shababy.org/upload/pic/kamar_41.jpg
نموذج 2
نستخدم فيها إيشاربين مع بعض.. الأول مستطيل عرضه 2 سم وطوله متر ونص من أول طرف الإيشارب وعلى أول منابت الشعر نربطه على ورا على كحكة الشعر، وبعد كده بنجيب إيشارب تاني كبير عريض وطويل ونحطه فوق الإيشارب الأول بعده بمسافة أو فوقه.. الطرف الطويل ممكن نعمل به شكل الوردة أو شكل آخر.
http://www.shababy.org/upload/pic/RASHA.jpg http://www.shababy.org/upload/pic/kamar_43.jpg http://www.shababy.org/upload/pic/kamar_45.jpghttp://www.shababy.org/upload/pic/kamar_46.jpghttp://www.shababy.org/upload/pic/kamar_47.jpg http://www.shababy.org/upload/pic/OMAR.jpg
وللموضوع بقيه انتظروا بقيه الربطات مستنيه ردودكم الجميله وتشجيعاتكم
Flower 24-06-2006, 09:19 PM موضوعك جميل اوي ومميز
انا بحب اوي المواضيع دي..
بس ياريت بلاش نلبس ايشاربات اسبانش..
الحجاب العادي افضل
عشان الاسبانش بتبين منطقه الرقبه وكتير من الوش وبيبقي الحجاب قصير...
بس كملي الموضوع ياريت
:)
سمورة 25-06-2006, 12:03 AM موضوعك جميل اوى ومميز وجديد من نوعة فى المنتدى بس يايرت تعرضى الطرح الغريبة اللى كتير مننا مش بيعرف يعملها عشان يبقى تجديد فى طريقة الطرح لان الطريقتين دول كتيرا مننا بيعرف يعملهم
بس موضوعك جميل جدااااا ايجيبتى وشكرا ليكىوياريتى تواصلى فى الحاجات دى
basmala 25-06-2006, 08:23 AM رائعه يا ايجيبتى ...وانا ماعنديش كلام بعد فلور وسموره
وياريت فعلا تكملى الموضوع.....
احنا فى انتظارك
براءة 25-06-2006, 01:33 PM موضوعك جميل جداااااا
بس على فكرة اعتقد ان الاسبانش دلوقتى مبقاش موضه ولا ابيييييه ؟؟ هو كان بس دلوقتى بقي عادى
يللا كملى بسرررعه :lol:
الدجنوشة 25-06-2006, 02:02 PM موضوع جميل اوي شكرا ليكي ومستنين المذيد
bosy .. mostafa 25-06-2006, 02:29 PM شكراً يا قمر عالموضوع
ياريت تكمليه
مستنين الباقي
egypty3000 25-06-2006, 06:19 PM شكرا يا جماعه ع الردود الجميله
طبعا انا بحترم رايك جدا يا فلور
وانا برضو مبحبش الاسبانش انا بلفها عادى
بس انا حطيت الاتنين للى يحب يعمل دى او دى
والطريقه بتاعه النهارده
نموذج3
البندانا انتشرت جدا وأشكالها كتير جدا وساعات البنات بتحتار تمشيها مع ألوان اللبس ازاي.. تحطي البندانا على أول الشعر ونمسكها بدبوس ونشد قوي لورا ونعدل جوانبها عشان تغطي كل الشعر ونحط عليها الإيشارب المناسب للونها ونربطه طرف أطول من التاني، ونجيب الطرف الطويل على الرقبة ونشبكه فى الإيشارب كويس ونخلي الطرف الأقصر على قدام أو نحاول نعمل شكل جمالي.
http://www.shababy.org/upload/pic/kamar_55.jpghttp://www.shababy.org/upload/pic/kamar_56.jpghttp://www.shababy.org/upload/pic/kamar_57.jpghttp://www.shababy.org/upload/pic/nono.jpg http://www.shababy.org/upload/pic/kamar_59.jpghttp://www.shababy.org/upload/pic/kamar_60.jpg
egypty3000 25-06-2006, 06:24 PM نموذج4
مناسبة جدا لو لابسة "هاي كول" وبنعملها بالشكل ده.. نستخدم إيشارب مستطيل طويل قوي ونربطه على وراء ونخلي طرف أطول من التاني، وأهم حاجة نمسكها من تحت كويس جداً والربطة تكون على جنب.. شكلها حلو لو رايحة الجامعة.
http://www.shababy.org/upload/pic/kamar_49.jpghttp://www.shababy.org/upload/pic/omar.jpg[img]http://www.shababy.org/upload/pic/kamar_51.jpg
والبقيه تاتى انتظروا الباقى
مستنيه الردود الحلوة :D :D :D
وارجو ان ينال اعجابكم
egypty3000 25-06-2006, 06:35 PM معلش يا بنات بقيه الصور بتاعه نموذج 4 علشان منزلتش كامله
http://www.shababy.org/upload/pic/nana.jpg http://www.shababy.org/upload/pic/nao.jpghttp://www.shababy.org/upload/pic/muo.jpghttp://www.shababy.org/upload/pic/\';lih.jpg
egypty3000 25-06-2006, 06:36 PM http://www.shababy.org/upload/pic/mody.jpg
basmala 25-06-2006, 06:39 PM حلويين اوى اوى يا ايجيبتى
براءة 25-06-2006, 06:46 PM التالته على فكرة شكلها حلو
شكراااااا ايجيبتى يا عسوولة
فيه تانى ولا ايه ؟؟؟
sama_91 25-06-2006, 07:06 PM جمييييييله شكرااا ليكى
اسماءفريد 25-06-2006, 09:43 PM اللي فيها لبني في ابيض دي جميييييله جدا
شكرا جدا ليكي يا ايجيبتي
egypty3000 26-06-2006, 07:27 PM نموذج 5
الربطة دي ممكن البنات تعملها في الجامعة وتستخدم فيها ألوان الموضة.. التركواز مع الأسود.. البني المحروق.. وهي نفس طريقة الربطة السابقة بس بيدخل فيها لونين الأبيض والتركواز بنضيف إيشارب زيادة على الإيشارب الموجود فوق البندانا.. بالإضافة للبندانا اللي هنحط فوقها إيشارب طويل مستطيل ونشبكه معها بدبوس من ورا ونحط فوقه بعد كده إيشارب مربع مطبق على شكل مثلث، وطبعا بلون تاني ونثبته كويس، وبعدين نحط الإيشارب الثالث، ولازم يكون طويل عشان نكمل به الربطة، وتلف بالشكل ده.. ممكن الربطة دي تدخل فيها ألوان جميلة تضيف لمسة جديدة وحلوة لشكل اللبس وتنفع الصبح.
http://www.shababy.org/upload/pic/mone.jpghttp://www.shababy.org/upload/pic/moku.jpg http://www.shababy.org/upload/pic/mocr.jpghttp://www.shababy.org/upload/pic/kamar_64[1].jpghttp://www.shababy.org/upload/pic/,nky.jpghttp://www.shababy.org/upload/pic/basant.jpg http://www.shababy.org/upload/pic/pahy.jpghttp://www.shababy.org/upload/pic/kpoi.jpg
يلا يا جماعه ايه رايكم فى لفه النهارده؟؟؟
يا جماعه انا عايزه اسال سؤال؟؟؟ هو فى حد عرف يعمل اى لفه من دول؟
:D :D :D :D :D
انتظروا اللفه القادمه بكره ان شاء الله
basmala 26-06-2006, 07:53 PM ونموزج خمسه برده جميل جدا
وكمان الايشرب كله حلو
egypty3000 28-06-2006, 03:50 PM فين الرد بقيه الاعضاء
هى مش عجباكم ولا ايه؟
Flower 28-06-2006, 04:17 PM موضوعك جميل
كملي ..
احنا متابعينك...
:)
أمة الإسلام 28-06-2006, 05:39 PM شكرا ياإيجيبتى على اللفات الجميله دى بس الدال على الخير كفاعله والدال على الشر كفاعله بالنسبه للفه الإسبنش وأحنا بنلبس الطرحه علشان لا نظهر أكبر جزء وياأخواتى الطرح الكبيره جميله جدا وبتعطى وقار أنا مجربه
براءة 28-06-2006, 07:58 PM انا عن نفسي عمرى ما خرجت بسبانش بس بعرف ألفهم
ماعدا الاخيرة دى فيها حاجه مش طبيعية بس مش عارفه ايه :D
ما علينا
ايجيبتى لازم تكملى
يلااااااااااااااااااااااااا
وشكرا على اللفات دى وحاولى تقللى من الاسبانش فعلا
LA STELLA 28-06-2006, 10:11 PM هههههههههه
طرح جميلة
اكيد مفيش احسن من الحجاب الاسلامى
بس اهو احنا بنتفرج و نتعلم
مرسى كتييييييييييييييييييييييييير
smileheart 28-06-2006, 11:54 PM جميلة اوى اوى التشكيلات دى
بس ممكن بس اضيف ان الرقبة مش المفروض تظهر
يعنى بلاش الحجاب اللى بتبان فيه الرقبة
بس حلويين حقيقى و فيهم تميز
شكرا ليكى
سلام smileheart :)
أسيل رزق 29-06-2006, 06:03 AM شكرا شكرا شكرا ليكى يا بسنت
بس عندى تعليق صغير ويا ريت كل البنات اللى فى المنتدى يتكلمو معايا فيه ويسمعوه كويس اوى
انا ضد الطرح اللى بتبين الرقبه او الجزء الاسفل اللودن
لان الرسول قال لنساء المؤمنين ان لايظهر فى جسم المراه الا الوجه والكفين
على فكرا احظرو احظرو لان سمعت ان شيخ من الشيوخ بيقول ان المراه اللى بتبين رقبتها ستذبح منها يوم القيامه لانها تبين جمالها
وبعدين الحجاب ده سواء موضه جديده او قديمه فهوا اصلا مش حجاب
بس بجد موضوع اكتر من رائع ومميز
ربنا معاكى بسنت والى الامام دائما باذن الله
أسيل رزق 29-06-2006, 06:05 AM يا جماعة مش عايزه حد يزعل منى
دى وجهة نظر
وان شاء الله متفقين عليا
أمة الإسلام 30-06-2006, 12:47 AM شكرا لكى أسيل دى فعلا معلومه مهمه ولو سمحتى تأكدى منها وعلى فكره الوجه واليدين فى الصلاه فقط
طبعا فى كثير جدا معترضين معى بس فى شيخ أقنعنى بها قائلا أن وجه المرأة هو موضع الفتنه كلها .
وفعلا ده كلام مقنع فكيف ينظر إليك رجل وأنت تغطى وجهك فغطاء الوجه لتجنب هذه النظره الحرام
وإن شاء الله سوف أفيدكم فى هذا الموضوع من الشيوخ الكبار
:) محدش يزعل منى :)
Flower 30-06-2006, 01:44 AM ما شاء الله
جميع البنات تقريبا متمسكين بالحجاب العادي الشرعي وليس الاسبانش الذي يظهر الرقبه..
كملي الموضوع يا ايجيبتي :)
egypty3000 30-06-2006, 04:04 PM يا جماعه انا فرحانه ان كلكم مبتحبوش الاسبانش
واكيد الحجاب الاسلامى احست كتير بس انا فى نظرى ان المفروض النقاب( تغطيه الوجه والكفين) لاننا الان نعتبر فى زمن الفتنه وامرنا الرسول الكريم عليه الصلاه والسلام انه فرض فى زمن الفتن
شكرا بسمله وفلاور ورحمه وسمايل هارت وهابى ومها على المرور والتعقيب واكيد محدش هيزعل منك مها وامه الاسلام لاننا دى حاجه متفقين عليها جميعا
egypty3000 30-06-2006, 04:12 PM وده نموزج 6
الربطة السعودي وهي بتنفع مع الوجه الصغير.. بتكبره وتخلي الشكل حلو.. نربط الإيشارب الأول بدبوس من عند الرقبة ونحط الإيشارب الثاني عليها.. واحد سادة والتاني منقوش، ويكون واحد تقيل والثاني خفيف.. أهم حاجة تثبيت الدبابيس على الإيشاربين كويس جدا.
http://www.shababy.org/upload/pic/kamar_69.jpghttp://www.shababy.org/upload/pic/kamar_70[1].jpghttp://www.shababy.org/upload/pic/kamar_73.jpg http://www.shababy.org/upload/pic/kamar_74.jpghttp://www.shababy.org/upload/pic/kamar_75.jpg
ايه رايكم فى اللفه دى؟؟؟ :D :D
انتظروا اللفه القادمه
مستنيه تعليقاتكم الجميله والناقده
bosy .. mostafa 30-06-2006, 04:53 PM لفات جميله اوي يا ايجيبتي
بس انا عجباني اوي اللفه بتاعة النموذج رقم 5 بس طبعاً ماتنفعش دلوقتي
و بخصوص سؤالك انا مابعرفش أعمل غير لفتين بس رقم واحد و تلاته
شكراً يا قمر
أمة الإسلام 01-07-2006, 06:48 PM شكرا يا إيجبتى على اللفات الجميله دى
ويارب نكون دائما متمسكين بكل قواعد الإسلام
لو سمحتى يا إيجيبتى شوقتينا كفايه كده ههههههههه
يعنى لو ينفع لفتين فى اليوم
بهزر يا حبيبتى
tarekalbolkeny 02-07-2006, 10:59 AM الموضوع ده وحش وانا بقول بلاش مواضيع فى المنتدى ده تانى انتم هيبقى ليكم موضوعين فى الاسبوع كفاية اوى عليكم
وولو حطيتو اكتر من موضوعين هيبقى ليا تصرف تانى
براءة 02-07-2006, 11:26 AM ايه ده ايه ده
انت مالك يا طاارق
الموضوع جميل جدا واحنا بنستناه
وايه موضوعين فى الاسبوع دى يا اخ انت
لو مبطلتش مش هتشوف مننا خير
براءة 02-07-2006, 11:29 AM على فكرة اللفة السعودى دى جميلة وكمان لونها حلو
شكراا ليكي ايجيبتى
أمة الإسلام 02-07-2006, 11:19 PM أيه ده يا طاااارق أنت فى قسمنا خليك حريص على نفسك
نسبة هزيمتك عاليه وحيبقى شكلك وحش أوى
egypty3000 03-07-2006, 02:21 PM السلام عليكم
شكرا ليكى انتى يارحمه وامه الاسلام
اما انت يا طارق فانت هنا فى منتدانا احنا وبعدين مطبوظش الموضوع انا باخد راى البنات بس :P :P :P :P :P :P :P :P
LA STELLA 03-07-2006, 04:28 PM ياسلام على موضوعك يا ايجيبتى
لفات جميلة و اكيد مفيش لا احلى ولا ارق من الحجاب الاسلامى طبعا
مرسى ليكى كتير
egypty3000 04-07-2006, 01:00 PM شكرا لمرورك هابى
LA STELLA 04-07-2006, 03:17 PM العفو على ايه
بس يا ترى فى لفات تانى ولا لاء؟؟؟
احنا مستنين....
بنت الإسلام 04-07-2006, 09:58 PM جزاكم الله خيرا
يلا كمان ان صحيحه مخمره
بس عايزها في فرح اسلامي
اسماءفريد 05-07-2006, 02:12 PM احنا مستنين لبقيه اللفات
وبعدين يا جماعه خلاص طارق مبقاش ليه مواضيه مش هادفه
كل مواضيعه هادفه دلوقتي
وبخصوص الموضوع الهجوم مبقاش ليه اثر
وده كان طلب منه بالحذف
وتسلمي علي اللفات يا ايجيبتي
egypty3000 05-07-2006, 11:58 PM شكرا امه الاسلام
وشكرا اسماء
على مروركم وان شاء الله اكمل الباقى
smileheart 06-07-2006, 02:22 AM شكرا
بجد مرسي عالموضوع وعالطرق الجميله دي
بس زي ما الكل قال بلاش اللفات اللي بتبين الرقبه وكده لانها حرام
بس لفات لذيذه نتعلمها وخلاص
مرسي
egypty3000 10-07-2006, 04:31 PM شكرا لمرورك روز وسمايل هارت
وانتظروا المزيد
فتاة الاسلام 11-07-2006, 01:13 AM ما شاء الله جميلة اللفات كلها ايجيبتى شكرا لكى معلش انا لسة واخدة بالى من الموضوع دلوقتى بس احنا منتظرين المزيد وانا بضم صوتى لهم من ناحية اللفات الاسبانش
توته @ 12-07-2006, 08:40 PM شكرااااااااا يا قمر على الموضوع
egypty3000 14-07-2006, 08:34 PM شكرا فتاه الاسلام على مرورك
شكرا توته ع الرد
جزاكى الله خيرا على الموضوع الجميل
واضح انى كنت نايمه شويه كل بنات المنتدى ردوا وانا اول مرة اشوف الموضوع علشان كده انا اسفه على التاخير
وانا تبع حزب الحجاب الاسلامى وانا عن نفسى بلبس خمار لف (تعرفوه؟
:unsure: )
ramzelhob 17-07-2006, 03:45 AM بصراحه لفت الطرح جميله اوى وتحفه والبنوته اموره اوى بس دى محتاجه مكياج كامل عشان تبقى حلوه ولا اييييييييييه! <_<
egypty3000 17-07-2006, 08:30 PM شكرا ولاء ع مرورك والمهم انك شفتيه يا قمر
شكرا رمز الحب على مرورك وتعقيبك
|