السلام عليكم
مبدئيا ياجماعة
والله أنا عضوة هنا معاكوا ع المنتدى
بس مش ينفع أكتب بعضويتى الأصلية اللى عارفينى بيها
بس بجد محتاجة رأى كل واحد فيكوا
وافتكروا يا جماعة أنى ممكن أكون ساعدت حد فيكوا بعضويتى الأصلية
ودلوقتى بجد محتااااجة مساعدتكوا ورأيكو

أنا حصلى موقف فى الكلية مدمر أعصابى
الحكاية أنى باخد مجموعة فى الكلية فى مادة هى عقدة سنة اولى
والدكتور اللى بناخد معاة بيبدأ شرح فى مكان صغير الساعة اتنين الضهر
ونظرا لأن العدد كتير جدااااا والمادة عملية أكتر ولازم تشوف وتسمع
مش تكتفى بالسمع بس
فأنا بفضل واقفة قدام باب المجموعة من قبلها بنص ساعة عشان أقعد فى مكان كويس
النهاردة كنت من الساعة 1.15 قدام المكان بس كان مقفول عشان كان فى ناس قبلينا
فضلت قاعدة وشوية وجت بنت أعرفها معرفة سطحية
خمس دقايق وجة ولد أعرفة شكلا أنة معانا فى المجموعة
والله حتى اسمة مكنتش أعرفة
وبعد تلت ساعة جت الست اللى بتنظم دخول المجموعة
وقالت محدش هيدخل من غير كارنية المجموعة !!!!!!
أنا كان معايا الكارنية بتاعى....بس مش حاطة صورتى علية
لاقيت البنت بتقولى بما أنك مش حاطة صورتك فاديلة الكارنية بعد ما تتدخلى عشان يدخل
لأنة كدة مش هيلحق مكان
أنا بصيتلها وسكت
بس قعدت أفكر
هو جاى بدرى......وهو معانا فى المجموعة(يعنى مش نصاب)
وحرام ميدخلش أو يدخل متأخر عشان واحدة بتعاملنا بالأسلوب الروتينى دة
المهم بصيتلها وسكت
ولما دخلت ندهت عليا.....اترددت شوية
فقولت حرام عليا دة مذنب من أكتر من نص ساعة
فأديتها الكارنية
وطبعا لأنى أول مرة أعمل كدة فالست لاحظت دة
ويلهوى ع اللى حصل
فين فلانة؟؟!!!,,,,,,استنينى هنا لحد أما أدخل زمايلك
وأنا قولها هما اللى قالولى أنا مليش دعوة
وهى تزعق فيا قدام الناس
البنت دخلت عاااااااادى ولا كأن الأمر يعنيها
والولد مدخلش لأنة مش معاة الكارنية
والله يا جماعة ربنا العالم انى عمرى ما كلمت أو قعدت جنب ولد فى دفعتنا
وكل زمايلى بنات
يقوم يحصل كدة
طب الناس الواقفة تقول اية؟؟؟!!!
بديلة الكارنية لييييييييية؟؟؟!!!!
لو بنت كان الموضوع هين بالنسبة ليا
أنا والله قصدى خير مش أكتر.....والولد دة معرفتش اسمة غير بعدين
الولد استنى لما الدكتور جة واكتفى بكلمة آسف ودخل عاااااااادى
وكذلك البنت
أنا اللى فضلت دماغى تودى وتجيب
وعيطت أكتر من تلت ساعة.....ومكنتش ناوية أحضر المجموعة لولا الدكتور قالى مش ماشية
دخلت غصب عنى ووشى أحمر من العياط
لاقيت البنت قاعدة عااااادى
ومكلفتش نفسها إنها تحجزلى جنبها حتى!!!!!!!
وفضلت واقفة أكتر من ساعتين
وحاسة ان الكل بيبصلى وبيفكر فيا وحش
مع أنى حتى لما صحابى كانوا يحكولى على بنات وولاد بينهم علاقات
والله كنت أقول ملناش دعوة.......يمكن أخوات ....ربنا يهديهم
لما رجعت البيت حوالى ساعتين عياط
وعندى امتحان ومش قادرة أفتح كتاب...دة غير الإرهاق نتيجة وقفة ساعتين.......وأساسا أنا مكنتش فطرت الصبح فأغمى عليا فى المترو
تعبانة وقرفانة من نفسى
احساس رهيييييييب بالغباء والعبط الهبل
عاوزة أخنق نفسى بجد
وافتكرت كلمة أخويا الكبير ليا مرة
(متخافيش على مصلحة الناس قوى كدة لأنهم مش هيخافوا على مصلحتك زى ما بتعملى معاهم:()
أعمل اية بالله عليكوا؟؟؟؟
وهو أنا منظرى بقى وحش أوى كدة؟؟!!:(
أنا مخنوووووووووووقة جدااااااا

بداية ملكيش دعوة بكلمة اخوكي لانها من وجهة نظي فقط لا اكثر ولا اقل غير صحيحة
اما بالنسبة للي حصل
فانتي تتعلمي حاجة بسيطة جدا ان حسن النية يفضل موجود ولكن بدون ثقة عمياء

المهم انتي عارفة انك انسانة محترمة جدا كما يبدو
خلاص وري الناس كلها انك محترمة
المحترمة المسلمة ماتخافش من حاجة تمشي راسها مرفوعة وواثقة من نفسها ووشها بشوش يبان عليها الامل والثقة والاحترام حتى لو العالم اتكلم عليها
لما تمشي بس المشية دي وترددي من جواكي انا صح ...انا صح ...انا قوية...انا مسلمة
والله العظيم هاتكوني اقوى اقوى اقوى من الاول 100مرة
ولو البنت دي كلمتك تكون ردودك عليها بسيطة جدا يعني لو الجواب كان عبارة عن بس ايماء بالراس يكون افضل
لكن كوني اكثر حرصا على نفسك ولا تهتمي بمن لا يستحق الاهتمام

ايه يا بنتي كل الحمول والهموم دي ؟؟؟؟؟؟؟

ده فيه ناس بيحصلها اكتر من كده بكتير وعايشه وراضيه

والدنيا ماشيه معاهم والحمد لله

انتي بس كده استهدي بالله والامور ان شاء الله حتبقى عادية ولا كأن حاجة حصلت

يوم اتنين تلاته اسبوع شهر سنة 2 3 4 5 10 20 30 40

والدنيا بتمشي وانتي حتنسي اي موقف والناس حتنسى وكله حينسى

وان شاء الله حتتخرجي من الكلية ومش حتبقى فاكره انتي كنتي في كلية ايه اصلا؟؟


مش فاكره زماااااااان مثلا ايام ابتدائي ولاحاجة كنتي اتعرضتي لموقف محرج في مدرسة مثلا

هاتي ولي أمرك بكره؟؟؟؟؟؟؟؟؟؟؟؟؟؟؟؟ وكنتي عايشه في قلق

والله العظيم كل حاجه بتعدي

بس كحاجة اخيرة.فيه جملة كنت لسه كاتبها على الفيس النهارده

no one in this world deserve your trust even yourself

:078111rg3::078111rg3::078111rg3:

بصى يا حبيبتى
انا شايفة انك مفروض انك متزعليش اوى كدة و كفاية تانيب الضمير انتى معملتيش حاجة اوى ايه يعنى لما تديلوا الكارنية عشان يدخل دة مش معناه ان انتى مصحباه
بعدين عرفى اصحابك بالموضوع و قوليلهم الحكاية و خلاص
و معلومة صغننة البنت المعروف انها محترمة صعب ان حد يفهمها غلط
بعدين يام مواقف من ديه بتحصل و الناس فى الاخر بتنسى اللى حصل بالذات ان انتى مش بتكلمى و لا بتقفى معاه و لا اصلاً تعرفيه
بعدين انا معا نصيحة اخوكى و ان الحاجة اللى انتى شايفة غلط متعملهاش
و اهدى كدة و ركزى فى الامتحان
و ربنا يوفقك

هنا الفقى......روح الحياة.....دكتور أحمد....pureheart
شكرا لكم جميعا للرد:)
تقريبا حضراتكوا اللى كنت عاوزة أسمع رأيكوا
الحمد لله تقريبا الموضوع اتحل
ولا قيت انة مش كان مستاهل الزعل دة كلة:slap1qk6:
وعلى رأى المثل
No pain ,,,,, No gain
بكرر شكرى لكم
:):):)

تقريبا كدا من طريقة الكلام انا عرفت مين
بس مش متاكد اوى
المهم

دلوقتى انتى زعلانه او مضايقه من ايه ؟
ماشى الموقف اه ممكن يضايق اى حد
بس مش مشكله كبيره يعنى
ومحدش فكر فى حاجه او ظن بيكى حاجه
لان معظم الطلبه بيعملو الحركه دى
وبتحصل معايا ناس معرفهمش بيخشو ببطاقه الترشيح بتاعتى وعادى
فانتى محدش هيظن حاجه وحشه او يفكر فيها لانه كله بيعمل كدا وكله عارف ايه الى بيحصل
وانتى زى مكله قال انتى واثقه من نفسك ميهمكيش كلام اى حد

والحمد لله ان الموضوع اتحل
:)

ليه كل دا الموضوع مش مستاهل كل دا