يا بلدي فكي إيدي م اللي في إيديا

يا بلدي شيلي الغيامة من على عينيا

يا بلدي سيبي لساني نفسي أصرخ وأقول ..حرية

يا بلدي هعيش فيكِ وأموت ولا عمرك هتحسي بيا

خليتي فرعون يحكم عليا بالإعدام

يا بلدي والضرب في الميت حرام

وأنا مت بيكِ مت ليكِ ..وعمري ما عشت ليا

لحد إمتى يا بلدي هفضل فيكِ عايش أسير عايش سجين وسجني حدودك

لحد إمتى يا بلدي هتباع فيكِ بتمن رخيص من اللي من غير تمن راح وباعك

لحد إمتى لما آجي أبكي عليكِ ..

أخاف وأروح وسط الظلام ..

تحت السلالم ..

بين الحيطان..

وأوشوش نفسي يا رب انتقم من جلادك

يابلدي ..لوهتسبيني مش هسيبك

لو هتبيعيني مش هبيعك

لو إعتقلوني ..

لو عذبوني وكهربوني

لو خرسوني ومن الحلم منعوني

ولو حتي قتلوني ولا بالحيا دفنوني

هفضل فاكرلك إني أكلت من أرضك

وشربت من نيلك..ويوم ما أموت هتغطى بترابك


medo_alex

حقيقى كلمات معبره فعلا

.
.
.
.

افضل تعليق على اللى حصل فى الاحصاء

شكرا ليك
كلمات مؤثرة فعلا
انت بجد لو كنت اللي مؤلفها اتوقعللك مستقبل باهر
وياريت نشوف اشعارك لكل حدث سواء كان حلو او وحش

بجد والله احلى كلام يتكتب على الكارثه اللى حصلت ديه

شكرا على الكلمات الجميله ديه

للاسف !!! الحقيقة والواقع اللى احنا فيه مفيش كلام يكفيه - لازم تعرف كده كويس .

شكرا يا دودي نور العمر حسام صلاح المصري لردكم عليا

ودة فعلا نتيجة احياط لدي المصري الاحصاوي بعد ما عملت قرد وزاكرات

السلام عليكم
كل اللي عايز أعرفه " اللي حاطط الإمتحان ده لسه عايش بعد الدعوات اللي عليه دي" ؟؟؟
واحد يقولي يا شباب مصر اللي بيتحطم نتيجة قصف الأمتحانات

احنا هنفضل مستحملين التخلف والظلم ده لامتى؟ :angry: :angry: :angry:
فى انسان عاقل يدى ساعتين وطنيه و3 جغرافيا .......واقتصاد واحصاء ساعة ونصف؟؟

مين يسمع و يحس بينا
دول زي ميكونوا عايزين ينتقموا مننا "بيكرهونا"
نفسهم يشوفوا الدموع في عنين طلاب الثانويه العامة
وربنا يستر علي التاريخ هو كمان
بس برده احنا اكيد احسن من ناس تانية كتييير زي فلسطين مثلا والعراق
اللي كل يوم والتاني بيوتهم بتتهدم وحتي اهلهم بيتقتلوا قدام عينيهم........حراام بجد
علي الاقل احنا عايشين مع اهلنا مرتاحين الحمد لله
واعتقد ان دي احلي حاجة في الدنيا كلها
انا بقول الكلام ده كله وانا بحاول اهدي في نفسي
لان ماما حاسة اني هانتحر قريب

والله منهم لله ولازم ندعي عليهم اللي حط الامتحان

اسمه ا.د- اسامة زايد مدرس الاحصاء بتربية بنها.

[attachmentid=2389]ااااااااااااااااااااااااااااااااااااااااااه يا بلد منـــــــــــــــــــــــــــــــــك اااااااااااااااااااااااااااااااااااااه

.. :angry: :angry: :angry: :angry: :angry: :angry: :angry: :angry: :angry: