انا كل ماجي اذاكر ازهق بسرعة
وحسة ان السنة دي بقت مملة عن سنة تانية كمان

وكل ما ما تكلم مع حد الاقيهم بيحولوا يحبطوني اكتر مع ان كتير منهم بيذاكر كويس


بس بيعملو كدة عشان الحسد


وكمان المدرسين اغلبهم مش حابين الدفعة دي مش عالرفة لية

دة عير طبعا الليي في البيت اكيد طبعا عارفين

مع اني جايبة مجموع89 في المية وانا عارفة انوا مش املة اوي يعني ومعترفة بكدة

اللا انهم برضو مش عاجبهم

الواحد مش عارف هيلاقيها منين ولال منينبس

فانا قلت اتكلم معاكوا

واللي عارف نصيحة حلو يقولها اهو حتي احس حد مشاركني في السنوية العامية دي

ربنا معاكي وسيبك من الكلام اللي بيتقال وركزي في مذاكزتك
انتم السابقون ونحن اللاحقون

مش انتى لوحدك والله انا كمان خلاص اتخنقت

ربنا يستر ويعدى السنه دى على خير

ملكيش دعوه بكلام حد

وربنا يوفقنا كلنا يارب

والله مانتى لوحدك انا جبت اخرى من الثانويه العاميه دى

ربنا يعديها على خير ان شاء الله

وملكيش دعوه بكلام حد

انا على ما اظن .. انك بدأتى تذاكرى مذاكرة جد جدا فى تانية ثانوى ... صح ولا
لكن قبل كدة كنتى مش بتذاكرى ... ودة إللى ادالك الاحساس بالخنقة

انا مكنتش بذاكر قبل تانية ثانوى خالص .. لكن فى تانية ذاكرت لحد ما قلت بس
وانا حاسس نفس احساسك بالخنقة والعزلة والحشو إللى فى المناهج

والإنسان اصلا بطبيعتة مش بيحب التعقيد وانه يتربط جنب حاجة بدون فائدة مجزية

بص هنعمل إيه بقة ...... مضطرين نزاكر وامرنا لله
ربنا بس يقوينا ويصبرنا على ما كلفنا به

ربنا هيكون فى عون إللى ذاكر وتعب وسهر علشان حلم فى دماغة
(((إن الله لا يضيع اجر من احسن عملا)))

تحياتى

فعلا انا كنت بذاكر السنة اللي فاتت بس بدون خبرةفي امور المذكرة فمعظم وقتي كان بيضيع في طريقة جديدة للمذاكرة

اما السنة دي فعندي خبرة وبالرغم من السنة دي موادها اسهل بس الواحد اتعود عليها مبقاش في الدراسة اي نوع من الجاذبية ليها بقت مملة

مش انت لوحدك انا خلاص وصلت لاخري ومش قادره اذاكر ولا اعمل حاجه
بس ما باليد حيله
خلاص هانت هما كام شهر ونستريح ولازم نتعب دلوقتي علشان نستريح بعدين

على فكرة مرحلة مراجعة المنهج اسهل بكتير جدا جدا من الشرح والحفظ فى بداية العام
ولكنها تكون سهلة إذا كنت اذاكر من البداية بحيث تكون مرحلة المراجعة مرحلة تذكرة وتفنن

ولكن للأسف بعض الطلبة ((بينفض)) يذاكر طول السنه وياجى آخر شهرين ويتعب نفسه جدا فى المذاكرة
وفى الآخر بدووووووون فائدة

على العموم هانت .. فاضل شهرين ولا حاجة نبدأ بقة نراجع
وانا بموت فى حاجة اسمها مراجعة علشان مفيهاش حفظ جديد ولا اسئلة جديدة
بنراجع كلام متكرر وخلاص

ربنا يوفقك ويوفق الجميع

ركز بس فى مذكرتك وخلى الباقى على الله ومالكش دعوه بحد ولا تسمع كلام حد

هعمل بالنصايح واستحمل

وشكرا لمشركتكوا معايا همي

انا بعانى من نفس المشكله وهى الحفظ ولو اقعدت يوم كامل احفظ صفحه واحده وبرده بنساها احنا فعلا محتاجين المساعده من الجميع بس ياريت بسرعه المشكله ان حضراتكم مش عارفين ازاى تساعدونى لاننا بنبقوا محتاجين رد تانى غير ركزى والكلام ده احنا عارفين ان احنا لازم نركز عشان نعرف نذاكر المشكله ان احنا مش عارفين نركز ازاى مش عارفين نحفظ ازاى واحنا كلنا بنرجوكم كلكم سواء طلاب او مدرسين انكم تساعدونى ازاى نذاكر ونجيب مجموع كويس يعنى ازاى نحفظ ونقر ازاى عشان نحفظ وكام مره نقر عشان ما ننساش اللى بنحفظه دايما يعنى انا بسال كل انسان متفوق انت بتحفظ ازاى بتذاكر ازاى وياريت تساعدونا بسرعه لان الوقت بيعدى ياريت محدش يبخل علينا برايه او نصيحته وياريت الرد يكون بكره بالكتير وياريت كل واحد يعرف انوا هيفيد تلاميذ كتيراوى وممكن اوى ان يكون مكانا اخوك اواخت اوبنتك او ابنك واكيد هتفيد بلدك قبل كل شى

انا قرفت بجد


ادعوووووووووووووووووووووووووووووووولي

و الله و انا كمان جبت اخري من السنه دي الي مش عايزه تخلص
يا رب بقى نمتحن و نخلص على خير باذن الله
لان فعلا بقى ملل اوي

لا خلى عندك امل وفكرى دايمآ فى مستقبلك وهدفك وخلى عندك تفائل علشان توخشى جامعةكويسةو انتم السابقون ونحن اللاحقون

ايه يا جماعه مينفعش كده احنا كده بنحبط بعض انا برده زهت بس لا مش هنستسلم لاحساس ده يلا يا جماعه قوموا اضووا وصلوا ركعتين وابدا جد بقه كل اللي فات ده كان هزار المراجه هي الخلاصه

انا معاكم ان كتر المذاكرة بقت حاجة تزهق انا فى تانية ثانوى انا بحط قدامى كذا حاجة
1-ابويا اللى قعد يصرف عليا دروس هيعمل ايه لو جبت مجموع وحش
2-تخيل نفسك انتا وابوك لما تجيب مجموع حلو
3-ابوك وهو فى الشغل ويقول ابنى جاب كذا دى مش حاجة تفرحه بردو
4-بص لقدام لما تتجوز وتخلف عشان تصرف على العيال والبيت لازم شغلانة تجيب فلوس عشان تريحهم


انا بعمل كدة معى نفسى لما الاقى نفسى زهقت

اكيد يعنى ساعت ما تكونى باديه دروس بدرى بيجيليك ملل لانك ما اخدتيش اجازه لكن اذا ما خدتيش بدرى فهيبقى عندك 2 او 3 دروس فى اليوم -و فيه واحده زميلتى عملت كده و فى الاخر جابت 46 فى المائه ---------فطبيعى الملل بس حاول تقاومه و تذاكر

انا معاكم ان كتر المذاكرة بقت حاجة تزهق انا فى تانية ثانوى انا بحط قدامى كذا حاجة
1-ابويا اللى قعد يصرف عليا دروس هيعمل ايه لو جبت مجموع وحش
2-تخيل نفسك انتا وابوك لما تجيب مجموع حلو
3-ابوك وهو فى الشغل ويقول ابنى جاب كذا دى مش حاجة تفرحه بردو
4-بص لقدام لما تتجوز وتخلف عشان تصرف على العيال والبيت لازم شغلانة تجيب فلوس عشان تريحهم


انا بعمل كدة معى نفسى لما الاقى نفسى زهقت عين العقل بس اخرتك لو دخلت طب هتبقى عاطل و برده مش هتلاقى تصرف على العيال:039uw8:

ههههههههههه لا ان شاء الله بعد الثوره مافيش عوطليه