مشاهدة النسخة كاملة : الامتحان على البيبان بيخبط .. جرى ايه؟ .. هتتلخبط؟!!!


أحمـدنجـم
20-12-2008, 09:09 PM
الامتحان على البيبان بيخبط .. جرى ايه؟! .. متلخبط؟!


الامتحان على البيبان بيخبط


الكل متلخبط


والطالبات أنواع


يا إما حاسة بالصداع


يا إما بتكون للجميع


من ضمن أسباب الصداع


أي ينعم


الكل رايح للقلم


اللي بيرسم بيه


واللي بيكتب بيه


وأخينا بيشخبط


ولو نقرب م البيوت


نلاقي ادام الكتاب


في واحدة سهرانة


وواحدة ماسكة للريموت


يا عيني حيرانة


ازاي هغمض عيوني


من دريم وروتانا؟


والرابعة نعسانة والصبح كسلانة


في الخط بتبلط


مع إن الامتحان


بيدق ع البيبان .. وبيخبط


في واحدة عاملة للمذاكرة جداول


لو مامتها عازتها


تلقاها ايدها بايدها


دايماً وبتناول


في واحدة عايزة تكون


أحسن وبتحاول


والتالتة بتشوف الكتاب


عفريت


بعبع


أمنا الغولة


أبو رجل مسلوخة


تايهة وملبوخة


زهقانة م الكتاب


- يا بنتي ذاكري


- حاضر يا مامي يعني اقطع نفسي؟


وهي في المراية


واقفة بتتحفلط


مع إن الامتحان


ع البيبان


بيدق .. بيخبط


مع إن الامتحان


كان .. يا ما كان


كان زمان ..


بيقيس تعبنا ف الشهور


بيقيس طلبنا لعلمنا


اللي وهبنا النور


كان يا مكان الامتحان


يا طالباتي .. مسحراتي


ع الطبلة بينقر


اصحى يا نايم


وحد الدايم .. سبحانه من .. صور


شقشق صباح ..


بينادي حي ع الفلاح


بالعلم نحفر طريق


ما بين الصخر للقمحة


بالعلم تفضل برئ


بيه القلوب صالحة


بريء ووقت اللزوم


بتكنولوجيا العلوم


نصبح طيور .. جارحة


اصحى يا نايم .. يا نايم ..


اصحى


كان يا مكان الامتحان ..


كنا نخش اللجان


الوش .. ف الورقة


ونسمي بالرحمن ..


نلقى العسير .. رقة


والغش عين الخيانة


مش غش لا... سرقة


مين غشنا مش مننا


دا ديب بناب .. زرقة


عمر المراقب ما قالي


بس يا غشاش


أصل اللي ييجي بلاش


أكيد يروح ببلاش


والنجاح من غير كفاح


والله ما يسواش


النجاح؟


الله على الكلمة


وأمي كانت تقولي ..


- عارف يا واد يا أحمد ..


أجمل الأفراح النجاح


يوم نتيجتك فرحتك


دي أسعد الأفراح


اسمعوها م العندليب هترتاحو


وحياة قلبي وأفراحه


وهناه ف مساه وصباحه


ما لقيت فرحان ف الدنيا


زي الفرحان بنجاحه


الناجح يرفع ايده


الله يزيده كمان وكمان


ودي فرحة هتفضل دايماً


جوايا ف كل مكان


صورة ومهما تمر سنين


عمر خطوطها ما تتلخبط


لولا العلم ما كان الطين


يقدر لحياته يظبط


الامتحان ع البيبان


بينادي ع الإنسان


لو مش هتلحق مكان


يدوب على باب الحياة


هتتشعبط


هتتشعبط

M.Sherif
20-12-2008, 09:14 PM
كلمة مبدع قليلة عليك
يا مبدع:)

أحمـدنجـم
20-12-2008, 10:14 PM
كلمة مبدع قليلة عليك


يا مبدع:)

جزاك الله خيراً .. وهذا القليل الذي أقدمه لأبنائنا الطلبة والطالبات وجزاك الله كل الخير

الشاعر/محمد علي
20-12-2008, 10:33 PM
كان الل فى عون أبنائنا وبناتنا
ودمت لنا يا شاعر

أحمـدنجـم
20-12-2008, 11:12 PM
جزاك الله خيراً أخي الشاعر الجميل محمد علي وأتمنى تكون قد حققت المقصد منها بإذن الله تعالى

احمد رضا
21-12-2008, 12:06 AM
نجم يا استاذي النجم
كلمات بجد بجد بجد خفيفه وفيها فكر وأهم من الفكر
انها واقعيه فعلا
تسلم ايدك والله
ربنا يهدي الجميع
:)
ويارب ركن ابداعات الاعضاء دايما عامر بيك وبالمحترمين اللي زيك

أحمـدنجـم
21-12-2008, 12:25 AM
;981674']نجم يا استاذي النجم
كلمات بجد بجد بجد خفيفه وفيها فكر وأهم من الفكر
انها واقعيه فعلا
تسلم ايدك والله
ربنا يهدي الجميع
:)
ويارب ركن ابداعات الاعضاء دايما عامر بيك وبالمحترمين اللي زيك
استاذي أحمد رضا اسعدني مرورك أيما سعادة وأخجلني مدحك أيما خجل اعلم يا أخي أني محب لك في الله

مشتاقة لرضا الله
21-12-2008, 04:00 AM
كلمات جميلة جدا يا استاذ احمد
زى ما اتعودنا من حضرتك دايما ندخل نقرا ونضحك ونستمتع ونستفيد

وياريت حضرتك تدعيلنا بقى ربنا يسترها معانا فى الامتحانات

olanor
21-12-2008, 06:53 AM
جزاك الله كل خير يا استذنا وربنا مع اللى
عندهم امتحانات هما فعلا بيبقوا متلخبطين جامد
و الموضوع جميل جدا جدا واكثر من رائع
وحضرتك قدوه ومدرسه سنظل نتعلم منها الكثير والكثير

hend ere
21-12-2008, 03:32 PM
دائما كده بتفاجئنى بمواضيعك المميزه
الله عليك يا استاذى
بجد جميله وجت فى وقتها
فعلا خلاص الامتحانات على الابواب
الله يكون فى عون الجميع
مرسى كثير ليك
ادامك الله لنا مبدعا دائما

حلاا
21-12-2008, 09:45 PM
بجد فعلا قصيده رائعه
وجايه فى ميعادها مظبوط

انا امتحانى باقى عليه اقل من 15 يوم
ربنا يستر


بجد قصديه راااااااائعه يا نجم
ودايما متعودين على كده

ادعولنا بقى

أحمـدنجـم
22-12-2008, 11:12 PM
بجد فعلا قصيده رائعه
وجايه فى ميعادها مظبوط

انا امتحانى باقى عليه اقل من 15 يوم
ربنا يستر


بجد قصديه راااااااائعه يا نجم
ودايما متعودين على كده

ادعولنا بقى
شكراً جزيلاً حلا على مرورك وربنا يوفقك يا رب

المتبتلة
04-12-2009, 11:41 PM
http://img120.imageshack.us/img120/9523/97870564qw0.gif

http://www.yesmeenah.com/smiles/smiles/50/dear%20%281%29.gif

miramoon
12-01-2010, 09:33 PM
كلنا طبعا لازم نتشعبط

ونقر ان الخاطرة اكثر من رائعة

يسلم ايدك يااستاذنا

فى امان الله

الأستاذة ام فيصل
12-01-2010, 11:30 PM
كل الكلمات تعجز عن وصف ابداعاتك
وكلمة مبدع قليله عليك
تقبل تحياتي

فرعونية
12-01-2010, 11:47 PM
دائما استاذ ومبدع دومت متقدم للركب ربنا يوفقك فى ابداعتك دائما ويديم عليك زخر كلماتك المعبرة الخفيفة والقصيدة واقعية جدا ربنا يوفق كل اللى عندهم امتحانات يارب وينجحو جميعا تقبل تحياتى واحترامى الدائم

أحمـدنجـم
13-01-2010, 11:06 PM
http://img120.imageshack.us/img120/9523/97870564qw0.gif



http://www.yesmeenah.com/smiles/smiles/50/dear%20%281%29.gif

شكرا على مرورك ودائما منورة مواضيعي
وألف شكر على باقة الورد الرائعة
كلنا طبعا لازم نتشعبط

ونقر ان الخاطرة اكثر من رائعة

يسلم ايدك يااستاذنا

فى امان الله

شكراً يا ميرامون ويارب أكون دايماً عن حسن ظن الجميع

كل الكلمات تعجز عن وصف ابداعاتك
وكلمة مبدع قليله عليك

تقبل تحياتي

شكراً لمرورك الرائع يا نغم
دائماً منورة موضوعاتي بردودك الرائعة
دائما استاذ ومبدع دومت متقدم للركب ربنا يوفقك فى ابداعتك دائما ويديم عليك زخر كلماتك المعبرة الخفيفة والقصيدة واقعية جدا ربنا يوفق كل اللى عندهم امتحانات يارب وينجحو جميعا تقبل تحياتى واحترامى الدائم
فرعونية .. ألف شكر على مرورك
جزاك الله الخير كله

aymaan noor
16-11-2016, 07:24 PM
رائعة جدا

جزاك الله خيرا و بارك الله فيك