مشاهدة النسخة كاملة : " الدعوة عامة وبقت لمة "
السلام عليكم ورحمة الله وبركاته
صراحة انا بقالي فترة عاوزة اكتب الموضوع دا
بس كنت مكسلة او مترددة ما علينا المهم اني قررت اني اكتبه :romarioxp6:
دلوقتي انا لاحظت شئ مهم جدا
من فترة كدا كلنا سمعنا عن حكاية الطفل اسلام الي مات من كتر ضرب الاستاذ فيه
وحصل بقى ضجة وكل يوم نلاقي خبر
مدرس اعتدى على طالب بالضرب لحد ما جابله عاهة مستديمة
مدرس ضرب طالبة لحد ما اصيبت بالشلل
مدرس عمل وعمل وعمل وعمل .......
والأخبار الي زي كدا عمرنا ما كنا نشوفها في الجرائد الا بعد ما اسلام تعرض للعنف الشديد دا ومات
طبعا موضوعي مش مؤيد بتاتا للضرب والعنف
لان دا موضوع منتهي النقاش فيه
التساؤل بقى الي دايما بيخطر على بالي
اشمعنى دلوقتي ؟؟
اشمعنى اول ما مات اسلام أخدوا بالهم من العنف وكل يوم نلاقي خمسين ستين خبر نازل عن العنف من المدرسين ضد الطلبة ؟؟
هل العنف ضد الطلبة بدأ من بعد ما اسلام مات الله يرحمه ؟؟
ولا هو موجود من زمان بس الصحافة والرأي العام و وزارة التربية والتعليم اخدت بالها انه موجود بعد ما اسلام مات الله يرحمه ؟؟
انا عن نفسي فاكرة مرة وانا في تالتة اعدادي
كنت طالعة على السلالم
وفجأة لاقيت في المشرف على دور الصبيان
ماسك ولد ونازل فيه ضرب وحدف برجله والمصيبة ان الواد كان بيضحك
ههههههههه
ما علينا
بس دا معناه ان العنف شئ مش جديد ولا حاجة
بس هو زي ما انا كاتبة في العنوان
الدعوة عامة وبقت لمة ...
بتهيألي في طلبة بتضرب استاذتهم برده
بس مش بنشوف الموضوع دا عليه ضجة في الصحافة زي موضوع الاساتذة الي بيضربوا الطلبة
الظاهر مستنين لما طالب يموت استاذه عشان يتكلموا :romarioxp6:
وعلى رأي دكتور عندنا في الكلية
قال لطالب في المحاضرة كان سأل سؤال بايخ شوية
الدكتور رد عليه :ايه دا يعني انا آجي اضربك لحد ما تموت
عشان الصحافة تقول
المدرس الجامعي الذي اوسع تلميذه ضربا حتى الموت :)
باختصاااااااااار
ليه بنستنى لحد ما الدعوة تبقى عامة ... وبالتالي بتبقى لمة :romarioxp6: ؟؟
ليه مش نتكلم من الاول .. ونستنى لحد ما المصيبة تحصل ؟؟
آسفة على الاطالة
وتقبلوا تحياتي :)
osho6a1 21-12-2008, 12:44 PM ليه بنستنى لحد ما الدعوة تبقى عامة ... وبالتالي بتبقى لمة :romarioxp6: ؟؟
ليه مش نتكلم من الاول .. ونستنى لحد ما المصيبة تحصل ؟؟
الاسئلة دي اصعب من امتحان الفيزياء اللي لسة ممتحنة
موش عارف الصراحة
الاسئلة دي اصعب من امتحان الفيزياء اللي لسة ممتحنة
موش عارف الصراحة
شكرا لمرورك :)
ربنا يوفقك في الفيزيا :)
CoMMaNdo 21-12-2008, 02:57 PM العنف ضد الطلبه من زمان جدا
دا انا كان فيه مدرس رخم كان بيهرينا ضرب
ربنا يسامحه بقى
مش هانساه ابدا والله :d
حكاية احنى ليه بنستنى لما الدعوه تبقى عامه
هوا احنا كدا بننام ننام ومحدش بيتكلم لغاية محاجه تحصل وكله يفوق
وياريتنا بنفوق ويعمل حاجه ايجابيه
كله كلام سلبى ومبيجيبش اى فايده
وهوب بعدها بكام يوم هيتنسى الحكاية ونرجع لمتش الكوره واليابان والاهلى
وهننسى الى حصل
يعنى بعد ممات اسلام
حصلت هيصه وهجوم على التعليم وبتاع
دلوقتى ولا حاجه اتعدلت
شوية قوانين اتحطت زياده ومش هتتنفذ برضه
شكرا على الموضوع يا هند
نسمة هوى 21-12-2008, 03:56 PM موضوع مهم جدا بس احنا كدة الشعب المصرى اما نسدق حد يحصلة حاجة عشان نتكلم احنا كدة اما نسدق نهيص فى الهيصة و احنا ديما كدة نفضل سكتين ديما لحد اما تيجى النصية زى الحكومة متتحركش غر لما تحصل الكرسة دة العادى بتعنا
..Just Stop 21-12-2008, 04:26 PM اهم حاجة يا هند الهجمة المرتدة
علمونا كده
تستنى خراب مالطا وبعد كدا ناناس تتكلم
مع ان العنف دا حاجة منذ قديم الازل
الظاهر ان محدش كان واخد باله
او كانو عارفين ومطنشين كالعادة
لازم حد يموت علشان الناس تتكلم
::::::::::::::::::
اه فى طلاب بتضرب مدرسينهم
وحصل ادامى الكلام دا
بس الطبيعى ان الطالب ميعملش كدا الا اما المدرس يستفذه اوى يعنى
يعنىالموقف دا
حصل لما المدرس شتم زميلى بولدته ( بس شتيمة شتيمة يعنى )
هنقول ايه بس
ربنا يهدى
:::::::::::::
بتجيبو المواضيع دى منين :d
الأستاذة أم معتصم 21-12-2008, 05:33 PM المشكلة حبيبتى ان الكل بيشوف التجاوزات بس بيخاف يتكلم
بيخاف انه ينطق الحق
ولما بيلاقى اى شخص عندهامانه وشجاعة بدا يتكلم بيبدا يقول طب مانا اتكلم انا كمان
وكتير بينسى ان الساكت عن الحق شيطان اخرس
وفقك الله حبيبتى همس
ميرسى على الدعوة العامة
Sherif Elkhodary 21-12-2008, 05:48 PM بتهيألي في طلبة بتضرب استاذتهم برده
بس مش بنشوف الموضوع دا عليه ضجة في الصحافة زي موضوع الاساتذة الي بيضربوا الطلبة
:excl::excl:لا لا:excl::excl:
مش اي طالب يضرب مدرس :slap1qk6:
و مش اي مدرس يضرب اي طالب :slap1qk6:
ودول بين قوسين خدي بالك حطي الايموشنز معهم جوه القوسين :d
اي نعم هو المفروض ان الطالب يحترمه و كده بس ده مفروض بقا :romarioxp6:
و بعدين ليه بتعتبروا دايما ان اطلب هو اللي غلطان :angry2:
يعني انا كنت روحت الفصل مرة زيارة كده السنة دي
لقيت مدرس يحلف بالله و يقسم بالله و حلفانات بقا و
كتير اوي و يقولي و الله انت اللي كنت بتنط من علي السور يوم ...
يا عم مش انا يقولي لا برده و يحلف و يعمل و عاوز ياخدني علي المدرير و لسه جي بيشدني من هدومي
مش عاوز اكمل خليكوا فاكرين ان انا هادي احسن :av4056bb7jp3:
بس هو اللي بدأ و انا اتفاهمت معاه بالعقل و قولتله بلاش تحلف و نتكلم بهدوء :stickjo4:
بس يالا نصيبه اخد جزائه:av4056bb7jp3: بس انا مكنتش زعلان الا علي الحلفانات اللي كان بيحلفها :angry2:
المهم نرجع لموضوعك ان الطلبة لما بيضربوا المدرسين بيهتموا بيه علي اساس ان الطالب ميقدرشي يعمل حاجة للمدرس
هما فاكرين كده
و علي العموم ربنا يبعدنا عن الضرب و مشاكله
و جزاكم الله خيرا يا همس علي موضوعك
في امان الله:)
شكرا ليكم جميعاااااااا على الردود والمرور ..
ليا عودة وتعليق ان شاء الله على كل رد
بس حبيت اسجل متابعة
EnG.BeLaL 21-12-2008, 07:09 PM هو احنا كده في اي حاجة مش بنفوق إلا
لما المصيبة تحصل
عشان احنا كده وهنفضل طول عمرنا كده
لازم المصيبه تحصل الأول
ونحس خلاص انه فيه غلط
نقوم نتحرك بعد الهنا بسنه
مافيش مره تحصل غلطه
ونعمل حاجه قبل ما المصيبه تحصل
وحكاية ضرب التلاميذ للمدرسين دى بتحصل والله
وانا شفتها اكتر من مره
تسلمى ع الموضوع
مجدي هكر 21-12-2008, 11:32 PM http://www.topforums.net/gallery/files/1/0/0/0/0/3/2/0/9/7/zzzzzzzzpv9.gif
Last Fantasy 22-12-2008, 02:33 PM وعلي رأيك طيب مفيه طلبه بتضرب مدرسينها يعني مسمعناش عن حادثه في ثانوي ليه علشان بيبقي الطلاب كبروا ولو جه مدرس يضرب طالب حيلاقي 100 طالب نطو فوقيه وده بيحصل كتير وحصل قدامي وأنا عن نفسي لو شفت مدرس بيضرب واحد زميلي جامد مش حسيبوا يعني الضرب المعروف بعصايا وأهريه علي ايدو ده عادي مفيش إعتراض يعني حاجه للتخويف مش أكتر مش تيج نشو بالعصايا في دماغو تيجي فاتحهالو
احمد نور 22-12-2008, 04:40 PM السلام عليكم
اعتقد السبب في نشر الموضوع جدا
بدايته من عند جرايد الصف الثاني
اللي تاتي بعد الجرائد القومية
وده بسبب وجود فراغ في القضايا الموجودة
يعني انتهت قصة اسلام وبدأت قصة سوزان تميم لعدة اعداد
وبعدها قصة ليلى غفران
وكأنما نتابع رواية الف مصيبة ومصيبة على وزن الف ليلة وليلة
والنهاية تخلص القصة وتتنسي وندخل في قصة جديدة
وهيفضل ضرب المدرسين شغال زي ما هو
واستفزاز الطلاب للمدرسين موجود
لان دي هي سنة الحياة المدرسية من ايام مسرحية مدرسة المشاغبين
لكن بالتاكيد في اكيد مدرسين بيتجاوزا حدودهم في الضرب وانا مجرب وانا في اعدادي ضرب بحديدة في عز البرد
ولكن مكانش حد بيشتكي ولا بيتكلم
وكنا بنخاف من مدرسينا مش دلوقتي المدرس اذا كانت شخصيته ضعيفة تلاقي الطلبة يركبولوا ديل
ولا يفرقعوا فيه صاروخ من صواريخ رمضان الجميلة :d
القضية لازم نناقشها من الطرفين
من طرف الطالب والمدرس
عشان لانظلم المدرس ولا تظلم الطالب
ده رايي الشخصي
تحيتي واحترامي
احمد نور
العنف ضد الطلبه من زمان جدا
دا انا كان فيه مدرس رخم كان بيهرينا ضرب
ربنا يسامحه بقى
هههههههههههه قلبك ابيض بقى يا محمد
مش هانساه ابدا والله :d
حكاية احنى ليه بنستنى لما الدعوه تبقى عامه
هوا احنا كدا بننام ننام ومحدش بيتكلم لغاية محاجه تحصل وكله يفوق
وياريتنا بنفوق ويعمل حاجه ايجابيه
على رايك بنيجي نكحلها بنعميها
كله كلام سلبى ومبيجيبش اى فايده
كلام عبارة عن هبل في الجبل لا بيودي ولا بيجيب :romarioxp6:
وهوب بعدها بكام يوم هيتنسى الحكاية ونرجع لمتش الكوره واليابان والاهلى
ههههههههههههههه الناس مش قادرة تنسى القلم الي اخداناه دا ولا ايه
وهننسى الى حصل
يعنى بعد ممات اسلام
حصلت هيصه وهجوم على التعليم وبتاع
دلوقتى ولا حاجه اتعدلت
صح ويبقى الحال كما هو :av4056bb7jp3:
شوية قوانين اتحطت زياده ومش هتتنفذ برضه
شكرا على الموضوع يا هند
الشكر لله :078111rg3:
منور الموضوع يا محمد ...
مش تحرمنا من مرورك الجميل دا :)
موضوع مهم جدا بس احنا كدة الشعب المصرى اما نسدق حد يحصلة حاجة عشان نتكلم احنا كدة اما نسدق نهيص فى الهيصة و احنا ديما كدة نفضل سكتين ديما لحد اما تيجى النصية زى الحكومة متتحركش غر لما تحصل الكرسة دة العادى بتعنا
صح احنا دايما بنحب نشبع في الجنازة صويت ولطم :romarioxp6:
على رايك دا العادي بتاعنا ومن غيره مش نعرف نعيش ولا نسدا اننا مصريين وفي مصر :)
شكرا لمرورك يا حبيبة قلبي :)
اهم حاجة يا هند الهجمة المرتدة
علمونا كده
شكلك متأثر بالكورة جامد :d
تستنى خراب مالطا وبعد كدا ناناس تتكلم
بتهيألي لو مالطا خربت مش هنتحرك هنفضل نتكلم وبس
مع ان العنف دا حاجة منذ قديم الازل
الظاهر ان محدش كان واخد باله
او كانو عارفين ومطنشين كالعادة
لازم حد يموت علشان الناس تتكلم
اهو فايدة برده التعداد السكاني بيقل
::::::::::::::::::
اه فى طلاب بتضرب مدرسينهم
وحصل ادامى الكلام دا
بس الطبيعى ان الطالب ميعملش كدا الا اما المدرس يستفذه اوى يعنى
يعنىالموقف دا
حصل لما المدرس شتم زميلى بولدته ( بس شتيمة شتيمة يعنى )
هنقول ايه بس
ربنا يهدى
:::::::::::::
بتجيبو المواضيع دى منين :d
من عند عم ربيع الي في اول الشارع :d
.................................................. .....
ليا عودة اخرى ان شاء الله وتعليق على باقي الردود
:)
قالوا الوداع قولت قشطة 22-12-2008, 06:24 PM الفكره
ان الصحافه عاوزه تعيش اللحظه تعيش مع الشعب الى ما بيصدق يلاقي جديد يكسر الروتين الممل
طلبه ماتت كله بقا يكتب عن الطلبه الى بتموت وبتتضرب
شاي وسكر الدنيا كلها تكتب عن الشاي والسكر
عيش الدنيا كلها تكتب عن العيش
يعنى دا مش في موضوع الضرب بس
تسلم ايدك ع التوضيح وابقي اضربيلي الدكتور على بال ما اشوفه :d
شمس بياض 22-12-2008, 07:59 PM بس يالا نصيبه اخد جزائه:av4056bb7jp3: بس انا مكنتش زعلان الا علي الحلفانات اللي كان بيحلفها :angry2:
المهم نرجع لموضوعك ان الطلبة لما بيضربوا المدرسين بيهتموا بيه علي اساس ان الطالب ميقدرشي يعمل حاجة للمدرس
هما فاكرين كده
استاذ شريف
ينهارك
هو انت ضربت المدرس دا لو حتى عمل ايه جايز شاف واحد شبهك
هو هايحلف بالكدب
وبعدين ياخى مهما حصل دا فى مقام ابوك==او اخوك الكبير
مينفعشى ابدا تقل قيمته حتى لو هو اخطا
وبعدين متعرفش المشرف فى وقت اشرافه بيبقى عامل ازاى
دا انا فى يوم الاشراف بابوس الارض على ان اليوم عدى على خير
مما نراه وكمان مرحله ابتدائى
مابالك بالاعدادى والثانوى
ربنا يهدى
احييك اختى كاتبه الموضوع وشكرا
Sherif Elkhodary 22-12-2008, 09:29 PM استاذ شريف
ينهارك
هو انت ضربت المدرس دا لو حتى عمل ايه جايز شاف واحد شبهك
هو هايحلف بالكدب
لالالا اضرب مين
انا لو كنت عاوز اضربه كنت ضربت
اصحابي عملوها قبل كده في مدرس قدام عيني و انا اللي حشت عنه
انا عري ما اضرب مدرس ابدا مهما كان
انا بس عطيتله كلمتين جامدين جدا طبعا في حدود الادب
و كتبتله علي السبورة احذر دعوة الظلوم
تاني يو جه يعتزر بقا
بس مش اسف و كده
لا قالي كان واحد شبههك
بس انا مضربتوش
مش ضعف بس احترام
وبعدين ياخى مهما حصل دا فى مقام ابوك==او اخوك الكبير
مينفعشى ابدا تقل قيمته حتى لو هو اخطا
وبعدين متعرفش المشرف فى وقت اشرافه بيبقى عامل ازاى
اشراف مين يا استاذة شمس
هو فيه حد اصلا
تقريبا انا اللي كنت موجود بس مع 2 اتنين اصحابي في الدور كله
و يحلف قوله يا مستر مش انا و جاب مصحف و حلف اقوله كده غلط مش مصدق
اعمله ايه ده بقا
و جاي بيشد و الله انا لولا تمالك اعصابي كان حصل حاجات كتيرة
و مكنش عرف يكلمني
بس هما بارده في المدرسة عارفين اني هادي
بس انا مضربتوش دي كلمتين و بس
بس ش اي كلمتين
طيب حضرتك لو مكاني تعملي ايه ؟؟
دا انا فى يوم الاشراف بابوس الارض على ان اليوم عدى على خير
مما نراه وكمان مرحله ابتدائى
الابتدائي علي فكرة اصعب
بس انا شايف ان عندنا في ثانوي طلبة اولي ثانوي ولا طلبة kg2
و الله ده اخد كتابي و ده اخد قلمي
مابالك بالاعدادى والثانوى
ربنا يهدى
يااااااااااااارب
المشكلة حبيبتى ان الكل بيشوف التجاوزات بس بيخاف يتكلم
بيخاف انه ينطق الحق
ولما بيلاقى اى شخص عندهامانه وشجاعة بدا يتكلم بيبدا يقول طب مانا اتكلم انا كمان
صح يا ميس فاطمة احنا دايما بنستنى حد يبدا الخطوة الاولى .. طيب ليه مش كلنا نبدأ مع بعض .. الي فيه طبع مش بيتغير ابدا الا بصوعبة نعمل ايه الله المستعان:romarioxp6:
وكتير بينسى ان الساكت عن الحق شيطان اخرس
وفقك الله حبيبتى همس
ميرسى على الدعوة العامة
بجد انا سعيدة جدا بمرور حضرتك بجد بجد حضرتك نورتي الموضوع
تقبلي تحياتي :078111rg3:
MohammeD el_SadaT 24-12-2008, 12:44 PM عارف الموضوع ده بالضبط عامل زى ايه عامل زى الأفلام العربى اللى البوليص بيجى فيها بعد ما الفيلم يخلص
أهو الصحافه
أو بمعنى أصح الدوله مش بتناقش قضيه بإهتمام غير لما تكبر وتخرج عن إديهم وعلى فكره هى بتخلى الصحافه يناقشو ويتكلمو ويقولوا اللى فى نفسهم على الرغم من إنه ضدهم لسبب واحد إحتواء غضب الشعب
يعنى الشعب هيرتاح لما يلاقى كل يوم صحفى خارج يقول كذا كذا كذا
هيقولك الصحافه بتعبر عن اللى إحنا عاوزينه
والموضوع هيخلص
هى الحكايه كلها عك فى عك
إحنا بالضبط
على رقعه شطرنج وفى دماغنا اننا بنعمل اللى احناعاوزينه لكن وبكل آسف إحنا بنلعب الدور اللى هما عاوزينه
لكن الفن هنه إننا فاكرين اننا بنعمل اللى احناعاوزينه
الكلام ملخبط أنا اصلاً تهت
بس اللى أنا عاوز أقوله إن مفيش حد فاهم حاجه فى اللى بتحصل وأهو كل يوم مشكله الناس تتلهى فيها شويه وبعد كده تختفى وتتنسى وبعد كده مشكله تانيه وهكذا
لكن مفكرتيش إن ممكن تكون المشاكل دى معموله لأسباب تانيه إلهاء الشعب عن حاجه معينه
بصى
كفايه كده عشان انا حاسس انى بدأت أخرج عن الموضوع
mR . mOstafa Fathi 24-12-2008, 01:06 PM لكن مفكرتيش إن ممكن تكون المشاكل دى معموله لأسباب تانيه إلهاء الشعب عن حاجه معينه
افتكر زى موضوع العبارة واللى الناس اتلهت عنه بالماتش
فعلا ممكن يكون سبب
وهتشوف الاستاذ هياخد سنه ولا اتنين والسبب
بيقضى عمله باكراه قصدى باخلاص
هيفضل الحال كدا على طول
:excl::excl:لا لا:excl::excl:
مش اي طالب يضرب مدرس :slap1qk6:
يعني ايه :confused:
و مش اي مدرس يضرب اي طالب :slap1qk6:
يعني ايه برده :confused:
ودول بين قوسين خدي بالك حطي الايموشنز معهم جوه القوسين :d
هههههههههه اه معبرين اوي اوي بجد
اي نعم هو المفروض ان الطالب يحترمه و كده بس ده مفروض بقا :romarioxp6:
اممممممم صح صح مش كل المفروض بيحصل .. ولا اقولك احنا بقينا خلف خلاف دلوقتي نشوف فين الصح ونحود عنه
و بعدين ليه بتعتبروا دايما ان اطلب هو اللي غلطان :angry2:
بصراحة في اغلب الاوقات بيكون هو الغلطان .. انا مش عارفة الطلبة بقوا عاملين كدا ليه ؟؟ بس اغلب الطلبة الي كدا بيبقوا طبيان مش بنات :d
شكلي هنضرب دلوقتي :giljotiiniug3:
يعني انا كنت روحت الفصل مرة زيارة كده السنة دي
هههههههه زيارة واخدت معاك فاكهة اكيد .. اوعى تكون دخلت وايدك فاضية :d
لقيت مدرس يحلف بالله و يقسم بالله و حلفانات بقا و
كتير اوي و يقولي و الله انت اللي كنت بتنط من علي السور يوم ...
يا عم مش انا يقولي لا برده و يحلف و يعمل و عاوز ياخدني علي المدرير و لسه جي بيشدني من هدومي
مش عاوز اكمل خليكوا فاكرين ان انا هادي احسن :av4056bb7jp3:
هههههههه مين قال اننا فاكرينك هادي :romarioxp6:
الله ينور يا شريف .. هما دول الطلبة وغير كدا مش ينفعنا بجد
بس هو اللي بدأ و انا اتفاهمت معاه بالعقل و قولتله بلاش تحلف و نتكلم بهدوء :stickjo4:
هو في اساتذة سوري يعني برده اسلوبهم في التعامل مش كويس خالص ... مش عارفة طلعوا معلمين ازاي ؟؟ عمرهم ما ينفعوا قدوة خالص للواحد
بس يالا نصيبه اخد جزائه:av4056bb7jp3: بس انا مكنتش زعلان الا علي الحلفانات اللي كان بيحلفها :angry2:
ربنا يسامحه خلاص قلبك ابيض يا شريف :d
المهم نرجع لموضوعك ان الطلبة لما بيضربوا المدرسين بيهتموا بيه علي اساس ان الطالب ميقدرشي يعمل حاجة للمدرس
هما فاكرين كده
و علي العموم ربنا يبعدنا عن الضرب و مشاكله
اللهم آآآآآآآآمين
و جزاكم الله خيرا يا همس علي موضوعك
جزانا واياااااااك
في امان الله:)
منور الموضوع يا شريف :)
شد حيلك ربنا يوفقك ان شاااااااااء الله
عاشقـــ الانمى ـــة 24-12-2008, 08:01 PM الموضوع دا فكرنى باستاذ عندنا كان بيحب الضرب اوى
بيضرب بدون اى رحمة طبعا بنات وولاد
تقريبا من اول مسمع الحكاية دى بصى مش بقى بيمسك العصاية خالص
مرة تانية كنا فى المدرسة لقيت مدرسة عندى وقفت ال مش عارفة يجاوب
فبنت يعنى بتقولها يا ميس مش هما منعوا الضرب فى المدارس الميس سبتهم يعدوا
انتى عارفة احلى حاجة تتعاملى فيها مع الطلبة بس المحترمة المسايسة
بس لازم بردوا العصاية عشان الناس ال معندهاش دم تحس شوية
بس تكون خفيفة
مش لدرجة انه يمسك الطالب يموته
هو احنا كده في اي حاجة مش بنفوق إلا
لما المصيبة تحصل
يبقى الجميع متفقين على كدا
شكرا لمرورك يا باشمهندس :)
عشان احنا كده وهنفضل طول عمرنا كده
لازم المصيبه تحصل الأول
ونحس خلاص انه فيه غلط
نقوم نتحرك بعد الهنا بسنه
مافيش مره تحصل غلطه
ونعمل حاجه قبل ما المصيبه تحصل
وحكاية ضرب التلاميذ للمدرسين دى بتحصل والله
وانا شفتها اكتر من مره
تسلمى ع الموضوع
صح هنفضل طول عمرنا كدا ومش هنتغير ابدا
بس برده في بصيص من النور والامل
الله اعلم
( ان الله على كل شء قدير )
ممكن يجي يوم ونتغير
مين عارف:romarioxp6:
شكرا لمرورك وردك يا قمر
منورة التوبيك :)
http://www.topforums.net/gallery/files/1/0/0/0/0/3/2/0/9/7/zzzzzzzzpv9.gif
سلمك الله :)
شكرا على المرور والرد :romarioxp6:
|