مشاهدة النسخة كاملة : هزر هزر ماهي حاجة ببلاش كدا
dr.zomba 22-12-2008, 01:15 AM السلام عليكم ورحمة الله وبركاته
اهلا ومرحبا بكم في موضوعي :stickjo4:
حلوه الدخلة دي ؟ :d
المهم انا هتكلم عن حاجة بتستفزني شخصيا لما بشوفها واكيد بتستفز اي حد
عندنا في الجامعة تلاقي ولد ( وصحبته ) قاعدين جمب بعض - انا بتكلم عن ناس معرفه - وسوري في الكلمة لازقين في بعض في اي مكان بيقعدوا فيه سواء في محاضرة او برا المحاضرات دا مشهد مستفز وهما قاعدين مثلا بيتكلموا
المشهد التاني وهما بيهرجوا مع بعض
تلاقي الولد من دول وهو بيهرج مع ( صحبته ) مثلا يلوي دراعها يضربها في كتفها معلش فيي الكلمة يقرصها من درعها
وقدامي شوفت ولاد وبنات بيلعبوا كهربا وكانت بنت هي اللي فيها وبتجري ورا ولد وعشان ميخليهاش تمسكه بيهوشها برجله جت في بطنها بس علي خفيف
واحد اعرفه مش صاحبي اوي يعني هو وصحبته تهريجهم والله العظيم بيقرفني لما يقعد يهرج معاها ويضربها وبعد كدا هي تقوم تجري وراه و المشكله انه عنده اخت بنت
طب في ولد راجل يرضي علي اخته انها تهرج التهريج دا مع ولاد ويمدوا ايدهم عليها وبتاع
دا الرسول صلي الله عليه وسلم بيقول " لأن يطعن في رأس رجل بمخيط من حديد خير من أن يمس امرأة لا تحل له "
ما بالك بقي باللي بيكونوا اعدين لازقين جمب بعض ولما يهرجوا يبقي تهريجهم كله بمد الايد وان بقي عادي جدا انه يحط ايده عليها ويمسكها كدا
اظن عيب اوي اوي اللي بنعمله دا
من وجهة نظري الشخصية ان اي بنت تسمح لولد ــ مهما كانت بتعتبره ــ انه يمد ايده عليها دي بتسقط من نظري تماما
بس يا ترا دي ظاهره وهتنتهي ؟
طب وايه سببها اصلا ؟
و في النهاية بقول ربنا يهدي
واسف لو كان في كلام خارج شوية او حاجة زي كدا بس انا مش عارف اوصف الموقف باقل من كدا
Taleba Me7tasa 22-12-2008, 02:10 AM ما انت قلتها
حاجة ببلاش كدة
فكرتني بالمناظر المقرفة دي
مرة شفنا انا وصحبتي ولدين وبنتين على ترابيزة
وهزار رخم بقى بالايد
بيضربها بالقلم وهي ما شاء الله الابتسامة البلهاء من الودن للودن
والتاني بيلاعب التانية رست
انما ف الكلية هما اخرهم قعدة وهزار بالكلام
نادرا بقى اما تلاقي حاجة مستفزة عندنا الحمد لله
يعني مثلا تلاقي ولاد وبنات ما شاء الله طول الباب وبيجرو ورا بعض
تحس انهم بيرجو الدنيا حواليك كما في ازازة الحاجة الساقعة
ممكن تكون عقدة منذ الطفولة
الله اعلم
السبب انها بنات مش واعية
حوارات الافلام والمسلسلات واكلة دماغهم
(دة غير ناس تانية بتاكل برضه ف دماغهم)
سؤال يعني احنا شفنا ايه منظر للكلية ف التليفزيون او الافلام غير كدة
عامة شكرا ع الموضوع يا عادل
كان نفسي اتكلم اكتر بس كفاية كدة
CoMMaNdo 22-12-2008, 03:15 AM اوعى تكون بتجيب سيرة حازم:d
هههههههههههه
والله يا عادل الواحد مقروف من المناظر دى اصلا
ومقروف من البنات الى كدا
ومقروف من الى بيعملوه
بس الولاد غلطانين برضه
يعنى الغلط مش على البنت بس
بس الغلط على البنت اكتر من الواد :)
منور يا عادولا العام
عقبال متتخرج وتمسك حسابات الموقع كدا يارب :d ::p
marwa.m 22-12-2008, 10:25 AM السلام عليكم
انا بجد مصدومة مش متخيلة ان الموضوع وصل لكدة
وازاى فى بنات بتعمل كدة
للاسف الاخلاقيات والقيم اتمحت من الناس
وبعدين الشاب لما يلاقى البنت بتعدى الى بيحصل كدة عادى
بيتمادى فيها
المفروض الولد قبل ما يعمل اى حاجة يفكر فى ان عندة اخت وام وخالة وعمة
وممكن يحصل فيهم كدة
والبنت قبل ما تسمح ان المهزلة دى تحصل
مفروض تفكر فى باباها الى ادها الثقة
والحرية فتقوم هيا تستغلهم غلط
ربنا يهدى الجميع يارب
شكرااااااااا على الموضوع
Last Fantasy 22-12-2008, 11:35 AM يا جماعه سواء الغلط علي الولد أو البنت كرامة البنت بتتهان أكتر يعني لو شفنا ولدين بيهزرو ده يبقي عادي لكن لو شفنا بنتين يبقي حنسغرب يعني لازم البنات تخلي بالها كويس
اهلا ومرحبا بكم في موضوعي :stickjo4:
حلوه الدخلة دي ؟ :d
محسسنى انك بتقدم نشرة العاشرة مساءا
:d
لا بس حلوة
:p
للاسف بجد المشاهد دى بقت طبيعيه جدااااااا
ولا العيد بقى والكورنيش الصراحه بتبقى مناظر روعه
كان فيلم سينما معروض
طب انت وانتى مش حاسين ان اللى بتعملوه ده غلط ولا يليق ابدا
بلاش عشان نفسكوا عشان حتى غيركوا الشباب والبنات انتوا كده بتكونوا سبب عثرة ليهم هما كمان
بجد بتبقى مناظر مستفزة جدا
بجد انا مش عارفة اقول ايه
ربنا يهديهم قادر على كل شىء
بجد موضوعك بيناقش حاجه مهمه جدا ولو اهملناه العواقب هتكون سيئة جدا
تقبل مرورى
Travel 22-12-2008, 06:23 PM اهلا ومرحبا بكم في موضوعي :stickjo4:
حلوه الدخلة دي ؟ :d
اهلاا بكابتن شوبير :d
بسجل متابعة ولما ادخل تان هرد
:(
قالوا الوداع قولت قشطة 22-12-2008, 06:31 PM دي بس المناظر الى بتشوفها
ياه دا انتا مرتاح يا راجل
روح شارع تل ابيب ولا لف ستريت يوم عيد الحب وانتا تشوف الكلام ادخل جزيره الورد في وقت المحضرات البنات الى بتزوغ كأنها في اعدادي وتروح تقابل الهطل من دول وبيعملو حجات مفيش داعي نذكرها
والله المجتمع كله اصبح بؤره فساد
وانا واحد من الناس الى زكرتهم دول
بس الحمد لله
ربنا بيهدي
ادعيلهم بس ربنا يهديهم
the black rose 22-12-2008, 06:41 PM ايه يا عم عادل ده
الحمدلله انى لسة مدخلتش جامعة
على كدا بقى ازهرى ده رحمة
بس بجد انا مش متخيلة ان فى واحدة بتقبل على نفسها كدا
و هى شايفة الناس بيتفرجوا عليها و هى عادى :confused:
هو اكيد هما الاتنين بيكونوا غلطانين
بس للاسف فى مجتمعنا البنت عليها الجزء الاكبر من الغلط
طب في ولد راجل يرضي علي اخته انها تهرج التهريج دا مع ولاد ويمدوا ايدهم عليها وبتاع
او حتى فى راجل يقبل على نفسه المنظر ده
لا حول ولا قوة الا بالله
فين الرجالة
و فين حياء البنت :(
اكيد ده بيرجع جزء كبير منه على الاعلام
خلاص فى المسلسلات و الافلام المناظر دى عادى :mad:
شكرا يا عادل عالموضوع ربنا ميوريناش .....
MoHaMeD ELsHeRbEnY 22-12-2008, 07:06 PM السلام عليكم ورحمة الله وبركاته
عليكم السلام ورحمة الله وبركاتة
اهلا ومرحبا بكم في موضوعي :stickjo4:
حلوه الدخلة دي ؟ :d
منتظرين الجوووووووووووون
المهم انا هتكلم عن حاجة بتستفزني شخصيا لما بشوفها واكيد بتستفز اي حد
اكيد ياعدول
عندنا في الجامعة تلاقي ولد ( وصحبته ) قاعدين جمب بعض - انا بتكلم عن ناس معرفه - وسوري في الكلمة لازقين في بعض في اي مكان بيقعدوا فيه سواء في محاضرة او برا المحاضرات دا مشهد مستفز وهما قاعدين مثلا بيتكلموا
والله ياعادل مش عندكم انتم بس
انا فى كلية اداب
يعنى كعب على
وسمعنى احلى سلام ياجدع
بس والله ياعادل الى انت قلتة دة لو كدة بس
يبقى لسة فية احترام
والله ياعادل انا اغلب خناقاتى
بسبب بنات ولاد بلدى مثلا لما بشوفهم فى منظر زى دة
وفى الاخر انا الى بطلع غلطان
الناس تقعد تقولى وانت مالك ميولعو
بس فعلا الواحد بيتكسف لما بيشوف موقف زى دة
ربنا يستر علينا على اخوتنا
المشهد التاني وهما بيهرجوا مع بعض
قصدك الشوط التانى !!!
لسة مشفناش اجوان ياعادل
عدل الخطة مينفعش كدة
تلاقي الولد من دول وهو بيهرج مع ( صحبته ) مثلا يلوي دراعها يضربها في كتفها معلش فيي الكلمة يقرصها من درعها
ههههههههههههههههههههههه
طيب لما تشوف بنت هيا الى بتضرب الواد
وهوة عامل نفسة واد بتاع بابى ومامى
ولما يشوف واحد بيتخانق علشان واحدة من بلدة مثلا
يقولك اية العيال البلدى دى
لسة عايشين فى الزمن دة
وقدامي شوفت ولاد وبنات بيلعبوا كهربا وكانت بنت هي اللي فيها وبتجري ورا ولد وعشان ميخليهاش تمسكه بيهوشها برجله جت في بطنها بس علي خفيف
لا والله دا هما كدة محترمين
وعديهم العيب
ربنا يستر علينا وعلى اخواتنا يارب
واحد اعرفه مش صاحبي اوي يعني هو وصحبته تهريجهم والله العظيم بيقرفني لما يقعد يهرج معاها ويضربها وبعد كدا هي تقوم تجري وراه و المشكله انه عنده اخت بنت
كما تدين تدان
واراهن على 1000 جنية ان هيحصل لحد يخصة نفس دة
طب في ولد راجل يرضي علي اخته انها تهرج التهريج دا مع ولاد ويمدوا ايدهم عليها وبتاع
دا الرسول صلي الله عليه وسلم بيقول " لأن يطعن في رأس رجل بمخيط من حديد خير من أن يمس امرأة لا تحل له "
صدق رسول الله صلى الله علية وسلم
ما بالك بقي باللي بيكونوا اعدين لازقين جمب بعض ولما يهرجوا يبقي تهريجهم كله بمد الايد وان بقي عادي جدا انه يحط ايده عليها ويمسكها كدا
اظن عيب اوي اوي اللي بنعمله دا
من وجهة نظري الشخصية ان اي بنت تسمح لولد ــ مهما كانت بتعتبره ــ انه يمد ايده عليها دي بتسقط من نظري تماما
ومن نظر الجميع والله ياعادل
لانها فعلا بتبقى مش محترمة
بس يا ترا دي ظاهره وهتنتهي ؟
طول ماحنا كدا بعيد عن دينا
وعن عقيدتنا
ماظنش انها هتنتهى
طب وايه سببها اصلا ؟
البعد عن الدين قلنا ياعم :slap1qk6:
و في النهاية بقول ربنا يهدي
واسف لو كان في كلام خارج شوية او حاجة زي كدا بس انا مش عارف اوصف الموقف باقل من كدا
ياعم والله موضوعك دا كدا محترم جدا جدا
بالنسبة للى بنشوفة
ربنا يستر علينا
بس ماظنش ان هيبقى فية نتغير طول ماحنا بعيد عن دينا
وعن سنة رسولنا
صلى الله علية وسلم
mahmmod_ghreeb 22-12-2008, 07:14 PM ربنا يهديهم
ويهدي جميع الشباب والبنات
شكرا يا مان
prince Of Love 22-12-2008, 07:17 PM موضوع جميل جدا فعلا
و بعدين البنت هي اللي بتسمح للشاب بكدة
يا راجل دي لو خطيبتك مش هتعمل معاها كدة ف الشارع أو الكلية
إتقوا الله بقى و إعملوا حساب لآخرتكم و لدنيتكم اللي ربنا مش هيخرجك منها
غير لما يخلص اللي عليك ... يعني هيخلص ف أختك أو أمك أو بنت عمك و هكذا
لا حول ولا قوة إلا بالله
المجاهد فى سبيل الله 22-12-2008, 07:20 PM كنت لسه يا محمود ولله
حقول يا جماعه محدش هنا فى اداب المنصوره
كلية الكعب العالى
الحمدلله
الحمدلله بجد
ان الازهر مفهوش اختلاط
لاننا ازهر
بجد دى نعمه
بس المناظر دى بتتكرر كتير اوى
طب مين الى يمشى على الكورنيش
وبيشوف فلم الوساده الخاليه
انا بتفرج على افلام يا جدع وبالذات المنقبين بعضهم طبعا مش كلهم او مش المنقبين لان دول استحالهم تسميهم منقبين
دول الى بيدعوا النقاب
لا برضه
نقول دول الى بيسيئوا للمحترمات الى لابسين نقاب
يا نهاااااااار حد هنا تانى من المنصوره يا جدعان
بجد لاحول ولا قوة الا بالله
مشتاقة لرضا الله 22-12-2008, 07:24 PM السلام عليكم ورحمة الله وبركاته
اهلا ومرحبا بكم في موضوعي :stickjo4:
حلوه الدخلة دي ؟ :d
المهم انا هتكلم عن حاجة بتستفزني شخصيا لما بشوفها واكيد بتستفز اي حد
طبعا
عندنا في الجامعة تلاقي ولد ( وصحبته ) قاعدين جمب بعض - انا بتكلم عن ناس معرفه - وسوري في الكلمة لازقين في بعض في اي مكان بيقعدوا فيه سواء في محاضرة او برا المحاضرات دا مشهد مستفز وهما قاعدين مثلا بيتكلموا
ده مشهد متكرر كتير كل يوم وكل شوية واللى بيضايق اكتر انهم عارفين ان ده عيب وبيعملوه
المشهد التاني وهما بيهرجوا مع بعض
تلاقي الولد من دول وهو بيهرج مع ( صحبته ) مثلا يلوي دراعها يضربها في كتفها معلش فيي الكلمة يقرصها من درعها
انا ماشفتش كده انما عادى ممكن جدا اى بنت تسمح لواحد انه يهزر معاها تستحمل بقى اللى هيرجالها
وقدامي شوفت ولاد وبنات بيلعبوا كهربا وكانت بنت هي اللي فيها وبتجري ورا ولد وعشان ميخليهاش تمسكه بيهوشها برجله جت في بطنها بس علي خفيف
لا تعليق
واحد اعرفه مش صاحبي اوي يعني هو وصحبته تهريجهم والله العظيم بيقرفني لما يقعد يهرج معاها ويضربها وبعد كدا هي تقوم تجري وراه و المشكله انه عنده اخت بنت
طب في ولد راجل يرضي علي اخته انها تهرج التهريج دا مع ولاد ويمدوا ايدهم عليها وبتاع
مفيش راجل محترم يسمح لاخته انها يبقى ليها صحاب ولاد لان دى كارثة اساسا
دا الرسول صلي الله عليه وسلم بيقول " لأن يطعن في رأس رجل بمخيط من حديد خير من أن يمس امرأة لا تحل له "
قليلين اوى اللى عارفين الحديث ده واقل منهم هما اللى بيطبقوه
ما بالك بقي باللي بيكونوا اعدين لازقين جمب بعض ولما يهرجوا يبقي تهريجهم كله بمد الايد وان بقي عادي جدا انه يحط ايده عليها ويمسكها كدا
اظن عيب اوي اوي اللي بنعمله دا
عيب وحرام كمان مفيش شك
من وجهة نظري الشخصية ان اي بنت تسمح لولد ــ مهما كانت بتعتبره ــ انه يمد ايده عليها دي بتسقط من نظري تماما
عندك حق
بس يا ترا دي ظاهره وهتنتهي ؟
ان شاء الله تنتهى طول مافى ناس محترمة ولسه بتخاف من ربنا
بس فى حاجة مخليانى محتارة جدا
لما مرة كلمت بنت من البنات اللى بيعملوا دايما كده لقيتها متدينة وطريقة تفكيرها عجبتنى
انا مكلمتهاش على اللى هى وصحابها بيعملوه انما كان كلام عام
فوجئت انها وكل صحابها البنات ليهم تفكير كويس
وكمان بيطلعوا يصلوا وكمان بحس ان عندهم ايمان قوى
ورغم كل ده بيعملوا حركات بايخة مع الولاد وده اللى هيجننى
ربنا يهدينا ويهديهم جميعا
طب وايه سببها اصلا ؟
مش هقول الاهل وعدم تربيتهم لان ده كان زمان
اما دلوقتى فكل واحدة مسئولة عن نفسها وعن اللى بتعمله
وكمان الشباب دى مش لسه صغيرين عشان حد يقولهم عيب عليكم كده
كل واحد مسئول عن تصرفاته
وكمان التنشئة والتربية عليها عامل كبير بس لفترة معينة انما فترة الكلية دى بيبقى الواحد مسئول عن نفسة كاملا لان مفيش حد بيروح يحكى لاهله ده انا حصل معايا كذا وكذا فى الكلية
فبيبقى الولد والبنت الفترة دى اكنهم فى عالم تانى لوحدهم
وبرضه ربنا يهدينا جميعا
و في النهاية بقول ربنا يهدي
واسف لو كان في كلام خارج شوية او حاجة زي كدا بس انا مش عارف اوصف الموقف باقل من كدا
مفيش كلام خارج ولا حاجة انما ده موضوع مهم وكان لازم يتناقش فعلا
انا كمان كنت عايزة اتكلم فى الموضوع ده بس ماكنتش هعرف اوصفه بالطريقة الحلوة دى
جزاك الله كل خير
MoHaMeD ELsHeRbEnY 22-12-2008, 07:25 PM يا نهاااااااار حد هنا تانى من المنصوره يا جدعان
بجد لاحول ولا قوة الا بالله
نص المنتدى من المنصورة ياعم احمد
بس على فكرة
انا معاك فى ان اداب المنصورة
بايظة جدا
وبايظة دى كمان متجيش حاجة فيها
بس بردك والله الكلية فيها محترمين كتير بردك
وزى مافية الحلو فية الوحش
هوة انت من المنصورة ياحمد ؟
ربنا يستر علينا وعلى اخواتنا
:: [ K A B B O W ] :: 22-12-2008, 07:28 PM لا حول ولا قوة الا بالله
قال تعالى ( واتقوا يوما ترجعون فيه الى الله )
صدق الله العظيم
اسف يا اخى كلمة رجال او اولاد التى قلتها لا تنطبق على هؤلاء
(إنما الامم الأخلاق ما بقيت ... فإن هم ذهبت أخلاقهم ذهبوا)
لا حول ولا قوة الا بالله
جزاك الله خيرا على هذا الموضوع الذى يعبر عن اشياء نراها للاسف فعلا
تحياتى لك
لمى 2016 22-12-2008, 07:37 PM السلام عليكم ورحمة الله وبركاته
اهلا ومرحبا بكم في موضوعي :stickjo4:
حلوه الدخلة دي ؟ :d
اها جميلة
عثل جدا اوى خالص
المهم انا هتكلم عن حاجة بتستفزني شخصيا لما بشوفها واكيد بتستفز اي حد
عندنا في الجامعة تلاقي ولد ( وصحبته ) قاعدين جمب بعض - انا بتكلم عن ناس معرفه - وسوري في الكلمة لازقين في بعض في اي مكان بيقعدوا فيه سواء في محاضرة او برا المحاضرات دا مشهد مستفز وهما قاعدين مثلا بيتكلموا
المشهد التاني(هى مسرحية) وهما بيهرجوا مع بعض
تلاقي الولد من دول وهو بيهرج مع ( صحبته ) مثلا يلوي دراعها يضربها في كتفها معلش فيي الكلمة يقرصها من درعها
وقدامي شوفت ولاد وبنات بيلعبوا كهربا وكانت بنت هي اللي فيها وبتجري ورا ولد وعشان ميخليهاش تمسكه بيهوشها برجله جت في بطنها بس علي خفيف
معلش بس ايه لعبة كهربا دى؟
و بعدين يعنى ايه
البنت هى اللى فيها
فيها ايه بقى؟
واحد اعرفه مش صاحبي اوي يعني هو وصحبته تهريجهم والله العظيم بيقرفني لما يقعد يهرج معاها ويضربها وبعد كدا هي تقوم تجري وراه و المشكله انه عنده اخت بنت
طيب و ايه اللى يقرف فى كدا
طب في ولد راجل يرضي علي اخته انها تهرج التهريج دا مع ولاد ويمدوا ايدهم عليها وبتاع
ما هو لو كان راجل اصلاً
دا الرسول صلي الله عليه وسلم بيقول " لأن يطعن في رأس رجل بمخيط من حديد خير من أن يمس امرأة لا تحل له "
ما بالك بقي باللي بيكونوا اعدين لازقين جمب بعض ولما يهرجوا يبقي تهريجهم كله بمد الايد وان بقي عادي جدا انه يحط ايده عليها ويمسكها كدا
اظن عيب اوي اوي اللي بنعمله دا
من وجهة نظري الشخصية ان اي بنت تسمح لولد ــ مهما كانت بتعتبره ــ انه يمد ايده عليها دي بتسقط من نظري تماما
ما هى لو عندها دين
مكانتش تسمح لحد اصلا
انه يقولها اكتر من سلام عليكم
بس يا ترا دي ظاهره وهتنتهي ؟
لا دى مش ظاهرة
لان لو كانت ظاهرة
مكانتش طولت اوى كدة
طب وايه سببها اصلا ؟
الجهل و الامية فى المعلومات الدينية
و اننا بنشوف اغلب الحاجات العجيبة دى
على اساس انها حاجات عادية
رغم انها مش عادية خالص
و في النهاية بقول ربنا يهدي
يا رب
واسف لو كان في كلام خارج شوية او حاجة زي كدا بس انا مش عارف اوصف الموقف باقل من كدا
لا و لا يهمك
ثانكس على التوبيك
karim elmasry 22-12-2008, 07:41 PM No comment besara7a :D
dr.zomba 22-12-2008, 08:50 PM ما انت قلتها
حاجة ببلاش كدة
فكرتني بالمناظر المقرفة دي
مرة شفنا انا وصحبتي ولدين وبنتين على ترابيزة
وهزار رخم بقى بالايد
بيضربها بالقلم وهي ما شاء الله الابتسامة البلهاء من الودن للودن
والتاني بيلاعب التانية رست
عادي بقي طالما هي قبلت علي نفسها تستحمل بقي اقلام شلاليت عادي
انما ف الكلية هما اخرهم قعدة وهزار بالكلام
نادرا بقى اما تلاقي حاجة مستفزة عندنا الحمد لله
يعني مثلا تلاقي ولاد وبنات ما شاء الله طول الباب وبيجرو ورا بعض
تحس انهم بيرجو الدنيا حواليك كما في ازازة الحاجة الساقعة
ممكن تكون عقدة منذ الطفولة
الله اعلم
ههههههههههه لاوالله انتوا طلعتوا محترمين مش زي عندنا
السبب انها بنات مش واعية
حوارات الافلام والمسلسلات واكلة دماغهم
(دة غير ناس تانية بتاكل برضه ف دماغهم)
سؤال يعني احنا شفنا ايه منظر للكلية ف التليفزيون او الافلام غير كدة
فعلا لا واحنا اجدع ناس تقلد
عامة شكرا ع الموضوع يا عادل
كان نفسي اتكلم اكتر بس كفاية كدة
والله هو الكلام في الموضوع دا مش هيخلص
بس عامة نورتي الموضوع بمرورك وردك
اوعى تكون بتجيب سيرة حازم:d
هههههههههههههههههه وهو في غيره:049gc0:
هههههههههههه
والله يا عادل الواحد مقروف من المناظر دى اصلا
ومقروف من البنات الى كدا
ومقروف من الى بيعملوه
هو المنظر كله علي بعضه مقرف
بس الولاد غلطانين برضه
يعنى الغلط مش على البنت بس
بس الغلط على البنت اكتر من الواد :)
بص هو علي الاتنين ويمكن الاتنين بنفس النسبة وإن مكنش الولاد اكتر كمان بس مشكلة البنات انهم في ايديهم يوقفوا الولاد عند حدودهم وطالما معملوش كدا يبقي دا غلطهم الاكبر
منور يا عادولا العام
عقبال متتخرج وتمسك حسابات الموقع كدا يارب :d ::p
هي هي هي هي ايه يا واد الخفة دي :slap1qk6:
نورت يا محمد الموضوع ومتبقاش تيجي هنا كتير بقي :p
فوزي الحديدي 22-12-2008, 09:00 PM فعلا والله بقت حاجة مقرفة
مشكور على الموضوع
مس رانيا حسن 22-12-2008, 09:01 PM تفسيرى لما يحدث نوع من تقليد الاجانب
والتشبه بهم girl- boy friend
علاوة على التاثر بما يشاهدونه فى التليفزيون
وكان الموضوع اصبح شىء عادى
جزاكم اله خيرا على هذا الموضوع الهام
جعله الله فى ميزان حسناتك
dr.zomba 22-12-2008, 09:03 PM السلام عليكم
انا بجد مصدومة مش متخيلة ان الموضوع وصل لكدة
وازاى فى بنات بتعمل كدة
للاسف الاخلاقيات والقيم اتمحت من الناس
وبعدين الشاب لما يلاقى البنت بتعدى الى بيحصل كدة عادى
بيتمادى فيها
اكيد طبعا بيتمادي فيها لانه مش لاقي اعتراض يبقي تمام بقي براحته
المفروض الولد قبل ما يعمل اى حاجة يفكر فى ان عندة اخت وام وخالة وعمة
وممكن يحصل فيهم كدة
والله لو كل الولاد فكروا في كدا مش هنلاقي اي من المناظر دي
والبنت قبل ما تسمح ان المهزلة دى تحصل
مفروض تفكر فى باباها الى ادها الثقة
والحرية فتقوم هيا تستغلهم غلط
ربنا يهدى الجميع يارب
شكرااااااااا على الموضوع
وهي للاسف كدا بتخون ثقة وامانة كبيرة اهلها ادوهالها
ربنا يهدي الجميع
شكرا علي المرورد والرد نورتي الموضوع :)
يا جماعه سواء الغلط علي الولد أو البنت كرامة البنت بتتهان أكتر يعني لو شفنا ولدين بيهزرو ده يبقي عادي لكن لو شفنا بنتين يبقي حنسغرب يعني لازم البنات تخلي بالها كويس
بالظبط وللاسف مش عارف ازاي في بنات مش منتبهين للموضوع
ربنا يهدي
شكرا علي المرور والرد نورت الموضوع :)
فداك يا مصر 22-12-2008, 09:17 PM الظاهرة من المفترض ألا تكون موجودة في بلد عربي مسلم يعرف القيم والأخلاق اللذان يكاد ينعدم وجودهما خصوصا بين الجيل الجديد السبب من وجهة نظري الأب والأم في كونهم لم يستطيعوا خلق مناخ وعلاقة عاطفية متينة مبنية على الثقة والاحترام وعرض الأراء ومناقشتها ..
للأسف أيامنا ، هذه أغلب الشباب والبنات لا يرون الأب إلا عند استلام المصروف وطلب مايريد من احتياجات مادية ، أيضا شعور الشاب بنفسه ومحاولته الاستقلالية الخاطئة ولا ننسى الدور الكبير الذي تلعبه الرفقة فلتقل لي من تجالس أقل لك من أنت ..
تقبل مروري ...
dr.zomba 22-12-2008, 09:22 PM محسسنى انك بتقدم نشرة العاشرة مساءا
:d
لا بس حلوة
:p
اي خدمة :d
للاسف بجد المشاهد دى بقت طبيعيه جدااااااا
ولا العيد بقى والكورنيش الصراحه بتبقى مناظر روعه
كان فيلم سينما معروض
لا العيد دا حكاية لوحده جامعة الدول ومدينة نصر دا غير الكورنيش دي بتبقي مسرحية مش سينما بس
طب انت وانتى مش حاسين ان اللى بتعملوه ده غلط ولا يليق ابدا
بلاش عشان نفسكوا عشان حتى غيركوا الشباب والبنات انتوا كده بتكونوا سبب عثرة ليهم هما كمان
بجد بتبقى مناظر مستفزة جدا
بجد انا مش عارفة اقول ايه
ربنا يهديهم قادر على كل شىء
بجد موضوعك بيناقش حاجه مهمه جدا ولو اهملناه العواقب هتكون سيئة جدا
ماهو فعلا للاسف انهم مش بيأذوا نفسهم وبس لا دول بيأثروا علي اي حد بيشوفهم بمناظرهم اللي تقرف دي
بس هنقول ايه ربنا يهدي
تقبل مرورى
تقبلته :d
شكرا علي المرور والرد يا فيفا نورتي الموضوع :)
اهلاا بكابتن شوبير :d
:cool:
بسجل متابعة ولما ادخل تان هرد
:(
ماشي اتسجلت:078111rg3:
دي بس المناظر الى بتشوفها
ياه دا انتا مرتاح يا راجل
روح شارع تل ابيب ولا لف ستريت يوم عيد الحب وانتا تشوف الكلام ادخل جزيره الورد في وقت المحضرات البنات الى بتزوغ كأنها في اعدادي وتروح تقابل الهطل من دول وبيعملو حجات مفيش داعي نذكرها
هههههههههههههههه يا باشا دي مصيبة تانيه خالص دول ضايعين انما انا بتكلم عن النوعية التانيه اللي ممكن ممكن يكونوا مش عارفين ان الي بيعملواه دا مثلا غلط ( إن وجد )
والله المجتمع كله اصبح بؤره فساد
وانا واحد من الناس الى زكرتهم دول
بس الحمد لله
ربنا بيهدي
ادعيلهم بس ربنا يهديهم
ربنا يثبتك ويهديهم يارب
نورت الموضوع يا باشا شكرا علي المرور والرد :)
hazem_ayman 22-12-2008, 09:31 PM ايه يا لورد كدا انت بتبوظ صورة كليتنا يا عم
اكتر ماهى بايظة
Sherif Elkhodary 22-12-2008, 09:51 PM اولا السلام عليكم ورحمة الله وبركاته
شكرا يا دولة علي طرحك للموضوع المهم اوي ده
( حلوة دولة دي مش كده)
طيب انتوا كلكوا بتقولوا في الكامعة و الكوغنيش
انا روحت كامعة قبل كده
شوفت فيها كتير
بس بجد مش هيكون اسخن من المكان اللي باخد فيه درس فيزيء بليل
بجد اعوذ بالله
دول بقا
كاسيات عاريات
واقفين سوري _لاذقين في شباب في سنهم _
طيب انا كنت مرة طالع و ببص قدامي لقيت بنت واقف حواليها اكتر من 6 شباب
و لا حول و لا قوة الا بالله العلي العظيم
اعوذ بالله في اللي هي عاملاه في نفسها
بجد و الله انا لما بشوف الشباب اللي واقف معاها بحزن علي حال المسلمين الذي اصبح بهذا الشكل
و ياريتها تيجي علي الوقف
اعوذ بالله
كفاية كده بدل ما اتوقف
جزاكم الله خيرا اخي في الله عادل
في امان الله
Sharp Nails 22-12-2008, 09:53 PM والله انا كنت عاوزة اعمل الموضوع دة
بس بصراحة كنت محرجة اعمله
الموضوع محتاج جرأة
المهم
والله عندك حق ياعادل البنات اصلا هى الى سورى يعنى متربتش
دة انا بشوف مناظر
خصوصا انى من الناس الى ودنها سمعات وعنيها كاميرا
بلقط اى حاجة معدية كدة
عندك مثلا
انت بتقول شوفت ولاد وبنات بيلعبوا كهربا
طب تخيل انى شوفت ولاد وبنات بيلعبوا بيبسى
وبالنسبة للفقرة التانية مالموضوع
ان الولد يهزر مع البنت بايده
فانا بقى شوفت مرة ولد لطش بنت على وشها وكان بجد
وصحاب عاتى جداا الديك بيدن
انا من رأيى ان البنت هى السبب
لما تسمح لولد مرة يقولها كلمه بكرة يتعود عليها ويقولها كلام
ولما تسمحه يلمسها مرة بكرة يديها الام
يستهلوا والله الى يجرلهم واكتر كمان
وبس بقى عشان انا مبقوقة منهم
والموضوع دة هيوسع منى
على فكرة ياعادل جاتلى بنت ياعينى عمالة تعيط وتقولى مش عاوزة ادخل الجامعة
اقولها لية يابنتى تقولى موضوع عادل عقدنى
اتبسطت عقدتلنا الاطفال
** MR.SmilE ** 22-12-2008, 10:17 PM السلام عليكم ورحمة الله وبركاته
اهلا ومرحبا بكم في موضوعي :stickjo4:
حلوه الدخلة دي ؟ :d
و جووووووووووووووووووووووون :av4056bb7jp3:
المهم انا هتكلم عن حاجة بتستفزني شخصيا لما بشوفها واكيد بتستفز اي حد
عندنا في الجامعة تلاقي ولد ( وصحبته ) قاعدين جمب بعض - انا بتكلم عن ناس معرفه - وسوري في الكلمة لازقين في بعض في اي مكان بيقعدوا فيه سواء في محاضرة او برا المحاضرات دا مشهد مستفز وهما قاعدين مثلا بيتكلموا
للاسف المجتمع بقي كله كدا مش الكلية بس
مش شايف اللي حصل ف المهندسين :angry2:
و غير كدة ع النيل و للاسف كل يوم بأعدي من جنبه
المشهد التاني وهما بيهرجوا مع بعض
تلاقي الولد من دول وهو بيهرج مع ( صحبته ) مثلا يلوي دراعها يضربها في كتفها معلش فيي الكلمة يقرصها من درعها
لا تعليق
وقدامي شوفت ولاد وبنات بيلعبوا كهربا وكانت بنت هي اللي فيها وبتجري ورا ولد وعشان ميخليهاش تمسكه بيهوشها برجله جت في بطنها بس علي خفيف
واحد اعرفه مش صاحبي اوي يعني هو وصحبته تهريجهم والله العظيم بيقرفني لما يقعد يهرج معاها ويضربها وبعد كدا هي تقوم تجري وراه و المشكله انه عنده اخت بنت
طب في ولد راجل يرضي علي اخته انها تهرج التهريج دا مع ولاد ويمدوا ايدهم عليها وبتاع
طبعا لأ ... بس تقول لمين
دا الرسول صلي الله عليه وسلم بيقول " لأن يطعن في رأس رجل بمخيط من حديد خير من أن يمس امرأة لا تحل له "
ما بالك بقي باللي بيكونوا اعدين لازقين جمب بعض ولما يهرجوا يبقي تهريجهم كله بمد الايد وان بقي عادي جدا انه يحط ايده عليها ويمسكها كدا
اظن عيب اوي اوي اللي بنعمله دا
من وجهة نظري الشخصية ان اي بنت تسمح لولد ــ مهما كانت بتعتبره ــ انه يمد ايده عليها دي بتسقط من نظري تماما
اكيد طبعا
بس يا ترا دي ظاهره وهتنتهي ؟
ربنا يهديهم
طب وايه سببها اصلا ؟
التسيب و فقدان القدوة و اليأس و الفاضي يعمل قاضي :)
و في النهاية بقول ربنا يهدي
واسف لو كان في كلام خارج شوية او حاجة زي كدا بس انا مش عارف اوصف الموقف باقل من كدا
انا بصراحة كل يوم بأتعقد من مجتمع الكلية
خايف علي ما أدخل كلية يكونوا حولوها ملعب كورة :(
تقبل مروري
Travel 22-12-2008, 10:45 PM بص بقى يا شوبير
:078111rg3:
انت اللى قولته ده ميجيش حاجة خاالص جنب اللى موجود عندنا
سواء فى الجامعة او المترو
يوم الخميس كنت فى المترو
ومش بحب اركب عربية السيدات
مكانى على طوول
اخر عربية
المهم فى اليوم ده مركبتش اخر عربية ركبت اللى قبلها بالظبط
اللى فيها بقى
المسافة لو قلتلك ما بينهم تكاد تكون خلاص قربت تنعدم ابقى كدابة
والولد وابنت اللى كانوا واقفين جنبى كانت البنت لابسة طاقية بدل الايشارب
هو بقى قعد يرفع الطاقية ويلعب فى شعرها
:romarioxp6:
اللى فى المترو بقى الباقين
كانوا بيلعبوا اى
وغيره
نيجى بقى للكلية
بجد اشكال غبية جدااا
التجمعات اولا بيلعبوا استغماية مع بعض
ولا
ساعة ما بتشتغل اغانى
بيتعمل دايرة كبيرة
بنتين فى النص ومعاهم ولد
ودايرة كبيرة
ولاد وبنات
:romarioxp6:
كفاية كده
مش هقول تان
بس ليا عودة
:)
dr.zomba 22-12-2008, 10:56 PM ايه يا عم عادل ده
الحمدلله انى لسة مدخلتش جامعة
على كدا بقى ازهرى ده رحمة
بس بجد انا مش متخيلة ان فى واحدة بتقبل على نفسها كدا
و هى شايفة الناس بيتفرجوا عليها و هى عادى :confused:
هو اكيد هما الاتنين بيكونوا غلطانين
بس للاسف فى مجتمعنا البنت عليها الجزء الاكبر من الغلط
دا لان البنت هي المتحكمة هي اللي تقدر توقف الولد عند حده لو زودها
او حتى فى راجل يقبل على نفسه المنظر ده
لا حول ولا قوة الا بالله
فين الرجالة
و فين حياء البنت :(
اكيد ده بيرجع جزء كبير منه على الاعلام
خلاص فى المسلسلات و الافلام المناظر دى عادى :mad:
والتربية كمان يا جماعة لان لو البنت او الولد نازلين من بيتهم وعارفين ان المفروض في حدود مينفعش يتعدوها مكنش دا حصل
شكرا يا عادل عالموضوع ربنا ميوريناش .....
لا ان شاء الله مش هيوريكي
شكرا يا شرين علي المرور والرد نورتي الموضوع :)
السلام عليكم ورحمة الله وبركاته
عليكم السلام ورحمة الله وبركاتة
اهلا ومرحبا بكم في موضوعي :stickjo4:
حلوه الدخلة دي ؟ :d
منتظرين الجوووووووووووون
لسة الهجمة المرتدة:d
المهم انا هتكلم عن حاجة بتستفزني شخصيا لما بشوفها واكيد بتستفز اي حد
اكيد ياعدول
عندنا في الجامعة تلاقي ولد ( وصحبته ) قاعدين جمب بعض - انا بتكلم عن ناس معرفه - وسوري في الكلمة لازقين في بعض في اي مكان بيقعدوا فيه سواء في محاضرة او برا المحاضرات دا مشهد مستفز وهما قاعدين مثلا بيتكلموا
والله ياعادل مش عندكم انتم بس
انا فى كلية اداب
يعنى كعب على
وسمعنى احلى سلام ياجدع
اجدع ناس:078111rg3:
بس والله ياعادل الى انت قلتة دة لو كدة بس
يبقى لسة فية احترام
والله ياعادل انا اغلب خناقاتى
بسبب بنات ولاد بلدى مثلا لما بشوفهم فى منظر زى دة
وفى الاخر انا الى بطلع غلطان
الناس تقعد تقولى وانت مالك ميولعو
بس فعلا الواحد بيتكسف لما بيشوف موقف زى دة
ربنا يستر علينا على اخوتنا
ماهي المشكلة في كلمة وانت مالك دي
يلا ربنا يستر فعلا
المشهد التاني وهما بيهرجوا مع بعض
قصدك الشوط التانى !!!
لسة مشفناش اجوان ياعادل
عدل الخطة مينفعش كدة
اصله ماتش ودي:p
تلاقي الولد من دول وهو بيهرج مع ( صحبته ) مثلا يلوي دراعها يضربها في كتفها معلش فيي الكلمة يقرصها من درعها
ههههههههههههههههههههههه
طيب لما تشوف بنت هيا الى بتضرب الواد
وهوة عامل نفسة واد بتاع بابى ومامى
ولما يشوف واحد بيتخانق علشان واحدة من بلدة مثلا
يقولك اية العيال البلدى دى
لسة عايشين فى الزمن دة
هو دا اسمه ولد دلوقتي اصل انا اسمع انه له اسامي تانيه خالص :d
وقدامي شوفت ولاد وبنات بيلعبوا كهربا وكانت بنت هي اللي فيها وبتجري ورا ولد وعشان ميخليهاش تمسكه بيهوشها برجله جت في بطنها بس علي خفيف
لا والله دا هما كدة محترمين
وعديهم العيب
ربنا يستر علينا وعلى اخواتنا يارب
واحد اعرفه مش صاحبي اوي يعني هو وصحبته تهريجهم والله العظيم بيقرفني لما يقعد يهرج معاها ويضربها وبعد كدا هي تقوم تجري وراه و المشكله انه عنده اخت بنت
كما تدين تدان
واراهن على 1000 جنية ان هيحصل لحد يخصة نفس دة
لازم طبعا
طب في ولد راجل يرضي علي اخته انها تهرج التهريج دا مع ولاد ويمدوا ايدهم عليها وبتاع
دا الرسول صلي الله عليه وسلم بيقول " لأن يطعن في رأس رجل بمخيط من حديد خير من أن يمس امرأة لا تحل له "
صدق رسول الله صلى الله علية وسلم
ما بالك بقي باللي بيكونوا اعدين لازقين جمب بعض ولما يهرجوا يبقي تهريجهم كله بمد الايد وان بقي عادي جدا انه يحط ايده عليها ويمسكها كدا
اظن عيب اوي اوي اللي بنعمله دا
من وجهة نظري الشخصية ان اي بنت تسمح لولد ــ مهما كانت بتعتبره ــ انه يمد ايده عليها دي بتسقط من نظري تماما
ومن نظر الجميع والله ياعادل
لانها فعلا بتبقى مش محترمة
بس يا ترا دي ظاهره وهتنتهي ؟
طول ماحنا كدا بعيد عن دينا
وعن عقيدتنا
ماظنش انها هتنتهى
طب وايه سببها اصلا ؟
البعد عن الدين قلنا ياعم :slap1qk6:
خلاص يا عم متزوقش:angry2:
و في النهاية بقول ربنا يهدي
واسف لو كان في كلام خارج شوية او حاجة زي كدا بس انا مش عارف اوصف الموقف باقل من كدا
ياعم والله موضوعك دا كدا محترم جدا جدا
بالنسبة للى بنشوفة
ربنا يستر علينا
بس ماظنش ان هيبقى فية نتغير طول ماحنا بعيد عن دينا
وعن سنة رسولنا
صلى الله علية وسلم
عليه الصلاة والسلام
فعلا طول ما احنا بعيد عن الدين والسنة لازم يحصلنا انيل من كدا
نورت يا باشا الموضوع :)
ربنا يهديهم
ويهدي جميع الشباب والبنات
شكرا يا مان
اللهم امين
الشكر لله ياباشا نورت الموضوع :)
موضوع جميل جدا فعلا
و بعدين البنت هي اللي بتسمح للشاب بكدة
يا راجل دي لو خطيبتك مش هتعمل معاها كدة ف الشارع أو الكلية
ولا في اي مكان تاني وحياتك
إتقوا الله بقى و إعملوا حساب لآخرتكم و لدنيتكم اللي ربنا مش هيخرجك منها
غير لما يخلص اللي عليك ... يعني هيخلص ف أختك أو أمك أو بنت عمك و هكذا
لا حول ولا قوة إلا بالله
ربنا يستر ويهدي الجميع
نورت يا باشا الموضوع :)
الاستاذ/توفيق عزت 22-12-2008, 11:05 PM لا حول و لا قوة الا بالله
يا خفى الالطاف .. نجنا مما نخاف
ارحمنا يارب .. و عدينا منها على خير
كل أب و كل أخ ..... يشوف اخته أو بنته راحة فين و جاية منين
الماديات اصبحت كل شىء ......... المعانى الانسانية الاسلامية اختفت
يارب ..... يارب ........... يارب
شمس بياض 23-12-2008, 12:13 AM السلام عليكم
انا بجد مصدومة مش متخيلة ان الموضوع وصل لكدة
وازاى فى بنات بتعمل كدة
للاسف الاخلاقيات والقيم اتمحت من الناس
وبعدين الشاب لما يلاقى البنت بتعدى الى بيحصل كدة عادى
بيتمادى فيها
المفروض الولد قبل ما يعمل اى حاجة يفكر فى ان عندة اخت وام وخالة وعمة
وممكن يحصل فيهم كدة
والبنت قبل ما تسمح ان المهزلة دى تحصل
مفروض تفكر فى باباها الى ادها الثقة
والحرية فتقوم هيا تستغلهم غلط
ربنا يهدى الجميع يارب
شكرااااااااا على الموضوع
والله العظيم عنك حق يا اختاه
البنات دلوقت مش عارفه دينها قولى بلاش دينها --مصلحتها لو عايزه تتجوز مين يطمئن على شرفه معاها
والولد لو عرف ان كل شئ من هذه الاشياء سترد له
المثل بيقول دقه بدقه ولو زدت لزاد السقا
وبعدين البنت ليست مسئوله وحدها --وسائل الاعلام وحجات تانيه والتربيه وغيرها هى سبب الانحلال
ويحضرنى توقيع الاستاذ وسيه اللى بيقول
مررت على الفضيله وهى تبكى
فقلت علام تنتحب الفتاه
فقلت كيف لا ابكى واهلى ماتوا دون خلق الله
واذا لم تستح فافعل ما شئت
مشككككككككككككككككككككككككككككككككككككككككور اخى الفاضل وجزاك الله خيرا
Hanoda 23-12-2008, 12:19 AM اولا: ميرسي علي الموضوع ده لانه بيناقش ظاهرة منتشرة في الجامعة
ثانيا: عاوزة اوضح لكل اللي لسه ما دخلوش الجامعة وشافو الموضوع ان الجامعة مش نادي او كورنيش عشان البنات والولاد يعملو كده المشكلة في النية وانت خارج من البيت لو خارج عشان تتعلم مش هيهمك اي حد وهتروح تتعلم انمالو خارج عشان تروح تلعب وتهزر عمرك ماهتفتكر ان فيه حاجة اسمها محاضرات ودراسة وحلم كل الناس منتظرين تحقيقه منك
ثالثا: الجامعة مكان للعلم فالبنت لو هي مؤدبة ومتربية علي اسس صحيحة طبيعي انها عمرها ماهتوافق ان ولد يهزر معاها بالطريقة المستفزة دى والولد كمان لو متربى علي عادات وتقاليد معينة لازم هيعمل بيها والولد بعكس البنت فهو بيتأثر بالبيئة المحيطة بيه اكتر اما البنت تستطيع ان تحمي نفسها بدون ان تتأثر بالبيئة المحيطة (ده رأيي الشخصي)
انا في كلية التجارة الشعبة المتميزة وعددنا كله 100 طالب وعشان عددنا قليل فكلنا عارفين بعض عارفين الحلو وعارفين الوحش وفي عندنا شلة بجد ماتتخيلوش بيعملو ايه والله بيهزرو مع بعض بطريقة رخمة دا ومستفزة لكن مع كده بيروحو كلهم يصلو الوقت في وقته وانا شايفة ان شخصيتهم مركبة يعني لما هما بيصلو مايعرفوش ان اللي بيعملوه ده غلط
انا الحمد لله اصحابي (بنات) واثقة فيهم بس مش معني كده اني مش ممكن اكلم ولد لا ممكن بس اذا كانت حاجة تخص المحاضرات او الكلية
وبابا وماما وثقين فيا وفي اختياري لاصحابي عشان كده انا مستحيل اخسر ثقتهم فيا ابدا
هحكيلكم موقف حصلي من حوالي اسبوع (في الجامعة) كنت ماشية لوحدي ومروحة لقيت ولد ماشي جنبي وبيقولي انتي في كلية ايه مردتش عليه وبعدين سالني كتير قولتله في تجارة عشان يمشي قالي انا في حقوق وبعدين سالني اسمك ايه طبعا مردتش عليه وقعد يقولي اسماء بنات معتقد اني ممكن اقوله علي اسمي وسالني ساكنة فين واسئلة كتير وبعدين قال انا معجب بيكي وشايفك بقالي عشر دقايق وكلام كده يعني وبعدين قولته لو سمحت امشي قالي طب هاسألك سؤال وتردي عليا انا عاوز اتعرف عليكي ونبقي اصحاب قلتله انتا اتجننت قال موافقة ولا لأ قلتله لأ مش موافقة قالي بس شكلك موافقة قلتله لو سمحت احترم نفسك وامشى بالذوق لانك كده بقيت اوفر اوي المهم لقيت واحد معايا في الشعبة والله ماكنتش اعرفه اوي بس بجد اتخانق مع الواد ده خناقة جامدة جدا (عاوزة اعرف ولد زي ده ممكن بنت تبص له هو ممكن يكون ولد روش وجامد اوي بالنسبة لاي بنت غيري وغير البنات اللي زى)
معلش رغيييت كتير اوي بس المواقف اللي بتحصل في الجامعة كتير
الخلاصة
ان الجامعة دي عبارة عن مكان بتقابل فيه ناس كتير الكويس والوحش وطبعا انت اللي بتختار مين اللي المفروض تصاحبه ومين اللي لازم تبعد عنه
انا رافضة علاقة الاصحاب اللي بين الولد والبنت
في الاول والاخر العيب علي البنت لانها تعتبر خاينة للامانة اللي اهلها اعطوها لها وستفقد ثقة اهلها
وعلى الولد لانه دا يعتبر مش خايف علي اخته او امه او بناته
الاب والام تعبانين في الشغل والبنت والولد مش حاسين بكده وبيلعبو مع بعض وفرحنين
***وبعدين الولاد الي بيهزرو مع البنات ويجرو ورا بعض ويمسك ايدها ويقعد
جنبها في المحاضرة مستحيل لما يجي يتقدم لبنت انه يتقدم لواحده
من اللي كان يعرفهم ابدا ابدا ***
شمس بياض 23-12-2008, 12:24 AM المثل بيقول دقه بدقه ولو زدت لزاد السقا
احكيلكم قصه المثل
تزوج جواهرجى من امراه صالحه وطلب كل منهما
ان يحكى للاخر ماحدث معه اخر النهار
تعالوا شوفوا ازواج اليومين دول
يساهرى زميلته ولا صحبته بالساعات
وعند مراته يقولها
انت دايما ترغى فى الفاضيه والمليانه---خروج عن النص
المهم--جاءت له زبونه فى المحل واستحسن يدها عندما جاء ليلبسها اساور ذهبيه فضغط على يدها
فى نفس الوقت جاء الى منزله سقا كان يملا الماء فى قربه ويضعها فى زير المنزل
المهم طلب السقا من زوجه الجواهرجى ان تساعده فى تفريغ الماء من القربه
فقام بتحسس يدها وضغط على يدها
فرجع الجواهرجى وحكى لامراته بصدق ما حدث معه فى المحل
فقالت له المثل===دقه بدقه ولو ذدت لزاد السقا
وحكت له ماحدث
الحكايه دى حكتها جدتى لى وانا فى سنكم كده
وربنا يرزق بنات المسلمين طهاره مريم عليها السلام ويرزق شباب المسلمين عفه يوسف عليه السلام
..Just Stop 23-12-2008, 05:14 PM الرد المختصر يا دوولة علطول ههههههههه:d
عادى يبنى
زى ما الاخ حماقى بيقول ماخلاص بقت عادة
هيعملو ايه يعنى مفيش رقابة يبقا عايزهم يعملو ايه
مفيش رقابة اسرية
مفيش رقابة داخل الكلية يبقا عايزهم يعملو ايه يصلو الضحى مثلا
كل اللى اقدر اقوله شوية شباب هايف
لايفقه شىء عن دينه
لو يعرف حاجة عن دينه او لو تعرف حاجة عن دينها مكنتش وقفت معاه اساسا
هنقول ايه بس
ربنا يهدى
( عامللى فيها اسامة منير فى احداث اربعة وعشرين ساعة ) :d
دمت فى رعاية الله
dr.zomba 05-01-2009, 12:33 PM انا متأسف جدا علي تأخري في الرد
ولكن لظروف خارجه عن ارادتي الكمبيوتر بيعمل معايا حركات دنيئة والله :(
وشكرا لكل اللي شرفوني بردودهم الجميلة :)
وان شاء الله ارد عليكوا واحد واحد:)
هنا الفقي 05-01-2009, 04:17 PM يعععععععععععععععععععععععععععععععععع
يع يع يع
ايه القرف ده
هو في كده
سوري معلش ع الدخلة دي بس يعني الموضوع اكتر من ممتاز لكن انا حاسة بقرف من الاحداث دي
عموما الحكاية ان البنات بتحب تحس انها بقى بت مخلصة ومابيهمهاش وبت كده يعني حاجة ايه رجولة رجولة
بس بيأفوروا فيها شويتين لحد ما بيبقوا لحمة معفنة للفرجة
هو ايه سوري ع الالفاظ مع ان سوري دي مش ماشية مع الالفاظ اللي قبلها خالص بس يللا بقى اهو اللي حصل
هههههههههههههههه
اه احسن حاجة بقى انك تيجي تسمع حكي البنات دي عن نفسها تقولك مثلا وانا بطبيعتي يعني بتكسف اوي
بسمعها كتير
هههههههههههههههههههه
عسل البنات دول ياخي عسل
ربنا يهدي
ومفيش مفر من انك تتقبل مروري
لازم لازم
أسيل رزق 05-01-2009, 05:25 PM فى الأول أحب أقولك إن دى المرة التانية أكتب فيها الرد وماينزلش:angry2:
و أشكرك بشدة على الموضوع ..
المناظر دى مش بشوفها إلا فى حقوق وتجارة وأكيد فى الكليات التانية بس الأغلبية حقوق وتجارة .. ناس رايقة ودماغهم فاضية .. مع إحترامى للمحترمين
الظاهرة دى ببساطة شديدة تنطبق تحت جملة ( كله بيلعب على كله )
بمعنى إن الولد بيدخل الجامعة فاكرها ملاهى .. كل همه يتعرف على بنات وخلاص يلاقى البنت من دول وزى ما قلت حاجة ببلاش كده .. بيَدعى ادامها إنها زى أخته ولكن من جواه مجرد واحدة هبلة بيشتغل عليها وخلاص
هى بقا مفكره نفسها وقعته فيها .. بتَدعى ادامه إنه زى أخوها بالظبط لكن فى الحقيقة هى متخيلاه الفارس الشجاع اللى هيخطفها على حمار أبيض ويطير بيها
عبيطة .. أل يعنى فى حمير بتطير ..!!!<_<
المهم
الظاهرة دى درستها فى مادة علم نفس النمو ( المراهقة ) .. الولد من دول يمد إيده عليها ورجله كمان لو أمكن ( مهو أخوها يا جدعان !!:stickjo4: ) وبعد كده يتطور الموضوع لاسطوانات غرام وانتقام .. و بعد كده يا يسيبها ويشوف واحدة غيرها يا إما يكمل جميله الواد ويكتب ورقة عرفى ولو كان حقوق تبقى بركة وأهو يتمرن على وظيفة المحاماة مع إحترامى للجميع
ولما يزهق منها يسيبها ويشوف غيرها .. ويدلق على البنت جردل ميه ساقعة وتفوق بعد فوات الأوان
The End:romarioxp6:
إيه رأيكم فى الفيلم الهندى ده؟؟B)
طبعاً هتقولولى لا ماتوصلش للدرجة دى .. لا يا جماعة توصل ونص
المصيبة الكبرى بتبدأ بنقطة سودا
حتى لو ماوصلتش للدرجة دى .. الولد و البنت بيكونوا عارفين إنهم غلط ..
والدليل على كده الولد لما بيفكر يرتبط مش بيفكر فى النوعية دى من البنات
ومن رأيى إن البنت فى الأول وفى الآخر هى اللى غلطانة .. هى اللى رخصت نفسها لغيرها
و الولد لو شاف بنت محترمة بيعاملها باحترام بعكس لو شاف واحدة غير كده بيعيش حياته
معلش إستحملونى شوية .. ثوانى:(
دة انا بشوف مناظر
خصوصا انى من الناس الى ودنها سمعات وعنيها كاميرا
بلقط اى حاجة معدية كدة
هههههه .. انتى هتقوليلى دا انت معَلم:friendsxs3:
عندك مثلا
انت بتقول شوفت ولاد وبنات بيلعبوا كهربا
طب تخيل انى شوفت ولاد وبنات بيلعبوا بيبسى
فاكرة يا نسوم ال3 ولاد وال3 بنات اللى كانوا من حقوق وبيلعبوا عند جنيه الزعفران فتحى يا وردة والكرسى الحيران:p..كان منظرهم عثل ( اسود ):angry2:
فانا بقى شوفت مرة ولد لطش بنت على وشها وكان بجد
كل ما أشوفها تحكيلى الحكاية دى .. يخرب بيت الفضايح :slap1qk6:
وشكراً مرة تانية يا حاج عادل على الموضوع:078111rg3:
وآسفة على رغيى :(
بس يا ترا دي ظاهره وهتنتهي ؟
متهيألى لا
هاتستمر
وهانفضل طول عمرنا شايفين النموذجين قدامنا
شباب وبنات على الشاكلة دى
وشباب وبنات محترمين وعارفين ربنا
بس يا ترى مين هايكون اكتر ؟
الله اعلم
طب وايه سببها اصلا ؟
طبعا الاسباب الرئيسية التربية والبعد عن الدين وان مفيش رقابة والحاجات دى ...
فيه حاجة تانية اتقالتلنا ف ندوة عن الاختلاط اتعملت ف المدرسة
وعجبتنى جداا
ان البنت بتكون حابة انها تكلم ولد
ف بتعمل نفسها زيها زيه
بتهزر معاه عاادى جداا وكانها ولد
عشان لما حد يعلق على تصرفاتها
او هى تيجى تحاسب نفسها
تقول انا مش باعمل حاجة غلط
وباتعامل معاه كانى ولد زيه
واحنا مجرد اصحاب والحاجات دى ...
يعنى هى اللى بتبدأ
ف طبيعى الهزار والصحوبية العادى دى تاخدهم لحاجات تانية
---
مرة كنت ف درس
قبل ما المستر يدخل
فيه بنت قامت وراحت وقفت جنب ولد معانا ف الدرس
فضلت تتكلم معاه وتهزر وتضربه ( بهزار طبعا عشان ماحدش يفهمها غلط :d )
والولد قاعد مكسوف ومش عارف يعمل ايه
:wacko:
انا وصاحبتى بصينا لبعض واحنا مصدومين
وفضلنا نضحك كل ما نفتكر منظرها
ربنا يشفى
---
وشكرا يا عادل عالموضوع
طب تخيل انى شوفت ولاد وبنات بيلعبوا بيبسى
طب كهربا وعرفتها
ايه بيبسى بقى
وبيلعبوها ازاى .. هى مش كانت بتتشرب برضو
:p
Hamset_Etab 09-01-2009, 08:54 AM السلام عليكم ورحمة الله وبركاته
وعليكم الاسلام ورحمه الله
اهلا ومرحبا بكم في موضوعي :stickjo4:
حلوه الدخلة دي ؟ :d
اه بجد حلوه
المهم انا هتكلم عن حاجة بتستفزني شخصيا لما بشوفها واكيد بتستفز اي حد
عندنا في الجامعة تلاقي ولد ( وصحبته ) قاعدين جمب بعض - انا بتكلم عن ناس معرفه - وسوري في الكلمة لازقين في بعض في اي مكان بيقعدوا فيه سواء في محاضرة او برا المحاضرات دا مشهد مستفز وهما قاعدين مثلا بيتكلموا
ميتكلموا براحتهم اصل بكره من هيلاقوا
حته يتكلموا فيها فى جهنم ان شاء الله
المشهد التاني وهما بيهرجوا مع بعض
تلاقي الولد من دول وهو بيهرج مع ( صحبته ) مثلا يلوي دراعها يضربها في كتفها معلش فيي الكلمة يقرصها من درعها
والله دى مش تستاهل قرصه دى تستاهل يتولع فيها
وقدامي شوفت ولاد وبنات بيلعبوا كهربا وكانت بنت هي اللي فيها وبتجري ورا ولد وعشان ميخليهاش تمسكه بيهوشها برجله جت في بطنها بس علي خفيف
:av4056bb7jp3:بقول احسن برده هى اللى جابته لنفسها بس يا سلام لو كانت جت جامد
واحد اعرفه مش صاحبي اوي يعني هو وصحبته تهريجهم والله العظيم بيقرفني لما يقعد يهرج معاها ويضربها وبعد كدا هي تقوم تجري وراه و المشكله انه عنده اخت بنت
طب في ولد راجل يرضي علي اخته انها تهرج التهريج دا مع ولاد ويمدوا ايدهم عليها وبتاع
دا الرسول صلي الله عليه وسلم بيقول " لأن يطعن في رأس رجل بمخيط من حديد خير من أن يمس امرأة لا تحل له "
ما بالك بقي باللي بيكونوا اعدين لازقين جمب بعض ولما يهرجوا يبقي تهريجهم كله بمد الايد وان بقي عادي جدا انه يحط ايده عليها ويمسكها كدا
اظن عيب اوي اوي اللي بنعمله دا
من وجهة نظري الشخصية ان اي بنت تسمح لولد ــ مهما كانت بتعتبره ــ انه يمد ايده عليها دي بتسقط من نظري تماما
بس يا ترا دي ظاهره وهتنتهي ؟
امممممم اكيد هتنتهى فى يوم من الايام بس الله اعلم هيجى بعدها ايه:romarioxp6:
طب وايه سببها اصلا ؟
ضعف الايمان ومفيش رقابه يعنى حاجات كتير ممكن تربيه الولد والبنت
و في النهاية بقول ربنا يهدي
واسف لو كان في كلام خارج شوية او حاجة زي كدا بس انا مش عارف اوصف الموقف باقل من كدا
نيجى بقى لنقطه اما الولد يجى يتجوز مش هيبص للنبات من النوع ده .... ياسلام امال البنات دى هتعنس يعنى لا طبعا ( ما هى لو عارفه انها هتعنس مش هتعمل كده اصلا)
انا اعرف واحد جارنا كان بيعرف بنات وكده يعنى وكان بيقول انا لما اجى اتجوز هتجوز واحده محترمه ،والله العظيم اتجوز واحده عملت اكتر مهو عمل ربنا وقعه فى شر اعماله
من الاخر كده البنات دى بتتجوز واحد عمل زيهم كده او بتتجوز راجل يربيهم من اول وجديد وبيكون مفترى
ميراج 10-01-2009, 11:43 AM والله مش عارفه اقول ايه بس :(
ايه البنات دول اللى يقبلوا على نفسهم كده
ربنا يهدى البنات والشباب
والله اللى يعيش ياما يشوف
والظاهر انا الواحد هيشوف كتير
ربنا يستر علينا
dr.zomba 10-01-2009, 12:27 PM كنت لسه يا محمود ولله
حقول يا جماعه محدش هنا فى اداب المنصوره
كلية الكعب العالى
الحمدلله
الحمدلله بجد
ان الازهر مفهوش اختلاط
لاننا ازهر
بجد دى نعمه
بس المناظر دى بتتكرر كتير اوى
طب مين الى يمشى على الكورنيش
وبيشوف فلم الوساده الخاليه
انا بتفرج على افلام يا جدع وبالذات المنقبين بعضهم طبعا مش كلهم او مش المنقبين لان دول استحالهم تسميهم منقبين
دول الى بيدعوا النقاب
لا برضه
نقول دول الى بيسيئوا للمحترمات الى لابسين نقاب
يا نهاااااااار حد هنا تانى من المنصوره يا جدعان
بجد لاحول ولا قوة الا بالله
ياعم عادي برا الجامعة بيحصل انيل من كدا بس هي المشكلة في الجامعة
مبقاش اسمه الحرم الجامعي بقي اسمه الحرام الجامعي
وربنا يستر
شكرا يا باشا علي ردك ومرورك :)
مفيش كلام خارج ولا حاجة انما ده موضوع مهم وكان لازم يتناقش فعلا
انا كمان كنت عايزة اتكلم فى الموضوع ده بس ماكنتش هعرف اوصفه بالطريقة الحلوة دى
جزاك الله كل خير
وجزاكي مثله
نورتي الموضوع بمرورك ورد :)
نص المنتدى من المنصورة ياعم احمد
بس على فكرة
انا معاك فى ان اداب المنصورة
بايظة جدا
وبايظة دى كمان متجيش حاجة فيها
بس بردك والله الكلية فيها محترمين كتير بردك
وزى مافية الحلو فية الوحش
هوة انت من المنصورة ياحمد ؟
ربنا يستر علينا وعلى اخواتنا
خلاص ياعم انتوا هتعملوا دعايا لجامعة المنصورة انت واحمد
نورتي يا باشا مره تانيه:)
لا حول ولا قوة الا بالله
قال تعالى ( واتقوا يوما ترجعون فيه الى الله )
صدق الله العظيم
اسف يا اخى كلمة رجال او اولاد التى قلتها لا تنطبق على هؤلاء
(إنما الامم الأخلاق ما بقيت ... فإن هم ذهبت أخلاقهم ذهبوا)
لا حول ولا قوة الا بالله
جزاك الله خيرا على هذا الموضوع الذى يعبر عن اشياء نراها للاسف فعلا
تحياتى لك
صدق الله العظيم
فعلا الكلمة متنطبقش عليهم بس هنعمل ايه بقي ربنا يهدي
وجزاك مثله نورت الموضوع بمرورك وردك :)
اها جميلة
عثل جدا اوى خالص[/center]
اتفضليها
معلش بس ايه لعبة كهربا دى؟
و بعدين يعنى ايه
البنت هى اللى فيها
فيها ايه بقى؟[/center]
لعبة كهربا حاجة كدا زي استغمايه والبنت هي اللي فيها يعني هي اللي بتجري وراهم حضرتك :d:romarioxp6:
طيب و ايه اللى يقرف فى كدا[/center]
لا اصلي كانت بطني ساعتها واجعاني :d
ما هو لو كان راجل اصلاً[/center]
دا لو بقي
[/center]
[/center]
[/color][/b]ما هى لو عندها دين
مكانتش تسمح لحد اصلا
انه يقولها اكتر من سلام عليكم
دا لو بقي
لا دى مش ظاهرة
لان لو كانت ظاهرة
مكانتش طولت اوى كدة
مش عارف هي مش طول عمرها كدا هي كانت اقل ومع الوقت زادت بس ياترا في المستقبل هتزيد اكتر ؟ الله اعلم وربنا يستر
الجهل و الامية فى المعلومات الدينية
و اننا بنشوف اغلب الحاجات العجيبة دى
على اساس انها حاجات عادية
رغم انها مش عادية خالص
[/center]
فعلا كل اللي بيتعامل بيتعامل علي اساس انها عادي بس هي مش عادي خالص طبعا
يا رب[/center]
لا و لا يهمك
ثانكس على التوبيك
لا ثانكس علي واجب نورتي الموضوع بمرورك وردك :)
no comment besara7a :d
نورت الموضوع بمرورك ونو كومنتك :)
[/center]
dr.zomba 10-01-2009, 12:54 PM فعلا والله بقت حاجة مقرفة
مشكور على الموضوع
الشكر لله
نورت الموضوع بمرورك وردك:)
تفسيرى لما يحدث نوع من تقليد الاجانب
والتشبه بهم girl- boy friend
علاوة على التاثر بما يشاهدونه فى التليفزيون
وكان الموضوع اصبح شىء عادى
جزاكم اله خيرا على هذا الموضوع الهام
جعله الله فى ميزان حسناتك
وجزاكي مثله يا استاذه رانيا
والله هو فعلا تقليد للغرب من اللي بنشوفه في التليفزيون وللاسف مفيش رقابه من الاهل علي الاولاد
ربنا يسترها معانا
نورني الموضوع يا ميس رانيا بمرورك وردك الكريم :)
الظاهرة من المفترض ألا تكون موجودة في بلد عربي مسلم يعرف القيم والأخلاق اللذان يكاد ينعدم وجودهما خصوصا بين الجيل الجديد السبب من وجهة نظري الأب والأم في كونهم لم يستطيعوا خلق مناخ وعلاقة عاطفية متينة مبنية على الثقة والاحترام وعرض الأراء ومناقشتها ..
للأسف أيامنا ، هذه أغلب الشباب والبنات لا يرون الأب إلا عند استلام المصروف وطلب مايريد من احتياجات مادية ، أيضا شعور الشاب بنفسه ومحاولته الاستقلالية الخاطئة ولا ننسى الدور الكبير الذي تلعبه الرفقة فلتقل لي من تجالس أقل لك من أنت ..
تقبل مروري ...
بالظبط هي معالم الاسرة عندنا في بلدنا العربيه بدأت تضيع الاب دوره انه يصرف والام تطبخ وتنضف و الاولاد بقي معاهم ربنا
مشكور علي المرور والرد الجميل :)
ايه يا لورد كدا انت بتبوظ صورة كليتنا يا عم
اكتر ماهى بايظة
هههههههههههههه
لالا متقلقش ياعم مش انتوا وبس كل الجامعات كدا
نورت الموضوع :)
Dr/Fatma 12-01-2009, 02:17 PM دى حاجة تضايق فعلا
ازاى بنت تعمل كده غير ان كده حرام و عيب
انا اصلا لما بشوف حاجة زى كده فى الشارع انا بتحرج رغم انى مش أعرفهم
بس بجد البنات دى اصلا العيب فيها و فى اهلها اللى معرفوش يربوهاو لا يعرفوها دينها والمشكلة ان من البنات
دول بيبقوا محجبات
ربنا يحفظنا ويهديهم
فعلا مهزلة
مشكور على الموضوع
|