بسم الله



الى جميع اعضاء منتدانا






ممكن محدش يظلمنى

ممكن تفتحوا عيونكم بقي

ولا هتفضلوا مغمضينها كده كتير ؟؟؟؟



كلكم عارفين ان انا اللى اتبهدلت واتشتمت ومع ذلك عاوزنى اعتذر لعضوة ما ؟؟؟؟؟؟؟؟


ده يدخل عقل ؟؟

هو انا اللى قلت انها منافقه ومخادعه وغشاشة مع ان قوانين اللعبة تسمح بتجاهل سؤال زى ما انا عملت ؟؟

لو مكانتش قرات القوانين فده مش ذنبي



كل اللى حصل انى اتهزأت

ومع ذلك

اقسم بالله انه كان بيدى ردعها سواء بتهزيئها او انى احرض الناس اللى انا اعرفهم ضدها واخليهم ينحازو معايا ومع ذلك منعتهم بشده

مع انهم كانوا يريدون فعل اى شئ من اجلى


فضلت انى اقولها ان انا بحبها

وانها كانت صاحبتى مع انى لم اكلمها سوى ثلاث مرات

مفكرتوش ده دليل على ايه ؟؟

تكونوش فاكرين انى معنديش قلب

بالعكس

كلكم بلا استثناء سبتوا فيا جرح كبير عمره ما هيداوا

ومن غير ما اقول انتوا عملتوا ايه

بتهيالى الامر واضح



حاولوا مرة تقفوا وتفكروا بدل ما تسخنوا



خلاااص

بقيت انا الوحشه




طيب تحبوا اعيطلكم واخبط راسي فى الحيط ورجلى فى الارض علشان تعملونى مظلومة ؟؟؟


مش حرام عليكم


هو انا علشان سامحتها هتسوق فيها




طيب اللى انتوا عاوزنى اعتذرلها

بعتتلى رسالة من غير ما انا اكلمها رسالة تقول فيها







مش عاوزة ارجع صاحبتك

هو انا اتحايلت عليها وانا مش واخده بالى ؟؟؟؟؟؟؟؟؟؟؟؟



ولما رديت عليها فى موضوع وردى معجبهاش دخلت وحذفته فورا رغم انه كان رد عاادى مع ان كان من الممكن انى اسيبه بالعناد فيها .

ده لا يدل على اى حاجه من وجهة نظركم ؟؟؟؟؟؟



فتحوا عينيكم

فوقوا بقي









بجد حرام عليكم اللى بتعملوه فيا

جرحتونى وجرحتوا مشاعرى

ومش اى جرح


وانا والله كنت بحبكم كلكم

لكن لقيت رد الفعل منكم منافى لما في صدرى




شكرا للاعضاء اللى وقفوا معايا جدا وبجد انا عرفت بكده مين اللى بيحبونى بجد



سلام

بصراحة يا رحممة أنا مش عارفة نوع سوء التفاهم اللي حصل بينك وبين العضوة اللي بتقولي عليها ,وكل اللي حقدر أقوله لك ,

ما تخفيش لأنك اذا كنت حقيقي مظلومة زي ما بتقولي فربنا معاكي لأن ربنا ديما بينصر المظلومين ,

وربنا يهدي النفوس ,وان شاء الله ترجعوا أصحاب أكتر من الأول.

السلام عليكم و رحمه الله و بركاته

ارجو يا رحمه انك متضايقيش لان انتى عارفه و متاكده اننا كلنا بنحبك

و مش عايزين حد يسيب المنتدى او يفضل فى و هو زعلان

صح يا جماعه

بجد نفسى كلنا نحب بعض و نخاف على مشاعر بعض

و محدش يزعل من التانى :)

وعلى فكره يا رحومه مهره كاتبه موضوع بيبين اد ايه هى بتحبنا و بتحبك و بتحب المنتدى

هاااااااي رحمة
ترة وانة مادرى بالسالفة ولا ادرى ايش مشكلتكم
بس ترة انتو داشين المنتدى حق فايدة او حق اتسلون عمرك فليش المشاكل
واذا احد ضلمك والله ترة الله موجود
وبياخذ لك حقك

يا رحمة

خلاص اللي فات مات وابداوا من جديد

وعفا الله عما سلف

أنا مش عارف المشكلة ايه بالضبط
بس المنتدى أكبر من كدة
وكلمة أسف مش عيب يا رحمة

والكلام مش ليكي لوحدك

ده للعضوة التنية كمان

ولو مكسوفين منها
أقولكم انا انا اسف بس يا ريت يكون الكل هنا بيحب بعده لاني أنا اساسا دخلت المنتدى من هذا المنطلق
فمش عايز أحس اني اتخدعت فيه


يا ريت نكون من الكاظمين الغيظ والعافين عن الناس
دول بقى ربنا واعدهم بجنات

شوفته بقى

ربنا بيدينا فرص كتيرة ازاي علشان ندخل الجنة


ليه نضيعها

يلا يا رحمة انتي وصاحبتك اللي متخانقة معاها


ربنا بيديكم فرصه علشان تاخدوا حسنات وتدخلوا الجنة

يلابقى


انتم لسة متصالحتوش

يا بختكم

هتاخدوا حسنات



يلا بقى كفايا



اكظمي غيظك يا رحمة
ربنا أعطاكي حسنة

يا بخت اللي يكسب حسنات
ويعيش على امل الجنات









يوه انتم لسة متصالحتوش





يلا بقى

يا رحمة

خلاص اللي فات مات وابداوا من جديد

وعفا الله عما سلف
والمسامح كريم احنا بنحبكم انت الاثنين ومافى فرق بينك وبينها والله

يا رحمة احنا كلنا بنحبك
يمكن انا ما اعرفكيش شخصيا ويمكن ما سبقش انى اتكلمت معاكى لكن انا بحبك عشان انا بحب كل اخواتى فى المنتدى


وانا برضة ما اعرفش سبب الخلاف اللى بينك وبين العضوة ؟؟؟؟؟؟؟؟؟
لكن انا بقولك ان لو انتى مظلومة اكيد ربنا حيقف جنبك ربنا


بس برضة يا رحمة الصلح خير وياريت الاصحاب يرجعوا اصحاب زى الاول

وكما قال الرسول ( صلى الله علية وسلم )

لا يحل للمسلم ان يهجر اخاة فوق ثلاث يلتقيان فيعرض هذا ويعرض هذا وخيرهم من يبدا بالسلام .

ياريت يا رحمة نعمل بالحديث الشريف

وياريت كلنا بجد نلتزم بقواعد الدين والاسلام صدقونى حنعيش حياة سعيدة جدااا بنفس راضية .

شكرا يا سموره على مجهودك وجزاكى الله كل خيرا

بس انا بوجه كلامك لكل اعضاء منتدى الثانويه

مش بس لرحمة ولا لهبه

كلنا دخلنا المنتدى علشان نفيد ونستفاد مش متخاصم ونتخانء على حاجة هيفا

ومتنسوش اننا بنسعى لرقى المنتدى واننا نرفع اسمه فوق

مش يبقى مركز للمتخاصمين

يا ريت نخلى بالنا من كلمنا مع بعض اكتر من كدا

وتعملو بلى قاله الرسول مش تنشفو راسكم وخلاص دا احنا مسلمين والموسلمين لازم يبينو لغيرهم التسامح والتعاطف

متكبروش المسفات ويكون كل واحد فى حاله

اتجمعو يا مسلمين

يمكن ربنا بيختبركم فى الخصام ده وبيشوف مين احسن من التانى فى المحبة والتسامح دا هيبقى اجره كبير اوى عند ربنا

وربنا يهدينا الى ما فيه الخير لنا جميعا

على العموم يا رحمه انا بتاسفلك بالنيابه عنها

لكن هيا والله بتحبكم كلكم بس سعات المخ بيقفل على حاجة معينه كدا

والمسامح كريم وخيركم من يبدا بالسلام

ولا ايه؟!!!!!!!!

ابداو من الاول

وصافى يا لبن حليب يا انجوى :D

خلاص خلاص :D

بس ارجو انك متكونيش زعلانه خالص :)

اوكى
سلام

اظن مافيش كلام افضل من الى اتقال

يارحمة انتى انسانه عاقلة وهادئة الطباع

ولا تظنى ان لما الاعضاء طلبوا منك ان تعتزرى معنى كده ان انتى الى غلطانه

الان مش هانول مين الغلطان ومين المظلوم

الان هانقول مين الى بدأ بالسلام

وخيركم من بدأ بالسلام

ها ؟؟

قولتى ايه يارحمة ؟

انتم اتأخرتم في الصلح كدة ليه


الحقو يلا قبل الفرصة ما تفوت

قال الله تعالى: وَأَصْلِحُوا ذَاتَ بَيْنِكُمْ [الأنفال:1]

لا خَيْرَ فِي كَثِيرٍ مِنْ نَجْوَاهُمْ إِلَّا مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلاحٍ بَيْنَ النَّاسِ وَمَنْ يَفْعَلْ ذَلِكَ ابْتِغَاءَ مَرْضَاتِ اللَّهِ فَسَوْفَ نُؤْتِيهِ أَجْراً عَظِيماً [النساء:114].

وعن أبي الدرداء قال: قال رسول الله صلى الله عليه وسلم: (ألا أدلكم على أفضل من درجة الصلاة والصيام والصدقة؟ قالوا: بلى يا رسول الله، قال: إصلاح ذات البين؛ فإن فساد ذات البين هي الحالقة، لا أقول: إنها تحلق الشعر، ولكنها تحلق الدين) رواه الترمذي وأبو داود وإسناده على شرط الشيخين


فقد روى البخاري رحمه الله تعالى في صحيحه : (أن أهل قباء اقتتلوا حتى تراموا بالحجارة، فأخبر رسول الله صلى الله عليه وسلم بذلك، فقال: اذهبوا بنا نصلح بينهم)


يلا بقىيا جماعة

ربكم يناديكم

فهل تجيبونه

نبيكم يدعوكم للصلح ويقول " لايهجر المسلم أخاه المسلم فوق ثلاث وخيرهما الذي يبدأ بالسلام "

فهل انتم ملبوووووووووووووووون

انا على فكرة على الرغم من انى جديد


بس قديم اوى


لانى على طول متابع كل مواضيع المنتدى من زمان اوى و كأنى عايش معاكم

بس يا اختى انا سمعت ان العضوة دى سابت المنتدى

مش ممكن فعلا تكون هى برده بتعانى مأساة

و اكيد لازم تقدرى


يعنى متظليميهاش اوى كدة
وبلاش افترا على بعض
هههههههههههههههههههههههههههههههههييييييييييييييييي ييييييييييييييييييييييييييهههههههههههههههههههههههه ههههههههه

عزيزتى رحمة..

..اكاتبك رغم حالتى السيئة فانا ايضا قدم لى اعتزار رسمى على ذلك المنتدى من احد الاعضاء جرحنى

جرحا شديدا , ارجوكى ان تسامحى حبيبة فهى كاتبتنى بعد قراءة الاعتزار المقدم لى وعلمت انها هى

الاخرى فى حالة سيئة .فسامحى صديقتك فان لم تكن صديقتك فهى على الاقل اختك فى الله وزميلتك هنا

انا اعلم ما تعانين جيدا لكن يا حبيبتى واختى العزيزة استحلفك بالله ان تبتسمى عند قراءة كلماتى

وتقولى اللهم اجعلنى من العافين عن الناس واجعلنى من المحسنين لان ماحدث بينك وبين حبيبة شىء

والله بسيط لكن انتى لا تعرفين ما حدث لى انا والله جرحت كرامتى من قبل هذا العضو لكن خارج هذا

المنتدى . فسامحى يا اختى وابداى بالخير.

... والسلام عليكم ورحمة الله وبركاته.

بصى يا رحومة انا عارف طبعا انتى جواك ايه ليا ومن غير ما تقولى معروف وبتقولى ان انا منحاظ لهبة لا والله هبة اختى وانتى اختى وانتم الاتنين اخوات وع فكرة انا رد فعلى ده رد فعل طبيعى مش معقول يعنى اسيب العضو اللى بيقول همشى من غير ما اهدية وحتى لو وقفت قصاد اللى ضده ببقى واقف غصبن عنى يعنى مراضة له فهمتينى ارجو انك تكونى فهمتينى يا رحومة وبعدين انتى اخت عزيزة علينا
سلام اخوكى طارق

انا والله عارف يارحمه الى انتى مظلومه

بس انا حبيت اجى عليكى انتى لانك طيبه وجدعه كمان

بس انا لما فكرت اعمل موضوع قولت لازم اراضى الطرفين

وقولت ان الاعضاء او المشرفين يصالحوكم على بعض

وعلى العموم انا مش واقف ضد حد لانكم بجد انتو الاتنين زى اخواتى

بس بردك مهما كان المسامح كريم

وخليكى بردك انتى الكبيره

شكرا ليكم كلكم يا جمااعه

بس انا عاوزة افهمكم حاجه

الموضوع انى مش مستنياها تصالحنى

انا مقلتش كده

الموضوع ان هى اللى مزعلانى وفى الاخر تقولولى خلى عندك دم وروحى صالحيها ؟؟؟؟

ليه

علشان عندها ظروف

مين معندوش ظروف ؟؟؟؟


يعنى لازم اصاحبكم كلكم واحكيلكم كل حاجه عنى علشان تعذرونى فى كل اللى انا بعمله وان كنت غلطانه ؟؟؟؟؟؟؟؟

ده يرضي مين



الله اعلم


عموما لو المشكلة هتتحل لو انا اعتذرت انا مستعده اعتذر

انا اسفه




اتمنى ان الموضوع ينتهى

لانى اساسا مبحبش اكتب المواضيع دى

بتهيالى انتوا كده فرحتوا


ارجعى يا هبة خلاص

ارجو انك تكونى رضيتى

الموضوع ان هى اللى مزعلانى وفى الاخر تقولولى خلى عندك دم وروحى صالحيها ؟؟؟؟



طيب ممكن تقوليلنا مين قالك (( خلى عندك دم وروحي صالحيها ))

لان لو 2 ولا 5 ولا حتي 10 قالولك كده يبقي معناه ان بقية المنتدي كله بيحبك لانك اخت عزيزة علينا يا رحمة

وكده انتى بداتي بالسلام

يبقي انتى عملتي الى عليكي

والف مبروك عليكي المركز الاول فى الللعبة اياها لغاية دلوقتي :) :D

ملك

شكرااا جدا على مرورك الكريم

انجل

شكرا لدعمك الطيب

محرقية

انا والله مش عاوزة اتخانق بس الموضوع كل يوم يزيد عن حده وانا مكنتش عاوزة اتكلم والله

معتصم

بجد كلامك اقنعنى جامد

حماده نور

يا ريت فعلا يكون اللى فات مات وشكرا على مرورك

سمورة

شكراا على مرورك واهتمامك مع انك كما ذكرتى لم تلتق بى سابقاا

اسيل

عندك حق فعلا .. احنا داخلين مش علشان نتخانق وشكرا على مرورك الطيب

وانا بجد مش زعلانة منها

بورسعيدى

شكراا على مرورك الكريم وجزاكم الله خيرا

المعتصم

اشكرك بشده للمرة التانيه

fay

شكرا على مروركم

نغم البحر

وانا مسامحاها وشكرا على مرورك الجميل

طارق

انا مش فى بالى اللى انت بتقوله ده .. ده وضحلى حاجات تانيه خاالص . وشكراا على مرورك


الامير عبده

عارف انى انا مظلومة ومع ذلك .. اقول ايه شكرا على مرورك

اساسا انا مكنتش ناوية اكتب اى حاجه غير بعد ما موضوعك اتعمل

شكرا الطالب المجتهد على مرورك

وانا عاوزة الاعضاء يحترمونى مش اكتر



والله يبارك فيك

ع فكرة الامير عبده مش غلط

ولا يهمك ياطارق

معلش اختي رحمة انا جيت متأخر شوية بس والله مشوفتش الموضوع غير انهاردة

ومش عارف اقولك ايه اكتر من اللي قالوه الاخوة الاعضاء

وربنا يهدي الجميع ون شاء الله ميحصلش زعل تاني بين اي عضو

وياريت نقفل علي الموضوع لغاية كده ونتمني من الاخت هبة العودة للمنتدي

بصراحة انا مش عارف اكتب اقول اية
غير (( مصارين البطن بتتخانق ))
واحنا فى المنتدى دة كلنا اخوى واخوات ومش عايزين نتفرق ابدا
اوكى
اتمنى ذلك
وربنا يصفى النفوس ونرجع تانى نتكلم مع بعض بنفوس صافية
اتمنى ذلك يا رحمة من اسمك لابد ان تكونى رحيمة بالبشر خاصة البنات (( ناقصات عقل ودين ))
هههههههههههههههههههههههههههههههههههههههههههههههههه هههههههههههههههههه
انا خايف اكتب الرد دة وبعد ما اطلع من الموضوع هشوف هجوم نسائى كبير
علشان كدة انا هجرررررررررررررررررررررررررررررررررررررررررررررررى
هههههههههههههههههههههههههههههههههههههه
مع السلامو عليكم

يا رب تكونى مش زعلانه بقى يا رحووومه دلوقتى و اتاكدتى ان كلنا بنحبك

و اهو واضح جدااا من اعتذار رحمه انها شخصيه طيبه جدااااااااااا و بتحب المنتدى ولا ايه يا رحومه

ربنا يهدى النفوس

طبعا رحمه انسانه جميله والله وطيبه جدا جدا

وبصراحه احنا مش عارفين نقولك ايه

كل اللى عايز اقوله (( ربنا يكتر من امثالك))

طارق

انا مقلتش انه غلطان

اسلام كوكو

كويس انك جريت.. والحمد لله اعتقد ان انا وهبة اتصالحنا بس لسه مش متاكده

انجل

طبعا بحب المنتدى واجمل حاجه ان هدهودة فيه

الامير عبده

شكرا على المجاملة الرقيقة دى

حابى

ارجعى بسرعه علشان انتى واحشانى .... يللا بقي

الامير عبده

شكرا على المجاملة الرقيقة دى



دى مش مجامله والله بجد

دى حقيقه والكل عارفها مش انا لو حدى

ده بس من ذوقكم

بجد