23 ديسمبر
العيد القومي
للباسلة ... بورسعيد
~ْ*~ْ*~ْ*~ْ*~ْ*~ْ*~ْ*~ْ*~ْ*
أنا المصري
والكرامة فطرة فيا وف جدودي
والنهاردة جاي أدندن ع الوتر
والقلم صوت المغني وكلمتي جوايا عودي
عودي يا أنغام حمام
بتغني لمين ولمين ولمين ؟
بيغني للعاشقين
والصحبجية .. آه يا لالالي
والسمسمية .. تدندنلي
ترقص اللي
كل اللي قال أنا بورسعيدي
عودي يا أيام ..
وركبينا تايم .. ماشين
رجعينا م السنين خمسين
يا صاحب البيانوللا
يا حليوة يا حلوللا
قوم دور المنفللة
حواليك نلم الشلة
حكاويك دي فيها الطرب
رجعنا حي العرب
لما كانت بيوته جسم واحد
مصنوع من خشب
مهما انضرب
قلبه عمره ما اضطرب
كنا لسه شامين نفسنا
من احتلال خمسين سنة
والأرض مشتاقة لفاسنا
والسد حارس أرضنا
والكنال ...
الكنال . . دا مش باريسي
ولا ديلسبيسي
الكنال .. شريان بيجري ف جسمنا
جينا نأممه .. حسوا بفرسه
الإنجليز ويا اليهود وكمان .. فرنسا
جايين يملمصولنا ودانا
يدونا ع الخدين قلمين وقرصة
عشان نفوق
ولا يوم نبص لفوق
نفضل قصاد السييييييد .. عبييييييد
جولنا .. بورسعيد
سمانا بتمطر قال ايه .. وحوش
والبحر متعبي .. أساطيل جيوش
تلات دول قال ايه .. عظيمة
والعزيمة خلتنا شوفناهم .. هموووووش
حبة ناموووووس .. واحنا الفلت
لو تدخل عندنا مفقود
لو تخرج من هنا مولود
تبقى من ايدنا فلت
ومور هاوس ... جوه الهاوس
آت ذا عبادي ستريت ..
خطفوه وبسرعة في الصندوق خدوه
وسابوه
بيصرخ ..
بيقول .. هواااااااااااااااااااااي أنا بست جيت
آت ذا عبادي ستريت
يا بطلنا يا عسران
يللي انت جبت جنان
لعقل ويليامز
وف رغيفك قنبلة
تفجر العربية بيها
واللي راكبها
يخرس ويعجز
يموت باديك العفية
وف 23 منه ..
لم الجيش الفاضل منه
قال الشر هغنيله
أنا وأبعد عنه
صمدت مدينتنا وانتصرت
نصرة قوية والبطولات
خلتني أقول وأقول وأعيد
أنا المصري .. وجوه مصري
رمز الكرامة يا بورسعيد
أنا المصري ..
ع السمسمية هغني
لحن قديم
لكن .. ف قلبي جديد
أمانة عليك أمانة
يا مسافر بورسعيد
لتفوت على كل حارة
وتبوس لي كل ايد
حاربت في بورسعيد
يا حبيبتي يا بورسعيد
.....
البطل محمد مهران بعد أسره وهو في الطريق إلى مالطا وكان مازال يتمتع بنظره قبل إقتلاع البريطانيين لعينيه.
http://img250.imageshack.us/img250/4286/mahran2zs.jpg

قبل إقلاعها لضرب بورسعيد طائره بريطانيه من طراز Sea Hawk 802

http://img283.imageshack.us/img283/751/aircraft22dw.jpg

معركه الجميل

http://img270.imageshack.us/img270/9739/algameelairfield5ko.jpg

http://img270.imageshack.us/img270/4465/algameelairfield60gc.jpg

http://img248.imageshack.us/img248/3262/algameelairfield28dr.jpg

السلام عليكم ورحمه الله وبركاته
اد ايه كلماتك جميله ومؤثرة حسستنى انى فى اجواء الحرب واد ايه بورسعيد الباسله جميله بناسها وشعبها... كل دة حلو اوى بس الصور كمان اعطت للموضوع المصداقيه اكتر وجعلتنا ننظر لبعض اللقطات الفنيه التى مهما تخيلناها لن نتخيلها بهذا الجمال... فعلا شكرا لك نجم المشاعر...

السلام عليكم ورحمه الله وبركاته
اد ايه كلماتك جميله ومؤثرة حسستنى انى فى اجواء الحرب واد ايه بورسعيد الباسله جميله بناسها وشعبها... كل دة حلو اوى بس الصور كمان اعطت للموضوع المصداقيه اكتر وجعلتنا ننظر لبعض اللقطات الفنيه التى مهما تخيلناها لن نتخيلها بهذا الجمال... فعلا شكرا لك نجم المشاعر...
شكراً لأول بورسعيدية أصيلة تدخل وتنور موضوعي .. وكل سنة وأنتي بخير .. ويارب تصبح أمتنا العربية كلها أبطال يهزموا أعداءهم ودا مش غريب علينا والله يا ناس .....

الله عهلى موضوعاتك يا عمنا أحمد كل سنه وانت والأهل وبورسعيد ومصر كلهم طيبين

الله عهلى موضوعاتك يا عمنا أحمد كل سنه وانت والأهل وبورسعيد ومصر كلهم طيبين
وأنت بخير يا محمد .. ربنا يجعل أيامنا كلها انتصارات وتعود لينا الأمجاد يا رب

انتابتنى قشعريرة غريبة اثناء قراة كلماتك الحقيقية

فلقد لخصت جزء من المقاومة الشعبية وخصوصا حكاية مورهاوس ابن عمة ملكة بريطانيا وويليامز احد اكبر ضباط جيش الاحتلال

كل ما كتبتة صدق وحدث بالفعل وكتبت وكانك فرد من افراد المقاومة الشعبية

لاء

كأنك فعلا البطل عسران او البطل مهران او البطل يحيى الشاعر

وطبعا حرقت لى الصور الى كنت ناوى اضعها فى عيد ميلاد بورسعيد لكن انا وانت واحد يابطل

وانا يسعدنى جدا ويشرفنى جدا ان تشاركنى افراحى واحتفالاتى بهذة المناسبة العزيزة الى قلبى

مور هاوس
كلمات وألحان الريس الداش ( الدمرداش عبد السلام )
مور هاوس ليه بس جيت من لندن هنا واتعديت
وبتظلم آل ولا خليت واهى موتك جت جوه البيت
مور هاوس ليه بس جيت كان فكرك احنا الانصار يامصيبتك داحنا الاحرار
بنحارب ليل ونهار مانهبشى م الاستعمار
مور هاوس ليه بس جيت دى بلدنا ابطال شافوك واتعاهدوا فيها ما يخلوك
وف تاكسى اسود خطفوك راح خبرك لامك وابوك
مور هاوس ليه بس جيت فى الحى اللى هناك وخفوك وف بير السلم وتاووك
لك متحف والناس يشوفوك ويارتهم ياظابط ما جابوك
مور هاوس ليه بس جيت مستقوى بالاطلنطى كان فكرك ايام غاندى
دا المصرى حر وعربى مين قالك تنزل بلدى
مور هاوس ليه بس جيت

دى اغنية جميلة جدا دائما نغنيها على انغام السمسمية لو كنتم تعرفوها
هى فرقه موسيقية بس تمثل فولكلور مدن القناة واظن انها غير منتشره فى باقى المحافظان

استاذى النجم الحبيب

سعدت جدا جدا بموضوعك الاكثر من رائع واعتبرتة هدية غالية من اخ حبيب

شكرا لك وكل سنة واحنا جميعا طيبين ومنتصرين

كل سنه وحضرتك وكل البورسعديه وكل المصرين بخير .وبجد حضرتك دائما تمتعنا بكلماتك التى لها سحر خاص
وحضرتك حسستنا روح المقاومه والجهاد بجد الله على المصرين بس ده كان زمان وياريت نرجع زى زمان
وشكرا جدا ليك يا استذنا العظيم .

بجد موضوعك جميل جدااااااااااااا
دائما كده بتمتعنا بجمال وصدق كلماتك
اسفه لانى مش بقدر اوفى لكلماتك حقها
حقيقى والله مش بلاقى كلام اقوله بعد جمال كلماتك
ادامك الله لنا مبدعا دائمااااااااا
فى رعاية الله

انتابتنى قشعريرة غريبة اثناء قراة كلماتك الحقيقية

فلقد لخصت جزء من المقاومة الشعبية وخصوصا حكاية مورهاوس ابن عمة ملكة بريطانيا وويليامز احد اكبر ضباط جيش الاحتلال

كل ما كتبتة صدق وحدث بالفعل وكتبت وكانك فرد من افراد المقاومة الشعبية

لاء

كأنك فعلا البطل عسران او البطل مهران او البطل يحيى الشاعر

وطبعا حرقت لى الصور الى كنت ناوى اضعها فى عيد ميلاد بورسعيد لكن انا وانت واحد يابطل

وانا يسعدنى جدا ويشرفنى جدا ان تشاركنى افراحى واحتفالاتى بهذة المناسبة العزيزة الى قلبى

مور هاوس
كلمات وألحان الريس الداش ( الدمرداش عبد السلام )
مور هاوس ليه بس جيت من لندن هنا واتعديت
وبتظلم آل ولا خليت واهى موتك جت جوه البيت
مور هاوس ليه بس جيت كان فكرك احنا الانصار يامصيبتك داحنا الاحرار
بنحارب ليل ونهار مانهبشى م الاستعمار
مور هاوس ليه بس جيت دى بلدنا ابطال شافوك واتعاهدوا فيها ما يخلوك
وف تاكسى اسود خطفوك راح خبرك لامك وابوك
مور هاوس ليه بس جيت فى الحى اللى هناك وخفوك وف بير السلم وتاووك
لك متحف والناس يشوفوك ويارتهم ياظابط ما جابوك
مور هاوس ليه بس جيت مستقوى بالاطلنطى كان فكرك ايام غاندى
دا المصرى حر وعربى مين قالك تنزل بلدى
مور هاوس ليه بس جيت

دى اغنية جميلة جدا دائما نغنيها على انغام السمسمية لو كنتم تعرفوها
هى فرقه موسيقية بس تمثل فولكلور مدن القناة واظن انها غير منتشره فى باقى المحافظان

استاذى النجم الحبيب

سعدت جدا جدا بموضوعك الاكثر من رائع واعتبرتة هدية غالية من اخ حبيب

شكرا لك وكل سنة واحنا جميعا طيبين ومنتصرين
أخي وحبيبي الغالي وابن بلدي الطيب الأصيل ابن الأبطال والنضال والكنال .. صديق الصدف والودع والبحر والسمسمية بورسعيدي أصيل .. ردك شرفني ونورني وحسسني إن بورسعيد كلها بتحضني من بورفؤاد لحد الجميل ومن البحر لحد الرسوة .. كل سنة وانت طيب وبورسعيد كلها بخير يا رب ..

كل سنه وحضرتك وكل البورسعديه وكل المصرين بخير .وبجد حضرتك دائما تمتعنا بكلماتك التى لها سحر خاص
وحضرتك حسستنا روح المقاومه والجهاد بجد الله على المصرين بس ده كان زمان وياريت نرجع زى زمان
وشكرا جدا ليك يا استذنا العظيم .
ياااااااااااه على البلد دي يا جماعة .. الواحد بيبقى مسافر أي محافظة زيارة مثلاً شغل أو حاجة زي كده .. وهو راجع أول لما يشوف معالم بورسعيد من على بعد يااااااااااه .. يحس إن الروح اتردت فيه من جديد ويفرح فرحة والله ما تعادلها فرحة .. يا حبيبتي .. يا بورسعيد .. شكراً على الرد وكل سنة وأنتم بخير
بجد موضوعك جميل جدااااااااااااا
دائما كده بتمتعنا بجمال وصدق كلماتك
اسفه لانى مش بقدر اوفى لكلماتك حقها
حقيقى والله مش بلاقى كلام اقوله بعد جمال كلماتك
ادامك الله لنا مبدعا دائمااااااااا
فى رعاية الله
الله يخليك يا هند على ردك الجميل وكل سنة ومصر كلها بخير بمناسبة عيد بنت مصر الحرة الأبية العظيمة العفية بورسيعد

كل عام وانت بخير يا باسلة ، ودائما جميلة وهادئة يا رائعة فأنت مسقط رأسلى وفيك أحبتى

يا حبيبتي يا بورسعيد
يا حبيبتي يا بورسعيد
فرحتنا وفكرتنا على انغام السمسمية يا عمنا
وفكرتني بالتراث البورسعيدي الجميل
تسلم يا ابن البلد الباسلة
وكل عام وانت وكل بورسعيد بخير وسعادة