السلام عليكم ورحمة الله وبركانه
(تلاتين حسنه:))

ازيكم ياجماعة

انا مش كنت ناوية اكتب التوبيك ده النهارده لاني داخلة ربع ساعة كده خطف

وكنت عاوزة اكتبه على رواقة بس ماستحملتش ابقى في المنتدى ومكتبهوش

انا عاوزة اتكلم عن ادب الحوار اللي بجد مش لاقياه

ممكن اكون مش لاقياه لاني مكونة عنه فكرة بمفهمومي الخاص

هقولكم ازاي

يعني انا اعرف ان ادب الحوار ده المفروض تبقى حاجة طبيعيه في الانسان

مش المفروض انه يتكلف بيها او يتصنعها او حتى يتعود عليه

يعني لما حد يكلمني اسمعه لحد مايخلص كلامه

وادي فرصة لغير انه يتكلم ومقاطعش حد في كلامه

حتى لو كنت انا اللي عاوزة احكي واانا اللي بتكلم استنى لما اشوف رأي اللي قدامي في كلامي ايه

هو ده اللي انا اعرفه عن ادب الحوار

وتقريبا دي بتبقي حاجة طبيعية مش محتاجة اني افتكرها وانا بتكلم مع حد

بس حاليا ادب الحوار بقى مش موجود خالص

احب اقولكو ان انا مع اي واحده من زميلاتي بكون مستمعة وبس :romarioxp6:

وده مش باارادتي

هي مش بتديني فرصة اتكلم:romarioxp6:

حاجة كمان

ابقى قاعده بكلم اخويا او اختي

ومرة واحده ارفع عيني الاقيني بكلم نفسي:d

والله بتحصل:040vk0:

وابقى بكلم اختي بردو ومندمجة ياعيني في الكلام وهي ساكته

انا طبعا مفكراها منصته الاقيها بتسألني سؤال تاني برة الموضوع خالص

يعني هي مش معايا اصلا وبتقطعني في الكلام:mad:

وصحباتي بقى مقكوش

الواحده اول ماشوفها الاقيها تشتغل رغي

احاول بس ارد كنوع من التجاوب معاها:redface:

متدنيش الفرصة اني اتكلم

عارفين ياجماعه نظام اللي لما حد يجي يتكلم التاني يعلي صوته يروح الاخ اللي بيتكلم يبطل كلام

انا بيحصل معايا كده:romarioxp6:

اكيد صعبت عليكم:d

والله فاض بيا بجد
:mad:
ممكن يكون موضوع مش مهم بالنسبالكم

بس لما حد يبقى مش عارف يتكلم صعبة جدا:(

وممكن بردو الكلام ده مش بيكون بيحصل معاكم

بس منتشر جدا في المجتمع اللي حواليا

اخر حاجة

سارة
اللي هي طفلة الامس

كانت ناوية تعمل توبيك زي ده

بس انا سبقتها

فهي طبعا عندها كلام كتير في الموضوع ده

هسيبكم في الرد التاني معاها

لانها اصرت انه يبقى توبيك مشترك:d

والسلام عليكم ورحمة الله وبركاته
(تلاتين حسنه:))

مستني رد الاخت سارة

وانا هرد في الموضوع لانه جميل وطيب بس بعد رد طفلة الامس

هو توبيك جميل
وليه اكتر من مغزى
انا بردو كنت مكنتش اعرف الاسس
ممكن كنت اقعد مع اخوالى او اعمامى
حد اكبر منى
واقطاعه
لحد ما ابويا الله يرحمه علمنى
قالى طول ما انت بتسمع بتجمع معلومات
وتقدر تتكلم فى نطاق الموضوع
بردو بدات اقراء
بس لما اجى اتكلم مع اصحابى او او
تلاقى المواضيع داخله فى بعضها
كل واحد فى وادى
قال ليه ؟

فعلا ممكن يكون افتدقنا ادب الحوار
؟

بس عن نفسى
اتخذتها قاعدة ليا
فى اى حوار او اى مجلس او
الاول اسمع للكل وبعد كدا ابدا اتناقش
مش اقاطع

توبيك جميل جدا يا ايمى وياسارة
thanks alot

اكتر حاجة لفتت نظرى فى كلامك ياايمى
هى حسن الاستماع
ودى انعدمت فى كتير من الناس
عشان كده هابدا بيها:)
جبت لكم شوية اقوال كده عن حسن الاستماع
قال الحسن البصرى: ( اذا جالست فكن على ان تسمع احرص منك على ان تقول ،،وتعلم حسن الاستماع ،كما تتعلم حسن القول،،ولا تقطع على احد حديثه)

وقال معاذ بن سعد :( كنت جالسا عند عطاء بن ابى رباح ، فحدث رجل بحديث ،فعرض رجل من القوم فى حديثه ،قال : فغضب ،،وقال : ماهذه الطباع ؟؟!! ، انى لاسمع الحديث من الرجل وانا اعلم به ،فاريه كانى لا احسن شيئا)

جميلة اوى المقولة التانية دى
يعنى يبقى عارف الكلام اللى بيتقال وعامل نفسه مش عارف
وده بيحصل معايا شخصيا كتير اوى
اخواتى ييجوا يحكولى فى الحاجة مليون مرة وشفتى ايه اللى حصل فى حلقة كونان والجاسوسات:av4056bb7jp3:
اصلى بحبهم:)
بس ساعات بصراحة بزهق من كتر اعادة الكلام فبضطر اقولهم سمعتها مليون مرة
وبحاول يعنى اطبق الكلام ده
وقال الشاعر :

ان انت جالست الرجال ذوى النهى ............... فاجلس اليهم بالكمال مؤدبا
واسمع حديثهم اذا هم حدثوا ................... واجعل حديثك ان نطقت مهذبا

وحاجة كمان يعنى من اداب الحوار مع الصغار
فيقول الشاعر:
احسن محاورة الصغير فانه ......ليراك قدوته بكل طريق
فلو اصلا الانسان مش بيعرف يحاور واسلوبه ما شاء الله فى الكلام
المفروض ان الاصغر منه يتكلم كويس؟؟
اذا كان هو يا كبير مابيعرفش يتكلم وهو مدرك وواعى لتصرفاته
فطبعا رد فعل طبيعى من الاصغر منه انه يبقى حاجة كده فريدة من نوعها فى عدم احترام الاخرين

وحاجة مهمة اوى كمان
الناس اللى بقى مابتعرفش لا تستمع ولا تنصت ولا ليها فى اى حاجة
يبقى الاحسن مانتناقش معاهم فى حاجة
فيقول الشاعر:
اذا مارايت المرء اعطاك سمعه........ وعينيه مهتما وثلث بالقلب
فحدثه يفهم واستمع لحديثه............ والا فدعه فهو فى عالم الغيب
واخييرا حسن الخلق
تحس فعلا ان اخلاق الانسان بتظهر من كلامه وطريقه حواره
يعنى لازم الاتنين مقرونين تمام الاقتران ببعض
فيقول الشاعر :
وما حسنٌ ان يمدح المرء نفسه.............ولكن اخلاقا تذم وتمدح

انا فعلا كنت عايزة اعمل الموضوع ده من رمضان
بس الكلام ليا كتيير اوىىى وليا عودة تانى باذن الله عشان اكمل
لان الملاحظ دلوقتى ان اغلب المشاكل هنا فى المنتدى ماحدش فيها بيراعى الحاجات دى
كله بيخبط الكلام ومفيش لامراعاة بمشاعر المتحدث اليه ولااى حاجة
ولا فيه اى التزام باداب الحوار
كل واحد عاوز يوصل فكرته وعاوزها توصل باى شكل وخلاص
ومش فارقة بقى خبط فى لزق وكله ماشى:av4056bb7jp3:
زى ماقولت راجعة تانى
فانتظرونى

منتظرين عودتك فى الموضوع يا ساره

مستني رد الاخت سارة

وانا هرد في الموضوع لانه جميل وطيب بس بعد رد طفلة الامس
في انتظار ردك يامستر اشرف


هو توبيك جميل

وليه اكتر من مغزى
انا بردو كنت مكنتش اعرف الاسس
ممكن كنت اقعد مع اخوالى او اعمامى
حد اكبر منى
واقطاعه
لحد ما ابويا الله يرحمه علمنى
قالى طول ما انت بتسمع بتجمع معلومات
وتقدر تتكلم فى نطاق الموضوع
بردو بدات اقراء
بس لما اجى اتكلم مع اصحابى او او
تلاقى المواضيع داخله فى بعضها
كل واحد فى وادى
قال ليه ؟

فعلا ممكن يكون افتدقنا ادب الحوار
؟

بس عن نفسى
اتخذتها قاعدة ليا
فى اى حوار او اى مجلس او
الاول اسمع للكل وبعد كدا ابدا اتناقش
مش اقاطع

توبيك جميل جدا يا ايمى وياسارة

thanks alot

اها دايما بتحصل دي ان كل واحد بيتكلم في وادي
انا لما بلاقي حاجة زي كده بسكت مغلوبة على امري:d
انا اللي كاتبة الكلام اللي فوق ده
وسارة لسه كلامها جاي
ياريت تتابع معانا
منور يامصطفى

طبعا ليا الحق اني اناقشك ياقمر:)


اكتر حاجة لفتت نظرى فى كلامك ياايمى


هى حسن الاستماع
ودى انعدمت فى كتير من الناس
عشان كده هابدا بيها:)
جبت لكم شوية اقوال كده عن حسن الاستماع
قال الحسن البصرى: ( اذا جالست فكن على ان تسمع احرص منك على ان تقول ،،وتعلم حسن الاستماع ،كما تتعلم حسن القول،،ولا تقطع على احد حديثه)

وقال معاذ بن سعد :( كنت جالسا عند عطاء بن ابى رباح ، فحدث رجل بحديث ،فعرض رجل من القوم فى حديثه ،قال : فغضب ،،وقال : ماهذه الطباع ؟؟!! ، انى لاسمع الحديث من الرجل وانا اعلم به ،فاريه كانى لا احسن شيئا)

جميلة اوى المقولة التانية دى
يعنى يبقى عارف الكلام اللى بيتقال وعامل نفسه مش عارف
وده بيحصل معايا شخصيا كتير اوى
اخواتى ييجوا يحكولى فى الحاجة مليون مرة وشفتى ايه اللى حصل فى حلقة كونان والجاسوسات:av4056bb7jp3:
اصلى بحبهم:)
بس ساعات بصراحة بزهق من كتر اعادة الكلام فبضطر اقولهم سمعتها مليون مرة
بصي ياستي انا لما بتحط في موقف زي ده وبتحصل كتير بيكون احد الامرين
اما اني اعمل نفسي ماعرفهاش قبل كده
ودي بتحصل مع اشخاص معينه
واحده صاحبتي مش متعوده عليها حد اكبر مني
يعني ناس بحترمهم
لكن لما يبقى اخواتي او صحابي
بعمل ايه
اروح اقولهم تقريبا انا فاكرة اني شوفتها قبل كده
مش هي دي اللي هيحصل فيها.......
يقولو اها وفي نفس الوقت يسكتو وهما راضيين
والطريقة دي مريحاني جدا
وبحاول اعلمها لاخويا الصغير بس للاسف
معندهوش ادب الحوار:d
وبحاول يعنى اطبق الكلام ده
وقال الشاعر :

ان انت جالست الرجال ذوى النهى ............... فاجلس اليهم بالكمال مؤدبا
واسمع حديثهم اذا هم حدثوا ................... واجعل حديثك ان نطقت مهذبا
جميل اوي الكلام ده
هو ده ادب الحوار
بس صدقيني مابقاش موجود
!!!!!
:(

وحاجة كمان يعنى من اداب الحوار مع الصغار
فيقول الشاعر:
احسن محاورة الصغير فانه ......ليراك قدوته بكل طريق
فلو اصلا الانسان مش بيعرف يحاور واسلوبه ما شاء الله فى الكلام
المفروض ان الاصغر منه يتكلم كويس؟؟
اذا كان هو يا كبير مابيعرفش يتكلم وهو مدرك وواعى لتصرفاته
فطبعا رد فعل طبيعى من الاصغر منه انه يبقى حاجة كده فريدة من نوعها فى عدم احترام الاخرين

سبحان الله
ابقي لاحظي كده لما طفل صغير يتكلم
تلاقي سبعة كبار بيسمعوه وبيقطعو في كلام بعضهم عشان يكلموه
حاجة غريبة
!!!!!
وحاجة مهمة اوى كمان
الناس اللى بقى مابتعرفش لا تستمع ولا تنصت ولا ليها فى اى حاجة
يبقى الاحسن مانتناقش معاهم فى حاجة
ساعات مش بنلاقي غيرهم
فيقول الشاعر:
اذا مارايت المرء اعطاك سمعه........ وعينيه مهتما وثلث بالقلب
فحدثه يفهم واستمع لحديثه............ والا فدعه فهو فى عالم الغيب
واخييرا حسن الخلق
تحس فعلا ان اخلاق الانسان بتظهر من كلامه وطريقه حواره
يعنى لازم الاتنين مقرونين تمام الاقتران ببعض
فيقول الشاعر :
وما حسنٌ ان يمدح المرء نفسه.............ولكن اخلاقا تذم وتمدح

انا فعلا كنت عايزة اعمل الموضوع ده من رمضان
بس الكلام ليا كتيير اوىىى وليا عودة تانى باذن الله عشان اكمل
لان الملاحظ دلوقتى ان اغلب المشاكل هنا فى المنتدى ماحدش فيها بيراعى الحاجات دى
كله بيخبط الكلام ومفيش لامراعاة بمشاعر المتحدث اليه ولااى حاجة
ولا فيه اى التزام باداب الحوار
كل واحد عاوز يوصل فكرته وعاوزها توصل باى شكل وخلاص
ومش فارقة بقى خبط فى لزق وكله ماشى:av4056bb7jp3:
زى ماقولت راجعة تانى

فانتظرونى

منتظراكي ياقمر
حلو كلامك جدا
والتوبيك مكمل بعضه
بس عاوزة اشوف تعليقك على كلامي

بجد الموضوع عباره عن تحفه

أنا ليا وجه نظر غريبه فى الموضوع ده
أول نقطه
وهى إن بعض الأشخاص بتفهم حسن الإستماع ضعف من المستمع أو إهمال للمتحدث
وبيتهيألى دى مفهومه
تانى نقطه
الموضوع اللى بيتم الحديث عليه من الممكن إن يبقى مش مهم لأحد الطرفين ولذلك مبيبقاش فيه أداب حوار يعنى مثلاً إنت بتكلمنى فى موضوع ميهمنيش وأنا مش مهتم به زى الكوره مثلاً طب ليه أصلاً أنا أسمع
تالت نقطه
الراحه النفسيه بين المتحاورين ودى بتبقى غالباً النقطه السائده يعنى إنت بتكلمنى فى موضوع مهم وكل حاجه ومهم بالنسبه ليه بس أنا أصلاً بتخنق منك ومش بحب أتكلم معاك فبالتالى بيبقى فيه لبس كبير لأن فيه أشخاص
رابع نقطه
الإسلوب العام للمتحاورين
فيه ناس بتبقى طريقتهم فى الكلام بتبفتقد الأداب فى الحوار وهما مستريحين مع بعض كده ولما إنت تقف فى وسطهم تتخنق لكن لو بتتكلم مع شخص منهم لوحده تلاقيه حاجه تانيه

المشكله الكبيره بقه إن العادى بقى الكلام فى التفهات والحاجات اللى ملهاش أى لزمه لدرجه إنه بقى بيتم الخلط بين الجد والهزل غالباً عندنا

وبجد الموضوع جميل جدااااً تسلم إيدكم

طفلة الامس وبنت الاسلام ربنا يحفظم ذخرا للاسلام

الموضوع ممتاز ومفتقدينه جدا هنا ع المنتدى
لكن عاوزة اقول انو وان كان بعض الناس بيفهموا الاستماع على انه ضعف فده جهل منهم لان في علم اسمه فن الاستماع
وفي فن الرد
فن بحيث تخلي المتحاور اللي معاك يطلع كل اللي عنده وتمسك كلامه بصبر وهجوء وبشاشة وترد عليه شوية شوية باسلوب متميز من الاقناع
يخلي ردك مهما كان قوي او قاسي كله احترام لا يخلق بينكم اي مشاكل ابدا وقد يوحد وجهات النظر المتناقضة تماما
جزيتما خيرا

أنا بردوا عندي شوية ملحوظات كده يعني أنا مثلا طول منا بكلم حد مش عايز مثلا أطول في الكلام معاه ويجي علي معلومة عايز يعرفها باجي مقصر وقولو معرفش وحاجات زي كده ومبحبش أطول في الكلام مع والدي لعدة أسباب بس خارجة عن إرادتي وطول مبكلم أصدقائي عادي يعني إتهيالي عادي جدا مفيش إختلاف وكل واحد ليه أسلوب يعني

وعليكم السلام ورحمة الله وبركاته
بين قوسين اخدت الثلاثين حسنه ان شاء الله اشمعنه بنت الاسلام يعنى
نيجى للموضوع
للاسف فعلا احنا سواء هنا او فى حيتنا العاديه فعلا ساعات بنفتقد حسن الاستماع
بس لو هنا
للاسف احنا بنكون السبب فى ده
لاننا هنا مش بنتناقش للوصول الى الحق
لا
دا احنا بنتعارك لاثبات الراى وفرضه على الاخر
وده بيؤدى الى اللغوشه على الجميع
وللاسف مش بنجيب من الاخر زى ما الاخ قال فوق
لا
كل واحد يجى تنقشيه تلاقيه جايبلك كلام واحد تانى ويعملك رد تاخدى ساعات وساعات لقرائته
وده السبب الى مخلينا متفقين على حاجه واحده بس
وهى اننا اتفقنا على الا نتفق
انما بالنسبه للمواقف الى حضرتكم ذكرتوها
معلش انا واحد من الناس بحب الخص
مش الاقى اخويه الصغير يجى ويقولى وبعدين راح للراجل
والراجع بعد مارحله
وراح الراجل تانى
اقوله يا عم انجز مين الى راح لمين
وتلاقينى تهت فى النص منه
فى نفس الوقت مقدرش اقوم من قدامه الا لما يخلص كلامه
وفى نفس الوقت برضه بقعد مش فاهم من كلامه حاجه
بس مضطر انى اسمعه
والاخر بمسك فى اخر كلمه وخلاص
واعلق عليها

السلام عليكم ورحمة الله وبركانه
(تلاتين حسنه:))

وعليكم السلام ورحمه الله وبركاته

ازيكم ياجماعة

الحمد لله
انا مش كنت ناوية اكتب التوبيك ده النهارده لاني داخلة ربع ساعة كده خطف

وكنت عاوزة اكتبه على رواقة بس ماستحملتش ابقى في المنتدى ومكتبهوش

وانا لقيته موضوع كويس قلت ارد عبال مالبتاع ده ينزل
انا عاوزة اتكلم عن ادب الحوار اللي بجد مش لاقياه

لا هو موجود يا ايمى بس زى اى حاجه كويسه بتكون نادره

ممكن اكون مش لاقياه لاني مكونة عنه فكرة بمفهمومي الخاص

هقولكم ازاي
:)

يعني انا اعرف ان ادب الحوار ده المفروض تبقى حاجة طبيعيه في الانسان

تؤ طبيعيه ازاى بصى الشخصيات بتختلف عن بعضها والمبادىء والقيم ليها مفهوم مختلف عند كل شخص
معظمنا شايف ان اللى بيعمله هو الصح وعشان كده بيعمله
وكل واحد شايف ادب الحوار بوجهه نظر مختلفه

مش المفروض انه يتكلف بيها او يتصنعها او حتى يتعود عليه

بردو كل حاجه فى حياتنا بنتعلمها
احنا بنتولد ملناش فى حاجه
المجتمع والناس والاهل والجامع وكل الحجات دى بتفرض عليكى اشياء بتتعلميها
يعنى بفرض انك اتولدتى فى اسره
علاقتاها مع بعض مش كويسه بعد الشر طبعا
الاب ش بيسمع الام
او بيتريق ع كلامها او او
هل هتطلعى انسانه سويه
هل هتقدرى تسمعى اى حد او تتقبلى كلام اى حد
ساعتها ادب الحوار عندك بيبقى حاجه صعبه
لانك متعلمتهوش من باباكى ومامتك

يعني لما حد يكلمني اسمعه لحد مايخلص كلامه

وادي فرصة لغير انه يتكلم ومقاطعش حد في كلامه

حتى لو كنت انا اللي عاوزة احكي واانا اللي بتكلم استنى لما اشوف رأي اللي قدامي في كلامي ايه
اها فى ناس كتير بتكون كده وفى ناس هوائيه
يعنى اول ميلاقيكى بتحكى فى موقف مثلا ع طول تلاقيهم دخلوا فى الكلام
وهاتك يارغى
ولا كانك كنتى بتتكلمى

هو ده اللي انا اعرفه عن ادب الحوار
وتقريبا ده اللى نعرفه

وتقريبا دي بتبقي حاجة طبيعية مش محتاجة اني افتكرها وانا بتكلم مع حد

بس حاليا ادب الحوار بقى مش موجود خالص
ده لما تتعودى عليها الاول بتكون شيء طبيعى
زى القراءه فى الاول هتلاقيكى بتهتهى ولا بتعرفى تنطقى
مره فى مره هتتعلمى تقري صح
زى مبتتعلمى ادب الحوار من صغرك سواء من اهلك او او وبتطبقيه بشكل لا ارادى فى حياتك

احب اقولكو ان انا مع اي واحده من زميلاتي بكون مستمعة وبس :romarioxp6:

وده مش باارادتي

هي مش بتديني فرصة اتكلم:romarioxp6:

حاجة كمان
معلش استحملى وحاولى لو انتى فعلا محتاجه تتكلمى معاها
نبيهيها قوليها بهزار يا بت اسكتى شويه ادينى فرصه انطق او حسب الاسلوب اللى بتتعاملى مع الناس بيه

ابقى قاعده بكلم اخويا او اختي

ومرة واحده ارفع عيني الاقيني بكلم نفسي:d

والله بتحصل:040vk0:

وابقى بكلم اختي بردو ومندمجة ياعيني في الكلام وهي ساكته

انا طبعا مفكراها منصته الاقيها بتسألني سؤال تاني برة الموضوع خالص

يعني هي مش معايا اصلا وبتقطعني في الكلام:mad:


ايه االاحراج ده انا تقريبا اللى بعمل الموقف ده
يعنى ماام تكون بتكلمنى وانا قاعده ع الكمبيوتر
وانا فى وادى وهى فى وادى
تيجى تقولى ايه رايك
اقولها كويس والله وانا مش عارفه الحوار كان ع ايه
وبعدها بنص ساعه تقلى انتى لسه ملبستيش
اتارى كانت بتقلى نخرج نجيب حجات للبيت
وانا وافقت وانا مش واخده بالى
يلا مش مشكله
بس هى فعلا حركه تضايق

المفروض يعنى ان الواحد يسمع للى قدامه
بس فى كام مشكله
اول حاجه احيانا فى ناس بتيجى تتكلم فى اوقات مش مناسبه
ولو انتى قلتلهم معلش مش قادره اتكلم دلوقتى
بيكون النتيجه زعل
فبتضطرى تجاريهم
او
تسمعى وتطنشي
احيانا المشكله بتكون من صاحب الكلام
لما يكون الموضوع ملوش لازمه
زى مثلا
المغنيه فولانه اطلقت والممثله علنه اتجوزت طليقها
وعملوا الفرح مش عارفه فين فراحت الاولانيه مسلطه شويه بلطجيه وكاسرين الفرح
متسألونيش اتكسر ازاى
بس اهو حوار تافه ممكن نسمعه
واكيد بتكون نهايته انى اسأل سؤال فى حته تانيه
عشان نخرج من دائره الشك دى
:)


وصحباتي بقى مقكوش

الواحده اول ماشوفها الاقيها تشتغل رغي

احاول بس ارد كنوع من التجاوب معاها:redface:

متدنيش الفرصة اني اتكلم

عارفين ياجماعه نظام اللي لما حد يجي يتكلم التاني يعلي صوته يروح الاخ اللي بيتكلم يبطل كلام

انا بيحصل معايا كده:romarioxp6:

هههههههه
خدوهم بالصوت
عادى يعنى يا ايمى
اتعلمى من اختك
هبقى اقلك ع وصفه سحريه تتخلصى بيها من الوش ده

اكيد صعبت عليكم:d
لا مين اللى كدب وقالك كده

والله فاض بيا بجد
:mad:
ممكن يكون موضوع مش مهم بالنسبالكم

بس لما حد يبقى مش عارف يتكلم صعبة جدا:(

وممكن بردو الكلام ده مش بيكون بيحصل معاكم

بس منتشر جدا في المجتمع اللي حواليا

زى مقلت موضوع كويس وبيتكرر كتير



اخر حاجة

سارة
اللي هي طفلة الامس

كانت ناوية تعمل توبيك زي ده

بس انا سبقتها

فهي طبعا عندها كلام كتير في الموضوع ده

هسيبكم في الرد التاني معاها

لانها اصرت انه يبقى توبيك مشترك:d
يلا ده احسن حاجه بدل مترجع تعمل موضوع تانى ويتشال فى التوبيكس المكرره

والسلام عليكم ورحمة الله وبركاته
(تلاتين حسنه:))

وعليكى السلام ورحمه الله وبركاته


بغض النظر عن الموضوع وعبال مالبتاع اللى لسه مخلصش تحميل ينزل

الموضوع ده احنا اخدناه بشكل عام

ممكن نخصصه هنا فى المنتدى

ادب الحوار

اعتقد ان فى كتير مفتقده

انا مثلا بخرج احيانا عن حدود اللياقه بس مش بالشكل الكبير ده من وجه نظرى

احيانا فى ناس مينفعش انك ترد عليهم غير باسلوب معين
الاسلوب اللى بيجمع بين كميتين كبار من الرخامه والبرود
ياما مش هتعرف تتكلم
ومن الحجات المبهجه هنا فى هذا المكان
ان فى بعض المشرفين
بيعدلوا فى ردود
وبيحذفوا فى ردود
اعتقد ان فى بعض الانتقادات اللى بتوجه ليهم
مفروض كمشرف مؤهل يتقبلها
سابو ايه للعيال الصغيره
لو الكلام عادى طب متسيبوه ايه اللى يضايق فى ان حد يقول المشرف ده مش يستحق مثلا
هل هى هتغير منه حاجه بالعكس ممكن يستفيد من النقد ده بكلمه ولا كلمتين
وممكن ميستفدش عادى حسب عقليته وحسب الكلام اللى بيتقال

فزى من اداب الحوار ان الواحد فى العالم الحقيقى ان يسمع التانيين
فى عالم الديجتال ده مفروض نسمع بردو الكلام ومنغيروش

هعلق ع كام حاجه كده فى رد السادات


تانى نقطه
الموضوع اللى بيتم الحديث عليه من الممكن إن يبقى مش مهم لأحد الطرفين ولذلك مبيبقاش فيه أداب حوار يعنى مثلاً إنت بتكلمنى فى موضوع ميهمنيش وأنا مش مهتم به زى الكوره مثلاً طب ليه أصلاً أنا أسمع

دلوقتى انا بردو كان جه فى دماغى الجزء ده بس انا كنت اتكلمت ع بعض الموضعات الهايفه
اما انت هنا عممتها
الوحد بوجه عام مفروض يكون عارف حاجه عن كل حاجه
وسيلتك للمعرفه هتكون ياقرايه يا استماع
حتى الموضوع لو مش يهمك
هتسمع عشان تتعلم او تعرف
تمام
فلازم تسمع وتعرف الشخص اللى قدامك اشمعنى هو فاهم فى ده وانا لا
هتبدا تدور وتعرف
فانا شايه الاستماع حتى لو لموضوع مش يهمنى حاجه مفروض نتعلمها


تالت نقطه
الراحه النفسيه بين المتحاورين ودى بتبقى غالباً النقطه السائده يعنى إنت بتكلمنى فى موضوع مهم وكل حاجه ومهم بالنسبه ليه بس أنا أصلاً بتخنق منك ومش بحب أتكلم معاك فبالتالى بيبقى فيه لبس كبير لأن فيه أشخاص

كويسه النقطه دى مجتش ع بالى
بس بردو من ابسط قوعد الزوق
ان لو الشخصيه اللى بتكلمك
انت مخنوق منها
هتسمعلها غصب عنك
والطبيعى بدام بتسمع انك مضيقهوش وتتجاهله
يعنى حتى اسمع اللى عاوزه
وعلق تعليق بسيط
وممكن يكون كلامه وسيله لفتح حوار وعشان متبقوش مخنوقين من بعض تانى
:)

السلام عليكم و رحمة الله و بركاته ,,,,,,

جزاكما الله كل الخير يا أختأاه " بنت الاسلام و طفلة الامس "

بصراحة موضوع رائـــــــــع جداا و ما هو أاجمــــــــل هو الاقناع به

و لكن لنقف امام نقطتين مهمتين " سبل العمل به " من جهة كيفية برمجة المخ على ذلك "

و اللى فى الصف الثالث الثانوي معه " كتاب ادب الحوار فى الاسلام "

و جــــــــــــــــزاكما الله خـــــــــــــــــيرا

انا مثلا بخرج احيانا عن حدود اللياقه بس مش بالشكل الكبير ده من وجه نظرى








احم احم
احيانا؟؟؟
خليكى صريحة يا أمى
انتى طول عمرك خارجة اصلا :slap1qk6:
نفسى احسن انك داخلة مرة واحدة
وهديكى ربع جنيه


ايمى الموضوع جميل جدا
وهرجع ارد عليكى :)

طبعا ليا الحق اني اناقشك ياقمر:)




منتظراكي ياقمر
حلو كلامك جدا
والتوبيك مكمل بعضه

بس عاوزة اشوف تعليقك على كلامي


ليكى نفس تناقشينى
مش كفاية التدبيسة اللى حطتينى فيها
ماشى ماشى انا هاسامحك عشان طيبة:abdoog8:
سبحان الله
ابقي لاحظي كده لما طفل صغير يتكلم
تلاقي سبعة كبار بيسمعوه وبيقطعو في كلام بعضهم عشان يكلموه
حاجة غريبة

مش فاهمة قصدك اوى فى الجزئية دى
ياريت توضحى اكتر:)
ساعات مش بنلاقي غيرهم
فعلا وهى دى المشكلة
بس ليها حل
اصل ياهما هايقنعوكى يا انتى تقنعيهم
فانتى لو شايفة نفسك اد انك تاثرى عليهم بكلامك
وكلامك مقنع وبيوصل الفكرة بسرعة وباقناع تام
يبقى خلاص تحاورى براحتك
اما لو مش كده يبقى مش لازم نوجع نفسنا
نتناقش مع اللى هايفهمونا وبس
وتقريبا اغلبنا من النوع التانى ولا ايه؟؟

بجد الموضوع عباره عن تحفه


أنا ليا وجه نظر غريبه فى الموضوع ده
أول نقطه
وهى إن بعض الأشخاص بتفهم حسن الإستماع ضعف من المستمع أو إهمال للمتحدث
وبيتهيألى دى مفهومه
يعنى لما انا استنى اللى ادامى اما يخلص كلامه
وبعدين ابدا اتدخل فى الحوار بهدوء
يبقى ده ضعف؟؟!!
بالعكس ده بيظهر مدى اخلاق المتحدث فى نظرى
تانى نقطه
الموضوع اللى بيتم الحديث عليه من الممكن إن يبقى مش مهم لأحد الطرفين ولذلك مبيبقاش فيه أداب حوار يعنى مثلاً إنت بتكلمنى فى موضوع ميهمنيش وأنا مش مهتم به زى الكوره مثلاً طب ليه أصلاً أنا أسمع
احنا بنتكلم عن موضوع نقاشى يخص كل الاطراف
تالت نقطه
الراحه النفسيه بين المتحاورين ودى بتبقى غالباً النقطه السائده يعنى إنت بتكلمنى فى موضوع مهم وكل حاجه ومهم بالنسبه ليه بس أنا أصلاً بتخنق منك ومش بحب أتكلم معاك فبالتالى بيبقى فيه لبس كبير لأن فيه أشخاص
فعلا الراحة النفسية دى عامل مهم اوى واساسى تقريبا
بس مثلا لو انا عايزة اتكلم مع واحدة بتتصرف تصرف غلط وماليش اى معرفة مسبقة بيها
بيبقى هنا العامل النفسى مختفى تماما لانى ماعرفهاش وماسبقش انى اتعاملت معاها قبل كده
يبقى نعمل ايه؟؟
رابع نقطه
الإسلوب العام للمتحاورين
فيه ناس بتبقى طريقتهم فى الكلام بتبفتقد الأداب فى الحوار وهما مستريحين مع بعض كده ولما إنت تقف فى وسطهم تتخنق لكن لو بتتكلم مع شخص منهم لوحده تلاقيه حاجه تانيه

المشكله الكبيره بقه إن العادى بقى الكلام فى التفهات والحاجات اللى ملهاش أى لزمه لدرجه إنه بقى بيتم الخلط بين الجد والهزل غالباً عندنا
بيتم الخلط بين الجد والهزار
جملة مهمة اوى بجد
مابقناش نعرف نفرق بين الجد واللعب
وبنتكلم فى حاجات تافهة ونعمل عليها مشاكل وخناقات اثناء الحوار والموضوع مايبقاش مستاهل اصلا زى مابيحصل بالضبط فى المنتدى:):)

وبجد الموضوع جميل جدااااً تسلم إيدكم


شكرا جزيلا لمرورك الطيب العطر
وجزاكم الله خيرا كثيرا

طفلة الامس وبنت الاسلام ربنا يحفظم ذخرا للاسلام

الموضوع ممتاز ومفتقدينه جدا هنا ع المنتدى
لكن عاوزة اقول انو وان كان بعض الناس بيفهموا الاستماع على انه ضعف فده جهل منهم لان في علم اسمه فن الاستماع
وفي فن الرد
فن بحيث تخلي المتحاور اللي معاك يطلع كل اللي عنده وتمسك كلامه بصبر وهجوء وبشاشة وترد عليه شوية شوية باسلوب متميز من الاقناع
يخلي ردك مهما كان قوي او قاسي كله احترام لا يخلق بينكم اي مشاكل ابدا وقد يوحد وجهات النظر المتناقضة تماما
جزيتما خيرا

جزاكى الله خيرا يا هنا
مفتقدينة افتقاد ابدى يابنتى والله
الواحد مابقاش عارف يعمل ايه؟؟
انا مش عارفة ازاى يعنى الاستماع ضعف؟؟ حقيقى نفسى افهمها
الكتاب اصلا اللى جايبة منه فكرة الموضوع اسمه فن الحوار
فانتى عندك حق فعلا
جزاكى الله خيرا على المرور والرد
نورتى الموضوع

للاسف فعلا احنا سواء هنا او فى حيتنا العاديه فعلا ساعات بنفتقد حسن الاستماع
بس لو هنا
للاسف احنا بنكون السبب فى ده
لاننا هنا مش بنتناقش للوصول الى الحق
لا
دا احنا بنتعارك لاثبات الراى وفرضه على الاخر
وده بيؤدى الى اللغوشه على الجميع

والله حضرتك جبت من نهاية النهاية
فعلا بنتعارك عشان كل واحد يطلع نفسه صح وبس ويظهر بمظهر لائق امام الاخرين
مش عشان اثبات حق زى ماذكرت
ودى فى حد ذاتها كارثة
جزاكم الله خيرا على الرد الطيب

السلام عليكم ورحمة الله وبركانه

(تلاتين حسنه:))
وعليكم السلام ورحمة الله وبركاته

ازيكم ياجماعة
بخير الحمد لله
انتى ازيك؟؟

انا مش كنت ناوية اكتب التوبيك ده النهارده لاني داخلة ربع ساعة كده خطف

وكنت عاوزة اكتبه على رواقة بس ماستحملتش ابقى في المنتدى ومكتبهوش
قصدك مستحملتيش تكونى فى المنتدى ومترغيش

انا عاوزة اتكلم عن ادب الحوار اللي بجد مش لاقياه
تلاقيه مستخبى هنا ولا هناك دورى كويس هتلاقيه

ممكن اكون مش لاقياه لاني مكونة عنه فكرة بمفهمومي الخاص

هقولكم ازاي
قولى ياقمر

يعني انا اعرف ان ادب الحوار ده المفروض تبقى حاجة طبيعيه في الانسان
لا مش المفروض ولاحاجة
ازاى طبيعية ؟؟؟
لا احنا بنتعلمها مع مرور الوقت
البيئة اللى حواليكى هيا اللى بتعلمك

مش المفروض انه يتكلف بيها او يتصنعها او حتى يتعود عليه
لا ده بقى اللى المفروض
مهو انا لازم اتعلم
يعنى الواحد مش بيتولد ذوق كده ومؤدب
كل الحاجات الحلوة بنتعلمها
والوحشة بردو مش من بنتولد بيها
احنا بنتعلمها لو البيئة اللى حوالينا وحشة


يعني لما حد يكلمني اسمعه لحد مايخلص كلامه

وادي فرصة لغير انه يتكلم ومقاطعش حد في كلامه

حتى لو كنت انا اللي عاوزة احكي واانا اللي بتكلم استنى لما اشوف رأي اللي قدامي في كلامي ايه

هو ده اللي انا اعرفه عن ادب الحوار

انا كمان اعرف كده:)

وتقريبا دي بتبقي حاجة طبيعية مش محتاجة اني افتكرها وانا بتكلم مع حد

بس حاليا ادب الحوار بقى مش موجود خالص

لا هيا مسألة تعود بس
لما بتعود على حاجة بحس انها شئ طبيعى واللمفروض الكل يعمله

احب اقولكو ان انا مع اي واحده من زميلاتي بكون مستمعة وبس :romarioxp6:

وده مش باارادتي

هي مش بتديني فرصة اتكلم:romarioxp6:

مش عارفة ليه حاسة انك بتحكى عنى
انا بردوا كده بسمع بس
نفسى اعرف اتكلم اخر مابزهق بققولها اخرسى واسمعى:slap1qk6:

حاجة كمان

ابقى قاعده بكلم اخويا او اختي

ومرة واحده ارفع عيني الاقيني بكلم نفسي:d

والله بتحصل:040vk0:

وابقى بكلم اختي بردو ومندمجة ياعيني في الكلام وهي ساكته

انا طبعا مفكراها منصته الاقيها بتسألني سؤال تاني برة الموضوع خالص

يعني هي مش معايا اصلا وبتقطعني في الكلام:mad:

هههههههههههههه
بتحصل معايا بردو
اقعد اكلم فى اخويا ساعة وفى الاخر الاقيه بيقولى انتى معاكى رصيد؟؟؟
بكون عايزة اولع فيه
لا ولما اضايق يقولى طيب انتى قولتى ايه؟؟؟
اخوات اخر زمن


وصحباتي بقى مقكوش

الواحده اول ماشوفها الاقيها تشتغل رغي

احاول بس ارد كنوع من التجاوب معاها:redface:

متدنيش الفرصة اني اتكلم

طيب انا ساعات بصدع بجد
جاتلى فكرة اكتر من مرة ارميها تحت اى توك توك ماشى
بس بتصعب عليا :d


عارفين ياجماعه نظام اللي لما حد يجي يتكلم التاني يعلي صوته يروح الاخ اللي بيتكلم يبطل كلام

انا بيحصل معايا كده:romarioxp6:
مش انتى لوحدك والله ياإيمى
تقريبا انا زيك بالظبط

اكيد صعبت عليكم:d
اها
حاسة بمعاناتك

والله فاض بيا بجد
:mad:
ممكن يكون موضوع مش مهم بالنسبالكم

بس لما حد يبقى مش عارف يتكلم صعبة جدا:(

بقف قصاد المراية واكلم نفسى
احسن ما اكبت واطق :d


وممكن بردو الكلام ده مش بيكون بيحصل معاكم

بس منتشر جدا في المجتمع اللي حواليا
جدا جدا جدا
نفسى كرة واحدة الاقى اللى بيسمع من غير مايقاطع
ومن غير مايسرح

اخر حاجة

سارة
اللي هي طفلة الامس

كانت ناوية تعمل توبيك زي ده

بس انا سبقتها

فهي طبعا عندها كلام كتير في الموضوع ده

هسيبكم في الرد التاني معاها

لانها اصرت انه يبقى توبيك مشترك:d

والسلام عليكم ورحمة الله وبركاته
(تلاتين حسنه:))


وعليكم السلام ورحمة الله وبركاته

جزاكم الله خيرا على الموضوع الحلو زيكم:)

بجد الموضوع عباره عن تحفه
ربنا يكرمك يامحمد ده بس من زوقك:)


أنا ليا وجه نظر غريبه فى الموضوع ده
أول نقطه
وهى إن بعض الأشخاص بتفهم حسن الإستماع ضعف من المستمع أو إهمال للمتحدث
وبيتهيألى دى مفهومه
الصراحة بالنسبالي مش مفهومة
ضعف من المستمع
يعني ان هو مش قادر يتكلم
وعشان كده بيسمع بس
هو ده قصدك
؟؟
تانى نقطه
الموضوع اللى بيتم الحديث عليه من الممكن إن يبقى مش مهم لأحد الطرفين ولذلك مبيبقاش فيه أداب حوار يعنى مثلاً إنت بتكلمنى فى موضوع ميهمنيش وأنا مش مهتم به زى الكوره مثلاً طب ليه أصلاً أنا أسمع
مابردو من ادب الحوار اني مكلمش حد في موضوع هو مش مهتم بيه
وده المفروض يبقى ادب حوار من ناحيتي انا
وان هو تجاهل او غير الموضوع يبقى مش عليه غلط لاني عارفه انه مش مهتم بالموضوع ده
تالت نقطه
الراحه النفسيه بين المتحاورين ودى بتبقى غالباً النقطه السائده يعنى إنت بتكلمنى فى موضوع مهم وكل حاجه ومهم بالنسبه ليه بس أنا أصلاً بتخنق منك ومش بحب أتكلم معاك فبالتالى بيبقى فيه لبس كبير لأن فيه أشخاص
ولما بتتخنق مني بتقعد معايا ليه:d
اقصد ان مفيش حد اصلا بيتطلم مع حد مخنوق منه
وان حصل ده تحت ظروف معينه
يبقى بردو لازم نراعي ادب الحوار:)
رابع نقطه
الإسلوب العام للمتحاورين
فيه ناس بتبقى طريقتهم فى الكلام بتبفتقد الأداب فى الحوار وهما مستريحين مع بعض كده ولما إنت تقف فى وسطهم تتخنق لكن لو بتتكلم مع شخص منهم لوحده تلاقيه حاجه تانيه
اها ممكن
بس بردو غالبا حنا بنكون حاطين في اعتبارنا حاجات زي دي

المشكله الكبيره بقه إن العادى بقى الكلام فى التفهات والحاجات اللى ملهاش أى لزمه لدرجه إنه بقى بيتم الخلط بين الجد والهزل غالباً عندنا

وبجد الموضوع جميل جدااااً تسلم إيدكم

شكرا يامحمد لردك
وانا تالت واحده ارد عليك:d
بجد كلامك منطقي وفي نقاط مخدناش بالنا منها
بس عاوزاك توضح النقطه الاولى تاني
لاني انا وسارة مش فاهمينها:)

طفلة الامس وبنت الاسلام ربنا يحفظم ذخرا للاسلام

الموضوع ممتاز ومفتقدينه جدا هنا ع المنتدى
لكن عاوزة اقول انو وان كان بعض الناس بيفهموا الاستماع على انه ضعف فده جهل منهم لان في علم اسمه فن الاستماع
وفي فن الرد
فن بحيث تخلي المتحاور اللي معاك يطلع كل اللي عنده وتمسك كلامه بصبر وهجوء وبشاشة وترد عليه شوية شوية باسلوب متميز من الاقناع
يخلي ردك مهما كان قوي او قاسي كله احترام لا يخلق بينكم اي مشاكل ابدا وقد يوحد وجهات النظر المتناقضة تماما
جزيتما خيرا
جزانا واياكي
ربنا كرمك ردك عجبني بصراحة:)

بما انى فاضيه شويتين تلاته اربعه :d
و الموضوع عاجبنى
استحملوا بقى :romarioxp6:




السلام عليكم ورحمة الله وبركانه
(تلاتين حسنه:))
و عليكم السلام و رحمه الله و بركاته و مغفرته :)

ازيكم ياجماعة

الحمد لله
بمب :d

انا مش كنت ناوية اكتب التوبيك ده النهارده لاني داخلة ربع ساعة كده خطف

وكنت عاوزة اكتبه على رواقة بس ماستحملتش ابقى في المنتدى ومكتبهوش

انا عاوزة اتكلم عن ادب الحوار اللي بجد مش لاقياه

ممكن اكون مش لاقياه لاني مكونة عنه فكرة بمفهمومي الخاص

اها كل واحد بيكون عن الحاجات و المرادفات الاجتماعيه اللى بيمارسها فى حياته
مفهوم خاص بيه
بيحاول انه يطبقه

و من هنا ظهرت فكره علماء الاجتماع
انهم حاولوا يجمعوا احسن الافكار و الطرق اللى الناس بيستخدموها فى معاملتهم
و خلوها زى معيار للتعامل السوى بين البشر

بس طبعا الميزه فى علم الاجتماع فى الاسلام
انه بيعتمد على النصوص القرانيه
و السنه النبويه
فى انهم يجيبوا الطرق المثاليه دى
:)

هقولكم ازاي

يعني انا اعرف ان ادب الحوار ده المفروض تبقى حاجة طبيعيه في الانسان

مش المفروض انه يتكلف بيها او يتصنعها او حتى يتعود عليه


امممممممم
بصى يا ايمى
فى حاجه بتبقى فى طبيعه الانسان
و فى حاجات بيفرضها عليه الشخص اللى بيتكلم معاه
يعنى انا لما اتكلم معاكى انتى ياللى عجناكى و خبزاكى :d
غير لما اتكلم مع واحده لسه يادوب بنتعرف على الاسامى
و غير برده حد اكبر منى
غير غير غير
يعنى قصدى بيتحد على حسب الشخصيه
فمش ليها حاجات بتتطبق على الكل

يعني لما حد يكلمني اسمعه لحد مايخلص كلامه

وادي فرصة لغير انه يتكلم ومقاطعش حد في كلامه

حتى لو كنت انا اللي عاوزة احكي واانا اللي بتكلم استنى لما اشوف رأي اللي قدامي في كلامي ايه


امممممممم
بقولك يعنى
فى ناس بتحب تتكلم كله و بعد كده تسمع راى اللى قدامهم
و فى ناس تحب تحكى على هيئه اسئله من اللى قدامهم
و فى نفس الوقت
ناس تفتكر الاسئله دى تدخل فى الخصوصيات

و ناس بتحب المشاركه يعنى احب اللى يقاطعه
ناس و ناس و ناس
عادى المفروض تتعاملى مع اللى قدامك لغايه ما تعرفى هو بيحب ايه
و بيستريح لانهى طريقه من طرق المعامله
بكده حتستريحوا انتوا الاتنين
و تناموا فى العسل :d

هو ده اللي انا اعرفه عن ادب الحوار

وتقريبا دي بتبقي حاجة طبيعية مش محتاجة اني افتكرها وانا بتكلم مع حد


مش حعيد تانى
انتى بتكررى كلامك ليه يا بت انتى
:slap1qk6:

بس حاليا ادب الحوار بقى مش موجود خالص

بنسبه
99.6 %
يس





جميلة اوى المقولة التانية دى
يعنى يبقى عارف الكلام اللى بيتقال وعامل نفسه مش عارف
وده بيحصل معايا شخصيا كتير اوى
اخواتى ييجوا يحكولى فى الحاجة مليون مرة وشفتى ايه اللى حصل فى حلقة كونان والجاسوسات:av4056bb7jp3:
اصلى بحبهم:)
بس ساعات بصراحة بزهق من كتر اعادة الكلام فبضطر اقولهم سمعتها مليون مرة
وبحاول يعنى اطبق الكلام ده

اها الواحد ساعات بيعملها
بس الحمد لله
اخواتى بيملوا اساسا من الكلام نفسه
يعنى انا اللى بقولهم احكوا تانى
طريقتهم فى الحكاوى بتبقى جميله :d

فلو اصلا الانسان مش بيعرف يحاور واسلوبه ما شاء الله فى الكلام
المفروض ان الاصغر منه يتكلم كويس؟؟
اذا كان هو يا كبير مابيعرفش يتكلم وهو مدرك وواعى لتصرفاته
فطبعا رد فعل طبيعى من الاصغر منه انه يبقى حاجة كده فريدة من نوعها فى عدم احترام الاخرين


اها حتقوليلى
بلاش بس تفكرينى باللى بقوا يعملوه فينا
و الله انا اللى ببقى مش عارفه ارد بجد
و هما كمان شويه حيفرشوا الملايه لبعض و الحمد لله :d

وحاجة مهمة اوى كمان
الناس اللى بقى مابتعرفش لا تستمع ولا تنصت ولا ليها فى اى حاجة
يبقى الاحسن مانتناقش معاهم فى حاجة

:d

كله بيخبط الكلام ومفيش لامراعاة بمشاعر المتحدث اليه ولااى حاجة
ولا فيه اى التزام باداب الحوار
كل واحد عاوز يوصل فكرته وعاوزها توصل باى شكل وخلاص
ومش فارقة بقى خبط فى لزق وكله ماشى:av4056bb7jp3:

المشكله ان كل واحد فاكر ان هو اللى صح
دى بتلخص المساله كلها


يلا فى رعايه الله
و مش حقول الموضوع عاجبنى قد ايه :d

لا تعليق


موضوع جميل جداااااااا


ممكن حد يقولي ايه هو ادب الحوار!!



عندى اكتر من الف صفحه من كتب و مقالات الكترونيه عن اداب الحوار و التعامل و الايجابيه و فن التواصل
بس مش هاقدر افيدك كتير

لاننا قوم نعشق الكلم بدون معنى
زى ما الحاج سعد زغلول ما قال مفيش فايده مستحيل و انا بقولك عن محاولات كثيره التغير مينفعش مع نفسك بس لازم كمان من الى انتى بتحاوريهم
غير الى احنا فيه بقينا عصبيبين اكتر ,ضغوط اجتماعيه ضغوط دراسيه غير ضغوط كتير فى المستقبل منتظرنها ,
و البقيه تأتى تباعا

يااااااه ادب الحوار دة اللي جايبني ورا
خصوصا من ساعة ما دخلت الكلية دي

لاني طبيعي اتعرفت فيها على ناس كتير جديدة

لكن مع صحابي القدام طبعا بارتاح

مش بنشتم بعض ولا حاجة :d
بس متعودين على بعض يعني :friendsxs3:

مثلا مثلا
اطلب من واحدة تشرحلي حاجة محضرتهاش
هي طبعا بتاخدها الشهامة (كتر خيرها يعني) وتجيبلي الموضوع من الاول للاخر

وتكلمنى على حاجات على اني اول مرة اعرفها
بس باكون عارفاها اصلا لكن باسمعلها عادي عشان ماقطعهاش
وهكذا دواليك

وبيحصل حاجة من 2

يا اما بتفتكرني سوسة وباستهبل
وعايشة ف دور اللي مش فاهمة حاجة ف اي حاجة
واني فاهمة ومدكنة
ودة طبعا بيبان بعد الامتحانات او لو حصل وحد فهم منى حاجة

يا اما بعد كدة بتستقلني وتفتكرني جاية الكلية دي غلط
لانها طبعا اما استفاضت ف حاجات عبيطة جاريتها عشان بس ماقطعهاش ف كلامها

اوضح مثال على دة

ف امتحان جبت درجة مش اوي وعادي لاني مكنتش مذاكرة
هانهب يعني :d

ف الامتحان اللي وراه نقصت نص
ومكنتش مذاكرة اوي برضه
بس حليت حاجات بمعلومات سابقة والدنيا ماشية زي الفل

باسال واحدة اعرفها عملتى ايه
(هي اصلا شاطرة ما شاء الله)

قالتلي بلهجة ممزوجة بالقرف "زيك .. 9.5 "

كان هاين عليا ساعتها اقولها يا سلااااام
خصوصا اني بقالي مدة مسالمة ومتخانقتش :romarioxp6:
بس مكنتش فاضية ساعتها الحقيقة

تيجي تشوفني ايام ثانوي
لو كنت جبت الدرجة دي ف امتحان درس كنت باقوم الدنيا ومش باقعدها
ايام ما كنت بذاكر بضمير

يلا انا لتيت كتير بس عشان مبقووووووووقة
مفيش حاجة تانية اعملها :angry2:
لاني ماتعودتش على غير كدة

ميرسي يا ايمي ويا سارة على الموضوع العسل دة

أنا بردوا عندي شوية ملحوظات كده يعني أنا مثلا طول منا بكلم حد مش عايز مثلا أطول في الكلام معاه ويجي علي معلومة عايز يعرفها باجي مقصر وقولو معرفش وحاجات زي كده ومبحبش أطول في الكلام مع والدي لعدة أسباب بس خارجة عن إرادتي وطول مبكلم أصدقائي عادي يعني إتهيالي عادي جدا مفيش إختلاف وكل واحد ليه أسلوب يعني
شكرا للردك واسفة اني اتأخرت في الرد:)

وعليكم السلام ورحمه الله وبركاته


الحمد لله

وانا لقيته موضوع كويس قلت ارد عبال مالبتاع ده ينزل

لا هو موجود يا ايمى بس زى اى حاجه كويسه بتكون نادره


:)


تؤ طبيعيه ازاى بصى الشخصيات بتختلف عن بعضها والمبادىء والقيم ليها مفهوم مختلف عند كل شخص
معظمنا شايف ان اللى بيعمله هو الصح وعشان كده بيعمله
وكل واحد شايف ادب الحوار بوجهه نظر مختلفه
ده ان كان في حد شايفه من الاصل ياحبي
انا اصلا المصطلح ده مادخلش حياتي غير من قريب
لما لاحظت قلة زوق متناهية من البشر دي
قبل كده مفكرتش في حاجة اسمها ادب الحوار



بردو كل حاجه فى حياتنا بنتعلمها
احنا بنتولد ملناش فى حاجه
المجتمع والناس والاهل والجامع وكل الحجات دى بتفرض عليكى اشياء بتتعلميها
يعنى بفرض انك اتولدتى فى اسره
علاقتاها مع بعض مش كويسه بعد الشر طبعا
الاب ش بيسمع الام
او بيتريق ع كلامها او او
هل هتطلعى انسانه سويه
هل هتقدرى تسمعى اى حد او تتقبلى كلام اى حد
ساعتها ادب الحوار عندك بيبقى حاجه صعبه
لانك متعلمتهوش من باباكى ومامتك
عثل ياخواتي:d
عندك خق بجد ياسو


اها فى ناس كتير بتكون كده وفى ناس هوائيه
يعنى اول ميلاقيكى بتحكى فى موقف مثلا ع طول تلاقيهم دخلوا فى الكلام
وهاتك يارغى
ولا كانك كنتى بتتكلمى


وتقريبا ده اللى نعرفه
:)

ده لما تتعودى عليها الاول بتكون شيء طبيعى
زى القراءه فى الاول هتلاقيكى بتهتهى ولا بتعرفى تنطقى
مره فى مره هتتعلمى تقري صح
زى مبتتعلمى ادب الحوار من صغرك سواء من اهلك او او وبتطبقيه بشكل لا ارادى فى حياتك


معلش استحملى وحاولى لو انتى فعلا محتاجه تتكلمى معاها
نبيهيها قوليها بهزار يا بت اسكتى شويه ادينى فرصه انطق او حسب الاسلوب اللى بتتعاملى مع الناس بيه



انا عاوزة اعرفك حاجة
الناس اللي زي دي
مش هي اللي احتاج اتكلم معاها
لان حد مش بيحترم كلامي
وعاوز يتكلم هو
هتكلم معاه ليه
انا بقول تجاوب معاها مش اكتر

ايه االاحراج ده انا تقريبا اللى بعمل الموقف ده
يعنى ماام تكون بتكلمنى وانا قاعده ع الكمبيوتر
وانا فى وادى وهى فى وادى
تيجى تقولى ايه رايك
اقولها كويس والله وانا مش عارفه الحوار كان ع ايه
وبعدها بنص ساعه تقلى انتى لسه ملبستيش
اتارى كانت بتقلى نخرج نجيب حجات للبيت
وانا وافقت وانا مش واخده بالى
يلا مش مشكله
بس هى فعلا حركه تضايق
نو كومنت:d

المفروض يعنى ان الواحد يسمع للى قدامه
بس فى كام مشكله
اول حاجه احيانا فى ناس بتيجى تتكلم فى اوقات مش مناسبه
ولو انتى قلتلهم معلش مش قادره اتكلم دلوقتى
بيكون النتيجه زعل
فبتضطرى تجاريهم
او
تسمعى وتطنشي
احيانا المشكله بتكون من صاحب الكلام
زي ماقولت للسادات
اللي بيتكلم في وقت مش مناسب او عارف ان اللي بيتكلم معاه مش بيحب الكلام ده
يبقى هو اللي عاوز يتعلم ايه هو ادب الحوار!!
لما يكون الموضوع ملوش لازمه
زى مثلا
المغنيه فولانه اطلقت والممثله علنه اتجوزت طليقها
وعملوا الفرح مش عارفه فين فراحت الاولانيه مسلطه شويه بلطجيه وكاسرين الفرح
متسألونيش اتكسر ازاى
بس اهو حوار تافه ممكن نسمعه
واكيد بتكون نهايته انى اسأل سؤال فى حته تانيه
عشان نخرج من دائره الشك دى
:)




هههههههه
خدوهم بالصوت
عادى يعنى يا ايمى
اتعلمى من اختك
هبقى اقلك ع وصفه سحريه تتخلصى بيها من الوش ده
انا بجيب بسكوت اكله وانا معاهم عشان ميكلمونيش :d
اتعلمتها قريب:av4056bb7jp3:

لا مين اللى كدب وقالك كده
:angry2::angry2:
صريحة صريحة:d

زى مقلت موضوع كويس وبيتكرر كتير
ثانكس ياقمر:)


يلا ده احسن حاجه بدل مترجع تعمل موضوع تانى ويتشال فى التوبيكس المكرره



وعليكى السلام ورحمه الله وبركاته


بغض النظر عن الموضوع وعبال مالبتاع اللى لسه مخلصش تحميل ينزل

الموضوع ده احنا اخدناه بشكل عام

ممكن نخصصه هنا فى المنتدى

ادب الحوار

اعتقد ان فى كتير مفتقده

انا مثلا بخرج احيانا عن حدود اللياقه بس مش بالشكل الكبير ده من وجه نظرى

احيانا فى ناس مينفعش انك ترد عليهم غير باسلوب معين
الاسلوب اللى بيجمع بين كميتين كبار من الرخامه والبرود
ياما مش هتعرف تتكلم
ساعات الذوق بيستفز
وده اللي بفضله:)
ومن الحجات المبهجه هنا فى هذا المكان
ان فى بعض المشرفين
بيعدلوا فى ردود
وبيحذفوا فى ردود
اعتقد ان فى بعض الانتقادات اللى بتوجه ليهم
مفروض كمشرف مؤهل يتقبلها
سابو ايه للعيال الصغيره
لو الكلام عادى طب متسيبوه ايه اللى يضايق فى ان حد يقول المشرف ده مش يستحق مثلا
هل هى هتغير منه حاجه بالعكس ممكن يستفيد من النقد ده بكلمه ولا كلمتين
وممكن ميستفدش عادى حسب عقليته وحسب الكلام اللى بيتقال

فزى من اداب الحوار ان الواحد فى العالم الحقيقى ان يسمع التانيين
فى عالم الديجتال ده مفروض نسمع بردو الكلام ومنغيروش



دول اتعمو حاجة جديده
يعدلو الرد ويحطو مكانه نقط ثم يحذفوه عشان المشرفين التانين مش يشفوه!!
وعجبي!!

منورة ياسو:)

السلام عليكم و رحمة الله و بركاته ,,,,,,

جزاكما الله كل الخير يا أختأاه " بنت الاسلام و طفلة الامس "

بصراحة موضوع رائـــــــــع جداا و ما هو أاجمــــــــل هو الاقناع به

و لكن لنقف امام نقطتين مهمتين " سبل العمل به " من جهة كيفية برمجة المخ على ذلك "

و اللى فى الصف الثالث الثانوي معه " كتاب ادب الحوار فى الاسلام "

و جــــــــــــــــزاكما الله خـــــــــــــــــيرا
جزاك الله خيرا
يارب تكون استفدت:)

ليكى نفس تناقشينى

مش كفاية التدبيسة اللى حطتينى فيها
ماشى ماشى انا هاسامحك عشان طيبة:abdoog8:
:049gc0::049gc0::049gc0:
لا ياحببتي انا مش حبيت احرمك من الكلام اللي كنتي عاوزة تقوليه في التوبيك ده
:::p:p:p:p

مش فاهمة قصدك اوى فى الجزئية دى
ياريت توضحى اكتر:)
اننا عالم تافهه ياحبي:)

فعلا وهى دى المشكلة
بس ليها حل
اصل ياهما هايقنعوكى يا انتى تقنعيهم
فانتى لو شايفة نفسك اد انك تاثرى عليهم بكلامك
وكلامك مقنع وبيوصل الفكرة بسرعة وباقناع تام
يبقى خلاص تحاورى براحتك
اما لو مش كده يبقى مش لازم نوجع نفسنا
نتناقش مع اللى هايفهمونا وبس

وتقريبا اغلبنا من النوع التانى ولا ايه؟؟


الحل التاني احسن
وعاوزة اتكلم في الجزئييه دي
بس اكيد مش دلوقتي
مانتي كتبتي كلمتينك وسبتيني انا محتاسة هنا:040vk0:

بخير الحمد لله
انتى ازيك؟؟

كويسة الحمد لله


قصدك مستحملتيش تكونى فى المنتدى ومترغيش

مانتي فاهماني اهو:d
وخصوصا ان الميل كان صحرا بعيد عنك:d


ازاى طبيعية ؟؟؟
لا احنا بنتعلمها مع مرور الوقت
البيئة اللى حواليكى هيا اللى بتعلمك


مكرر:d



مش عارفة ليه حاسة انك بتحكى عنى
انا بردوا كده بسمع بس
نفسى اعرف اتكلم اخر مابزهق بققولها اخرسى واسمعى:slap1qk6:

هههههههههههه
انا ببقى نفسي اعملها الايموشن ده:slap1qk6:
بس بخاف:d

هههههههههههههه
بتحصل معايا بردو
اقعد اكلم فى اخويا ساعة وفى الاخر الاقيه بيقولى انتى معاكى رصيد؟؟؟
بكون عايزة اولع فيه
لا ولما اضايق يقولى طيب انتى قولتى ايه؟؟؟
اخوات اخر زمن

وعجبي:d
ههههههههههههههه
كويس ان في حد في الدنيا بيحصل معاه زيي
واحيانا بيكون نفس السؤال:d

طيب انا ساعات بصدع بجد
جاتلى فكرة اكتر من مرة ارميها تحت اى توك توك ماشى
بس بتصعب عليا :d
لا انا لما بلاقي توك توك
بحسه حاجة صغيرة على كمية الصداع دي
دول عاووزين مقطورة:d
ههههههههههههههه
اها
حاسة بمعاناتك
بس بجد مبسوطة ان في واحده عندها نفس المعاناه
اكتر رد ريحني نفسيا:d
منورة ياسكرة :av4056bb7jp3:

بما انى فاضيه شويتين تلاته اربعه :d


و الموضوع عاجبنى
استحملوا بقى :romarioxp6:
اها ده على اساس انك اخدتي الاجازة:stickjo4:
اجري يابت:slap1qk6:


و عليكم السلام و رحمه الله و بركاته و مغفرته :)
حياكم الله وبياكم:d



الحمد لله
بمب :d
ودي اجمل امنياتنا:)


اها كل واحد بيكون عن الحاجات و المرادفات الاجتماعيه اللى بيمارسها فى حياته
مفهوم خاص بيه
بيحاول انه يطبقه

و من هنا ظهرت فكره علماء الاجتماع
انهم حاولوا يجمعوا احسن الافكار و الطرق اللى الناس بيستخدموها فى معاملتهم
و خلوها زى معيار للتعامل السوى بين البشر

بس طبعا الميزه فى علم الاجتماع فى الاسلام
انه بيعتمد على النصوص القرانيه
و السنه النبويه
فى انهم يجيبوا الطرق المثاليه دى
:)

انا بخاف من ردودك يابت:stickjo4:
عشان انتي بنت مثقفة واعية وبتقري كتب وبسم الله ماشاء الله:d

امممممممم
بصى يا ايمى
فى حاجه بتبقى فى طبيعه الانسان
و فى حاجات بيفرضها عليه الشخص اللى بيتكلم معاه
يعنى انا لما اتكلم معاكى انتى ياللى عجناكى و خبزاكى :d
عندك حق ياعم الخباز:d
غير لما اتكلم مع واحده لسه يادوب بنتعرف على الاسامى
و غير برده حد اكبر منى
غير غير غير
يعنى قصدى بيتحد على حسب الشخصيه
فمش ليها حاجات بتتطبق على الكل

ممكن بردو
بس مش دايما لان اللي بيتكلم واحد
مش هو اللي هيغير اسلوبه باختلاف الاشخاص

امممممممم
بقولك يعنى
فى ناس بتحب تتكلم كله و بعد كده تسمع راى اللى قدامهم
و فى ناس تحب تحكى على هيئه اسئله من اللى قدامهم
و فى نفس الوقت
ناس تفتكر الاسئله دى تدخل فى الخصوصيات

و ناس بتحب المشاركه يعنى احب اللى يقاطعه
ناس و ناس و ناس
عادى المفروض تتعاملى مع اللى قدامك لغايه ما تعرفى هو بيحب ايه
و بيستريح لانهى طريقه من طرق المعامله
بكده حتستريحوا انتوا الاتنين
و تناموا فى العسل :d

امشي يابت
امشي خالص خالص:slap1qk6:
بس عندك حق:d

مش حعيد تانى
انتى بتكررى كلامك ليه يا بت انتى
:slap1qk6:


للتوكيد:d
بنسبه
99.6 %
يس
:)




كان نفسي ارد على كلامك لسارة بس مش فاضيالك خليها هي ترد
وكله كلام متكرر:p
يلا فى رعايه الله
و مش حقول الموضوع عاجبنى قد ايه :d




اخيرا عملنا حاجة وعجبتك ياست ولاء:stickjo4:
انا هغير عيد ميلادي واخليه يوم ماعجبك التوبيك:d
كان نفسي اقولك منورة بس للاسف على رأي زوزو
التوبيك منور بلمبته واصحابه:p

لا تعليق



موضوع جميل جداااااااا
جزاك الله خيرا
ربنا يكرمك:)


عندى اكتر من الف صفحه من كتب و مقالات الكترونيه عن اداب الحوار و التعامل و الايجابيه و فن التواصل
بس مش هاقدر افيدك كتير

لاننا قوم نعشق الكلم بدون معنى
زى ما الحاج سعد زغلول ما قال مفيش فايده مستحيل و انا بقولك عن محاولات كثيره التغير مينفعش مع نفسك بس لازم كمان من الى انتى بتحاوريهم
غير الى احنا فيه بقينا عصبيبين اكتر ,ضغوط اجتماعيه ضغوط دراسيه غير ضغوط كتير فى المستقبل منتظرنها ,
و البقيه تأتى تباعا


كلامك كله صح
وفي انتظار البقيه
منور التوبيك

يااااااه ادب الحوار دة اللي جايبني ورا
خصوصا من ساعة ما دخلت الكلية دي

لاني طبيعي اتعرفت فيها على ناس كتير جديدة

لكن مع صحابي القدام طبعا بارتاح

مش بنشتم بعض ولا حاجة :d
بس متعودين على بعض يعني :friendsxs3:
طبعا
فين ايام صحاب زمان:(
مثلا مثلا
اطلب من واحدة تشرحلي حاجة محضرتهاش
هي طبعا بتاخدها الشهامة (كتر خيرها يعني) وتجيبلي الموضوع من الاول للاخر

وتكلمنى على حاجات على اني اول مرة اعرفها
بس باكون عارفاها اصلا لكن باسمعلها عادي عشان ماقطعهاش
وهكذا دواليك
لا على فكرة هي لو جابتلك من الاول
ممكن تقوليلها مش هي دي اللي فاهماها
عادي جدا وبتحصل مع الدكاترة:d
وبيحصل حاجة من 2

يا اما بتفتكرني سوسة وباستهبل
وعايشة ف دور اللي مش فاهمة حاجة ف اي حاجة
واني فاهمة ومدكنة
ودة طبعا بيبان بعد الامتحانات او لو حصل وحد فهم منى حاجة

يا اما بعد كدة بتستقلني وتفتكرني جاية الكلية دي غلط
لانها طبعا اما استفاضت ف حاجات عبيطة جاريتها عشان بس ماقطعهاش ف كلامها
وده الطبيعي
رد فعلك هو اللي مش طبيعي:)
اوضح مثال على دة

ف امتحان جبت درجة مش اوي وعادي لاني مكنتش مذاكرة
هانهب يعني :d
ههههههههههه
لا ازاي كتر خيرهم:d
ف الامتحان اللي وراه نقصت نص
ومكنتش مذاكرة اوي برضه
بس حليت حاجات بمعلومات سابقة والدنيا ماشية زي الفل

باسال واحدة اعرفها عملتى ايه
(هي اصلا شاطرة ما شاء الله)

قالتلي بلهجة ممزوجة بالقرف "زيك .. 9.5 "
:angry2::angry2::angry2:
زيك 9.5:slap1qk6:
واحدة زي دي
المفروض مش كنتي تسألييها وبدام سألتيها
كنتي تقوليلها يااااااه وعرفتي تجبيها ازاي دي
وتسبيها وتمشي
كان هاين عليا ساعتها اقولها يا سلااااام
خصوصا اني بقالي مدة مسالمة ومتخانقتش :romarioxp6:
في الاول في الجامعة لازم تثبتي نفسك بخناقتين تلاتة عشان يخافو
اسمعي الكلام واعملي زي اختك:049gc0:
بس مكنتش فاضية ساعتها الحقيقة
لا تفضي نفسك ياقمري
هو في حاجة اهم من الخناقات:049gc0:
تيجي تشوفني ايام ثانوي
لو كنت جبت الدرجة دي ف امتحان درس كنت باقوم الدنيا ومش باقعدها
ايام ما كنت بذاكر بضمير

يلا انا لتيت كتير بس عشان مبقووووووووقة
مفيش حاجة تانية اعملها :angry2:
لا البت دي ماتسبيهاش في حالها بجد
دي اقل حاجة تعمليها
ده انا اتنرفزتلك والله:angry2:
لاني ماتعودتش على غير كدة

ميرسي يا ايمي ويا سارة على الموضوع العسل دة
مرسيكي معاكي ياقمر:d
منورة التوبيك

أدب الحوار
طبعاً ادب الحوار مطلوب و كثرت الاسئله عليه و الحاجه اليه و لكن هذه ليست مشكلتك لانك حتى بعد قرائتك لمئات الكتب تظل المشكله لانك لن تستطيعى تغير اصدقائك بسهوله ولكن أحنا بنقول سمعنا الكلام ده كتير فيجب أن تكون عندك معلومات مش موجوده عند الآخرين نوعاً ما حتى تجذبى الأنظار و الآسماع و اليك ....(1).
أنا مش بسمعك لأنك لا تفهميننى ولا بأنظرلك لذات الشئ.
هناك ثلاث أنواع رئيسيه من الشخصيات اكتشفيها بنفسك وهى بايجاذ:-
1-السمعيه:- من الاسم تميل الى الموسيقى والأنغام لاكتشافها استخدمى أى عباره للسمع مثل:- أسمعينى او أنت سمعانى كويس الخ وأجتهدى فى تكوين مثلهذه العباره للفت الانتباه
اذا لفتت أنتباها هذه العبارات فعند الحوار أستخدمى تغير نبرات صوتك من النعومه مثلاً الى الخشونه حسب الموقف أو أرفى واخفضى صوتك اجذب أنتباهها.
2-البصريه:-استخدمى معها عبارات البصر مثل:"بصى" وكما قلت حاولى تكوين عبارات فيها البصر.
3-الحسى الشعورى:- استخدمى معها عبارات مثل:أنت حاسه بيا
والأهم فى هذا هو أكتشاف نوع الشخصه والتعمل يكون أسهل
الأن لا تترددى و حاولي أكتشاف من حولك و هناك طرق أخرى غير تجريب العبارات ولكن التجريب أفضل و سوف أذكرها اذا أرتم ذلك أرسلوا لى رسائلكم .
وأكبر دليل على صحه ما قلته هى أننا نلتفت فوراً لمجرد سماع اسمنا

وكذلك كل شخصيه تنتبه لما هو مناسب لها.

أنا شخصياً جربتها و نجحت نجاح لاأتخيله.

لا تنسى لابد أن يكون لديك جديد لتقوليه القرائه و حاولى أستخدام عبارات لغويه سليمه

أدب الحوار


طبعاً ادب الحوار مطلوب و كثرت الاسئله عليه و الحاجه اليه و لكن هذه ليست مشكلتك لانك حتى بعد قرائتك لمئات الكتب تظل المشكله لانك لن تستطيعى تغير اصدقائك بسهوله ولكن أحنا بنقول سمعنا الكلام ده كتير فيجب أن تكون عندك معلومات مش موجوده عند الآخرين نوعاً ما حتى تجذبى الأنظار و الآسماع و اليك ....(1).


أنا مش بسمعك لأنك لا تفهميننى ولا بأنظرلك لذات الشئ.


هناك ثلاث أنواع رئيسيه من الشخصيات اكتشفيها بنفسك وهى بايجاذ:-


1-السمعيه:- من الاسم تميل الى الموسيقى والأنغام لاكتشافها استخدمى أى عباره للسمع مثل:- أسمعينى او أنت سمعانى كويس الخ وأجتهدى فى تكوين مثلهذه العباره للفت الانتباه


اذا لفتت أنتباها هذه العبارات فعند الحوار أستخدمى تغير نبرات صوتك من النعومه مثلاً الى الخشونه حسب الموقف أو أرفى واخفضى صوتك اجذب أنتباهها.


2-البصريه:-استخدمى معها عبارات البصر مثل:"بصى" وكما قلت حاولى تكوين عبارات فيها البصر.


3-الحسى الشعورى:-

استخدمى معها عبارات مثل:أنت حاسه بيا


والأهم فى هذا هو أكتشاف نوع الشخصه والتعمل يكون أسهل


الأن لا تترددى و حاولي أكتشاف من حولك و هناك طرق أخرى غير تجريب العبارات ولكن التجريب أفضل و سوف أذكرها اذا أرتم ذلك أرسلوا لى رسائلكم .


وأكبر دليل على صحه ما قلته هى أننا نلتفت فوراً لمجرد سماع اسمنا



وكذلك كل شخصيه تنتبه لما هو مناسب لها.



أنا شخصياً جربتها و نجحت نجاح لاأتخيله.



لا تنسى لابد أن يكون لديك جديد لتقوليه القرائه و حاولى أستخدام عبارات لغويه سليمه










هحاول اجربها
بس ناس مش بيحبو يسمعوني
يبقى مش يستاهلو اني احاول اكلمهم
مش كده ولا ايه:)
نورت الموضو يااخ محمد
واسفة على التأخبر في الرد
ومستنية تعليقك على كلامي

بسم الله الرحمن الرحيم
أنا كنت مؤمن أن مفيش حد يستاهل بس للاسف أحنا بنشوف أصدقائنا بيغلطوا و بنقف نتفرج أو نهرب و نقول أنهم مش طيبين أو ميستحقوش المساعده و لكن أحنا بنخطئ و محتاجين للمساعده أصدقائنا مثلهم تماماً لذلك لابد أن نختار أصدقائنا بعنايه حتى يعينونا على أنفسنا لذلك حاولى مساعدتهم لو شايفه خطأ أحنا بنتكبر على بعض و نقول ليه بينقدنى و عامل علي شيخ و لكن أحنا محتاجين لنقد الآخرين لنا و لكن لابد أن نكتشف هل المشكله فعلاً بنا ؟ وانا لذلك متكلمتش فى أدب الحوار لان أصدقائك هم اللى مفروض يسمعوا عن أدب الحوار ..
فأنا حاولت أساعدك بمهارات .. و بأذن الله سوف أتابع الموضوع بكل ما أستطيع .
والسلام عليكم و رحمه الله و بركاته
محمد الهوارى