انا اتعقدت خلاص .. ! [الأرشيف] - بوابة الثانوية العامة المصرية

مشاهدة النسخة كاملة : انا اتعقدت خلاص .. !

bosy .. mostafa

24-12-2008, 09:34 PM

بسم الله الرحمن الرحيم

بصوا يا جماعه انا فعلا اتخنقت وجبت اخري بقى
ماليش نفس لا اذاكر ولا اعمل اي حاجه في حياتي اصلا
معرفش السنه دي مش متفائله بيها اطلاقاً .. حاسه ان الامتحانات هتبقى اصعب من 2008 و اتعقدت من الناس اللي معايا في الدروس
في درس الفيزيا خصوصاً .. كلهم جايبين 98 و 99 و ارقام فلكيه كده :confused:
و معايا بنت في درس الفيزيا بجد عقدتني كل حصه تجيب للمستر شوية مسائل ماتتحلش و تتمنظر علينا .. و يوم لما يكون المستر عامل لنا امتحان بتيجي بدري و تقعد تقولنا (انا مش مذاكره حاجه .. انا مش عارفه حاجه .. انا هسقط انا انا) لحد ما اخر مره انا انفعلت عليها و قولت لها (طيب معلش انا هقوم اقعد لوحدي شويه لحد ما المتسر ييجي ماعنديش استعداد اسمع كلام غريب)
بجد زهقت خلااااااص
الفيزيا دي حاسه انها عائق بيني و بين اي حاجه .. و مش عايزه اعقد نفسي منها عشان اعرف امشي فيها
و عندي رعب رهيب مايتوصفش زي ما يكون فوبيا كده من امتحان الفيزيا و من الفيزيا نفسها
و خلاص زهقت بجد و بقيت كارهه الدنيا بسببها :slap1qk6:

زهقت خلاص يا جماعه و حاسه اني بضيع و اني مش راح اوصل لحاجه .. ولو جبت 50% يبقى فل الفل
خلاص بجد فاض بيا و بحلم ان الامتحان ييجي دلوقتي قبل اي وقت تاني مع لسه ادامه كتييير (6 شهور)
قولوا لي اعمل ايه .. لما باجي ادعي ربنا يسهلها لي بقول في نفسي ( و هو راح يسهلها ازاي و انا سلبيه كده)

ادعولي بالله عليكم
و اسفه اني عقدتكم

Eng. A'laa Salah

24-12-2008, 10:12 PM

انا والله ما عارفه اقولك ايه
انا كمان نفس المشكله بس مش تخنقت من الفيزياء بس
لاء ده من كل المواد
بس اهدي وممتسمحيش لاي حد يستفزك
ومتسمعيش لكلام حد بخصوص المذاكره
اعملي اللي اعليكي وربنا ان شاء الله يوفقك

Dr.Gehad

24-12-2008, 10:15 PM

ليه كده كل اليأس ده
ان شاء الله ربنا يسهلهالك كده وهتبقي فل الفل ان شاء الله
انتى بس صلى واتقربى من ربنا وركزى فى المذاكره ومتشغليش نفسك باى حاجه خااااااالص
وهتلاقى نفسك بقيتي كويسه وان شاء الله هتبقي احسن من زميلتك دى اللى بتقولى عليها شاطره
انتى بس كونى صادقه مع نفسك ومع اللى حواليكي ومتحاوليش تبقي خبيثه زيها كده وان شاء الله ربنا يزفقك

اختك فى الله <<< جهـــــــــــاد>>>

هنا الفقي

24-12-2008, 11:09 PM

بوسي حبيبتي بتقول كده !!!!!!!!!!!!!!
شوف يا قمر اولا :ما تسمعيش لكلام اي حد ذاكرت ما ذاكرتش مالك دخل فيها ابدا ابدا ابدا ما تتاثريش بكلامها ..
ثانيا بقى :الفيزيا دي اسلوب تفكير ،تقنية خاصة كده ،، يعني مهما كانت صعبة لو حبيتيها هاتستمتعي وانتي بتواجهي مسالة بنت 60ف 70
يعني مثلا مج نسكافيه بعد ما تصحي من النوم كده سواء بالليل او النهار وابعدي عن الازعاج خالص ها
واييييييييييييييه هاتي م الاول بتركيز وعيشي بقى
اولا هاتحسي انها سهلة وتافهه مووت وهاتقهري البنت اللي شايفة نفسها دي وهاتعديها بمراحل ولما تجيبي ال100%ماتنسيش تدعيلي

هانى الشرقاوى

25-12-2008, 01:31 AM

أنا هقولك حاجة صغيرة أوى ويا رب تفيدك
كونى نفسك

على فكرة كلنا كنا كده
وأنا افتكر انى الفيزياء دى كانت مطلعة عينى بس الحمد لله جبت فيها 48 ومكنتش أتوقع أبدا الكلام ده
اعملى اللى عليكى وسيبك من الناس وأصحابك والحورات اللى بتحصل فى ثانوى دى
وان شاء الله ربنا معاكى

vampire1188

25-12-2008, 01:36 AM

اهم حاجة الثقة في النفس ..

ماتخليش واحده زي دي تخليكي تفقدي ثقتك بنفسك ..

الطلبة معا بعضهم دلوقتي بيستخدموا اساليب الاحباط المتنوعة عشان يحبطوا الناس التانية .. عشان هما ينجحوا ويتفوقوا عليهم .. وبالتالي ماتسمحيش ليهم انهم يحبطوكي من اصله

وخدي الكلام منها بصدر رحب .. بمعني اصح .. اتعلمي تبقي باردة في المواقف دي ..

هيا قالتلك انها ماذاكرتش .. وماله ؟! .. قوليلها انا كمان ماذاكرتش وهاسقط كمان !!

اهم حاجة انك انتي تبقي ماشية بخطى ثابته .. لغاية ما الـ 6 شهور الجايين دول يعدوا على خير وتمتحني وتخلصي

عشان من المتعارف عليه ان الثانوية العامة دي شر لابد منه ! وعلى الجميع المرور بيه !!

ومش انتي لوحدك اللي طالع عينك .. فيه على الاقل نص مليون طالب تاني طالع عينه زيك

ومش انتي لوحدك اللي طلع عينه .. فيه ملايين اتخرجوا من الثانوية العامة وعدوا منها قبلك .. وهما مش احسن منك

ماتخليش اليأس يسيطر عليكي .. والهاتف اللي كل شوية يجيلك ويقولك( انا مخنوقة ، انا هاسقط ، انا مش فاهمة حاجة ) يسيطر عليكي .. انا كنت زيك كدا .. ومازلت والله بس طبعاً بيختلف من ثانوي الجامعة .. انا عن نفسي بعالج الحالة دي باني اول مابلاقي نفسي مخنوق فعلا ومش عارف اذاكر بقوم قافل الكتاب وقافل الملازم وقايم اعمل اي حاجة .. لغاية مابالي يروق خاااااالص وارجع افتح الكتاب تاني .. لإن انا عارف اني لو قعدت وانا مخنوق مش هاستوعب حاجة وهاتخنق اكتر .. فمالوش لازمة اوجع دماغي ..

EnG.BeLaL

25-12-2008, 05:40 PM

صدقيني انا الوقت ده من السنة اللي فاتت ( تالتة ثانوي يعني ) كنت عامل زيك كده و فاقد الامل
إلا في ربنا طبعا بس مع مرور الوقت هتلاقي الفيزيا بقت سهلة بإذن الله
و هتحسي انك داخلة الامتحان و انتي في جيبك ال50 درجة بإذن الله
بس انتي شدي حيلك شوية و ادعي ربنال و خليكي عندك ثقة كبيرة في ربنا
و ربنا معاكي

khas123

25-12-2008, 06:04 PM

بصي أنا هقولك على حاجة انا واحد جايب 99% وبقولك أي حد بيتمنظر عليكي ده أونطة وانتي لازم تثقي في نفسك عشان تقدري توصلي ولازم تحطي قدام عينك هدف وماكيش دعوة بحد ...........بس

mR . mOstafa Fathi

25-12-2008, 06:12 PM

اولا :ما تسمعيش لكلام اي حد ذاكرت ما ذاكرتش مالك دخل فيها ابدا ابدا ابدا ما تتاثريش بكلامها ..
ثانيا بقى :الفيزيا دي اسلوب تفكير ،تقنية خاصة كده ،، يعني مهما كانت صعبة لو حبيتيها هاتستمتعي وانتي بتواجهي مسالة بنت 60ف 70
يعني مثلا مج نسكافيه بعد ما تصحي من النوم كده سواء بالليل او النهار وابعدي عن الازعاج خالص ها
واييييييييييييييه هاتي م الاول بتركيز وعيشي بقى
اولا هاتحسي انها سهلة وتافهه مووت وهاتقهري البنت اللي شايفة نفسها دي وهاتعديها بمراحل ولما تجيبي ال100%ماتنسيش تدعيلي

وانتى قدامك الفرصة والله هتقدرى تبداى ومتسمعيش
كلام اى حد من اصحابك
تجاهلى كلامهم
وابداى انتى صح مع نفسك
وهتلحقى تخلصى المنهج وتراجعى
اكتر من مرة

وربنا يوفقك

Bent 3bdo

25-12-2008, 07:42 PM

هنا الفقي

25-12-2008, 10:25 PM

اول حاجه ربنا معاكى ومعانا كلنا يارب ويكملها ع خير

انا اللى مشكلتى مشكله

بستهبل استهبال مفيضش زيه كل يوم بقول خلاص هذاكر بجد وتلاقيه زى الى قبله

حاسه ان خلاص ذاكرت ولا مذاكرتش محصله بعضها

مش عارفه جبت الاحساس ده منين

بس بجد حالتى صعبه بروح درس الاحياء وانا عاصره ع نفسى طن ليمون

بجد مش طايقه الماده دى خالص

ببقى قاعده ف الدرس هعيط خلاص

مش طايقه

انا حالتى بجد ماتتوصفش

بصى يا بوسى

اعتبريها كده اللى يشوف بلوة غيره تهون عليها بلوته

استعينى كده بربنا واللى فيه الخير ربنا يعمله

مش هاقولك الفيزيا سهلة وهاتيجي معاكي بالمذاكرة و....و........
لا
لكن لازم عندك هدف
واعظم هدف لازم يكون عندك انك ترفعي وتحسني صورة دينك عند الناس اللي بره وده مستحيل يحصل بدون ماتذاكرة وتعصري على نفسك 25طن لمون
ده نوع من انواع الصبر
تؤجري عليه
ربنا يوفقك ياحبيبتي
بس فكري ف هدفك كويس
فكري يوم النتيجة ممكن تكوني مبسوطة ومزقططة ازاي وممكن تكوني لا قدر الله..........
وحددي حالتك ف اليوم ده من دلوقتي حالا

وتحت امرك انا ف اي حاجة

bosy .. mostafa

29-12-2008, 09:21 PM

بجد شكراً اوي يا جماعه على كلامكم
و في الاول و الاخر برجع و بقول
ولا وجع القلب يا قلبي بكره الايام تعدي و نخلص من ثانويه عامه

يوسف الشوري

06-01-2009, 06:21 PM

ربنا معاكي ان شاء الله تخلصي من شبح الثانويه دتدخلي الكليه اللي بتتمنيها

فاعــ خير ــل

16-01-2009, 01:04 AM

السلام عليكم

بصي يا ست البنات انا مش هقلك كلام جرايد بقا زي اللي بنسمعو كتير ده لا

انا من رايي ان علشان لسة بدري ع الامتحانات فتلاقي بس لسه شوية دلع كده

انما حين يشتعل الفتيل على اقتراب الامتحانات هتلاقيكي بتاكلي في الورق اكل

اااااه صدقيني والله وصدقيني لو انتي ليكي هدف قدامك وثقتك بنفسك هي اللي موجهاكي

لاااااااااازم هتخلصي كل اللي عليكي قبل ما الفتيل يخلص والقنبله تفرقع في وشك

وساعتها بقا هندور على دكتور تجميل ( الجامعات الخاصة ) يداري اللي عملتو القنبلة (الثانوية العامه )

بالمناسة
توقيعك رااااااااااااااااااائع

:av4056bb7jp3: تحيااااااتي :av4056bb7jp3:

bosy .. mostafa

16-01-2009, 01:08 AM

جامعات خاصه
ليه الفال ده يا عاشق القلم
هو انا لاقيه اكل :(

basmala

23-01-2009, 11:54 PM

المشكله ان انتوا معيشين نفسكوا فى رعب بجد

انا كنت زيك كده والرعب ده جزء من الحاجات اللى ضيعتنى ...عايزه اقولك بس ان الدنيا مش كلها ثانويه عامه ...وخليكى متفائله وانتى

بتزاكرى ....وزكرى بمزاج وثقى ان ربنا كتبلك خير ليكى ..بعد سنه بس من دلوقتى لما تبصى لثانويه عامه من وجهه نظر تانيه

..هتعرفى انى الهدوء والبروود مهمين جدا ..بس بحساب

aaaa nabil

24-01-2009, 03:11 AM

ربنا معاك اصبر تنال لذة النجاح

master666666

31-03-2009, 02:45 PM