تسجيل الدخول

مشاهدة النسخة كاملة : التطـــــــــور الطبيــــــــــــعى للرجل

الدجنوشة
28-06-2006, 12:27 AM
بحبك
بعد 6 اسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟

بعد الشغل
بعد 6 اسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الاكل ؟؟

جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع

وقت الغدا
بعد 6 اسابيع : ماكنتش اعرف ان نفسك حلو اوى كدة
بعد 6 شهور : عاملة ايه النهاردة
بعد 6 سنين : بامية تانى

لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟
بعد 6 سنين : همم بكام ؟

لما يتفرجوا على فيلم
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الفيلم دة
بعد 6 سنين : انا رايح السينما , نامى انتى بقى

لما تعزم اصحابها
بعد 6 اسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووه دة مابقاش بيت

لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟

لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 50 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هوكل سنة ولا ايه !؟

فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دى .. انتى تخنتى اوى

وهى رايحة للدكتور
بعد 6 اسابيع : حبيبتي قولىبى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : دكتور دكتوووووووور .. مانتى زى البمب








قمة التحدي أن تبتسم بينما ينتظر منك الآخرون البكاء
tet0
28-06-2006, 01:27 AM
كنت مفكرك بتقولى التطور الحقيقى للحاجة الساقعة و كلام من ده



شكرا على الموضوع بجد يستاهل
الدجنوشة
28-06-2006, 01:31 AM
مش هتفرق كتير
ههههههههههههه
شكرا لمرورك
tet0
28-06-2006, 01:44 AM
العفو لا شكر على واجب
ReceptiveGuy
28-06-2006, 01:59 AM
شكراً دجنوشة
معظم الكلام ده بيحصل للأسف
بس أقدر أطلب التطور الطبيعي للست؟
موضوع جميل
لس ما قردتيش أنفذ الحكمة
قمة التحدي أن تبكي بينما ينتظر منك الآخرون الضحك
ما قدرتيش أمسك نفسي من الضحك و الله
(طبعأً أنا عارف إني قلبت الحكمة بس تقريباً نفس المعنى)
حمادة نور
28-06-2006, 04:18 AM
شكرا على الموضوع بس انا لى تعليق كل شئ يختلف حسب الطبيعة يعنى الموضوع مش مجرد سيناريو او حوار
tet0
28-06-2006, 09:18 AM
أنا عاوز التطور الطبيعى للست


مليش دعوة

لازم ييجى
msh200
28-06-2006, 01:51 PM
مـــــوضوع جــامد جداا

محمـــ حوكــه ــــــــود
doko
28-06-2006, 01:55 PM
موضوع جميل يا اية


ونطلب المزيد
tarekalbolkeny
28-06-2006, 02:39 PM
ههههههه بعد اول 6 اسابييع يشغلها اغنية انتى لسه بتسالى انتى بالنسبة لى ايه

وبعد 6 سنين يشغلها غلطة وندمان عليا وبقلك واسمعيها
LA STELLA
28-06-2006, 08:24 PM
ههههههههههههههه
لا موضوع لذيذ يا دجنوشة

و حلوة الاضافة يا طارق


و معاك برده يا حمادة نور

لان لما كل الستات وحشين و الرجالة كمان برده كدة يبقى مفيش حد حلو خاااااااااااااالص


بس برده الموضوع للضحك و الترفيه
هههههههههههههههههه

مرسى ع الموضوع
tarekalbolkeny
28-06-2006, 08:30 PM
ويلكم باك حابى
smileheart
28-06-2006, 10:30 PM
جميل اوى اوى الموضوع


بس نفسى مرة تحصل و يفضلوا الزوجين زى الست اسابيع

بس ازاى؟؟


سلام smileheart :)
LA STELLA
28-06-2006, 11:31 PM
ههههههههههههههههههههههه

مش عارفة الناس بقت بتكره بعضها بالفطرة ليه
بس تعرفى

فى زوجين جيران اقاربنا
دول فى غاية التعاون الشديد ربنا يخليهم لبعض

يروحوا الشغل سوا ينظفوا سوا يغسلوا سوا ينشروا الغسيل سوا يطبخوا سوا


مع بعض فى كل حاجة و على طول سوا


بصراحة ربنا يحميهم لبعض



و ثانكس طارق