مشاهدة النسخة كاملة : رجاالة........ للخلف در..... واحد اتنين
بورسعيدى 28-06-2006, 01:55 AM فيما يأتى الحلقة الاولى
وكنت عايز اعرف رأى البنات فيها واكمل والا لاء
فكرت كتير قبل ان اقوم بوضع هذا الموضوع لانى عارف ان ممكن بنات حواء ينقلبن ضدى
برجاء مساندة الشباب لى عندما يحدث اى انقلاب منهن
والان مع اول لقاء بين شاب والفيلسوف وربنا يستر
كان لى صديقا فيلسوف ...بأقوال السفهاء شغوف ...
سألته يوما.. قلى ياصديقى الحلوف
قال: نعم يابنى
قلت له ايه رأيك فى الستات?
قال: اسمع ياابنى كلام حكايات عن احلى شئ فى الستات
سألته وايه هو احلى شئ فى الستات ?
رد قائلا :بنى ....هذا الكلام سيجرنا الى حرب شعواء.. دحساء ..غبراء ..مع بنى الجنس اللطيف وقد تطول هذه الحرب الى أمدا بعيد كحرب داحس والغبراء .....وماتسألنيش مين هى داحس ...وان كنت ارجح انها من بنات حوا...
اما الغبراء فده اكيد اسم الليلة اللى قامت فيها الحرب ...ولازالت بنات حواء يتوارثنا اسم هذه الليلة حتى عصرنا هذا ......تلاقى الزوجة بتدعوا المأسوف على شبابه جوزها بقولها..... انت حاتتلم والا اخليها ليلة غبرا عليك
بنى.... دعك من الستات ونتكلم فى حاجة اهم
ماينفعش ياعم الفيلسوف ....وهم النص الحلو فكيف بى لااعرفه
بنى... قد انذرتك.... وقد ازعر من انظر... واستلقى وعدك بقى ياحلو من الستات اللى حاتقرا الموضوع ده
ياعم الفيلسوف يلا احكى
لك ماطلبت ..
الستات بيرجعوا فى الاصل ...لاول ست فى العالم... السيدة المبجلة حواء.. ودى موش حانقدر نتكلم عنها لانها ست عاقلة وست العاقلين
لكن ممكن نتكلم عن بناتها وحفيدتها
وطبعا حواء جاءت بعد ادم ومنذ هذا الزمان وهى فى محاولات مستميتة لان تكون رقم واحد ....ياستى ربنا خلقك بعد ادم يعنى انتى رقم اتنين واكيد ربنا له حكمة فى كده
ترد وتقول ابدا... ياأنا.. ياهو ......
وبعد صولات وجوالات... تتحول قوة سى السيد من شنب فى وشه الى حلق فى ودانه ويفقد هيبته
ويصبح الامر رهن اشارة من يديها... وهنا ..وعندما تملك زمام الرجل.. فتبدء التهديدات المسموعة والمرئية ...وعلى عينك ياتاجر.. واللى مايشترى يتفرج ..ويصبح من حقها ان تقول.... آخاصمك آه...آآآآه ....وآفارقك لا....لاآآآ ...ياستى ارسى على بر.. يامعاشرة بالمعروف يا فراق .....مافيش بين... بين ....ومافيش حاجة اسمها آخاصمك آه... بس موش حاأسيبك
ويزعل الراجل ويمشى ...تروح منادية عليه.. وتتودد.. وبكل نعومة تنده عليه وتقوله ...حبيبى قرب بص وبص بص.......... طبعا هو من طيبته يجى يجرى تروح هى قايلة له ....زعلان ازعل ..ازعل نص نص
قوم الراجل يستغرب ....هو فيه زعل نص نص
يروحوا الناس قايلين له كلام ستات.. ماتاخدش عليه... ياسيدى عديها
يفوجأ انها بتهدده تانى.... أحسن ابعد... ابعد آه ونص
الراجل يفوض أمره الى الله ويسيبها لحال سبيلها
اوم حواء برضوا ماتسكوتش تبدء تصرح بعد مايفيض الكيل بيها وتقول..... معجبة ..مغرمة .... موش عاوزة ألا هو......... ياستى ماكان من الاول قبل ماتخرب مالطة
وكذلك يابنى هى حواء... تجيبها كده... تجيها كده ...هى كده.
وعندك مثل عظيم لآخر الرجال المحترمين (وموش حاأقول اسمه لدواعى امنيه)اللى وقف وقال ...مافيش فايدة.
رديت عليه وقلت له.. ولكن اكيد موش كل الستات كده يافيلسوف
نعم بنى ...موش كلهم... بس هذا الكلام شرحه يطول... وانا الليلة مشغول ... عندى ماتش غسيل.
اصل عقبال عندك المدام راحت الهلث كلوب
الى الغد اذن يا فيلسوف
يتبع................
COOPY
zizo2_2 28-06-2006, 02:54 AM ربنا يعينك يا أبو الزمل
عل الحرب اللي هتقوم ضدك
معلش أبو الزمل دي علشان احنا أزهرية زي بعض بس مقامك محفوظ
وبعون الله انا معك في الحرب الضارية ضد من يسمون أبناء حواء
توكلنا على اللي بيأكلنا
ReceptiveGuy 28-06-2006, 02:57 AM مشكور أستاذ بورسعيدي
و مستنيين الفيلسوف
إللي شكله هايخد على دماغه في الآخر
ربنا يستر
مشكووووووووووووووووووووووووووووووووووووووووووووووو وووووور
lionsemsem 28-06-2006, 10:49 AM بص انا مش هرد على الكلام الى مكتوب لانة زى العسل واللة زى العسل بس عندى تعقيب لو تسمحلى
لو كانت حواء تعلم حال باقى النساء لحولتهم الى اشلاء ونبقى احنى ارتحنا من تلات حجات مهم
الاولى طولة السان والزعيق والنرفزة وكانهم يا اخى معندهمش لسان زينا دول عندهم حنش جوة بقهم يطلع يلدع ويدخل تانى
الثانية التقليب فى الجيوب ودة طبع
tarekalbolkeny 28-06-2006, 12:24 PM يابا حالى عال يابا راضى بحالى (ع راى عدوية )
هو ده حالنا يا استاذى هنعمل ايه كيد النسا
براءة 28-06-2006, 01:51 PM يا عينى
بطلوا نم
احلى حاجه فى الفيلسوف ده
انه مستبيـع
طيب انا هوريه ادينى عنوان الهلث كلوب ده حالا يا بورسعيدى
ايه ده وكماان معتصم معاكوا
صلاح الدين فارس حطين هو فعلا هياخد على دماغه
لان الست بتاعته فى الطريق علشان انا وصيتها عليه ...... لازم تشكرونى على فكرة
ليون سمسم انتا لسه شفت حاجه
بسم الله ما شاء الله يا طارق
لا قنوع
متنسوش
ان كيدهن عظيم
موضو جميل يا بورسعيدى
وعاجبنى الفيلسوف
ابو قلب ميت دة
وننتظر المزيد من كتابات الفيلسوف
بورسعيدى 29-06-2006, 12:58 AM Originally posted by المعتصم+Jun 28 2006, 02:54 AM--><div class='quotetop'>QUOTE(المعتصم @ Jun 28 2006, 02:54 AM)</div>ربنا يعينك يا أبو الزمل
عل الحرب اللي هتقوم ضدك
معلش أبو الزمل دي علشان احنا أزهرية زي بعض بس مقامك محفوظ
وبعون الله* انا معك في الحرب الضارية ضد من يسمون أبناء حواء
توكلنا على اللي* بيأكلنا
140868
[/b]
وكفا بالله وكيلا
شكرا للمسانده يا المعتصم
وقل لن يصيبنا إلا ماكتب الله لنا
Originally posted by صلاح الدين فارس حطين@Jun 28 2006, 02:57 AM
مشكور أستاذ بورسعيدي
و مستنيين الفيلسوف
إللي شكله هايخد على دماغه في الآخر
ربنا يستر
مشكووووووووووووووووووووووووووووووووووووووووووووووو وووووور
140874
لالالالالا
ده فيلسوف عفريت مايتخافش عليه
اصبر بس لما تشوف باقى الاحداث
<!--QuoteBegin-lionsemsem@Jun 28 2006, 10:49 AM
بص انا مش هرد على الكلام الى مكتوب لانة زى العسل واللة زى* العسل* بس عندى تعقيب لو تسمحلى
لو كانت حواء تعلم حال باقى النساء لحولتهم الى اشلاء ونبقى احنى ارتحنا من تلات حجات مهم
الاولى طولة السان والزعيق والنرفزة وكانهم يا اخى معندهمش لسان زينا دول عندهم حنش* جوة بقهم يطلع يلدع ويدخل تانى
الثانية التقليب فى الجيوب ودة طبع
141051
شكرا على مرورك واقتراحاتك يا ليون
وتابع معنا بقية الاحداث على هيئة حلقات
بورسعيدى 29-06-2006, 01:08 AM Originally posted by tarekalbolkeny+Jun 28 2006, 12:24 PM--><div class='quotetop'>QUOTE(tarekalbolkeny @ Jun 28 2006, 12:24 PM)</div>يابا حالى عال يابا راضى بحالى (ع راى عدوية )
هو ده حالنا يا استاذى هنعمل ايه كيد النسا
141136
[/b]
مبدأ غلط يا طأ طأ
وعدوية مش هاينفعك يا حبيبى
Originally posted by رحمة للعالمين@Jun 28 2006, 01:51 PM
يا عينى
بطلوا نم
احلى حاجه فى الفيلسوف ده
انه مستبيـع
طيب انا هوريه ادينى عنوان الهلث كلوب ده حالا يا بورسعيدى
ايه ده وكماان معتصم معاكوا
صلاح الدين فارس حطين هو فعلا هياخد على دماغه
لان الست بتاعته فى الطريق علشان انا وصيتها عليه ......* لازم تشكرونى على فكرة
ليون سمسم انتا لسه شفت حاجه
بسم الله ما شاء الله* يا طارق
لا قنوع
متنسوش
ان كيدهن عظيم
141204
اه ماهو حضرتك مش آخدة بالك ان حضرتك بس الى دخلتى الموضوع من بين بنات جنسك
وان كان الفيلسوف مستبيع
فـــ على الاقل روحى هاتى بقية البنات علشان تاخدوا بالثأر
لان الفيلسوف ده مش هايجيبها البر فعلا
<!--QuoteBegin-doko@Jun 28 2006, 02:00 PM
موضوع جميل يا بورسعيدى
وعاجبنى الفيلسوف
ابو قلب ميت دة
وننتظر المزيد* من كتابات الفيلسوف
141210
مرورك الاجمل يا دوكو انتظر البقية ففيها مايسرك ويسعدك :P
LA STELLA 29-06-2006, 01:09 AM صراحة الموضوع جميل
و هو يعنى حال الرجالة هو اللى حلو اوى
الرجالة و الستات منهم كدة و كدة
بس بالراحة شوية يا رحووووومة
دا انتى شكلك ناوية تتعشى بحد انهاردة
هههههههههههههههههههههههههههههه
بس ع العموم الموضوع دمه خفيف ..
استمر
ههههههههههههه
it's funny
بورسعيدى 29-06-2006, 01:15 AM Originally posted by hkk-happy@Jun 29 2006, 01:09 AM
صراحة الموضوع جميل
و هو يعنى حال الرجالة هو اللى حلو اوى
الرجالة و الستات منهم كدة و كدة
بس بالراحة شوية يا رحووووومة
دا انتى شكلك ناوية تتعشى بحد انهاردة
هههههههههههههههههههههههههههههه
بس ع العموم الموضوع دمه خفيف ..
استمر
ههههههههههههه
it's funny
141750
اهلا اهلا حابى
حمدا لله على سلامتك
مش كنتى تقولى انتى جاية فى ميعاد كام :lol:
كنا على الاقل قمنا فى انتظارك فى المطار :rolleyes:
بس انتى تابعى الموضوع وهاتشوفى الجديد ان شاء الله
LA STELLA 29-06-2006, 01:20 AM ان شاء الله
الموضوع جميل و مسلى جدا
بس مطار ايه للى بتتكلم عنه ده؟
على العموم انا جيت على جناح حمام زاجل
ههههههههههههههههههههه
الله يسلمك
بورسعيدى 29-06-2006, 01:22 AM طيب كنتى اعطينا ميعاد وصول الحمامه
واحنا كنا نستقبلك ونساعدك كمان
على العموم حمدا لله على سلامتك
LA STELLA 29-06-2006, 01:24 AM Originally posted by بورسعيدى@Jun 29 2006, 02:22 AM
طيب كنتى اعطينا ميعاد وصول الحمامه
واحنا كنا نستقبلك ونساعدك كمان
على العموم حمدا لله على سلامتك
141762
الله يسلمك و يخليك
بس كمل الموضوع لانه طريف اوى
تتحول قوة سى السيد من شنب فى وشه الى حلق فى ودانه ويفقد هيبته
السلام عليكم
استاذى الفيلسوف بجد اشفقت على الرجال
واذا كانت النساء بهذه الصورة
فهذا بفضلكم انتم ايها الرجال
لان مضى عهد الرجال وانقرض
لما يكون الراجل لابس حظاظة وخاتم ومطول سعرة وعمل جيل
وبنطلونة واقع منه
ويتمايع فى كلامة
ازاى المراءة تحترمه
هو من البدايه ...ضيع وقارة
بصراحة نحن معشر النساء مكناش عاوزيين نكون بصورة ده
ده لو كنا فعلا زى الفيلسوف ما قال
بس مجبريين
يلا امرنا لله
...كمل استاذى نريد معرفة ما يدور برؤسكم
:) :) :)
وبعدين انتم معشر الرجال قولوا زى ما تقولى
مش ممكن تستغنوا عننا
:lol: :lol: :lol:
هى دى سنة الحيا
شكرااستاذى بورسعيدى
LA STELLA 29-06-2006, 01:39 AM برااااااااااااااااااااافو يا مهرة
كلامك صح
بورسعيدى 29-06-2006, 01:42 AM عندك حق فى هؤلاء الرجالة وللأسف مضطر اقول عليهم رجالة
لكن لا تنسى ان هناك سيدات وبنات ارتدوا البنطلون المحزق والبدى الديق واطلقوا شعورهم تلعب بها الرياح وشربوا ايضا السجائر والخمور الخ الخ وغلظوا فى اصواتهن
وانتم كمان لا تقدروا تقاومونا
فهذه ايضا سنة الحياة
LA STELLA 29-06-2006, 01:43 AM شوفوا
الدنيا اتغيرت
و من ده اللى باظ و من ده برده اللى باظ
من ده الحلو و الوحش و ده كمان
و هى دى الدنيا على طول كدة
فيها الحلوين و الوحشين
بورسعيدى 29-06-2006, 02:18 AM وجاء الغد
واتيت الفيلسوف خفية ليكون حد من ستات المنتدى مستنينى
حمدا لله انك بخير يافيلسوف ولنمضى فى حديثنا....
حدثنى يافيلسوف عن طباع النساء
بنى ...النساء ..كما قال المثل الشعبى..
مايعجبهومش العجب ولا الصيام فى رجب ...
ماتلبث حواء ان تتزوج الا وتبتدى الشكوى من زوجها الذى لايهتم بها ولايعاملها كما تعود ان يعاملها ايام الخطوبة وتظل حواء تبحث عن كل الطرق لجذب الرجل الى ان يمر على زواجهم قرابة 25تأبيده يعنى :lol:
وتكون خلاص ملت وزهقت من الشكوى من الرجل الى ان يكتشف العلم الحديث حبوب الحب التى ما انا يأخذها الرجل حتى يعود لسابق عهده قبل الجواز
و يسبل لها بعينه ويرمى لها القبلات فى الهوا..
ويدخل عليها المطبخ يوشوش لها ماتيجى نتعشى بره ياجميل ...او يغمز لها بعينه من ورا الاولاد انها تقابله كمان ساعة فى كازينو الشاطبى.. بالاسكندرية او كازينو الكاستن ببورسعيد :P
( حسب مكانهم جغرافيا )
وطبع رد حواء بيكون اسرع مما يتصور تروح رقعة بالصوت الحيانى.... الحقونى.... الراجل اتجنن وتتصل بالخانكة علشان ياخدوك
ولن تنسى ان تودعك الوداع الاخير.. وماكنش يومك ياخويا...وكان بدرى عليك البدنجان ياأبوالسيد ( ان كان خلف ولده اسمه السيد ) ويا ابو احمد ( ان كان خلف ولد اسمه احمد) ويامنيل ( ان كان مخلفش اصلا) :P
وقد حاول الكثير فك طلاسم حواء ووضعها فى اختبارات لمحاولة فهمها
فهى معقدة للغاية ..بعكس الرجل فهو اسهل مايكون ولك ان تتخيل ادم داخل البيت لقى حواء قاعدة مع واحد غريب على الكنبه فاعصابه تفلت ويثور كالمارد ويبيع الكنبة . ;)
وهذا هو الفرق بين الرجل والمرأة
زدنى يافيلسوف عن طبائع المرأة..
اعلم يابنى ان حواء لاتثق فى ادم على الاطلاق.. فهى تعلم جيدا كيف اوقعت به وكذلك هو فريسة سهلة للايقاع به من قبل آى امرأة اخرى
ومن هنا تكتشف حقيقة مهمة ..الآ وهى مهما كان الرجل امينا ومخلصا فلن تصدقه المرأة فهذا من طباعها ...وعلى رأى المثل يامأمنة للرجال يا مأمنة للمية فى الغربال :unsure:
اعتقد يافيلسوف ان المرأة ليست بهذا القبح الذى تصوره لى واكيد فيها بعض الصفات اللى بتخليها جميلة فى اعين الرجال ...امال ليه سموها النص الحلو
اعلم يابنى هذا ...
وكثيرا من الرجال مثلك يحلمون بهذا الجمال بعضهم يستيقظ من الاحلام على الحقيقة وكثيرون لايستيقظون بسبب وجودهم فى الاكياس البلاستيك.
وماذا عن مقولة.. انى لاأكذب ولكنى اتجمل.... فهمنى وعرفنى يافيلسوف
شوف يابنى... تكره المرأة نوعان من الرجال من يكذب عليها ومن يكشف كذبها
وهذا القول لم تثبت صحتها حيث ان المرأة تحب من يكذب عليها مع علمها انه كذاب كبير فكيف لها ان تنتقض محتال نصاب يقول لها انها جميلة وقمر 14
اما عن موضوع من يكشف كذبها فلم يظهر رجل من نوعية كشاف كذب حريمى.
لذلك فالمرأة من وجهة نظرها لاتكذب
فهى عندما تقول لك احبك فهو لفظ تورية فى لغة النحو ويعنى احب فلوسك
والرجل يسمى هذا الكذب حبا... فهى تكذب على اهلها انها رايحة للخياطة علشان تقابله
وهو يبادلها الكذب عندما يراها وقد زاد وزنها عن الوزن الذى تجيزه الحكومة للاناث من الابقار.. ويقول لها عينى عليكى باردة يوم عن يوم بتصغرى وتحلوى
وهى تعلم انه كاذب ...ولكن النساء يغرهن الثناء
واذكر صديق لى كانت زوجته تقف امام المرآه وسألته اذا كان لاحظ ان وزنها زاد حبة صغننين
فرد صديقى بكل صراحة ايوه ملاحظ ان وزنك زاد كتير جدا
الله يرحمه صديقى هذا ....اتعشى فى نفس الليلة كفتة من ايد مراته ونام ومصحاش بعدها تانى.
وفى رأيك لماذا تكذب حواء يافيلسوف?
بنى..... هذا كلام شرحه يطول... وانا الليلة مشغول ...مراتى لو رجعت من بره ولقتنى موش محمى العيال ومنيمهم فى سرايرهم حاتطين عيشتى.
واين هى زوجتك يا فيلسوف ?
بتشد حجرين على القهوة كعادتها يابنى وربنا امر بالستر
الى الغد اذن يافيلسوف.........
....
صعبتوا على يا رجاله
يعينى عليكم
بجد كنت هعيط عليكم
هتفضلوا لامتى عايشيين فى الوهم ده
يلا
طلعوا الكبت اللى جواكم
احنا مسمحين
نعمل ايه طيبين
...
..
LA STELLA 29-06-2006, 02:40 AM لا حول ولا قوة الا بالله
مات الفيلسوف
zizo2_2 29-06-2006, 03:10 AM اعلم يابنى ان حواء لاتثق فى ادم على الاطلاق.. فهى تعلم جيدا كيف اوقعت به وكذلك هو فريسة سهلة للايقاع به من قبل آى امرأة اخرى
ومن هنا تكتشف حقيقة مهمة ..الآ وهى مهما كان الرجل امينا ومخلصا فلن تصدقه المرأة فهذا من طباعها ...وعلى رأى المثل يامأمنة للرجال يا مأمنة للمية فى الغربال
وها قد بدات الحرب الشغوف
بين نساء حواء والفيلسوف
يقولون كبتا ونحن نقول حقيقة
ولكنهم بكلامنا لا يبالون
هيهات لكم يا معشر النساء
تطلبون المساواة وانت ضعفاء
تقفون في الأوتوبيس وتقولون عيب وحرام
تجلس وهن واقفات
فأي مساواة تطالبون
ربكم اعطاكم حكم كما ترغبون
فأي طمع يدفعكم لتقولون
مساوة مساواة
ليس كبتا بل حقيقة
دعنا من هرائهم يا فيلسوف
وقل لنا عن اي شيء يتحدثون
قل لنا عما يتحاورون
احكي لنا فنحن جالسون
من اليوم لغدا نستعد لنتعلم كيف يعيشون
السلام عليكم ورحمة الله وبركاته
ليه يا معتصم القسوة ده
وليه بتجمع
ولماذ ا تحكم على النساء كلهم
اليس امك من النساء
اليس اختك من النساء
اليس زوجتك من النساء
اليس ابنتك من النساء
ولما الجمع اذن
ولكن اقول لك عذرك
ان السيئة تعم والحسنة تخص
...
واحب ان اقول راى فى هذه المساله
رغم انى ذكرتها فى كثير من المواضيع عبر المنتدى
لقد كرم الله المراءة
فقال
يايها الناس
يا يها الذين ء امنوا
السارق والسارقة
ولم يقل الرجل فقط
وهذا يدل على المساواة
2
فى الميراث
لا اقول انه فضل الولد لانه ياخذ ضعف البنت
وذلك لان
الام تاخذ الثلث وزوجها ياخذ السدس
اذا مات عنها ابنهاولم يكن له ولد
ولكن هذا التقسيم حكمة من الله
3
نزلت سورة تسمى النساء وهذ فضل لها
ولم تنزل سورة للرجال
4
انا ارى ان خروج المراءة للعمل قد اضر بها
لانه زاد الى اعبائها اعباء اضافية
5
المراءة هى نصف المجتمع وتربى النصف الاخر
6
اذكرحديث الرسول
النساء شقائق الرجال
7
وهناك اشياء كثيرة ليس المجال هنا لاثارتها
وشكرا لك معتصم
استاذى بورسعيد
اعتذر عن عدم دخولى هذه الصفحة
لا اريد ان اسمع ما يضايقنى
ولا اريد ان احمل لك فى نفسى شىء
لقد رسمت لك صورة الفارس
ولا اريد ان تتغير صورتك بداخلى
ولك منى جزيل الشكر
والسلام عليكم ورحمة الله وبركاته
بورسعيدى 29-06-2006, 10:12 PM يامهرة صعبنا عليكى فى ايه ؟؟
ده الفيلسوف يستعرض حياة حواء من وجهة نظرة فى شكل ساخر
بس انتى اصبر وانتى تشوفى العجب
لالالالا يا حابى لم يمت الفيلسوف
فالضربة التى لا تقتل الفيلسوف تقوية ( كما علمتنى ) الحياة
معتصم ,,,,,
لفت نظرى جدا قلمك
ماشاء الله عليك
الناس نوعين
نوع يجيد التحكم فى قلمة ويشكلة كيفما يشاء
ونوع يتحكم قلمة فيه ويقوده كيفما يشاء
وانت من الانوع الاول وعن جدارة واستحقاق
هذا عن وجهة نظرى فيك والظاهر ان عائلة زيزو كلها فلاسفة مش هو بس ( اعادة الله الينا سالما)
واشكرك بحرارة لوقوفك بجانب الفيلسوف فى مهمته الانتحارية على المرأة
وانتظر معى باقى الاحداث
بورسعيدى 29-06-2006, 10:23 PM مهرة ,,,,,
انا لم اقرأ مشاركتك الاخيرة إلا الان
انتى قلبتى الموضوع بجد ليه ؟
انا مش ضد المرأة وانا متفق معك فيما ذكرتى
ولكن ما يحكية الفيلسوف هو مجرد حالات معينه
وراجعى المقدمة التى كتبتها قبل وضع اول حوار بين الرجل والفيلسوف
ولو راجعتى كلامة ستجدى هذه العبارة او ما ينوه عنها
LA STELLA 30-06-2006, 12:09 AM يا جماعة كلها مقالات و مواضيع ساخرة و ايضا قد نخرج منها بحكم لم لا؟؟
و انا قلتها حاجة
اولا بلاش انقلاب ع الرجل او المرأة
ثانيا من ده الحلو و الوحش و من ده برده كدة
هو ده حال الدنيا
من كل حاجة فى كل مكان فى الحلو و الوحش
بس لا الرجل ولا المرأة وحشين للدرجة دى
بورسعيدى 30-06-2006, 12:28 AM وجاء الغد
واتيت الفيلسوف ...ولنمضى فى حديثنا
وفى رأيك لماذا تكذب حواء يافيلسوف?
من المؤكد يابنى ان حواء تجد متعة كبيرة فى الكذب وتعتبره من احد ادوات التجميل وخصوصا لو كانت حواء تمتلك تلك الشفهاة التى تجعل الكذب اشد اقناع واقوى منطق
واذا كانت الست من دول صادقة.. فقدت سحرها وغموضها.. فالكذب يزيد حواء غموض واثارة
ويعطى الرجل متعة تحرى هذا الكذب..
وان كان فى الاخر بيلقى جزاءه بالساطور بسبب جريه وراء اكتشاف كذب حواء
ولكن يافيلسوف من المستحيل ان تكذب المرأة بدون دوافع للكذب
نعم يابنى...
تكذب المرأة لترضى غرور الرجل.. لذلك ستجد ان الرجل لايفضل ان يرى المرأة ساعة ماتقوم من النوم الصبح وتغسل وشها... ولكنه بالطبع يفضل ان يراها فى الليل بالمكياج والكحل
والمكان ايضا عامل مهم.. فالستات بتوع شارع الهرم اجمل فى عيونه من الغفر اللى فى البيت
يعنى انت يافيلسوف عاوز تقول ان حواء تكذب على أدم من اجل ارضاء غروره
نعم يابنى ..واعلم ان المرأة عندما تكذب فهى تكذب بمهارة وبمساعدة جيش من محترفين تزييف ...ابتداء من جراح التجميل والترزى والكوافير والميك اب ...وهؤلاء يشكلون حلقة وصل فى تزييف صورة المرأة فى عيون ادم.. ومن ابرز الامثلة على هذا... خبر اختفاء الممثلة عائشة الكيلانى ثم تبع ذلك ظهور نانسى عجرم وهذا يؤكد الاشاعة بأن نانسى عجرم هى عائشة الكيلانى قبل النيولوك
ولكن هذا لايمنع يافيلسوف ان نقول ان الرجل يكذب ايضا
نعم يابنى.. الرجل يكذب.. ولكنه ليس فى مهارة كذب المرأة ..فمابالك برجل عاد متأخر الى البيت فسألته زوجته عن سبب التأخير
فرد بدون تفكير عديت على الحلاق..
اوم مراته ترد هو فيه حلاقين فاتحين النهارده(يوم الاتنين)
فيرد الزوج.. اه عارف ياحبيبتى ماهو انا وانا رايح عند الحلاق افتكرت انه قافل وانا راجع عجل العربيه كله ضرب
مراته تسأل الاربع عجلات فرقعوا...
يرد الزوج آه والاستبن كمان..
ترد الزوجه فى شذر وبعدين
يكمل الزوج عديم الخبرة فى الكذب بس ياحبيبتى روحت واخد العربية على الكازينو قصدى على الميكانيكى وهو ده سبب التأخير
تفتكر مراته سكتت
عملت ايه يافيلسوف?
الزوج المسكين واللى مطمئن ان كذبته عدت على خير يغير هدومه ويدخل ياخد دش وهو خارج من الحمام يفوجاء ان المدام مستنياه بس موش بالفوطة لأ بمنديله وعليه احمر شفايف
والسؤال الغير متوقع من المدام ايه ده يا أستاذ ?
ها وبعدين يافيلسوف? المسكين عمل ايه?
رد اه ماأنا نسيت آأقولك بعد ماخلصت من عند الميكانيكى رحت عند ماما ..وتيتى اختى كانت هناك وانتى عارفها مسكتنى وهات يابوس
طبعا مافيش حد ممكن يحوش عن الراجل ده مراته لو افترسته خصوصا لما اأقولك ان اخته تيتى دى عندها 5سنين..
ودى كانت قصة الست اللى اكلت دراع جوزها
ومن هنا يتضح لك الفرق بين كذب الراجل ومهارة المرأة فى اكتشاف الكذب
الكلام اللى قلته ده موش داخل عقلى لكن بما اننا بنتكلم عن المرأة فياريت يا فيلسوف تقولى ايه العلاقة بين الحب والمرأة?
سورى يا بنى.. هذا موضوع شرحه يطول... وانا الليلة مشغول
الى الغد اذن يافيلسوف...........
LA STELLA 30-06-2006, 01:22 AM حسنا
و سننتظر الفيلسوف ان شاء الله
بس والله لولاش انى محتاجة انام لكنت علقت جامد اوى ع الموضوع
لانه الموضوع ده بقة محتاج نقاش جامد اوى
zizo2_2 30-06-2006, 02:48 AM لن نمل منك يا فيلسوف
دع الكلام ينوح
وعن كذب الرجال والنساء يبوح
لن يطول الإنتظار
فكل ليل له نهار
فعد لنا غدا يا فيسوف
وقل لنا هل هل قلبهم بالحب ملهوف
بورسعيدى 30-06-2006, 11:38 PM شكرا لك حابى على اهتمامك وروحك الرياضية
وشكرا لك يا المعتصم محتاج مساندتك لانى متوقع هجوم مباغت من بنات حواء
فاتمنى ان تحضر لنا عصبة من الرجال وتكونوا مستعدون لاته من المنتظر الهجوم فى اى وقت
zizo2_2 30-06-2006, 11:49 PM Originally posted by بورسعيدى@Jun 30 2006, 11:38 PM
شكرا لك حابى على اهتمامك وروحك الرياضية
وشكرا لك يا المعتصم محتاج مساندتك لانى متوقع هجوم مباغت من بنات حواء
فاتمنى ان تحضر لنا عصبة من الرجال وتكونوا مستعدون لاته من المنتظر الهجوم فى اى وقت
143369
ها نحن قادمون
أنا والرجال آتون
فإذا بادروا بالهجوم فنحن لهم جاهزوووووووون
LA STELLA 01-07-2006, 12:10 AM احم احم
لاهجوم ولا حاجة
ده كلام روايات و قصص و كذلك مقالات ساخرة
لذلك فلا داعى للهجوم من اصله
غير انا لا اريد تكرار كلامى السابق الذى كررته كثيرا
لكل مزاياه و لكل عيوبه
و بصراحة مقالات و موضوعات ممتعة يا استاذى الفاضل
و السلام عليكم و رحمة الله و بركاته
بورسعيدى 01-07-2006, 11:34 PM شكرا يا حابى على متابعتك للموضوع
وشكرا ايضا لتهدئتك للنفوس
ههههههههههههههههههه
وجاى وضع الحلقة التالية
zizo2_2 01-07-2006, 11:45 PM لما التاخير يا فيلسوف
نحن هنا بقلب وعقل شغوف
أتى اليل ومن بعده نهار
ةلم تاتي لنا يافيلسوف
يا هل ترى الناس نيام
أيقظهم يا فيلسوف
قلهم عما ينوح
بورسعيدى 02-07-2006, 12:18 AM نرجع مرجوعنا للفيلسوف ونكمل حكايتنا معاه.....
اتى الغد وكعادتى اتيت الفيلسوف .....
وسألته هل صحيح ان اجمل مافى المرأة الغموض ???
فأجاب نعم بنى سألت وأصبت ...المرأة بطبعها غامضة وهى مما لاشك فيه مخلوقة قوية تخفى القوة تحت الضعف الانثوى الجميل
ووراء عيونها الحالمة ..يرقد خلفهم الدهاء والمكر.. ويديها الصغيرتين غالبا مايكونان كبيرتين فى موقفين...
الاول: لما تمد اديها عليك
والثاني: عندما تمد اديها الى جيبك
ولم تكذب حواء الام عندما نصحت الابنة بالمثل الشهير.... قصقصى طيرك لا يلوف بغيرك
والمقصود هنا بقصقصة طيرك الاغارة ليلا على جيب الراجل الذى غالبا ما يكون بياكل رز مع الملايكة بينما الشياطين بينظفوا جيوبه.. وكلمة شياطين كلنا نعلم من المقصود بها
وماذا عن الرومانسية فى حياة المرأة ??
اعلم يابنى ان المرأة قد تبدو رومانسية ولكنها حكيمة فهى تعلم ان كل قعدة رومانسية على اضواء الشموع تضيف طفل الى تعداد مصر...
لذا فهى فى ايام الخطوبة لاتمانع من الجلوس تحت اضواء الشموع لانها فى الغالب فى مكان عام ولازم تجر رجلك الاول ولذلك فهى لاتمانع من جلسة شاعرية ومافيش مانع تحط ايدك فوق ايدها لانها بتكون المرة الاولى والاخيرة لايدك تكون العليا بعد كده ايدك بتكون تحت اديها وانت بالكامل تحت باطها ........ومن ده بكره بقرشين
اما السيدة المتزوجة فهى فى الغالب تجلس تحت اضواء الشموع فى حالة واحدة بس عند انقطاع التيار الكهربائى .
وفى منظورك يافيلسوف .....عن ماذا تبحث المرأة فى الرجل???
المرأة ذكية.. فهى دائما تبحث عن الحب والستر فاذا جاء الحب برجل تحت خط الفقر فهى ترفضه لانها تعلم ان رجلا تحت خط الفقر حيكون سبب لمشاوير ماتنتهيش الى محاكم الاحوال الشخصية
وماذا عن قوة المرأة امام الرجل??
لقد كان زمان القول الشائع فتش عن المرأة اذا وجدت جريمة وكان الرجل مقتولا بالسم
اما الان فقد تحول هذا المخلوق النواعمى (المرأة)الى الانسان الاخضر... بينما تحول الراجل شمشون سابقا الى الرجل الازرق من الكدمات والبروز
واذا قالوا قديما من حق الرجل تأديب زوجته بالعصا فا لمرأة من حقها تأديب زوجها بالسكين
والراجل فى الغالب مغرور فهو يرفض ان تكون العصمة فى يد الزوجة وغالبا مايتعجرف قائلا عصمة فى اديها على جثتى... و هو لايعنيها...ولكنهاالحقيقة اذ نراه بعد ذلك وقد حمل لقب مرحوم بدل من ان تحمل هى لقب صاحبة العصمة
وماهو تفسيرك للاشتبكات التى تقوم بين المتزوجين وهل لها اسباب
فى معظم الاحوال تدور الاشتباكات بين المتزوجين على الفلوس... ومن البداية يعلن الراجل ..لا..
فهو السلطان.. لذا نجد ان المرأة تعتمد فى معاملتها للرجل على عدة نقاط... الملاينة والكيد وان كيدهن عظيم... والمكر وهو الخديعة وكلها صفات ذهنية تمتاز بها المرأة
ولكن الرجل لايؤمن بكل هذا ....وهو قد استراح منذ بدء الخليقة الى اعتقاد وهمى بأن المرأة مختلة عقليا ..ومخها طاقق.. وما من راجل الا ويواجه اى مطلب لزوجته بالرفض
ثم ينتهى الامر بالموافقة من جانبه والرضوخ لكل طلباتها... لما تسيب البيت وتروح لبيت ابوها
فالفلوس سبب كل المشاكل ...وخد عظة من روميل القائد الالمانى الشهير المعروف باسم ثعلب الصحراء والذى استطاع ان يخفى كل تحركاته عن جيوش الحلفاء ولكنه فشل ان يخفى دخله عن مدام روميل.
وماذا عن شكوى الرجل بأن المرأة تهمل فى ملابسها وزينتها داخل المنزل
بنى هذا كلاما شرحه يطول وانا الليلة مشغول.......
اذن الى الغد يافيلسوف
بنى والغد ايضا مشغووول
الى بعد الغد اذا يا فيلسووووف
بنى بصراحه انا مش هاتكلم فى الموضوع ده تانى بينى وبينك انا مرعوب من بنات حواء
فسامحنى يابنى العمر مش بعزقة
zizo2_2 02-07-2006, 12:31 AM لن أسامحك
فمن اول امس وأنا انتظرك
اتتركنا يومان
إن بهم عذابان
يوم سنمل من حياتنا
ويوم ستنتصر المرأة علينا
خبرنا يا فيلسوف وقل لنا أننا عليك لن نهون
قل لنا أنا غدا سنتعلم الدرس ونحن صامتون
ولا تقل بعد غدا فنححن سنصاب بالجنون
بورسعيدى 02-07-2006, 12:42 AM لا الغد ولا بعد الغد
فالعمر مش بعزقة
وانتصار المرأة قادم لا محالة
واسأل عنه الاكياس البلاستيك
zizo2_2 02-07-2006, 01:17 AM افعل كما تشاء
ونحن هنا في الإنتظار
نغم البحر 02-07-2006, 11:04 AM اخى العزيز بورسعيدى سا قول لك شيئا الله خلق الرجل يفوق المراة عقلا وخلق المراة تفوق الرجل عاطفة وهذا كله فيه حكمة من الله تعالى فالرجل اعقل واخشن يتحمل لقيامه بالعمل والجهاد والسعى وراء الرزق والمراة حنونة عطوفة عليه وعلى ابنائه وبناته تضفى عليهم حبا وحنانا اما الذين شذوا عن القاعدة فماذا نقول انا معك والله هناك سيدات وما ادراك ما هن كيدهن عظيم وافعالهن شنعاء لديهن القدرة على فعل ما لا يخطر ببالك ولكن هناك ايضا رجال اعتذر عن اللفظ الذى ساقوله (يستاهلوا الدبح) افعالهم حقيرة ولكن لا تنظر لكل هذا بل انظر للعلاقة الزوجية فى الاسلام رجل وامراة جمعهما الله على مودة ورحمة رجل مؤمن وامراة مؤمنه رجل يراعى زوجته وابنائه يقوم بواجباته على خير وجه وامراة تطيع زوجها وتبر ابنائها كل على طاعة الله
.. والله هذا ما اريده فى مستقبلى زوج مؤمن صالح اكون له زوجة مؤمنة صالحة لا ارى سواه ولا يرانى سواه
هكذا شرع الله لادم وحواء
... اشكرك كثيرا على موضوعك والسلام عليكم ورحمة الله وبركاته.
اينشتاين 02-07-2006, 11:06 AM اعلم يابنى ان المرأة قد تبدو رومانسية ولكنها حكيمة فهى تعلم ان كل قعدة رومانسية على اضواء الشموع تضيف طفل الى تعداد مصر...
هههههههههههههههههههه
اذن المرأة هى السبب فى زيادة التعداد ولذلك يجب على الحكومة المصرية اتخاذ الاجراءات اللازمة مع المرأة
بصراحة يا استاذ مجدى موضوعاتك فى الجون بس خطر اوى وياريت تخلى بالك من نفسك ان كيدهن عظيم
نغم البحر 02-07-2006, 11:08 AM يا اخ مجدى اكتب براحتك ده رايك ولازم نحترمه واختلاف الراى لا يفسد للود قضية وما تخافش انا بنت بس معاك والله. وجزاك الله خيرا.
LA STELLA 02-07-2006, 11:15 AM ياماشاء الله يا نغم
صرنا اثنيتين معهم
نغم البحر 02-07-2006, 11:17 AM شفتى يا حابى انا وانتى متشابهين فى حاجات كتير اوى..
LA STELLA 02-07-2006, 11:24 AM الاول: لما تمد اديها عليك
والثاني: عندما تمد اديها الى جيبك
ههههههههههههههههههههههههههههههههههههه
طب تتصور ان ده بقة بيحصل بس معايا انا
اخويا الصغير مثلا
منفض لى جيوبى و مقدرش اقول لا
هههههههههههههههههه
بس على فكرة انا حبيت بس اعلق
على حكاية الضرب بقة
مفيش ست اصلا ايدها تمتد ولا حتى راجل ايده تتمد
ده غلط و ده غلط
بس عمرى انا ما شفت ان ست مدت ايدها على راجل دى ابدا
غير ان الضرب ليس للبنى ادمين
و شكرا
ننتظر المزيد
LA STELLA 02-07-2006, 11:25 AM شفتى يا حابى انا وانتى متشابهين فى حاجات كتير اوى..
و انا سعيدة بذلك يا اختى نغم البحر
نغم البحر 03-07-2006, 10:29 AM يا اخواننا ماهى الست فعلا بتقلب فى جيوب جوزها بس الكلام ده ساعة الغسيل بس ههههههههههههههه
ولو فى وقت تانى غير لما تيجى تغسل تبقى مريضة بقى وبتشك فيه..
.. والله انا اسعد يا حابى انى الاقى حد زيى فى حجات لانى كنت فاكرة ان الناس اللى زيى انقرضوا من زمان.
LA STELLA 03-07-2006, 11:28 AM لا ابدا موجودين
دا انا اللى كنت مفكرة اللى زيي فعلا هما اللى انقرضوا و اختفوا
و انا سعيدة بيكى جدا يا اختاه
بس بصراحة فى الدنيا دى
كله بقة مقلب جيوب بعضه
كله صار همه المال ..
من اقوال مارتن لوثر : (( المال خادم جيد لكنه سيد فاسد ))
يعنى المال بينفع طول ما هو تحت امرتنا و لكن حين يصير يعمينا و منشوفش غيره هنا قد يصير فاسد
بورسعيدى 04-07-2006, 01:06 AM شكرا لك يانغم البحر
على مرورك الجميل
وشكرا لك يا حابى على متابعتك المستمرة للموضوع
ولكن انتظروا منى مسلسل عن الحياة الزوجية
مثل مسلسل هو وهى تقريبا
بس انا مش عايزكم تقرأوا وبس
لالالالا
عايزكم تتعلموا من المواقف والدروس الى هاتشوفوها فى المسلسل
والمسلسل يتخلله مشاهد كثيرة مضحكة بس مش هى دى اساس المسلسل
ان شاء الله يعجبكم وان شاء الله ينزل فى القريب
zizo2_2 04-07-2006, 01:47 AM لا تعليق ولوأني كان عندي حلقة أود وضعها
ولكن يلا مليش نصيب الحق الموضوع
بورسعيدى 04-07-2006, 02:09 AM هو انت عايز استأزان
ياعم كل مكان فى المنتدى مفتقد مواضيعك
هات ماعندك
zizo2_2 04-07-2006, 02:15 AM بجد
zizo2_2 04-07-2006, 02:16 AM طيب يلا قدم الفيلسوف
اللي بأقول الحكماء شغوف
علشان يقولنا الجديد
بورسعيدى 04-07-2006, 02:22 AM اوك
قل لنا يا فيلسوف عن طبع النساء مع الرجال
zizo2_2 04-07-2006, 02:25 AM انظر يا بني
للمرأة قاموس خاص لا يفهمه الا الاذكياء من الرجال .. وقد تكون متزوجا من عشرات السنين
ولكنك للاسف لم تقرأ بعد قاموس زوجتك
ماذ1 لو قالت نعم يا فيلسوف ؟؟
لا تعنى نعم . نعم تعنى لا . ربما تعنى لا ..
نحن نحتاج تعنى انا عايزة
وماذا لو فوضت امرها لك
الامر يرجع لك تعنى هذا قرارى ولابد ان ينفذ .
خبرنا يا فيلسوف عن بعض المصطلحات بقاموس المراة .
تعبانه جدا اليوم تعنى لا تطلب منى شيئا .
افعل ما تريد تعنى سوف تدفع الثمن .
عايزين نتكلم تعنى عندى شكاوى .
المطبخ عايز دهان تعنى كن جاهزا لدهان المنزل باكمله .
اريد بعض المفارش الجديدة تعنى اريد تغيير اثاث المنزل .
هل تحبنى تعنى سوف اطلب شيئا ثمينا .
الى اى مدى تحبنى تعنى فعلت شيئا خطأ لا تعاتبنى .
سوف اكون جاهزة بعد دقيقة تعنى انتظر ساعة على الاقل .
بالطبع احترم الرأى الاخر تعنى لن تأخد الا برأيى .
انا غير جائعة الان تعنى سوف التهم السفرة بأكملها .
وانظر يا بني حينما يكون لسانها عذبا في طلب أمر ما فإنها تلف وتدور تثير احساسك لكي تحضر لها ما تريد فعندما تريد منك هدية تقول لك :-
زوج اختى أهداني خاتما فى عيد ميلادي تعنى ماذا سوف تحضر لى فى عيد ميلادى ؟ .
الفلوس بتطير تعنى خلصت مصروف البيت .
ماذا تحب ان تأكل اليوم تعنى الثلاجة فارغة .
والان هل يستطيع الازواج فهم زوجاتهم ؟ .
ولتكمل استاذ
ففيلسوفك اعلم من فيلسوفي
فقد ناح وطاح وبلغ
لماذا السكوت يا فيلسوف ؟؟؟
النوم يا بني
قد حان الآن
فدعني استريح
وغدا لنا في حوارتهم المزيد
بورسعيدى 04-07-2006, 02:27 AM مممممممممممم
الى الغد اذن يا فيلسوف
مش انا قولت لك ان الحلقة دى مش هاتتحط إلا بإسمك
;)
نغم البحر 04-07-2006, 09:23 AM لالالالالالالالا القاموس ده مش صحيح والله مش كل الستات كده يا جماعة ده والله فى ستات عليهم حكمة جامدة اوى فى التدبير والعقل
وفى رجال مسرفين اوى واحلى مافى القاموس ده انه من الاستاذ زيزو اللى منور منتدانا
اما انت يا مجدى فبجد موضوعك هايل وانا هستنى البقية منه بس ماتتاخرش علينا.
الأسكندرانية 04-07-2006, 09:47 AM حلقات حلوة اوى
تستاهل جايزة اوسكار
مبروك يا اسد المنتدى ع الجايزة
وعقبالنا
ومشاركتك وتكملتك للموضوع استاذ متميز ويستاهل ضحكة ههههه على الست المتوحشة دى
هو لسه فى ستات كده
ربنا يستر
بورسعيدى 05-07-2006, 01:01 AM عندك حق يا نغم
مش كل الستات ينطبق عليهم القاموس
وشكرا على الاوسكار يا بنت الشاطبى
مس رانيا حسن 15-09-2009, 09:58 PM السلام عليكم ورحمة الله وبركاته
من اجمل الموضوعات التى قرأتها
وكم تمنيت أن اكون فى البوابه وقت تواجد
هؤلاء الاعضاء المميزين
فى حواراتهم اللطفاء فى اقوالهم المهذبون فى ردود أفعالهم
اعزك الله استاذ مجدى وأتمنى رجوعك مرة اخرى
حتى نستمتع بموضوعاتك الطيبه المليئة بكل ما هو جيد ونافع
وكل تحية وتقدير لكل عضو شارك فى الموضوع
سيف عبد العظيم 15-09-2009, 11:42 PM الله عليك يا مجدى باشا
تقبل مرورى
فى رعاية الله
|