" لو لم أكن مصريا كان يبقي قشطة أوي
--------------------------------------
مش عارف ليه دايما بقيت بسمعها كتير
اوي الايام

مش عارف الجملة بتتقال تهرب من مسئوليتنا عن اللي بيحصل في البلد
و لا دي نتيجة منطقية لظروف كلنا بنعيشها ؟

أنا هسأل سؤال للناس اللي عايشة بالمقولة دي
و عايز تهاجر و تسيب البلد

نفترض امك او اختك او مراتك
تعرضت للاختطاف .. و السرقة .. و ال******
هتعمل ايه
هتدور علي ام تانيه
و لا هتقتل اختك و تتبرأ منها
و لا هتهاجر و تنسي الموضوع
و لا هتطلق مراتك و تجوز غيرها
و لا هتنتحر و تريح نفسك ؟
و لا هتكون راجل بمعني الكلمة و تدافع عنهم و تنتقم لشرفك ؟

طب ده كان مثال بسيط عن الواقع اللي بنعيشه
ما مصر يا عمنا في ايدين غيلان بيسرقوها و بيغتصبوها كل يوم
و احنا مش بنعمل حاجه غير الكلام ده لو اتكلمنا اصلا
هل هي دي الرجولة و هو ده الانتماء ؟

انتوا بتقولوا ان مصر وحشة و مش بتدينا حقنا
هل مصر هي اللي بتذلنا او بتهينا او بتظلمنا ؟
و لا احنا اللي عملنا في نفسنا كده بسكوتنا و ضعفنا

احنا اللي عملنا في بلدنا كده بتخاذلنا و جبننا
مش عارف امتي هنتحرك عشان نحرر بلدنا من حزب فاسد
و نظام اغتصبها و نهبها ؟

مش عارف امتي هنحس بشويه نخوه و رجوله و ندافع عنها بجد
مش بكلام و بس ؟

ياريت نفكر في الموضوع صح
و نعيد حسابتنا

متقلش مصر وحشة .. قول حكومة فاشلة و حزب فاسد

احنا اللي خربناها بايدينا .
دا كفاية آوي الغش الحاصل في المدارس والكليات مهزلة ، الأجيال ديه هتكون مسؤولة عن البلد شوف بقى أما تبقى البلد في ايد ناس بتغش وبتعلمه لغيرها يبقى الوضع ايه

عندك حق الناس لو حسنت من نفسها اكيد المجتمع هيكون حلو وبالتالي هتكون مصر احلي بلد زي ما قال الفلاسفه ارتقاء اي فرد في المجتمع يؤدي الي ارتقاء المجتمع ككل والبلد اكيد وهتكون الحكومه نضيفه محترمه مش كله نهب في نهب
شكراااااااااااااا ع الموضوع

كلام جميل جدا وكويس
ياريت بقى تقترح خطوات ايجابية نقدر ندافع بيها عن حقوقنا المسلوبة دى
انما احنا فعلا مفيش حاجة فى ايدينا نعملها غير ان احنا نسكت
لان اللى بيفكر يتكلم بتكون اخر مرة يتكلم فيها فى عمره وبرضه مفيش حاجة بتتغير

الله يرحمك يا عم مصطفى كامل باشا .. لو كنت تعيش معنا هذا الزمان لما كنت زعقت بعلو صوتك وقلت كلمتك الشهيرة
لو لم أكن مصريا لوددت أن أكون مصريا

ما الذى يدفع أي إنسان أن يعتز بإنتمائه لبلده؟؟ ما الذى يجعل واحد مثل حليم يشدوا بكل فخر
أحلف بسماها و بترابها..أحلف بالقمح وبالمصنع..أحلف بالمدنا و...الخ
هذا الإعتزاز و ذلك الفخر لابد أن يكون له سبب ..وسببه في اعتقادي هو الحب..أكيد الناس دي بتحب مصر..بتموت فيها..بتعشق سماها وهواها وترابها وناسها..والذي منه
لكن ليه ؟؟ ليه الناس دى بتحب مصر؟؟ ليه الست كانت بتقول

مصر التى فى خاطرى و فى دمى .. أحبها من كل روحى و دمى


مفيش حب كده من الباب للطاق ..متقوليش عشان اتولدت مصري يبقى لازم تحب مصر وتموت فى دباديبها..متقوليش حب من أول نظرة..لأن أكيد تاني و تالت نظرة حتخليك تغير رأيك..متقوليش حب من طرف واحد .. يعنى الطرف التانى يديك بالجزمة القديمة وانت بتصرخ .. بحبك بحبك


فى رأيي أن الحب علاقة متبادلة بين طرفين..مشاعر ماشية فى اتجاهين..يعنى لازم البلد تحبك عشان تحبها ..وبسلامتها البلد دى تحبك ازاى ؟؟؟ ..أقولك
تحبك يعنى ترعاك .. تهتم بيك .. بالبلدى كده تعبرك .. تحسسك إنك بني آدم لك قيمة وليك رأى..تعترف أن ليك حقوق زى ما عليك واجبات

من حقك تأكل لقمة نضيفة من غير مبيدات ولا مسرطنات ولا تقاوي فاسدة ..من حقك تاكل رغيف عيش من غير مسامير ولا صراصير ولا بلا أزرق
من حقك تتنفس هوا نضيف من غير هباب ولا أطران ولا دخان مصانع وكبريت ورصاص وسخام أسود منيل بستين نيله
من حقك تلاقى مواصلة تركبها من غير بهدلة و شحططه ومرمطة وتزنيق و تلزيق وبلطجة وقلة أدب واللي مش عاجبه الباب يفوت جحش
من حقك تلاقى شغلة شريفة من غير ذل ومهانة وفوت علينا بكرة يا سيد .. من غير كوسة ومحسوبية وأبجني تجدنى وسكة أبو زيد كلها مسالك
من حقك لو عييت تلاقى حتة تتعالج فيها بكرامتك وتتعامل كإنسان محترم مش كأنك متسول جاي تشحت من الدكتور اللي أصلاً قرفان من نفسه ونفسه يديلك حقنة هوا عشان يخلص من أمثالك الأوباش الجرابيع
من حقك تلاقى حد يجيبلك حقك لما يتنطط عليك حتة عيل شبه البرص مش باين من الأرض ويقولك..أنت مش عارف أنا ابن مين يا ابن ال .... ويبقى نهار أبوك أسود لو طلع أبوه ظابط و لا وزير و لا......... واللي له ضهر مينضربش على بطنه
من حقك لو دخلت قسم الشرطة تخش بثبات بدون رعب من غير ما تبص حواليك خوفا من قفا طاير أو شلوت ضل الطريق أوروسية تبحث عن ضحية أو شتيمة عابرة للقارات ده غير السحل و النفخ وهتك العرض و السفالة وقلة الأدب و المواطن مجرم وابن ستين ... حتى تثبت براءة اللي جابوه ... ويا ويلك يا سواد ليلك لو كانت دقنك منبته انشالله تقاوى شعر .. يبقى انت ارهابي .. واشحن على أمن الدولة لحد ما يبانلك صاحب.. وإن بانلك صاحب يبقى نهار أبوه أسود هو كمان


من حقك تتفرج على تليفزيون بلدك تحس بالفخر..تشوف مدارس بتتبنى ومصانع بتشتغل و كباري بتتفتح و مستشفيات بتتجدد و مدن بتتعمر وشباب زى الورد بيشتغل و يبني ويعمر ويضحي بعرقه ودمه.مش تشوف بلد بتتسرق..وعبارة بتتحرق..وقضاة بتنضرب..وصحفيين بتتسحل..وأسعار كل يوم بتولع..والحرامية اللي سرقوا البلد إما في أوروبا أو في مارينا..وحكومة مش فاهمة حاجة فى أي حاجة ورئيسها بيقول الشعب لازم يرضع الديمقراطية بالبزازة..ومجلس شعب دايماً موافق وهو نايم بيشخر..وأكبر راس فى البلد مرعوب وخايف يحط إيده فى بق الأسد..مستني لما الأسد يهبش ....... مش إيده..والكتكوت ننوس عين ماما متصدر فى الفاضية و المليانة ونافخ ريشه عشان يورينا إنه دكر و بيعرف يكاكي زى بابا


يا ترى بعد كل ده لسة مش فاهمين ليه الشباب بيسيب البلد و يهج؟؟ !! يا ترى لسة مش فاهمين ليه الطلبة ما صدقوا حطوا رجلهم فى أمريكا ومحدش شافهم تانى ؟؟..لسة مستغربين ليه كرم جابر و بوجي بيدوروا على الجنسية الأمريكية؟؟..لسة بتسألوا فين أحمد زويل و فاروق الباز و مجدى يعقوب..وغيرهم كتير و كتير؟؟...... يا ترى كل دول خونة و مجرمين و معندهمش و لاء وانتماء؟؟!!


ياترى يا عم مصطفى كامل باشا لو كنت عايش معانا .. كنت حتقول إيه

والله يا محمد كلامك كلو صح
انا بعد اللي انت قلتو مش عارف اقول ايه

طبعاً المشكلة مش فى مصر

المشكلة فى اللى مسكنها و فى اللى عايشين فيها

عندك حق
متقولش حاجة سقعه قول كوكاكولا
الإعلان ده كان بيعجبني أوي زمان
:d
**************
بالنسبة لسؤالك بقي
لو امي دي هيا اللي راضية بال****** يبقي مش ******
لما يكون كل إخواتي اللي واقفين كلهم كل واحد مستني عشان يتقدم وكل محاولة بتقوم بتنتهي قبل ما تبتدي
يبقي ولا امي لزماني ولا اخواتي دول لازمني
نبص للبلد بواقعيه ياجماعه
الله يبارك فيكم بلاش الكلام الكبير بتاع ****** ومش ******
كل واحد يطلع يقول كلمتين ويبكي علي الأطلال ويقول مصر حلوة
أولا ولا قال حلوة ليه
ثانيا مقلش ولا تبقي حلوة ازاي
منعرفش غير كلمه كان
كفايا كلام اللي يخليكم ياجماعه
اللي يطلع يطلع يقول كلام يدخل علي العقل
مش علي القلب الله يبارك فيكم
اينعم كلامي مش حل ويعتبر نوع من أنواع السلبية
بس اللي انتوا فيه بالرغم من انه نوع من أنواع الأمل فهو شكل من أشكال الخيالية
عالعموم ابقي اعملوا وانا اصقفلكم
" إذا غضب الله علي قوم ٍ منحهم الجدل ومنعهم العمل "
ولو لم أكن مصريا .. لوودتت ان أكون مسلما ً امريكيا ً
والله كان زماني بني آدم
بالرغم من اني عايش بني آدم بردو والحياة حلوة
بس بالنفوذ يعني مش لله
:d
يالا ربنا يوفقكم وتحرروا البلد
واللي مش عاجبه كلامي يحاول ينساه
واللي عاجبه كلامي بردو يحاول ينساه
اكني مدخلتش واكنكم مقرتوش
:D
بالشفا وأي مناقشه مش هناقش لاني في الآخر ولا هتحرر البلد ولا انا هستفاد وهبقي ضيعت وقتي
مع السلامه ياشباب
ملحوظة صغيرة اوي عشان اللي هيجي هيتهمني بعدم القومية وشغل الأفلام العربية القديم ده
انا بحب مصر كبلد مش كحالة
عالبركة

:dعاجبنى قوى عنوان التوبيك
تصدق انا فكرت كده ساعت ماقريت العنوان بس رجعت فى كلامى على طول
انت عندك حق
ماينفعش تقول انا هبقى امريكى عشن امريكا اقو ى ماينفعش تقول انا مش هبقى مصرى عشان مصر وحشة
كل واحد يطلع يقول كلمتين ويبكي علي الأطلال ويقول مصر حلوة
على فكرة مصر حلوة
وحلوة قوى
بس الناس هى اللى وحشة:d
ووحشة قوى كمان
عمرك ماهتدى زهرة لانسان همجى وبعدين تطلب منه انه يحافظ عليها
هو مش عرف قيمتها
عشان كده هيبهدلها
او لو بيفهم هيخد رحيتها الحلوة وبعدين يرميها
وبلاش نوضح اكتر من كدا

ياجماعه0احنا0سبنا0الموضوع0الاساسى0طيب0بدل0منقول0هى 0وحشه0والناس0وحشه0قولوا0هنغيرها00ازاى0وهنغير0الناس 0ازاى0انا0طبعا0بحب0مصر0بس0مش0عايزهها0كده0بس0نحاول0 نغير0وفكروا0مرسى0على0الموضوع

اخي ايمن
صدقت
ولكن اين الحل ؟
هل الحل في كلماتك او كلمات الأخوة الاعضاء الذين صنعوامن الموضوع حلبه مصارعه ؟
لا والله ما كان هذا الحل ابدا ً
انما الحل في تقديم الحلول وليس رفع الشعارات كالنصاريين او الإخوان او البتنجان حتي
نريد عملا ً كفانا كلاما ً
شكرا لموضوعك الجيد
--
اخي احمد رضا انت تعلم انك استاذي دائما سواء في الواقع او في الإنترنت
ولكني اؤيدك واعارضك
نعم الحال لا يعجب احدا ً ابدا ً
ولا شئ بايدينا في نفس الوقت
ولكن يكفي ان تري بصيص من الامل

( ولا تيأسوا من روح الله إنه لا ييأس من روح الله إلا القوم الكافرون)

صدق الله العظيم
ولكنك محق كل الحق
حتي من جاؤوا بعدك بكوا علي الأطلال وقالوا زهرة وبستان
ولم يقدم احدهم حلا ً
حتي أنا لم أقدم حلا ً
ولكن يكفيني شرفا أن اصحح منهج وفكرة
دمتم

سؤال يطرح نفسه

هي مصر اصلاً بلدنا ؟

لو روحت اي مكان في العالم هتلاقي ابن البلد هو رقم واحد
وبعديه يجي الاجانب والمهاجرين واللاجئين
بس اللي معاه جنسية البلد
له حقوق .. وواجبات
يحب اوي يخدم بلده لانها ادته كل حاجه حلوة

لكن مصر
المصري في مصر بيتعامل اقل من الحيوان
الاجنبي له كل المميزات
صحة - تعليم - فلوس - امان

ويشترك مع الاجانب طبقة الحكام وكبار الاغنياء

الموضوع ده بيفكرني بايام الاحتلال الانجليزي لمصر

على فكرة مصر دولة مش مستقلة ولا حاجه ولا الشعارات اللي بيقولوها دي

بدليل ان مصر متقدرش تعمل اي حاجه الا لما تاخد الاذن من ماما


الخلاصة اننا اغراب في وطننا

ومش هتفرق كتير اغراب في وطننا عن اغراب بره وطننا

ممكن نروح وطن تاني يقدرنا ويحترمنا وساعتها احس ان عندي وطن فعلاً

مصر مهما هتعمل فيها عمرها ما هتقدرك

ببساطة لانها مش بلدك اصلاً

انت خدام فيها

اه كلنا خدامين عند طبقة الحكام والاغنياء بس بشكل غير مباشر

وفي فرق بين شغالين وخدامين

العمل في الاقتصاد هو مجهود شاق بس بتاخد عليه مكافأة

واذا كان بدون مقابل مادي اسمه عقوبة

واذا كان بمقابل مادي عبيط يبقى اسمه خدمة وذل ومهانة

اما عن احلامنا بان مصر هتتغير

اعتقد صعب ان لم يكن مستحيل

لانه التغيير محتاج قائد

واي قائد بيطلع في البلد دي لازم يا ينطرد يا يخرس

اما عن اذا كان فعلاً هيحصل ولا لأ

فاوكد انه هيحصل

بس مش دلوقتي خالص خالص

وانا شخصياً مش شايف انه عيب اني اروح ادور على وطن تاني

لاني بني ادم ليه طموح وعاوز انجح وابقى حاجه وعاوز وطن ابقى حاسس فيه بالامان والاحترام

وطن يبقى ليا فيه حقوق وواجبات

الحلو في مصر قليل اوي اوي اوي

والوحش فيها عامل زي السرطان بياكل الحلو

وبصراحة انا مش عاوز ابقى ضحية للسرطان ده

انا هعيش في البلد دي جوا الحيط

كام سنة اتخرج واشتغل سنة ولا اتنين وبعدين اهاجر

وهيبقى كل اللي بيمثل مصر فيا هما اهلي اللي هعمل كل اللي اقدر عليه عشان اجيبهم معايا

اما اصدقائي فالطبيعي اننا هنفترق هنفترق لاي ظروف

وساعتها مصر بالنسبة لي مش هتبقى اكتر من ذكرى ....

مصر
الموضوع هنه عامل زى موضوعات كتير فى المنتدى بتبحث عن الحق الحريه الصداقه .......... الخ
ومعظم الردود بتبقى إيجابيه
ونادراً رد سلبى

وكالعاده ليا سؤال
بسيط
مين السبب لما الكل ملاك برىء
؟!

اللى بيسرق ويقتل وينهب ويغتصب حق الغير و .......................... الخ
إحنا
ومحدش هيغيرنا غيرنا

" إن الله لا يغير ما بقوم حتى يغيروا ما بأنفسهم

ياريت نبطل نبكى على الراح ونقول ياريت اللى جرى ما كان
على رأى المثل
لا تبكى على اللبن المسكوب

ونحاول ناخد خطوه إيجابيه فى حق الغير وحق نفسنا
بلاش
أنا مالى ومش أنا السبب ده هوه هو انا اللى هصلح الكون
بلاش الإحباط ده
:(

لما يكون في ناس مصرة إنها تنجح بالغش

لما يكون في ناس مصرة إنها تدخل بالوسايط

لما يكون في ناس مصرة إنها تعدي بالرشاوي

لما يكون في ناس مصرة ترمي الزبالة في الشارع

لما يكون في ناس مصرة تكسر الاشارة ومتحطش الحزام

لما يكون في ناس مصرة إنها تغنى بتجارة المخدرات والممنوعات

لما يكون في ناس مصرة إنها الطبقة الراقية ومن لها الحق في المتعة وحدها


كده يبقى مستحيل البلد حيتصلح حالها
يعني لا حاكم ولا محكوم

وبعدين نقول اصل البلد هب اللى غلطانة
واحنا بنرد على الخطأ بخطأ اكبر منه

وبعدين نهجر البلد ونقول اصل مفهاش نظام
وننفذ النظام لما نبقى في بيئة جديدة مجبر فيها على تنفيذ النظام


مندورش ليه على نفسنا في الأول
منصلحش المجتمع الصغير ليه في الاول عشان ينصلح حال المجتمع الاكبر

كيف سيكون النبات اخضراً إذا كانت النواة فاسدة


مصر ستظل دائماً الخير كله
ولكن لا أحد يقدر !!!!

السبب الرئيسى للى احنا فيه ان احنا خلاص بعدنا عن دينا لو مشينا يوم 24 ساعه بس على دينا الحقيقى والله لنتغير كلنا حكومه فاسده وسلطه بايزه عايزين اي بعد كده

اخي ايمن


صدقت
ولكن اين الحل ؟
هل الحل في كلماتك او كلمات الأخوة الاعضاء الذين صنعوامن الموضوع حلبه مصارعه ؟
لا والله ما كان هذا الحل ابدا ً
انما الحل في تقديم الحلول وليس رفع الشعارات كالنصاريين او الإخوان او البتنجان حتي
نريد عملا ً كفانا كلاما ً
شكرا لموضوعك الجيد
--
اخي احمد رضا انت تعلم انك استاذي دائما سواء في الواقع او في الإنترنت
ولكني اؤيدك واعارضك
نعم الحال لا يعجب احدا ً ابدا ً
ولا شئ بايدينا في نفس الوقت
ولكن يكفي ان تري بصيص من الامل

( ولا تيأسوا من روح الله إنه لا ييأس من روح الله إلا القوم الكافرون)

صدق الله العظيم
ولكنك محق كل الحق
حتي من جاؤوا بعدك بكوا علي الأطلال وقالوا زهرة وبستان
ولم يقدم احدهم حلا ً
حتي أنا لم أقدم حلا ً
ولكن يكفيني شرفا أن اصحح منهج وفكرة

دمتم


محترم والله
تسلم ايدك
وصح لسانك يا باحث
واديني منتظر معاك الحلول واللي هينفذوا وهننتظر النتائج بردو
--
لو يدوني بس سلاح اهد البلد دي وابنيها من جديد علي نضافه
واعملها بيت دورين وكشك سجاير وفسقيه
:d
هأ

أنا اللى حظى زبالة
طول عمرى عايش فى كندا بس ما اتولدتش هناك
كان زمانى زى أخويا الصغير دلوقتى معايا الجنسية
بس حتى لو معرفتش أرجع تانى
لازم أهاجر أى مكان تانى
مستحيل افضل فى البلد دى

عندك حق

متقولش حاجة سقعه قول كوكاكولا
الإعلان ده كان بيعجبني أوي زمان
:dوانا كمان
**************
بالنسبة لسؤالك بقي
لو امي دي هيا اللي راضية بال****** يبقي مش ******
اعطني دليل على انها راضية ..عملت ايه؟؟قالت لحد بيحاول ينتمي ليها لأ..قالتلك سيب الانتخابات تتزور وارجع عيط عليها بعدين؟؟
لما يكون كل إخواتي اللي واقفين كلهم كل واحد مستني عشان يتقدم وكل محاولة بتقوم بتنتهي قبل ما تبتدي
يبقي ولا امي لزماني ولا اخواتي دول لازمني
نبص للبلد بواقعيه ياجماعه
الله يبارك فيكم بلاش الكلام الكبير بتاع ****** ومش ******
كل واحد يطلع يقول كلمتين ويبكي علي الأطلال ويقول مصر حلوة
أولا ولا قال حلوة ليه
انا اقلك حلوة ليه مع اني اتأذيت منها كتير وبدري اوي وف الكام سنة اللي عشتهم فيها بس
لكن فيها خير كتير ,فيها همة ,فيها قوة.فيها دين ثم دين ثم دين ما شفتوش مع شعوب تانية بالشكل ده
احنا في رباط الى يوم القيامة يا احمد ...احنا وبس..
ثانيا مقلش ولا تبقي حلوة ازاي
وانت دورك ايه ؟؟؟مش دورك تخليها حلوة برده ولا انت من الشباب اللي مستني حد ياخد الخطوة الاولى وبعديييييييييييييين هو يبقى يفتكر بعد الهنا بسنة يشارك ف الخطوة ،ليه ما تبقاش انت اللي تاخد الخطوة الاولى وتتعب وتتحمل وتتبهدل على ما تجمع الناس حواليك اهو يبقى اسمك عملت ليها حاجة ع الاقل لما تقولك انا اديتك تقولها انت كمان وانا كمان اديتك
منعرفش غير كلمه كان
كفايا كلام اللي يخليكم ياجماعه
اللي يطلع يطلع يقول كلام يدخل علي العقل
مش علي القلب الله يبارك فيكم
والله العظيم مافيش ولا كلمة م كلامي ده دلوقتي ليها علاقة بالقلب عشان عندي العقل هو اللي بيحكم الاول عشان ما تقوليش ان مشاعري ماثرة عليا
اينعم كلامي مش حل ويعتبر نوع من أنواع السلبية
بس اللي انتوا فيه بالرغم من انه نوع من أنواع الأمل فهو شكل من أشكال الخيالية
عالعموم ابقي اعملوا وانا اصقفلكم
واذا ما صقفتش هايكون لينا حساب تاني عشان هاعتبر ده وعد بجد
" إذا غضب الله علي قوم ٍ منحهم الجدل ومنعهم العمل "
ولو لم أكن مصريا .. لوودتت ان أكون مسلما ً امريكيا ً
والله كان زماني بني آدم
ياريت يا احمد والله انك كنت مسلم امريكي لسبب واحد بس شوف كل او يا سيدي معظم اللي بيسلموا من امريكا بيعملوا ايه؟؟؟والله العظيم بينزلوا فورا على مصر عشان اامنلهم من هناك وهايتعلموا فيها الدين صح من ناس يحاولوا يتفهموا وضعهم
بالرغم من اني عايش بني آدم بردو والحياة حلوة
بس بالنفوذ يعني مش لله
:d
يالا ربنا يوفقكم وتحرروا البلد
واللي مش عاجبه كلامي يحاول ينساه
واللي عاجبه كلامي بردو يحاول ينساه
اكني مدخلتش واكنكم مقرتوش
:d
بالشفا وأي مناقشه مش هناقش لاني في الآخر ولا هتحرر البلد ولا انا هستفاد وهبقي ضيعت وقتي
مع السلامه ياشباب
ملحوظة صغيرة اوي عشان اللي هيجي هيتهمني بعدم القومية وشغل الأفلام العربية القديم ده
انا بحب مصر كبلد مش كحالة

عالبركة


مش قصدي نقاش ولا كلام غلط ولا اي حاجة لكن اللي مفور دمي بس انك شخصية كويسة اعتقد عندك قدرة على الوصول الى هدفك ...ثانيا :انت اخ ما ينفعش اشوفك بتتكلم بالطريقة دي واسكت انت لما تدعي ربنا يا احمد لازم تتوقع الاجابة بل تتيقن منها كمان طيب فين اليقين ده
ثالثا ده واجبي عشان لما الرسول يقابلني يوم القيامةويقولي يا هند انا اسناني اتكسرت واتضربت واتعذبت واتبهدلت بس عشان اوصلك انتي الدين ده ووصلتو
انتي بقى عملتي ايه عشان تحافظي على مجهودي ؟؟؟انا عن نفسي مجهزة الرد
انت مجهز ؟؟؟
اسفة انا مش هاقبل رفضك للمناقشة بعد اذنك

كويس وصلنا لمرحلة متقدمة من الكلام
ولتكن مش من اتجاهاتي ( للأسف )
---
نيجي لأول نقطه انتي اتكلمتي فيها ألا وهي ( اديني دليل انها راضية )
تمام
في الأفلام زمان كانوا دايما بيقولوا للبنت لما تيجي تتخطب
السكوت علامه الرضا ؟
اللي في ايديهم انهم يغيروا
اتنين
( الإخوان - قيادات الجيش )
وبيأتي بعدهم النصاريين والحوارات الفاشله دي

الإخوان كانوا في المظاهره اللي كنت انا ماشي من جنبيها مالا يقل عن 6 آلاف متظاهر إخواني
ولما النصاريين قالوا ياريت ياجماعه ولو نهتف هتاف واحد بس او اتنين ضد مبارك اللي كان سبب في سبع تربع المشاكل اللي بتحصل وده بسبب التصريح اللي يعتبر اخدوه من كلامه للضرب
ألف متظاهر كانوا بيقولوا قاااااادم .. قااااادم وبيضربوا برجلهم في الأرض يعمونا والله يعمونا بالتراب
مش عارف حسسوني ان اللي جي مش الجيش .. لالالا اللي جي كان سوبر كرانشي باين
وطلع في الآخر المرشد ( مش إسلام صاحبي طبعا :D )
ولما قال للمرشد بتاع الإخوان فيها ايه لو هتفنا ضد مبارك لانه السبب في ده
قالوا لالالا مبنهتفش ضد مبارك
( يعني ساكتين علي الخنزير اهوه عشان ميتسحبوش ويتضربوا علي قفاهم )
آه يابلد تخاف ومتختشيش
ده بالنسبه للإخوان اللي هما يعتبروا الجزء الأكبر من البلد
( السكوت علامه الرضا )
--
الناصريين محترفين في الشعارات صراحه .. لكن العمل ولا حاجة .. حمدين عمال يتصرف غلط وفاكر نفسه انه خلاص بقي عبد الناصر .. حتي لما كنت بقعد معاهم وأشوف طريقه كلامه .. حتي اعداد الناصريين هنا يوم ما يتنططوا يعملوا مظاهره فيها 50 واحد .. لو واحد آيام سوري مجرد بثق عليهم بثقه هيغرقهم ويخليهم يهربوا
لان اعدادهم صغيرة .. لكن الحاجة الكويسة اللي فيهم انهم بيضربوا في حسني لكن بدون تأثير
زي ما تضرب بالطوب في عربيه مضرعه
وبالمناسبة تم اعتقال عدد لا بأس به من طلبة الجامعات اللي كانوا في المظاهره الأخيرة
--
بالنسبة لقيادات الجيش
انا في اعتقادي ان قيادات الجيش قادرة انها تعمل وقفه كفيلة بقطع العلاقات الدبلوماسية مع اسرائيل
وكفيلة انها تقطع الغاز اللي بتمد بيه إسرائيل وكفيله انها تفتح المعبر لأهالي غزة اللي بيموت منهم مئات
ده إحنا يوم ما مات مننا ظابط واحد ملهوش ذنب طلعنا نعيط في التلفزيونات ونلطم .. مابالنا بالعائلات اللي كل أولادهم بيموتوا ورب الأسرة يكون قاعد ف بيته شايل طفل رضيع وحاضن مراته وبناته وولاده ومستني لحظة موته
ووقفه رجال الجيش كفيله انها تعمل حاجات كتير بس طبعا ساكتين
( السكوت علامه الرضا )
--
انتي فكراني لما بقول البلد ساكته ومش بتتكلم بكون بتكلم علي مين ؟
علي شوية المستضعفين ( اللي هما إحنا ) اللي قاعدين يعيطوا في البيوت ويقولوا حسبنا الله ونعم الوكيل في إسرائيل ؟
لاء انا بتكلم علي اللي في ايدهم يعملوا حاجة
عن أظافر البلد دي اللي تقدر تخدش النظام
مش شوية الستات اللي قاعدين في البيوت وعمالين يقواوا ياضنايا يابني
لان دول مش في ايديهم حاجة
--

لكن فيها خير كتير ,فيها همة ,فيها قوة.فيها دين ثم دين ثم دين ما شفتوش مع شعوب تانية بالشكل ده


علي فكرة انا كمان حافظ النشيد .. المصريين اهما حيوية وعزم وهمه
--
انا قولت بلاش استخدام الكلمات المثيرة اللي لا علاقه لها بالواقع ياجماعه
الله يبارك فيكم
انتوا بتفكروني بمسرحية الزعيم لما كان يقولوا البلد محتاجااااااااااااك يا زيييييييييينهم
وعادل إمام ( أحرق الله وجهه ) يقولوا نيييييييييييييييييييييياع ( صرخة حماسه )
الواقع بيقولوا
أولا : مفيش همه طبعا لإن الهمه ممكن تؤدي للتغير وأدي حال العرب والبلد من عشرات السنين ( إن لم تكن المئات ولم يكن التاريخ ملفقا ً )
ثانيا : فين القوة .. وإيه فايده القوة من غير عقل ؟ مهو بتوع الأمن المركزي زي البغال .. بس مشفوط عقلهم لذلك ميقدروش يعملوا حاجة مبرمجين اللي يقدروا يعملوه يلطشوا في المتظاهرين ويقولوا ( هيا الناس دي موارهاشي مصالح .. عليا الطلاج عالم فاضية )
--
دين ثم دين ثم دين ؟
انتي سافرتي برا ؟
شوفتي الدين عامل ازاي برا ؟
شوفتي المسلم الحقيقي في الـ MAS ( Muslim American Society ) شوفتيهم ؟
شوفتي أعمالهم ونشاطاتهم وازاي بيتدارسوا الإسلام وقصص الصحابة ؟
شوفتي التجمعات الشرعية اللي بتتعمل للمسلمين الأمريكان لتدارس وممارسه شئون دينهم ؟
أحب أقولك لا مسلم مهان إلا المسلم العربي لانه لا يستحق اللقب اللي هوا شايله أصلا
--
والله العظيم مافيش ولا كلمة م كلامي ده دلوقتي ليها علاقة بالقلب عشان عندي العقل هو اللي بيحكم الاول عشان ما تقوليش ان مشاعري ماثرة عليا

أولا الدافع اللي حركك عشان تردي عليا هو مش عملية منطقية أجراها عقلك .. هو عملية شعورية اجراها قلبك وقال " إيه ده إزاي يقول علي بلده كدا .. ازاي يقول علي مصر أم الدنيا ( نفسي أعرف مين ابوها :d ) كدا ؟
وده اللي حركك عملية شعورية وليس عملية منطقية .. لكن لو عملية منطقية كنتي هتبصي للواقع وتوافقيني وبعدين تنادي بالأمل او لنص الكوبايه المليان ( ده لو لسه فيه كوباية أصلا :D )
--
ثانيا مقلش ولا تبقي حلوة ازاي
طبعا انتي مجاوبتيش علي سؤالي خالص .. انتي جاوبني علي سؤالي بسؤال ملهوش علاقه بالسؤال
:d
بمعني
انك بتقوليلي وانت دورك ايه ؟
إن كان ليا دور في البلد دي أصلا فدوري زي اللي قاعدين في البيوت أقول ياضنايا يابني وبس
لاني ولا مستعد اكون كلمانجي زي الناصريين ولا منافق زي الإخوان المسلمين اللي منهم 88 واحد تقريبا في مجلس الشعب
ولا مستعد أسيب مستقبلي وأسس حركه جديدة اسمها الرضاويين وابدا اخوض حرب هتنتهي قبل ما تبتدي ..
:D
--

واذا ما صقفتش هايكون لينا حساب تاني عشان هاعتبر ده وعد بجد

حاضر عنيا الاتنين هبقي اقول أحفادي الكلام ده عشان يصقفوا علي اللي هيعملوه أحفادك
---
ياريت يا احمد والله انك كنت مسلم امريكي لسبب واحد بس شوف كل او يا سيدي معظم اللي بيسلموا من امريكا بيعملوا ايه؟؟؟والله العظيم بينزلوا فورا على مصر عشان اامنلهم من هناك وهايتعلموا فيها الدين صح من ناس يحاولوا يتفهموا وضعهم
لافيني بمصدر المعلومة وبعدين نتدارس الجزء ده ... مع العلم ان الإسلام في المجتمع المسلم الإسلامي يُدرس ويتدارس علي أعلي مستوي ومن ناس كانوا مستشرقين واسلموا بعد نقدهم للقرآن الكريم وإيمانهم بيه
وليس مجرد ورثه للإسلام زي أغلبنا طبعا

---
مش قصدي نقاش ولا كلام غلط ولا اي حاجة لكن اللي مفور دمي بس انك شخصية كويسة اعتقد عندك قدرة على الوصول الى هدفك


أولا ربنا يكرم أصلك ده من ذوقك
لكن أحب أقولك ان الهدف مبيتحققش من خلال مجرد ناس بتتكلم
عبد الناصر لما حب يعمل ثورة عمل ثورة ( في ضوء إمكانياته المتاحه كظابط جيش )
إذن انا عندي إمكانيه إيه كمواطن عادي عشان أقدر انفذ حاجة
لسه بدري
لما أحقق هدفي الإجتماعي الأول .. ويبقي عندي الإمكانيه ساعتها هفكر اعمل حاجة
لكن احنا متعمدين علي شوية كلاب مسكوا مناصب ونسيوا اننا اللي وصلناهم بأصواتنا ( استغفر الله العظيم )
---
انت لما تدعي ربنا يا احمد لازم تتوقع الاجابة بل تتيقن منها كمان طيب فين اليقين ده

" إن تنصروا الله ينصركم "
صدق الله العظيم
" إن الله لا يغير قوما ً حتي يغيروا ما بأنفسهم "
ربنا مبيساعدش مجرد ناس بتدعي ومبتحاولش تعمل حاجة
انا بحاول أعمل حاجة .. بس المشكلة ان حاجتي انا هتاخد وقت طويل
عبال ما أوصل للإمكانيه اللي مبقاش فيها كلمنجي
الله المستعان
--
القيامةويقولي يا هند انا اسناني اتكسرت واتضربت واتعذبت واتبهدلت بس عشان اوصلك انتي الدين ده ووصلتو
انتي بقى عملتي ايه عشان تحافظي على مجهودي ؟؟؟انا عن نفسي مجهزة الرد
انت مجهز ؟؟؟
حلو اسم هند
وياتري ردك ايه يا هند ؟
إن كان علي ردي فدي مسألة بيني وبين الرسول أعتقد ان الرسول هيكون عالم باللي بيحصل
وبمين اللي كان في ايده يغير ومين اللي مكانش في ايده
لذلك فنخليها يوم القيامه ونبقي نشوفها سوا ( إن كان حد فاضي للتاني )
---
عموما ً اعتبريني مقولتش كل الكلام ده
واعتبري مشاركتي مش موجوده
لكن بعد ردك طبعا هيطلع الناصريين والإخوان
الناصريين يتهموني بفساد التفكير
والإخوان بفساد الدين
والعاديين
هيفضلوا يقولوا يااما ربنا ينتقم منك
يااما يقولوا ياضنايا يابني
--
السلام عليكم
ومش هقدر ادخل الموضوع ده تاني للأسف لان الكتابه اخدت مني وقت كتير
كان ممكن استفاد منه في حاجة تانيه
في رعاية الله
وربنا يوفقك في حياتك
:)

---
نيجي لأول نقطه انتي اتكلمتي فيها ألا وهي ( اديني دليل انها راضية )
تمام
في الأفلام زمان كانوا دايما بيقولوا للبنت لما تيجي تتخطب
السكوت علامه الرضا ؟
اللي في ايديهم انهم يغيروا
اتنين
اعتقد التغيير ده فرض على الناس كلها والا ماكنش هايبقى من راى منكم منكرا فليغيره
الحديث ماقلش من راى منكم منكرا يا اخوان وقيادات الجيش
( الإخوان - قيادات الجيش )
وبيأتي بعدهم النصاريين والحوارات الفاشله دي

الإخوان كانوا في المظاهره اللي كنت انا ماشي من جنبيها مالا يقل عن 6 آلاف متظاهر إخواني
ولما النصاريين قالوا ياريت ياجماعه ولو نهتف هتاف واحد بس او اتنين ضد مبارك اللي كان سبب في سبع تربع المشاكل اللي بتحصل وده بسبب التصريح اللي يعتبر اخدوه من كلامه للضرب
ألف متظاهر كانوا بيقولوا قاااااادم .. قااااادم وبيضربوا برجلهم في الأرض يعمونا والله يعمونا بالتراب
مش عارف حسسوني ان اللي جي مش الجيش .. لالالا اللي جي كان سوبر كرانشي باين
وطلع في الآخر المرشد ( مش إسلام صاحبي طبعا :D )
ولما قال للمرشد بتاع الإخوان فيها ايه لو هتفنا ضد مبارك لانه السبب في ده
قالوا لالالا مبنهتفش ضد مبارك
( يعني ساكتين علي الخنزير اهوه عشان ميتسحبوش ويتضربوا علي قفاهم )
معاك انهم غلط ف كل ده عشان ماتفتكرش اني واقفة معاهم ف فكر زي كده
آه يابلد تخاف ومتختشيش
ده بالنسبه للإخوان اللي هما يعتبروا الجزء الأكبر من البلد
( السكوت علامه الرضا )

--
انتي فكراني لما بقول البلد ساكته ومش بتتكلم بكون بتكلم علي مين ؟
علي شوية المستضعفين ( اللي هما إحنا ) اللي قاعدين يعيطوا في البيوت ويقولوا حسبنا الله ونعم الوكيل في إسرائيل ؟
لاء انا بتكلم علي اللي في ايدهم يعملوا حاجة
عن أظافر البلد دي اللي تقدر تخدش النظام
مش شوية الستات اللي قاعدين في البيوت وعمالين يقواوا ياضنايا يابني
لان دول مش في ايديهم حاجة
فاهمه
--


علي فكرة انا كمان حافظ النشيد .. المصريين اهما حيوية وعزم وهمه
ماجاش ف بالي خالص لما رديت للاسف
--
انا قولت بلاش استخدام الكلمات المثيرة اللي لا علاقه لها بالواقع ياجماعه
الله يبارك فيكم
انتوا بتفكروني بمسرحية الزعيم لما كان يقولوا البلد محتاجااااااااااااك يا زيييييييييينهم
وعادل إمام ( أحرق الله وجهه )
بالرغم من اني بكرهه جدا ع البلاوي اللي بيعملها لكن ما اعتقدش يصح لنا نقول كده ،،اصح نقول ربنا يهديه
يقولوا نيييييييييييييييييييييياع ( صرخة حماسه )
الواقع بيقولوا

--
دين ثم دين ثم دين ؟
انتي سافرتي برا ؟
شوفتي الدين عامل ازاي برا ؟
شوفتي المسلم الحقيقي في الـ MAS ( Muslim American Society ) شوفتيهم ؟
شوفتي أعمالهم ونشاطاتهم وازاي بيتدارسوا الإسلام وقصص الصحابة ؟
شوفتي التجمعات الشرعية اللي بتتعمل للمسلمين الأمريكان لتدارس وممارسه شئون دينهم ؟
أحب أقولك لا مسلم مهان إلا المسلم العربي لانه لا يستحق اللقب اللي هوا شايله أصلا
ومين اللي اهانه مش الضغف والرجوع عن الدين ف سبيل المصالح لو كل واحد متمسك بدينه صح ماكانش في خوف من اظهار الحق وانت لو ساعدت واحد على انه يتمسك بدينه ودعوته وكل واحد يمسك واحد البلد كلها هاتتصلح
--


أولا الدافع اللي حركك عشان تردي عليا هو مش عملية منطقية أجراها عقلك .. هو عملية شعورية اجراها قلبك وقال " إيه ده إزاي يقول علي بلده كدا .. ازاي يقول علي مصر أم الدنيا ( نفسي أعرف مين ابوها :d ) كدا ؟
وده اللي حركك عملية شعورية وليس عملية منطقية .. لكن لو عملية منطقية كنتي هتبصي للواقع وتوافقيني وبعدين تنادي بالأمل او لنص الكوبايه المليان ( ده لو لسه فيه كوباية أصلا :D )
--انا اتهدلت يا احمد من الواقع ده بهدلة وف سن صغير اوي اوي ع البهدلة دي اتعاملت كواحده كبيرة بتطلق اراء سياسية تكسر العالم مع انها كانت مجرد حجات بسيطة اوي اللي عملتها ..المفروض ان اي حد بقى مكاني بعد ما يطلع من عندهم يخاف ويمشي جنب ولا حتى تحت الحيط (يتلم يعني بلغة الحكومة) لكن مازلت شايفة منكرات كتير وفرض عليا اغيرها ..من الاخر انا مش ببص للجزء المليان لو كان موجود لا انا حسبت كمية الجزء الفاضي الاول عشان اعرف اتعامل مع المليان ازاي ولاحظ اني قلت الجزء مش النص عشان يكون في عدل ماهو الفاضي اكتر طبعا

طبعا انتي مجاوبتيش علي سؤالي خالص .. انتي جاوبني علي سؤالي بسؤال ملهوش علاقه بالسؤال
:d
بمعني
انك بتقوليلي وانت دورك ايه ؟
إن كان ليا دور في البلد دي أصلا فدوري زي اللي قاعدين في البيوت أقول ياضنايا يابني وبس
لاني ولا مستعد اكون كلمانجي زي الناصريين ولا منافق زي الإخوان المسلمين اللي منهم 88 واحد تقريبا في مجلس الشعب
ناصريين ولا اخوان ...انا بشوف ناس كتير ببقى عاوزة اقول الراجل ده منافق والكل بيبقى بيحكي عنه كده لكن كمان هالكلمة مش من حقي ....ممكن اشوف سياسي معين اقول الراجل ده حيوان لكن مابقولش منافق ..صعبة اوي
ولا مستعد أسيب مستقبلي وأسس حركه جديدة اسمها الرضاويين وابدا اخوض حرب هتنتهي قبل ما تبتدي ..
:D
--

حاضر عنيا الاتنين هبقي اقول أحفادي الكلام ده عشان يصقفوا علي اللي هيعملوه أحفادك
ان شاء الله
---




---


" إن تنصروا الله ينصركم "
صدق الله العظيم
" إن الله لا يغير قوما ً حتي يغيروا ما بأنفسهم "
ربنا مبيساعدش مجرد ناس بتدعي ومبتحاولش تعمل حاجة
انا بحاول أعمل حاجة .. بس المشكلة ان حاجتي انا هتاخد وقت طويل
عبال ما أوصل للإمكانيه اللي مبقاش فيها كلمنجي
الله المستعان
امال فين بقى امشي كل يوم خطوة في طريق هدفك
--

حلو اسم هند
مانا عارفة
وياتري ردك ايه يا هند ؟
كان عندي استعداد اكتبه لكن طالما انت قلت بيني وبين الرسول فهو بيني وبين الرسول لكنه جاهز وبثقة ان شاء الله
إن كان علي ردي فدي مسألة بيني وبين الرسول أعتقد ان الرسول هيكون عالم باللي بيحصل
وبمين اللي كان في ايده يغير ومين اللي مكانش في ايده
لذلك فنخليها يوم القيامه ونبقي نشوفها سوا ( إن كان حد فاضي للتاني )
---

السلام عليكم
ومش هقدر ادخل الموضوع ده تاني للأسف لان الكتابه اخدت مني وقت كتير
كان ممكن استفاد منه في حاجة تانيه
وجهه نظر
في رعاية الله
وربنا يوفقك في حياتك
:)





...........................

للأسف هتضطر أرد إحتراما ليكي ولصاحب الموضوع ولكن ليس إحتراما للموضوع بماهيته

اولا أحب اعتذر ليكي ولصاحب الموضوع إن كانت نبرتي في المناقشة عليت في بعض الإجزاء المعينة ولكن طفح الكيل
وبشدد علي اعتذاري وربنا يديم الأخوة في الله
--
ثانيا : انتي مكملتيش الحديث " فليغيرة بيده .. فإن لم يستطع فبلسانه .. فإن لم يستطع فبقلبه وهذا أضعف الإيمان "
انا بقي اللي بعمله لغاية دلوقتي لساني وقلبي والله علي ما أقول شهيد ..
--
ثالثا : بالنسبة لخطوة خطوة ف هدفك
بالفعل انا في خطوات بس خطواتي مش علي نفس الطريق اللي انتوا ماشيين عليه لان الرصيف اللي الحماسيين وأصحاب المجموعات الصغيرة ماشيين عليه رصيف واهي .. لكن لما يبقي عندي الإمكانيه إني اغير في البلد دي صدقيني هغير بشكل جيد .. ولكن ادعيلي ان ربنا يوفقني في حياتي الاول .. لان بدون توفيقي في حياتي مش هيبقي فيه تغيير ولا فيه انا أصلا
--
رابعا ً : طالما ردك مع الرسول هيكون بينك وبينه فكان احري بك ِ انك متذكريش النقطه دي عشان تبقي مناقشتنا متوازنه ومفيهاش حتت واقعه
--
خامسا ً : أنا رديت علي كل جزئية من كلامك بشكل تفصيلي وانتي اتغاضيتي عن كلام كتير ومكانش عليه تعليق فده اقدر افهم منه حاجة من تلاته
إما موافقة علي الكلام - إما مش عارفه الكلام - إما عدم اهتمام أصلا بالكلام
--
سادسا : بعتذرلك جدا ان كان كلامي ضايقك وبيضايقك ولكن لازم الحقيقة أقولها وبتختلف نظرتنا ليها ده شئ طبيعي
--
السلام عليكم
:)
ملحوظة : والدي اعتقل حوالي ثلاث او أربع مرات تلاته هنا ومره في لبنان - اتقفله حوالي 7 جرائد برخص أجنبيه
وده طبعا لان والدي كان صغير ومش فاهم هو بيتصرف ازاي
لكن لما بدأ يفكر ازاي الحياه ماشيه
ورتب أفكاره
احسبه علي خير وأحسبه هيقدر يعمل حاجة
ولو معملهاش في البلد هيبقي عملها فينا

ثانيا : انتي مكملتيش الحديث " فليغيرة بيده .. فإن لم يستطع فبلسانه .. فإن لم يستطع فبقلبه وهذا أضعف الإيمان "
انا بقي اللي بعمله لغاية دلوقتي لساني وقلبي والله علي ما أقول شهيد ..


..............ودي البداية اللي عاوزة الكل يبدا بيها بس مش اكتر لكن مش عاوزة اشوف ياس وتحطيم ............



اما عن ان كتير من الكلام اللي ما رديت عليه فانا لا اجرؤ على الا اهتم به وانما هو الى حد كبير جدا موافقه

جزيت كل خير
بعتذر بردو لو كنت دايقتك