من الرئيس الي الشعب : ح تقبل ح أحبك.. ح ترفض ح ألبك

يا شعبي حبيبي يا روحي يا بيبي يا حاطك في جيبي يابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك وشايل جبال

يا شعبي اللي نايم وسارح وهايم وفي الفقر عايم وحاله ده حال

أحبك محشش مفرفش مطنش ودايخ مدروخ وآخر انسطال

أحبك مكبر دماغك مخدر ممشي أمورك كده باتكال

وأحب اللي شايف وعارف وخايف وبالع لسانه وكاتم مقال

وأحب اللي راضي وأحب اللي فاضي وأحب اللي عايز يربي العيال

وأحب اللي يائس وأحب اللي بائس وأحب اللي محبط وشايف محال..

وأحبك تسافر وتبعد تهاجر وتبعت فلوسك دولار أو ريال

وأحبك تطبل تهلل تهبل عشان ماتش كورة وفيلم ومقال

وأحبك تأيد تعضد تمجد توافق تنافق وتلحس نعال

لكن لو تفكر تخطط تقرر تشغلي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال..

وعايز تنور وعايز تطور وتعملي روحك مفرد رجال

ساعتها ح أجيبك لا يمكن أسيبك وراح تبقي عبرة وتصبح مثال

ح أبهدل جنابك وأذل اللي جابك وحيكون عذابك ده فوق الاحتمال

وأمرمط سعادتك وأهزأ سيادتك وأخلي كرامتك في حالة هزال

وتلبس قضية وتصبح رزية وباقي حياتك تعيش في انعزال

ح تقبل ح أحبك ح ترفض ح ألبك ح تطلع ح تنزل ح أجيبلك جمااااال

منقول

ههههههههههههههههههههههههههه
هههههههههههههههههههههههه
والله جامدة اوى اوى يا مسيو إيهاب
وهو ده حالنا فعلا
فعلا هم يضحك
هو ده بقى الهم إلى يضحك

ههههههههههههههههههههههههههه
هههههههههههههههههههههههه
والله جامدة اوى اوى يا مسيو إيهاب
وهو ده حالنا فعلا
فعلا هم يضحك
هو ده بقى الهم إلى يضحك


منقدرش الا نقول حاجة واحدة حسنا الله ونعم الوكيل
دى مبقتش بلادنا

مشكووووووووووووووووور

مشكووووووووووووووووور



شكرا لمرورك الكريم

يا خبر امن الدوله خد خبر انا مش هنا