التوبيك ده انا هكتبه واللي يحصل يحصل
السلع التموينيه بقت باسعار اضعاف اضعافها والناس ساكته عشان الحكومه مدد يا حكومه
اسطوانات الانابيب بتاعت الغاز هتبقى الواحده ب 15 جنيه ومدد يا حكومه
ايرادات قناه السويس والسياحه والاثار وغيرها وغيرها من مصادر الدخل في جيب الحكومه وبرضه مدد يا حكومه
الظباط يفتشوا الناس تفتيش ذاتي ويقلعوهم هدومهم وبرضه مدد يا حكومه
الانسولين بتاع مرض السكر بقى ب 45 جنيه وياريته موجود وبرضه مدد يا حكومه
المعتقلات مفتوحه على مصراعيها بدون محاكمات وبرضه مدد يا حكومه
العبارات تغرق والجنود يموتوا على الحدود ولا في اي موقف جامد يحصل مدد يا حكومه
الرز والغاز يتصدروا لاسرائيل والشعب بيموت من الجوع هنا مدد يا حكومه
عايشين على المعونه من امريكا وخفضوها من 350مليون دولار الى 200 مليون دولار وبرضه مدد يا حكومه
نضرب الدول العربيه من اراضينا عشان الحكومه والنظام راضيين بكده طول ما في فلوس بتروح بنوك سويسرا مدد يا حكومه
المصريين يتضربوا بالجزم بره مصر وجواها وده كله عشان احنا ملناش قيمه عند الحكومه اللي هنقولها مدد يا حكومه
المواصلات زباله ومفيش خدمات اجتماعيه والقطارات تتحرق والناس تموت ومدد يا حكومه
الوسايط الله ينور في كل حاجه حتى في تذاكر المترو وفي طوابير العيش ومدد يا حكومه
الشيكل عمله اسرائيل بقى اعلى من الجنيه المصري عشان خاطر حكومتنا رضي الله عنها دمرت قيمه الجنيه مدد يا حكومه ومدد يا نظام
الطلبه تتحبس والجماعات الاسلاميه ارهابيين وفي المعتقلات بدون سبب مدد يا حكومه
على فكرة انا لاشيوعي و اخواني ولا ناصري ولا حتى اي حاجه بس انا مصري وخلاص عايش في بلدي وبقول على اللي فيها
وفي الاخر كلنا نقول مع بعض مدد يا حكومه

منقول

انا هعلق ع حاجتين

اول حاجة
جزئية الضباط و تفتيش الناس
ماالضباط دول شعب مش حكومة
انا عارفة انهم مع الحكومة بس كناس بشر من الشعب و برده بيغلطو فى الحكومة
احنا كشعب مسئولين مسئولية كبيرة ع اللى احنا فيه

"وكما أنت ولى عليكم"
الجملة دى بتعبر عننا اوى

تانى حاجة عايزة اعلق عليها
عنوان الموضوع
دينيا:حرام نقول مدد لحد غير ربنا
فياريت معلش الكلمة بس تتشال لانه حرام
شكرااااااااااا ع الموضوع

لا إله إلا الله ، وحده لا شريك له ، له الملك وله الحمد ، وهو على كل شيء قدير
الف شكر

ياربى لك الحمد كما ينبغى لجلال وجهك وعظيم سلطانك ملء السموات والارض وما بينهما وملء ما شئت من شىء بعد
http://img511.imageshack.us/img511/7205/jhpxsp10pg0.gif
http://img260.imageshack.us/img260/9973/16590486jx7.gif
http://img101.imageshack.us/img101/5672/attachment2pm5.gif


http://www.zyzoom.org/vb/image.php?u=16587&type=sigpic&dateline=1211287697[/QUOTE][/QUOTE]

حضرتك أنا نقلت الموضوع من منتدى تانى علشان عجبنى وحاسس أنه بيعبر عنا
ما بخصوص كلمة ( مدد ) أنا مش عارف ازاى اغيرها
ممكن يتكرم مشرفنا بحذف وتقبلوها منى وأسف