السلام عليكم ورحمة الله وبركاته
ازيكم يا شباب وازيكم يابنات
النهاردة جيت أقولكم إلي اللقاء ( لإني مبحبش كلمه الوداع دي )
طبعا انا فكرت كتير ومن شهر 9 تقريبا بفكر اسيب المنتدي لكثرة الأضرار اللي أصيبت بيها بسببه
بالرغم من عدم إعتباري المنتدي شئ علي الإطلاق سوي ملف Vb مرفوع علي سيرفر
لكن اللي كان فارق معايا جدا بقي الاعضاء المحترمين وأصحاب العقول النظيفه
والحمدلله معظمهم اخدت ايميلاتهم
ودول فعلا مكسبي
بالإضافه للناس اللي منفعش اني اطلب منهم ميلهم
دول بردو مكسبي اني عاشرتهم واتعاملت معاهم

بس قبل ما امشي احب اقول لاستاذ أشرف اتقي الله في بنات الناس
وإن كان ربنا مرزققش ببنات لغاية دلوقت .. ده يخليك تاخد حذرك اكتر واعتقد انك هتفهم الكلمتين دول كويس

اسلام ومحمد واستاذ عصام علي عيني وعلي راسي لكن مؤخرا ً حصلت من حضراتكم حاجات كتير مكنتش اتصور أصلا ً انها تحصل وارجو لو حد كلمني فيكم ميسألنيش هيا إيه ولكن احسبكم علي خير يعني وان الكلام ده حصل من غير قصد

استاذ عاطف خليفه
نفس تذكير استاذ أشرف بالظبط

في النهاية استودعكم الله الذي لا تضيع ودائعه
هبقي ادخل من وقت للتاني عشان اطمن علي الناس المحترمه .. والله المستعان
عام هجري وميلادي سعيد عليكم ان شاء الله
ربنا يبارك فيكم ويحفظكم

وبعتذر لأي شخص ولكل شخص جرحته سواء بعمد او بدون عمد
السلام عليكم
:)

مش هبالغ انك مش صديقك وبس
لا واخ ليا كمان يا بشمهندس
وربنا يوفقك

المنتدى هايخسر كتير اوى من غيرك يا احمد:(
وياريت رجاء منى واكيد كل اعضاء المنتدى عايزينك تكمل معانا
ارجوك فكر تانى فى انك مش تسيب المنتدى
وفى الاول والاخر القرار يرجعلك وربنا يوفقك
وسنه سعيده عليك

اية ياحمد الى حصل

ياريت متحرمناش منك ومن مواضيعك الجامدة ياحمد

بس فعلا ياحمد والله كلنا محتاجينك معانا

ياريت تفكر تانى فى الموضوع دة

وتنسى اى مشكلة مع اى حد

وتخليك مع الاعضاء الى بتحبهم وبيحبوك وبس

لان فعلا بعدك هيعمل ثغرة كبيرة

عند ناس كتير

وانت عارف كدة كويس

وربنا يوفقك ياحمد ويكرمك يارب

فى امان الله

متسبش بيتك ياحمد