مشاهدة النسخة كاملة : اتفرجوا علي النفاق
Assmaa 28-06-2006, 09:22 PM استدعاء آلاء لمجلس الشعب
وشهاب يؤكد عرض ورقة إجابتها
في سابقة برلمانية هي الأولي من نوعها قرر الدكتور أحمد فتحي سرور رئيس مجلس الشعب أمس مطالبة وزير التربية والتعليم بإرسال ورقة اجابة الطالبة آلاء التي عوقبت بسبب موضوع تعبير يهاجم السياسة الأمريكية وقال انه إذا تأكد من ذلك سيدعو الطالبة إلي مكتبه لتكريمها وعلي وزير التربية والتعليم أن يحضر إلي المجلس في أول جلسة معلنة لكشف كل الحقائق في مجلس الشعب منبر الرأي والحرية.. وكشف د.مفيد شهاب وزير الشئون القانونية والبرلمانية عن أن مجلس الوزراء ناقش في جلسته أمس موضوع الطالبة آلاء وعرض وزير التربية والتعليم ورقة الاجابة الخاصة بها علي المجلس مطالبا بعدم التسرع في ادانة الوزارة قبل الاستماع إلي الوزير ومعرفة الحقائق.
يا ريت الكلام ده يكون بجد و اكون غلطانة <_<
LA STELLA 28-06-2006, 09:30 PM ربنا يستر ع البنت دى
قالوا فى البيت بيتك ابارح انهم خففوا عنها العقوبة لملحق بس
بس ده برده حراااااااااااااااااااااااااااااااااااااااام
يعنى ايه البنت بدل ما تهدى اعصابها استعدادا للثانوية العامة المهببة دى
تقعد تذاكر ملحق
ربنا يهدهم
البنت مظلومة اوى
غير تنظيم ايه اللى هتنضم له ده واحدة فى سنها
هى كل اللى قالته ان امريكا سبب لتدهور الاقتصاد العالمى
دول عالم غبية اصلا
ربنا يستر
gomaa 28-06-2006, 09:48 PM وما شاء الله على مدرسين العربى كانوا مركزين قوى وهم بيصححوا ورقتها ما طول عمرهم بيصححوا الأنشاء بالشبر ما كانوا طنشوا .ما يام بنقرء كلام فى الإجابات
بورسعيدى 29-06-2006, 12:02 AM وسلموا لى على حرية الرأى والديمقراطية
فعلا كما قال الاستاذ جمعة
فيها ايه لو المصمحح كان اعطاها الدرجة وخلاص
بس تقولوا ايه بقا فى النفاق
حب يطلع على حساب بنت قالت جزء من رأيها فى موضوع انشاء
LA STELLA 29-06-2006, 12:08 AM فعلا
ناس مفترية
ربنا يهدى النفوس
ayooosh 29-06-2006, 11:30 AM ربنا يستر البنت مظلومة ناس مفترية
مسيو محمد عياد 29-06-2006, 12:21 PM لا تعليق .. !؟
eman2009 29-06-2006, 01:13 PM ربنا معاها
وربنا على الظالم
واتمنى لها التوفيق
براءة 29-06-2006, 04:13 PM يا عينى
انا بصراحه نفسي اقرا الموضوع اللى هى كاتباه
ومش هقول غير ربنا يكتر من امثالها
انا بردك فى مواضيع التعبير بدخل شمال
وممكن كمان اشتم المصححين بطريقه غير مباشرة وبيطلعوا يقولولى ايه الجمال ده ؟؟؟
karim-elghad 29-06-2006, 05:18 PM وزير التعليم الحالي ده وزير فاشل و أثبت فشله في أولى شهوره
ولأ نه فاشل ومش نافع ... إبقوا قابلوني لو اقيل
LA STELLA 29-06-2006, 06:20 PM انا كمان كدة يا رحمة
انا بدخل شال اوى
و محبش نفاق فى مواضيعى
و بالرغم من كدة الخمس مدارس اللى كنت فيهم قبل كدة كنت دوما الاولى على مستواهم فى كتابة مواضيع التعبير
بس فاشلة درجة اولى عربى طبعا يعنى التعبير هو اللى بينجحنى
ناس مفترية
قال بيعدلوا التعليم و هما بيبوظوه
حسبى الله و نعم الوكيل
أ/ مروان حسن 29-06-2006, 08:13 PM موضوع هذه الطالبة والذي أثير أول مرة في جريدة الوفد يوم السبت الماضي
به اشياء كثير غير واضحة الموضوع لا يقتصر على موضوع تعبير للطالبة هاجمت به سياسة الولايات المتحدة فقط ............
يوجد في المسأله شيء شخصي
وهو خلاف بين والدة الطالبة (وهي مدرسة) مع وكيل المدرسة .. مما قد يكون في الأمر شبه تحريض
هذا وقد رد فتحي سرور (تعرفوه) بأنه لو ثبت أن الفتاه هاجمت سياسة الولايات المتحده سيستدعيها لمكتبه ليكرمها
في حين كان رد الوزير على لسان مفيد شهاب (البودي جارد) - طبعا لأن الوزراء مش فاضيين يحضروا لعب العيال اللي اسمه مجلس الشعب
- رد الوزير - ان الوزراة مظلومه وهيوضح الحقائق قريبا !!!!!!!!!!!!!!!!! اعتقد بعد الفاصل !!!!!
LA STELLA 29-06-2006, 08:19 PM لا تعليق بعد كدة
!!!!!!!!!!!!!!!!
أ/ مروان حسن 29-06-2006, 08:40 PM حقاً إنه أب لكل المصريين
آلاء نجحت بقرار جمهوري
مبارك : التعبير عن آرائنا السياسية أمر إيجابي ونشجعه
وزير التعليم نفذ أوامر الرئيس... والطالبة حصلت علي 44.5 درجة في اللغة العربية
حقاً إنه أب لكل المصريين.. فقد نجحت الطالبة آلاء فرج مجاهد في الصف الأول الثانوي بمدرسة شربين.. بقرار من الرئيس حسني مبارك الذي أمر بإنصاف الطالبة بعد أن رسبت في امتحان اللغة العربية بسبب خروجها علي السياق في موضوع التعبير.
أكد الرئيس حسني مبارك إن التعبير عن آرائنا السياسية أمر إيجابي ونشجعه وأثناء تواجد الطالبة ووالدها في مكتب الدكتور يسري الجمل وزير التربية والتعليم فوجيء الجميع باتصال هاتفي من الرئيس مبارك الذي تحدث مع آلاء وطمأنها وقال لها: لا تخافي عبري عن رأيك بحريتك وبراحتك وبأسلوبك مهما كان هذا الرأي مخالفاً لمن حولك ولا تخافي أحدا وهنأ الرئيس مبارك الطالبة آلاء بنجاحها... كما قدم لها وزير التربية والتعليم شهادة النجاح تنفيذاً لأمر الرئيس مبارك له بإنصافها وقد حصلت الطالبة آلاء علي 44.5 درجة من 60 في امتحان اللغة العربية.. وهكذا أنهي الرئيس مبارك الأب مشكلة الطالبة وأصبحت رسمياً في الصف الثاني الثانوي.
وقد جاءت إجابة آلاء في موضوع التعبير حول جهود الدولة في استصلاح الأراضي وغزو الصحراء في 3 صفحات واستخدمت عبارات خرجت عن سياق الموضوع تحمل هجوماً علي بعض الدول وعلي النظام في مصر مما اعتبره المصححون خروجاً عن موضوع الامتحان وطبقوا القرار الذي يقضي بأن أي طالب يخرج في إجابته عن الأخلاق ويوجه سباً يتم حرمانه من الامتحان.. وعلي هذا الأساس اتخذت مديرية التعليم قراراً بحرمان الطالبة آلاء من الامتحان واعتبارها راسبة إلي أن تقدم والدها بالتماس لوزير التربية والتعليم.
77777777777
7777777777
777777777
77777777
7777777
777777
77777
7777
777
77
7
اهم حاجه في الموضوع ده العنوان >>>> حقاً إنه أب لكل المصريين
آلاء نجحت بقرار جمهوري
على فكره ده جرنال الجمهورية ليوم الجمعة
حد والنبي يقول للريس ان في 20 ألف شاب ورجل في المعتقلات بسبب انهم اتكلموا
ويقلوا كمان ان في 75 مليون مصر نفسهم يكلموا ومش عارفين
وبالمرة يقلوا ... ولا بلاش !!!!!!!!!!!!
Xx.Youri.xX 29-06-2006, 09:08 PM كأن ولا حاجه حصلت هتتعبى نفسك فى سياسه البلد دى على الفاضى واللهى ادخلى على الباتوك وادخلى على غرفه كفايه فور ايجبت هتلاقى ناس دمها محروق وبتموت زى الصوره ال avatar بتاعت استاذ مروان . وفى الاخر يموتوا من غير ماحاجه تحصل .
واللهى انا زهقت .
Xx.Youri.xX 29-06-2006, 09:09 PM كأن ولا حاجه حصلت هتتعبى نفسك فى سياسه البلد دى على الفاضى واللهى ادخلى على الباتوك وادخلى على غرفه كفايه فور ايجبت هتلاقى ناس دمها محروق وبتموت زى الصوره ال avatar بتاعت استاذ مروان . وفى الاخر يموتوا من غير ماحاجه تحصل .
واللهى انا زهقت .
Xx.Youri.xX 29-06-2006, 09:19 PM كأن ولا حاجه حصلت هتتعبى نفسك فى سياسه البلد دى على الفاضى واللهى ادخلى على الباتوك وادخلى على غرفه كفايه فور ايجبت هتلاقى ناس دمها محروق وبتموت زى الصوره ال avatar بتاعت استاذ مروان . وفى الاخر يموتوا من غير ماحاجه تحصل .
واللهى انا زهقت .
=ivan= 29-06-2006, 09:32 PM ااااااااامين يا رب...
يا ريت الموضوع يكون بجد
tarekalbolkeny 30-06-2006, 02:30 PM من ناحية هيكرموها فهما هيكرومها اخر كرم ربنا معاها
هو ايه الافترا اللي هم فيه ده
يا رب يكون الكلام صح وتنجح
يعني مش عارفه كل ده عشان قالت رأيها بحريه يلا حسبي الله ونعم الوكيل
وشكرا على اثارة الموضوع
|