السلام عليكم ورحمة الله وبركاته
طبعا زي أي موضوع بكتبه لازم يبقي منه إصدارين
إصدار أول يحذفه عبقرينو
وإصدار تاني يااما يحذفه عبقرينو يااما اهدي اللعب
بس ده ههدي اللعب فيه
وهستني ان اشرف افندي يعمل حاجة واحده بس
---
ما علينا
---
انا جي أقولكم اني مضطر امشي لان حصلتلي مشاكل كتير من المنتدي وبسببه
سواء نفسيه - او اجتماعيه - او معرفية حتي
بالإضافه اني مستفتش كتير من المنتدي ده
وساعه ما اتحذف إشرافي طبعا ولا لقيت استاذ عصام بيتكلم ولا اسلام بيتكلم ولا محمد السادات بيتكلم
الكلام جه من ناس مكنتش متخيل انهم ممكن ينشغلوا بأمر زي ده
ولكن الكل علي عيني وعلي راسي
وبجد يعني الحاجة الوحيده اللي استفدتها
هما الناس المحترمين اللي دخلت معاهم سواء في مناقشات او كنت بتعامل معاهم
ربنا يبارك فيهم
واتمني ان اي حد متضايق مني يسامحني الله يخليكم
ويدعيلي بالخير

في رعاية الله

ربنا يوفقك يارب يا احمد و يكرمك
انا بجد كنت اتمنى اقول لك مش تسيب المنتدى
بس للاسف
انا نفسى جربت ده و قررت نفس القرار

اتمنى لك مستقبل باهر

بالرغم من عدم إعتباري المنتدي شئ علي الإطلاق سوي ملف vb مرفوع علي سيرفر
لكن اللي كان فارق معايا جدا بقي الاعضاء المحترمين وأصحاب العقول النظيفه
والحمدلله معظمهم اخدت ايميلاتهم
ودول فعلا مكسبي
بالإضافه للناس اللي منفعش اني اطلب منهم ميلهم
دول بردو مكسبي اني عاشرتهم واتعاملت معاهم



انت يعتبر جبت الخلاصه فى الكلمتين دول يا احمد
انا مش عايزك تضايق لانى الموقع مش اكتر من كده
و الناس الكويسه معاك علاطول
يعنى انا حتى مش هقولك تكمل او متكملش
بس مش عايز الموضوع يبقى كبير معاك اوى
و حتة رفع الاشراف متضايقكش لانى واثق ان تفكيرك اكبر من كده
اكيد انت متفهم كلامى
انا نفسى حتى بقائى فى الموقع عشان مسئولية الاشراف اللى عليا مش اكتر
لو هتكمل يبقى عشان الناس المحترمين اللى اتعاملت معاهم
و متضايقش نفسك يعنى

مش هقولك خليك يا احمد وبتاع لا يا عم ربنا يوفقك بس لانك المنتدي هو اللي هيخسرك مش انت اللي هتخسره

هيخسر مفكر وشاعر وعضو متميز

وعلي العموم احنا بيس مع بعض علي الميل يا ريس ;)

وبعدين يا ابني انت عايز توجه كلام لاشرف ليه ؟ عايز تقلل من نفسك يعني ولا ايه ؟:slap1qk6:

مش عارفة اقولك ايه يا احمد

.... بس انا فاهمة كل كلمة انت قلتها :)

اكتر من اي حد :)

ومش محتاج اتكلم كتير ولا اشرح

اكيد انت فاهمني :)

على فكرة انا لو هقول حاجة

هقولك مبروك بجد انك سبت الموقع دا

مش جاي للواحد من واره الا كل هم وغم .. هي دي الحقيقة

وعلى فكرة

قريب اوي اوي اوي هحصلك

وبجد انت من الشخصيات المحترمة جدا الي الواحد قابلهم في حياته

وشد حيلك بقى يا احمد .. ربنا يوفقك في دراستك

مع انى مش موافقه على الموضوع
عشان اللى حضرتك عملته ربنا بس اللى حيجازيك عليه
و انا عارفه انه اكيد مش عشان حد او حاجه :)

بس افتكر واحد ممكن يكون اتاثر بشخصيتك
او استفاد منك بكلمه واحده
:)

على العموم ده قرار شخصى
و مش اعتقد ان حضرتك ناوى تغيره

بس بجد المنتدى حيفقد كتير قوى من روحه
اذا كان لسه باقى فيه روح :(

فى رعايه الله