السلام عليكم و رحمة الله ..

النهاردة قام طلاب و طالبات كلية الهندسة جامعة الإسكندرية بمظاهرة جماعية إحتجاجا على المجزرة اللى حصلت فى غزة و تضامنا معها ..

أنا حضرت المظاهرة و حسيت بجد أن شباب مصر لسه فيهم الإرادة و العزيمة و ما راحتش منهم النخوة على عروبتنا ..

و فى وسط المظاهرة الدنيا شتت على الكلية و المنطقة اللى حواليها بس .. مطر غريب تقيل كده سبحان الله ..

و ده فيديو بيعرض جزء من المظاهرة ..

http://www.youtube.com/watch?v=M5bXQvr8AhI

..

يا رب أنصرهم على أعدائهم .. و أرحم موتاهم و أسكنهم فسيح جناتك يا أرحم الراحمين ..

.. يا ريت اللى حضر المظاهرة دى يقول حس بإيه و هو سامع الهتافات و الأدعية ... :)



تحياتى ,,

Mohamed Gamal

بصراحة شباب هندسة اسكندرية طول عمرهم رجالة
سواء شباب او بنات
مشهورين كمان عن اي كلية تانية ف اسكندرية بالمظاهرات
كان نفسي اتفرج
ربنا يحفظهم
ويفرج كرب المسلمين جميعا

انا النهارده مرحتش مكنش عندي حاجة
يارتني كنت معاهم كان نفسي اعمل اي حاجة

الله يبارك فيكم وياريت كنا نعرف قبل ما تعملو المظاهرة بجد كلنا كان نفسنا نشارك

فعلاً رجاله ... بجد
هو ده المفروض يحصل من زمان
عاوزين الرجولة تظهر
ربنا يبارك فيكم كلكم
كان نفسى اكون معاكم فى الموقف ده
بس انا عارف انت اكيد عملتوا الواجب وزيادة :)

انا كمان حصرت المظاهرة وكانت جميلة اوى
وسبحان الله ان الدنيا شتت وقت الدعاء بس وبعدين خلاص فأن شاء الله الدعاء هيكون مستجاب
وجزاك الله خيرا على الفيديو بس انا مش عارفة اشوفه يا ريت تقولنا الطريقة

المظاهرة اتعملت فى اليوم التالى علطول لحادثة غزة دى .. يعنى مكنش فيه يوم اتحددت فيه ..

احنا لما رحنا يوم المظاهرة الصبح كانوا بيوزعوا ورق ان فيه وقفة احتجاجية هتقوم و صلاة الغائب الساعة 1.30 فى نفس اليوم ..

و بالنسبة للفيديو .. ادخلى عاللينك هيفتح موقع هتلاقى شاشة سودا كده عاليمين .. و علامة بلاى موجودة اضغطى عليها و هيبدأ الفيديو يشتغل ..

و اللينك ده فيه صور للمظاهرة ..

http://www.paldf.net/forum/showthread.php?t=338542

تحياتى ..

و ده لينك تانى للفيديو ..

http://video.aol.com/video-detail/-/21055229/?icid=VIDURV02