مشاهدة النسخة كاملة : مش كفاية اليهود قتلوا شعب غزة دلوقتي بقي كمان الجيش المصري
المخلص الي الابد 28-12-2008, 07:24 PM اليهود من ناحية ودلوقتي بقي الجيش المصري من ناحية تانية
والله حرام اللي بيحصل لنا ده مصر بتقولك فتحنا المعابر ومنتظرين الجرحي
ومنكرش اقولك دخلوا عدد من الجرحي
ولكن الشعب ايه اللي ممكن يحصله في الحصار ده
تخيل انت نفسك موجود هنا والقنابل والصرواريخ والطيران فوقك
ممكن تعمل ايه ؟؟
اقولك الخبر الشعب حاول يدخل مصر عن طريق الحدود زي ما عملوا المرة اللي فاتت من حوالي سنة
او اكتر شوية لكن الجيش المصري منعهم ولما الشعب حاول الدخول مجموعات مع بعض
الجيش المصري مكدبش خبر ضرب عليهم نار واصاب البعض منهم وفي واحد مات من الرصاص
مش هقدر اقول غير حسبي الله ونعم الوكيل علي اللي كان السبب
وتقبلوا مشاركتي وارجو اني مكنش ضايقت اي حد او غلطت في حق اي حد
ابراهيم الفلسطيني
لا يا ابراهيم مضايقتش حد
انا امبارح فى وقت الفجر كنت بشوف الاخبار اللى كنت بتنزلها ساعتها
و بخرج بدون رد
يمكن تفكر ده عدم اهتمام
لكن و الله ايدى كانت عاجزه عن الكتابة
بسبب الوضع المخجل اللى بقينا فيه و اللى المسلمين بقو فيه
اكيد المسلم اللى بيقتل اخوه المسلم عقوبته معروفه
ربنا يهدينا جميعا و يسامح اللى كان السبب
thehoodlum 28-12-2008, 07:35 PM ياسيدي الكلام ده مش مصدقه لان الجيش عندنا عنده اوامر بضبط النفس الشديد مع الفلسطينين ومنعهم منعا من دخول سيناء عشان المخطط الي انته عارفه بتاع حماس بدعم من ايران وسوريا واسرائيل عاجبها الوضع وعايزه ده يحصل اصبروا
المخلص الي الابد 28-12-2008, 08:09 PM لا يا ابراهيم مضايقتش حد
انا امبارح فى وقت الفجر كنت بشوف الاخبار اللى كنت بتنزلها ساعتها
و بخرج بدون رد
يمكن تفكر ده عدم اهتمام
لكن و الله ايدى كانت عاجزه عن الكتابة
بسبب الوضع المخجل اللى بقينا فيه و اللى المسلمين بقو فيه
اكيد المسلم اللى بيقتل اخوه المسلم عقوبته معروفه
ربنا يهدينا جميعا و يسامح اللى كان السبب
يا اخ محمود انت عارفني كويس انا عمري ما نزلت موضوع وعلقت علي انه مفيش ردود
يعني مش حكاية عدم اهتمام انا عارف انه مفيش حد عارف يكتب ويقول ايه
لانه الكل عارف كويس انه من جواه غلطان ومش هيقدر يعمل اي حاجة
ولا انا في كلامي غلط
ياسيدي الكلام ده مش مصدقه لان الجيش عندنا عنده اوامر بضبط النفس الشديد مع الفلسطينين ومنعهم منعا من دخول سيناء عشان المخطط الي انته عارفه بتاع حماس بدعم من ايران وسوريا واسرائيل عاجبها الوضع وعايزه ده يحصل اصبروا
ياسيدي يعني هتصدق كلام العبد لله وتكدب الحكومة لا اكيد طبعا
والله يااخي الكريم انا مبجيش الكلام من عندي او بألفه لا والله انا من الراديو ومن ناس
اصحابي كمان موجودين علي الحدود وبالنسبة لحكاية سينا دي انا مقولتش عنها اي حاجة
لو حضرتك بتسمع اخبار ودققت في الخبر هتشوف اني قولت يدخلوا للعريش
زي المرة اللي فاتت من سنة تقريبا او اكتر هيدخلوا يحتموا من الطيران اللي شغال لغاية دلوقتي والله وكمان هيجيبوا اللي محتاجينه هنا والله العظيم يا اخي الكريم انا بكلمك
وسامع صوت القضف والاسعافات شغالة وعموما اخي الكريم
انا متأسف كتير لو كنت قولت اي كلمة زعلتك مني وسامحني اخي متاخدش في بالك
كلام واحد من هالشعب يمكن بهلوس او حاجة من اللي شوفته وبشوفه لغاية دلوقتي
تقبلوا مروري
اخوكم في الله ابراهيم
عبقرينومان 28-12-2008, 08:11 PM لا يا بطل في 12 قافلة طبية دخلت بعد العصر لرفح الفلسطينية
عبقرينومان 28-12-2008, 08:14 PM ويا ابراهيم انا واحد من الناس بحاول اقول لكم اننا معاكم بالقلب وكتبت كدا في شعار الموقع انكم في قلوبنا
واي تصرف من الحكومة لا يعني تصرف من شعب مصر وانت تعلم ذلك وانا والله حزين من امس وما تعرف هنا في بلدي الفيوم شكل المظاهرات علشان فك الحصار
وشكل الدعاء بعد كل صلاة من ائمة المساجد هنا
وربنا معاكم
mr.osama 28-12-2008, 08:55 PM http://www.moveed.com/data/thumbnails/17/egyptC.gif (http://www.moveed.com/img269.htm) http://www.moveed.com/data/thumbnails/17/Pal_Flag.gif (http://www.moveed.com/img8613.htm)
يا اخ محمود انت عارفني كويس انا عمري ما نزلت موضوع وعلقت علي انه مفيش ردود
يعني مش حكاية عدم اهتمام انا عارف انه مفيش حد عارف يكتب ويقول ايه
لانه الكل عارف كويس انه من جواه غلطان ومش هيقدر يعمل اي حاجة
ولا انا في كلامي غلط
لا كلامك مش غلط للاسف يا ابراهيم
على فكره انا ايمن مش محمود:)
عامة ربنا يهدينا عشان لما نرجعله هيرفع عننا الغمه
thechampion 28-12-2008, 09:20 PM لا بجدالاخبار موكدة
من على قناة الجزيرة
مروج البحر 28-12-2008, 09:41 PM اللهم انصر اخوننا في فلسطين علي خونه اليهود وخونه قومم يا قوي يا عزيز اللهم اخذل من خذلهم اللهم اجعل الدائره لعبادك في غزه
شموخ مسلمة 29-12-2008, 01:18 AM ربنا معاكم يارب يا ابراهيم و ينصركم
انا بس عايزة اقول حاجة
يعنى انت دلوقتى بتقول ان المصريين ضربوا فلسطينيين و انا مش بشكك فى كلامك
بس فى ناس تانية بتقول ان فى ضبط مصرى استشهد بسبب الفلسطينيين
طيب المفروض نعمل ايه؟
لما احنا نسيب المشكلة الاساسية و نعمل نفس الغلطة تانى
احنا كده بنتفرق مش بنتجمع و طول مااحنا كده مش هننتصر
يا جماعة انا هسالكم سؤال
دلوقتى انا لو فلسطينية و معايا رصاصة هضربها فى مين
فى الاسرائيلى و لا فى المصرى ؟
جاوبو انتو
و العكس صحيح
يعنى احنا ليه بندور ع الاسباب اللى تخلينا نكره بعض
طول مااحنا كده
مش هننتصر
و هنبقى طول عمرنا مذلولين
ازاى عايزين امة تنتصر و هيا متفرقة
ده بالعقل
اعضاء الجسم الواحد لو عملها بقى ضد بعضه الانسان هيموت
احنا بقينا مش الاعضاء بس اللى ضد بعضها
احنا للاسف بقت الانسجة اللى بتكون الاعضاء كمان
حراااااااااااام علينا و الله
بالله عليكم نتقى الله فى امتنا و نبدا ندور ع اول خطوة مش نلف فى دايرة مقفولة
"ان الله لا يغير ما بقوم حتى يغيروا ما بانفسهم"
و اللى عايزة اوضحه كمان
انا ردى مش موجه لاى رد فى الموضوع و لا للموضوع ذات نفسه
انا بتكلم عامة
ياريت بلاش ندور ع الحاجة اللى تفرقنا
ربنا ينصركم يااااااااااااااارب يا ابراهيم و اكيد انت عارف ان كل المصريين قلبهم و دعواتهم معاكم
مشتاقة لرضا الله 29-12-2008, 06:09 PM انا مش هقول حاجة غير حسبى الله ونعم الوكيل
وبعدين موقف الحكومة عمره ماكان بيعبر عن موقفنا احنا كشعب
لكن موقفنا احنا مستخبى جوانا لاننا خوافين جدااااا
وانا بقولها وبكل صراحة انا نفسى خايفة اتكلم كلمة واحدة عن موضوع غزة فى الكلية
لان المخابرات فى كل حتة حتى فى المدرجات وكل كلمة بتتقال محسوبة علينا
هقول ايه ولا ايه بس
ارجوك تعذرنا وتسامحنا انت وكل اهل غزة اللى هما برقبتنا دلوقتى وعلى طول
وربنا يثبت قلوبكم على الايمان ويلحقنا جميعا بشهداء غزة الابرياء
والله العظيم فى كل صلاة بندعيلكم وعنينا مش بتبطل دموع على حالكم وعلى حال الامة الاسلامية اللى يكسف
ارجوكم ماتزعلوش مننا وماتخدوش موقف من ضعفنا وجبننا
اصلنا بجد مش عارفين نعمل ايه
وحسبى الله ونعم الوكيل
RelenaღHeero 29-12-2008, 06:19 PM :no: ......
حسبي الله و نعم الوكيل
مس رانيا حسن 29-12-2008, 06:30 PM اليهود من ناحية ودلوقتي بقي الجيش المصري من ناحية تانية
والله حرام اللي بيحصل لنا ده مصر بتقولك فتحنا المعابر ومنتظرين الجرحي
ومنكرش اقولك دخلوا عدد من الجرحي
ولكن الشعب ايه اللي ممكن يحصله في الحصار ده
تخيل انت نفسك موجود هنا والقنابل والصرواريخ والطيران فوقك
ممكن تعمل ايه ؟؟
اقولك الخبر الشعب حاول يدخل مصر عن طريق الحدود زي ما عملوا المرة اللي فاتت من حوالي سنة
او اكتر شوية لكن الجيش المصري منعهم ولما الشعب حاول الدخول مجموعات مع بعض
الجيش المصري مكدبش خبر ضرب عليهم نار واصاب البعض منهم وفي واحد مات من الرصاص
مش هقدر اقول غير حسبي الله ونعم الوكيل علي اللي كان السبب
وتقبلوا مشاركتي وارجو اني مكنش ضايقت اي حد او غلطت في حق اي حد
ابراهيم الفلسطيني
اخى فى الله
لا اعرف ماذا اقول
ولن ادافع عن الحكومه
ما استطيع قوله هو ان الشعب المصرى بكامله الان يعيش فى حاله من الحزن والهم على ما يحدث فى فلسطين
والله اعلم بنا والحكومه لا تمثل الشعب المصرى
والشعب غير مسئول عن ما يحدث
وكل مصرى الان قلبه مع فلسطين
هذه ليست شعارات بل هى الحقيقه
والله على ما اقول شهيد
مصطفى الشقي 29-12-2008, 06:40 PM بسم الله الرحمن الرحيم
اخواني :- كلنا عرب وعلينا أن نساعد اخواننا العرب ولكن هذه المساعدة لا تأتي على حساب امننا فقد وردت اخبار بان من حاول عبور منفذ رفح هم اعضاء
مصطفى الشقي 29-12-2008, 06:44 PM بسم الله الرحمن الرحيم
اخواني :- كلنا عرب وعلينا أن نساعد اخواننا العرب ولكن هذه المساعدة لا تأتي على حساب امننا فقد وردت اخبار بان من حاول عبور منفذ رفح هم اعضاء من حركة حماس وقد حاولوا العبور بدون اذن ( عافية ) وهذا لايصح وقد ادى الجنود المصريين واجبهم بحماية الاحدود ولكن اجزاء احساننا للفلسطينيين ان تقوم حركة حماس بالتهجم على حدودنا وقتل ابنائنا .
رب سلم سلم وانت خير الراحمين
هويدااحمد76 29-12-2008, 08:13 PM يا اسرائيل انت الشوكة زرعوكى فى الجسم بدوكةhttp://www.thanwya.com/vb/customavatars/avatar97673_6.gif (http://www.thanwya.com/vb/member.php?u=97673)
صراحة انا منك موجوع والشكوى مش هيه الموضوع
صوتنا اتنبح ومش مسموع ولا عدش ينفع كتر عياط
الكل رافضك رفض اكيد منك شكى وعملتى هديد
ولا عدش ينفع تهديد ولا وعود وكلام مطاط
العالم الحر رافضك المسلمين ويا الاقباط
ما تفكريش عندك ذرة او فى سلاح جاى من برة
سلاحنا من رب القدرة احدث سلاح هوه الايمان
الدين لازمله التضحية ويا قنابل بشرية
اقوى كتير م الذرية وعلاج قوى ضد الاحباط
امثال الدرة يشدوكى من فلسطين ويرموكى
والدور ع اللى يحبوكى امثال الدرة هما الابطال
والامريكان لو عرفوكى الكذب طبعك يسيبوكى
الناس جميع كرهوكى والنيا من غدرك تحطاط
باراك سبب كل خيبتكم مصاص دماء زى الوطواط
وبكرة نقعد ع الحيطة وتنتهى كل الزيطة
وان كنتى بتحاورى يا طيطـــــــــــــــــــــــــــة
الشوكة تطلع بالاسلام وبكرة نثبت للايام
الشوكة هتطلع بالاسلاموالناس هتبقى فى خير وسلام
ماذا تبقى من بلاد الانبياء
خمسون عاما والحناجر تملاالدنيا ضجيجا فى السماء
ترى هل يفيد التعازى مع السفهاء
ماذا تبقى من بلاد الابرياء
لا شىء غير النجمة السوداء ترتع فى السماء
لا شىء غير دماء ال البيت مازالت تحاصر الكربلاء
اطفالنا فى كل صبح يرسمون خيل لا تجيىء
والنجمة السوداء ترتع فوق الصليب
تسرق الضحكات من عين البرياء
مـــــــــــــــــــــــــــــاتت فلسيطن
ماتت فلسطين فاجمعوا الاطفال حولها وابكوا كما تبكى النساء
ماذا تبقى من بلاد الانبياء
ماذا تيقى لشعوب لم تعد تفرق بين العبادة وبيت البغاء
لا شيىء يبدو لنا غير الشتات واهة الابناء
يا ليلة الاسراء عودوا بالضياء
لتنطلق الماذن بالنداء
الله اكبر الله اكبر
الله اكبر من زمان العجز من نفوس الضعفاء
يا ليلة الاسراء هزى بجزع النخلة العذراء
رغم اختناق الدمع فى عينى ما زلت احلم فوق المشانق
بوجه جلاد خبيث من الخبثاء
ما زلت احلم فى القدس صوت قداس يعانق نداء السماء
ستعود ارض الانبياء بدعوة رب السماء وارادة الابناء
ســــــــــــــــــــــــــــــــــــتعود ارض الانبياء
رامي صالح 29-12-2008, 09:03 PM اللهم ارنا قوتك في عدونا واجعل الارض تزلزل من تحت اقدام ( قادر علي كل شئ)
اللهم ان كنا قد عجزنا عن الرد علي الكلاب فانت خير معين
المخلص الي الابد 29-12-2008, 10:47 PM اولا بشكر كل واحد دخل باسمه ولقبه
والاخوة اللي بيقولوا احنا ملناش دعوة بالحكومة انا والله عارف كده كويس
انا من مواليد مصر ومتربي فيها وعارفها كويس وعارف شعبها
وانا قولت قبل كده محدش هيقدر يتكلم او يقدر يعمل اي حاجة
دي حقيقة وبتحصل مش مجرد صور او اشاعة دي قصة كتبها اليهود
بمساعدة بعض الرؤساء وبالموافقة منهم طبعا علي كل حاجة
ولازم القصة دي تتنفذ بموافقة العالم كله او مش بالموافقة هتتنفذ
وزي ما انتم شايفين الرواية واخدها حقها وزيادة كمان
ومشكورين جميعا لمشاعركم النبيلة
وربنا ينصر المقاومة ويساعدهم ويقويهم كمان وكمان علي الاستمرار
وبعتذر من اي حد اكون غلط في حقه
مش عايز حد يكون زعلان مني في اي حاجة
تقبلوا مروري
اخوكم في الله
ابراهيم
|