قالوا النهاردة دة يوم جديد
رديت و دمعة ف عنيه
مش فارقة ايام حواليه
ايامي كلها لونها الدم
مرت عليا لالون ولاطعم
القدس ضايعه ومسلوبه
الله يسامحك يا عروبه
وكل يوم ييجي الف شهيد
وياريت بموتهم شفنا جديد
ادي الخراب عمال بيزيد
واخرها ادي رصاصة غدر
صوبها علي قلبي صهاينه
ناس ظالمة غدارة و خاينة
وداع ياامي ومتبكيش
يمكن بموتي غيري يعيش
وادي يوم جديد كنت ف بغداد
الظلم فيها زاد اوي فاض
الكل يصرخ مين يسمع
ممكن عراقنا ف يوم يرجع
بارود ودم ف كل مكان
هنا خلاص ضاع الانسان
واديني بصرخ وبنادي
لكن خلاص صوتي مبحوح
برصاصة غادرة ولا صاروخ
يسيل دمي يروي شقوق الارض
ممكن يحرك ف الكون حد
وادي يوم جديد طل عليا
ولسة دموعي ف عنية
لسة بنادي بعلو الصوت
مين ينقذ اطفال م الموت
ومين هيرحم دمعة ام
او يمسح عنا مرار اليتم
وانا بحلملكم حلم سعيد
اطفالنا لابسه جديد ف جديد
ف اديهم وردة وغصن سلام
ف عنيهم نظره شايلة كلام
لكن خلاص حلمي بيتبدل
بشوف رصاص عمال يقتل
بشوف هدومهم كلها دم
ضاع من ادينا خلاص الحلم
ضاع من ادينا خلاص الحلم