قررت ان ابدا سلسلة للتعريف بشصيات فى راى الشخصى هى الاغلى والاثمن من بين ما انجبت مصر
وسوف ابدا بصلاح جاهين
قد لا يعرف البعض من هو اريدكم ان تستنتجوامن كلماتة من هو
ولد صلاح جاهين فى 25 / 12 / 1930 م بحى بشبرا فى شارع جميل باشا. وصلاح جاهين هو الأكبر بين إخوته.
والده المستشار بهجت حلمى الذى تدرج فى السلك القضائى بدءً من وكيل نيابة حتى عُين رئيساً لمحكمة استئناف المنصورة.
كانت ولادة صلاح جاهين متعثرة تعرضت أثنائها والدته للخطر، فوُلد شديد الزرقة دون صرخة حتى ظن المحيطون أن الطفل قد ولد ميتاً، ولكن جاءت صرخة الطفل منبهة بولادة طفل ليس ككل الأطفال.
وكانت لهذه الولادة المتعثرة تأثيرها، فمن المعروف أن الولادة المتعثرة تترك آثارها على الطفل فتلازمه طول حياته وقد تتسبب فى عدم استقرار الحالة المزاجية أو الحدة فى التعبير عن المشاعر - سواء كانت فرحاً أو حزناً، وهو ما لوحظ فى صلاح جاهين الذى يفرح كالأطفال ويحزن لدرجة الاكتئاب عند المصائب.
استطاع صلاح جاهين ببساطته وتلقائيته التعبير عن كل ما يشغل البسطاء بأسلوب يسهل فهمهه واستيعابه، وهو ما جعله فارساً يحلق برسومه وكلماته ويطوف بها بين مختلف طبقات الشعب المصرى، بل كانت جواز سفره لمختلف البلدان العربية التى رددت كلماته حَفْزاً للعمل والانجاز.
----------
مقدمة عن قصيدة الدرس انتهى
كان لحرب الاستنزاف أثر كبير في نفس القيادتين السياسية و العسكرية االإسرائيلية مما أفقدها توازنها و أصبحت تتصرف كثور هائج فأغارت الطائرات الحربية الاسرائيلية فى صباح يوم 8 ابريل عام 1970 على مدرسة بحر البقر الابتدائية بمركز الحسينية بمحافظة الشرقية فدمرت المكان وقتلت العشرات من التلاميذ الابرياء الذين كانوا يرسمون فى كراساتهم عالما خاليا من الحرب والحقد والعدوان . وخلفت وراءها 77 شهيدا وجريحا من التلاميذ والمدنيين
وقد كتب صلاح جاهين قصيدته لموا الكراريس يصف فيها الوحشية التي قتل بها التلاميذ ويخاطب ضمير العالم العربي و الغربي بأن ينتبه لما يحدث....

القصيدة



الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال

ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..

ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …

ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس

ومن كلامة ممكن نستنتج هوة كان اية ومييييين

الشعب المصرى يتميز عامة بالجهل شعب لا يتمتع باى صفة من الصفات الانسانية ما عدا الصبر هو يصبر كالحمار بل هو اشد صبراا
اما بالنسبة للشجاع فهى فائقة ولكن وقت الشدة فقط فى ما عدا زلك فهو عب غبى عبيط عصاية تفرقهم وصفارة تلمهم
يعنى مثلا ممكن تلاقى نفسك بتتكلم فى التفاه كويس اوى لكن انت ممكن تعرف مين صلاح جاهين ياعم كبر دماغك اتفرجت على كلب البنت الشر.......................قوطة الجديد لا
اخص عليك يالا نجيبة ونتفرج علية فعلا انا حاسس انى ضيعت وقت كتير فى المنتدى دة انا اسف

_ دى طفلة مصرية وسمرا

_كانت من اشطر تلاميذى

_دمها راسم زهرة

_راسم راية ثورة

_راسم وجه مؤامرة .......... الخ



...... _دم الطفل الفلاح

_ راسم شمس الصباح

_راسم شجرة تفاح

_ فى جناحين الاصلاح ......... الخ


.. الله على كلمات صلاح جاهين عنده قلب وضمير صاحب قلم حر من ابناء مصر الافذاذ

.. اتكلم عن معاناة والام صبتها علينا الايام وفى وقت حرب ووقت سلام

.. طب يللا نهدي له الف تحية والف سلام.

يا اخ اسامة ما تظلمش المنتدى انا لما قريت ردك رجعت تانى لاسم الموضوع على القائمة وشفت ان عدد الزيارات 12 بس يعنى احتمال كبير تكون زيارات من خارج اعضاء المنتدى انت عارف ان المنتدى مفتوح اما اعضاء المنتدى فاعتقد انهم لو كانوا قروا الموضوع كانوا ردوا لانه فعلا موضوع هايل واحنا بنحتاج دايما نعرف سيرة عظمائنا

انا عن نفسى بحترم الراجل ده اوى هو وعباس محمود العقاد كتاباتهم بتاثر فيا لهم ضمير الكاتب وروح الانسان وكل واحد فيهم عارف ازاى يحرك قلمه فى الاتجاه الصحيح

... فاتمنى انك تكتب عن عباس محمود العقاد كمان الرجل المكافح الذى علم نفسه بنفسح صاحب العقلية الثقافية اللى برفع لها الف قبعة

.. انا متاسفة لاطالتى فى الرد لكن حبيت اقول رايى بصراحة وشكرا

والسلام عليكم.

الشعب المصرى يتميز عامة بالجهل شعب لا يتمتع باى صفة من الصفات الانسانية ما عدا الصبر هو يصبر كالحمار بل هو اشد صبراا
اما بالنسبة للشجاع فهى فائقة ولكن وقت الشدة فقط فى ما عدا زلك فهو عب غبى عبيط عصاية تفرقهم وصفارة تلمهم
يعنى مثلا ممكن تلاقى نفسك بتتكلم فى التفاه كويس اوى لكن انت ممكن تعرف مين صلاح جاهين ياعم كبر دماغك اتفرجت على كلب البنت الشر.......................قوطة الجديد لا
اخص عليك يالا نجيبة ونتفرج علية فعلا انا حاسس انى ضيعت وقت كتير فى المنتدى دة انا اسف

اسمحلى دى قلة ادب

صلاح جاهين من اعظم من انجبت مصر فعلا

من مميزات صلاح جاهين انه لا يتكلف و يتعمد ان تصل الفكرة للمواطن البسيط

مصر انجبت عظماء كتير فعلا لكن للاسف مصر لن تنجب مؤقتا

Originally posted by اينشتاين@Jul 1 2006, 08:40 PM
الشعب المصرى يتميز عامة بالجهل شعب لا يتمتع باى صفة من الصفات الانسانية ما عدا الصبر هو يصبر كالحمار بل هو اشد صبراا
اما بالنسبة للشجاع فهى فائقة ولكن وقت الشدة فقط فى ما عدا زلك فهو عب غبى عبيط عصاية تفرقهم وصفارة تلمهم
يعنى مثلا ممكن تلاقى نفسك بتتكلم فى التفاه كويس اوى لكن انت ممكن تعرف مين صلاح جاهين ياعم كبر دماغك اتفرجت على كلب البنت الشر.......................قوطة الجديد لا
اخص عليك يالا نجيبة ونتفرج علية فعلا انا حاسس انى ضيعت وقت كتير فى المنتدى دة انا اسف

اسمحلى دى قلة ادب
144552

ان عدم الفهم لا يجعلك غبيا ولكن عدم الاعتراف بالحقيقة عندما تراها يجعلك اغبى انسان فى الوجود
ارجو ان تغير اسمك فى المنتدى لان الاسم الذى تحملة لا يتناسب معك فى الحقيقة