الســــلام عليكم ورحمة الله وبركاته




الكثير من أهالي هذه الأيام يعتبروننا جيل فاشل




وانه الزمان تغير وليس مثل ما كان عليه




وأننا لا نقدر على تحمل أي مسؤولية




وأنه زمن الاتكال على الغير




تسمعهم يتحسرون على ايامهم الماضية




ويصفوننا ويصفون زماننا بأمور غريبة فهل نظرتهم صحيحة أم أنها جائرة ؟؟




وهل هم دوما محقون فيما يذهبون إليه ؟




وهل يخلو عصرنا من كل شيء جميل لهذه الدرجة التي يرونها ؟؟؟




اريد ان اسمع ارائكم بعقلانيه دون تعصب لزماننا هل فعلا نحن جيل




فاشــــــــــل ؟

معاك حق والله فى كل الكلام اللى قلته بس مكن السبب انهم فكرين
اننا لسه صغيرين و مدوناش فرصتنا كويس و الجيل دلوقتى اختلف عن زمان
180 درجة بس احن اكيد قد المسؤلية و مش جيل فاشل
بدليل اننا فى ثانوى ولا ايه رئيك
و اعتزر لو فى اى غلطاط إملائية

ايون احنا جيل فاشل بس مش قوي نص نص يعني وو مع السلامو عليكو ونايس توبيك

لستم جيلا فاشلا بل أنتم المستقبل الذى ننتظره جميعا أنتم ضحية لإعلام فاشل لا يرعى حدود الله قد يخطىء بعض الشباب فى اختيار القدوة التى يقلدها ويسير على طريقها الجيل السابق ما كان عنده من التحديات ما عندكم وما كان عنده من المشتتات ما عندكم لم يكن هناك كمبيوتر ولا نت ولا بلاى ستيشن كان هناك تفاعل اجتماعى مع الأهل مع الأصدقاء مع الأقارب الآن لا يوجد هذا التفاعل لذلك فقد الشباب الكثير من الخبرات التى كانت تعطيه قدرة على مواجهة وحل المشكلات والأمل فى الله أن يستيقظ هذا الجيل من الشباب بالعودة إلى الله سبحانه وتعالى ويتخذ من الرسول صلى الله عليه وسلم المثل والقدوة اقرءوا سير الصحابة الشباب منهم على الأقل انظروا كيف كانوا يتصرفون وكيف كانت حياتهم
وما يتهمكم به الكبار إنما هى مسئولية مشتركة للآباء و للأهل والمعلمين ووسائل الإعلام والمجتمع كله ولكن لا نعفيكم من المسئولية فلا بد لكل منكم من تحديد أهداف سامية والسعى إلى تحقيقها
تقبلوا مرورى و تدخلى

كل جيل وله زمانه

إننا نقول على الجيل ده جيل فاشل كده لوحدها فده يعتبر خطأ - في نظري الشخصي -

ايوه ... احنا جيل فاشل في نظرهم لحاجات كتير هما تفوقوا فيها

دلوقتي بقى الواحد مبيعرفش يروح الشارع اللى جنبهم مشي في حين هما كانوا بيسافروا لوحدهم وفي سن صغيرة (وده مر بيها كتير )
بس برده دلوقتي مبقاش امان زي زمان والعملية مش سهلة

بقينا بنتدلع ونقول المناهج بتاعتنا صعبة وهما زمان مناهجهم كان اللى يجيب فيها 85% كان عبقري !!!
بس برده متوسط التفوق دلوقتي بقى من 100%

كانوا زمان بيشتغلوا حاجات مفيدة
الابن بيطلع يشارك ابوه في شغلته او يتعلم منه خبرات الحياة
دلوقتي بقى صايع في الشارع مش لاقي حاجة يعملها غير يقعد مع اصحابه
اصل بقت وظيفته الرسمية " عاطل "

والبنت كانت بتشارك امها في البيت وتتعلم خياطة شوية وطبخ شوية ومش عارف ايه
دلوقتي بقت البنت قليل بتشارك الام والبيت وبقت هي كمان في الشارع او بتدردش عالنت !!
مهي لازم تواكب العصر اللى خرجت فيه المرأة للعمل !!


في الحسابات وفي الاعمال وفي البيع والشرا تلاقي الاب شغال يحسب بدماغه
ويرجع البيت يسأل ابنه
15×10 بكام ؟
يقوله ثواني اجيب الآلة الحاسبة !!!!

معلش اصل دلوقتي بقى عندنا الرياضيات الحديثة اللى بتعتمد على الآلة الحاسبة ومش محتاجين نتعب نفسنا فيها

ييجي الأب يبعت ابنه يشتري 2 كيلو خضار ولا فاكهة من تحت
يقولو اصل مش بعرف "أنقِّي" الحلو من الوحش

يعني الكلام ده مش على كله بس في كتير كده


بس زي ما كل حاجة ليها عيوب ومميزات
الجيل الجديد برده فيه دلوقتي مميزات مش موجودة في اجيال سابقة


بقى دلوقتي الطفل يمتلك عقلية يمكنه بها أن يخاطب الكبار !!!
والامثلة كتيرة
تلقى العيل الصغير بيقول كلمة يدهش الوالدين إنه زي ده ممكن يدرك حاجة زي ده


ضيعنا وقت كتير على الكمبيوتر والبلاي ستيشن
بس ده هو بقت وسيلة الحياة في المستقبل
واللى ميعرفش حاجة عن الكمبيوتر لحد دلوقتي فعلاً بيتعب

وبشهادة المدرسين اللى اخدوا دورات الكمبيوتر حسوا فعلاً بقيمة الكمبيوتر وإنهم كانوا ظالمينه بإنه ملوش لازمة ولعب عالفاضي


بقى دلوقتي الطفل ليه القدرة إنه يقدر يلعب العاب games وصعبة ويكتشف اسرارها في حين الكبير ممكن ميعرفش يمشي فيها ازاي اصلاً

وطبعاً لما بيتعلم بعد كده الكمبيوتر بتكون مسكته ليها سهلة وبسيطة


العقلية دلوقتي بقت كبيرة جداً
وتفكير ناس دلوقتي مش زي زمان

بس محتااجين اللى يمهدلهم الطريق

وشوفوا الطلبة لما بيتفتح ليهم المجال بيخترعوا ايه
حالة الفشل ده بيبقى الشخص مجبر عليها

بس اكيد او كانت توافرت ليه ظروف زمان كان حيمشي فيها
والوحش في حاجة عنده ميزة في حاجة تانية

مفيش حيوان ضار كله ومفيش طعام نافع كله

ولا جيل فاشل ولا حاجة واكيد الاجيال اللى قبلينا عاشوا الفترة دى وكان بيتقال عليهم جيل فاشل برده لان كل زمان وله حكمه وتغييراته

المشكلة ان دي نظرة كل جيل للجيل الللي بعده يعنى برضه هما كان بيقال لهم كده
ودنيا

أنا عايز أسألكم هل كل الشباب فشله?
هل كل الشباب بيضيعوا وقتهم أمام الكمبيوتر ?
المشكله فينا أحنا أحنا بيضحك علينا بكلام فارغ الإعلان بيصنع حضاره ليس لها وجود و كيان و طبعا أنتم فهمتم أنا قصدى مين و أحنا لأسف بنحاول نقلدهم و فش عارفين لأننا بنقلد لكن لو قررنا النجاح بالإبداع طبعا هما هيقلدونا و ده ممكن مش مستحيل

بص هو جيلنا دلوقت مقدرش اقولك فاشل ولا لأ
نعيب فى زماننا والعيب فينا . . وما لزماننا عيب سوانا
:(
بس كل اللى اقدر اقولهولك
ان دلوقت فعلاا
امهاتنا وابائنا على طوول بيقولونا
انتوا جيل فاشل وده غلط وده صح وانتى بتعملى ايه واللى بيعملوا ده غلط
وابعدى عن ده وعن دى
ومشكلتهم انهم مش عارفين ان الجيل هو اللى اتغير
يعنى اكييد احنا هنكون على درايا بكل حاجة شايفنها
لاننا هنكون عارفينها اكتر منهم
دلوقت فى حاجات مكنتش موجودة زمان على ايامهم
محدش منهم بيفكر فى كده خالص
للاسف مش بيلاحظوا كمان
:giljotiiniug3:
ان شاب او فتاة من جيل دلوقت ممكن تكون ازكى منهم وتعرف اى حاجة هما ميكونوش يعرفوها
بس هقول ايه
الواحد بيسمع من هنا الشريط اللى مبينتهيش وبينفض من هنا :d
. . . .
لو اتكلمنا على نظرتنا لبعض
(شباب جيلنا بنات وولاد)
فا احب اقولك ان فى فشلة وفى ناجحين
دايما الحياة منقسمة اتنين
بس نسبة الفشلة دلوقت زادت اوى
دلوقت هتلاقى انه نادر لما حد يفكر فى دراسته انه يكمل تعليم او على الاقل انه يتعلم ويكمل شهادته
الكلمة اللى على لسان الجميع
غش تجيب تقدير زاكر تنجح
او العكس
. . . .
انا شكلى بخرف:(
ربنا يوفق الجميع
:)

عذراً فلسنا فاشلين .. مع إحترامي لآراء الجيل السابق ونظرتهم التي أعتبرها كالنبراس لي .. ولكن .. هلّ لي أن أفضفض هنا قليلاً .. طالما انني قد منعت من ذلك في حضرة المعلمين الآوائل .. بعد الثناء على الله ومن ثم عليكم أيها السابقون .. فأنتم سبب نحسنا وويلاتنا المتساقطه كالشهب .. ففي جيلنا ياأكابر ..

على الأقل لم تحدث نكساتنا المتتالية مع اسرائيل ..

على الأقل في جيلنا لم تستعمر فلسطين .. بل في كل يوم تتجدد روح استردادها ..

على الأقل في جيلنا لم يكن كبار الرؤساء والمسؤولين رايحين (وطي) مع السيدة ام كلثوم وسميرة توفيق ((تقل مابالبلد غير هالثنتين )) وأنواع التحدي مع بعضهم البعض ..

على الأقل في جيلنا لم يتم تقاسم الدول الضعيفه وضمها تحت جناح الأقوى بحجة القومية .. بل تم الدفاع عنها ..

على الأقل في جيلنا لم ينصب التفكير الاستنباطي في حجر جمجمة كارل ماركس اشتراكياً ..

على الأقل في جيلنا لم تكن الثورة مسمى دارج لكل من اراد خبثاً بالبلاد ..

على الأقل في جيلنا لم نتمدد انفصالياً بأحزاب مستقطبه او مختلقه كالبعث وماأدراك مالبعث ..

على الأقل في جيلنا .. بدأت حركات لم الشمل لا تفتيق النسيج القومي بأيدي عربية وفكر صهيوني ..

على الأقل في جيلنا لم نؤله فكر ما على أساس العنجهية والولاء ..

نعم في جيلنا ذهبت العراق .. ولكن مالسبب..؟
الم يكن لما كان في عهدكم يداً في ذلك .. بل لم يكن جيلنا سوى الشجره التي تستظل فيها هذه المصيبه وقت مخاضها .. اي انها ستلد .. سواء في ظلنا أم في الهجير .. فلا لِلاحٍ عذر ..!

نعم أبتعدنا قليلاً عن الدين .. ولكن هذا فقط بفعل الاعلام الذي لايخفي رديئة الا ونشرها .. اما في وقتكم فقد (شقّ ) الحجاب علناً في مصر .. ولم تحركوا ساكناً .. بل منكم من لم يعلم بهذه القصه حتى الآن .. بينما في جيلنا شاط الغضب لمنعه في فرنسا ..!

ظهر فينا الإرهاب ..؟

حقيقةً .. لاأخفيكم سراً أن هذا الوباء الفتاك لهو أهون عليّ من أن يشار إلينا بالمساواه مع العبيد والنساء .. أوصلت فيهم الجرأه في عصركم ياأفاضل .. أن يقسموا بلادكم في دواوينهم وانتم تنظرون ..؟
وإن اتى جيلنا لكي يعيد هذا التقسيم الارعن او ان يحل مشكلة حدودية ما .. يقال له ارجع الى الخريطه المقسمه في بريطانيا ..؟ اما قلتم انكم استقللتم وتحررتم ..؟ واما قلت لكم ان مانحن فيه من بلاء ماهو الا من صنعٍ صنعتموهُ لنا مسبقاً ..

ستار أكاديمي ..؟
سلمو لي على أفلامكم التي لازالت ملاذاً للمراهقين حتى وقتنا الحاضر واسمحوا لي ان احفظ مابقي لدي من حسنات وعدم ذكر اصحابها ..

بهذا اقول انني قد افرغت ربع شحنات الغضب على جيلكم .. الذي لازال كالكابوس بل كالكابوس الحقيقه .. وحفظ الله جيلنا مما قد فعل في جيلكم .. لم اذكر محاسن جيلنا ليقيني التام بأنكم رأيتم وسترون .. ولعلمي أن ذكر السيئات مقابل اخواتها لهو أقرب للتوضيح ..

دمتم لنا نبراساً ياجيلنا السابق ..!

الموضوع ده شغل بالى فتره كبيره جداااً
وكنت متردد بين رأين
الأول
" رأين جيل فاشل لا يصلح حتى للولعه "
الثانى
" جيل مظلوم بين صراع الحضارات والتقلبات الزمنيه "

والصراحه فى النهايه إخترت رأى تالت :) هقولك عليه فى الأخر بس بعد ما أشرح اللى فاتو
الأول
أنا قولت إحنا جيل فاشل ليه من اللى بشوفه جيل مستهتر مفيش حد حاسس بالمسؤليه جيل على رأى المثل إختفى منه الرجاله عشان الرجاله ماتت فى الحرب معايير ومقايس الرجوله إختلفت 180 درجه بقى الراجل بسجارته وصياعته وآسف فى اللفظ مولته كده يبقى راجل كفاءه وتمام و 100% مش ده بقى تفكير معظم الشباب
الثانى
التانى ده بقه موضوع يطول شرحه ومحتاج كلام كتير وأنا لحسن الحظ إتكلمت فيه قبل كده فى موضوعين ليا
إتفضل اللينك بتاعم وياريت تقرأهم



اذا كان رب البيت للدف ضارب .. فما شيمة اهل الدار سوى الرقص (http://www.thanwya.com/vb/showthread.php?t=27646)
هو العيب فينا ولا الزمن (http://www.thanwya.com/vb/showthread.php?t=43656)

رأى التالت هو رأى حيادى
إحنا جيل ناقص وعياً وفكرياً النشأه من البدايه خطأ " والتعليم فى الصغر مثل النقش على الحجر " لكن ده مش مبرر للحال اللى إحنا فيه اللى عاوز يكون هيكون .


ومتنساش تمر على الموضوعين
:stickjo4:

السلام عليكم ورحمة الله وبركاته


اسمح لي اخي ان اشكرك على طرحك الرائع ومناقشة قضية مهمة تخص شبابنا جميعا

دائما اذمر ان ابي كان يقول لي نفس الكلمة

ولكن جدي ايضا كان يقول لابي نفس الكلمة وهكذ1 من الجد للجد

اعتقد انها سنة الحياة

او ربما المقصود بها التحفيز لتغيير حالك الى الافضل

ولكن احد الاشياء التي تعلمتها

أن الانسان لا بد أن يفشل ليتعلم ويصبح ناجحا

لان طريق النجاح ليس مفروشاً بالورود كما يعتقد البعض ممن هم غارقين في الاحلام الوردية

بل مليئاً بالفشل والمصاعب وخصوصا في عصرنا هذ1

لا يحزن أحدكم حينما يتهمه أحد بالفشل

لأنه حين تسمع تلك الكلمة فاعلم انك تخطوا اخيرا على طريق النجاح

ولكن عليك أن تتحدى الفشل وتتعلم حتى تصل الى ما بعد النجاح

انتهت كلماتي المتواضعة :)

تحيتي واحترامي للجميع

احمد نور