هذه ليست حلقات من برنامج عالم الحيوان الشهير..لا
الفكرة كانت رائعة بحق..لم أكن أتخيلها وأنا أقرأ هذا الكتاب
قصص الحيوان فى القرآن...للكاتب المبدع أحمد بهجت
وفى تعليقه فى أول الكتاب قال انه استمتع بكتابة هذا الكتاب كما لم يفعل من قبل..
وبالفعل..الكتاب ممتع الى أبعد الحدود..لغة فى غاية الجمال والقوة والسهولة
خيال خصب..دراما مؤثرة فى الأحداث..شئ لا يصدقه عقل!!
غراب ابنى آدم
ناقة صالح
طير إبراهيم
ذئب يوسف
حوت يونس
بقرة إسرائيل
عصا موسى (أفعى)
هدهد سليمان
نملة سليمان
دابة الأرض
حمار عزير
كلب أهل الكهف
طين عيسى (طير)
الطير الأبابيل
فيل أبرهه
عنكبوت الغار

عارفين مين دول؟؟
دول اللى كان ليهم دور عظيم قوى فى تسطير خطوط النبوة
حيوانات..نعم حيوانات...عاصروا أعظم الأنبياء والرسل..واستفادوا منهم
ولم يلتفت أحد إليهم
ولو أن هذه الحيوانات حكت قصتها بنفسها مع هؤلاء العظام..لاستفدنا منهم كما لم يستفد أحد من قبل.
ولكن أن لهم أن يتكلموا؟؟
وهنا جاء دور الفكر البشرى..والإبداع الفنى..لكى يقوم الكاتب أحمد بهجت بهذه المعجزة
يجعل هذه الحيوانات تتحدث
تحكى عن تجربتها بنفسها..

وان شاء الله الموضوع لو عجبكم هاثبته

ويلا نبدأ

الحلقة الاولى

(غراب ابنى آدم)

بسم الله الرحمن الرحيم

فَبَعَثَ اللّهُ غُرَابًا يَبْحَثُ فِي الأَرْضِ لِيُرِيَهُ كَيْفَ يُوَارِي سَوْءةَ أَخِيهِ قَالَ يَا وَيْلَتَا أَعَجَزْتُ أَنْ أَكُونَ مِثْلَ هَـذَا الْغُرَابِ فَأُوَارِيَ سَوْءةَ أَخِي فَأَصْبَحَ مِنَ النَّادِمِينَ
(المائدة 31)

الحكاية مش بسيطة..صعب عليا إنى أحكيها..بس لازم أحكيها بعد طول صمت..لازم
فى البداية أحب أعرفكم بنفسى..أنا إسمى شاهد..الحظ..ان إسمى شاهد..المهنة مش حتصدقوها
حانوتى!!!!!...أيوة حانوتى..وله فى ذلك حكم..حانوتى لمملكة الغربان كلها..كان دايما فى سؤال بيشغل بالى
دلوقتى مافيش حانوتى فى المملكة غيرى..طب لما أموت مين حايدفنى؟؟سيبتها لله..أكيد مش حايسبنى

أنا أعلم جيدا أننى أتحدث إلى بنى الإنسان الآن..وعارف أد ايه الإنسان بيكره الغراب وبيتشائم منه ومن صوته!!!
أنا عارف إن لون ريشنا أسود..وده بيثير التشاؤم عندكم..وعارف إن مشيتنا غريبة..نقفز ونحجل..مما يثير لديكم سخرية تجاهنا
لكن صدقوا أو ماتصدقوش...انتوا السبب فى اللى إحنا فيه..فعلا انتوا السبب
كنا زمان بنمشى بريشنا الاسود ونتهادى فى مشيتنا كالملوك..لحد ماشفناكم..وشفنا بتعملوا ايه فى بعض
وماصدقناش..اضطربت المشية..وباظت كل حاجة..وولادنا ورثوا العاهة..حسبى الله ونعم الوكيل.

أنا عارف إن الشيطان هو السبب..أنا واثق..ولكنى أتعجب..من سهولة انقيادكم له ولأوامره..حاجة تقرف!!!
أظن دلوقتى أكيد بعقلكم اللى ربنا ميزكم بيه عارفين إنى غراب مش خنفسه!!

الحكاية ده حصلت من زمان..لو قلتلكم من 1000000 سنة..ممكن أكون كداب..السنين كتير..وربنا وحده أعلم بعددها
وقتها ماكنش حد منكم أساسا نزل الأرض..كلنا عرفنا إن ربنا سبحانه وتعالى خلق ما يسمى إنسانا..بس فوق
عند ربنا..يعنى الأرض كانت خالية منكم تماما..وأحب أحكيلكم على الأرض قبلكم كانت عاملة ازاى..
لو قلتلكم جنة مش حتصدقونى..خضار فى كل مكان..رياح نقية..جبال بيضاء..جنة بكل المقاييس
لحد ما شرفتم..خلفتم وكترتم..و و ..يالا مش مهم.أعتذر للهجتى الحادة..لاكن اسمعوا القصة وانتوا تصدقونى
وتعذرونى..
بتتهمونا دايما بالسرقة وعقوق الوالدين..وقال ايه..بننسرق الكحل من العين..والصابون من فوق السطوح..
مع اننا والله مانعرف ايه الكحل..ولا حتى بنستخدم صابون لما بنستحما..لم أزل منفعلا..أعذرونى.
بحكم عملى كحانوتى..كان لى علاقة وطيدة بمحكمة الغربان..
بتضحكوا على ايه..أيوة محكمة..ومحكمة فطرية ربانية..لافيها وصايط ولا غش ولا خداع ولا رشاوى..عدل يعنى عدل..واللى على راسه باطحة..فاهمنى طبعا!!
الحكم لو صدر بالإعدام وتم التنفيذ..ييجى دورى فى الدفن..هكذا كان عملى
وهنا لازم أشرحلكم هذه الحقائق..فتحوا ودانكم..
فى دنيا الغربان..فيه محاكم فى غاية العدالة..يتم عقد هذه المحاكم فى ثلاث حالات:
1-إغتصاب أحد الغربان لعش غراب آخر
2-محاولة إغتصاب أحد الغربان لأنثى غراب آخر
3-الإعتداء على طعام الغربان الصغار

وكل جريمة من الجرايم ده ليها عقوبة خاصة..
فى حالة إغتصاب العش..نكتفى بهدم العش المغتصب ونصرخ مؤنبين السارق ونلزمه ببناء عش لمن اغتصب منه العش
وفى حالة ****** أنثى..تقتل الجماعة المعتدى ضربا بالمناقير
وفى حالة سرقة طعام الصغار..تنتف الجماعة ريش المعتدى حتى يصبح كالصغار بغير ريش.
وساعات تنضاف عقوبات زيادة زى الطرد من الجماعة..
وتنعقد المحاكم غالبا فى أرض فضاء أو حقل واسع..والكل يستنى هناك..لحد ما العدد يكتمل
بعديها نعمل حراسة على المعتدى وتبدأ المحاكمة
يشرع الجميع فى النعيب والنعيق جماعات..وطبعا المتهم برده يصرخ مدافعا عن نفسه..
ويرجع الشهود يصفقون بأجنحتهم حانقين..وهو برده يرد..لحد ماينزل أجنحه ويسكت..وينكس رأسه
وهذه علامة الاعتراف بالذنب..هنا بقة يصدر القاضى الحكم..ويبدأ تنفيذه أيا كان.
ولو كان الحكم إعدام..تيجى وظيفة العبد لله..الدفن..صحيح القاتل مذنب..ولكن الموت له حرمة..ويجب مواراة سوءته

القوانين ده مش احنا اللى حطينها..دى فطرة وضعها الله فينا..وماشيين عليها

أظن دلوقتى احترمتونا شوية..مش مصدقين مش كده؟؟ على العموم مايهمناش تحترمونا ولا لأ..آسف للهجة.

فى يوم وصلتلنا أخبار ان ابليس بعد ما رفض يسجد لآدم..أغوى آدم و حواء فى الجنة..خلاهم يعصوا أمر الله سبحانه وتعالى
وأعتقد ان الموضوع كان متعلق بتفاحة أو شئ من هذا القبيل..ماعلينا..المهم ان االعقوبة كانت شديدة..
آدم وحواء نازلين على الأرض..أهلا بيهم..ماكناش نعرف الخراب اللى حايخربوه ولادهم لسه
أنا نفسى شفتهم وهم نازلين..وشفتهم وهم بيدوروا على بعض..وشفتهم وهم بيبكوا
فعلا بكاء غير طبيعى..واستغفار ليل ونهار..توبة صادقة بحق..مشهد فى غاية التأثير والروعة
عرفت من صوت الدموع..قدر الذنب ومعنى العصيان..وصدق التوبة.
كنت أتمنى أن تروا وجه آدم..يالجلال وجهه المهيب..ياللحنان الذى يسكن فى عينيه..لن أنساه أبدا..أبدا
كانوا دائمين الدعاء

(رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ )

مابطلوش الدعاء ده

وخلفت حواء أول بطن لها..طبعا انتوا عارفين ان احنا بنبيض مابنولدش
أول بطن كانت بتوأم..ولد وبنت.. قابيل..وأخته إقليما
وتانى بطن برده..ولد وبنت..هابيل وأخته ليوثا
والاخوة كلهم كبروا سوا
ولحكمة أوحى الله إلى آدم أن اخوة البطن الواحدة لا يحلون لبعض
يعنى قابيل لليوثا..وهابيل لإقليما..وتبدأ المشاكل..بس اتفرجوا معايا على المشاهد ده الأول:

1-هابيل نازل جرى من على التل..ضحكته ماليه الكون فرحةكان عنده 8 سنين..قابيل بيجرى وراهمسك فرع شجرة
كانوا بيلعبوا..وكالعادة..قابيل اختار دور الصياد..وساب لهابيل دور الفريسة..
لحق قابيل هابيل..وهابيل مالى الدنيا فرحة..ولو شفتم وجهه المترقرق بالطفولة..أقسم لكم لبكيتم من شدة العذوبة والصفاء..
مسك قابيل هابيل..ومسك الفرع بإديه الاتنين..و.و..
الوجه الذى يحمل الفرحة..يتحول إلى الألم..والضحكة تتحول إلى صرخة..والدهشة تعلو وجه الصغير
يهرع آدم إلى المكن..يلاقى هابيل جريح..وقابيل مستمر فى الإعتداء..يصرخ آدم فى قابيل..ماذا تفعل؟؟؟؟
يرد قابيل ببرود..نلعب وهابيل هو اللى اختار دور الفريسة!!!..كنت ساعتها واقف على فرع شجرة..كان نفسى أنزل أخنقه بجناحاتى!!!!
الغريب أن آدم كان يعتف قابيل..وقابيل ساكت..أما هابيل..فكان يتوسل الى أبيه ليصفح عن قابيل!!!!!!

لكم كان هابيل رقيق المشاعر وعذب الأخلاق..مرة كنت واقف جانبه وهو معاه شوية بيض..ادانى واحدة..وجه قابيل ضربه عشانى
ماتفتكروش انى متحيز لهابيل عشان البيضة..لا والله.

2-وهابيل فى سن العشرين..يد قابيل توى على وجهه صارخا..هذا كوخى أنا
احمر وجه هابيل من الصفعة وترقرقت الدموع فى عينيه ورفع يده إلى قابيل وقال..انظر يا أخى..لقد تسلخت يدى من بناء الكوخ!!
قابيل: أنا قلت كلمة..قبل الغروب تكون مشيت من هنا

كان ريشى حايتحرق من الغضب اللى أنا فيه..ورحت صرخت فى وش هابيل..روح قول لأبيك..مستنى ايه؟؟..
بص لى بعنيه المليانه دموع..وكأنه فهمنى..بس برده ما رحش..كان خايف على أخوه أكثر من نفسه
قابيل مشى علىطول..وماسمعش أخوه وهو بيقوله: ليه ياقابيل؟؟دانت أخى الأكبر..ويعلم الله ما أكنه لك من حب..ثم انهار فى بكاء شديد
بكاء حتى الغروب..لم يدر بنفسه..الا وقابيل يقتحم عليه الكوخ صارخا..لقد قلت قبل الغرووووووب
كان ممسكا بحج انهال به على وجه هابيل..فتفجر الدم منه وسقط أرضا..فرماه قابيل خارج الكوخ!!!
لم أنم ليلتها..لم أستطع..ظللت أرقب هابيل وهو يضمد جراحه بالأعشاب..وأدعو من الله..أن يكتب له الجنة بم يرى..وأن ينتقم من هذا القاتل شر انتقام.
نام هابيل فى العراء..والدم يغطى وجهه..جاء آدم..ورأى هابيل..وكالعادة صرخ صرخة يملؤها المرارة والحزن...قابييييييييل..ماذا فعلت بأخيك؟؟؟؟؟

أظن أن هذه المشاهد كفيلة بالحكم على أخلاق الأخوين
وحان وقت الزواج...قابيل لليوثا..وهابيل لاقليما..وبينى وبينكم..أنا كنت فرحان بكده..إقليما كانت فعلا رائعة الجمال..أكثر من ليوثا بكثير
وكنت أنا فرح لهابيل بهذا
وفى هذه الأثناء..تم اتهام أحد الغربان..ب****** أنثى غراب آخر..وتم القبض عليه..وتجهيزه للمحاكمة.

قابيل كان مدركا لجمال اقليما..وكالعادة..لم يكن ليتركها لهابيل
صرخ فى وجه أبيه..لالالا..أنا أفضل منه..أنا سأتزوج اقليما
كان هابيل يحب اقليما فعلا..ولكنه آثر الصمت
قال آدم بألم..لا يا قابيل..لا يحل لك
ولكن قابيل لم يتزحزح عن موقفه
ولم يجد آدم بدا من أن يقترح اقتراح
كل واحد يتقرب بقربان لله عز وجل..ومن يقبل منه..يتزوج اقليما..
لسوء حظى كانت محاكمة الغراب فى نفس يوم تقديم القرابين..وخفت من ألا أشاهد النتيجة...
ولكن الحمد الله..تم أجيل المحاكمة عشان القاضى كانت مراته عيانة شوية..
حكيت للجماعة القصة..وطلعنا جرى نراقب اللى حايحصل..
هابيل جاب أسمن كبش عنده
وقابيل جاب عود قمح أخضر!!!!!!!!
دا ايه البخل ده..حتى فى القربان؟؟؟؟؟؟حاجة غريبة فعلا
وفضلنا مستنيين ساعات..ماكناش عارفين ايه الصورة اللة حانعرف بيها ان ربنا قبل من ده وماقبلش من ده؟؟!!!
وماطلش الانتظار..
لسان من اللهب..هبط من السماء..ابتلع كبش هابيل..وصعد...النتيجة واضحة
تم قبول قربان هابيل..وقابيل بقة يعض فى نفسه
وتعالت الصرخات وامتزجت..صرخة فرحة ونصر لهابيل..ممتزجة بصراخ الغربان السعيدة
وصرخة حنق لقابيل..وغضب لا حدود له

وجرى قابيل على هابيل..ومسكه من خناقه..وضغط على سنانه وهو بيقوله..سأقتلك
أزاح هابيل يد أخيه برفق وقال له:

(لَئِن بَسَطتَ إِلَيَّ يَدَكَ لِتَقْتُلَنِي مَا أَنَاْ بِبَاسِطٍ يَدِيَ إِلَيْكَ لَأَقْتُلَكَ إِنِّي أَخَافُ اللّهَ رَبَّ الْعَالَمِينَ . إِنِّي أُرِيدُ أَن تَبُوءَ بِإِثْمِي وَإِثْمِكَ فَتَكُونَ مِنْ أَصْحَابِ النَّارِ وَذَلِكَ جَزَاء الظَّالِمِينَ)

واستدار عائدا مع زوجته إقليما
تزوجا وعاشا أياما
فى هذه الأثناء..كان الغراب المتهم هربان..وكونا فرق بحث..لحد ما جبناه تانى

وعقدت المحاكمة فى صباح أحد الأيام..والحظ انها عقدت فى حقل هابيل..كان هابيل نايم بره كوخه..وعلى وجهه ابتسامة أمل وحمد ورضا
كنت فرحان له قوى..وبدأت المحاكمة
شد وجذب..
الشهود يصيحون
المتهم يصرخ..
القاضى يحاول السيطرة..
إلى أن خفض المتهم راسه وجناحيه..اعترافا بالذنب..كانت الأدلة ضده فعلا وبصمات ريشه فى كل مكان
بالاضافة الى أن معمل التحاليل..أثبت أن المادة الوراثية خاصة به

من هذا؟؟..هل ترون؟؟انه قابيل..يبحث عن شئ ما
وجده..ما هذا..عظمة من جثث أحد الحيوانات
لمحت قابيل يقترب من أخيه بحذر..وهو يمسك بالعظمة الكبيرة
قامت الجماعة واحدا تلو الآخر لتنفيذ حكم الإعدام فى الغراب
مازال قابيل.. يقترب
بدأت الغربان فى نقر رأس الغراب..
هابيل حس بحركة ..فتح عينه..
بدأ الدم يخرج من جسم الغراب..
هوى قابيل بالعظمة على وجه أخيه..
الغراب يصرخ..
نظرة حسرة فى وجه هابيل والدم ينفجر من رأسه..
نقرة تلو أخرى..
ضربة تلو أخرى..
تسكن جثة الغراب..
يرفع هابيل يديه للسماء داعيا وباكيا..ثم..
ضربة أخيرة...
سكنت يد هابيل المرفوعة بالدعاء..و..و..و..
انتهى كل شئ..
كدت أطير على رأس قابيل وأنهال عليه نقرا..
بكيت وبكيت وبكيت..
شاهد..يا شاهد...شاااااااهددددد...أفقت على صوت القاضى وهو ينادى لى
طبعا عشان أشوف شغلى..وأدفن الجثة
شلتها..وطيرت بيها..
وشفت قابيل شايل جثة هابيل..وماكنش عارف يعمل ايه
كان امتعاضى منه يفوق الوصف..طرت لفترة طويلة..ظللت أحوم حوله بجثة الغراب
كنت قلقا على جثمان هابيل..
ماذا سيفعله به هذا الوحش؟؟
ثم ما الذى س

يا شاهد..لقد اختارك الله..لكى تعلم الانسان..كيف يوارى سوأة أخيه

اعترضنى هذا الصوت الحنون..إنتفضت خيفة ونظرت لأعلى
وكانت المفاجأة
ملك كريم..يعترض طريقى
ويقول بصوت حنون..
يا شاهد..لقد اختارك الله..لكى تعلم الانسان..كيف يوارى سوأة أخيه
وا فرحتاه..وا سعداه..الله العلى القدير يختارنى أنا؟؟؟لا اله الا الله
هبطت بسرعة أمام القاتل بجثمان الغراب..وأخذت أحفر أحفر..وهو يرقبنى
ووضعت الجثة.وسويت أجنحتها.ثم ردمت عليها..ووليت مدبرا..لم أكن أريد أن أجلس أمامه كثيرا
فقد كرهته من كل قلبى
سمعته بيقول بندم

( يَا وَيْلَتَا أَعَجَزْتُ أَنْ أَكُونَ مِثْلَ هَـذَا الْغُرَابِ فَأُوَارِيَ سَوْءةَ أَخِي فَأَصْبَحَ مِنَ النَّادِمِينَ)

لم أعرف سبب الندم..هل ندمان على قتل أخيه..أم ندم على كونه حمل أخيه كل هذه الفترة..لم أعلم حتى الآن
أردت أن أقول له..قتلنا الغراب بالعدل..وأنت قتلت أخيك ظلما

كان ما يقلقنى هو شئ واحد..زوجة هابيل..كانت حامل..كنت أريد أن أطمئن على أن هناك نسل سيولد من رجل صالح
طبعا لن أحكى لكم على حسرة آدم..لن أحكى..فلا أريد أن أتذكر

والآن..هل مازلتم تكرهون الغربان؟؟
بالذمة ..مين اللى يكره التانى..مين اللى يتشائم من التانى..جتكم القرف!!!
كنت شاهدا على أول جريمة قتل بينكم
أعرف أن الصراع لن يتوقف..وليرحمكم الله
فكل شئ بإرادته
وهو على كل شئ قدير

وانتظروا الحلقة القادمة مع ناقة صالح

الحلقة التانية

ناقة صالح


بسم الله الرحمن الرحيم

هَـذِهِ نَاقَةُ اللّهِ لَكُمْ آيَةً فَذَرُوهَا تَأْكُلْ فِي أَرْضِ اللّهِ وَلاَ تَمَسُّوهَا بِسُوَءٍ فَيَأْخُذَكُمْ عَذَابٌ أَلِيمٌ

(الأعراف 73)

فى غاية الفخر أنا...!
فى غاية الفرحة أنا..!
فى غاية العزة أنا..!
ورغم انى يادوب ناقة..ناقة..ولكن بكل ثقة أقدر أقول..انى أشرف من أشرف واحد فيكم دلوقتى..
وقبل ماتزعلوا ..اسألوا نفسكم..حد فيكم..ربنا نسبه لنفسه؟؟؟
أنا ربنا قال فى حقى (هذه ناقة الله)..حد فيكم قدر يقرب من 1\10 من الشرف ده؟؟
هه؟؟..فيه حد؟؟..صوتكم واطى ليه؟؟..يعنى ماحدش فتح بقه..
خلاص..اسكتوا بقة واسمعوا حكايتى..
القصة ده أنا بكتبهلكم دلوقتى..وأنا فى غاية السعادة..
حاسة كأنى طايرة..بياض فى كل مكان..عطور مالية الدنيا..نشوة وبهجة وفرحة تجتاح جسدى كله!!!
أصلكم مش واخدين بالكم..أصلى تقريبا بطلع فى الروح!!!!..بموت يعنى!!!
بس مش أى موتة..دى شهادة..شهادة فى سبيل الله..الكفار بيدبحونى..فيه ايه أكثر من كده..
عشان كده حتلاقونى فرحانة شوية..!!
بكتبلكم القصة ده بدمى المتفجر من عنقى..عارفة ان مسير حد فيوم يقرأ القصة
..واللى بيقرأ دلوقتى..دليل على صدق إحساسى

أحب دلوقتى أوضحلكم حاجة..أنا صحيح ناقة..بس فى الجوهر..مش ناقة!!!!!
حاولوا تفهمونى..انتوا الكائنات الوحيدة ذات العقول!!!
أنا ناقة فى الظاهر..بس الجوهر..
أنا آية من آيات الله..وهذا يزيدنى فخرا!!
ومعجزة إلهية..وهذا يزيدنى سعادة!
ودليل على صدق نبوة صالح..وهذا يزيدنى ثقة!
وفوق كل هذا..أنا فى الأصل حتة صخرة!!..وهذا يزيدنى عجبا من قدرة خالقى!!

واضح إنى زدت فى حاجات كتير..عشان كده تلاقونى سمينة شوية!!

وقفنا لحد فين؟؟..آه..
حتة صخرة..حجرة..يعنى فى اعتقادكم..لا أرى ..لا أسمع..لا أتكلم..
وطبعا ده إعتقاد أهبل من حضراتكم...فوالله..الجماد أكثر رقة من قلوبكم!!

اتخلقت فجأة..يعنى فجأة..لقيت نفسى ناقة كبيرة كده زى مانتوا شايفين!!!
الموضوع عايز شرح..
ححكيلكم من البداية..
ححكيلكم من الأول..من قبل مالمعجزة دى تحصل..الكلام ده عرفته بعدين صحيح..بس ترتيب الأحداث..يخلينى أحكيهلكم الأول
فتحوا عنيكم وودانكم..دى مش البقرة أم 6 رجول ولا عروسة البحر ولا البنت دلال الكهربائية اللى تحط اللمبة عليها تنور..لأ..
دى معجزة إلهية..على الله يسيرة..ومجرد تصديقها علينا عسير..

الحكاية بدأت بالآتى

ثمود...
أكيد سمعتم عن الإسم ده..قوم ثمود..أقوياء الشهوات..ضعاف العقول
واللى زاد وغطى..غنى فاحش..زود من فجورهم
عباد للأصنام..الهبل ولاد الهبل..
نفسى أفهم..سؤال حيجننى على مر العصور...إزاى تفكر بعقلك كده..إنك تعبدحجارة؟؟
يابهايم..حد يرد عليا..مش ثمود دول كانوا بنى آدمين زيكوا؟؟حد يوضحلى وجهة نظرهم!!!!
ما علينا..كانوا بيتنيلوا يعبدوا الأصنام..
بس مش كلهم..
كان هناك منهم رجالا..يهيمون بوجههم بحثا عن الحق..
وهل يضل الله من يبحث عنه؟؟
طبعا لا..إنه رؤوف بعباده..مش ممكن يضل واحد عايزه
فمنهم من كان يؤمن بفطرته وعقله ورحمة ربه..ويعتز أهله وما يفعلون..
ولكن الفجور كان شديد..وبيزيد..والناس انجرفت ورا المصالح والذهب..
وانجرفت وراء عبادة الأوثان والنفس ذات الشهوات التى لا تنتهى..
ثم شاء الله العلى القدير..أن يقلب الموازين..ويضع حدا لفجورهم..
ولكن رأفة بهم..بعث فيهم نبيا..منهم..من أنفسهم والله..
كان هو أصلحهم فعلا وأكثرهم إيمانا..
راجل صالح
واسمه صالح..
اسم على مسمى.
كان فعلا..أكثر قومه توحيدا ونقاء وطهرا وصلاحا..
لو شفتوه..لايمكن تنسوا الطيبة..اللى بتبان فى عنيه..
عليه أفضل الصلاة والسلام

وأوحى الله إليه بالتكليف..
وطبعا ماتأخرش..
جرى على قومه..
كان بيحبهم قوى..
وبدأ المهمة..
قال لهم

يَا قَوْمِ اعْبُدُواْ اللّهَ مَا لَكُم مِّنْ إِلَـهٍ غَيْرُهُ

نفس الكلمة ده..قالها قبله هود ونوح..وكل الأنبياء عليهم الصلاة والسلام..
نفس الكلمة والله..ومافيش فايدة..

المشكلة انه ما قالهمش حاجة صعبة لاسمح الله!!
دا بيقولهم ياقوم..اعبدوا الله..
بس..مافيش أكتر من كده..

بس للأسف..الدخول بدين جديد..يعنى تغيير شامل فى المجتمع..يعنى ناس تطلع وناس تنزل..وده بالنسبة لعاشقى الدنيا..محال.
نعبد الله؟؟..ونسيب آلهتنا اللى بناكل على أفاها عيش؟؟وتجارتنا وحياتنا؟؟
هو ده تفكيرهم المشلول العقيم..

الغريب ..انهم ردوا على صالح رد..بدا لى أنا الناقة..الناقة..الناقة...
أنه طلسمة..خزعبلات..كلام فارغ.. قالولوا

يَا صَالِحُ قَدْ كُنتَ فِينَا مَرْجُوًّا قَبْلَ هَـذَا أَتَنْهَانَا أَن نَّعْبُدَ مَا يَعْبُدُ آبَاؤُنَا وَإِنَّنَا لَفِي شَكٍّ مِّمَّا تَدْعُونَا إِلَيْهِ مُرِيبٍ

دا إيه المنطق ده؟؟ واحد جايب دين جديد..ويبقولكم اعبدوا الله..حايقلكم ازاى متسيبوش أصنامكم؟؟
تاملوا معى المنطق المعكوس..
ماذا يفعلون فى آلهة الجدود والأسلاف..كيف يدارون خجلهم أمام ذكرى الآباء والأجداد إذا أهملوا عبادة آلهتهم؟؟؟!!!!!!
فعلا مشكلة عويصة جدا!!!!!
أنا بصفتى ناقة حالية..وصخرة سابقة..أرفض هذا المنطق..ولو عرضتم المنطق ده على خروف..مش حايبطا مأمأة من السخرية!!!

اللى كان المفروض يحصل..طالما صالح مل احترام وتصديق..يبقى نبوته تبقى زيه..
لكن اللى حصل كان العكس تماما!!!

طبعا صالح ماكنش لازم إنه ييأس منهم بسرعة..ده تكليف إلهى..وخليك ورا الكداب لحد باب الدار..
فأشاح صالح عن منطقهم المعكوس..وسألهم

-تصدقوا إزاى إن أنا نبى؟؟
-أنت تقول أنك نبى..ونحن نشك..لازم تقدم بينة
-طب عايزينى أقدم إيه؟؟
-ماتتصورش إننا عايزين نعجزك..بس طالما بتقول إنك مرسل من خالق هذا الكون..يبقى لازم تقدم بينة تليق به!!
-عايزين إيه بظبت؟؟
-شايف الجبل ده؟؟ ليه مايتولدش منه ناقة؟؟؟!!!
-أنتم تطلبون آية مادية خارقة..وهذه الآيات خرق للناموس..وليس من أدب العباد أن يطلبوا من ربهم خرق الناموس لكى يؤمنوا به!!!!
-إعترف أنك لا تستطيع!!
-أنتم تتصرفون مثل الأطفال..
-ياصالح..من حقنا وأنت تزعم أنك مرسل من الله..أن تقدم لنا دليلا
-خايف عليكم
-من إيه؟؟
-أخشى لو أجبتكم لما طلبتم..أن تكفروا بهذه الآية بعد حين..أخاف عليكم من عذاب الله لو فعلتم
-نحن نعاهدك أن لا نكفر بها..ولا نمسها بسوء
-وعد؟؟
-لك عهدنا جميعا

لحظتها فقط..بدأ صالح الدعاء لله العلى القدير..
ورغم إنه مش من حقهم..بس عشان بيحب عبده صالح..وفى نفس الوقت مايبقاش ليهم حجة..
حدثت المعجزة..وتمت ولادتى من باطن الصخور..ولى هنا وقفة..
عشان من أول هنا..أنا عاصرت الأحداث..
أنا كنت إيه؟؟صخرة فى حضن الجبل..كنت فى وسط أصحابى وأهلى وجرانى
مابنعملش حاجة..غير التسبيح..كانت حياه فى غاية الروعة..
فجأة..
وبدون مقدمات..
شعرت بليونة غريبة تجتاحنى..
جسدى الصخرى..يتشكل ويتلون..ما هذا..جسم..أطراف..لسان..يا إلهى!!!
ماذا يحدث لى..؟؟
مع هذه الليونة المفاجئة..سقطت من الجبل..صرخت على أهلى..ولكنى لم أعد أراهم كما هم..
فقط صخور صماء..لا تسمع ولا ترى!!
كنت أسقط ..أسقط..أسقط..ولأول مرة ينتابنى مثل هذا الشعور..
الخوف من الموت!!!!!!
وفجأة..
انخفضت سرعة هبوطى تدريجيا..حتى زجدت نفسى أقف على الأرض..مستندة على 4 أطراف..
مازلت لا أفهم شيئا!!
بكيت..ما هذا..مياه تتساقط من وجههى؟؟هل هذا ما يسمى بكاء؟؟
صرخت...
إلهى..لا أفقه شيئا..وأنت الحكيم العليم..
وجاء الرد..
لا..مش عن طريق ملك ولا حاجة..
جه كده..أيوه كده..كل حاجة..قفزت إلى رأسى فجأة..ولقيت نفسى فاهمة كل حاجة..وكأن كل حاجة حصلت على إيدى
وعرفت لحظتها..إن أنا...أنا...
أنا ناقة الله
ومن ساعتها...ضاعت الكآبة..حل محلها الفرحة..والحماس!!!
أحب أعرفكم بنفسى أكتر كناقة...
أنا كا البراءة..والطهر..والنبل.. والصفاء..
مش كلام كده وخلاص..لا والله..فعلا ده اللى ربنا حطه جواية..من ساعت ماحولنى من صخرة..لناقة
خرجت على الناسوهم مبهورين طبعا..مش قادرين ياخدوا نفسهم..
المعجزة تحققت..الجبل..ولد ناقة..
أحنوا رؤوسهم لصالح..واعترفوا بنبوته
قال لهم صالح

هَـذِهِ نَاقَةُ اللّهِ لَكُمْ آيَةً فَذَرُوهَا تَأْكُلْ فِي أَرْضِ اللّهِ وَلاَ تَمَسُّوهَا بِسُوَءٍ فَيَأْخُذَكُمْ عَذَابٌ أَلِيمٌ

وانفضوا من حولى...
وبدأت رحلتى فى المدينة...
قصور وبيوت منحوتة..تماثيل فى كل مكان..حدائق..مكان مهيب بحق
استيقظ الناس فى الصباح..والتفوا حولى بحذر..
كانت أى حركة أعملها انشاله أحرك راسى..ترعبهم وتخليهم ينطوا لورا..
الموضوع ده ضايقنى عشان قيد حريتى قليلا..
واللى ضايقنى أكثر الأحاديث الهامسة اللى ماكنتش بسمع منها حاجة..
شعور غبى قوى لما تبقى قاعد فى وسط جماعة..كلهم بيتكلموا عليك بصوت واطى وانت عارف!!!!

وظلوا على حالهم هذا أيام..لحد ما جه عيل صغير..قرب منى بشجاعة..ومد إيده.
أنا خفت ورجعت براسى للخلف..بس فهمت إن هو عايز يطبطب عليا..
مديتله دماغى وسط صيحات الأهالى للطفل بالابتعاد :
إرجع ياد ياعيد..البلهارسيا حاتبهدلك
بس الواد مارجعش..والتصرف ده..كسر كل المخاوف..
ومابين يوم وليلة..كان كل القوم حبايبى!!!!..وف تالت يوم من ظهورى فى أرض ثمود..أنجبت صغيرى!!!
نعم..فى اليوم الثالث أنجبت صغيرى..ومش عايزة تعليقات سخيفة!!!
جذب وليدى إهتمام الناس أكثر منى أنا..وزادت علاقاتنا أنا وصغيرى بالقوم..
وبدأت أرضع صغيرى..لبن طبعا..
اللن جذب الناس جدا..ريقهم جرى..فجريوا هم كمان على صالح..يستأذنوه إنهم يشربوا من اللبن ده!!
صالح قال لهم..اللبن مباح برحمة الله..بس الماء حايتقسم بينى وبينهم..أنا أشرب يوم..وهم يوم..
وطبعا الأمر ده وحى إلهى بحت..أنا يوم وهم يوم..وفى اليوم بتاعى هم يشربوا لبن..وفى اليوم بتاعهم..أنا أرضع صغيرى..
كان اقتراح جميل فعلا..وهم وافقوا عليه..
كنت كريمة معاهم فعلا..كنت أنزع ثديي من فم صغيرى..لأرضع طفلة من قوم ثمود..كان لبنى جميل المذاق فعلا!!!
والغريب..أن من يشرب منه..لا يظمأ ولا يجوع!!!!
أحبنى المجتمع كله..فقد كنت أطعمه وأسقيه...
ومرت أيام فى غاية السعادة والهناء..!!
وفعلا..مرت..وعدت الأيام الحلوة..وأكيد انتوا عارفين..
الأيام الحلوة..بتعدى فثوانى

مش كل القوم آمنوا..لم يزل هناك كثير من الأثرياء الحاقدين..وكانوا يدبرون..ويتكتكون!!!
وبدأت تدريجيا أشعر بستار من الكراية يحيط بى!!
وانقسم المجتمع قسمين..قسم مؤمن بصالح..وقسم كافر وحاقد..
وفيوم دار بينهم الحوار ده:

-قَالَ الْمَلأُ الَّذِينَ اسْتَكْبَرُواْ مِن قَوْمِهِ لِلَّذِينَ اسْتُضْعِفُواْ لِمَنْ آمَنَ مِنْهُمْ أَتَعْلَمُونَ أَنَّ صَالِحًا مُّرْسَلٌ مِّن رَّبِّهِ
-قَالُواْ إِنَّا بِمَا أُرْسِلَ بِهِ مُؤْمِنُونَ
-قَالَ الَّذِينَ اسْتَكْبَرُواْ إِنَّا بِالَّذِيَ آمَنتُمْ بِهِ كَافِرُونَ

المشكلة..إنه كالعادة فى كل زمان ومكان..المؤمنين غلابة..والكفار جبابرة!!!
قلقى بدأ يزيد..وحسيت إن فى مكيدة فى الموضوع
وفعلا...
أرسل كبير الكفار إلى كل سادة ثمود ..ودخلوا إلى قصره..ليبحثوا كيفية القضاء على دعوة صالح التى نزعت منهم كل سلطان؟؟!!
وبدؤوا يتجاذبون أطراف الحديث
-وجود ناقة ترعى بحريتها قد نزع منا كل سلطان على القبيلة!!
-وجود الناقة تذكير مستمر للناس بصالح ونبوته
-ما هو الحل؟؟
-التخلص من الناقة!!!!
يتخلصون منى أنا..أنا النبل والطهارة والحب..
يقتلون الخير بأيديهم!!!
فزع بعضهم من الفكرة فى البداية..فقد حذرهم صالح ألا يمسونى بسوء..وتراجع الكثير بالفعل..
ولكن زعيمهم لم يكن ليتركهم...أديرت كؤوس الخمور..ولم يعد هناك من يدرى شيئا ..أو يخاف شيئا..العملية شعشعت خالص
وبدأت مباحثات أخرى...
وبعد أن كان السؤال..ماذا نفعل بالناقة..تحول إلى كيف نقتلها..ثم تطور الأمر..مين اللى يقتلها!!!

أكتر حاجة كانت مجننانى..إنى مش فاهمة ليه..ليه عايزين يقتلواالخير؟؟
أنا عملتلهم إيه؟؟..أنا ماضرتهمش فحاجة..
أحنيت رأسى..ومضيت فى تقديم اللبن لمن يريد..شعرت أن قرار ذبحى قد صدر..ولم يبقى إلا التنفيذ..
وأحسست بالحزن ذات ليلة..وابنى الصغير يستدفئ فى صدرى..حزنت على مصير البراءة..
لماذا يذبح الناس البراءة فى هذا العالم؟؟؟
ومضيت أقدم اللبن..ومرت ليلتان..وجاءت الثالثة..وأحسست أنها الأخيرة..
وجاء تسعة من العتاه..أشار إليهم الله بقوله:

وَكَانَ فِي الْمَدِينَةِ تِسْعَةُ رَهْطٍ يُفْسِدُونَ فِي الْأَرْضِ وَلَا يُصْلِحُونَ

دول اللى دبروا..واللى نفذ أشير اليه بوصفه صاحبهم...

إِنَّا مُرْسِلُو النَّاقَةِ فِتْنَةً لَّهُمْ فَارْتَقِبْهُمْ وَاصْطَبِرْ وَنَبِّئْهُمْ أَنَّ الْمَاء قِسْمَةٌ بَيْنَهُمْ كُلُّ شِرْبٍ مُّحْتَضَرٌ فَنَادَوْا صَاحِبَهُمْ فَتَعَاطَى فَعَقَرَ

كان سكران..دخل وهو بيتمايل من السكر..السيف كان بيلمع فى إيده لمعان..خلى صغيرى يبكى..نفسه كان أشد سوادا من عمق الليل..
رفع سيفه لأعلى وهو لايكاد يرى..
انحنيت أحمى صغيرى..
قطع السيف قدمى..سقطت ساجدة من الألم..
ورفع سيفه مرة أخرى..
السيف يلمع..
أنفاس الرجل قاتلة..
وصدقوا أو لا تصدقوا..البرق يضئ على السيف..
لابد أنها الأخيرة..
لابد أنها ال...

لاتخافى يا ناقة الله..أنا ملك كريم..وقد كنت فتنة وآية لقوم ظالمون..والآن يخفف عنك الله,,ها أنت شهيدة فى سبيله

هبط السيف على رقبتى..أعتقد أنها النهاية..لم أعد أقوى على كتابة المزيد..
شعور رائع بالفعل..الشهادة..

أما مصير ثمود..فها هو أمامكم


إِنَّا أَرْسَلْنَا عَلَيْهِمْ صَيْحَةً وَاحِدَةً فَكَانُوا كَهَشِيمِ الْمُحْتَظِرِ

مشكوررررررررررر

فعلا مشكور

جزاك الله خيرا

بجد روعه روعه روعه
وبتتحكي بطريقه ممتازه جدا

بجد جميل جدا
جزاك الله كل خير

انا عن نفسي لم اقراه للنهاية لانى ساخرج ولكن

الجهد المبذول فيه وفكرته اكتر من رائعين


وسوف اعود مرة اخرى لاكمله لاحقاااا

شكرا اينشتاين على الموضوع

شكرا لتقديركم وتشجيعكم

وشكرا للتثبيت يا اسماء

الحلقة الثالثة

طير ابراهيم


بسم الله الرحمن الرحيم

وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِـي الْمَوْتَى قَالَ أَوَلَمْ تُؤْمِن قَالَ بَلَى وَلَـكِن لِّيَطْمَئِنَّ قَلْبِي قَالَ فَخُذْ أَرْبَعَةً مِّنَ الطَّيْرِ فَصُرْهُنَّ إِلَيْكَ ثُمَّ اجْعَلْ عَلَى كُلِّ جَبَلٍ مِّنْهُنَّ جُزْءًا ثُمَّ ادْعُهُنَّ يَأْتِينَكَ سَعْيًا وَاعْلَمْ أَنَّ اللّهَ عَزِيزٌ حَكِيمٌ

(البقرة 160)


معنديش حاجة أقولها غير الحمد لله..!!!
الحمد لله من أول ماتولدت لحد ماموت..!!
النعم كتير..مش عارف أقول إيه ولا إيه..
أقولكم..ححكيلكم الحكاية ده..وانتوا حتعرفوا من نفسكم..وحتحسوا أد إيه..
ربنا عظيم..وكريم..وجميل..وأهم من ده..بيحبنى أد إيه!!1
مش قادر أمنع نفسى من الابتسام أعذرونى..
اسمعوا الحكاية..وانتوا تعرفوا ليه..

بنى آدمين ..مش كده؟؟؟ أهلا وسهلا..شرفتم منزلى المتواضع.أقصد عشى المتواضع..!
خدوا راحتكم على الآخر..
ناشا..يا ناشاااااااا...هاتى أكل للضيوف!!!
يالا يا جماعة...Help ur self

ادخلى جوة إنتى يا ناشا..عشان حارف إنك حتتكسفى من الحكاية ده.!!

شوفوا يا جماعة..
زى مانتوا شايفين..أنا طائر..حمامة..ذكر..
أحمد الله على أنه خلقنى طيرا..أنا مش عارف إزاى انتوا مستحملين المشى على الأرض..
والله لو جربتم الطيران..لفضلتم الانتحار من فوق أعلى بناية عندكم!!!!
لو شفتم من فوق الأرض عاملة إزاى؟؟الحقول شكلها إيه؟؟لو قربتم من السحاب...
أعتقد إن فيه حاجات كتير فى حياتكم حاتتغير..
بس فيه منكم ناس..حاسة بالأحاسيس ده
آه والله..أى إنسان فيكم فيه فى قلبوا حب لإنسان تانى..أكيد بيحس بالأحاسيس ده..
من غير حب يا إخوانى..حياتكم مالهاش لازمة..!!
مش حاطول عليكم..

إحنا بقه الحمام..نملك أسرار الحب كله..ومقسمينه صح..
ثلاثة أرباع الحب..لله خالقنا وموجدنا الذى أوجدنا من عدم..
نصف الربع الباقى..للهواء الذى نطير فيه..
ربع الربع الباقى للإنسان..فنطعمه لحمنا بدون ألم
وما يبقى..نحب به إناثنا وأبناءنا..
وصدقونى مش قليل..الباقى ده..كفيل بإنى أموت نفسى عشان خاطر ناشا..
آه صحيح ماقلتلكوش..ناشا ده تبقى مراتى!!!

وحديكم دليل إن الجزء البسيط من الحب ده..كفيل بإننا نموت فى سبيله..!!
بعد أمى ما ماتت..وحملوها أمام عينيى أبى..نكس رأسه فى الأرض ولم يقل شيئا!!
وفى اليوم الأول..مافتحش فمه..لا يطير ولا يأكل
وفى اليوم الثانى..رقد على بطنه..وهو يرفض الأكل والشرب والحركة
وفى اليوم الثالث..أخذ يتنهد وكأن هناك جبل على صدره
وفى فجر اليوم الرابع..دس منقاره فى جناحه..وانتقل إلى رحمة الله
شفتوا بقه أد إيه..إحنا بنحب؟؟
كنت ساعتها صغير مش فاهم حاجة..ولا مدرك لقيمة الحب فى حياتنا..
انتوا عارفين إن إحنا رمز للسلام بس..من ساعة ما حملت إحدى الحمائم غصن زيتون من الأرض لسفينة نوح بعد الطوفان الرهيب..
واحنا عندكم رمز للسلام..
بس اللى ماتعرفهوش..إن إحنا رمز للحب والوفاء والصدق والبعث!!!1
ومش أى حد يفهم قيمة البعث..ولا يقدرها..إلا إذا كان بيحب!!!صدقونى والله..
الحب هو الحاجة الوحيدة..التى تخرجك من رتابة الأيام ومللها..
إنت ممكن ماتحبش نفسك..فتكسل تعمل حاجات كتير..لكن لو بتحب حد..تعمل المستحيل عشانه..المستحيل
الحب ده اللى بيخاليك تصحى فى عز البرد تنزل الجامع تصلى الفجر!!
الحب ده بيخليك تحارب عشان مراتك اللى بتحبها وولادك اللى مالهمش غيرك..
الحب ده اللى بيخاليك توطى على إيد مامتك تبوسها وانت بتعيط..
الحب هو الذى جعله الخالق سببا لرحمته..وهو الأحد الصمد..يرحمنا لأنه يحبنا..
فهمتم با بشر؟؟
تعالى الله وتقدس اسمه

نكمل الحكاية..

كنا نعيش فى فناء بيت رجل مهيب..ماشاء الله عليه..أبيض الوجه واللحيه والشعر..
تعرفونه جيدا..
المسافر دائما إلى الله
خليل الله
إبراهيم...أطيب وأحن منه لم ترى عينى..!!!
كم أحبه..أول من أطفأت نار الحب فى قلبه..نار الدنيا عن جسده..
مش فاكرين لما رموه فى النار وهو عنده 14 سنة..ماذا أنقذه؟؟
حبه لله..وحب الله له..
ناشا
قلبى بيدق لما بفتكرها فى أى لحظة..حتى وهى بجوارى
أول مرة أشوفها..كانت مع صديقاتها..جايين فى رحلة من البلد المجاورة
انتوا عارفين إننا بنطبر فى جماعات كحمام..
لفت إنتباهى من وسط 100 أنثى..
كنت بيضاء ونحيلة..أعذروها هى تخنت دلوقتى من الجواز كالعادة..
كانت فى الهواء..أرق من ريشة صغيرة تحملها الرياح!!!
شفتها من بعيد..ماقدرتش أبعد عينى عنها..وقلبى أعطى الأمر لعقلى..وعقلى أعطى الأمر لأجنحتى..
وفثانية ..طرت وراها
ساعتين..وهى مش حاسة بحاجة..
قوى أنا ووسيم..كل زميلاتها..إنتبهوا إلى..بل وأعجبوا بى..ولكنها لم تفعل..
كنت حاتجنن..أنا مش عايز دول..أنا عايزها هى..
تابعت الطير خلفها..أرقبها من خلف الصخور وأغصان الأشجار..بدأت أجنحتى تؤلمنى..لست أدرى كيف تحتمل برقتها كل هذه الساعات من الطيران المتواصل؟؟!!
بدأت صديقاتها يقفن عن الطيران لالتقاط الأنفاس..وهى لأ
كله تعب..وهى لأ...
واصلت الطيران..عنيدة هى باين عليها!!
وبرقت الفكرة فى رأسى..
لا يوجد فرصة أفضل من هذه..نفضت التعب عن أجنحتى..
وانطلقت كالسهم خلفها...غابت خلف جبل..فزدت من سرعتى لألحق بها..
تجاوزت الجبل..ما هذا
أين هى؟؟
لا لايمكن..يجب أن أراها..يجب أن أتحدث معها..
مستحيل..مستحيل تكون تاهت منى..راحت فين؟؟
دى ماغابتش عن عينى غير يادوب دقيقة..راح......

إنت بتدور على حد؟؟؟

سمعت الصوت ده جى من إحدى النتوءات فى الجبل..
أجمل صوت سمعته فى حياتى..ولن تسمعوه إلا من حور الجنة إنشاء الله
إستدرت مشدوها..فوجدتها واقفة..حاطة جناحتها فى وسطها..وصدرها يعلوا ويهبط من التعب..وعلى منقارها ابتسامة خفيفة..وفى عينيها نظرة عتاب..
يا رب السماوات!!ما هذا الجمال؟!!

لم أقوى على الإجابة
فقالت بنفس الصوت الحنون..بيتهايألى إنك طاير ورايا بقالك 3 ساعات..وأعتقد أنه من حقى أعرف ليه؟؟

تمتمت وهمهمت بكلمات غير مفهومة..وكادت الدموع تتساقط من عينى من فرط الإنفعال والإحراج..

عادت لتقول..ألن تقول شيئا؟؟؟
وأخيرا..خرج منى صوت..ضعيف مخنوق..لا تستطيع تمييز أى شئ منه..وقلت..آسف

قالت بتعجب..ماذا؟؟لم أفهم شئ..!!
حاولت إيضاح صوتى أكثر وقلت.. آسف
بس واضح إن المرة ده كانت أسوأ من اللى فاتت عشان هى ضحكت وقالت..
مالك إنت بالع كلب ولا إيه؟؟؟!!

ابتسمت غصب عنى..وغرقت فى عرقى..وكررتها مرة أخرى..آسف..وانطلقت مبتعدا قبل ما الأمور تزيد سوءا..وأحتاج كفولة!!

ذهبت إلى بيتى فى فناء إبراهيم..وجلست أبكى وأبكى..لماذا؟؟.. لست أدرى!!
أخذت أنذكر كلامها..وصوتها..
إن الكلام يتساقط من فمها كإنشاد البلابل..كتسبيح الكروان
لا أستطيع أن أنسى..لم أعرف حتىإسمها..دانا خيبة قوى!!!

إسمى ناشا..

فعلا إسم جميل..ناش..!!!!!!!

ماهذا؟؟!!!!
يا إلهى..إنها هى..تقف على عتبت عشى الصغير..مبتسمة ابتسامة عذبة!!
لسانى وقف..مش قادر أفتح بقى..
خرج صوتها الحنون ليقول مرة أخرى..
تبعتك إلى هنا..لقيتك بتكلم نفسك وبتسأل عن إسمى..وكنت سايب باب العشة مفتوح..فأعذرنى ..دخلت عشان أجاوبك عن السؤال!!!
ترقرقت الدموع فى عينى..لا أحتمل كل هذا الجمال..وكل هذه العاطفة..
بيتهايألى قلبى حايقف!!!!!!
ظلت تتحدث..وأنا لا أصدر صوتا..وأخيرا لم أعد أحتمل
نظرت فى عينيها وقلت..تتجوزينى؟؟!!!
لمحت فى عينيها نظرة غريبة..مزيج من السعادة على الدهشة على التعجب..لم أفهم..ولكنها قالت ماذا؟؟؟
كررت..تتجوزينى؟؟
قالت بالسرعة ده؟؟
سألت..ولماذا البطء؟؟
قالت مش يمكن أكون مابحبكش؟؟أتجوزك إزاى؟؟
كررت مرة ثالثة ولم أعد اطيق..تتجوزينى
سألتنى فجأة..بتحبنى؟؟
معرفتش أرد..فكرت من أول وجديد..السؤال كان صعب فعلا....ماوصلتش غير للكلام ده..
قلتلها
معرفش..بس أنا حاسس إن نبع الحب والسلام اللى جه بيه أحد أجدادى وهو شايل غصن زيتون فى فمه..مفتوح فى قلبى..
حاسس إن كل زهزر الأرض..تتمايل على بعضها عشان تتعانق
حاسس إن السحاب بيجرى ورا بعضه من الفرحة..
حاسس إنى عايش فى حلم..
حاسس إن الجليد حايدوب من حرارة قلبى
حاسس إنى نفس أقولك الكلام اللى قلتهولك ده..
كده يبقى بحبك؟؟
إنتهيت من كلامى وظللت أنهج وقد غلبنى الإنفعال!!

ولأول مرة..ألمح فى عينيها الدموع..ونظرة سعادة لم أكن لأتخيلها
قالت وهى تقاوم دموعها..موافقة
سألتها مستغربا..موافقة على إيه؟؟
ابتسمت إبتسامة غيظ..وقالتلى موافقة نشرب شاى سوا..حاكون موافقة على إيه يابو العريف؟؟

تعالت ضحكاتنا سويا..وقلت لها..يجب أن نذهب إلى صاحب هذا البيت ليبارك زواجنا..فسنعيش هنا
قالت لماذا هنا؟؟
قلت لأنه البيت الوحيد الذى ينثر الحبوب للحمام..وينثر الطعام للنمل..ويفتح الباب للضيوف..]ذبح أسمن عجوله حين يزوره الملائكه فيحسبهم ضيوفا من البشر!!!!

وانطلقنا إلى إبراهيم..ووقفنا عند قدميه..وقبلناهما
مد يده الكريمة..وحملنا..ثم أطلقنا فى الهواء
كانت هذه أسعد لظة فى حياتى..لن تتكرر مرة اخرى أبدا
وجاء الليل..ونامت ناشا
وظللت مستيقظا..أصلى لله حمدا وشكرا..
ولأول مرة فى حياتى..أخاف الموت..أخاف الذبح..عايز أعيش كتير
أصبح الآن لحياتى معنى أخاف على تركه..يارب..لم أبدأ حبى بعد

غلبنى النعاس..نمت..
رأيت نفسى طائرا فرحا
أتسابق معها بين حبيبات السحاب..
نتمايل مع النسمات..ثم..
فجأة
يأتى سهم..يصيبنى فى قلبى..يأخذنى بعيدا..
تصرخ هى..وأنا لا أقوى على الكلام..!!
صوتها يبدوا بعيدا وهى تصرخ..ثم
أستيقظ..
أستيقظ مقبض النفس..حزين

ومرت الأيام..وأنجبت ناشا..عشنا أحمل أيامنا..
اخترنا لنفسينا شجرة تطل على بحيرة..نقف عندها نتأمل الغروب كل يوم..
كان حبنا يتضاعف يوميا..
يومها فقط بدأت أشعر بأبى..وعرفت لماذا مات بعد أمى..
لم يستطيع التحمل..
قلوبنا هشة نحن الحمام فعلا!!1
لم يكن هناك شئ يؤرقنى..سوى هذا الحلم الذى يطاردنى..نصحتنى ناشا بالذهاب إلى طبيب نفسى
ولكنى رفضت..

ومضت الأيام
كم كان خليل الله عابدا لله..
محبا له..كم كان يكثر من كلمة آه!!!
عرفنا عنه الكثير..كان كثيرا ما يختلى بنفسه

وفى إحدى خلواته..رفع يده متضرعا لله قائلا:


رَبِّ أَرِنِي كَيْفَ تُحْيِـي الْمَوْتَى

ثم صمت قليلا..ثم قال..

بَلَى وَلَـكِن لِّيَطْمَئِنَّ قَلْبِي

كنت لحظتها أجلس أمام العش..وناشا فى الداخل تطعم الصغار..
امتدت يد إبراهيم إلى..
لم أقاومه..فوجودى فى يده يكسبنى شعورا بالبهجة..لا أستطيع وصفه..
حملنى..وحمل فى اليد الأخر سكينا..
لم أفهم شيئا..
لمحت ثلاث طيور مذبوحة بطرف عينى..
مازلت لا أفهم..
لماذا تصرخ ناشا؟؟
السكين يمتد إلى عنقى..
صراخ ناشا يتزايد..
مش فاهم حاجة..إخترق السكين عنقى..
عجبا.. لا أشعر بألم..
إنطفأت الدنيا فى عينى للحظة..ثم أضاءت..
ها هو صوت خليل الله يدعونا..كان معى الثلاث طيور الأخرى..
انطلقنا..وارتمينا فى أحضانه..لكم يحبنا..ثم خر ساجدا باكيا
مازلت لا أفهم..
عدت إلى العش مسرعا..لأفهم من ناشا ماذا حدث؟
لم أجدها..
لقيت الصغار بيصرخوا من الجوع
عينى احمرت من الغضب..إزاى تسيب الصغار كده..لازم يكون قيه عقاب على الحركة ده عشان ماتتكررش تانى..
أنا عارف هى فين..ده وقت الغروب..غريبة..وقت الغروب جه فجأة كده ليه..ما علينا
طرت مسرعا إلى مكاننا المعهود..وجدتها واقفة على الشجرة..وقفت بجوارها..لم تشعر بى..
قلت لها غاضبا..فيه إيه يا ناشا..إزاى تسيبى الصغار كده؟؟

سمعت صوتها بيعيط..قالت..يا إلهى..يبدوا أنى سأجن..أسمع صوته فى أذنى؟؟
لم أفهم..ولم أحتمل بكاءها
أدرت وجهها نحوى بجناحى وسألتها..حبيبتى..مابك..إيه اللى حصل؟؟
أول ما شافتنى..تراجعت بعنف وصرخت..
مستحيل..
سألت مندهشا..إيه المستحيل؟؟
قالت وهى تبكى من فرط الإنفعال..يإلهى ..كيف..لكنك...
ثم ارتمت بين جناحى وهى تبكى
لا أستطيع أن أحتمل دموعها..سألتها ماذا حدث يا حبيبتى؟؟
قالت وهى تدفن وجهها فى صدرى.لقد رأيت إبراهيم وهو يذبحك أمام عينى..ثم وضع جثماك بعيدا
ماقدرتش أستحمل المنظر..
وزاد بكاءها

حاولت أحسب الأمور..حاولت أفتكر كل كلمة..اللى حصل ده ي إما صحيح..يا إما ناشا اتجننت

يا إلهى العظيم...تذكرت!!!!!!!

رَبِّ أَرِنِي كَيْفَ تُحْيِـي الْمَوْتَى

قالها إبراهيم..نعم قالها..نعم وضحت الأمور الآن..
كل ماحدث هو آية لإبراهيم لكى يطمئن قلبه..لا إله إلا الله..صرخت بها
أفاقت ناشا ورفعت رأسها وقالت..ماذا؟؟
شرحت لها كل شئ بالتفصيل..ما قاله إبراهيم..وما حدث..ووعينا ما حدث جيدا..

قالت..يا إلهى..إلى هذا الحد يحب الله إبراهيم؟؟
قلت..ويحبنا أيضا يا حبيبتى

نظرت فى عينى..وغابت الشمس..وعدنا إلى الصغار
ها..شفتم بقه أنا بحمد ربنا ليه؟؟
شفتم بقة ربنا بيحبنى أد إيه

يارب يا بنى الإنسان..تحب بعض..زيى أنا و ناشا كده

الحمد لله رب العالمين


وانتظروا الحلقة الرابعة مع ذئب يوسف

الحلقة الرابعة

ذئب يوسف


بسم الله الرحمن الرحيم

قَالُواْ يَا أَبَانَا إِنَّا ذَهَبْنَا نَسْتَبِقُ وَتَرَكْنَا يُوسُفَ عِندَ مَتَاعِنَا فَأَكَلَهُ الذِّئْبُ وَمَا أَنتَ بِمُؤْمِنٍ لِّنَا وَلَوْ كُنَّا صَادِقِينَ

(يوسف 17)


حسبى الله ونعم الوكيل!!!!!!
حسبى الله ونعم الوكيل فيكم فعلا..!!!
أنا كنت أقسمت إنى لا أقربكم..ولا أكلمكم..ولو كنت حتى بموت من الجوع..مش حهاجم حد فيكم..!!
كونى إنى آكل حد منكم..ده شرف إنتواماتسحقهوش..!!
إنتوا تستهلوا أبشع حاجة فى الدنيا..!!
تستهلوا إنكوا تتقطعوا حتت وتتحطوا على باب جزار ..!!
أو يخدوكوا بطيارة هليكوبتر ويسويبوكوا فى الصحرا شهر..وانتوا معاكوا ماء ليوم واحد!!
تستهلوا اى حاجة بشعة وخلاص..!
جتكم القرف!!!

مستغربين من اللهجة ده؟؟؟
ماتستغربوش..لولا الرقابة ..أنا كنت وريتكم الويل والعذاب اللى محدش شافه !!
ماتستغربوش خالص...
غصب عنى ححكيلكم حكايتى...وحاتعرفوا إنكم ماتستهلوش غير الشرور..!
قليلون منكم من يستحقون الخير..وأعتقد أنهم معدومين هذه الأيام!
إسمعوا..إسمعوا يمكن تستفيدوا حاجة..ترحمكم من غضب ربنا..يمكن!!

ذئب أنا..نعم ذئب..
حياة الذئاب مش مريحة إطلاقا زى حياتكم..
كل واحد فيكم بيروح يقعد قدام الدش يتفرج على شكيرا. .!!
إحنا لأ..!!
معنى إنك تكون ذئب..يعنى عندك أنياب ومخالب صريحة..مش زيكوا..
عندكوا أنياب ومخالب بس مدارينها خلف إختراع إسمه الإبتسامة!!
إختراع جيد الإختراع ده..ولو نعرف نوصله كذئاب..أوعدكم إن بنى جنسى مش حيبقوا حد منك على وجه الأرض!!
كذئب..أنا هدف لحملات مستمرة من البشر..منكم يعنى!!
حانق أنا بعض الشئ..أعذرونى..أو ماتعذرونيش..مش حاتفرق معايا..!!
أنا أساسا حاسس إنى عايز أرجّع من الجلوس معاكم..عشان كده مش حاطول فى الحكاية!

الدنيا برد..حاتسألونى إيه اللى جابك فى المكان البارد ده؟!!
جيت أدور على أخويا الصغير.!!!

نعم..أخى الأصغر..يكاد قلبى يتمزق من فراقه!!
أنا أساسا من مصر..فيوم كنت بلعب أن و أخويا..جرى منى..فضلت أدور عليه!!
بس مالقيتوش..فضلت أتعقب الرائحة..لحد مااختفت..!!
كنت حاتجنن..مشيت من طريق لطريق..ومن بلد لبلد..لحد ما لقيت نفسى نا فى هذه البلاد الباردة!!
وقلبى حاسس إنى حلاقيه!!!

ما أجمل أن تقف على باب كهفك كذئب وتعوى فى ضوء القمر..
لنا ستة أنواع من العواء..لكل واحد معناه الخاص وتعبيره المتميز..وعلى رأى محمد فوزى..لكل لون معنى ومغنى!!
أهمها هو عواء المطاردة المروع..هذا العواء ينتشر فى كل مكان..فلا تعرف الفريسة من أين يأتى الهجوم...ثم فجأة..
تجدنى أمامهاواه يابووو!!
ضربة واحدة من المخالب..وانتهى الأمر!!
ياما نفسى أمسك واحد فيكم!!!

ذئب يوسف...
هكذا سميت..
وبهذا الاسم تعرفوننى
ذئب يوسف!!!

لا حول ولا قوة إلا بالله
تعرفوا إنى ماشفتش يوسف ده ولا حتى قربت منه قبل كده؟؟
ولا حتى أعرف شكله إيه
شفتو الظلم؟؟
لو فيه علاقة بينى وبين يوسف..حاتبقى هى نفس العلاقة بين الفسيخ..ودكتور أمراض النساء..أو بين إسماعيل ياسين..والبندقية الآلى!!!!

مش عارف إيه اللى دخلنى فى الموضوع ده..منكم لله يابشر!!!
فى إحدى الليالى المقمرة..وقفت قدام باب الكهف أعوى..!!
رفعت رأسى وتشممت الهواء..أستطيع بأنفى المتواضع..إنى أميز بين أكثر من 40 رائحة..
هذه أعشاب..وهذه أشجار.. وهذه زهور ..وهذ..
ما هذا؟؟
أن أن أن آآآآآآآآن..تشششش!!
رائحة خرافواه يابووو...وقعت ياجميل ولا حدش سمى عليك...!!!
أغبى حاجة فى الخروف..إنه مابيستعملش (فيبكس) زى عباس..عشان كده رحته فايحة على طول:هع:!!!!
..ويبدوا إن الخروف ده بذات..ماستحماش بقاله فتره..عشان مراتى نفسها صحيت من النوم ووقفت جنبى تتشمم الهواء!!!
قلتلها إدخلى أنت مع الأولاد (مانا متجوز ومخلف)..وحاشوف فيه إيه وأرجعلك!!!
دخلت هى الكهف..وانطلقت أنا أهبط التل متتبعا الرائحة!!
وأخيرا وصلت..وجدت مش خروف واحد..قطيع من الخرفان..
بس للأسف..فيه 10 بنى آدمين قادين حولين دايرة نار بيتكلموا...
أكيد القطيع ده بتاعهم..أمشى أنا بقة..واستدرت عائدا..و..

ينبغى أن نتخلص من يوسف

اخترقت العبارة أذنى..فتوقفت..الفضول يملأنى..إن مؤامرات القتل هذه تذكرنى بالأعمال السينمائية..وأنا أحب السينما!!
فكان يجب أن أسترق السمع...
قال أحدهم

لَيُوسُفُ وَأَخُوهُ أَحَبُّ إِلَى أَبِينَا مِنَّا وَنَحْنُ عُصْبَةٌ إِنَّ أَبَانَا لَفِي ضَلاَلٍ مُّبِينٍ

كل اللى فهمته كده إن فيه واحد إسمه يوسف..عايزين يقتلوه..
وواضح كده إن أبوهم بيحب يوسف ده أكتر منهم..بينى وبينكم..زعلت عشانهم..
أبوهم بيحب واحد غريب أكتر منهم..حاجة تثير الغيرة فعلا!!!

واحد تانى منهم قال

اقْتُلُواْ يُوسُفَ أَوِ اطْرَحُوهُ أَرْضًا يَخْلُ لَكُمْ وَجْهُ أَبِيكُمْ وَتَكُونُواْ مِن بَعْدِهِ قَوْمًا صَالِحِينَ

ياسلام..دا إيه المؤامرات ده؟؟

وجه واحد تانى قال:

لاَ تَقْتُلُواْ يُوسُفَ وَأَلْقُوهُ فِي غَيَابَةِ الْجُبِّ يَلْتَقِطْهُ بَعْضُ السَّيَّارَةِ إِن كُنتُمْ فَاعِلِينَ

وسأل أصغرهم كده من الشكل..
ماذا نقول لأبينا يعقوب حين يسألنا عن أخينا يوسف؟؟

ده إيه السؤال الغبى ده..ياعم أبقوا قولو....
إيييييييهواه يابووو؟؟؟؟؟؟؟؟؟؟؟؟؟؟؟؟؟؟؟
أخوكمواه يابووو؟؟؟؟؟؟؟؟؟؟؟؟؟؟؟؟؟
يانهاركم إسود ومنيل؟؟؟؟؟؟؟؟؟
عايزين تقتلوا أخوكم يا بشر؟؟؟
وأنا الذئب..خرجت من مصر وجيت لحد هنا..عشان أدور على أخويا الصغير:siiif:؟؟
وكمان اخوكم الصغير؟؟؟؟
إيه ده..مافيش رحمة:؟؟؟؟؟؟؟

تذكرت أخى وبكيت ..واستدرت عائدا..ولكن عاد الحوار يجذبنى مرة أخرى..
إن رائحة هذا الحوار ..تفوق رائحة قطيع الخرفان!!!!!!!!
الإتنين ريحيتهم زى الزفت!!!

عاد أحدهم يقول..نقول ليعقوب..تاه يوسف منا...
يقول آخر..كيف يتوه ونحن معه..مفقوسه ده مش كده؟
يقول ثالث.. خلاص..نقول أكله الذئب..ما رأيكم؟؟؟
يرد رابع..فكرة رائعة..أكله الذئب وكنا غافلين عنه؟؟؟

طبعا مش حاقلكم كم الغيظ اللى كان جوايا منهم ساعتها؟؟
أنا مالى..ولا أى ذئب مالو؟؟
إحنا كلمناكم ولا عملنا فيكم حاجة؟؟؟
حسبى الله ونعم الوكيل
انقسموا إلى قسمين..قسم يؤيد فكرة القتل..وقسم يؤيد فكرة رميه فى بئر..
ولكنهم اتفقوا على فكرة الذئب!!!!!

افترضوا أن أباكم لم يصدق قصة الذئب؟؟
انتزعنى هذا السؤال من أفكارى..
رد أحدهم...نصطاد ذئبا..ونلطخه بدم شاه..ونفس الدم نلطخ به قميص يوسف..ونذهب له به..آدى الذئب..وآدى الدم نياهاهاها!!!

يا إلهى الرحيم!!!!!!!!!!!!
ما هذا الشر...؟؟؟
مش ممكن ده يخرج من بنىآدمين..دحنا الذئاب لا نجرؤ على هذا الفكر الشيطانى!!!!

طب أبوكم بيحبوا قوى..ناخدوه منه إزاى..مش حايرضى يسيبه؟؟

عاد هذا السؤال ينتزعنى من أفكارى مرة اخرى...

قال آخر بثقة..بسيطة..نقول له يوسف مابيلعبش..والمفروض تفك عنه شوية..خليه ييجى معانا يلعب براحته واحنا طالعين بالقطيع!!
قال الجميع فى آن واحد..فكرة رائعة!!!

سمعت ساعتها صوت كلب..باين عليه شم ريحتى..يوه..نسيت أحط فيبكس..وبيستعد للقتال..
طبعا أنا ماكنتش فى حالة نفسية تسمح بأى حاجة..يعنى مش فاضيله بصراحة!!

أطلقت عواء طويل حزين استدرت أركض كالسهم..وظللت أعوى إلى أن وصلت لكهفى..ودخلت على زوجتى
صحيت على طول أول لما دخلت ووقعت الفاظة اللى جنب باب الكهف على طول..

-قالتلى مالك فيه إيه؟؟
-مافيش حاجة
-لونك مخطوف ووشك متغير
-اللعنة (لاهثا)
-اللعنة؟؟فيه إيه قلقتنى؟؟
-اللعنة..ألف لعنة!!!
-فيه إيه يا عبده(اسمى)؟ ماشفتكش بالمنظر ده قبل كده؟ حد حاول يصطادك؟
-ياريت ياختى..كانت هانت
-معتقدش إن فيه حاجة أهون من اصطيادك؟
-لأ فيه..إخرصى بقة خلينى أفكر شوية؟
-إنت بتكلمنى كده ليه؟؟و أنا اللى ضايقتك..حرام عليك ياعبده..مش كفاية مستحملة قرفك وقرف عيالك؟؟والله لألم هدومى واروح عند ماما
-إغزى الشيطان يا منيرة..الصباح رباح..أنا آسف ياستى
-ابنك الصغير سأل عليك..قلتلو بابا خرج يصطاد!!

هى عارفه قد إيه أنا ضعيف أمام ابنى الصغير..صحيته..ولعبت معاه شوية..
وكالعادة ..افتكرت أخويا الصغير..طبعا العيال كلها صحيت..فكان لازم ألعب معاهم كلهم..لحد ماناموا تانى..
رجعت..لاقيت منيرة واقفة أمام باب الكهف..طلعت وقفت جنبها..الجو كان تلج فعلا.!!
قالتلى
-ماقلتليش إيه اللى حصل فى رحلتك؟
-كانت رحلة سودة ومنيلة بنيلة..يارتنى ماخرجت..
-ليه بس كده..لا حول ولا قوة إلا بالله
-طلعت أدور على صيد..لقيتهم بيدوروا عليا!!
-الخرفان؟؟
-خرفان إيه ياوليه..بشر طبعا!!
-بيدوروا عليك ليه؟؟
عشان أنا حاكل يوسف!..
-يوسف مين؟؟
-ورحمة أبويا معرف !!
-أنا مش فاهمة حاجة؟؟
-ولا أنا..شوية اخوات عايزين يقتلوا أخوهم الصغير..ويقولوا لأبوهم..الذئب كله!!
-بس انت عندك القولون..ومبتحبش اللحم الآدمى؟؟
-ولا أى ذئب بيحبه..بس تقولى إيه بقة..أكيد لما يقولوا كده لأبوهم..ويرحولوا بأى ذئب..أبوهم حياكله حى!!
-لولا إنى عارفاك..كنت قلت إنك شربتلك حاجة أو كلت من شجرة جوزة الطيب!!
-أنا مش مجنون ولا سكران..أنا حتجنن...افتكرت أخويا اللى أنا هنا عشانه!!

ثم صمت قليلا وقلت
-عوى الذئب فاستأنست بالذئب إذا عوى وصوت إنسان فكدت أطير
-نعم ياخويا؟؟ (مستغربه)..إيه ده إن شاء الله؟؟
-شعر ياجاهلة!!!
-وانت من إمتى بتقول شعر؟؟ماكنتش أعرف
-أقول اللى أقوله..ماتوجعيش دماغى
-سبع صنايع والبخت ضايع ياحبيبى..كلك مواهب!!
-بكرة ينسبوا الشعر ده لواحد من بنى الإنسان..هييه..دنيا..العيال كلت؟؟
-ماتقلقش..من بدرى

نكست رأسى وافتكرت أخويا وذهبت فى حزن عميق...
كنت وزعت صوره على كل بوليس الذئاب فى المنطقة..يمكن يجيبوه.
ودخلت نمت..ياترى إيه اللى حايحصل بكرة ليوسف..
عدى بكرة..وجه بعد بكرة..كان معاد الصيد..
الذئاب بتصطاد فى جماعات..الجماعة من 6 ل 12..حسب لتساهيل
كنا 10 ذئاب مخضرمين..و 2 لسه جداد فى الكار..
واضح عليهم كده البله والعته..وإنهم حايودونا فى داهية..ربنا يستر

بدأ كل واحد يقترح إقتراح للصيد...
وجت الفكرة فى رأسى.فكررة.هؤلاء الإخوة..لازم أضرهم بأى حاجة..
قطيع الخرفان بتاعهم
إقرحت الإقترح..ونال الإعجاب والإحترام!!
وانتلقنا على الفور إلى المكان..
ونحن نحيط بالمكان..فوجئت بمن بنادى..عبده..عبده...
استدرت..فوجدت باحد أفراد بوليس الذئاب المكلفين بالبحث عن أخى..
سألت بلهفة..هل من جديد..
كانت عيناه بها سعادة جمة..وقال
أيوه لاقيناه..شوية كلاب ضحكوا عليه وأقنعوه إن هو كلب زيهم..واحنا دلوقتى بنرجعلوا ذاكرته الذئبية
ياسعدى..ياهنايا...حبيبى..أخويا..لقيته..مش ممكن!!!!!
طب أشوفوا..
قاللى..حاجيبهولك لحد هنا..بس استنانى..سيك من الصيد ده النهارده..
حاسيبنى من أبوه..من بكرة الصبح..حاخد العيلة وأطلع على مصر..حبيبتى
أحمدك يا رب!!

ذهب الذئب البوليسى
واستدرت..لأجد ماتوقعته..الحمقى الصغار..الذئبين الجداد..انطلقا فى خط مستقيم ناحية الخراف!!
لم أكن لأتركهم...انطلقت خلفهم وأنا أعوى..انتظروا!!مش دلوقتى يابهايم!!!!
مش دل...
إيه ده..
إنه فخ..
استيقظ الرجال العشرة..
حبل يلتف حول قدمى..
أرتفع لأعلى..شبكة فوقى...ركلات وضرب بالعصى..هرب كل أصدقائى الذئاب..
حتى الإتنين الحمقى هربوا..
حسبى الله ونعم الوكيل..
هم العشرة عليا..ياترى عملوا إيه فى يوسف؟؟؟
يوسف مين صحيح؟؟..حسبى الله ونعم الوكيل
ذبحوا شاه..ولطخونى بدمها..
حملونى إلى بيت قريب..قرعوا الباب..
فتحت لهم أنثى..ثم صرخت..دخلوا على رجل عجوز..!!
أقسمت إنه يعقوب الذى يحكون عنه..أنا أعرف أن فى هذه الرقعة من الأرض...نبى..
لم أكد أرى هذا الشيخ..حتى أقسمت أنه هو..
نظر إليهم بحزن وسخرية..
قالوا له..هذا هو الذئب..أكل يوسف امبارح..وجه ياكل الخراف النهارده..
كان حايغمى عليا..فى أبشع كوابيسى..لم أكن أتخيل أن أكون أنا الذئب الذى يحكون عنه!!!
حسبى الله ونعم الوكيل..
صرخت إحدى الإناث..اقتلوه...
أشار إليهم يعقوب..اتركوه لى..
تركونى وخرجوا..
خلت الغرفة من غيرنا...
نظر إلى بحزن...ثم ذهب إلى آخر الغرفة..وأحضر شيئا وعاد وقال..
هذا قميص يوسف أيها الذئب..
ثم فاضت عيناه بالدموع وألقى إلى بالقميص وقال..حدثونى أنك أكلته!!!

بكيت لبكائه وقلت..أقسم لك سيدى..كل ذئاب الدنيا بريئة من دم يوسف..

ابتسم ايتسامة مريرة وقال ..أعلم هذا..كيف تفترسه.ويظل قميصه سليما؟؟؟!!
إنها غلطتى أنا..
قلت باندهاش..لماذا يا سيدى؟؟

قال جاؤونى فقالوا

يَا أَبَانَا مَا لَكَ لاَ تَأْمَنَّا عَلَى يُوسُفَ وَإِنَّا لَهُ لَنَاصِحُونَ . أَرْسِلْهُ مَعَنَا غَدًا يَرْتَعْ وَيَلْعَبْ وَإِنَّا لَهُ لَحَافِظُونَ

فقلت لهم

إِنِّي لَيَحْزُنُنِي أَن تَذْهَبُواْ بِهِ وَأَخَافُ أَن يَأْكُلَهُ الذِّئْبُ وَأَنتُمْ عَنْهُ غَافِلُونَ

أترى؟؟
قلت ماذا فى ذلك؟؟

قال..لقد قدمت خوفى منك على حفظ الله له..فكان لابد من العقاب!!!
ولكن ياسيدى هذا خطأ غير مقصود..إنه قلب الأب..
قال..ليس مع الأنبياء أيها الذئب..لقد اصطفانى الله نبيا..كيف أغفل ولو لحظة؟؟
ثم أجهش بالبكاء ..
غرقت فى أفكارى معه..أصابنى غم وحزن من أجله شديد..وسخط على أبنائه أشد

رفع رأسه فجأة وقال..كيف أتوا بك؟؟

قلت..أقسم لك سيدى..أننى غريب عن هذه البلدة..أنا من مصر..وجئت أبحث عن أخى الصغير..فشاء الله أن أتزوج هنا وأنجب أيضا!!!!

أمسك يعقوب بقميص يوسف..وضمه إلى صدره..وقال..
الذئب قطع الأرض يبحث عن أخيه..وأبنائى قتلوا أخيهم..
صرخت..لا لم يقتلوه سيدى
قال بلهفة..ماذا؟؟
قلت سمعتهم يقولون أنهم سيلقوه فى بئر ليلتقطه بعض السيارة..
انفرطت الدموع من عينيه..وقال...حمدا لله..حمدا لله..أستغفرك ربى وأتوب إليك!!

قلت له..من فينا الذئب الآن يا سيدى..أنا أم أولادك؟؟

نظر إلى نظرة..لم أفهمها حتى الآن..وربت على رأسى..ثم نزع عنى الحبال..وقال ...انطلق...
يا إلهى..أنطلق؟؟ لأرى أخى؟؟لأرجع إلى زوجتى وأبنائى؟؟لأعود إلى مصر؟؟
نظرت إليه نظرة امتنان وقفزت من النافذة
وانطلقت..لمحت الذئب البوليسى واقف خلف شجرة..
و لكنه ليس بمفرده..
معه ذئب صغير..
إته أخى..نعم..إنه هو..إن..

لقد أطلق أبونا الذئب..اقتلوووووووه :evilish:

فوجئت بأبناء يعقوب يركضزن إلى بالكلاب والسهام والحراب..
اخترقت السهام جسدى..
أريد أن أرى أخى..
لا أريد أن أموت فى هذا المكان..جريت بنصف قوتى..
ها هو أخى على بعد أمتار..إنه هو..يا إلهى..جميل كما كان..
سهم آخر..
أخى كيف حالك..
الدموع تتساقط منه..لماذا؟؟
لماذا يجره الذئب البوليسى بعيدا..
ماهذا..لم أعدد أرى شيئا..ظلمة..أسمع صوت يعقوب يقول

بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللّهُ الْمُسْتَعَانُ عَلَى مَا تَصِفُونَ

ثم..لاشئ..

اتمنى ان الحلقات الى الآن تكون عجبتكم

ومنتظر كل واحد يقولى انى اكتر حلقة عجبته

انا عن نفسى عجبتنى حلقة طير ابراهيم لانى حسيت فيها اد ايه الحمام مخلوق جميل ورقيق

يا اينشاتين ابقي اصبر شويه بين الحلقات
علي ما الناس تقري الحلقات الاولي
يعهني استني بقي شويه مش تكتب حلقات تانيه دلوقتي خالص
لان كل حلقه طويله

ان عايزه حلقه كب اهل الكهف

ايه يا جماعة الموضوع وحش ولا ايه

الموضوع مش حلو ايه ده الموضوع اكثر من رئع
جزاك الله كل خير

يا اينشاتين ابقي اصبر شويه بين الحلقات
علي ما الناس تقري الحلقات الاولي
يعهني استني بقي شويه مش تكتب حلقات تانيه دلوقتي خالص
لان كل حلقه طويله

يعنى احط كل يوم حلقة ولا ايه
ماش انا هاستنى عليكم لحد ما تخلصوا قراية وبعد ما تخلصوا ابقوا قولولى عشان اكمل وبعدين انتى بطيئة ف القراية ليه هه ليه ؟


شكرا على المجاملة الرقيقة يا وردة وشكرا على الدعاء

حلقة كلب اهل الكهف جاية بس كمان اربع خمس شويات

ممممممممم يعني يا عم استني يجي يوم بين كل حلقه
يعني يوم تكتب فيه الحلقه واليوم التاني تشوف الرد
واليوم اللي بعديه تكتب كمان حلقه كده يعني
علشان فيه ناس مش بتدخل كل يوم باستمرار(زيي يعني)
وانا عاوزه اتابعهم :P :)

انا عندى راى انت ممكن تعمل جدول فى الايام (يعنى يوم اى ) و الحلقات بحيث ان كلوا يقدر يتابع

اوكى

انتوا بس تأمروا

اكمل ولا ايه يا جماعة

انا مش شليف اى تشجيع او اهتمام

كمل يا اينشتاين
رحمة
جزاكم اللة خيرا

شكرااااااااااااااااااااااااااااااا

اوكي كمل بقي يا اينشتاين
لاني مستعجله لباقي الحلقات

حاضر

وان مينيت

الحلقة الخامسة ( حوت يونس )


"فَالْتَقَمَهُ الْحُوتُ وَ هُوَ مَلِيمٌ، فَلَوْلَا أَنهُ كَانَ مِنَ المُسَبحِينَ، لَلَبِثَ فِى بَطْنِهِ إِلَى يَوْمِ يُبْعَثُونَ"

طبعا مش هقعد اعيد تانى فى اللى عمله اصدقائى الشهود الاربعة اللى فاتوا فى تهزيئكم اللى انتوا تستاهلوه . أنا هدخل فى الموضوع على طول بس ده ميمنعش انى بين الحين و الآخر أقول كلمة كدة من باب تذكيركم بمقامكم و صورتكم الزفت اللى كونتوها عندنا. قننبلة
طبعا تسمعوا عنى
مش بس كدة . دانتو بتترعبوا منى
و مع ذلك هعرفكم بنفسى
أنا حيوان بيعيش فى البحر
جسمى مدور زى حرف النون . و خاللو بالكم من نون دى.
ديلى بس لوحده كفيل بأنه يعمل إنفجار أجدع من انفجارات هيروشيما و نجازاكى بمجرد إنى بس أضرب بيه المحيط.
ساعتها تلاقوا شلال مياه ينحدر لأعلى .
ما هو اصل عندنا فى البحر الانحدار لأعلى مش زى عندكم على الأرض كل حاجة بتنحدر لأسفل.
كل حاجة عندنا لأعلى و كل حاجة عندكم لأسفل " جاتكم القرف".دايما كدة ذالين نفسكم الله يكسفكم.
بتنفس لأعلى و بعمل شلال مياه لأعلى و أنتم عندكم على الأرض ينهار الشلال لأسفل و تسقط الثمار بردو لأسفل و غيره و غيره..........
تقدر سعادتك يا إنسان تسمع ضربة ذيلى على بعد اميال و تقدر تشوف شكل الحيوانات و الأسماك و هى مرعوبة و تفر هربا من مجرد سماع الصوت.
فأنا أعتى جبابرة البحر فى البحر . لكن قدام ربنا:صلاة: فأنا أضعف من نقطة مياه . آه و الله.
ما هو كل المخلوقات لازم تكون عارفة كدة. و تكون عارفة إن نهايتها الموت . إلا مخلوق واحد بس عارفين مين هو؟ أنتوا يا بنى ادمين . يا ساتر مش طايقكم . مش طايق سيرتكم . انتم المخلوق الوحيد الذى ينسى . الذى يتناسى. جواكم غرور غريب من نوع خاص .
نفسى أفتح فمى و أضحك . مش إعجاب لا سمح الله . لا . سخرية منكم و من تصرفاتكم و أحوالكم
لكن للأسف معرفش غير انى أكشر بقوة .. هو ده قانوننا و قانون قوتنا .
بصراحة لا أنا ولا أى حوت بيطيقكم و ده طبعا مش من فراغ . ده له قصة طويلة . طبعا عايزين تعرفوها . قال يعنى مش عارفينها . ده إيه البراءة دى ؟ جاتكم البلاوى . و مع ذلك هعمل أهبل و أحكى لكم القصة .
القصة خلاصتها إنكم كنتم السبب اننا نسيب مكاننا القديم على الأرض . عايزين التفاصيل طبعا كعادتكم مملين .
أجدادنا كانوا عايشين على الأرض . وقتها كانوا أقوى بكتير و أكبر حجما من الديناصورات لكن الديناصور خلا ص كان بدأ ينقرض .
الأرض ساعتها كانت بتستعد انها تستقبل وافد جديد سمعنا عنه كتير . هو الإنسان . مش عارف ايه اللى حصل أول ما سمعنا عن قرب وفود الإنسان . حصل خير اللهم اجعله خير و بعيد عن السامعين غضب شديد و صراعات عاتية و اندفعت الحيوانات كلها تقتل فى بعض لحد مبقاش فاضل غير جنس الحيتان . ماهو مكانش فيه أكبر ولا أقوى مننا .
بصوا جدودى حواليهم ملاقوش وحوش منافسة . ملاقوش أكل . ملاقوش أى حاجة تديهم الأمل أنهم يستمروا على الأرض . الحياة لم تعد ممكنة .
ساعتها مكانش قدامنا غير حل من اتنين : نستنى على الأرض و نجوع و نموت أو أننا نقفز فى المياه و ننجى نفسنا . سألنا المنتصر بالله و قولناله ايه رأيك؟ قاللنا لو جربتوا الحل التانى no problem . مكدبناش خبر و قفزنا كلنا فى المياه عشان يخلالكم الجو يا بنى آدمين الله يوكسكم .
قيل لأسلافى و هم يغرقون فى المياه : طوبى لكى أيتها الكائنات العظيمة ، تصيرون ملوكا للبحر لا ينازعكم عليه غير الإنسان ، يطاردكم أحياء و أموات . بعد موتكم تصيرون عطرا لعدوكم و زيتا لقناديله و طعاما لأطفاله و دواء لأمراضه ، لقد سخركم خالق الكون للإنسان .
و مع ذلك كان لينا فى البحر ميزات اكتر . آه و الله . فحجم المياه أكبر من حجم الأرض 4 مرات و فرصتنا فى النمو اكبر بـ 4 مرات و طعامنا أكتر بــ 4 مرات .
لكننا نزلنا فى البحر شايلين فى قلبنا منكم يا بنى ادمين .
كل اللى قلته ده حاكتهولى خلية فى جسد أمى قبل ما أتولد.
أنا فاكر كويس و انا صغير شكل ابويا سممكة. كان ايه ولا عنتر زمانه . كان قوى . كبير الحجم . طوله 90 متر و نص ، و كانت أمى هى مراته التالتة أصل أبويا كان نمس:هع:!!!!!!!!!
يعنى تقدروا تقولوا بلغتكم كان شبه الحاج متولى و لا العطار مثلا........!!!!
بس أمى بقى كانت ايه ... جميلة . رشيقة . شعرها أصفر و عينيها خضرا . كانت حاجة تفرح . و كانت أم مثالية بمعنى الكلمة . لكنى عمرى ما شفتها بتضحك. ولا أبويا طبعا .
انا فاكر مرة سألت أمى ليه احنا مبنضحكش ؟
زعق لى أبويا و قاللى إخرس " بس كانت اخرس احسن من اللى قالها عماد حمدى فى فيلم الخطايا" و قاللى اوعى اشوفك تقول كدة تانى . بص بعدها لأمى و قاللها : إبنك طلع رهيف زيك يا فالحة . دى آخرة دلعك ليه و قعاده جنبك على طول.
بعدها خدتنى أمى و قالت لى فى ودانى بهدوء : يابنى يا حبيبى انت وحش , اوعى تضحك . خليك مؤدب و كشر على طول متكسفنيش قدام أبوك. و كانت تلك البداية .
عرفت بعد كدة إن أبويا كان وقتها سيد البجار كلها . مشوفتوش إلا مرتين ولا حاجة . و كنت طول الوقت مع امى الله يمسيها بالخير كانت حنينة طول عمرها . عمرى ما شفتها غضبانة إلا مرة واحدة لما جه سرب من أسماك القرش يهاجمنى و انا بلعب قدام بيتنا . فكرتهم ساعتها جايين يلعبوا معايا . لكن لاقيتهم جايين يعضونى . ساعتها كنت عبيط مش فاهم حاجة فصرخت و قلت : يا ماماااااااااااااااااا. إلحقينى يا ماماااااااااااااااااا و عنها . كان يومهم أسود من قرن الخروب . أمى بلا فخر بهدلتهم و معرفوش يطولوا منى غير قطعة من لحم الذيل " ياعععع" و التى بها أصبحت علامة مميزة فى جسدى. و من ساعتها و أنا إسمى : حوت العنبر الأبيض ذو الذيل المشوه .
و من ساعتها بردو و مفيش سمكة قرش واحدة تقدر تهوب ناحية الحى بتاعنا " المنطقة يعنى"
أنهيت فترة رضاعتى و أذكر فى مرة رجع أبويا البيت متأخر كعادته " بيلعب بلى مع أصحابه" و قبل ما تسأله امى : كنت فين؟؟؟؟ لحق هو نفسه و قاللها : إيه اللى حصل لذيل الولد ده يا هانم ؟؟؟
قالت : هاجمه سرب من السمك القرش . فرح ابويا ساعتها مش عارف ليه ؟ و قاللها : عظيم و هو عمل ايه؟ قالت له أمى بخوف و بذكاء معا : عمل زى أى و حش صغير .
فرح ابويا قوى ساعتها و قال : الحمد لله و بص لى و قاللى : خلاص انت كدة انتهت طفولتك و بكرة هتبدأ دروسك . " طبعا لو كان ابويا عرف الحقيقة و انى صرخت و ندهت على امى مكانش حرمنى من المصروف زيكم تويتيا بنى ادمين يا متدلعين ، ده كان حرمنى من الحياة كلها ، إسسعافو ماهوش بعيد عليه ، عملها قبل كدة مع 3 اخواتى .
بدات أتعلم الدروس و من حظى الاسود أن المدرس كان هو ابويا و كان معايا 6 زمايلى من الحيتان الورور الصغيرين . ساعتها كنت خايف جدا من أبويا و بحس بشوق غريب لأمى . خد باله المدرس من اللى جوانا فقال: عندما يغادر الحوت أمه يغادر سجنه الأصغر ، فإذا غادر اباه غادر سجنه الاكبر ، بعدها ينطلق وحشا فى المحيطات لا يوقفه شىء.و كان طبيعى أن اول درس يكون كيفية استخدام الذيل .
قال أبى : نبدأ بأكثركم و حشية و شاور عليا " ما هو مخدوع يا عينى ميعرفش حاجة !!!"
قعدت أبص حواليا قال يعنى مش واخد بالى ، خبطنى زميلى اللى جنبى بذيله و قاللى : كلم جالك الموت يا تارك الصلاة . سألت ابويا : انا يا بابا؟
ـ هنا مفيش بابا يا غبى بالكررسي، هنا أنا المدرس
ـ أقفز الاول ولا أضرب بذيلى؟
ـ تقفز طبعا يا حمار فقفزت و ضربت بذيلى عدة مرات و طبعا معجبش أبويا ولا مرة من المرات
و هكذا من المحاولات المستمرة اللى كلها لم تنل استحسان ابى حتى مضى يوم كامل فى الدرس الأول بعدها نمنا فى مكاننا من فرط التعب.
فى الدرس التانى فى اليوم التانى صحينا على صوت ابويا انا و زمايلى و هو بيزعق و يقول : يالا يا خويا انت و هو هنبدأ الدرس التانى . مش عايز كسل." و كان صوته اشبه على بصوت واحد صاحبى صول أسمه درديرى " .
و قال أبى بشكل عملى : يختص بذيل الحوت خمس حركات كبيرة . أولها أنه يستخدم كزعنفة تعينه على الحركة و التقدم ، و الثانية حين يتخذ درعا للهجوم او الدفاع ، و الثالثة حين يجرف به أو يكتسح المياه ، و الرابعة فى استرخاء على المياه أثناء الصلاة ، و الخامسة حين يرفع الشطيرتين فى اتجاه عمودى على المياه أثناء التسبيح .
و فهمنا أنا و زمايلى ان لما الحوت ييجى يصارع حوت زيه فهو يستعمل رأسه و فكيه العملاقين اما لو الصراع مع إنسان اللى هو انتوا يعنى فعلى الحوت أن يستخدم ذيله فقط . و ده طبعا له سببه و هو ان استخدام قوة تزيد عن الحد مع مخلوق بقل عن الحد ليس غير جهد معيب بغير حد .
، و فى اللحظات التى تشرق فيها الشمس تصطف آلاف الحيتان و تبد تسبيحها لله ، يبدو الذيل الضخم و كأنه يحاول التشبث متشنجا بالسماء السابعة ، مفيش فى الطبيعة اعظم من المنظر ده ، ساعتها يشهد البحر لنا أن الحيتان هى أشد مخلوقاته تقوى و أعظمها ورعا .
مرت الامواج أقصد السنين و كنت قد ابديت نبوغا فى سنوات الدراسة و أصبحت مميزا عن رفاقى حتى أنه لم يكن باقيا غير عام نقضيه فى دراسة التيارات البحرية بعدها نخرج للقاء الإنسان .
و فاكر أول مرة اشوفه فيها . لقيت عود غريب بتسموه سفينة مصنوع من مادة غريبة اسمها خشب تقولون أنكم تستخرجونه من الأشجار و لا حظت على هذا العود أو السفينة بعض الاجسام الغريبة تشبه الديدان تقف على قدمين و لها يدان و تتنفس دخانا من انفها . و قد عرفت ان هذه الديدان هى انتم يا بشر.
سألت أبى فى استغراب: هذا هو عدونا الخطير؟
نظر الى أبى بنظرة مزيج بين حنو على سخرية و قال : تظن الإنسان اضعف منك؟
ـ نعم
ـ و انك ستهزمه بسهولة و تحطم سفينته ؟
ـ بكل تأكيد
ـ بكل تأكيد انت مخطىء، أنظر إلى رأسه يغطيها شعر أسود كثيف ، و أنظر على فكك فأنيابه واضحة . و هنا مكمن الخطورة ، فالإنسان يأتى بالضربة من مكان لا نعرفه فإنه لا يستخدم يده و إنما يستخدم آلات نجهلها تماما ولا نعرفها أما نحن الحيتان فخطورتنا و قوتنا مكانها معروف .فهمت؟
و ظل هذا الشعور تجاه الإنسان " أقصد شعورى بالغموض" يراودنى لزمن ليس بقليل. بل على العكس فإنه زاد بعد حديث أبى .
لم أفكر فى هذا طويلا ، بل قررت أن ابدأ أولا مع من هم من بنى جنسى فى البحر حتى أتوج عليهم سيدا للبحار بعدما أحالوا أبى على المعاش زى عندكم فى الأرض و بدأ يغزو فم والدى طعم العنبر و قد علمت ان هذه بوادر الموت عند الحيتان عموما .
و كان على لكى أنتصر على سيد البحار الحالى و أصبح سيدا للبحار أن اتدرب جيدا و بقوة و أيضا بسرعة " عشان ألحق أفرح قلب ابويا قبل ما يموت " .
و عرفت السر لما شفت الأمواج و هى تتلاطم على الصخر فتشقه ، عرفت من الأمواج و تلاطمها بإستمرار " أكرر بإستمرار" أنه يجب التدريب بإستمرار" بإستمرار" و عنها فكرت فى الأول انى أجيب مدرب أجنبى لكن رجعت و قلت و ماله محسن صالح؟ كوورة
و فى التهاية استقريت على إنى أدرب نفسى بنفسى
و عنها ، اخترت أضخم جبل جليدى فى المحيط و بدأت التدريب كل يوم " أنقض بفكى و رأسى بكل قوة لأصطدم بهذا الجبل " صحيح أول مرة أغمى عليا لكن بعد كدة اتعودت و استمرت المحاولات 3 سنوات حتى اليوم المنتظر . رأيت فيه بعينى الجبل و هو ينشق نصفين ، ساعتها عرفت أن سيد البحار الحالى نهايته قربت خصوصا فى ظل الفوضى و الاضطراب الداخلى اللى حصل بسبب لهوه المستمر مع النساء و تركه مقاليد الحكم و انتشار الفساد و السرقة و...و...
يعنى زى ما عندكم تقريبا يا بشر ....!!!!!!!!!!!!!!!!!!!!!

الحلقة لها بقية

طب يلا بسرعه بقي

هو مفيش غير اسماء ولا ايه

ع العموم يلا مش مشكلة

لا...فى غير اسماء...انفع؟؟هههههههه

موضوعك طبعا ممتاز...وفى جهد...ويستحق التثبيت..

مشكوووور جدا يا اينشتاين..

انا هاقرا الحلقات وبعدين....بعد ما تخلصهم..ممكن احطهم على بعضهم فى ملف pdf لو تسمح ..
عشان يبقو متاحين على بعضهم...


تقبل سلامى..

Ahmed@tion_4ever

بس كده

طلباتك اوامر يا احمد

الجزء التانى ( حوت يونس )


الجزء الثانى:

كان عندنا الحيتا ن كلها بتجمع نفسها فى يوم واحد فى موسم الحب فى الوقت اللى بيكون فيه البحر دافىء مثل قلوبنا !!! رومانسية عن حق مش زيكم بتوع كلام و خلاص !!
لا و شوفوا بنتجمع فين . فى البحور الدافئة . مش زيكم بتعملوا حاجات غريبة . تجمعوا بعضكم و تطلعوا على الصحرا . ده رومانسية إيه دى؟؟؟؟!!!
فى وقت الإحتفال ده كان من حق أى واحد فينا إنه يصارع سيد البحار و يقدر ساعتها لو انتصر عليه يعتلى عرشه .
كان موسم الحب لسة بدرى عليه , مقدرتش أستنى كتير , كنت مستنى أى فرصة قريبة أخلص فيها على سيد البحار ده ؛ أبى قارب فعلا على الموت و مكنتش عايزه يموت و فى نفسه حاجة , الحاجة دى انه يشوف ابنه يطول رقبته انشالله حتى مرة .
الفرصة جات من عند ربنا . خرجنا كلنا و كان بيتصدرنا طبعا كبيرنا ، و طاردتنا سفينة ، و قفت أراقب صاحبنا من بعيد ، لا حظت عليه الخوف ، حسيت إنه ممكن ينتهى فعلا لوحده من غير ما اتدخل ، ما زال الحوت يضرب بذيله زى العبيط و أنا واقف من بعيد مستنى ، لمحت بعينى شىء غريب يمسكه إنسان منكم يا بنى آدمين و الشىء الغريب ده رايح على أبويا
صرخت
جريت نحوه
ماذا أفعل؟
أريد أن أنتقم
و قتها راح الحوت الكبير " الله يجحمه مطرح ماراح" يطمن على أبويا !!
ساب المعركة و راح يطمن على أبويا!!!
و أقسم بالله لو كان كل قائد فى معركة ساب المعركة و راح يطمن على جريح كان زمان مصر دلوقتى .. ولا بلاش.!!
المهم أنا عايز أنتقم
عينى على أبويا
و دماغى فى السفينة
ماهى مكانتش أقوى من الجبل
و أنا تدربت على الجبل
جريت نحو السفينة
عينى على ابويا
كان يزرف دما
لونه يتحول الى ضوء ينير
جريت بكل تحفز و قوة و هى تقبل نحوى و عينى على أبويا
كان صوت الإرتطام عنيفا
إنشقت السفينة كما انشق الجبل الجليدى و راح كل من عليها يغطيه لون الموج الأزرق
عينى كل ده منزلتش من على ابويا
كان جنبه السيد الحوت الكبير مشكورا بيطمن عليه
ناديت عليه من بعيد : خليك مكانك ، انت طلعت حتة بربون صغير ، انا هنا الملك .
لا حظت فرحة و تحفز على وجه أبى
استدار صاحبنا الى و اتجه نحوى ، و كما علمنى أبى فإنى أستخدم رأسى و ذيلى عندما اصارع حوت مثلى و كما تعلمون فإن رأسى زى الحديد من ساعة موضوع الجبل .
مخدش الموضوع منى كتير
أضربه ضربة برأسى و أنظر لأبى
أبى يزرف دما
سيد البحار يتجه نحوى و اضربه ضربة أخرى
أبى ما زال يزرف دما
أضرب الحوت ضربة ثالثة
أبى بدأ يلفظ روحه
سيد البحار بدأ يستسلم
أبى مش قادر يتحرك
سيد البحار مش قادر يتحرك هو كمان
و يسقط
يسقط سيد البحار
و يسقط أبى
يسقطان هاويان قتيلان فى قاع المحيط
و من ساعتها و أنا سيد البحار و لكن مازلت شايل منكم يا بنى آدمين
جيتوا للأرض و خرجتونا منها و عايزين كمان تيجوا تطلعونا من البحر؟؟ اما بجاحة و الله!!!!!
لا تزالون لغزا فى عقلى حتى هذه اللحظة. كان نفسى أوصل لحل بس مقدرتش لحد ما جه يوم ,,,
كنت قاعد فى أعمق جزء فى المحيط ، الووكمان فى ودانى ، ضارب النظارة الشمس ، و قلت أقيل شوية . ملحقتش اسمع اول كوبليه ...
لقيت نفسى قايم رامى النظارة و شايل السماعات من ودانى ، حواسى كلها مشدودة ، طالع ناحية السطح ، حاولت أرجع معرفتش ، لقيت سفينة عن بعد ، قلت أروح امارس هوايتى معاها ، وصلت لها ، نسيت أنا رايح لها ليه أصلا ، وقع منها حاجة غريبة ، قربت منها : أهلا ، إنسان ؟ تعالا لحمو يا حبيبى!!!
معملتش حاجة غير انى فتحت فمى ، و تركت الباقى للامواج اللى زقته لداخلى .
هزتنى رعدة قوية و أنا اسمع صوتا و لا أرى أحدا ، الصوت مكانش من مكان محدد ، بس كان جاى من كل حتة فى جسمى و براه.
الصوت كان بيقول: لم نجعله لك رزقا. بل جعلناك له حرزا و مسكنا . خذه و لا تكسر له عظما. و لا تخدش له لحما. هو ايه ده بقى ؟ امال انا واكله أهزر معاه ؟
كان الصوت لأحد الملائكة .
مفهمتش حاجة ساعتها . مين اللى جوايا؟ ايه اللى و قعه فى البحر ؟
السفينة دى كانت جاية منين؟ ليه محطمتهاش؟
و بعدين راح فين الووكمان؟ ده انا جايبه من المنطقة الحرة من المطاربـ 400 جنيه .:هع: و النظارة فين؟ دى نظارة ريبان. يا خراب بيتك يا شكرى. ماهو انا اسمى شكرى. استسلمت لكل ده و نمت و بعد ما صحيت فكرت ان كل اللى حصل كان حلم .
قلت ألحق أروح أفطر سندوتشين قرش فى الانجاز بس لقيت نفسى مش عايز آكل ، معدتى قافلة . الظاهر انى عيان .
حسيت ساعتها ان اللى حصل مكانش حلم ، كان حقيقة بس لسة مش فاهمها.
اتجهت لله و دعيته و سألته
حسيت أنه جاى
عارفينه ؟ الملك الكريم
سألته : ايه اللى حصل امبارح ؟ و انا بلعت مين ؟
ـ ابتلعت ذا النون
ـ و مين ذو النون؟
ـ نبى وديع
ـ هل ألقى نفسه من على ظهر السفينة؟
ـ ساهم فكان من المضحدين
ـ التقمته دون ان اعرف انه نبى، لم اكن اعرف ان ابتلاعى له سيستدعى حضورك
ـ لم يجعله الله لك رزقا
ـ و لكنه فى جوفى ، انتهى الامر و صار لى رزقا
ـ لا ، هو فى جوفك و لكنه ليس رزقك
ـ لم ابتلعته إذن؟
ـ أنت له حرز و مسكن
ـ كيف يكون الوحش حرزا و مسكنا لنبى هو الوداعة؟
ـ أيها الحوت تأمل جسد الإنسان و هو أعظم منك وحشية، تأمل نفس الإنسان أو روحه هى نقاء و وداعة، تأمل كيف يعيش الإثنان معا ،
الجسد رداء للنفس ، و النفس لب الجسد ، و الجسد هو الوحش و النفس هى الوداعة .
ـ كيف تنجو النفس من الجسد؟
ـ كما تنجو الوداعة من الوحش
ـ كيف تنجو الوداعة من الوحش؟
ـ مثلما ينجو يونس من جوفك
ـ هى البيضا قبل الفرخة ولا الفر........أقصد كيف يخرج يونس من جوفى ؟
ـ ستعرف كل شىء، فقط تذكر أنك صورة لحوت، أنت وحش حقا و لكنك لست أعظم وحشية من جسد الإنسان .
تركت الملك و أنا مش فاهم أى حاجة . و لحد دلوقتى مش عارف فيه ايه؟ ، كل اللى انا حاسه انى عطفت على يونس و لأول مرة فى حياتى اعطف على إنسان ، حاولت اكرهه معرفتش، جبت الرقة دى كلها منين؟ اشمعنى انا اللى يحصل لى كدة؟ ما الحيتان كتير ولا انا اللى ابن الحوتة السودا؟ و بعدين فين الووكمان و النظارة؟؟!!
خفت على نفسى و انا بالرقة دى من ان الحيتان تاخد بالها ، و كنت براقب نظراتهم فأجدها مليئة بالخوف . الا طب مانا حلو اهو امال فيه ايه ؟ الله أعلم.
سيطر النبى على جوفى و تفكيرى معا .
فكرت بتحركاتى الكتيرة و باصطدامى بالصخور و بجوفى المطبق عليه ، فشعرت بمأساته و عطفت عليه اكتر.
ليس هناك حوت يبكى رقة و حياء
و مع ذلك بكيت
تجمع العرق على جبينى و بكيت
مع خوفى الشديد من ان يرانى أحد فتضعف هيبتى عنده
و لكنى بكيت
نسيت العداوة اللى بينى و بين الإنس و اتركز كل تفكيرى
كيف هو الآن؟؟؟؟
لَا إلَه إلًا أَنْتَ سُبْحَانَكْ إنٍى كُنْتُ مِنَ الظًالِمِينْالصوت ده ممرش عليا قبل كدة؟؟!!
لَا إلَه إلًا أَنْتَ سُبْحَانَكْ إنٍى كُنْتُ مِنَ الظًالِمِينْ

الصوت ده جاى منين؟
لَا إلَه إلًا أَنْتَ سُبْحَانَكْ إنٍى كُنْتُ مِنَ الظًالِمِينْ

بصيت حواليا يكون حد مستخبى ولا حاجة ملقتش!!!
لَا إلَه إلًا أَنْتَ سُبْحَانَكْ إنٍى كُنْتُ مِنَ الظًالِمِينْ ايه ده ؟ مصدر الصوت منين؟
لَا إلَه إلًا أَنْتَ سُبْحَانَكْ إنٍى كُنْتُ مِنَ الظًالِمِينْ

يا نهار ابيض . الصوت طالع منى . النبى بيدعى ربه
مع كل دعوة أشعر بنور يخرج من فمى ، هذا النور يضىء المحيط كله و لقيت ما حولى من شعاب و صخور فى خشوع غريب لا أقدر على وصفه.
النبى لا يزال يسبح و يدعى


لَا إلَه إلًا أَنْتَ سُبْحَانَكْ إنٍى كُنْتُ مِنَ الظًالِمِينْ

أقدر أعمل لك إيه عشان أساعدك؟النبى يفرد ربه بالألوهية و فى نفس الوقت يرمى نفسه بالظلم
طب هو عمل إيه؟ ..... لا إجابة ...... سكوت تام .......
الموج يرتفع و ينخفض.... التسبيح يرتفع و يرتفع.......
لا ينخفض .... لا يهدأ ..... لا يمل ..... لا يستريح.....
كنت خائفا جدا على يونس ، ماهو أمانة محملهالى الملك ، لازم أحافظ عليها ..
عصارة المعدة بدات تفرز . كدة ممكن أهضمه . حاولت بشتى الطرق انى أحافظ عليه و اوقف افراز العصارة ، لقيت الحل الوحيد انى أصوم عشان مفقدوش. و كنت كل شوية افتح فمى ليدخل منه الهواء ليونس حتى لا يختنق
شوفوا الطيبة و الاصالة؟؟؟!!!
كل ده و تسبيحه لا يتوقف . شوفتوا قد ايه الإيمان؟؟؟؟؟؟!!!!!
بدأت أضعف مع الصيام و حسوا الحيتان انى مريض و سألنى أحدهم فأجبته بأنه سر لا يجب الإفصاح عنه

حاولت أتكلم مع يونس , جايز يسمعنى : أيها النبى؟


لَا إلَه إلًا أَنْتَ سُبْحَانَكْ إنٍى كُنْتُ مِنَ الظًالِمِينْ

لَا إلَه إلًا أَنْتَ سُبْحَانَكْ إنٍى كُنْتُ مِنَ الظًالِمِينْ
قوللى طريقة أنجيك بيها

لَا إلَه إلًا أَنْتَ سُبْحَانَكْ إنٍى كُنْتُ مِنَ الظًالِمِينْ

مكانش سامعنى ، كان مشغول بالتسبيح .
جلست و رحت أسبح بطريقتى الخاصة.
و انعقد فى القاع مهرجان من الخلائق ، رفعت الرمال رؤوسها و سبحت ، اجتمعت الاسماك و راحت تسبح، جاءت الحيتان و الوحوش و راح كل واحد منهم يسبح بأسلوبه الذى علمه الله له.
كنت خايف جدا ... تعبان جدا .... جعان جدا.... مكالتش بقالى يومين ... المفروض انى آكل فى اليوم ميقلش عن الف كيلو سمك .... لكن لو كلت هقتل يونس .... لا ... فلتبق معدتى ساكنة ليعيش يونس ..... كنت عارف انى بكدة بقتل نفسى ... لكن عرفت بردو ان يونس مش هيعيش الا إذا قتلت نفسى .
يونس أصبح نفسا ثانية لى ... كيانى أصبح جسد ثانى ليونس ...و لا ينجو النفس إلا على حساب الجسد

لَا إلَه إلًا أَنْتَ سُبْحَانَكْ إنٍى كُنْتُ مِنَ الظًالِمِينْ

ما زال مستمرا .......
جه اليوم الثالث
عرفت انى قربت اموت . كل الدلائل بتقول كدة .. فمى مليان برائحة العنبر ... دم القوة يسحب من جسدى .... تقلصات معدتى تزيد .... تسبيحه يزيد ....
لَا إلَه إلًا أَنْتَ سُبْحَانَكْ إنٍى كُنْتُ مِنَ الظًالِمِينْ

كنت أطوف البحار جميعها قبل ان أرحل . .... القى بنظرة السلام الأخير على الجزر و الخلجان و الحيتان و الاسماك و الطحالب و الزبد و الملح .
توقفت عند جزيرة .... كنت بجد تعبان قوى .... تقلصات معدتى بتقطع فى معدتى ..... أسمع صوتا يجىء من كل مكان و لا يجىء من مكان محدد

" فَلَوْلَا أَنًهُ كَانَ مِنَ المُسَبحِينَ لَلَبِثَ فِى بَطْنِهِ إِلَى يَوْمِ يُبْعَثُونْ"


فتحت فكى .. تباعدت أنيابى العاجية من الألم ... بدأت أفرغ ما فى جوفى .. أطلقت السجين من جوفى على الجزيرة...
عرفت السر قبل أن أموت ... و ما أقسى المعرفة !!!!
ما أعظم النفس البشرية الوديعة! و ما احقر هذا الجسد الوحشى !
هذا الجسد يتغلب على تلك النفس فى هذا الزمان عندكم ...
و لكن هل من مجيب؟!
على الماء أكتب
بالعنبر العطرى أكتب
تذوب الكلمات فى البحر
و تنطوى الصفحة الزرقاء على السر .. فأكتب
و ما من مجيب.. ما من مجيب .. ما من مجيب .. ما من مج.................

hd,h ;]h dh uul ايوا كدا يا عم اينشتاين
ورينا همتك استني شويه لما البقي يشوف

hd,h ;]h dh uul ايوا كدا يا عم اينشتاين
ورينا همتك استني شويه لما الباقي يشوف

hd,h ;]h dh uul ايوا كدا يا عم اينشتاين
ورينا همتك استني شويه لما الباقي يشوف

ممممممممممممم ماشي يا احمد
واستني بقي شويه ياعم اينشاتين علشان باقي الاعضاء يشوفوا

كمل يا جدع..

ياعم اينشاتين

حلو عم اينشتاين دى المرة الجاية ابقى اعزمينى ع القهوة هههههههههههههههه

وانت يا احمد باشا استنى على عم اينشتاين شوية

الحلقة السادسة بقرة بنى اسرائيل



" وَ إِذْ قَالَ مُوسَى لِقَوْمِهِ إِنَ اللهَ يَأْمُركُم أَن تذبَحُوا بَقَرَة قَالوا أتَتخذَنا هُزُوا قَالَ أَعُوذُ باللهِ أَنْ أَكُونَ مِنَ الجَاهِلِين"
سورة البقرة :اية 67



فى عينى الواسعتين تجدون نظرة مستسلمة
نظرة لا تتغير أبدا
مهما تغيرت الاحوال و تبدللت الظروف لا انفعل
لو وقفت الذبابة على ظهرى فكل ما احاول ان اقوم به هو ان أحاول ضربها بذيلى
فإن لم تنجح المحاولة يعود ذيلى لمكانه و كالعادة أظل مستسلمة حتى تنطلق هى بكامل حريتها تويت
هذا ما افعله مع الذبابة فما بالك مع الإنسان ؟
يضربنى أحيانا ، اخاف منه بالطبع لكن سرعان ما أستسلم لخوفى من خوفى منه
إنها حقا حياة رائعة
راضية
قانعة
يذبحنا الانسان
لا نعرف أين؟
متى؟
و لكننا نعرف اننا سنذبح
و لا أخفى عليكم سرا ، نشعر بالسعادة كلنا عندما نذبح
نعم
ففى ذبحنا تحقيق لذاتنا
لنتحول الى طعام هنىء يدخل جوف الانسان
نتحول الى نعال ينتعلها ابناء آدم
نطعمه
نكسوه
و نقوم على خدمته
ما أجمل أن يكون العطاء طبيعة وحيدة للمخلوق!
لكن الانسان
يأخذ منا كل شىء
حتى ما يعطيه لنا
يغطيه بنية الاسترداد فيما بعد
يعطينا الفول و الشعير لأنه يريد ان يأخذ لحما سمينا فى المستقبل
المسألة محسوبة و مقدرة و معروفة
ليس هناك شىء لوجه الله
سبحان الله
و رغم ذلك نعيش فى رضا
و لا ننفعل
رأسنا كبير، لا يحمل هموم ولا مشاكل و لا متاعب
و لهذا السبب يعيش البقر طويلا
أعرفكم بنفسى أكثر:
انا اعيش فى بنى اسرائيل
بقرة مملوكة ليتيم
بقرة جميلة
صفراء
فاقع لونها يسر الناظرين
لم اكن كبيرة ولا صغيرة
متوسطة كنت و يندر الحصول على مثلى فى البقر
ده بالنسبى لى
أما بالنسبة لبنى اسرائيل فمش هتكلم كتير عنهم
مانتو عارفينهم و معاشرينهم
ناس غريبة تثير دهشتنا احنا البقر
تسمع كلامهم يعجبك ، تشوف افعالهم تستعجب
أما نبيهم الكريم موسى فطبعا عارقينه و عارفين اللى عملوه بنى اسرائيل معاه
مع انه نبى لكنه لم يتحملهم
فاكرة مرة عندما عاد موسى من ميقات ربه ووجدهم ساجدين لعجل
ساعتها القى موسى من فرط انفعاله بألواح التوراة
يااه
النبى لم يتحملهم
الحمد لله احنا ساكتين و مستحملين
و اكرر
لا ننفعل
عايشين راضيين
عمرنا ما بصينا لفوق
و اللى يبص لفوق يتعب
منعرفش شكل الشمس
كل الحكاية اننا لما نحس بسخونية و عرق غى جسمنا نعرف ان الشمس طلعت
غير كدة مفيش
نرجع لمرجوعنا
فى يوم من الايام اندلعت صرخة عالية فى قريتنا
حولت رأسى ببطىء
لا يهتم البقر ولا ينفعل
ـ قتل ايلياء اغنى اغنياء اسرائيل
ـ احنا مالنا
احنا بنسمع و خلاص
الموضوع خاص بيهم هما البنى آدمين
و احنا بنسمع عرفنا ان بنى اسرائيل راحوا لموسى ليعرفوا القاتل
و كعادتنا لا ننفعل
فلم نتذكر الموضوع الا بعدها بأسبوع
سألنا بقرة معدية على اللى حصل قالتلنا استنوا لما اسأل لكم
و أيضا كالعاتدة بعدها بيومين صادفنا نفس البقرة هى هى عن اللى حصل و كان ردها : أخ نسيت؟؟!!
مش غريب علينا
طول عمرنا مكبرين دماغنا كوورة
و ماتنسوش
لا ننفعل
نسينا الموضوع
ثم فوجئنا ان الناس تتحدث فيه
عرفنا من الناس ان موسى قال لقومه:
"إَنً الله يَأْمُرَكم أنْ تَذْبَحُوا بَقَرَة"
كدة الموضوع دخل فى الجد
سيرتنا جات فى التحقيق
ربنا يستر
لكننا و مع ذلك لم ننفعل
اهتمينا بس
و الاهتمام شىء و الانفعال شىء آخر
كعادة بنى اسرائيل فى مماطلتهم لم يذبحوا البقرة و لكنهم قالوا لموسى
" قَالُوا أَتتخِذَنّا هُزُوا قَالَ أَعُوذُ بالله أَنْ أَكُونَ مِنَ الجَاهِلين" جرأة لا حد لها مع نبى الله موسى
مع انه يطلب منهم ذبح البقرة ليحقق المعجزة و يتعرف على القاتل عندما يضرب جسد القتيل بقطعة من البقرة فينطق القتيل بإسم القاتل.
و ما هى علاقة بنى اسرائيل بموسى الا من خلال المعجزات
فهم لا يقتنعون الا بمعجزة
ألم ينقذهم موسى حينما ضرب البحر بعصاه فانشق البحر و عبروا و غرق فرعون و جنوده؟
فما الغريب اذن فى مطلب موسى منهم؟
لكن بنى اسرائيل هم بنو اسرائيل
مجرد التعامل معهم عبث و التفاوض معهم تعب
تعبوا قلب نبيهم الله يتعب قلبهم
أما نحن البقر
فانتوا عارفين
لا ننفعل
المفاوضات مستمرة
" قَالُوا أدْع لَنَا رَبك يُبَين لَنَا مَا هِىَ"
و يعود اليهم بالجواب
" إنًهُ يَقُولُ انهاَ بَقَرَة لَا فَارض وَلَا بِكْرٌ عوَان بَيْنَ ذَلِك فافعَلُوا مَا تُؤْمَرُون"
خلوا بالكم
متوسطة
ربنا يستر
" قَالُوا ادع لَنَا رَبك يُبَينُ لَنَا مَا لَوْنُهَا"
اما و الله عجيبة
و هتعملوا ايه بلونها يا بقر؟ قصدى يا بشر؟
و رغم ذلك ذهب موسى ليسأل ربه
" قَالَ إنهُ يَقُولُ انهَا بَقَرَة صَفرَاء فَاقِعٌ لَوْنُهَا تَسُر الناظِرِين" آآه
كدة المسألة انتهت
و عرفت ان الكلام عليا :siiif:
و مع ذلك ال......

و مع ذلك البشر ( و الله أعلم باللى فى ضميرى) قالوا:"
قَالُوا ادْع لَنَا رَبك يُبَين لنَا مَا هى" عادوا ليقولوا" إن الْبَقَرَ تَشَابَه عَلَيْنَا و إنا إن شاءَ الله لَمُهْتَدون"
عاد موسى الحليم ليقول لهم
" قَالَ إنه يَقُول انها بَقَرَة لا ذَلُول تُثيرُ الأرْضَ و لا تسْقِى الحَرْثَ مسلمة لا شِيَة فِيهَا"
خلاص
كدة الاوصاف منطبقة عليا
و مع ذلك لم أنفعل
شوف بنى اسرائيل قالوا ايه؟
" قَالُوا الآنَ جِئْتَ بالحَق"
كدت هذه المرة أنفعل
كدت اطق من جنابى الاربعة
و روحى بقت فى مناخيرى
كنت فعلا هموت من الغيظ
لكنى مت قبل موتى من الغيظ
مت و لم انفعل
مت و سرت فى طريقى
راضية بمصيرى
مت و أنا سعيدة
سعيدة بتحقيقى لذاتى
و الهدف من حياتى
و ما اجمله هدف
و ما اعظمها حياة
سرت نحو السكين و انا اهز ذيلى راضية
ماضية الى قدرى
ماض فيا حكم الله
مت و انا اتساءل و لأول مرة يتعاطف معاكم حيوان من بداية الحلقات:
إذا كانت هذه صورتهم على مائدة المفاوضات مع نبيهم الكريم ، موسى، فكيف تكون الصورة مع غيره ؟؟؟؟؟؟؟؟؟؟؟؟؟؟!!!!!!!

موضوع جد رائع يا اينشتين
لسه شايفاه حالا
وقرات منه حاجات مش بسيطه اوى
وماشاء الله مجهود رائع

وكمل باقى السلسه وباذن الله متابعين

شكرا لمرورك يا تويتى

ويشرفنى متابعتك

واتمنى الموضوع يعجبك