خليك فى حالك يا غلس [الأرشيف] - بوابة الثانوية العامة المصرية

مشاهدة النسخة كاملة : خليك فى حالك يا غلس

هانى الشرقاوى

09-01-2009, 04:05 PM

ياريت اللى يقرا يكمل الموضوع لاخره لان الموضوع ليه جوانب كتير مهمة مح&EcirEcirc;اجين ناخد بالنا منها، ولو فى حد مننا بيعمل الحاجات دى يحاول يبطلها لانها من اسوأ العادات.
نتكلم بقي فى الموضوع.
يا جماعة موضوع الاعتداء على حرية الاخرين والتدخل فى شئون ملناش علاقة بيها ، وعدم احترام اراء الآخرين ، والنميمة على اى حد حتى لو ماشي فى الشارع ومنعرفش عنه حاجة بقت حاجة منتشرة وسخيفة قوى وغير محترمة .وانا اقصد بكلمة التعدى على حرية وحقوق الاخرين الحقوق الدينية والدنيوية .يعنى مثلا الراجل اللى بيشرب سجاير فى اى مكان يدخله ، دة واحد بيتعدى على حقوق الاخرين فى الراحة فى المكان اللى هما فيه، هما مش داخلين عشان يتخنقوا او يتضروا صحيا.دى حاجه .
وحاجه تانيه .
الناس بقي اللى بتسأل فى اللى ملهاش فيه خالص دى يعنى مثلا.
1هو انت متجوزتش ليه لحد دلوقتى؟

هو انت ليه سايب شعرك كده ؟ ده كبير أوى ! ( بسمع السؤال ده كل يوم وومن ناس معرفهاش أصلا )

2هو انتى مش محجبة ليه؟
3هو انت ليه لابس كدة؟
3هو انتى ليه متلبسيش اسدال؟ (الإسدال نوع من انواع الحجاب )
4هو انت ليه متحاولش تبص كدة فى القرأن وتقارن بين الدين الاسلامى والمسيحى (الاسئلة فى الموضوع دة كتيرة اوى اوى واشكالها مختلفة)
5 الست دى ماشية كدة ليه؟
6هو الراجل دة لابس كدة ليه؟
7ايه دة ايه حد فى الدنيا يلبس احمر على ازرق؟ دة طبعا واحد بينم على واحد ميعرفوش اصلا .
8هو ليه مش بيشترى هدوم كتير ويغير فى لبسه؟
9دى اكيد بنت قليلة الادب طالما ماشية مع اولاد؟ (وطبعا ممكن تكون ياعينى ماشية مع اخوها ولا خطيبها ولا جوزها )
10هو انتوا ليه اتطلقتوا؟
11ولما تيجى تتكلم فى الفون تلاقي واحد متعرفوش اصلا بيقللك كنت بتكلم مين؟
12هى ليه بتتكلم فى التليفون وهى ماشية فى الشارع ؟.. يا عم دى بتتمنظر علينا، آل يعنى محدش غيرها معاه موبايل. (على اساس انه متأكد انها بتتكلم عشان تغيظه مثلا)
13انت ليه بتحب النوع دة من المزيكا ؟ (سؤال غبي طبعا)
14انت ليه مدايق اوى كدة ؟ (ولو قال مثلا مفيش حاجة مدايقانى او قال معلش دى حاجة خاصة اللى قدامه يزعل ويتخنق ويقول دة بيتكبر عليا مع إن تبقي ممكن علاقتهم مكملتش اسبوع)
15انتى ليه تخينة اوى كدة ؟ ( متخسي)
او انت ليه رفيع اوى كدة ؟ (انتى لازم تتخن شوية
مع ان اللى بيقول كدة دة ممكن يكون مفيش علاقة بتربطه باللى قدامه ابدا )
16انتى ليه صابغة شعرك اللون الغبي دة؟ (طبعا هنا مفيش احترام للاذواق خالص)
17هو انتى او انت مرتبط ؟؟ (بردو ممكن حد حشري يسألك السؤال دة وهو ملوش علاقة بيك ولا حاجة خالص)
18انت على فكر رأيك متخلف جدا؟
(هنا طبعا مفيش اى احترام للاراء ودى جملة بس مختصرة فى اشكال كتيره من الكلام اللى مفهوش احترام للاراء)
19انت ليه مبتقلش السلام عليكم؟ ليه بتقول مساء الخير؟
دى بعض الجمل اللى مش بتعجبنى لو قعدت اقول فى جمل زى كده مش هخلص.
الجمل دة ممكن نقبلها من حد قريب قوى مننا ،انما مش من اى واحد كدة يسأل فى اى حاجة.
دى حاجة حاجة تانية مهمة قوى بقي،سواقين التاكسي الرغايين اوى دول اللى الشكوى زادد منهم قوى ، نفسي يرحموا أ نفسهم من التدخل،يعنى مثلا وحدة ولا واحد يركب معاه ،يبتدى ، هو انت بتشتغل ايه هو انت مش عارف ايه؟؟
هتقللي ناس طيبين وغلابه ، حأقول لك ماشى . بس ميتكلموش فى حاجات شخصية.
فهل الناس مش عارفين كلام ربنا ((( يَا أَيُّهَا الَّذِينَ آمَنُوا لا يَسْخَرْ قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلا تَلْمِزُوا أَنفُسَكُمْ وَلا تَنَابَزُوا بِالأَلْقَابِ بِئْسَ الاِسْمُ الْفُسُوقُ بَعْدَ الإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ ))
انا حصل معايا موقف غريب جدا يمكن هو اللى خلانى اتشجع انى اتكلم فى الموضوع
انا كنت فى عيادة والدتى وكنت بأسمع برنامج العاشرة مساء فى التليفزيون ،وكمان كان موجود بعض السيدات منتظرين دورهم فى الدخول للكشف ،
المهم خرجت اتكلم فى الموبايل ولما رجعت لقيت واحدة منهم قفلت التليفزيون من غير ما تستأذن ،انا دخلت بصيت كدة ،فقالت لى انا اللى قفلته اصلى مش قادرة اسمع حاجة.انا بصراحة مردتش عليها بس جه ف بالى على طول انها عملت حاجة مش من حقها.
ولا الناس بقي اللى عايزة تعرف كل حاجة عن حاجة وبتتكلم فى كل حاجة
لو واحدة مثلا مش محجبة يفضلوا يتكلمو ويجيبوا الكلام يمين وشمال عشاان يعرف اذا كانت مسلمة ولا مسيحية؟
وكمان مبقاش فى حاجة اسمها احترام للاديان ابدا--
ومبقاش فى احترام لاراء الاخرين ولا بقي فى احترام لانه وارد جدا ان اذواقنا واراءنا وسلوكنا وعاداتنا تختلف .ياريت ناخد الناس زى ما هى. منحاولش نفرض رأينا عليهم .
يعنى مثلا لو اتعرفت على واحد ندل وانت عارف انه ندل مش كل بقي ما يعمل موقف نداله تزعل منه مانت خلاص عرفت انه ندل اتأقلم بقي او سيبك منه خالص وريح نفسك.
قولولى بقي يا جماعة ليه الناس مبقتش بتحترم لا اراء حد ولا دين حد؟
مش هقول ان الغرب احسن مننا فى كدة ولازم نكون زيهم لا.
هقول ان الاديان وربنا سبحانه وتعالى امرنا بإحترام الأديان ونهانا عن النميمة والكلام عن الناس والكلام على الفاضى وعلى المليان والتدخل فى شئون الغير.
وفى موضوع كمان مهم قوى ،وانا شايف ان بعض الناس فاهمه غلط ،وهو.
انه لما يقول لواحد اقرا فى المصحف علشان كده تعمل خير وتاخد ثواب .ويكون عارف انه مسيحى مثلا .
طب مهو فى مليوووون حاجة خير ممكن تعملها غير دى وممكن لو يعنى لازم قوى تدعو للاسلام. انت ممكن تدعو للاسلام بتمسكك بيه وباحترامك ليه .
لاننا لو تمسكنا بتقاليد وعادات الاسلام هنبقي احسن شعوب العالم احتراما وتقدما وكل حاجة .وهنا نبقى بندعى للإسلام بهدوء وبالراحه وبطريقه عمليه .و بكدة ممكن ندعو للاسلام دين الرحمة .

انا اسف أوى طولت عليكم بس بجد الموضوع مهم عندى أوى .
اتمنى ان اجد ردودا ومناقشات فى هذا الموضوع المهم حتى استفيد من المناقشات والاراء ،

Sharp

09-01-2009, 04:31 PM

Socialization from the outset is the reason,
the role of family in education if that happens, respect for religions
, and even to accept the proposals and new ideas, but this view is not taking place every day
we are in the slope of the worst and the biggest problem
that we donnot understand our religion
that
Calls for peace and
Respect the views

ميراج

10-01-2009, 10:59 AM

الموضوع جميل جدا والله تسلم ايدك

انا كمان بكرهه الناس اللى بتتدخل فى حاجات ملهاش فيها

يعنى مره كنت ماشيه فى الشارع لقيت واحده وقفتنى واعدت تسالنى انتى بنت مين وانتى من هنا ولا لأ يعنى عملتلى محضر فى الشارع ولا اعرفها ولا تعرفنى حاجه تخنق بجد والله ههههههههه

ربنا يشفى :049gc0:

هانى الشرقاوى

10-01-2009, 11:53 AM

Socialization from the outset is the reason,

the role of family in education if that happens, respect for religions
, and even to accept the proposals and new ideas, but this view is not taking place every day
we are in the slope of the worst and the biggest problem
that we donnot understand our religion
that
Calls for peace and
Respect the views

Ya . U are right

هانى الشرقاوى

10-01-2009, 11:54 AM

MoHaMeD ELsHeRbEnY

10-01-2009, 12:14 PM

السلام عليكم

ازيك ياهانى

ازيكم جميعا

يارب تكونو بخير

معلش انا ردى احتمال يكون عكس حضراتكم

فية حديث لرسول الله صلى الله علية وسلم بيقول

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم

طبعا الحديث واضح قوى

انا اقصد ان فية حاجات لازم نصححها لان هنتحاسب عليها اننا مقلناش لصاحبها عليها

وفية حاجات مينفعش نتدخل فيها لانها بتبقى تطفل

زى الست الى سالت ميراج هيا بنت مين ومش عارف اية

هيا مالها معرفش دا يبقى تطفل

بس لما اشوف شخص مثلا بيشتم شتائم بزيئة لازم اقوله ان دة حرام و و لان هتحاسب لو مقلتش ليك

الموضوع دة فية كلام كتير وانا عندى امتحانات

فكفاية كدة دلوقتى وليا رد تانى

ان شاء الله

فى رعاية الله

هانى الشرقاوى

10-01-2009, 12:45 PM

MoHaMeD ELsHeRbEnY

10-01-2009, 01:19 PM

الحمد لله
ازيك يا محمد

احنا كده هنختلف اختلاف كبير أوى :abdoog8:
هههههه
فعلا طالما وصلنا للنقطة دى هنختلف
بس ايزى الاختلاف وارد جدا
ربنا معاك وتحل كويس
عايزين تقدير يا باشا :)

الحمد لله تمام والله ياباشا

الاختلاف فى الراى لا يفسد للود قضية

لو انت شايف ان كلامى غلط

انقدة وانا هرد عليك ان شاء الله

وبكدة ان شاء الله هنوصل لنتائج كويسة جدا

دعواتك ياهانى فى الامتحانات

ربنا يستر السنادى

فى رعاية الله

هانى الشرقاوى

11-01-2009, 03:16 PM

الحمد لله تمام والله ياباشا

الاختلاف فى الراى لا يفسد للود قضية

لو انت شايف ان كلامى غلط

انقدة وانا هرد عليك ان شاء الله

وبكدة ان شاء الله هنوصل لنتائج كويسة جدا

دعواتك ياهانى فى الامتحانات

ربنا يستر السنادى

فى رعاية الله

ربنا معاك يا محمد
وتجيب اعلى التقديرات يا رب

لمى 2016

11-01-2009, 07:50 PM

السلام عليكم
اولا كدة الموضوع بجد كويس
و مغاير لكل المواضيع اللى حضرتك عملتها قبل كدة
بس فيه سؤالين حضرتك ذكرتهم
و انا شايفة ان صاحبهم ليه حق فيهم جداً
الاول: انت ليه سايب شعرك كدة؟ دة طويل اوى
طبعا السؤال دة لازم يتسأل لو حد شاب سايب شعره طويل
ازاى يعنى؟!
و هو يرضاها اصلا
انه يبقى ماشى فى الشارع و فيه بنت ماشية
هو شعره اطول منها
دة غير انه يعتبر تشبه بالنساء
الا انه كمان منظر مرفوض اجتماعياً
************************
تانى سؤال: السؤال بتاع قارن بين الدين الاسلامى و الدين المسيحى
لو السؤال دة بيتسأل لحضرتك
فاللى بيسأله له حق كدة
لأن حضرتك غريب جداً فى ارائك و معتقداتك
***************************
يا رب مكونش ضايقت حضرتك
و ما اكونش بتدخل فى اللى ماليش فيه

..Just Stop

11-01-2009, 08:09 PM

اولا سلام عليكم
ثانيا هنتكلم عن الموضوع بطريقتين
الطريقة الاولى
طريقة دينية
الرسول بيقول ( من رأى منكم منكرا فليغيره )
19انت ليه مبتقلش السلام عليكم؟ ليه بتقول مساء الخير؟
2هو انتى مش محجبة ليه؟
3هو انت ليه لابس كدة؟
3هو انتى ليه متلبسيش اسدال؟ (الإسدال نوع من انواع الحجاب )
فالاسئلة دى يا هانى لازم تتسأل لان من وراها هنغير منكر اكيد اتعلمت كدا فى الازهر

ثانيا
لما حد يسألك انت متضايق كدا ليه ويحاول يعرف اخبارك اظن انها مش جريمة يعنى
من لم يهتم بامر المسلمين فليس منهم
اى نعم فى اسئلة كتير متنفعش تتسأل بس فيه اكتر لازم يتسأل
يارب تفهم كلامى
لى عودة ان شاء الله

احنا كده هنختلف اختلاف كبير أوى :abdoog8:

كلام محمد لا غبار عليه
فمنين هيكون الاختلاف

شمس بياض

12-01-2009, 01:08 AM

طب مهو فى مليوووون حاجة خير ممكن تعملها غير دى وممكن لو يعنى لازم قوى تدعو للاسلام. انت ممكن تدعو للاسلام بتمسكك بيه وباحترامك ليه .
لاننا لو تمسكنا بتقاليد وعادات الاسلام هنبقي احسن شعوب العالم احتراما وتقدما وكل حاجة .وهنا نبقى بندعى للإسلام بهدوء وبالراحه وبطريقه عمليه .و بكدة ممكن ندعو للاسلام دين الرحمة .

فعلا يا هانى عندك حق فى دى

لكن موضوع لما تسال حد انت ليه مش محجبه انا مش بقول كده خالص

اولا الفت نظرها انها فى غايه الجمال وارقه

ثانيابقولها طيب ايه رايك نغطى الجمال دا بورقه سيلوفان علشان الدبان---نظرات الاخرين يعنى ---وبعد كده اقتنعت كان بها ولو لم تقتنع عملت اللى على--ودا يبقى بينى وبينها على جنب

بالنسبه للسلام برضو

الموضوع فى غايه البساطه هتقولى مساء الخير هقولها او هاقوله يابخيله --يابخيله---بابتسامه طبعا

هتسالنى ليه

هاقولها استخسرتى فى نفسك 30 حسنه--لو قلت السلام عليكم ورحمته وبركاته--طبعا فى دور هزار ووصلت لها المعلومهوالدعوة ايضا

على فكره الطريقه هى المهمه يا هانى

ممكن ابقى غلسه شويه ياهانى واقولك

لوبدلنا كلمه الناس فى توقيعك وقلناها

كل الاحياء موتى بلا قبر ولا كفن

هاتبقى بليغه شويه

ولا ايه دا مجرد---------------------------------غلاسه

هانى الشرقاوى

12-01-2009, 02:09 PM

الاول: انت ليه سايب شعرك كدة؟ دة طويل اوى
طبعا السؤال دة لازم يتسأل لو حد شاب سايب شعره طويل
ازاى يعنى؟!
و هو يرضاها اصلا
انه يبقى ماشى فى الشارع و فيه بنت ماشية
هو شعره اطول منها
دة غير انه يعتبر تشبه بالنساء
الا انه كمان منظر مرفوض اجتماعياً

مرفوض اجتماعيا للدرجة دى
أولا حكاية المظهر دى بتبقى خاصة بالشخص نفسه وثانيه بتبقى حكر عليه هو بس مينفعش أى حد كده يناقشه فى مظهره وفيها ايه انى شعرى طويل
جريمة يعنى ؟؟؟
************************
تانى سؤال: السؤال بتاع قارن بين الدين الاسلامى و الدين المسيحى
لو السؤال دة بيتسأل لحضرتك
فاللى بيسأله له حق كدة
لأن حضرتك غريب جداً فى ارائك و معتقداتك

غريب ازاى طيب أنا مسلم لى فكرة
وحتى لو غريب كل شخص من حقه أن يؤمن بما يشاء والسؤال ده مش بيتسألى انما بيتسألى لاصحابى المسيحيين
***************************
يا رب مكونش ضايقت حضرتك
و ما اكونش بتدخل فى اللى ماليش فيه

لا عادى مفيش مضايقة

هانى الشرقاوى

12-01-2009, 02:15 PM

اولا سلام عليكم
ثانيا هنتكلم عن الموضوع بطريقتين
الطريقة الاولى
طريقة دينية
الرسول بيقول ( من رأى منكم منكرا فليغيره )

وربنا بقول كل امرئ بما كسب رهين

19انت ليه مبتقلش السلام عليكم؟ ليه بتقول مساء الخير؟
2هو انتى مش محجبة ليه؟
3هو انت ليه لابس كدة؟
3هو انتى ليه متلبسيش اسدال؟ (الإسدال نوع من انواع الحجاب )
فالاسئلة دى يا هانى لازم تتسأل لان من وراها هنغير منكر اكيد اتعلمت كدا فى الازهر

لا مش لازم دى حريات شخصية جدا ومش من حق اى حد انه يدخل فيها
أنا مش أزهرى صحيح أنا بنتسبله انما أنا ما حضرتش غير تالتة ثانوى بس هنا قى الازهر والباقى كان بره
وكمان أفكارى مختلفة مع الازهر تقريبا فى كل حاجة
وانا احتمال أسيب الازهر خالص وأكمل فى الجامعة الامريكية وأى كلية لغات وترجمة خاصة وأريح وارتاح بقا من الازهر

ثانيا
لما حد يسألك انت متضايق كدا ليه ويحاول يعرف اخبارك اظن انها مش جريمة يعنى

لا مش جريمة طبعا بس لازم يكن على الاقل يعرفنى
من لم يهتم بامر المسلمين فليس منهم
اى نعم فى اسئلة كتير متنفعش تتسأل بس فيه اكتر لازم يتسأل
يارب تفهم كلامى
لى عودة ان شاء الله

منتظر عودتك

هانى الشرقاوى

12-01-2009, 02:18 PM

طب مهو فى مليوووون حاجة خير ممكن تعملها غير دى وممكن لو يعنى لازم قوى تدعو للاسلام. انت ممكن تدعو للاسلام بتمسكك بيه وباحترامك ليه .
لاننا لو تمسكنا بتقاليد وعادات الاسلام هنبقي احسن شعوب العالم احتراما وتقدما وكل حاجة .وهنا نبقى بندعى للإسلام بهدوء وبالراحه وبطريقه عمليه .و بكدة ممكن ندعو للاسلام دين الرحمة .

فعلا يا هانى عندك حق فى دى

لكن موضوع لما تسال حد انت ليه مش محجبه انا مش بقول كده خالص

اولا الفت نظرها انها فى غايه الجمال وارقه

ثانيابقولها طيب ايه رايك نغطى الجمال دا بورقه سيلوفان علشان الدبان---نظرات الاخرين يعنى ---وبعد كده اقتنعت كان بها ولو لم تقتنع عملت اللى على--ودا يبقى بينى وبينها على جنب

بالنسية لموضوع الحجاب بلاش أتكلم فيه عشان مش يقولوا انى بلوح لافكار طائفية مش ناقصة

بالنسبه للسلام برضو

الموضوع فى غايه البساطه هتقولى مساء الخير هقولها او هاقوله يابخيله --يابخيله---بابتسامه طبعا

هتسالنى ليه

هاقولها استخسرتى فى نفسك 30 حسنه--لو قلت السلام عليكم ورحمته وبركاته--طبعا فى دور هزار ووصلت لها المعلومهوالدعوة ايضا

على فكره الطريقه هى المهمه يا هانى

واذا حييتم بتحية فحيوا بأحسن منها أو ردوها

ممكن ابقى غلسه شويه ياهانى واقولك

لوبدلنا كلمه الناس فى توقيعك وقلناها

كل الاحياء موتى بلا قبر ولا كفن

الظاهر ان حضرتك حافظة كل كلام نزار

هاتبقى بليغه شويه

ولا ايه دا مجرد---------------------------------غلاسه
ههههههههه
شكرا لحضرتك

..Just Stop

13-01-2009, 04:37 PM

لا مش لازم دى حريات شخصية

جدا ومش من حق اى حد انه يدخل فيها
أنا مش أزهرى صحيح أنا بنتسبله انما أنا ما حضرتش غير تالتة ثانوى بس هنا قى الازهر والباقى كان بره
وكمان أفكارى مختلفة مع الازهر تقريبا فى كل حاجة
وانا احتمال أسيب الازهر
ربنا يوفقك فيه او فى غيره
خالص وأكمل فى الجامعة الامريكية وأى كلية لغات وترجمة خاصة وأريح وارتاح بقا من الازهر
لسة عند كلامك عمرك ما هتغيره

حلوة حكاية حرية شخصية
لو حد بيخاف على دينه وبخاف على اخوانه واخواته المسلمين اكيد هيسأل
وهيحاول يصلح اللى حواليه مفيش حاجة اسمها خليك فى حالك بالذات فى الحاجات دى
الرسول (صلى ) بيقول

(مثل القائم على حدود الله والواقع فيها، كمثل قوم استهموا على سفينة، فأصاب بعضهم أعلاها وبعضهم أسفلها، فكان الذين في أسفلها إذا استقوا من الماء مروا على من فوقهم، فقالوا لو: أنا خرقنا في نصيبنا خرقا ولم نؤذ من فوقنا، فإن تركوهم وما أرادوا هلكوا جميعا، وإن أخذوا على أيديهم نجوا ونجوا جميعا) [صحيح البخاري (2/882)]
اكيد فاهم الحديث كويس
ففى حاجات مينفعش السكوت عليها
دمت فى رعاية الله

Last Fantasy

13-01-2009, 10:33 PM

مشمرة للجنة

13-01-2009, 11:44 PM

من لم يهتم بامر المسلمين فليس منهم

لكن فى حاجة اسمها تطفل غير انى عاوزة اطمن على واحدة مسلمة
ومن راى منكم منكرا فليغيره
ده لو قيت منكر بردوا مااسكتش طالما بايدى تغيره باسلوب كويس

وبردوا فى حاجة اسمها النصيحة
الدين النصيحة
يعنى لما اشوف واحدة متبرجة مااروحش انصحها بالحجاب باسلوب مهذب؟؟؟
ولا اقول وانا مالى زى ماحضرتك بتقول؟
والرسول صلى الله عليه وسلم قال بلغوا عنى ولو آية
يعنى ممكن اقولها آية تكون سببا فى هدايتها

ليه مش بنعدل من ذاتنا ومتبعين الغرب فى كل كلمة بيقولولها؟
ليه مانكونش احنا شعب مسلم ليه كيانه خاص بيه؟
بنقلد تقليد اعمى
زى مثلا الغرب بيقولوا صباح الخير احنا طبعا استبدلنا السلام عليكم علشان بقيت قديمة خلاص بيها
علشان نبقى ناس كلاس صح
ليه دلوقتى كل كلامنا بقى لانتمى للغة العربية نوعا ما
بقينا غرب ويادوب عارفين شوية فى حاجة اسمها لغة عربية
ياريت نقف مع نفسينا وقفة
ونرجع لاصلنا الاسلامى ونرجع للغة القرآن الكريم
ونرجع لتسامحنا ومحبتنا للاخواتنا
اتمنى ده يحصل
وآسفة لو كنت طولت فى ردى
جزاكم الله خيرا

sara_gm90

13-01-2009, 11:58 PM

الموضوع ده حلو بجد وانا راي ان الناس الى بتددخل فى الى مالهاش فيه دول عايزين الى يبقى معاهم قليلى الذوق ويصدهم واسال مجرب

pureheart

14-01-2009, 02:36 AM

اده هو فى ناس غلسة كدة
انا شفت اللى يفضلوا يتريقوا
على اللى رايح و اللى جاى
من غير سبب بس لسة مشفتش
الباقيين دول
ميرسى على الموضوع

MiDo1O2

14-01-2009, 12:29 PM

يااااااااااه
اخيرا
واحد اتكلم في الموضوع ده
الغلاسة انتشرت
في البلد بطريقة
مالهاش حل
غلاسة
مابعدها
غلاسة
وطبعا الواحد
مبيرضاش
يقول
انت ماااااااااااالك؟
ولو قلتها لواحد
(ولو هو غلس اووووي)
يقولك
مالي في جيبي
ولو قلت ملكش دعوة ؟
يقولك
اهه الدعوة
وانا معزوم
هو الشعب المصري كده
حشري
اوي
ان شاء الله في سنة
10000000
يخترعوا دوا للغلاسة
وبصراحة
ممكن
يكون في حل
بس هيبقى مش لطيف
اي حد
يقولك
حاجة
قوله خليك في نفسك
ولما يتكسف كذا مرة
يبطل غلاسة
دا انا زودت لدعاء الخروج من المنزل
ان اغلس على حد
او حد يغلس عليا
ياااااااااااااااااااارب
نخلص من الغلاسة
موضوع جميل
شكرا

MiDo1O2

14-01-2009, 12:40 PM

gomaa ashour

14-01-2009, 03:49 PM

بارك الله فيك
جهد مشكور

هانى الشرقاوى

14-01-2009, 05:36 PM

:)

حلوة حكاية حرية شخصية
لو حد بيخاف على دينه وبخاف على اخوانه واخواته المسلمين اكيد هيسأل
وهيحاول يصلح اللى حواليه مفيش حاجة اسمها خليك فى حالك بالذات فى الحاجات دى
الرسول (صلى ) بيقول

(مثل القائم على حدود الله والواقع فيها، كمثل قوم استهموا على سفينة، فأصاب بعضهم أعلاها وبعضهم أسفلها، فكان الذين في أسفلها إذا استقوا من الماء مروا على من فوقهم، فقالوا لو: أنا خرقنا في نصيبنا خرقا ولم نؤذ من فوقنا، فإن تركوهم وما أرادوا هلكوا جميعا، وإن أخذوا على أيديهم نجوا ونجوا جميعا) [صحيح البخاري (2/882)]
اكيد فاهم الحديث كويس
ففى حاجات مينفعش السكوت عليها
دمت فى رعاية الله

أنا مش عايز أتكلم من الناحية الدينية يا محمد
صحيح أنا مسلم بس فكرى بيختلف كثيرا عن معظم المسلمين
ليا أفكار ومعتقدات خاصة مش عايز أتكلم فيها هنا عشان الموقع مش مناسب وعشان ما يتقالش ان هانى بيدعو الى أفكار طائفية زى المرة اللى فاتت :)
انما خليا نتكلم من النواحى الاجتماعية
وأنا أعتقد انه الاسئلة دى كلها المفروض تكون مرفوضة اجتماعيا
معايا ولا أنا غلطان يا بشهمندس ؟؟

هانى الشرقاوى

14-01-2009, 05:40 PM

انا فيه أسالة كتير بعارضك عليها بس حاجه كمان حكاية السواقين بيكون زي مهو بيعاملك كأنك ابن بلد وعادي وده بيحصل دايما وبالطريقة دي حتكتسب صداقات كتير ومن الموضوع ده أكيد إنتا من عيلة كبيرة وياريت تصححلي إذا كنت غلطان علشان أعرف إذا كنت صح ولا لا ؟

من حقك طبعا انك تعارضنى وأنا بحترم دوت
اما بالنسبة للسواقين فدول أكتر حد تطفل عليا فى حياتى كلهم
انا عارف انهم ناس بسيطة وطيبة بس برده مينفعش الفضول ده
أنا ساعات بيكون معايا أى حد من أصحابى او من أهلى وبتحط فى مواقف محرجة أوى
فبضطر أن أقول للسواق من فضلك خليك فى حالك :)
عيلة كبيرة !!
لا عادى يعنى

هانى الشرقاوى

14-01-2009, 05:44 PM

هانى الشرقاوى

14-01-2009, 05:46 PM

بالنسبة للشعر الطويل والشعر القصير
انا شايف ان دي حرية شخصية
اما
المقارنة بين الاديان
هوه انا مش مقتنع بديني
علشان
اقارنه بغيره
لا
طبعا
الكلام
ده
مينفعش
مفيش مقارنة
الكلام ده لو مناقشة
انا بعترض
اللي بيسأل السؤال ده
معندهوش حق
خاااااااااالص

أنا معاك تقريبا فى الرأى ده

MoHaMeD ELsHeRbEnY

14-01-2009, 05:55 PM

معلش يا هانى

فى ردودك حاجة شديتنى قوى

وهيا الجملة دى

أنا بعشق اللغة العربية لانها اول لغة نطقت بيها

انت بتحب اللغة العربية علشان هيا اول لغة نطقت بيها بس ؟؟

ياريت لو قلت اة تقولى اسباب قلت لا تقولى اسباب بردة

فى رعاية الله

هانى الشرقاوى

14-01-2009, 05:59 PM

معلش يا هانى

فى ردودك حاجة شديتنى قوى

وهيا الجملة دى

انت بتحب اللغة العربية علشان هيا اول لغة نطقت بيها بس ؟؟

ياريت لو قلت اة تقولى اسباب قلت لا تقولى اسباب بردة

فى رعاية الله

أنا مش فاهمك يا محمد والله
وعلى كل أنا بحب العربية
لانى اول ما نطقت نطقت بالعربية لانى كنت لسه فى مصر وبعد كده اتعلمت اللغات التانية اللى أعرفها
وبعدين لانها لغة القرأن ةولغة الاسلام بس ده ميمنعش انى أحب غيرها
مش كده ؟؟

مش عارف أنا كده جاوبتك ولا لا ؟

dr.zomba

14-01-2009, 07:45 PM

:)

أنا مش عايز أتكلم من الناحية الدينية يا محمد
صحيح أنا مسلم بس فكرى بيختلف كثيرا عن معظم المسلمين
ليا أفكار ومعتقدات خاصة مش عايز أتكلم فيها هنا عشان الموقع مش مناسب وعشان ما يتقالش ان هانى بيدعو الى أفكار طائفية زى المرة اللى فاتت :)
انما خليا نتكلم من النواحى الاجتماعية
وأنا أعتقد انه الاسئلة دى كلها المفروض تكون مرفوضة اجتماعيا
معايا ولا أنا غلطان يا بشهمندس ؟؟

مع احترامي الشديد لحضرتك ولموضوعك بس انا معترض معاك في بعض المواقف
بس عموما انا متفق مع الكابتن محمود طه

وبعدين بما ان حضرتك راجل مسلم مش هقول ازهري عشان الكلمة دي بتضايقك :078111rg3:

اكيد حضرتك عارف ان الاسلام مش مجرد وحي الهي لا دا نظام سياسي واجتماعي وروحاني نظام متكامل يعني

عشان كدا مينفعش اننا ناخد منه حاجه ونسيب حاجه مينفعش ناخده كادين فقط وعبادة وصلاة فقط ومنتعاملش معاملة الدين

وكتير من الدول لما فكرت تبتكر هي نظام اجتماعي فشلت ولو نجحت بنلاقي ان الكلام اللي هما قالوه دا الدين قاله قبلهم بألف سنة

وبالنسبة لافكار حضرتك فطبعا حضرتك متقدرش تنشرها لان المنتدي دا مش منتدي لجماعات او فكر معين

يعني حضرتك بتقول ان افكارك بتختلف عن افكار كتير من المسلمين طيب وهل حضرتك بتختلف علي القرآن

مظنش يعني ومحمود مش بيجيب كلام من دماغه الراجل بيتكلم من القرآن مش حتي من السنه اللي في بعض الناس بتنكرها

يعني اللي عايز اوضحه ان المسلمين اخوات ومينفعش اني اشوف حد مسلم بيعمل غلط ومنصحهوش بغض النظر عن الشعر والكلام دا لاني انا عن نفسي بعتبره حريه شخصيه بس انا عن نفسي مش بحترم الراجل اللي بيطول شعره اوي واظن دي بردو حرية شخصية

13انت ليه بتحب النوع دة من المزيكا ؟ (سؤال غبي طبعا)
14انت ليه مدايق اوى كدة ؟ (ولو قال مثلا مفيش حاجة مدايقانى او قال معلش دى حاجة خاصة اللى قدامه يزعل ويتخنق ويقول دة بيتكبر عليا مع إن تبقي ممكن علاقتهم مكملتش اسبوع)

عن نفسي شايف ان السؤالين مثلا دول مفيهومش اي حاجة خالص يعني اول سؤال دا علي حسب الصيغة ممكن يكون سؤال استنكاري وممكن يكون سؤال لمجرد السؤال وفي الحالتين اظن ناه مفيهوش حاجه تزعل الا لو حضرتك مثلا شخص منطوي شويه

والسؤال التاني دا واحد انت عارفه معرفه سطحيه وشايفك مخنوق بيقولك مالك في ايه قولتله مخنوق شويه وحس انك مش عايز تتكلم وفضل يزن يبقي دا فعلا شخص غلس جدا وفضولي

4هو انت ليه متحاولش تبص كدة فى القرأن وتقارن بين الدين الاسلامى والمسيحى (الاسئلة فى الموضوع دة كتيرة اوى اوى واشكالها مختلفة)

دا مثلا لو واحد مسلم بيكلم واحد مسيحي يعني ؟

اولا لا هو انا معترض علي طريقة الدعوة دي الامور مش بتتاخد قفش بس دا ميمنعش ان الشخص دا نيته كويسه وعايز ياخد ثواب بس تعبيره خانه شويه

2هو انتى مش محجبة ليه؟

السؤال دا مفيهوش اي حاجة غلط واحدة خايفة علي اختها وبتوجهها للصح اظن ان دي مش غلاسه

بس مش اي واحده ماشيه في الشارع توقف اي واحده وتقولها انتي مش محجبة ليه بردو هنا الاسلوب هو اللي غلط مش النية

وعموما دا رأيي الغلس :d

وشكرا علي الموضوع :)

BaNZeR

15-01-2009, 02:02 AM

2هو انتى مش محجبة ليه؟
الحجاب واجب في الاسلام
ومن تركه وجب نصحه
لكن في ناس بتحب تمسكها على الواحدة او تدايقها بالسؤال وده مش اللى بتكلم عنه
3هو انت ليه لابس كدة؟
احياناً اللبس بيلفت النظر
فإذا كان لافت للنظر فما بالك بلفت الكلام
كل واحد عنده فضول وابسط الفضول يسالك لابس ايه
انا مش شايفه سؤال غلس اوي

4هو انت ليه متحاولش تبص كدة فى القرأن وتقارن بين الدين الاسلامى والمسيحى (الاسئلة فى الموضوع دة كتيرة اوى اوى واشكالها مختلفة)
انا شايف السؤال ده عادي بل وفي بعض الاحيان لازم
والباحث عن الحقيقة دائماً هو من يقتنع بالدين الذي يعتنقه في النهاية

8هو ليه مش بيشترى هدوم كتير ويغير فى لبسه؟
ده سؤال متخلف وصاحبه مش لاقي اللى ينم فيه(وفي منهم كتير بس اسئلة تانية:slap1qk6:)

13انت ليه بتحب النوع دة من المزيكا ؟
لما يكون بين الاصحاب
سعات الواحد بيحب يعرف ميولات صاحبه اساسها ايه
ولما واحد يسأل السؤال ده انا شايفه عادي برده
ومش كل حاجة حيكون اللى سألك فيها غريب

14انت ليه مدايق اوى كدة ؟ (ولو قال مثلا مفيش حاجة مدايقانى او قال معلش دى حاجة خاصة اللى قدامه يزعل ويتخنق ويقول دة بيتكبر عليا مع إن تبقي ممكن علاقتهم مكملتش اسبوع)
مفيش حد بيفكر التفكير ده (او معظمهم كده)
وانا شايف إنها خطوة ايجابية لما واحد يشوفك متضايق وييجي يخفف عنك
او متضايق لأنك متضايق
انا لو متضايق ومحدش عبرني حنهار نفسيا

15انتى ليه تخينة اوى كدة ؟ ( متخسي)
او انت ليه رفيع اوى كدة ؟ (انتى لازم تتخن شوية
مع ان اللى بيقول كدة دة ممكن يكون مفيش علاقة بتربطه باللى قدامه ابدا )
زود عليهم انت ليه قصير اوي كده؟ او طويل اوي كده؟
وده برده نوع من التعييب (العيبة) على الشخص

17هو انتى او انت مرتبط ؟؟ (بردو ممكن حد حشري يسألك السؤال دة وهو ملوش علاقة بيك ولا حاجة خالص)
سؤال موجود كتير وملهوش لازمة يتسأل
بس برده فضول الناس
واحياناً بيكون السؤال في محله
فكون إنك مرتبط او غير مرتبط بيأثر كتير في حياتك
لكن طبعاً مش لأي حد يسألك السؤال ده

19انت ليه مبتقلش السلام عليكم؟ ليه بتقول مساء الخير؟
انا نفسي في مدرسين او دكاترة بيقولو مساء الخير
ببقى عايز اقولهم قولو سلام عليكم افضل

ده حتى في حديث الرسول
قالك سلم على اللى تعرفه واللى متعرفهوش
وفي حديث تاني
"ألا أدلكم على شيء لو فعلتموه تحاببتم ................،أفشو السلام بينكم"
فليه انت تستبدل تحية الاسلام بتصبيحة أخرى مادام انت داخل على جمع مسلم

سواقين التاكسي الرغايين اوى دول اللى الشكوى زادد منهم قوى ، نفسي يرحموا أنفسهم من التدخل،يعنى مثلا وحدة ولا واحد يركب معاه ،يبتدى ، هو انت بتشتغل ايه هو انت مش عارف ايه؟؟
على فكرة سواق التاكسي حياته ومهنته جوه التاكسي بتاعه
يعني الراجل من ساعة ما بيركب الصبح لحد ما بيسيب التاكسي مبيشوفش غير زباينه معاه
عايز الراجل يتخرس الوقت كله
مستحيل

يعني الواحد فيهم سعات يقعد يتكلم معاك
"يعني انتوا في وظيفتكم بتكونوا المسؤولين عن كذا ومش عارف ايه"
"الامتحانات كانت صعبة ازاي يعني والمدرسين مقالولكمش الحاجات ده"
الراجل عايز يتكلم
تقدر انت تقعد ساعات طوال او يومك المهني كله بدون كلام مبتقولش غير
"لفين يا ريس"
"الحزام لو سمحت"
"في فكة مع حضرتك"
صحيح في اسئلة لا يجوز سؤالها
بس اسئلة زي
ايه مدرستك
ايه كليتك
انت ساكن هناك طب تعرف فلان
انت من هنا ولا من بره

يعني حاجات انا بعتبرها عادية
وعارف إني طولت في موضوع ملوش لازمة
نكمل

فهل الناس مش عارفين كلام ربنا ((( يَا أَيُّهَا الَّذِينَ آمَنُوا لا يَسْخَرْ قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلا تَلْمِزُوا أَنفُسَكُمْ وَلا تَنَابَزُوا بِالأَلْقَابِ بِئْسَ الاِسْمُ الْفُسُوقُ بَعْدَ الإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ ))
انا حصل معايا موقف غريب جدا يمكن هو اللى خلانى اتشجع انى اتكلم فى الموضوع
انا كنت فى عيادة والدتى وكنت بأسمع برنامج العاشرة مساء فى التليفزيون ،وكمان كان موجود بعض السيدات منتظرين دورهم فى الدخول للكشف ،
المهم خرجت اتكلم فى الموبايل ولما رجعت لقيت واحدة منهم قفلت التليفزيون من غير ما تستأذن ،انا دخلت بصيت كدة ،فقالت لى انا اللى قفلته اصلى مش قادرة اسمع حاجة.انا بصراحة مردتش عليها بس جه ف بالى على طول انها عملت حاجة مش من حقها.

لازم برده يكون في مراعاة للآخرين
زي ما انت قلت تدخين السجائر يضر براحة الغير
لازم برده متزعجوش الناس إذا كانت متضايقة من الحاجة
بس الغلط كان منها لأنها لم تأخذ الاذن من صاحب المكان

لو واحدة مثلا مش محجبة يفضلوا يتكلمو ويجيبوا الكلام يمين وشمال عشاان يعرف اذا كانت مسلمة ولا مسيحية؟
السؤال ده بيتسأل كتير
مسلمة ولا مسيحية
مش حقولك اكتر من الفضول
ابو شعر اللى هناك ده واد ولا بنت
برده سؤال حتشوفه كتير

اصل ما ينفعش واحد يشوف حاجة قدامه محتاجبة اجابة ويسيبها
حيلف ويلف لحد ما يعرف طلع واد ولا بنت
طلعت مسلمة ولا مسيحية
طلع لابس سلسلة ولا ده كان اللبس بيلمع

فضول مش اكتر

وكمان مبقاش فى حاجة اسمها احترام للاديان ابدا--

ومبقاش فى احترام لاراء الاخرين ولا بقي فى احترام لانه وارد جدا ان اذواقنا واراءنا وسلوكنا وعاداتنا تختلف .ياريت ناخد الناس زى ما هى. منحاولش نفرض رأينا عليهم .
بس في حاجات مينفعش نسيبها تتغير لمجرد معتقدات او افكار غربية او حتى شرقية فاسدة
مش لازم نفرض رأينا بالاجبار لكن بالاقناع

يعنى مثلا لو اتعرفت على واحد ندل وانت عارف انه ندل مش كل بقي ما يعمل موقف نداله تزعل منه مانت خلاص عرفت انه ندل اتأقلم بقي او سيبك منه خالص وريح نفسك.
قولولى بقي يا جماعة ليه الناس مبقتش بتحترم لا اراء حد ولا دين حد؟
مش هقول ان الغرب احسن مننا فى كدة ولازم نكون زيهم لا.
هقول ان الاديان وربنا سبحانه وتعالى امرنا بإحترام الأديان ونهانا عن النميمة والكلام عن الناس والكلام على الفاضى وعلى المليان والتدخل فى شئون الغير.
وفى موضوع كمان مهم قوى ،وانا شايف ان بعض الناس فاهمه غلط ،وهو.
انه لما يقول لواحد اقرا فى المصحف علشان كده تعمل خير وتاخد ثواب .ويكون عارف انه مسيحى مثلا .
طب مهو فى مليوووون حاجة خير ممكن تعملها غير دى وممكن لو يعنى لازم قوى تدعو للاسلام. انت ممكن تدعو للاسلام بتمسكك بيه وباحترامك ليه .
لاننا لو تمسكنا بتقاليد وعادات الاسلام هنبقي احسن شعوب العالم احتراما وتقدما وكل حاجة .وهنا نبقى بندعى للإسلام بهدوء وبالراحه وبطريقه عمليه .و بكدة ممكن ندعو للاسلام دين الرحمة .

انا اسف أوى طولت عليكم بس بجد الموضوع مهم عندى أوى .
اتمنى ان اجد ردودا ومناقشات فى هذا الموضوع المهم حتى استفيد من المناقشات والاراء ،
انت لا طولت ولا حاجة بس بجد مش عايزك تزعل من اي كلمة قلتها او حقولها

انت بصراحة حياتك بره أثرت عليك كتير
وبيبان جداً في كلامك

زي جملة
"صحيح أنا مسلم بس فكرى بيختلف كثيرا عن معظم المسلمين "

ايه الافكار اللى المسلمين بيختلفوا فيها
اكيد حيتفقوا في حاجة واحدة هي الدين
وده لا نقاش فيها لأنه القرآن هو الفيصل فيها

لكن في افكار تانية بتكون شخصية ده اكيد
الناس حتتفرق فيها

ومفيش حاجة اسمها سيبك من الناحية الدينية وخلينا في الناحية الاجتماعية

مهو الاسلام مكنش حيبقى الدين الانجح والاكثر اقناعاً إن مكنش اهتم بكل نواحي الانسانية
حتى في السياسة وفي الحرب
الاقتصاد الاجتماع
فن الاستئذان والمخاطبة
الكلام
الزواج وتربية الابناء
علوم الفضاء والكون

كل قضية من القضايا التي نعيشها يمكننا تفسيرها من ديننا او حلها من خلاله

انا معرفش تفكيرك ايه بالظبط بس بجد انت بتقول حاجات غريبة

وموضوع حبك للغة العربية او الانجليزية فده انا متفق فيها معاك
وده حريتك الشخصية
مش حتحبها بالاجبار لانها لغة القرآن

بس عن نفسي
بعتبر إن العربية هي الارقى
ويكفي انها لغة الملوك

وياريت مكنش دايقتك بأي كلمة

هانى الشرقاوى

15-01-2009, 11:14 AM

( يا أيها الذين أمنوا عليكم أنفسكم لا يضركم من ضل اذا اهتديتم )
ده كلام ربنا مش كلامى
يعنى ربنا بقولنا بالذوق كل واحد يخليه فى حاله

( كا امرئ بما كسب رهين )
ده كلام ربنا برده
يعنى مفيش حد هيتحاسب مكان حد ولا حد مسئول عن أفعال حد والكلام دوت
سورى أنا مشغول موووت وعشان كده مردتش على كل تعليق لوحده واختصرت فى ردى

..Just Stop

15-01-2009, 06:47 PM

أنا مش عايز أتكلم من الناحية الدينية يا محمود
امال هنتكلم من انهى ناحية اهم حاجة فى تعاملاتنا الدين يا هانى متعملش زى الراحل اللى بيقول ليس كل ما يحرمه الشرع يجرمه القانون
مع ان الدولة قوانينها المفروض تبقا من القران والسنة
فمينفعش نفصل بين الدين والمجتمع
الدين الحياة

صحيح أنا مسلم بس فكرى بيختلف كثيرا عن معظم المسلمين
طب ما تقول ايه وجه الاختلاف طيب محنا برضو كلنا مسلمين واللى يحرمه الدين نقول عليه حرام والحلال بردو بنقول عليه حلال
يعنى كلنا متبعين منهج واحد كتاب الله وسنة رسوله
ليا أفكار ومعتقدات خاصة مش عايز أتكلم فيها هنا عشان الموقع مش مناسب وعشان ما يتقالش ان هانى بيدعو الى أفكار طائفية زى المرة اللى فاتت :)
معتقدات خاصة
هو الاسلام دلوقتى بقا متقسم كل واحد يقول انا ليا معتقدات
لا يا هانى الدين واحد ومعتقداته واحدة ومش هنفرق بين مسلم ومسلم فى العقيدة
المنهاج الدينى واحد مينفعش حد يخرج عنه
انما خليا نتكلم من النواحى الاجتماعية
طب شيل الدين من الدنيا كدا شيله من المجتمع
قولى بقا شايف الدنيا دلوقتى ازاى كله بقا فى حاله محدش بيشتكى من حد
تفكيرك غلط يا هانى
وأنا أعتقد انه الاسئلة دى كلها المفروض تكون مرفوضة اجتماعيا
انا اعرف اسألة مرفوضة دينيا
انما اجتماعيا دى هيا الجديد
ثم معظم الاسألة عادية ومفيهاش حاجة
ومش بتبقا غلاسة
وفكر فى الحديث اللى انا قولتهولك فى الرد اللى فات يا هانى
تقريبا انت مفهمتوش

معايا ولا أنا غلطان يا بشهمندس ؟؟

بصراحة غلطان يا بشمترجم
منهجك بصراحة مش صح خاصة
فى جملة انا ليا معتقدات خاصة
اللهم يا مقلب القلوب ثبت قلبى على دينك
دمت فى رعاية الله

fatosh

15-01-2009, 08:10 PM

أنا مش معاك خالص
عشان دي مش إسمها عادات و تقاليد دي إسمها نصايح من واحد خايف علي أخوه
أو واحدة خايفة علي أختها
هي مش بتقول كده و لا هو بيقول كده من باب (التطفل)زي ما قولت
لأ ده من باب حق المسلم علي أخيه
لأن كل واحد هيسأل
و بعدين لو مش عاجبك كلام حد ده مش معناه إن هو غلط
لأ إنت اللي مش عايز تسمع من أساسه
و لو عندي حاجة غلط ياريت تصححهالي
:):):):)

JusT DreaM

16-01-2009, 05:32 AM

السلام عليكم ورحمة الله وبركاته
قبل اي حاجة انا عاوزة اسأل حضرتك سؤال غلس :)
انت ليه هنا معانا ومصر انك تكون معانا جدا يعني
بالرغم اني ملاحظة ان كل كلامك دفاع عن نفسك
وكلنا مش متفقين معاك وبردو عاوز تكمل
لسبب مبهم:confused:
انا لما وقفوك ورفضو يرجعوك تاني انا كنت معترضة عالكلام ده
مش لاني متعاطفة معاك ولا حاجة لاسمح الله:romarioxp6:
لان السبب اللي وقفو حضرتك عشانه مش مقنع
ال ايه بتنشر افكار طائفية
لان الكلام اللي بتقوله ده مش يقنع عيل عنده اربع سنين
ودي ملحوظة ممكن مش تكون واخد بالك منها
هعلق على حاجة في كلام عادل

مظنش يعني ومحمود مش بيجيب كلام من دماغه الراجل بيتكلم من القرآن مش حتي من السنه اللي في بعض الناس بتنكرها

اعتقد اننا ملناش دعوة باللي بينكر واللي بيعترف
احنا لينا علاقة بدينا اللي هو بيشمل قرآن وسنة
واعتقد بردو من كلام ربنا

وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا
القرآن هو اللي بيقول كده
وبردو
((وما ينطق عن الهوى إن هو إلا وحى يوحى)
ومعلش عاوزة اعرف رأيك في الايتين دول

وانا في كل الاسئلة دي ردي واحد
قال رسول الله صلى الله عليه وسلم

( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم
صدق رسول الله صلى الله عليه وسلم
ومن القرآن بردو
{ كنتم خير أمة أخرجت للناس تأمرون بالمعروف وتنهون عن المنكر وتؤمنون بالله } ( آل عمران : 110 ) .
واحنا مسلمين وده دينا ومش بنتعامل غير بيه
واي مسلم عادي ميعرفش الا القليل عن الدين عارف الحته دي كويس
ومش بيقول عليها تطفل ولا غلاسة!!
ومش هتكلم تاني عشان ميبقاش كلامي برة الموضوع

مؤمن العمدة

16-01-2009, 10:23 PM

Amethyst

17-01-2009, 01:56 AM

( يا أيها الذين أمنوا عليكم أنفسكم لا يضركم من ضل اذا اهتديتم )
ده كلام ربنا مش كلامى
يعنى ربنا بقولنا بالذوق كل واحد يخليه فى حاله

( كل امرئ بما كسب رهين )
ده كلام ربنا برده
يعنى مفيش حد هيتحاسب مكان حد ولا حد مسئول عن أفعال حد والكلام دوت
سورى أنا مشغول موووت وعشان كده مردتش على كل تعليق لوحده واختصرت فى ردى

أنا رأيي كده .. ومش بحب حد يدّخل في الحاجات اللي قلتها كمثال .. دي حاجات شخصية .. ده رأيي الشخصي .. :)

..Just Stop

18-01-2009, 05:59 PM

تم حذف الردود الخارجة عن الموضوعي

ا ريت يا جماعة مانخرجش برا الموضوع
وبلاش الحدة فى الكلام كدا

::::::::::::::
فى ناس عايزة تجرب الوقف باين :d
ربنا معاكو

wafa2y

19-01-2009, 04:36 PM

تم حذف الردود الخارجة عن الموضوعي

ا ريت يا جماعة مانخرجش برا الموضوع
وبلاش الحدة فى الكلام كدا

::::::::::::::
فى ناس عايزة تجرب الوقف باين :d
ربنا معاكو

لأ يا عمي
أنا لسه ملحقتش
و بعدين حرام مرتين ورا بعد
أنا هعد ساكت
(القسم العام ده هيودينا في داهية)
:(:(:(