هو احنا بنزهق منها ؟ ولا بنخاف ؟ ولا بنكرهها ؟ طب وليه اصلا ؟ [الأرشيف]

مشاهدة النسخة كاملة : هو احنا بنزهق منها ؟ ولا بنخاف ؟ ولا بنكرهها ؟ طب وليه اصلا ؟

Rien

10-01-2009, 05:59 AM

السلام عليكم ورحمة الله وبركاته ،
اسعد الله اوقاتكم بكل خير

http://photos-e.ak.fbcdn.net/photos-ak-snc1/v1922/241/8/1208383777/n1208383777_30089612_1394.jpg

ايه رأيكم ف رسمى ؟
:p

باهزر طبعا .. اكيد مش عاملة الموضوع عشان اسألكم عن رأيكم ف رسمى
بس وانا قاعدة اذاكر ( علم اجتماع )
لقيت نفسى باقطع ورقة وعمالة اشخبط فيها باى حاجة
طلعت معايا دى ف الاخر
وبجد
حسيت انها بتعبر عن حالتى
حاسة ان المذاكرة بتكرهنى
وانا كمان .. مش باحبها

ومش انا بس
كل اصحابى كدة
وكتير منكم كدة
بس ليه ؟

ليه بنحلم باهداف وكليات جامدة
ولما نيجى نذاكر
( اوووووف )
مش ده اللى بيحصل برضو ؟

ليه لما ماما بتقولى سيبى النت وقومى ذاكرى
باقولها انا عارفة اللى عليا وباعمله
وانا ولا عارفة حاجة ولا باعمل حاجة
وحاسة بالذنب عشان الجملة اللى كتبتها دى
Lost time is never gained again

وبرضو مش انا بس اللى كدة

هل ده مجرد احساس بالتقصير ناتج عن الخوف والقلق .. بس مش حقيقى ؟
ولا ده تقصير فعلا ؟
وايه اسبابه ؟
طب وازاى نعالجه ؟

بجد محتاجة اسمع رأى كل حد فيكم
واكيد برضو فيه غيرى محتاجين لده
وباذن الله هاتابع الردود وارد عليها

http://photos-f.ak.fbcdn.net/photos-ak-snc1/v1922/241/8/1208383777/n1208383777_30089621_9893.jpg

رجاء : الموضوع مايتنقلش ( اجتماعيات طالب ) لانها مش مشكلة خاصة
:)

لومة fces

10-01-2009, 06:30 AM

ايه رأيكم ف رسمى ؟
اولا والله العظيم رسمك جامد جدا وعجبنى اوى

حاسة ان المذاكرة بتكرهنى
وانا كمان .. مش باحبها
يمكن عشان انتى بتكرهيها فحاسة ان هى بتكرهك بس لو جربتى تحبيها ممكن يحصل العكس وتبقى بينكوا قسة حب جاامدة اوى ومش هنعرف بقى نقومك من عالمذاكرة بعد كده
(حب ما تعمل حتى تعمل ما تحب )
ومش انا بس
كل اصحابى كدة
وكتير منكم كدة
بس ليه ؟
اكيد كتير منا كده وده لما بنكون بنذاكر مادة صعبة او مش فاهمين او فى حاجات كتير واقفة معانا
او طبعا لما بتكون دماغنا مشغولة باى حاجة تانية
وطبعا ده بيحصل كتير سواء كانت الحاجة دى مشكلة او مثلا بنفكر فى النت او التليفزيون .....الخ :wacko::romarioxp6:

ليه لما ماما بتقولى سيبى النت وقومى ذاكرى
باقولها انا عارفة اللى عليا وباعمله
وانا ولا عارفة حاجة ولا باعمل حاجة
هل ده مجرد احساس بالتقصير ناتج عن الخوف والقلق .. بس مش حقيقى ؟
والله ساعات كتير بنبقى عارفين اللى علينا بس الكلام بتاع الاهل ده بيخلينا نحس بالذنب ونحس اننا ماذاكرناش حاجة ولا عملنا حاجة:angry2:

ولا ده تقصير فعلا ؟
ولازم نعترف برضه ان ساعات بنبقى مقصرين وكلامهم بيفوقنا عالحقيقة المرة :(
وايه اسبابه ؟
دى حاجة بتختلف من شخص للتانى وكل واحد ليه اسباب بتخليه يقصر فى المذاكرة (مش اعذار بس مجرد حجج )

طب وازاى نعالجه ؟
برضه بتختلف بس اهم حاجة نقوى ارادتنا ونتحدى نفسنا ونتحدى المذاكرة
وعلى فكرة انا والله الكلام ده كله عن تجربة شخصية يعنى لما جربت احب بعض المواد عندى (اللى كنت بكرههامووووووووت)
بقيت ماشية كويس فيها والحمد لله وبرضه لما كنت بتحدى صحابى وبتحدى نفسى كمان ساعات كنت بقدر اخلص اللى انا عايزاه ومش ضرورى ندخل مسابقة ولا اقولهم انا بتحداكوا بس مع نفسى كده والحكاية دى نفعت اوى معايا وممكن العكس يعنى مثلا تاخدى حد قضوة ليكى

وباذن الله هاتابع الردود وارد عليها
يا بنتى قومى ذاكريلك كلمتين ينفعوكى يخربيت النت اللى هيجيبك ورا ده :p:p:p
ردود ايه اللى هتتابعيها النت مش هينفعك بحاجة بعد كده:d:d
ملحوظة( بهزر اوعى تكونى صدقتى وعلى فكرة الكلمتين دول مقتبسين من ماما :bosyht9::stickjo4:)

يارب يكون ردى عجبك ومعلش طلت عليكو اوى
وربنا يوفقك ويوفقنا جميعااااااا

MoHaMeD ELsHeRbEnY

10-01-2009, 09:35 AM

السلام عليكم ورحمة الله وبركاته ،

عليكم السلام ورحمة الله وبركاتة

اسعد الله اوقاتكم بكل خير

http://photos-e.ak.fbcdn.net/photos-ak-snc1/v1922/241/8/1208383777/n1208383777_30089612_1394.jpg

ايه رأيكم ف رسمى ؟
:p

والله جميل

بسم الله ما شاء الله

باهزر طبعا .. اكيد مش عاملة الموضوع عشان اسألكم عن رأيكم ف رسمى
بس وانا قاعدة اذاكر ( علم اجتماع )

والله المادة دى رخمة

حتى فى الكلية

ههههههههههههههه

لقيت نفسى باقطع ورقة وعمالة اشخبط فيها باى حاجة
طلعت معايا دى ف الاخر
وبجد
حسيت انها بتعبر عن حالتى
حاسة ان المذاكرة بتكرهنى
وانا كمان .. مش باحبها

ياساتر يارب

خلاص كفاية كدة وزى مادخلنا بالمعروف نخرج بردة بالمعروف

انا بضحك طبعا

لانى حاسس انكم مخنوقين قوى فقلت افك عنكم بس يعنى

ومش انا بس
كل اصحابى كدة
وكتير منكم كدة
بس ليه ؟

اقولك لية

لان التعلم فى مصر عودونا اننا نقول ان المادة دى صعبة حتى لو سهلة وكل مدرس عاوز يخلى مادتة اصعب مادة علشان الطالب يخاف منها ويذاكر او علشان الطالب ياخد درس او او حاجات كتر مش هنخلص لو قعدنا نقول ودا تفكير غلط فبالتالى لازم هنحس انها صعبة واحنا بنزاكر هنتخنق وهنقوم قافلين الكتاب دا زى منا بعمل يعنى

ليه بنحلم باهداف وكليات جامدة
ولما نيجى نذاكر
( اوووووف )
مش ده اللى بيحصل برضو ؟

فعلا هوة الى كان بيحصل معايا

ودا سببة الرئيسى اننا واخدين فكرة ان المادة دى صعبة

وحتى لو هيا سهلة

ليه لما ماما بتقولى سيبى النت وقومى ذاكرى
باقولها انا عارفة اللى عليا وباعمله
وانا ولا عارفة حاجة ولا باعمل حاجة
وحاسة بالذنب عشان الجملة اللى كتبتها دى
lost time is never gained again

لا مش لازم اكون مش عارف الى عليا

انا فعلا ببقى عارف الى عليا فى اوقات كتير بس مبعملوش

هههههههههههههههههه

ودا بيكون فى اغلب الاوقات

وفية بردك اوقات تانية مش بكون عارف الى عليا ودا بقى الى هيودى فى داهية

وبرضو مش انا بس اللى كدة

هل ده مجرد احساس بالتقصير ناتج عن الخوف والقلق .. بس مش حقيقى ؟

لا دا تقصير ناتج عن الخوف وكمان تقصير مننا يعنى الاتنين مع بعض

ولا ده تقصير فعلا ؟

ايوة تقصير وكلام الاهل لة نتائج كتيرة واوقات بتبقى عكسية

انا مثلا اوقات لو مش ليا مزاج للمذاكرة وحد قالى قوم زاكر هقوم بس هتخنق وم هذاكر

واوقات فعلا بذاكر وبهتم

وايه اسبابه ؟

الاسباب كتيرة واعتقد انها موجودة عندك فى علم النفس . صح ؟

بس هيا مش عند كل الناس واحد

فاهمانى ولا انا بخرف ؟؟

طب وازاى نعالجه ؟

نعالجة دى بردك مش عندنا كلنا واحد

بس الحاجة الى بتبقى مشتركة عند الجميع

اننا نحط هدف قدامنا ولازم يكون هدف كبير

انا مثلا كان هدفى حربية والحربية من 60 %

هههههههههههههه

يعنى دا مش هدف

وحاجة تانية بردك مهمة اننا فى وقت المذاكرة نركز بس فى المذاكرة

ودا مش بقدر احققة معايا

بس فية ناس كتير تقدر تعملة

بجد محتاجة اسمع رأى كل حد فيكم

ادينا قلنا اهوة

وربنا يستر وتفهمينى ومكنش خرفت فى الكلام

واكيد برضو فيه غيرى محتاجين لده
وباذن الله هاتابع الردود وارد عليها

http://photos-f.ak.fbcdn.net/photos-ak-snc1/v1922/241/8/1208383777/n1208383777_30089621_9893.jpg

رجاء : الموضوع مايتنقلش ( اجتماعيات طالب ) لانها مش مشكلة خاصة

:)

دا بقى شغل المشرفين

انا مش مشرف

ههههههههههههههههههههه

قصدى يعنى مشرفين العام

شكرا على الموضوع مكعب سكر

ويارب ردى يعجبك

جزاكى الله خيرا

فى رعاية الله

ميراج

10-01-2009, 11:32 AM

السلام عليكم ورحمة الله وبركاته ،
وعليكم السلام ورحمه الله وبركاته

اسعد الله اوقاتكم بكل خير

http://photos-e.ak.fbcdn.net/photos-ak-snc1/v1922/241/8/1208383777/n1208383777_30089612_1394.jpg

ايه رأيكم ف رسمى ؟
:p
جامد جدا والله

باهزر طبعا .. اكيد مش عاملة الموضوع عشان اسألكم عن رأيكم ف رسمى
بس وانا قاعدة اذاكر ( علم اجتماع )
لقيت نفسى باقطع ورقة وعمالة اشخبط فيها باى حاجة
طلعت معايا دى ف الاخر
وبجد
حسيت انها بتعبر عن حالتى
وحالتى كمان والله:(:(
حاسة ان المذاكرة بتكرهنى
انا كمان برضوا حاسه كده والله
وانا كمان .. مش باحبها

زى بالظبط

ومش انا بس
كل اصحابى كدة
وكتير منكم كدة
بس ليه ؟

علشان نصيبنا كده وقع فى بلد التعليم عندها نمره 1

ليه بنحلم باهداف وكليات جامدة
ولما نيجى نذاكر
( اوووووف )
مش ده اللى بيحصل برضو ؟
اوف واحده ده اوفين تلاته كمان :(

ليه لما ماما بتقولى سيبى النت وقومى ذاكرى
باقولها انا عارفة اللى عليا وباعمله
وانا ولا عارفة حاجة ولا باعمل حاجة
وحاسة بالذنب عشان الجملة اللى كتبتها دى
Lost time is never gained again
اه اعد اقولها انا عارفه ايه اللى ورايه محدش ليه دعوه بيه وانا مش عارفه حاجه اصلا

وبرضو مش انا بس اللى كدة
طبعا مش انت بس اللى كده

هل ده مجرد احساس بالتقصير ناتج عن الخوف والقلق .. بس مش حقيقى ؟
ولا ده تقصير فعلا ؟
هوه تقصير بس للأسف الواحد مش قادر يعالجه :(
وايه اسبابه ؟
طب وازاى نعالجه ؟

بجد محتاجة اسمع رأى كل حد فيكم
واكيد برضو فيه غيرى محتاجين لده
وباذن الله هاتابع الردود وارد عليها

http://photos-f.ak.fbcdn.net/photos-ak-snc1/v1922/241/8/1208383777/n1208383777_30089621_9893.jpg

رجاء : الموضوع مايتنقلش ( اجتماعيات طالب ) لانها مش مشكلة خاصة

:)

الموضوع جميل اوى والله

وربنا يستر علينا السنه ديه :049gc0:

bosy .. mostafa

10-01-2009, 04:29 PM

طـفـلـة الامـس

10-01-2009, 05:47 PM

على فكرة يا منى رسمك حلو بس خطك :078111rg3::078111rg3::078111rg3:
بلاش اكمل:):)

المهم بقى عايزة اقولك انى كنت فى ثانوية عامة مش بقوم من على كتاب لسبب واحد بس انى ماكنت اعرف النت:):av4056bb7jp3:
من يوم ماعرفته والحمد لله وانا مش بتقدم خطوة ...
بتراجع يا اما افضل واقفة مكانى انما اتقدم
لالالالالالالالالالالالالالا
وصدقينى بجد عمره ماهاينفعنا فى حاجة اخرتها هانسيبه ويبقى خسرنا ايه مستقبلنا ؟؟!
بس بصراحة كون الواحد مش بيحب المذاكرة مع ان ادامه هدف جامد اوى عايز يحققه بيدل على ان دماغه مشغولة بحاجة تانية حاسس انها اهم .
وهو اللى بنسميه نت
عايزة تقرى اخر المشاركات ومين اللى رد فى موضوعى وحصل ايه لفلانة ؟
كل ده مش بتفكرى فيه ونتى قاعدة؟؟
استحااااااااااااااااالة

بس بجد حطى فى دماغك هدف بمعنى هدف ..طموح ..امال ..احلام ....... احلام صعبة المنال
وتذكرى دايما انك مش هاتتساوى بحد ذاكر كويس واجتهد ومعرفش طرق تانية غير طريق المذاكرة والاجتهاد
دايما بقول لنفسى الكلمة دى
مش شرط هاتجبرى نفسك وتقعدى فى الاوضة اربعة وعشرين ساعة انتما لو ساعة فى اليوم كله حلو اوى
انا بقى اما بدات ادخل المنتدى كان فى نهاية شهر اربعة وكنت بدخل نص ساعة فى اليوم او مادخلش
بالاضافة لانى ماكنتش اعرف حد فماكانتش دماغى مرتبطة او مشغولة بحد زى دلوقتى.
ربنا معاكى وركزى وافتكرى ان ماحدش هاينفعك فى الكون غير نفسك وبس..

لمى 2016

10-01-2009, 05:56 PM

السلام عليكم
اولا يا حبيبتى انتى رسمك جميل خالص
بس هى دى حالتك
انا بقى لو جيت ارسم
عشان اعبر عن حالتى
هارسم بنت بتبكى
و لابسة اسود
يعنى من الاخر كدة
حالتى ((منتهى البؤس))
اصعب حاجة فى الدنيا
انك تحسى ان مستقبلك بيضيع و انتى اللى بتضيعيه بايدك
يمكن انتى مشكلتك هينة
فكرة المذاكرة و الكلام دة
و دى بيبقى مجرد احساس عارض
و هيروح
انما انا بقى حاسة انى خلاص الحياة
بتوصل للمنتهى
يلا كلنا لها
مش عارفة ليه انا رديت فى الموضوع دة
يمكن انتى جيتى على الجرح
بردو انا بتاسف لك لانى موش عارفة
اقولك استهدى بالله
و اهدى و الكلام اللى انا بقوله
_غالبا_
لانى كان من الافضل انى اقوله لنفسى
ليا عودة ان شاء الله
و هارد عليكى تانى

Rien

11-01-2009, 12:42 AM

ايه رأيكم ف رسمى ؟
اولا والله العظيم رسمك جامد جدا وعجبنى اوى

ميرسى يا لومة على رفع المعنويات
ربنا يخليكى لطلبة مصر
:d

حاسة ان المذاكرة بتكرهنى
وانا كمان .. مش باحبها
يمكن عشان انتى بتكرهيها فحاسة ان هى بتكرهك بس لو جربتى تحبيها ممكن يحصل العكس وتبقى بينكوا قسة حب جاامدة اوى ومش هنعرف بقى نقومك من عالمذاكرة بعد كده
(حب ما تعمل حتى تعمل ما تحب )

بصى هو انا نجحت شوية ف انى احب شوية مواد
بس فيه شوية تانيين مش عارفة ماكرههمش اساسا
ربنا يستر
:blush:

ومش انا بس
كل اصحابى كدة
وكتير منكم كدة
بس ليه ؟
اكيد كتير منا كده وده لما بنكون بنذاكر مادة صعبة او مش فاهمين او فى حاجات كتير واقفة معانا
او طبعا لما بتكون دماغنا مشغولة باى حاجة تانية
وطبعا ده بيحصل كتير سواء كانت الحاجة دى مشكلة او مثلا بنفكر فى النت او التليفزيون .....الخ :wacko::romarioxp6:

معاكى حق فعلا
باتعقد لما بالاقى حاجات كتير مش داخلة دماغى ف المادة
وبابقى مش عايزة ابص فيها تانى
وبرضو لو فيه حاجة تانية شاغلة تفكيرى
يلا هاانت
:rolleyes:

ليه لما ماما بتقولى سيبى النت وقومى ذاكرى
باقولها انا عارفة اللى عليا وباعمله
وانا ولا عارفة حاجة ولا باعمل حاجة
هل ده مجرد احساس بالتقصير ناتج عن الخوف والقلق .. بس مش حقيقى ؟
والله ساعات كتير بنبقى عارفين اللى علينا بس الكلام بتاع الاهل ده بيخلينا نحس بالذنب ونحس اننا ماذاكرناش حاجة ولا عملنا حاجة:angry2:

هى بتحصل اه
بس مش كتيير يعنى
وغالبا ده من خوفهم علينا
اللى بيتنقلنا وبيعمل عندنا رعب
:(

ولا ده تقصير فعلا ؟
ولازم نعترف برضه ان ساعات بنبقى مقصرين وكلامهم بيفوقنا عالحقيقة المرة :(

ايوة
:slap1qk6:
وايه اسبابه ؟
دى حاجة بتختلف من شخص للتانى وكل واحد ليه اسباب بتخليه يقصر فى المذاكرة (مش اعذار بس مجرد حجج )

مش كلها حجج والله
فيه حاجات بيكون عندى حق فيها
مش كتير يعنى
:d
طب وازاى نعالجه ؟
برضه بتختلف بس اهم حاجة نقوى ارادتنا ونتحدى نفسنا ونتحدى المذاكرة
وعلى فكرة انا والله الكلام ده كله عن تجربة شخصية يعنى لما جربت احب بعض المواد عندى (اللى كنت بكرههامووووووووت)
بقيت ماشية كويس فيها والحمد لله وبرضه لما كنت بتحدى صحابى وبتحدى نفسى كمان ساعات كنت بقدر اخلص اللى انا عايزاه ومش ضرورى ندخل مسابقة ولا اقولهم انا بتحداكوا بس مع نفسى كده والحكاية دى نفعت اوى معايا وممكن العكس يعنى مثلا تاخدى حد قضوة ليكى

كلام جميل
حااضر هاحاول
:romarioxp6:
وباذن الله هاتابع الردود وارد عليها
يا بنتى قومى ذاكريلك كلمتين ينفعوكى يخربيت النت اللى هيجيبك ورا ده :p:p:p
ردود ايه اللى هتتابعيها النت مش هينفعك بحاجة بعد كده:d:d
ملحوظة( بهزر اوعى تكونى صدقتى وعلى فكرة الكلمتين دول مقتبسين من ماما :bosyht9::stickjo4:)

عاادى يا بنتى
هى جت عليكى يعنى
دانا اصحابى بقوا يقولولى قومى ذاكرى لما يشوفونى اونلاين
وانا كمان باقولهم كدة
:slap1qk6:
بس غريبة !!
نفس الكلمتين اللى بيتقالولى
:bosyht9:

يارب يكون ردى عجبك ومعلش طلت عليكو اوى
وربنا يوفقك ويوفقنا جميعااااااا

ردك جميل يا لومة
وماطولتيش ولا حاجة
نورتينى يا قمر
وربنا معااكى
:)

Rien

11-01-2009, 01:08 AM

ايه رأيكم ف رسمى ؟
:p

والله جميل

بسم الله ما شاء الله

شكرا شكرا
المجاملات كترت
ندخل ف الموضوع
:d

باهزر طبعا .. اكيد مش عاملة الموضوع عشان اسألكم عن رأيكم ف رسمى
بس وانا قاعدة اذاكر ( علم اجتماع )

والله المادة دى رخمة

حتى فى الكلية

ههههههههههههههه

يعنى مفيش فايدة
:(

لقيت نفسى باقطع ورقة وعمالة اشخبط فيها باى حاجة
طلعت معايا دى ف الاخر
وبجد
حسيت انها بتعبر عن حالتى
حاسة ان المذاكرة بتكرهنى
وانا كمان .. مش باحبها

ياساتر يارب

خلاص كفاية كدة وزى مادخلنا بالمعروف نخرج بردة بالمعروف

انا بضحك طبعا

لانى حاسس انكم مخنوقين قوى فقلت افك عنكم بس يعنى

حلوة نخرج بالمعروف دى
لا معلش انا هاجى على نفسى المرة دى واستحمل
:redface:
ومش انا بس
كل اصحابى كدة
وكتير منكم كدة
بس ليه ؟

اقولك لية

لان التعلم فى مصر عودونا اننا نقول ان المادة دى صعبة حتى لو سهلة وكل مدرس عاوز يخلى مادتة اصعب مادة علشان الطالب يخاف منها ويذاكر او علشان الطالب ياخد درس او او حاجات كتر مش هنخلص لو قعدنا نقول ودا تفكير غلط فبالتالى لازم هنحس انها صعبة واحنا بنزاكر هنتخنق وهنقوم قافلين الكتاب دا زى منا بعمل يعنى

السنة اللى فاتت كنت كل ماتخنق من اى مادة
اقفلها واذاكر فرنساوى
السنة دى بقى مش لاقية المادة التانية اللى هافتحها لما اتخنق
غالبا بتكون الجيولوجيا
:romarioxp6:

ليه بنحلم باهداف وكليات جامدة
ولما نيجى نذاكر
( اوووووف )
مش ده اللى بيحصل برضو ؟

فعلا هوة الى كان بيحصل معايا

ودا سببة الرئيسى اننا واخدين فكرة ان المادة دى صعبة

وحتى لو هيا سهلة
اممممممم
معاك حق ف دى فعلا
:(

ليه لما ماما بتقولى سيبى النت وقومى ذاكرى
باقولها انا عارفة اللى عليا وباعمله
وانا ولا عارفة حاجة ولا باعمل حاجة
وحاسة بالذنب عشان الجملة اللى كتبتها دى
lost time is never gained again

لا مش لازم اكون مش عارف الى عليا

انا فعلا ببقى عارف الى عليا فى اوقات كتير بس مبعملوش

هههههههههههههههههه

ودا بيكون فى اغلب الاوقات

وفية بردك اوقات تانية مش بكون عارف الى عليا ودا بقى الى هيودى فى داهية

ما هو سهل اعرف اللى عليا
بس اللى مش سهل انى اجبر نفسى اقعد اخلصه
:d

وبرضو مش انا بس اللى كدة

هل ده مجرد احساس بالتقصير ناتج عن الخوف والقلق .. بس مش حقيقى ؟

لا دا تقصير ناتج عن الخوف وكمان تقصير مننا يعنى الاتنين مع بعض

ايوة
:(

ولا ده تقصير فعلا ؟

ايوة تقصير وكلام الاهل لة نتائج كتيرة واوقات بتبقى عكسية

انا مثلا اوقات لو مش ليا مزاج للمذاكرة وحد قالى قوم زاكر هقوم بس هتخنق وم هذاكر

واوقات فعلا بذاكر وبهتم

انا مش باحب حد يقولى ذاكرى
لو ناوية اذاكر فعلا وحد قالهالى باتغاظ جدا
وباكون مش عارفة اركز ف المذاكرة بسبب كدة
:040vk0:

وايه اسبابه ؟

الاسباب كتيرة واعتقد انها موجودة عندك فى علم النفس . صح ؟

بس هيا مش عند كل الناس واحد

فاهمانى ولا انا بخرف ؟؟

اه صح موجودة ف علم النفس
حااضر هاقوم اجيب الكتاب واقراها
:d
فاهمة فاهمة
قصدك ان مش كل الطلبة هايجتمعوا على سبب واحد يخليهم يقصروا ف المذاكرة
صح كدة ؟

طب وازاى نعالجه ؟

نعالجة دى بردك مش عندنا كلنا واحد

بس الحاجة الى بتبقى مشتركة عند الجميع

اننا نحط هدف قدامنا ولازم يكون هدف كبير

انا مثلا كان هدفى حربية والحربية من 60 %

هههههههههههههه

يعنى دا مش هدف

وحاجة تانية بردك مهمة اننا فى وقت المذاكرة نركز بس فى المذاكرة

ودا مش بقدر احققة معايا

بس فية ناس كتير تقدر تعملة

يا ريت هدفى كان حربية
:romarioxp6:
موضوع نركز بس ف المذاكرة بيحصل اوقات واوقات لا
ممكن الخوف يخلينا مش عارفين نركز ف المذاكرة
نقعد نقول لنفسنا
مهما عملت مش هاوصل لحاجة والتعقيد اللى بيحصلنا ده
او مشكلة ما
يعنى ..
:(

بجد محتاجة اسمع رأى كل حد فيكم

ادينا قلنا اهوة

وربنا يستر وتفهمينى ومكنش خرفت فى الكلام

الحمد لله لسة بافهم شوية
ومفيش تخريف ولا حاجة
:d

واكيد برضو فيه غيرى محتاجين لده
وباذن الله هاتابع الردود وارد عليها

رجاء : الموضوع مايتنقلش ( اجتماعيات طالب ) لانها مش مشكلة خاصة

:)
دا بقى شغل المشرفين

انا مش مشرف

ههههههههههههههههههههه

قصدى يعنى مشرفين العام

الموضوع بقاله يوم اهو وماتنقلش
كويس كويس
:romarioxp6:

شكرا على الموضوع مكعب سكر

ويارب ردى يعجبك

جزاكى الله خيرا

فى رعاية الله

الشكر لحضرتك على الرد
وجزاك الله خيرا منه
فى امان الله

Rien

11-01-2009, 01:31 AM

ايه رأيكم ف رسمى ؟
:p
جامد جدا والله

ميرسى يا ميراج
ده بس من ذوقك
:)

باهزر طبعا .. اكيد مش عاملة الموضوع عشان اسألكم عن رأيكم ف رسمى
بس وانا قاعدة اذاكر ( علم اجتماع )
لقيت نفسى باقطع ورقة وعمالة اشخبط فيها باى حاجة
طلعت معايا دى ف الاخر
وبجد
حسيت انها بتعبر عن حالتى
وحالتى كمان والله:(:(
حاسة ان المذاكرة بتكرهنى
انا كمان برضوا حاسه كده والله
وانا كمان .. مش باحبها
زى بالظبط

بس بقى يا بنتى
حسستينى بالذنب انى عملت الموضوع ده
:(
ومش انا بس
كل اصحابى كدة
وكتير منكم كدة
بس ليه ؟

علشان نصيبنا كده وقع فى بلد التعليم عندها نمره 1

تفتكرى ؟
:bosyht9:
ليه بنحلم باهداف وكليات جامدة
ولما نيجى نذاكر
( اوووووف )
مش ده اللى بيحصل برضو ؟
اوف واحده ده اوفين تلاته كمان :(

:(

ليه لما ماما بتقولى سيبى النت وقومى ذاكرى
باقولها انا عارفة اللى عليا وباعمله
وانا ولا عارفة حاجة ولا باعمل حاجة
وحاسة بالذنب عشان الجملة اللى كتبتها دى
Lost time is never gained again
اه اعد اقولها انا عارفه ايه اللى ورايه محدش ليه دعوه بيه وانا مش عارفه حاجه اصلا

كويس تأنيب الضمير ده
قومى ذاكرى بقى
:stickjo4:
باهزر لا تضربينى ولا حاجة
:slap1qk6:
وبرضو مش انا بس اللى كدة
طبعا مش انت بس اللى كده

مانا حاسة بكدة برضو
:(
هل ده مجرد احساس بالتقصير ناتج عن الخوف والقلق .. بس مش حقيقى ؟
ولا ده تقصير فعلا ؟
هوه تقصير بس للأسف الواحد مش قادر يعالجه :(

هايقدر
بس يحاول
:(
الموضوع جميل اوى والله
ربنا يستر علينا السنه ديه :049gc0:

مرورك اجمل يا ميرا
ربنا معاكى
وتكون السنة دى احسن من اللى فاتت باذن الله
:)

Rien

11-01-2009, 01:40 AM

والله موضوع جامد
و عايزه ارغي فيه كتير اوي اوي
بس لازم انزل حالا لاني ورايا درس احياء و عندي امتحان وراثه
يلا بقى دعواتك اوعوا حد يكون قرفان مني و يقرا ردي يدعي عليا بس
لو جيت تاني -لو ربنا مخدنيش- هاجي ارغي و ده وعد و حجز مكان مش اكتر

سلامووزز
ماشى يا بوسى
هاستناكى لما ترجعى وترغى
طلعى اللى ف قلبك
:d
دعيتلك بس بعد ما الدرس خلص
نخليها للامتحان الجاى بقى
:p
ماتنسيش تقوليلى عملتى ايه
:stickjo4:

بورسعيدى

11-01-2009, 02:07 AM

وعليكم السلام ورحمة الله وبركاته

طبعا المسألة بسيطة ومعروف اسبابها

اولا انا لم ادرس علم اجتماع لانى كنت علمى علوم

ثانيا ردى على موضوعك

الملل دائما موجود فى العمال المفروضة علينا

دائما نمل ونكره ماهو مفروض علينا

لان كل شيئ محسوب وله مقابل ملموس ... يعنى

مذاكرة = نجاح

مذاكرة جاده = نجاح باهر

عدم المذاكرة او الاهمال = بعيد عنك وعن السامعين

لذلك المذاكرة مرفوضة ونادرا ما نجد انسان يحب المذاكرة

دائما نذاكر رغم انوفنا ولحين الوصول الى ورقة الاجابة ثم ننسى ما درسناه لاننا كنا مرغمين على فهم هذا الشيئ او هذه المادة

وهذه كانت حالتى ايضا اثناء الدراسة وكنت اكرة وابغض النظر على الكتاب حتى من الخارج

كنت لا اطيق ان افتح كتاب

والان اقضى معظم وقتى فى القرأة حتى الــــ7ـــســابعة صباحا ولا اكل ولا امل من القرأة

وحل هذه المشكلة هو بسيط جدا

يجب ان تتحملى وتجاهدى حتى تصلى الى غايتك وهى النجاح الباهر والتخرج بإذن الله وبعدين ارمى الكتب فى سلة المهملات

فهى مرحلة من مراحل الحياة ليس إلا

شكرا لك لاتاحتى الفرصة ان اعبر عن رأئيى

sara_gm90

11-01-2009, 03:31 AM

بصى بقى يا بنتى انا هقولك راى مش عارفه هتخدى بيه ولا ايه انتى كل لحظه انتى بتضيعيها انتى هتتحسبى عليها واكيد ده مش جديد عليكى بس بجد حرام تضيعوا احلى سنين عمركم فى الكااااااابه دى والحزن بسبب ومن غير سبب انتى لو فكرتى شويه هتلاقى انك فى الاخر هتنسى الحاله دى وهتزاكري برده طب ليه نضيع الوقت مدام كده كده هنزاكر يبقى نذاكر احسن واحنا حالتنا النفسيه كويسه ودايما خليكى فاكره انك كل حرف بتقرايه بترسمى بيه مستقبلك وانك مش لوحدك اللى بتزاكر حاولى تقنعى نفسك بكل بساطه ان الماده اللى فى ايدك دى سهله وبسيطه ولذيذه ومفيده وانا كل معلومه انتى مش بتقرايها علشان الامتحان لا انتى بتقرايها علشان تبقى انسانه ناجحه فى المجتمع ومثقفه والناس دايما هتقدرك وتحترمك ولازم دايما يكون ليكى قدوه وهدف وانا متاكده انك انشاء الله هتبقى كويسه وربنا هيهديكى وانتى حاولى تقربى من ربنا انا طولت عليكى اوى بس ياااااارب تقبلى كلامى ومكنش قلت حاجه تزعلك, على فكره ماده علم الاجتماع والنفس من اكتر المواد الى انا بعشقها كفايه انها بتكلم عن حاجات بجد هتفيدك فى كل مجالات الحياه:):):)

Rien

11-01-2009, 04:45 AM

على فكرة يا منى رسمك حلو بس خطك :078111rg3::078111rg3::078111rg3:

بلاش اكمل:):)

اكيد احلى طبعا
:p
ما علينا ماتفرقش كتير .. خلينا ف موضوعنا !!
ما هو انا اللى جبته لنفسى
يا ريتنى ما سألت
:slap1qk6:

المهم بقى عايزة اقولك انى كنت فى ثانوية عامة مش بقوم من على كتاب لسبب واحد بس انى ماكنت اعرف النت:):av4056bb7jp3:
من يوم ماعرفته والحمد لله وانا مش بتقدم خطوة ...
بتراجع يا اما افضل واقفة مكانى انما اتقدم
لالالالالالالالالالالالالالا
وصدقينى بجد عمره ماهاينفعنا فى حاجة اخرتها هانسيبه ويبقى خسرنا ايه مستقبلنا ؟؟!
بس بصراحة كون الواحد مش بيحب المذاكرة مع ان ادامه هدف جامد اوى عايز يحققه بيدل على ان دماغه مشغولة بحاجة تانية حاسس انها اهم .
وهو اللى بنسميه نت

هو بالنسبة لى
المشكلة مش ف النت
ما هو عندى من زمان
بس مفيش سنة باقعد كتير كدة قد السنة دى
لانى مش حابة المذاكرة او باهرب منها
مش بابعد عن المذاكرة عشان النت
هو مجرد روتين
بس لما بيفصل
مش بتكون مشكلة كبيرة يعنى
او حاجة شاغلة تفكيرى
---
ممكن يكون فعلا عندك حق ف ان النت بيشغل تفكير ناس كتير مننا
لانهم بقوا مرتبطين بيه جامد
ادمان يعنى
:)

عايزة تقرى اخر المشاركات ومين اللى رد فى موضوعى وحصل ايه لفلانة ؟
كل ده مش بتفكرى فيه ونتى قاعدة؟؟
استحااااااااااااااااالة

لا مش بافكر فيه
ولا بييجى ف دماغى اصلا
:d
عشان مش حاجة اساسية بالنسبة لى
مجرد وسيلة للترفيه
;)
ممكن اللى بيخلينى عايزة افتح نت
هو انى اتكلم مع اصحابى اللى مفيش وسيلة تانية تخلينى اعرف اتكلم معاهم غير الماسنجر
وبقالى فترة ماكلمتهمش

بس بجد حطى فى دماغك هدف بمعنى هدف ..طموح ..امال ..احلام ....... احلام صعبة المنال
وتذكرى دايما انك مش هاتتساوى بحد ذاكر كويس واجتهد ومعرفش طرق تانية غير طريق المذاكرة والاجتهاد
دايما بقول لنفسى الكلمة دى
مش شرط هاتجبرى نفسك وتقعدى فى الاوضة اربعة وعشرين ساعة انتما لو ساعة فى اليوم كله حلو اوى
انا بقى اما بدات ادخل المنتدى كان فى نهاية شهر اربعة وكنت بدخل نص ساعة فى اليوم او مادخلش
بالاضافة لانى ماكنتش اعرف حد فماكانتش دماغى مرتبطة او مشغولة بحد زى دلوقتى.

ربنا معاكى وركزى وافتكرى ان ماحدش هاينفعك فى الكون غير نفسك وبس..

معاكى حق طبعا
مفيش حد بيلعب هايتساوى بحد بيتعب بجد
بس احنا زهقنا من التعب
ف بنهرب منه
ربنا يسهل
هاخدلى يومين كدة وارجع تانى غصب عنى لما الاقى ورايا مذاكرة كتير
:slap1qk6:
واحتاس فيها بقى
:(
فكرتينى ببوسى
:d
نورتينى بمرورك يا سارة
شكرا كتيير ليكى

Rien

11-01-2009, 04:54 AM

السلام عليكم

وعليكم السلام ورحمة الله وبركاته

اولا يا حبيبتى انتى رسمك جميل خالص
بس هى دى حالتك
انا بقى لو جيت ارسم
عشان اعبر عن حالتى
هارسم بنت بتبكى
و لابسة اسود
يعنى من الاخر كدة
حالتى ((منتهى البؤس))
اصعب حاجة فى الدنيا
انك تحسى ان مستقبلك بيضيع و انتى اللى بتضيعيه بايدك
يمكن انتى مشكلتك هينة
فكرة المذاكرة و الكلام دة
و دى بيبقى مجرد احساس عارض
و هيروح
انما انا بقى حاسة انى خلاص الحياة
بتوصل للمنتهى
يلا كلنا لها

ليه بس كل ده
؟!
انا معاكى ان موضوع المذاكرة ده هاياخد يومين ويخلص
وبتحصل كتير فعلا
بس برضو مفيش حاجة تستاهل انك تشوفى الدنيا سودا كدة

مش عارفة ليه انا رديت فى الموضوع دة
يمكن انتى جيتى على الجرح
بردو انا بتاسف لك لانى موش عارفة
اقولك استهدى بالله
و اهدى و الكلام اللى انا بقوله
_غالبا_
لانى كان من الافضل انى اقوله لنفسى
ليا عودة ان شاء الله

و هارد عليكى تانى

آنا اسفة بجد لو الموضوع زود عليكى اللى مضايقك
بس مفيش حاجة تستاهل كل ده
هاقولك نفس الكلام
اهدى وبلاش تقولى لنفسك كدة
وان شاء الله كل حاجة تكون احسن
يمكن اكون انا مش قادرة اعمل اللى بانصح الناس بيه
بس ياا رب انتى تقدرى تعمليه
انا اسفة بجد يا لمى
والله لو اعرف انك هاتتضايقى كدة ماكنتش عملت الموضوع اصلا
ومنتظراكى تكونى ف حالة افضل من كدة
ربنا معاكى ويخفف عنك
:)

هنا الفقي

11-01-2009, 03:53 PM

ههههههههههههههههه
دماغ دماغ يعني
اولا انا كنت داخلة الموضوع ده على انه عن مصر :d
بس
ماحدش يضحك
انا قلت ماحدش يضحك :slap1qk6:
عادي يعني ما تفرقش كتير كله بيعدي على بعضه
المهم مش المفروض اكتر ف الرغي عشان ورايا مذاكره ها
بس كنت عاوزة اقول ان الاهداف والنوايا بتحول عاداتنا لعبادات نؤجر عليها
بذاكر عشان انجح بمجموع كويس ادخل بيه الجامعة اللي بحلم بيها وبابا وماما يزقططوا والناس يقولوا المش عارف ايه راحت المش عارف ايه جت
مثلا لو احنا بنفكر فكده
ليه ما نخليش النية ان دي عباده اولا
وثانيا اني لما اذاكر هاكحقق مكانة كويسة ف الاسلاد يتفاخر بيا مش بس بابا وماما
ممكن بعد كده اكون قوة عظمى لها كلمتها فالعالم والناس يقولوا المسلمة عملت كده
بذاكر عشان عندي رسالة لازم ااديها
بذاكر عشان اكون مثل اعلى كشخص متدين جدا وروش وشاطر وبعمل خير وعايش سني وبمشي بفخر واقول انا مسلم

مش هاطول اكتر من كده
لكن كلنا بنعاني من المذاكرة بس لازم نستحمل ونساعد نفسنا ونسهل عليها ونتحرى الحسنات نجيبها منين حتى ف المذاكرة

رغيت كتير انا
معلش بقى
لو خلصت بدري هابقى اجي ارغي تاني :p

Sharp

12-01-2009, 08:54 AM

bosy .. mostafa

12-01-2009, 11:55 PM

بسم الله الرحمن الرحيم
انا كنت هرغي و رغيت كتير اوي بس الموقع وقع :angry2: نرفزني اوىىىىىىىى
نهايته اما ارغي تاني و هو انا يعني ورايا حاجه .. Just ثانويه عامه بس حاجه بسيطه خالص مالص
:d
عايزه اقولك اني من كام يوم قلبت قلبه صعبه اوي و في وقت غير مناسب بالمره
لاقتني مره واحده قفشت عالمذاكره و ثانويه عامه و اللي عايز يذاكر في سنته دي و ماروحتش دروس ولا انجزت حاجه و ده كان نتيجه كبت لإني فضلت اكتر من اسبوعين مش اخد اجازه يوم الجمعه ولا اخرج .. بس طلعت الكبت بطريقه مثاليه اوىىىىىىىىى (هبقى اقولك ايه هي لما اشوفك عالميل ;) اصلها متعبه شويه ههههههههه )
طبعاً ماقولكيش ماما كانت بتزعق لي (مش عشان مش بذاكر) لا بتزعق لي عشان عامله لها دوشه و بعيط و كده و كمان عشان ماعملتش الغدا بدالها ولا عملت الشقه و دي من اساسياتي :slap1qk6:
بعد ما طلعت الكبت بقى الحمد لله رب العالمين رجعت لطبيعتي و لجناني تاني و لمناكفتي مع الفيزيا و عبطي مع الاحياء و تمشيتي عالنيل مع العربي و شرب البيبسي مع علم النفس و قزقزة اللب بتاعة الانجليزي :romarioxp6:

بس تعرفي يا منى .. كل لما تبقى نفسي مفتوحه عالمذاكره و ده بيحصل لما نفسيتي بتكون تمام و ميه ميه (ودي حالات نادره ) لازم يحصل حاجه من دي
1. يا اما ماما تقولي انا تعبانه و عليكِ شغل البيت و شيلي ليلى بنت اخوكي بقى على مامتها تيجي من بره :006et4: و ليلى طبعاً بتعيط بمعدل 3 ثواني لو سبتيها لوحدها

2.يا اما استاذ اشرف (مديري في الشغل) يتصل بيا عشان مؤتمر او بحث او اي مصيبه زرقا مطلوبه مني :romarioxp6:

3.يا اما ينتابني احساس رائع بالنوم و بينتهي اني بنام عالكتاب الحمد لله (و مش بينفع فيها لا نيسكافيه ولا قهوه ولا اي منبهات) و ييجي اخويا يصحيني و بعد ما اصحى يتريق عليا ويقولي (يا ضحية المذاكره)

عشان كده مش بحب نفسي تبقى مفتوحه عالمذاكره

تعرفي يا منى .. انا كنت مره بسأل ماما (هو احنا ماخلاص اتعلمنا نقرا و نكتب ايه لازمة الغلب ده بقى و فيزيا والذي منه) الاقيها تبص لي كده و تقولي (العلم نور يا بوسي .. اتنوري يا حبيبتي http://www.thanwya.com/vb/life/icons/icon3.gif)

لحد ما كنت في يوم قاعده زيك كده و رحت راسمه ورقتين و معلقاهم في مدخل شقتنا الحمد لله كل اللي يدخل يشوفهم حتى جارنا كان جاي يزور اخويا فضل باصص في الصور ييجي تلات اربع ساعه و كان شبه الايموشن ده >>> :confused:
و جارتي هبه مسكتني تريقه ماقولكيش ههههههه

ما علينا

الاولى رسمت فيها حمار كبير اوي و كتبت تحتيه (شعارنا .. عك و ربك يفك)
التانيه رسمت فيها لمبه و كتبت جملة طه حسين الشهيره (التعليم كالماء و الهواء) بس زودت عليها (بس يا ناس الماء ملوث و الهواء فيه دخان تفتكروا التعليم كده ايه ؟؟ )

الحمد لله يعني بيشتكوا مني في البيت و بيقولوا لي على ما تخلصي ثانويه عامه هتكوني خلصتي علينا :giljotiiniug3:

انا في المذبحه اللي عندي دي .. تخيلي يوم الجمعه الجايه عندي احياء عالمنهج اللي اخدته كله (بابين و فصلين) و كل واحد طويل عريض
و اللي بعدها على طول فيزيا (اربع ابواب و عيشي فيهم :rolleyes:)

و بعدين ناخد الاجازه
انا مابقتش عايزه اخد اجازه ده ضغط مش لطيف
و مستر الانجلش عشان متأخرين -على حد قوله- عايز يدينا تلات حصص الاسبوع الجاي
انا خلاص يا بنتي قريب هطلع فوق سطوح بيتنا و بما اني عندي فوبيا من الادوار العاليه فمش هحتاج ارمي نفسي لاني بمجرد ما ابص تحت بس هقع (بعد الحالات النفسيه اللي بتصيبني اثناء الطلوع) و لو حد فكر يسألني بتعملي ايه هقوله بجرب قفزة الثقه اصلي نفسي اقدم في الجيش :d

كفايه رغي عن نفسي بقى

==

بصي يا منى يا حبيبتي .. احنا جينا الدنيا دي عشان نؤدي رساله معينه ..
افتكر كنت في يوم قرفانه من المذاكره و بكلم واحده صاحبتي هنا في المنتدى -ربي يمسيها بالخير و يسعدها- قالت لي جمله حلوه اوي بتقول :
If you think you can or you can't you are right
و قالت لي ساعتها بلاش تحبطي نفسك و تقولي مش هقدر و مش هعمل و مش هسوي .. لإني كده خلاص حطيت في مخي اني مش هقدر اعمل حاجه يبقى فعلا مش هقدر .. لكن لو اقنعت نفسي اني هقدر و هوصل بامر الله .. يبقى هوصل و ربنا هيعيني
و ماينفعش اقعد ادعي ربنا باني احقق هدفي و انا مش بشتغله (وقل اعملوا فسيرى الله اعمالكم :))
و اخيراً لازم نحط في اعتبارنا ان ربنا مش راح يضيع تعبنا ابدا ابدا و تعبنا مش راح يروح هدر ابدا

و بعدين ايه المشكله يا منى .. احنا في مصر
املي دماغك بالمعلومات الملخبطه اللي في المنهج دي و روحي صبيها في الامتحان و اطلعي من اللجنه ابيض يا ورد و ارفعي شعار (لا مذاكره بعد اليوم اكل المحشي اهم اهم :p)
و هتجيبي 100% بأمر الله الواحد الاحد
العمليه مش صعبه خالص لو حسبناها صح صدقيني
انا قعدت مع نفسي و حسبتها كويس لقيت مافيش ادنى صعوبه
طالما بشتغل بهدف اني ارضي ربنا عني و اسعد اهلي و اللي بحبهم و اوصل للكليه اللي بحلم بيها
يبقى كل صعب يهون

تعرفي احنا عاملين زي ايه ..
زي واحد مسافر في طريق طويل .. بعربيه ..
البنزين في الحاله دي هي طاقتنا و دافعنا اللي بيخلينا اذاكر
و المكان اللي عايز يوصله هو الهدف
و المشي ده بقى مذاكرتنا

في يوم هنلاقي ان البنزين خلص .. مش مشكله نريح شويه و نرجع تركيزنا و نجدد النيه من فتره لفتره
نفتكر المكان اللي عايزين نوصله و نعرف ان لسه ادامنا فرص كتير
و الامتحانات اللي في الدروس دي مجرد تدريب عالحرب الكبيره (الامتحان الاصلاني :friendsxs3:)
و نكمل مشوارنا تاني و نرجع له و نرجع لمذاكرتنا

ياااارب كل واحد يحقق هدفه يارب
و يارب ينصر اخواننا في فلسطين

معلش يا منمن صدعتك و طولت اوي
بس اهو بقى قولت لك فيه رغي كتير :)
بحبك في الله
على فكره يا بت وحشتيني اوىىىىىىىىى نفسي اكلمك اوي

يوسف الشوري

13-01-2009, 12:46 AM

hazem_ayman

13-01-2009, 12:53 AM

هو فى حد بيحب المزاكرة يا يوسف
انت عارف احنا كنا عاملين ازاى السنة اللى فاتت
مش هكلم بقى

د حنين

13-01-2009, 03:03 AM

السلام عليكم
طبعاااااااااااااااااااااااااابعد الكلام الحلو ده مافيش حاجة تتقال
انا وانا صغنونه كنت فاااااااااااااااااااااااااااااااااااااااشلة فى التعليم بجد (فى تالته ابتدائى كنت جايبة88%)مفيش حد فى الجمهورية عرف يحقق الانجاز ده
لانى كنت كاهرة التعليم بسبب المدرسين كلهم
بس بعد كده حسيت ان الواحد لازم يبقى شديدمع نفسه شوية ومش كل اللى يريحك ويرضيك تعمله
يعنى الدوا مثلا مر بس لازم تاخده علشان تخف ولا ايه؟؟؟؟؟؟؟؟؟؟؟؟؟
وكمان فرحة النجاح فى عين الاب والام ملهاش مثيل غير انهم بيتعبوا كتييييييييييييييييير علشانا واقل حاجة نقدمها وتفرح
قلوبهم بجد التفوق
وده السبب اللى علشان دخلت صيدلة
ونصحتى ليكى
1- افتكرى دايما فرحةباسرتك بيكى لما بتجيبى مجموع عالىو دايما بصى لاسرتك وقولى فى نفسك انا بعمل كده علشانهم
2-افتكرى فرحه قلبك لما بتقفلى الامتحان وتخرجى فرحانه وبتضحكى بهبل (انا كده على فكرة )
3-سيبك من حكاية التعليم الفاشل لان اعتراضنا مش بيفيد
بحاجة ومجرد تضييييييع وقت
5-نظمى وقتك حلو وخلى وقت (ساعتين مثلا نت )والباقى مذاكرة وقولى لو ماذاكرتش مش حادخل
او لما اخلص ادخل علشان يبقى النت حافز مش تضيع وقت وخلص
5-ادعى ربنا دايما يشرح صدرك للمذاكرة ويسير امرك ويصبرك
6-غيرى من طريقة مذاكرتك شوية مرة شفوى مرة تحريرى وذاكرى باقلام ملونة (انا بذاكر باخضر وبرتقالى )
7-اعملى مذاكرات اسئلة واجوبة (اختيارات وصح وغلط )ولما تراجعى تحليها بدل نظام الدش وخلاص ده
انا طولت اووووووووووووووووووووووووووووى على فكرة رسمك جميييييييييييييييييييييييييييييل قوى

BaNZeR

15-01-2009, 12:31 AM

المادة صعبة عشان هي صعبة

المادة صعبة عشان طريقة شرحها غلسة

المادة صعبة عشان اللى بيشرحها معندهوش وقت يفصل في كلمة كلمة يشرحها

المادة صعبة عشان طريقة شرح الكتاب اصلاً تخليك تسب اليوم اللى شفت في الكتاب

المادة صعبة بس لو انت حطيت في دماغك إنها سهلة وإنك أقوى منها صدقني حتجيب فيها النهائية

وعلى فكرة عجبني كلامك يا "bosy"

اوركيديا

15-01-2009, 04:36 PM

[QUOTE]السلام عليكم ورحمة الله وبركاته ،
و عليكم السلام و رحمه لله و بركاته

اسعد الله اوقاتكم بكل خير
يا رب
:)

http://photos-e.ak.fbcdn.net/photos-ak-snc1/v1922/241/8/1208383777/n1208383777_30089612_1394.jpg

ايه رأيكم ف رسمى ؟
:p
جميل بجد
على فكره رسمك ممكن ييجى منه ككاريكاتور
ابقى اوريكى التحف بتاعتى
:romarioxp6:

باهزر طبعا .. اكيد مش عاملة الموضوع عشان اسألكم عن رأيكم ف رسمى

عاتى عاتى
انا ناويه اعمل
لما الى فاضل من عقلى يروح
:rolleyes:

ومش انا بس
كل اصحابى كدة
وكتير منكم كدة
بس ليه ؟

عادى
مش حاجه مغصوبين عليها
يبقى لازم نكرهها
التجربه البسيط بتعاعت تعليم الاطفال بالاجبار و الحب
معروفه
و ازاى بالحب ادت نتايج فظيعه

بس للاسف
مش هو ده اللى بنتكلم عليه دلوقتى
اصل الكلام ده مش منه فايده دلوقتى
:rolleyes:
ليه بنحلم باهداف وكليات جامدة
ولما نيجى نذاكر
( اوووووف )
مش ده اللى بيحصل برضو ؟
ايوووووووووون
ببقى خلاص بموت و انا بذاكر الاناتومى
مع انى عندى حلم
بس بقى الدماغ لما تنشف
:slap1qk6:

ليه لما ماما بتقولى سيبى النت وقومى ذاكرى
باقولها انا عارفة اللى عليا وباعمله
وانا ولا عارفة حاجة ولا باعمل حاجة
وحاسة بالذنب عشان الجملة اللى كتبتها دى
Lost time is never gained again
اها
بقولها لماما
صراحه لسه قايلالها الكلمه دى ناو اساسا
بس بحس و انا بقولها انى ملطخه بالكدب
مش عليها
على نفسى
بجد بحس انى بكدب على نفسى كتير
و كل شويه اقول لسه
ممكن تتعوض
:(

هل ده مجرد احساس بالتقصير ناتج عن الخوف والقلق .. بس مش حقيقى ؟
لا حقيقى
ولا ده تقصير فعلا ؟

اها تقصير اكيد

وايه اسبابه ؟
الغباء بعيد عنك
طب وازاى نعالجه ؟
ههههههههههه
حاولت كتير
مو نفع شى
:(

بصى يا منمون
الدنيا دى الواحد لازم يقسو على نفسه فيها
و انا مشكلتى انى تقدرى تقولى كده اتعودت على الدلع
او بمعنى اصح
انى مش احرم نفسى من حاجه انا عايزاها
و كانت الدنيا ماشيه
بس بدات تلخبط معايا حاليا

هوففففففففففف
بجد قلبتى المواجع
:(

فى رعايه الله

Rien

16-01-2009, 03:15 AM

Rien

16-01-2009, 03:20 AM

Rien

16-01-2009, 03:30 AM

ههههههههههههههههه
دماغ دماغ يعني
اولا انا كنت داخلة الموضوع ده على انه عن مصر :d
بس
ماحدش يضحك
انا قلت ماحدش يضحك :slap1qk6:
عادي يعني ما تفرقش كتير كله بيعدي على بعضه

عاادى يا هنا
زى ما قولتى
كله بيعدى على بعضه
على اساس انى فاهمة ايه كله بيعدى على بعضه دى
لكن عادى
:d

المهم مش المفروض اكتر ف الرغي عشان ورايا مذاكره ها
بس كنت عاوزة اقول ان الاهداف والنوايا بتحول عاداتنا لعبادات نؤجر عليها
بذاكر عشان انجح بمجموع كويس ادخل بيه الجامعة اللي بحلم بيها وبابا وماما يزقططوا والناس يقولوا المش عارف ايه راحت المش عارف ايه جت
مثلا لو احنا بنفكر فكده
ليه ما نخليش النية ان دي عباده اولا
وثانيا اني لما اذاكر هاكحقق مكانة كويسة ف الاسلاد يتفاخر بيا مش بس بابا وماما
ممكن بعد كده اكون قوة عظمى لها كلمتها فالعالم والناس يقولوا المسلمة عملت كده
بذاكر عشان عندي رسالة لازم ااديها
بذاكر عشان اكون مثل اعلى كشخص متدين جدا وروش وشاطر وبعمل خير وعايش سني وبمشي بفخر واقول انا مسلم

مش هاطول اكتر من كده
لكن كلنا بنعاني من المذاكرة بس لازم نستحمل ونساعد نفسنا ونسهل عليها ونتحرى الحسنات نجيبها منين حتى ف المذاكرة

بجد طريقة كويسة جداا
بس المشكلة ان التعليم بتاعنا اقل ما يقال عليه انه فاشل
هو عبارة عن مجرد تلقين وف الاخر معلومات بتترمى
ومش بنفتكر حاجة
كالعادة وصلنا لطريق مسدود
مفيش فايدة
:(

رغيت كتير انا
معلش بقى
لو خلصت بدري هابقى اجي ارغي تاني :p
مش رغيتى كتير ولا حاجة
بالعكس يا هنا
نورتينى
شكرا لمرورك الجميل
:)

Rien

16-01-2009, 03:49 AM

http://www12.0zz0.com/2009/01/12/06/173675423.jpg
وجهة نظري في الموضوع
اولا
المناهج كل يوم اسئل نفسي هو انا هعمل اية باللي بتعلمة دة مش لاقي اجابة لان مفيش ربط بين حاجات الحياة وتعاملتنا بالعلوم اللي احنا بندرسها حتي طريقة جذب الكتاب للشرح مملة ومعقدة وامثلة مش واضحة
دة انا ببقا حاسس انهم بيبقوا قاصدين يعقدوا في الكتاب المدرسي عشان نشتري كتب خارجية

مملة ومعقدة وامثلة مش واضحة
ده فيه امثلة غير واقعية اصلا ف علم النفس
ماينفعش تضحك بيها على طفل صغير
ولو كتبنا مثال من دماغنا
غلط
المطلوب اننا نبقى متخلفين ونقتنع بالامثلة الساذجة اللى ف الكتاب
:romarioxp6:

ثانيا
طريقة التعليم طريقة بتعتمد علي الصم والحفظ وعدم الفهم ومفيش مجال حتي ان الطالب يبين وجهة نظرة

دى بقى على حسب المدرس
فيه بيهتم بانه يخلى الطالب اللى قدامه فاهم
وفيه بيهتم بكلمتين يتحفظوا صم حتى لو مش فاهم حاجة
المهم تجيب 50 او تنجح اساسا
بالنسبة لمفيش مجال ان الطالب يبين وجهة نظره
دى اساسية
اصل احنا لسة عقولنا صغيرة برضو
ف لازم نقول وجهة نظر المؤلف
وبعدين المؤلف بيريحنا ويشوف هو بدل ماحنا نتعب ونقعد نفكر ف وجهة نظر بقى
عايزين يطلعوا جيل مرتااح ومش بيفكر
ايه الغلط ف كدة ؟!
:romarioxp6:

ثالثا
مجال التطبيق والعمل باللي بنعملة وعدم توافر الامكانيات
يعني بعد كلاالمناهج اللي درسناها دي الطالب بيطلع من الامتحان مش فاكر حاجة ودة رسم كاريكاتري جميل

فعلا الكاريكاتير اللى حطيته ده معبر جداا عن الواقع
بنطلع من الامتحان ناسيين كتبنا ايه ف ورقة الاجابة اصلا
زىى ف امتحان التاريخ
ماكنتش عارفة اراجع
لانى ماكنتش فاكرة انا كتبت ايه
:d

رابعا
العلم من اجل العلم دة السبيل الوحيد عشان مصرتبقي مصر
انما هعمل اية اقول للمستر بتاعي طب دي جات ازاي
يرد يقول مش عليك في المنهج متشغلش بالك

رد عليه وقوله مش هاعرف اذاكرها غير لما افهم
هاتلاقيه بيشرحهالك وهو مخنوق
او بيقولك احفظها كدة
الكلمة دى بتغيظ جدا على فكرة
يعنى الغى دماغى واحفظ اى كلام ف اى حاجة لمجرد ان الحاجة مش مقررة عليا ف المنهج
:040vk0:

خامسا
عمر مالبلد دي هتتغير الا بالتعليم
ومع ذلك شوفوا ميزانية التعليم قد اية والمعامل اللي في المدارس مين بيشرح فيها تجارب وكم حاسب الي والحاجات الاساسية وشكل الفصول

مش محتاجة اقول حاجة على دى
لان فعلا مدارس كتير لا تصلح للاستخدام الآدمى
:d
ده غير ان المدارس مابقاش ليها لازمة دلوقتى
واتجاه الطلبة بالكامل للدروس الخصوصية
يعنى مش عامل مؤثر اوى
;)

سادسا
نيجي لاهم نقطة وهي
قابلية التعلم انا من رأيي مدي التعلم وحب المادة بينبع من المدرس نفسة يعني المدرس هو اداة التعلم الجيد فالمفروض يشرح علي اساس انك بتتعلم مش جاي تحفظ كلمتين وتروح وتدخل الامتحان وتنساهم ويبقي مش استفدنا حاجة لا طبعا لازم نتعلم نتعلم
يبقي افضل حل كل واحد فينا يبدأ بنفسة ويعرف انة بيتعلم
يا ريت والله المدرس يتعامل على الاساس ده
بس احنا اصلا اخدنا نظام الحفظ والنسيان بعد لجنة الامتحان مباشرة
من المدرسين بتوعنا
اللى بيتعاملوا مع المواد بتاعتهم على اساس انها مجرد جزء من نسبة مئوية
هاتحدد تنسيقك
يلا هانقول ايه
مفيش فايدة
:(
شكرا لحضرتك على المرور

Rien

16-01-2009, 04:07 AM

بسم الله الرحمن الرحيم

انا كنت هرغي و رغيت كتير اوي بس الموقع وقع :angry2: نرفزني اوىىىىىىىى
كل ده والموقع وقع
امال لو مكانش وقع كنتى عملتى ايه
:p
نهايته اما ارغي تاني و هو انا يعني ورايا حاجه .. Just ثانويه عامه بس حاجه بسيطه خالص مالص
:d
بسيطة يا بنتى
:romarioxp6:
عايزه اقولك اني من كام يوم قلبت قلبه صعبه اوي و في وقت غير مناسب بالمره
لاقتني مره واحده قفشت عالمذاكره و ثانويه عامه و اللي عايز يذاكر في سنته دي و ماروحتش دروس ولا انجزت حاجه و ده كان نتيجه كبت لإني فضلت اكتر من اسبوعين مش اخد اجازه يوم الجمعه ولا اخرج .. بس طلعت الكبت بطريقه مثاليه اوىىىىىىىىى (هبقى اقولك ايه هي لما اشوفك عالميل ;) اصلها متعبه شويه ههههههههه )
اه مانا عارفة
حالتك كانت صعبة بجد
ماكنتش عارفة اعمل فيكى ايه
بس الحمد لله انها عدت
بالنسبة لطريقتك ف انك تطلعى الكبت
انا قولتلك رأيى عالميل
مجنونة !!
:006et4:
طبعاً ماقولكيش ماما كانت بتزعق لي (مش عشان مش بذاكر) لا بتزعق لي عشان عامله لها دوشه و بعيط و كده و كمان عشان ماعملتش الغدا بدالها ولا عملت الشقه و دي من اساسياتي :slap1qk6:
بعد ما طلعت الكبت بقى الحمد لله رب العالمين رجعت لطبيعتي و لجناني تاني و لمناكفتي مع الفيزيا و عبطي مع الاحياء و تمشيتي عالنيل مع العربي و شرب البيبسي مع علم النفس و قزقزة اللب بتاعة الانجليزي :romarioxp6:
الحمد لله
ياا رب تفضلى كدة دايما
:)
بس تعرفي يا منى .. كل لما تبقى نفسي مفتوحه عالمذاكره و ده بيحصل لما نفسيتي بتكون تمام و ميه ميه (ودي حالات نادره ) لازم يحصل حاجه من دي
1. يا اما ماما تقولي انا تعبانه و عليكِ شغل البيت و شيلي ليلى بنت اخوكي بقى على مامتها تيجي من بره :006et4: و ليلى طبعاً بتعيط بمعدل 3 ثواني لو سبتيها لوحدها
مانا قولتلك هاتيهالى انتى اللى مش عايزة
:slap1qk6:

2.يا اما استاذ اشرف (مديري في الشغل) يتصل بيا عشان مؤتمر او بحث او اي مصيبه زرقا مطلوبه مني :romarioxp6:
برضو
:bosyht9:

3.يا اما ينتابني احساس رائع بالنوم و بينتهي اني بنام عالكتاب الحمد لله (و مش بينفع فيها لا نيسكافيه ولا قهوه ولا اي منبهات) و ييجي اخويا يصحيني و بعد ما اصحى يتريق عليا ويقولي (يا ضحية المذاكره)
ايه
بتروحى ف غيبوبة !!
:d

عشان كده مش بحب نفسي تبقى مفتوحه عالمذاكره

تعرفي يا منى .. انا كنت مره بسأل ماما (هو احنا ماخلاص اتعلمنا نقرا و نكتب ايه لازمة الغلب ده بقى و فيزيا والذي منه) الاقيها تبص لي كده و تقولي (العلم نور يا بوسي .. اتنوري يا حبيبتي http://www.thanwya.com/vb/life/icons/icon3.gif)
طب اسمعى الكلام واتنورى بقى
:romarioxp6:

لحد ما كنت في يوم قاعده زيك كده و رحت راسمه ورقتين و معلقاهم في مدخل شقتنا الحمد لله كل اللي يدخل يشوفهم حتى جارنا كان جاي يزور اخويا فضل باصص في الصور ييجي تلات اربع ساعه و كان شبه الايموشن ده >>> :confused:
و جارتي هبه مسكتني تريقه ماقولكيش ههههههه

ما علينا
احم
الحمد لله مجنونة تانية اهى
عشان مابقاش لوحدى برضو
:028ja7:

الاولى رسمت فيها حمار كبير اوي و كتبت تحتيه (شعارنا .. عك و ربك يفك)
التانيه رسمت فيها لمبه و كتبت جملة طه حسين الشهيره (التعليم كالماء و الهواء) بس زودت عليها (بس يا ناس الماء ملوث و الهواء فيه دخان تفتكروا التعليم كده ايه ؟؟ )
التعليم ده ..
مش عارفة
صعب يتوصف
:040vk0:

الحمد لله يعني بيشتكوا مني في البيت و بيقولوا لي على ما تخلصي ثانويه عامه هتكوني خلصتي علينا :giljotiiniug3:
الله يكون ف عونهم
:p
انا في المذبحه اللي عندي دي .. تخيلي يوم الجمعه الجايه عندي احياء عالمنهج اللي اخدته كله (بابين و فصلين) و كل واحد طويل عريض
و اللي بعدها على طول فيزيا (اربع ابواب و عيشي فيهم :rolleyes:)
الامتحان بكرة
ربنا معااكى ياا رب ويكون كويس
و بعدين ناخد الاجازه
انا مابقتش عايزه اخد اجازه ده ضغط مش لطيف
و مستر الانجلش عشان متأخرين -على حد قوله- عايز يدينا تلات حصص الاسبوع الجاي
ماشيين بمبدأ زيادة الخير بركة
:p
انا خلاص يا بنتي قريب هطلع فوق سطوح بيتنا و بما اني عندي فوبيا من الادوار العاليه فمش هحتاج ارمي نفسي لاني بمجرد ما ابص تحت بس هقع (بعد الحالات النفسيه اللي بتصيبني اثناء الطلوع) و لو حد فكر يسألني بتعملي ايه هقوله بجرب قفزة الثقه اصلي نفسي اقدم في الجيش :d
قفزة الثقة
ماشى يا مجنونة
:romarioxp6:

كفايه رغي عن نفسي بقى
ايوة كفاية كدة
صدعتينى
:slap1qk6:

==

بصي يا منى يا حبيبتي .. احنا جينا الدنيا دي عشان نؤدي رساله معينه ..
افتكر كنت في يوم قرفانه من المذاكره و بكلم واحده صاحبتي هنا في المنتدى -ربي يمسيها بالخير و يسعدها- قالت لي جمله حلوه اوي بتقول :
If you think you can or you can't you are right
و قالت لي ساعتها بلاش تحبطي نفسك و تقولي مش هقدر و مش هعمل و مش هسوي .. لإني كده خلاص حطيت في مخي اني مش هقدر اعمل حاجه يبقى فعلا مش هقدر .. لكن لو اقنعت نفسي اني هقدر و هوصل بامر الله .. يبقى هوصل و ربنا هيعيني
و ماينفعش اقعد ادعي ربنا باني احقق هدفي و انا مش بشتغله (وقل اعملوا فسيرى الله اعمالكم :))
و اخيراً لازم نحط في اعتبارنا ان ربنا مش راح يضيع تعبنا ابدا ابدا و تعبنا مش راح يروح هدر ابدا
معاكى حق يا بوسى
معاكى حق
و بعدين ايه المشكله يا منى .. احنا في مصر
املي دماغك بالمعلومات الملخبطه اللي في المنهج دي و روحي صبيها في الامتحان و اطلعي من اللجنه ابيض يا ورد و ارفعي شعار (لا مذاكره بعد اليوم اكل المحشي اهم اهم :p)
طريقة مثالية
باعملها ف مواد معينة
الحاجات اللى شبه علم الاجتماع كدة
:mad:
و هتجيبي 100% بأمر الله الواحد الاحد
العمليه مش صعبه خالص لو حسبناها صح صدقيني
انا قعدت مع نفسي و حسبتها كويس لقيت مافيش ادنى صعوبه
طالما بشتغل بهدف اني ارضي ربنا عني و اسعد اهلي و اللي بحبهم و اوصل للكليه اللي بحلم بيها
يبقى كل صعب يهون
ربنا يقدرك وتحققى هدفك
ويقدرنا كلنا نحقق اللى بنحلم بيه
:)
تعرفي احنا عاملين زي ايه ..
زي واحد مسافر في طريق طويل .. بعربيه ..
البنزين في الحاله دي هي طاقتنا و دافعنا اللي بيخلينا اذاكر
و المكان اللي عايز يوصله هو الهدف
و المشي ده بقى مذاكرتنا

في يوم هنلاقي ان البنزين خلص .. مش مشكله نريح شويه و نرجع تركيزنا و نجدد النيه من فتره لفتره
نفتكر المكان اللي عايزين نوصله و نعرف ان لسه ادامنا فرص كتير
و الامتحانات اللي في الدروس دي مجرد تدريب عالحرب الكبيره (الامتحان الاصلاني :friendsxs3:)
و نكمل مشوارنا تاني و نرجع له و نرجع لمذاكرتنا

ياااارب كل واحد يحقق هدفه يارب
و يارب ينصر اخواننا في فلسطين
آمين يا رب العالمين

معلش يا منمن صدعتك و طولت اوي
بس اهو بقى قولت لك فيه رغي كتير :)
بحبك في الله

على فكره يا بت وحشتيني اوىىىىىىىىى نفسي اكلمك اوي

ما هو انا كنت مستعدة انى هالاقى رغى
بس ده مش رغى
ده فراغ
قومى ذاكرى وماشوفكيش هنا تانى
:p
انتى كمان واحشانى يا بوسى والله
ادينى جيت النهاردة ورغينا كتير
مش حارماكى منى ابدا
:d
نورتينى يا قمر بردك الجميل
ربنا يخليكى ليا ويوفقك ياا رب وتحققى اللى بتحلمى بيه
:)

Rien

16-01-2009, 04:16 AM

انا بعتقد ان اللي بيخلينا نكره المذاكره هي طريقه تعليمها وطريقه سردها طريقه تخنق الصراحه وحتي اللي بيذاكر وبيحب يذاكر بيذاكر مش حب في المذاكره ولكن لتحقيق حاجه في دماغه والمذاكره السبيل لكدا
فعلا
هو فى حد بيحب المزاكرة يا يوسف
انت عارف احنا كنا عاملين ازاى السنة اللى فاتت
مش هكلم بقى
شكرا على المرور

Rien

16-01-2009, 04:21 AM

Rien

16-01-2009, 04:26 AM

Rien

16-01-2009, 04:37 AM

جميل بجد
على فكره رسمك ممكن ييجى منه ككاريكاتور
ابقى اوريكى التحف بتاعتى
:romarioxp6:

ممكن ييجى منه تخاريف
مش اكتر من كدة
:bosyht9:
مش هاسيبك غير لما توريهالى على فكرة
:049gc0:
عاتى عاتى
انا ناويه اعمل
لما الى فاضل من عقلى يروح
:rolleyes:

على اساس انه لسة فيه فاضل يعنى
ماشى .. هاستناكى تعملى
:rolleyes:
عادى
مش حاجه مغصوبين عليها
يبقى لازم نكرهها
التجربه البسيط بتعاعت تعليم الاطفال بالاجبار و الحب
معروفه
و ازاى بالحب ادت نتايج فظيعه

بس للاسف
مش هو ده اللى بنتكلم عليه دلوقتى
اصل الكلام ده مش منه فايده دلوقتى
:rolleyes:

اوقات باحس ان الكلام ده بنقوله عشان نخفف عن نفسنا شوية
بس هو مالوش لازمة
لان الواقع مش هايتغير
:040vk0:
ايوووووووووون
ببقى خلاص بموت و انا بذاكر الاناتومى
مع انى عندى حلم
بس بقى الدماغ لما تنشف
:slap1qk6:

معلش يا بنتى
كلنا بتيجى علينا الاوقات الرخمة دى
بس ماتخليهاش تفضل معاكى كتير
:unsure:
اها
بقولها لماما
صراحه لسه قايلالها الكلمه دى ناو اساسا
بس بحس و انا بقولها انى ملطخه بالكدب
مش عليها
على نفسى
بجد بحس انى بكدب على نفسى كتير
و كل شويه اقول لسه
ممكن تتعوض
:(

ما هى المشكلة ف كلمة تتعوض دى
ولسة فى وقت
اللى بنقعد نقولهم لنفسنا وف الاخر نبص نلاقى نفسنا قدام ورقة اسئلة
:slap1qk6:

لا حقيقى

اها تقصير اكيد

الغباء بعيد عنك

ههههههههههه
حاولت كتير
مو نفع شى
:(

( ان الله لا يضيع اجر من احسن عملا )
شيلى الافكار السوداوية دى من دماغك
وحاولى تانى وتالت ورابع وعاشر والف
وباذن الله ربنا يوفقك
وتفرحى بنتيجة محاولاتك
:)

بصى يا منمون
الدنيا دى الواحد لازم يقسو على نفسه فيها
و انا مشكلتى انى تقدرى تقولى كده اتعودت على الدلع
او بمعنى اصح
انى مش احرم نفسى من حاجه انا عايزاها
و كانت الدنيا ماشيه
بس بدات تلخبط معايا حاليا

معاكى حق
لازم الواحد يقسو على نفسه شوية عشان يوصل للى عايزه
بس لازم تحاولى لحد ما تقدرى
وكل حاجة هاتتظبط ان شاء الله
ربنا معاكى
:)

هوففففففففففف
بجد قلبتى المواجع
:(

فى رعايه الله

بجد انا اسفة انى عملت الموضوع ده
:(
شكرا يا دوكتور على مرورك
نورتينى
ربنا معااكى ياا رب
:)

Rien

16-01-2009, 04:47 AM

ف آخر الموضوع عايزة اقول شوية حاجات كدة
اول حاجة
شكرا كتييير لكل اللى ردوا وحاولوا يقدموا نصايح
جزاكم الله كل خير جميعا
وجعله بميزان حسناتكم
---
تانى حاجة
انا اسفة لو كنت ضايقت حد فيكم بالموضوع
:(
---
تالت واخر حاجة
اللى انا استفدته من فترة الكآبة واليأس دى
ان عمرنا ما هانوصل للهدف الا لو اشتغلنا عشانه كويس
ان المادة صعبة مش مبرر انى ماذاكرهاش
وبعدين لو هى صعبة ف مش انا لوحدى اللى باذاكر وباخدها
ان لازم كل ما نحس بالتقصير او الملل من المذاكرة
ناخد بريك صغير مايكونش هايأثر على المذاكرة
وبعد كدة
ناخد خطوة ايجابية عشان نكمل المشوار تانى
ونستحمل شوية ونضغط على نفسنا ف الحاجات اللى مش بنحبها
وان شاء الله ربنا يتقبل منا عملنا
( ان الله لا يضيع اجر من احسن عملا )
واللجوء لربنا والدعاء
هو اكتر حاجة بتطمن الواحد وتديه قوة انه يبدأ من جديد
ولازم نشيل من دماغنا الافكار الهدمية اللى بتقولنا مش هاتقدر تعمل كذا
لان احنا نقدر نعمل .. بس ناقصنا الشجاعة والبعد عن الكسل
---
ربنا معانا جميعا ويوفقنا
ويساعدنا ف تحقيق احلامنا
شكرا مرة تانية لكل اللى شارك ف الموضوع
فى رعاية الله وحفظه
:)

JusT DreaM

16-01-2009, 06:42 AM

ازيك يامنى انا داخلة اسلم عليكي بس:d
بصي ياستي

عارفة المذاكرة تساوي ايه في الدنيا
تساوي
الصلاه في الدين
مع الاختلاف بينهم طبعا
بس انا بدي مثال
الصلاه عماد الدين
والمذاكرة عماد الدنيا
ده من رأيي
انتي بتذاكري عشان تحققي هدفك
وتتدخلي الكلية اللي انتي عاوزاها
ومن ثم الوظيفة اللي عاوزاها(حلوة من ثم دي:d)
صح ولا لأ؟

هههههههههههههههههههه

انا بجد مش عارفة انا عاوزة اوصل لايه من الكلام ده:romarioxp6:
:d:d:d
المهم
حب ماتعمل حتى تعمل ماتحب
مش كل شوية تقولي انا بكره المذاكره
وبكره الماده دي
ومش عارفة اذاكرها والكلام ده
انتي ممكن تحببي نفسك في الماده دي
بأنكك تستعديلها
كوباية اي حاجة من اللي بتحبيه
وتشيلي كل الكتب من عالمكتب متخليش غير الماده اللي هتذاكريها
وتحتاري ورق ابيض جامد
تحسيه منور كده:d
وتذاكري فيه
وتختاري الوقت اللي بتحبيه
وجربي كده وقوليلي النتيجة
انا بعمل كده
وانا متأكده من النتيجة
وشدي حيلك
ابقي طمنيني عليكي
وحطي هدفك قدامك

اها ونسيت حاجة
رسمك جامد جدا بجد:av4056bb7jp3:
وزي ماقولتلك انا داخلة بس عشان اسلم عليكي:blush:

:friendsxs3:

Rien

18-01-2009, 10:02 AM

ازيك يامنى انا داخلة اسلم عليكي بس:d

بصي ياستي

الله يسلمك يا جميل
بجد واحشانى
:)
حاضر هابص
:028ja7:
عارفة المذاكرة تساوي ايه في الدنيا
تساوي
الصلاه في الدين
مع الاختلاف بينهم طبعا
بس انا بدي مثال
الصلاه عماد الدين
والمذاكرة عماد الدنيا
ده من رأيي
انتي بتذاكري عشان تحققي هدفك
وتتدخلي الكلية اللي انتي عاوزاها
ومن ثم الوظيفة اللي عاوزاها(حلوة من ثم دي:d)
صح ولا لأ؟

هههههههههههههههههههه

بعيدا عن موضوع الكلية اللى عايزاها واللى ممكن التفكير فيه يعقدنى اكتر
:wacko:
كلامك تمام
:)
انا بجد مش عارفة انا عاوزة اوصل لايه من الكلام ده:romarioxp6:
:d:d:d
المهم
حب ماتعمل حتى تعمل ماتحب
مش كل شوية تقولي انا بكره المذاكره
وبكره الماده دي
ومش عارفة اذاكرها والكلام ده
انتي ممكن تحببي نفسك في الماده دي
بأنكك تستعديلها
كوباية اي حاجة من اللي بتحبيه
وتشيلي كل الكتب من عالمكتب متخليش غير الماده اللي هتذاكريها
وتحتاري ورق ابيض جامد
تحسيه منور كده:d
وتذاكري فيه
وتختاري الوقت اللي بتحبيه
وجربي كده وقوليلي النتيجة
انا بعمل كده
وانا متأكده من النتيجة
وشدي حيلك
ابقي طمنيني عليكي
وحطي هدفك قدامك

لو قولتلك ببقى عاملة ازاى وانا باذاكر ممكن تقتلينى
بس انا بابقى باذاكر ف مادة معينة
وباقى المواد اللى عليا مذاكرة فيها لازم تكون قدامى
مش فاهمة ليه !! بس هى بتيجى كدة
:unsure:
عموما باين انها فكرة كويسة
هابقى اجرب اشيلهم من قدامى يمكن يحصل فرق
:bosyht9:
اها ونسيت حاجة
رسمك جامد جدا بجد:av4056bb7jp3:
وزي ماقولتلك انا داخلة بس عشان اسلم عليكي:blush:

:friendsxs3:

الله يخليكى
نورتينى بجد
ميرسى اوىى وجدا جدا على مرورك
:)

wafa2y

18-01-2009, 10:15 AM

بجد الموضوع ده جاي في وقته
و أساسا لو كنت بعمل بيه
مكنتش رديت
:):):):):)
المشكلة دلوقتي في المذاكرة فعلا
أنا مش بعرف أعد علي الكتاب أكتر من ياعة
حتي في الثانوية
مش كنت بقوم من علي الكمبيوتر
و أعدت أقول أدخل أنا بس الكلية اللي نفسي فيها
و لما دخلتها ولا فتحت كتاب و لا هببت أي حاجة
بقيت بخرج من اللجنة إن شاء االه حليت أكتر من النص
يعني ممكن أترفع فيها
يعني مثال صغنتت أنا عندي بكرة فيزياء
و ربنا لسه ما فتحتها
و كل لما أقول أنا هقوم أذاكر أعد علي الكمبيوتر و ما فتحش كتاب
و لازم أقوم دلوقتي عشان مشلهاش
:040vk0::040vk0::040vk0:
سلاااااااام
و شكرا فعلا علي الموضوع
:):):):):)

Last Fantasy

18-01-2009, 10:30 AM

بصراحه مش عارف السبب بس أنا مبحبش المذاكرة أو بحب الحاجه اللي أعملها تتعمل بسرعه

Rien

20-01-2009, 11:14 AM

بجد الموضوع ده جاي في وقته
و أساسا لو كنت بعمل بيه
مكنتش رديت
:):):):):)

ما شاء الله
مفيش حد من اللى ردوا قال انه بيحب المذاكرة .. عايز يذاكر
اى حاجة من هذا القبيل
افقدتونى الامل
:(

المشكلة دلوقتي في المذاكرة فعلا
أنا مش بعرف أعد علي الكتاب أكتر من ساعة
حتي في الثانوية
مش كنت بقوم من علي الكمبيوتر
و أعدت أقول أدخل أنا بس الكلية اللي نفسي فيها

احم
باقول نفس الكلام
بس بافتكر انى لو ماذاكرتش مش هادخل الكلية اللى نفسى فيها اساسا
ف باحاول احترم نفسى واقوم اذاكر
:d

و لما دخلتها ولا فتحت كتاب و لا هببت أي حاجة
بقيت بخرج من اللجنة إن شاء االه حليت أكتر من النص
يعني ممكن أترفع فيها
يعني مثال صغنتت أنا عندي بكرة فيزياء
و ربنا لسه ما فتحتها
و كل لما أقول أنا هقوم أذاكر أعد علي الكمبيوتر و ما فتحش كتاب
و لازم أقوم دلوقتي عشان مشلهاش
:040vk0::040vk0::040vk0:
سلاااااااام
و شكرا فعلا علي الموضوع
:):):):):)

بجد مش عارفة اقول لحضرتك ايه
بس المفروض يكون عندك حماس اكبر من كدة
لانك بتدرس حاجة المفروض انك بتحبها
كمان مش بتذاكر عشان مجرد تقدير تجيبه وبعدها تنسى اللى ذاكرته
زى ما كان بيحصل ف الثانوية
على كلٍ
ربنا يوفق حضرتك
وان شاء الله الامتحانات تعدى على خير
والشكر لحضرتك على المرور

Rien

20-01-2009, 11:16 AM

بصراحه مش عارف السبب بس أنا مبحبش المذاكرة أو بحب الحاجه اللي أعملها تتعمل بسرعه
اغلبيتنا كدة
بس لازم نصبر عشان نقدر نوصل للى عايزينه
شكرا لحضرتك على المرور

مستر محمد فرج

20-01-2009, 11:53 PM

هههههههههههههه ايه الظرف وخفة الدم دى يا مصنع سكر .. ..

يااااااااااااااااااااه مكنتش عارف انك بتكرهى المذاكرة اوى كده
وياترى كنت بتكرهى التاريخ ولا ايه ؟؟؟؟

على فكرة رسمك ( ) لو انا مدرس رسم هديلك ؟؟؟؟ كملى انت احسن

ربنا يوفقك يا منى وتنالى كل اللى بتتمنيه ..

mohamadelhawary

21-01-2009, 04:34 AM

بصى رسمك رائع جداً بلا مناقشه
المشكله فى ثلاثه أشياء لو أتحلو تتحل المشكله و اراهن على كده:-
الهدف أنتى بتذاكرى ليه؟؟
الإحباط اللى مسيطر على الطلبه .
الإقتناع أحنا مش مقتنعين بالمناهج .
بتكرار التجربه بنحصل على نفس النتائج
أحنا بكرر نفس أساليب المذاكره الفاشله فنحصل على نفس النتائج و لاحظى ده فالمجاميع بتبقى هى هى تقريباً على مدار السنتين سواء بالتفوق أو الفشل.
و السلام عليكم و رحمه الله و بركاته
محمد الهوارى

Rien

22-01-2009, 01:46 AM

هههههههههههههه ايه الظرف وخفة الدم دى يا مصنع سكر .. ..

مش ظرف ولا حاجة يا مستر
هى بتيجى كدة
:romarioxp6:

يااااااااااااااااااااه مكنتش عارف انك بتكرهى المذاكرة اوى كده
وياترى كنت بتكرهى التاريخ ولا ايه ؟؟؟؟

السؤال ده اجبارى ؟
:blush:
طيب هاقول بصراحة
انا مش باحب كل المواد اللى بتعتمد على الحفظ ف الاساس
:wacko:

على فكرة رسمك ( ) لو انا مدرس رسم هديلك ؟؟؟؟ كملى انت احسن

اكيد حضرتك تقصد رسمى وحش
ولو حضرتك مدرس رسم هاتدينى درجة بالسالب
:mellow:

ربنا يوفقك يا منى وتنالى كل اللى بتتمنيه ..
ربنا يخليك يا مستر محمد
شكرا على مرور حضرتك بالموضوع
وجزاك الله كل خير
:)

Rien

22-01-2009, 02:26 AM