مشاهدة النسخة كاملة : لو سألتك انت مصرى ياترى هاتقول اية؟؟؟؟؟
جواد عوض 10-01-2009, 08:51 PM لو سألتك انت مصرى ياترى هاتقول اية؟؟؟؟؟
بينما استقل احد الميكروباصات فى طريقى للمنزل اذا باغنية تنبعث من الكاسيت للفنانة شيرين بتقول كلماتها 0لو سالتك انت مصرى تقوللى اية؟؟؟
واذا بالرد
انا مصرى ابن مصرى وابن مصر الله علية انا مصرى وابويا مصرى الخ000000
قعدت اتأمل كلمات الاغنية ماذا لو سألت اى مصرى هذا السؤال هيكون ردة اية
هل سيعترف المصرى بمصريتة ام سيقول انا مهان وابويا مهان!!!!
هل سيعترف المصرى بمصريتة ام سينكر مصريتة التى جلبت لة السرطان عن طريق المنتجات المسرطنة!!!!!!!!!!!!!!!
هل سيعترف المصرى بمصريتة التى تطلق علية القنابل المسيلة للدموع وتهتك عرضة اذا ما لاى انتخابات تجرى فى البلاد !!!!!!!
هل سيعترف المصرى بمصريتة التى تعطى للراقصات الفاجرات ولاعبى الكرة مئات الاف من الجنيهات شهريا بينما تتجاهل اساتذة الجامعات والسادة المدرسين الافاضل التى توعدهم بكادر ثم تمتحنهم مثل التلاميذ من اجل بضعة جنيهات لا تغنى ولاتسمن من جوع وتترك العلماء يموتون جوعا واذا نادوا بحقوقهم يكون مصيرهم النفى خارج بلادهم !!!!!!!!!!!!!
هل سيعترف المصرى بمصريتة التى سمحت لضابط شرطة معقد ان ينتهك عرض مواطن مصرى شريف ويصورة بالمحمول ليفضحة!!!!!!!!!!!!!!
هل سيعترف المصرى بمصريتة التى تنافق المسؤلين وتنادى بتوريث الحكم !!!!!!!!!!!!
هل سيعترف المصرى بمصريتة التى اتخذت من (الكوسة ) منهجا دائما لها وجعلت اسفل الناس اسياد واضاعت حقوق الغلابة المطحونين!!!!!!!!!!!!!
هل سيعترف المصرى بمصريتة التى جعلت حثالة ينتسبون للجنس الادمى شكلا وليس موضوعا ان يطرحوا عفن فكرهم القذر فوق صفحات المجلات والجرايد وعذبت وحبست الصحفيين اصحاب الاقلام الشريفة
!!!!!!!!!!!!!!!!
هل سيعترف المصرى بمصريتة التى باعت الغاز لاسرائيل لتنعم بالدفء والطاقة ويتمكنوا من قتل ابنائنا واخواننا فى فلسطين وغزة !!!!!!!!!!!!!!
هل سيعترف المصرى بمصريتة التى جعلت مشخصاتى حقير وزيرا يتهجم على الاسلام والمسلمين و ينتقد الحجاب علنا ويتمسح فى اسرائيل العدوة ليحظى بمنصب زائل !!!!!!!!!!!!!!!!!!
هل سيعترف المصرى بمصريتة التى تجعل رئيس الدولة يرسل رسولا خاصا لة للاطمئنان على صحة واحد مطبلاتى ولا مشخصاتى او زمار ويعالج على نفقة الدولة ويسافر للعلاج لارقى الدول بينما يترك الاطفال الصغار يموتون من شدة المرض ولا يلقى لهم بالا !!!!!!!!!!!!(والله العظيم ابن اخويا عندة 3 سنوات وعندة 3 ثقوب فى القلب واحتارنا بة للعلاج على نفقة الدولة قالولنا دوركم لسة ولا بعد سنتين !!!!!!!!!!!!!!!!!!!!!!!!!!!!!!!!!!!!! حسبنا الله ونعم الوكيل )
واعتقد ان الزعيم الراحل مصطفى كامل لو كان عايش الايام دى كان غير مقولتة (لو لم اكن مصريا لوددت ان اكون مصريا ) الى لو لم اكن مصريا كانت تبقة اشطة بالهبل هههههههههه
bebobobos 10-01-2009, 08:56 PM (لو لم اكن مصريا لوددت ان اكون مصريا )
جواد عوض 10-01-2009, 09:02 PM مش معنى كدة انى اتنصل من مصريتى بالرغم من كل الانتقادات دى بس مصرى وابويا مصرى والله سافرت لانجلترا وشفت دنيا غير الدنيا من نظام ورقى وادب ونظافة ولكن كنت مشتاق لوطنى وكنت منتظر لحظة العودة للوطن مثل الطفل اللى بيدور على امة
Dr/Fatma 10-01-2009, 09:06 PM كنت قريت قبل كده حد كاتب على منتدى
(( لو لم أكن مصريا لأرتحت نفسيا))
انا بحلم باليوم اللى مصر يتعدل حالها فيه و اليوم ده عمره ما هيجى ابداالا لما نتغير احنا الاول
ان الله لا يغير ما بقوم حتى يغيروا ما بأنفسهم
انا غيرت نفسى بس امتى الباقى يتغير وبالذات الناس اللى مبهدلنا
وتبقى فخور وانت بتقول انك مصرى
مش الاحتقار اللى بيحصل للمصريين فى الخارج لمجرد انه مصرى وعربى
شكرا على الموضوع :078111rg3:
أفنان أحمد 10-01-2009, 09:48 PM أبى الإسلام لا أب لى سواه لو افتخروا بقيس أو تميم
والوطن غال ومصر غالية جدا علينا اللهم أصلحها وجميع المسلمين
amroaliali 10-01-2009, 10:10 PM احترس
مصر ترجع الى الخلف:abdoog8:
Vblade45 11-01-2009, 12:01 AM موضوع ممتاز وسؤال حلو اوي .. بس رغم ان كلنا زعلانين من اللي بيحصل الا ان كل واحد منا لازم و هيفضل فخور بانه مصري...
جواد عوض 11-01-2009, 06:35 AM طبعا كلنا لازم نفتخر بمصر ام الدنيا
JusT DreaM 11-01-2009, 10:27 AM لو لم اكن مصريا لوددت ان اكون مصريا
مصر خيرها علينا كتير
واحنا اللي مش بنرضى ومش هنرضى
ربنا يهدينا يارب
المحترف @ 11-01-2009, 06:02 PM لو لم اكن مصريا لوددت ان اكون مصريا
لان العيب مش في مصر العيب على الناس اللي عايشين في مصر وخاربينها وأعدين على تلها واسمهم مصريين وخلاص
وعلى رأي عادل امام بلد بقالها 4 الاف سنة بتتسرق ولسا فيها خير
عمار يا مصر
وعلى فكره الاغنيه دي مش بتاعت شيرين بتاعت نانسي عجرم
وشكراا على الموضوع الجامد
مجرد أمنية 11-01-2009, 06:47 PM كنت هقول
حسبي الله ونعم الوكيل
و
لو لم أكن مصريا لارتحت نفسيا
لمى 2016 11-01-2009, 06:55 PM لو سالتك انت مصرى
دى اغنية بتاعة نانسى عجرم
مش شيرين
تانى حاجة
انا لو اى حد سالنى انتى مصرية و لا لا
طبعا هاقول انى مصرية و بملىء فمى كمان
لان البلد دى بلدنا
بصرف النظر عن كل اللى بيحصل فيها
بس دى بردو بلدنا
اللى فى اقل تقدير حتى
و اقل فضل ليها علينا
انها محتويانا كلنا
و كلنا عايشين على ارضها
و لانها بلدنا اللى بترعانا و ليها حق علينا
يبقى لازم نوفيها حقها
و نكون شخصيات مشرفة
جوا البلد و براها
عشان لو حصل و حد مننا سافر
اى دولة تانية
يبقى لازم ان الناس هناك
هو يخليهم يشاوروا عليه
و يقولوا دة مصرى
من ام الدنيا
و البلد اللى محتوية الكل
مصر
دى وجهة نظرى
و بجد شكرا اوى على التوبيك الجميل دة
وشك للحيط 11-01-2009, 07:11 PM لا طبعا دول بيتبروا مننا انا اسرائيلى وعههههه
سلوي2010 11-01-2009, 10:03 PM أبى الإسلام لا أب لى سواه لو افتخروا بقيس أو تميم
والوطن غال ومصر غالية جدا علينا اللهم أصلحها وجميع المسلمين
أفق معك تماما
dream2 11-01-2009, 10:13 PM ياترى لو لم تكن مصريا
ماذا تود ان تكون؟
وسؤال لحضرتك استاذ جواد
فاى بلد فى العالم لها مميزات وبها العيوب
وكل انسان ايضا
فماذا تفعل حضرتك وانا وغيرنا لتغير اى فساد فى بلدنا الحبيب
مصر مباركة
وبلد آمنه مع كل الذى يحدث
واهلها اهل الخير والطيبه
ياريت نرى الجزء المليان من الكوب
لكى نرى الدنيا احلى
ونحمد ربنا
احمد الله على مصريتى وارضى بما قسمه لى فى مصر
شكرا على الموضوع
_GUIDE_ 11-01-2009, 10:13 PM لو سألتك انت مصرى ياترى هاتقول اية؟؟؟؟؟
للاسف مصرى
لمى 2016 11-01-2009, 10:20 PM للاسف مصرى
ليه للاسف؟!
ميراج 11-01-2009, 10:29 PM مصريه هكون ايه يعنى
وحسبنا الله ونعم الوكيل
حال مصر يفرح ما شاء الله بلا حسد
Last Fantasy 11-01-2009, 10:36 PM أولا أنا افتخر إني مصري لكن مش ده الخزي ولا العار العار في الاحداث لو جيت تحسبها حتلاقي المسئولين هما السبب في 90% من الخزي والباقي بسببنا احنا بسبب حالة الياس زي حكاية رغيف العيش وما الي ذلك يبقي الحل مش حيكون غير بثورة ودي وجهة نظر
beautiful queen 11-01-2009, 10:38 PM للاسف مصرى للاسف
beautiful queen 11-01-2009, 10:40 PM بس سبب اجابتى فى المسئوليين مش فى المصريين نفسهم هم الى مخلينا كده والشعب والله احسن شعب شوفته فى حياتى بس هى المشكله المسئوليين والى بياكلوا خيرها
القائد السفاح أبو العباس الاسود 11-01-2009, 10:48 PM من لا خير له فى وطنه لا خير له فى دينه ( و بذلك فهو كـــــــــــــــــــــــــــــــــــــــــــــــــ ـــافر )
_GUIDE_ 11-01-2009, 10:50 PM ليه للاسف؟!
مليش كرامة فى بلدى
ولا بره بلدى
بعامل معملة مواطن درجة تانية
الاجانب فيها عايشين وحقنا فيها وخدين
لحم حمير وكلين ماية المجارى وشربين
بيبعوه فيها وفينا وبرضه سكتين
فى الاخر بتسالى للاسف ليه مصرى
لو لم اكن مصريا لوددت ان اكون اى حاجة :)
ميراج 11-01-2009, 10:52 PM مليش كرامة فى بلدى
ولا بره بلدى
بعامل معملة مواطن درجة تانية
الاجانب فيها عايشين وحقنا فيها وخدين
لحم حمير وكلين ماية المجارى وشربين
بيبعوه فيها وفينا وبرضه سكتين
فى الاخر بتسالى للاسف ليه مصرى
لو لم اكن مصريا لوددت ان اكون اى حاجة :)
والله عندك حق فى كل كلمه قولتها
هههههههه
الاستاذ/توفيق عزت 11-01-2009, 10:56 PM كنت هقول
حسبي الله ونعم الوكيل
و
لو لم أكن مصريا لارتحت نفسيا
و الله كلامك صح
و أؤيدك تماما
و السبب
ان مصر ليست للمصريين
و لكنها كما قال الفاهمين
مصر هبة الحزن الوثنى
و الحياة فيها هى سلسلة من الاحباطات
لعن الله كل فرعونى يمسك سلطة على المصريين
القائد السفاح أبو العباس الاسود 11-01-2009, 10:58 PM حبيبة يا حبيبة
حبيبة يا حبيبة ومن قلبي قريبة
أنا مهما بعدت عنك وسافرت بلاد بعيدة
مش ممكن أنسى حضنك يا أحلامي الوحيدة
حبيبة يا حبية
راجع ليكي وناوي أمسح جرحك وأداوي
وأغنيلك غناوي وتعيشي حياه سعيدة
حبيبة يا حبية
راجع ليكي تضمي وأرمي حمولي وهمي
وأنا أفديكي بدمي وتعيشي ولو دقيقة
حبيبة يا حبيبة
الاستاذ/توفيق عزت 11-01-2009, 11:03 PM من لا خير له فى وطنه لا خير له فى دينه ( و بذلك فهو كـــــــــــــــــــــــــــــــــــــــــــــــــ ـــافر )
ايه الصور و الخربطة بتاعتك دى .... انت مش عايش فى الدنيا
ربنا معاك و يشفيك
انت مدرس تاريخ؟؟؟؟؟؟؟؟؟؟؟؟؟
او تلميذ فى قسم مادة التاريخ ؟؟؟؟؟؟؟؟؟؟؟؟؟
خرابيطوووووووووووووووو
عفاريتووووووووووووووووو
SARAMOSLIMS 11-01-2009, 11:07 PM اكيد طبعا من مصر
وهو حد طايل يبقي مصرى
على الاقل بنام واحنا مقفلين عنينا
احمدو ربنا غيركم مش لاقى بطانيه ولا بيت له سقف
SARAMOSLIMS 11-01-2009, 11:12 PM من لا خير له فى وطنه لا خير له فى دينه ( و بذلك فهو كـــــــــــــــــــــــــــــــــــــــــــــــــ ـــافر )
ههههههههههههههههههههه
دا حديث رواه احد اليهود ولا ايه؟؟:049gc0::049gc0:
:romarioxp6::romarioxp6:ربنا يهديك يالى مفرح فينا اليهود وغير اليهود
سؤال بقا بعيد عن الخرافات الى انت كتبتها ..........
الثانويه العامه صعبه ؟؟ مش كدا برده ولا انا بيتهيأ لى ؟؟:av4056bb7jp3:
القائد السفاح أبو العباس الاسود 11-01-2009, 11:20 PM ههههههههههههههههههههه
دا حديث رواه احد اليهود ولا ايه؟؟:049gc0::049gc0:
:romarioxp6::romarioxp6:ربنا يهديك يالى مفرح فينا اليهود وغير اليهود
سؤال بقا بعيد عن الخرافات الى انت كتبتها ..........
الثانويه العامه صعبه ؟؟ مش كدا برده ولا انا بيتهيأ لى ؟؟:av4056bb7jp3:
طبعا شكرا على الاسلوب المتميز هذا ؟ ...
أولا :- انا مش مدرس تاريخ أصلا و لا ليا فيه
ثانيا :- انا طالب الصف الثالث ( علمى رياضيات ) 98%
ثالثا :- الحديث مش يهودى وو
عليك بالاسلوب الجيد فى الحديث
SARAMOSLIMS 11-01-2009, 11:27 PM طيب حقك علينا
احنا بس شايفين ان الحديث دا من غير سند صحيح
فانت لو شايف انه صح هات لنا السند الصحيح واحنا هنبطل اسلوبنا الى زعلك دا خالص
القائد السفاح أبو العباس الاسود 11-01-2009, 11:31 PM أوكى
بما أن من لا خير له فى أهلة لا خير لا لإى أحد .................. ( 1 )
و بملاحظة أن الوطن أعم من الاهل و أشمل ............... ( 2 )
و بمقارنة 1 , 2
نحصل على أنسان متمرد رعديد يبيع أى أحد ومن ذلك فيستطيع بيع دينه
و يوؤل ألى كافر
نهــــــــــــا ( رعديد متمرد جبان .................. من الصفات السيئة )
تســــــــــــــاوى تقريبا أقترابه من الكفر
نعيم أحمد زمزم 11-01-2009, 11:41 PM طبعا مصرى كفاية بفتح الحنفية واشرب
طبعا مصرى كفاية ان ابنى بيخرج ومببقاش قلقان عليه
طبعا مصرى كفاية دفا الأهل والصحبة
طبعا مصرى هقول كفايا ايه ولا ايه
طارق ممدوح ذكي محمد 12-01-2009, 12:22 AM و يوؤل ألى كافر
تســــــــــــــاوى تقريبا أقترابه من الكفر
لا لا ...
ابعد عن المنطققة دي خالص حرام عليك ... لا تكفر احداً ابداً حرام عليك
تكفر بسبب رأي !!! استغفر الله وتوب اليه ..
وبالنسبة لكوني مصريا فالحمد لله على كذلك ويكفيني فخرا انها ذكرت في القران الكريم خمس مرات وان النبي صلى الله عليه وسلم قال ( اوصيكم باهل مصر خيراً فإن لي فيها نسباً وصهراً )
وهذا هو شرف الدهر لنا كمصريين
اما الظروف السياسية والاجتماعية فهي متغيرة وسبحان من يغير ولا يتغير فالانسان يتقلب من طاعة الى معصية ومن معصية الى طاعة و من فقر وضيق الى غنى وسعة وكذلك المجتمعات والدول ....
hawass007 12-01-2009, 01:59 PM :av4056bb7jp3:على فكرة يا مستر أنا معاك في كل كلامك:av4056bb7jp3:
بس اختلف معاك ف نقطة واحدة
الأغنية دي اللي بتغنيها نانسي عجرم و ليست شرين
_GUIDE_ 12-01-2009, 02:21 PM القائد السفاح أبو العباس الاسود (http://www.thanwya.com/vb/member.php?u=114109)حاسب على كلامك
وياريت توزنه قبل ما تقوله
اول امبارح عضو فى مجلس الشعب حاول يضرب عضو اخر اتهمه بالخيانة
انتا بئا بتتهمنى بالكفر فرق بين الاتنين :)
وبكرة لما تتخرج ان شاء الله بعد 7 سنين فى طب
وتبقى دكتور ب250 جنيه فى الشهر
ده لو اشتغلت اصلا
هتفتكر كلامى :)
ونصيحة من شخص اكبر منك ابعد عن الدين احسنلك طبعا
وبلاش تفتى
هانى الشرقاوى 12-01-2009, 02:24 PM للأسف مصرى
القائد السفاح أبو العباس الاسود 12-01-2009, 11:45 PM السلام عليكم
معلش يا أعضاء
انا اخطاى فى تقديرى و انا متاسف عن كل كلمة قولتها
النجم الكبير 12-01-2009, 11:54 PM لو لم اكن مصريا .... لكان حالى أفضل
فعلا مصر ليست للمصريين .
مصر للكبار والممثلين .
على سبيل القافية
جواد عوض 13-01-2009, 07:40 AM :av4056bb7jp3:على فكرة يا مستر أنا معاك في كل كلامك:av4056bb7jp3:
بس اختلف معاك ف نقطة واحدة
الأغنية دي اللي بتغنيها نانسي عجرم و ليست شرين
ههههههههه والله ماليا فى الاغانى وكل المغنيين بقت اصواتهم متشابة ماباعرف نانسى من شيرين
معلش سامحونى على جهلى للمغنية وشكرا لمرور ك الكريم
سيف سالم 14-01-2009, 11:46 AM هناك فرق كبير بين مصر والمصريين
مصر مطمع العالم اجمع في كل شئ
المصريون مطمع ايضا العالم اجمع في شئ واحد
انا شخصيا سأذكر الحقيقة مصري ابن مصري ابن مصري اكثر من ذلك لا ادري ولا توجد حقائق مؤكدة هل كان مصري ام استوطن في مصر حيث انها مطمع
BaNZeR 15-01-2009, 12:35 AM مصر هي الدولة الوحيدة اللى واخدة رقم قياسي في عدد من دخلها واحتلها
بداية من الهكسوس وانت ماشي لحد الاحتلال الاسرائيلي اللى اخره كان 6 اكتوبر 1973
ومع ذلك لسه مصر عايشة بخيرها
في دول انتهت من الوجود
وفي دول لسه مبنية جديد (زي امريكا مثلاً )
لكن مصر هي اقدم الحضارات اللى عايشة للآن
الدولة التي كرمها الله باسمها 5 مرات في القرآن
السعودية نفسها متذكرش (بخلاف ذكر مكة والمدينة المنورة)
سيبك من الكلام عن مصر وخلينا في الشخصية المصرية
اعتقد كان في درس في اعدادي بيتكلم عن الشخصية المصرية
المصري حسب دراسات عالمية هو الاذكى في العالم
المصري حسب شهادة الجميع شخصية مرحة ومحبوبة من الجميع
سيف سالم 16-01-2009, 01:48 AM مصر هي الدولة الوحيدة اللى واخدة رقم قياسي في عدد من دخلها واحتلها
بداية من الهكسوس وانت ماشي لحد الاحتلال الاسرائيلي اللى اخره كان 6 اكتوبر 1973
ومع ذلك لسه مصر عايشة بخيرها
في دول انتهت من الوجود
وفي دول لسه مبنية جديد (زي امريكا مثلاً )
لكن مصر هي اقدم الحضارات اللى عايشة للآن
الدولة التي كرمها الله باسمها 5 مرات في القرآن
السعودية نفسها متذكرش (بخلاف ذكر مكة والمدينة المنورة)
سيبك من الكلام عن مصر وخلينا في الشخصية المصرية
اعتقد كان في درس في اعدادي بيتكلم عن الشخصية المصرية
المصري حسب دراسات عالمية هو الاذكى في العالم
المصري حسب شهادة الجميع شخصية مرحة ومحبوبة من الجميع
ممكن اسم هذه الدراسات العلمية
شهادة الجميع ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!
انا مقدر كونك مصري تدافع عن المصريين
khas123 16-01-2009, 04:00 AM بس احنا برده شباب مصر الجاي لازم يكون عندنا امل في حيا احسن ووطن غاعلى واسمى واللي بيحصل ده نتاج فسادنا احنا وبعدنا عن الدين والله لا يبلي قوم بالبلاء حتى تعم فيهم الفاحشة
صالح عيسى 20-12-2009, 01:03 AM أنا أفخر بأنني مصري
بكل ما فيها من صعوبات
ولا يدرك قيمة مصر إلا من
سافر بعيدا وعاش حياة صناعية
لا لون ولا طعم ولا ريحة ،الأرض السما
الأهل القبور العم الخال الذكريات ،كفاية جلد للذات
الكل رايح وحتفضل مصر رغم أنف الحاقدين والحاسدين
وحيفضل المصررين كما قال الرسول صلى الله عليه وسلم :
في رباط إلى يوم القيامة .أكرر أنا مصري بحب إن أنا مصري
رجاء فكرى ابراهيم 11-01-2010, 07:47 PM مصر هى امنا حد يقدر يتبرى من امه - - - ممكن يزعل منها لكن كل واحد مننا بيحبها ولايجد الراحة الافى حضنها - -ومصر تنتظر من ابنائها - - ان يعوضوها و يصلحوا كل شىء فيها - - -بلاش كده تتطلع لكلمة طيبة فى حقها
عبير الشذى 11-01-2010, 09:51 PM مصر هى بلدى اللى كبرت وتربيت فى خيرها واللى ينكر فضل بلده ميستهلش يعيش فيها ، والرسول عليه الصلاة والسلام عندما اخرجه اهل مكة قال :"انكى لاحب بلاد الله الى قلبى ولولا ان اهلك اخرجونى منك ما خرجت". ************************************************** *** ************** طبعا هقول انا مصرى وابويا مصرى.،كلنا بنحب مصر لكن مش بنحب حكومتها وفى فرق كتير ما بين مصر وحكومة مصر.
wesam zeitoon 14-01-2010, 12:28 AM مصريه وافتخر
واللهي مصر دي جميله اوووووووووووي
ولو فيها حاجات وحشة مش بتيقي منها اكيد
العبرة بالناس الي فيها
واي بلد بثرواتها الطبيعيه ومش بناسها
SA3EEDY 20-01-2010, 10:38 AM كلنا نفتخر بمصريتنا
بس المشكلة مش فى مصر
المشكلة فى البعض القليل...........اللى كلنا عارفينهم
أ/رضا عطيه 15-02-2010, 12:52 PM لو كان حبى للبلد دى عيب يبقى أنامن ســاسى لراسى عيوب
ولاعمرى ظلمت خلق الله ولا ببكى أبدا على اللـبن المسكوب
وبالطيابه اللى بتحسبوهــا خيابه بقيت للناس ودود ومحبوب
ولاعمرى فى مره عملت ديب ليقينى إن ربنا-- رب قلوب
واللى يكره حضن أمه يبقى ياويله من غضبها ومن المكتــوب
ما هيعرف أبدا طريق ربنا وما هيرضى عنه المولى مهمايتوب
إرجع لرشدك وصون ياعم وطنك ومفيش عاقل يتباهىبالذنوب
حب بلدك ياعمنا لذاتها وخليك دايما عنتر وبلاش تبقى شيبوب
كل اللى تملكه بس تعيط وتلم الناس حواليك وفاكر نفسك موهوب
كل مصرى وأنا أولهم بقضيهاكلام والأفعال سوده بلون الخروب
وأم الدنيا مابخلت عنا يوم بخيرها من أكل طيب وأعذب مشروب
اللى لوث النيل مين --غيرأنا وأنت وكل المصلحين اللى فى النقد شغالين
واللى سرق الأراضى مين غير مصريين مفسديين وربناالمنتقم قولوا أمين
وعشان نحررها من العدا دفعنا من الشهدا--- ملايين من أولادها الطيبين
إيه ذنب البلد تتبرأ منها وكل حصاها ورمالها علينا غضــبانين ومتحمليين
نعيب الزمان والعيب فينا ونسىء للبراءة وفى خيرهامنعمين وكمان ناقمين
الله يكون فى عونك ياغاليه وأم الدنيا ع اللى جرى واللى هيجرىليوم الدين
amenelhoda 15-02-2010, 02:37 PM كلامك صح
بس احنا مش عيزيين الظروف المحيطة بنا تكون سبب فى فقداننا الحب لهذا الوطن
لان هناك فرق بين كره الوطن وكره السيادة الموجودة
ان شاء الله الفرج قريب
وشكرا على هذا الموضوع
faten forever 18-02-2010, 08:37 PM لو لم اكن مصريه لوددت ان أكون مصريه ثم مصريه ثم مصريه
أ/رضا عطيه 19-02-2010, 01:44 PM الله عليكى تسلم إيديكى
zoooo 19-02-2010, 06:36 PM انا مصرية ومبسوطة لاننا شعب طيب وبيحب الناس كلها بس للاسف بينسي يحب نفسه ويهتم بها
أ/رضا عطيه 19-02-2010, 11:40 PM وهو ده قمة الوفاء والعطاء والولاء والانتماء وشيم الشرفاء-- ويكفى أنها دائما وقت الشدة تكون النداء- بس ضع الناس اللى بتكرهم جانبا هتلاقى الخير ماليها أرض وسماء وبتحبك حب كبير ولاعمرها غضبت منك رغم كل هذا الجفاء(هى مش أم الدنيا ) ولا إيه؟
أ/رضا عطيه 06-03-2010, 03:40 AM وجهت سؤالى للعقلاء فلم أجد هم ؟
لعل المانع خير ---
ياعالم أنا قلبى مفتوح لكل الناس اللى عايشه فيه
وكمان صدرى مفتوح لو حتى تفكر تطلق النار عليه
وانت ياأبو صوت مبحوح فاضل لك إيه راح تبكى عليه
اتكلم ويلا اتعلم تقول وتنقد وتسأل إزاى وإمتى وليه
دا انت المستقبل والأمل لوطن عظمته فى كل مافيه
واللى رافض يعلق على كلامى فتعظيم سلام وتحيه ليه
الوطن بينا يصبح واحه ومن غيرنا ساحه تلعب الديابه فيه
والضوء الأخضر صبح واضح للحرية - وياريت نتمسك بيه
ونبطل نواح فى المسا والصباح ونشيل همنا ونتغطى بيه
راح اللى راح والفجر لاح بينادينا وزمن الصمت قضينا عليه
والفضل يرجع لصاحب الفضل وكل من له دور يشكر عليه
وشكرا للجميع
|