_NADER_
12-01-2009, 09:16 PM
اولا انا طالب فى كلية العلوم الفرقة الاولى وكنت جايب فى الثانوية العامة 92.2% علمى علوم فكرت كتير وملقيتش فى الاخر غير كلية علوم اللى اخشها ودخلت شعبة جيولوجى على اساس انى ممكن اشتغل فى اى شركة بترول او شركة تعدين او اى شركة فى المجال ده
وفجأة كده من يومين وانا بدخل على موقع التنسيق بالصدفة وانا بدور على الكليات اللى ممكن اخشها من علمى علوم بمجموعى ده لقيت كلية اسمها كلية السياحة والفنادق واعدت ابحث عنها على سبيل الفضول يعنى لقيتها فعلا كلية حلوة ومجالات شغلها كتير ومستقبلها مضمون واحسن من كلية العلوم كمان وكفاية اللى هما بياخدوا لغتين وكمان كلية سهلة جدا وسهل تجيب فيها تقدير عالى
وبالنسبة لشغلهم ممكن يشتغلوا فى شركات الطيران او شركات السياحة والسفر او الفنادق وبمرتبات عالية وكمان الشغل متوفر جدا وده كله لو اتخرجت من قسم واحد على عكس كلية العلوم الواحد يتخرج من قسم جيولوجيا مثلا وبيلاقى شغل فى شركات البترول او اى شركة فى المجال ده بصعوبة وحتى لو لقيت هيبقى بمرتب قليل الا طبعا لو اشتغلت فى شركة بترول وحتى لو دخلت قسم بيولوجى مش هيبقى قدامى غير انى افتح معمل تحاليل وكمان لازم دبلومة تحاليل زى ما سمعت
انا دلوفتى بفكر انى اكمل فى كلية العلوم السنة دى واحول السنة الجاية ان شاء الله .
وانا دلوفتى عايز اعرف رأيكم احول ولا اية ؟
وكمان انا عايز اعرف رايكم فى كلية السياحة دى
وهل فعلا زى ما بحثت كده ان كلية السياحة احسن من العلوم ؟
مستر// فيكتور بخيت
12-01-2009, 09:38 PM
ابنى العزيز
خريج العلوم ممكن يشتغل فى مجال السياحة والفنادق والعكس غير صحيح
استمر فى كلية العلوم وممكن تشتغل فى اى مجال فندقى وتتعلم مجال المطبخ او السيرفيس بالخبرة
_NADER_
12-01-2009, 10:00 PM
ابنى العزيز
خريج العلوم ممكن يشتغل فى مجال السياحة والفنادق والعكس غير صحيح
استمر فى كلية العلوم وممكن تشتغل فى اى مجال فندقى وتتعلم مجال المطبخ او السيرفيس بالخبرة
اه علاقة كلية العلوم بالمجال الفندقى مفيش اى علاقة خالص وبعدين انا اه اللى يخلينى اشتغل فى العلوم وانا خريج سياحة وفنادق .
وانا اساسا لو دخلت سياحة وفنادق ان شاء الله مش ناوى اشتغل فى فنادق هشتغل فى شركات الطيران او السياحة واخر حاجة هفكر فيها هى الفنادق وانا لو اشتغلت فى فنادق هشتغل موظف استقبال مش فى المطبخ او السيرفس
Eslam_Tourism
13-01-2009, 08:23 PM
ربنا يوفقك يا نادر .
انت ما شاء الله مجموعك كبير اوى فى الثانوية العامة وفعلا كلية السياحة زى ما قولت كده هى فعلا تخصصاتها كتير بس ده لو دخلت قسم دراسات سياحية .
وانت لو عايز تكمل فى علوم كمل عادى لو حاببها وشايف مستقبلها حلو ليك .
وعلى فكرة انت متاحلك وظايف كتير لو دخلت سياحة وفنادق اكتر من علوم كمان ودى نصيحة يعنى مش بكرهك فى كلية العلوم ولا حاجة .
مستر// فيكتور بخيت
13-01-2009, 09:52 PM
اه علاقة كلية العلوم بالمجال الفندقى مفيش اى علاقة خالص وبعدين انا اه اللى يخلينى اشتغل فى العلوم وانا خريج سياحة وفنادق .
وانا اساسا لو دخلت سياحة وفنادق ان شاء الله مش ناوى اشتغل فى فنادق هشتغل فى شركات الطيران او السياحة واخر حاجة هفكر فيها هى الفنادق وانا لو اشتغلت فى فنادق هشتغل موظف استقبال مش فى المطبخ او السيرفس
----------------------------------------------------------------
ربنا يوفقك
_NADER_
15-01-2009, 02:53 PM
انا عايز يا جماعة ردود اكتر عشان ده قرار مصيرى بالنسبة لى
احول لسياحة وفنادق ولا اية ؟؟؟
محمد.فوكس
15-01-2009, 11:39 PM
شوف يا معلم .. انا بكلمك دلوقتي و انا كنت الصبح في امتحان كيمياء و الحقيقة محلتش حلو اوي يمكن انا مش مذاكر او الامتحان صعب مش عارف.
ببساطة انت عايز رأي الناس .. و انا عشان اقولك رأيي هحط نفسي مكانك.
انت ممكن تكون فكرت في كده لانك حسيت انك المفروض تدخل اعلى كلية في المجموع عشان تستفيد من كل درجاتك.
و ده فعلا وجهة نظر .. بس اتقد مش اي كلية مجموعها عالي شوية يبقى ده معناها انها احسن من اللي مجموعها اقل.
انا علمي يعني طلع عيني في مواد صعبة .. فعشان أستفيد بدراستي للمواد دي و ما كونش دخلت علمي عالفاضي يبقى ادخل كلية علمية .. لان سياحة و فنادق ممكن تدخلها من ادبي و اعتقد نفس المجموع اذا كانش اقل.
و انا معاك ان كلية العلوم صعبة و صعب تجيب فيها تقدير.
بس انت لازم تشوف انت تحب تدرس ايه ..او بمعني اصح عايز تبقى ايه .. لان طبعا دراسة سياحة و فنادق اسهل و الذ عشان لغات و مواد لطيفة كده انت مرتاح في كليتك ولا لأ ... و اكيد لو الموضوع على السهولة كان محدش دخل طب ولا علوم.. لكن دور انت تحب تكون ايه ... دي اهم حاجة..و لو روحت سياحة و فنادق هتكون مرتاح ولا لأ.
و في حاجة كمان .. انت شايف فرص عملك في المجالين ايه .. يعني لو ليك حد يشغلك في اي من المجالين اعتقد تبقى فرصة كويسة و تدخله.
و كمان البرستيج و اسم المؤهل دي حاجات ممكن ميكونش ليها قيمة بس ساعات بنحس انها ليها قيمة .. يعني لما تقول لاي حد انا في كلية كذا او معايا بكالوريوس كذا..بس طبعا دي آخر حاجة تفكر فيها.
الموضوع كله يعتمد على طريقة تفكيرك .. انت اللي يهمك ايه .. انت تستغل مجموعك اكبر استغلال.. ولا انك تدخل الحاجة اللي شايف انك هتقدر تشتغل بيها..و لا تدخل الحاجة اللي انت حاببها(مش الدراسة نفسها .. الوظيفة يعني على سبيل المثال تحب تكون موظف استقبال و لا كيميائي) .. و هل المنظر او البرستيج ليه فرق معاك؟
و طبعا لازم تصلي استخارة .. و تذاكر كويس السنادي في علوم عشان لو فكرت تكمل متكونش ضيعت السنادي.
و لسه انت قدامك و قت كبير تفكر فيه.
على فكرة انا عامل زيك بس مش بالضبط .. بفكر اقدم كلية عسكرية السنة الجاية مش عشان محبيتش علوم .. لا عشان بحب الكليات دي و في مواد علمية جت يا مجاتش اكمل في علوم ... المهم دي موضوع تاني و ليه ابعاد تانية مش مجاله دلوقتي.
فكر كويس يا معلم و ربنا معاك في اللي تقرره.
و بالمناسبة انت جامعة ايه؟
tam tam
16-01-2009, 11:45 PM
هااااااااااااى نادر
انا كمان كليه علوم قسك جولوجيا بس القسم حلوه وانصحك متحولش
تقبل مرورى
_NADER_
17-01-2009, 04:19 PM
شوف يا معلم .. انا بكلمك دلوقتي و انا كنت الصبح في امتحان كيمياء و الحقيقة محلتش حلو اوي يمكن انا مش مذاكر او الامتحان صعب مش عارف.
ببساطة انت عايز رأي الناس .. و انا عشان اقولك رأيي هحط نفسي مكانك.
انت ممكن تكون فكرت في كده لانك حسيت انك المفروض تدخل اعلى كلية في المجموع عشان تستفيد من كل درجاتك.
و ده فعلا وجهة نظر .. بس اتقد مش اي كلية مجموعها عالي شوية يبقى ده معناها انها احسن من اللي مجموعها اقل.
انا علمي يعني طلع عيني في مواد صعبة .. فعشان أستفيد بدراستي للمواد دي و ما كونش دخلت علمي عالفاضي يبقى ادخل كلية علمية .. لان سياحة و فنادق ممكن تدخلها من ادبي و اعتقد نفس المجموع اذا كانش اقل.
و انا معاك ان كلية العلوم صعبة و صعب تجيب فيها تقدير.
بس انت لازم تشوف انت تحب تدرس ايه ..او بمعني اصح عايز تبقى ايه .. لان طبعا دراسة سياحة و فنادق اسهل و الذ عشان لغات و مواد لطيفة كده انت مرتاح في كليتك ولا لأ ... و اكيد لو الموضوع على السهولة كان محدش دخل طب ولا علوم.. لكن دور انت تحب تكون ايه ... دي اهم حاجة..و لو روحت سياحة و فنادق هتكون مرتاح ولا لأ.
و في حاجة كمان .. انت شايف فرص عملك في المجالين ايه .. يعني لو ليك حد يشغلك في اي من المجالين اعتقد تبقى فرصة كويسة و تدخله.
و كمان البرستيج و اسم المؤهل دي حاجات ممكن ميكونش ليها قيمة بس ساعات بنحس انها ليها قيمة .. يعني لما تقول لاي حد انا في كلية كذا او معايا بكالوريوس كذا..بس طبعا دي آخر حاجة تفكر فيها.
الموضوع كله يعتمد على طريقة تفكيرك .. انت اللي يهمك ايه .. انت تستغل مجموعك اكبر استغلال.. ولا انك تدخل الحاجة اللي شايف انك هتقدر تشتغل بيها..و لا تدخل الحاجة اللي انت حاببها(مش الدراسة نفسها .. الوظيفة يعني على سبيل المثال تحب تكون موظف استقبال و لا كيميائي) .. و هل المنظر او البرستيج ليه فرق معاك؟
و طبعا لازم تصلي استخارة .. و تذاكر كويس السنادي في علوم عشان لو فكرت تكمل متكونش ضيعت السنادي.
و لسه انت قدامك و قت كبير تفكر فيه.
على فكرة انا عامل زيك بس مش بالضبط .. بفكر اقدم كلية عسكرية السنة الجاية مش عشان محبيتش علوم .. لا عشان بحب الكليات دي و في مواد علمية جت يا مجاتش اكمل في علوم ... المهم دي موضوع تاني و ليه ابعاد تانية مش مجاله دلوقتي.
فكر كويس يا معلم و ربنا معاك في اللي تقرره.
و بالمناسبة انت جامعة ايه؟
انا جامعة المنصورة
على فكرة انت كلامك زى الفل بس انا الصراحة مش مرتاح فى كلية العلوم خالص وحاسس انى مش هاطلع منها حاجة على عكس كلية السياحة موادها سهلة وممكن اشتغل فى حاجات كتير زى اللى قولتها فى اول الموضوع .
وبالنسبة لحكاية انى اقارن موظف استقبال بكيميائى , انا اساسا مش هاشتغل موظف استقبال ده خالص غير لما ملقيش فى المجالات التانية (شركات الطيران او السياحة والسفر) .
وعلى فكرة فى واحد قريبى متخرج من الكلية دى بس كان متقن الانجليزى جامد اوى لقى شغل بعد ما تخرج بشهرين علطول فى شركة سياحة فى مصر .
وبعدين مجالات عمل كلية العلوم مش كتيرة اوى يعنى مثلا لو اتخرجت قسم كيمياء صعب الاقى شغل وده اللى شوفته فعلا .
وانا الصراجة شوفت المواد اللى بيدرسوها فى سياحة وفنادق لقيتها لذيذة وسهل اذاكرها وكمان الواحد سهل يبقى معيد فيها .
براءة
18-01-2009, 08:10 PM
دى موادها مملة وتاريخ ومعرفش ايه وحاجات كده
انا مدينة جامعية ومعايا بنات سياحة وفنادق
وبصراحة مناهجهم خنيقة