بعد البحث والتدقبق ثبت أن البنت أحسن من الولد :


1- البنت بتتكلم براحتها فى التليفون وأبوها أو جوزها هو أللى بيدفع
الفاتورة فى الأخر

2- البنت مش ملزمة تجهز نفسها أبوها أو البيه (خطيبها) هم أللى
هايدفعوا دم قلبهم

3- مفيش حد بيبص على بدلة العريس كله بيبص على فستان العروسة

4- لو واحدة عملت مخالفة وعيطت شوية للظابط هايعديها لو راجل هاياخد
على دماغه


5- لو واحدة ماأدتش قرايبها عيدية مش هايقولوا عليها بخيلة ...>
هايقولوا أصل العيب على جوزها

6- لو واحدة أتأخرت على المحاضرة ممكن الدكاترة يدخلوها لو ولد
هايقولوا روح يابابا كمل نوم برة فى الشمس

7- لو حصل زعل بين البنت وباباها مش هايطردها برة البيت ..وهى بس
يادوب تعيط شوية وبابا هايروح يصالحها علطول ... أما الولد فايدوب
يلحق مكان ينام فيه جنب البواب


8- الدلع

دلع البنات:


ياختى قميلة ( سنتين

ياعسولة ( 5 سنين )

ياعروسة ( 12 سنة )

ياقمر ( 18 سنة )

يا هانم ( 40 سنة )

يا أم العيال ( 50 سنة )

ياست الكل ( 60 سنة )

دلع الولاد :


انت ياد ( 10 سنين )

انت ياشحط بقيت طول الباب ( 18 سنة )

يارا جل ( 40 سنة )

ياعم الحاج ( 50 سنة )

ياراجل يا عجوز مناخيرك أد الكوز ( 60 سنة )



شوفتوا ان الولاد مظلومين وحقهم رايح أوى

احسن

:lol:

Originally posted by karim_elmagraby@Jul 4 2006, 08:37 PM
بعد البحث والتدقبق ثبت أن البنت أحسن من الولد :


1- البنت بتتكلم براحتها فى التليفون وأبوها أو جوزها هو أللى بيدفع
الفاتورة فى الأخر
ههههههههههه انا مش فاكرة اخر مرة مسكت سماعة التلفون امتة اصلا.... هى فى السنة 3 مرات ولا حاجة...اخويا هو اللى مقيها تلفونات دايما :unsure:

2- البنت مش ملزمة تجهز نفسها أبوها أو البيه (خطيبها) هم أللى
هايدفعوا دم قلبهم

طب ايه رأيك بقة ان فى اب فى اخر شارعنا بناته هما اللى كانوا مجهزين نفسهم تخفيفا على ابوهم اللى رباهم بجد ... <_<* و الاب بقة عمال بيجهز فى ولاده الصبيان :D 3- مفيش حد بيبص على بدلة العريس كله بيبص على فستان العروسة

ما هى يعنى بتكون بدلة زى اى بدلة ....* بس ع العكس بقة انا بحب اتفرج على ستايلات البدل :lol:
4- لو واحدة عملت مخالفة وعيطت شوية للظابط هايعديها لو راجل هاياخد
على دماغه
:huh:* :blink:* انت متأكد؟؟!!! هى لو واحدة زى نانسى عجرم ولا حاجة هتمشى اه... <_<* لكن لو واحدة محترمة و محجبة ولا حاجة هيدفعوها الغرامة هيدفعوهالها :unsure:

5- لو واحدة ماأدتش قرايبها عيدية مش هايقولوا عليها بخيلة ...>
هايقولوا أصل العيب على جوزها

ههههههههههههه
عمرها ما بتحصل اصلا
طب تعرف ان انا و اخويا بقة العيد اللى فات ادينا العيال الصغيرة عيديات...بتكلم جد مش بهزر والله .. لا و الحلو بقة ان اخويا الصغير عنده 12 سنة كمان.. يعنى انا معقولة هههههههه* * * * :P 6- لو واحدة أتأخرت على المحاضرة ممكن الدكاترة يدخلوها لو ولد
هايقولوا روح يابابا كمل نوم برة فى الشمس

طب تصدق زمان قبل كدة لما كنت فى الاعدادى كان عندنا مدرسة بتطرد البنت بالنظرة و الولد بتقول له برة يقعد يراوغ و يتلامض و كدة فتقوم مدخلاه :angry:* مع العلم ان المرة اللى اتاخرت فيها عن المدرسة بالضبط 7 دقايق مروحتش المدرسة بس الكلام ده بقة كان فى ثانوى و المدرسة فى ظهر البيت ع طول : 7* * * * * * * * * * * * * * * * * * * * * * * * * * * * * * * *
- لو حصل زعل بين البنت وباباها مش هايطردها برة البيت ..وهى بس
يادوب تعيط شوية وبابا هايروح يصالحها علطول ... أما الولد فايدوب
يلحق مكان ينام فيه جنب البواب
ههههههههههههه
ده حلم بقة... دا انا اخاف اكلم بابا فى اى حاجة احسن يزعق لى اصلا ولا حاجة تقوم تقول لى زعل كمان :lol:* بس ع العكس اخويا لما بيعمل مشكلة ولا حاجة ماما بتسايسه و تراضيه و يجيبوا كله على دماغى بقة* :(* تعمل ايه الكبيرة بقة :lol:

8- الدلع

دلع البنات:


ياختى قميلة ( سنتين

ياعسولة ( 5 سنين )

ياعروسة ( 12 سنة )

ياقمر ( 18 سنة )

يا هانم ( 40 سنة )

يا أم العيال ( 50 سنة )

ياست الكل ( 60 سنة )
ههههههههههه
انا يدلعونى ليه؟؟ :lol:
بس يمكن اسمين الدلع اللى سمعتهم هو يا قمر و يا سكر .. :)

دلع الولاد :


انت ياد ( 10 سنين )

انت ياشحط بقيت طول الباب ( 18 سنة )

يارا جل ( 40 سنة )

ياعم الحاج ( 50 سنة )

ياراجل يا عجوز مناخيرك أد الكوز ( 60 سنة )

لالا اخويا انا اللى مدلعاه بقة و عاملة له اسم مادى ده بقة ..* مفيش حد بيدلع غيرى اصلا :D

شوفتوا ان الولاد مظلومين وحقهم رايح أوى


لا واضح انهم مظلومين

انت لو كنت قريت موضوع اللغة العربية ظلمت المرأة بتاعى هنا فى المنتدى العام كنت عرفت ان احنا اللى مظلومين
و لو كنت قريت مشاركاتى فى موضوع رجالة للخلف در بتاع استاذ بورسعيدى كنت هتعرف رأيى
و هو ان من دا الظالم و المظلوم و من ده كمان نفس الحكاية :D 146806




فى الاخر بقة

مش عارفة الموضوع مكرر ولا ايه و هو قديم اوى و معرف


بس حلو اوى انك جبته تانى

و بالمناسبة اوعوا تفكروا فى انقلاب ولا حاجة


ههههههههههههههههههههههههههههههههههههه

موضوع جميل

موضوع جميل
بس لا فرق بين الولد والبنت
مش فى حد سايب حقه

برافو يا حابى مافيش بعد كلامك رد

.. هما بس الشباب بيحقدوا شويا .. يمكن متغاظين .. طب يمكن منكادين .. والا يمكن مفروسين

اقول كلام م الاخر لكل شاب

.. لو البنات مش عجبينك ما تبصش ولا تعاكس اى واحدة قاطع المراة ولا تتزوج

.. تفتكرى يا حابى يقدروا .. والله ابدا

الست تطبخ وتغسل وتمسح وتحمى العيال وجوزها ييجى زى الباشا يا كل ع الجاهز

هو يشخط وينطر وهى يا حرام هتعمل له ايه اهو راجل وربنا ع المفترى بقى

انا عن نفسى اخويا بيدبسنى اغسل له هدومه وشراباته مع انى مش واحدة فاضية يعنى

بس هقول ايه كلها كام شهر ويتزق على بيت العدل يللا دنيا وكل من عليها فان

اوعى تفتكروا انى بعمل عمل راس الكبريت وبولع انقلاب هنا

لا انا بس بهدى النفوس ههههههههههههه .

ههههههههههههههههههههههههههههههههههه

ايه ده يا نغم البحر


هههههههههههه

صدقينى ردى ده كله حقيقى
يعنى باختصار اتكلمت عن نفسى و عن الواقع اللى حواليا بجد

عشان تعرفوا اد اى الولاد مظلمين و البنات مكوشة على كل حاجة يعنى علينا صحيح

هههههههههه
لا واضح

يعنى البنات بتعترف انهم مكوشين على كل حاجة يعنى علينا صحيح

ههههههههههههههههههه

احنا لا مكوشين ولا حاجة


انا اخويا هو اللى مكوش على كل حاجة


و انا استحمل ما انا الكبيرة بقة

لا انا بصراحة شايف ان موقف الولد افضل بكتير وعندى الاسباب :

1 - ممكن الولد يتأخر بره البيت لحد الساعة 4 او 5 الفجر او يبات عند صاحبه ومش هيحصل اى مشكلة ولو حصل مشاكل ماما هتتدخل على طول

2 - الولد لو كلم بنت فى التليفون امه هاتقول ما شاء الله الواد كبر وبقى راجل وبكرة يتجوز وتفرح بيه اوى اما البنت لو كلمت ولد فى التليفون انتم عارفين طبعا اللى هيحصل ( طاخ طيخ بوم )

3 - الواد يقدر يمشى بفانلة نص كم او يلبس شورت عادى خالص اما البنت فما ينفعش طبعا

4 - الولد ربنا خلقه قوى عنده عضلات يعرف ياخد حقه كويس اما البنت يا عينى مظلومة ( مش دايما طبعا )

5 - الولد لا بيغسل ولا بيكنس ولا بيمسح ( بصراحة دى اجمل حاجة )


بصراحة يا بنات الله يكون ف عونكم

الله الله



لا حلوة روحك المساندة للمرأة دى يا اينشتاين
عاجبانى الروح دى

جميل خالص



بس عندى تعليق ع نقطة و هى الاخيرة


5 - الولد لا بيغسل ولا بيكنس ولا بيمسح ( بصراحة دى اجمل حاجة )


المفروض ان الولد يساهم فى شغل البيت بقدر بسيط حتى يعنى مثلا البيه اخويا يفضل انه لما يصحى من النوم الصبح يعنى يوضب سريره مش يستنى لما هو يخرج و اخته توضبهوله


و مثلا برده

هو ممكن ميعملش كركبة و بكدة هو بيساهم فى الحفاظ ع نظافة البيت برده
يعنى المكان اللى قاعد فيه ميعملش فوضى و لو حصل يوضبها بشويش


ولا ايه؟؟؟؟؟؟

و برده النقطة الاولى فى موضوع تاخير الولد بره البيت. .. مش المفروض برده ان دا يحصل كتير و الالتزام من الولد و البنت مطلوب... فهمتنى؟؟

كلام مظبوط

طبعا انا باهزر

لا ع العكس كلامك عجبنى اوى لانه ده السائد فى المجتمع بتاعنا فعلا


بس حبيت اوضح نظرية للجميع مش اكتر

شكرا ليكى

حوار جميل بس مش فاضي ارد ممكن بعدين

اهو اينشتاين قر واعترف بالحقيقة

.. بس بينى وبينكم فى مسالة الشورت والكت والنص كم ده احسن لان المراة عورة طبعا

والله ده كلام الدين وفى حفاظ علينا احنا البنات

.. بعدين بلاش حقد بقى يا شباب وسيبونا فى حالنا

قوم يا ادم شوف خلفك

... اصوت والا تزغرطوا انتوا. هههههههههههههه

شمت فينا الاعداء يا اينشتاين بس انا عايز اوضح حاجة فى بنات واخدا حقها من اهلها تالت و متالت


و مبيعملوش حاجة فى البيت اصلا

بنات و بنات برده


و غير كدة ما احنا قلنا


من ده الحلو و الوحش و من ده برده الحلو و الوحش


بس على فكرة اينشتاين مقالش حاجة غلط برده
هو عنده روح رياضية

اشكرك يا حابى ("و ان لم يخفى ما فى خطابك من معانى")

اى يا اينشتاين الصراحة دى

دى صراحة تودى فى دهية

معلش برضه اصل الولد بيستحمل الشمس بس البنت اموره
هههههههههههههههههههههههههههههههههههههههههههههههههه ههههههههه

انا معاك

انا نيابة عن كل الرجالة


اطالب بالمساواة بين الرجلة و الستات