اه بس المهم تكون طالع صافي من غير مواد

في الاجازة بتاعة سنة اولي بقي بيعملوا دورات للي عايزين يلتحقوا بالقسم دا تبع الجامعة

وتمنها حوالي 400 جنيه تقريباً .. وبينزلوا طبعا الاعلان قبليها ..

عايز تاخدها اوكي .. مش عايز مافيش مشاكل برده

المهم بعد ما الدورة دي بتخلص .. بيعملولك امتحان في الـ math والـ english ..

وطبعا امتحان بيبقي منيل بستين نيلة .. عايز واحد يكون برنس في الرياضة

لو نجحت فيه بتدخل القسم .. مانجحتش فيه .. اديك موجود في الشعبة بتاعتك عادي

من المفترض اصلا ان التقديم يكون فتح .. انا ماعرفش امتي ..بس هوا المفروض يكون فتح خلاص

الاستمارة دي هيا استمارة الثانوية العامة

اللي عليها صورتك وفيها بيان درجاتك ومختوم عليها بختم ناجح

ودي طبعا أساسية .. لإن دي هيا الشئ الدال على انك حصلت على الثانوية العامة

ومن غيرها مش هاينفع تخش الكلية اصلاً .. لانها مالهاش مستخرج رسمي (في حالة لو ضاعت يعني)

ايون بالظبط كدا ..

الاستمارة اللي انتا بنفسك كتبتها بخط ايدك اما كنت بتمضي الاستمارات في سنة تانية ثانوي

ياسيدي خير وبركة احمد ربنا ان لسه في انتظام فاضي اصلا !!

التحويل في تجارة انجليش من جامعة لجامعة تانية ممنوع

لو سمحت انا جايب ٧٧ونص ادبي هلحق تجاره انتساب اي محافظه

شكراااا جدا لردك
بس كنت عاوز اعرف حاجة لما اودى الاستمارة دى اودي صورة منها ولا الاصل وكمان هل لازم شهادة الميلاد ولا لا ولو لازم هل برضو الاصل ولا صورة
معلش انا مغلبك معايا
وانا خااايف جدااا من تجارة لانى ادبى
واحساسى انى مش هعرف انيل حاجة فيها خاااالص
ربنا يستر

بص ياسيدى انا قدمت النهاردة بس انا مقدمة تجارة انجلش
على العموم انا هقولك على الانا عملتة هما بيطلبوا منك 7 صور شخصية
و الاستمارة اصل و صورتين
و شهادة الميلاد الاصل و صورة و احتياطى خد معاك صورة كمان
لو افتكرت حاجة تانية هبقى اقولك لانى بصراحة مكنتش مركزة اوى كنت عايزة اخلص نفسى باى طريقة

نصيحة مني ليك .. صور من كل ورقة في ملفك 4 نسخ ..

وشوف هما عايزين كام نسخة واديهالهم واللي يفيض خليه عندك في البيت

عشان مسيرك هاتحتاجه .. فابدل ماتلجألهم عشان تصور ..

لأ يبقي انتا عندك صور منها في البيت ومريح دماغك

اكيد طبعا لازم شهادة الميلاد .. وتعمل منها برده زي ماقولتلك 4 صور ..

شوف هما عايزين كام صورة واحتفظ بالباقي

السلام عليكم بص يا باشا الوقتى انا خلاص جتلى القاهرة (تجارة)انتظام وجايب 90.24 وقدمت فى مميزة الوقتى عايز اروح اقدم بنها عشان اخش انجليزى فى الواتينجى ليست لانى جايب 36.5 فهل ينفع وازاى ارجو الرد

لأ طبعا ماينفعش .. لـ 3 اسباب :

1- لا يجوز انك تسجل نفسك مرتين في جامعتين مختلفتين وفي كليتين مختلفتين

2- عشان تخش انجليش بنها لااااااازم تكون محول لانتظام بنها عشان تبقي تبع الجامعة وتقدر تلتحق بانجليش بنها

3- لا يجوز التحويل من جامعة لجامعة في تجارة انجليش .. ودا قرار من المجلس الاعلي للجامعات

لو سمحتى ياgamalewees انتى قدمتى تجاره نجلش جامعه ايه؟

ما هو اخر معاد للتقديم بالنسبه لتجارة القاهرة

استفسار صغير
 

بعد اذنط يافامبير طلب بس هو قسم الاكتوارى ده زى منت قولت كده ممكن عادى طال انتساب يخشو بعد حصوله على تقدير كويس وانه يطلع صاااااااافى من اى ماده فى سنه اولى اوك بس هو القسم ده بقى بفلوس ولا لا ؟
ولو بفلوس ياترى بكام ؟؟؟:slap1qk6:

انا عايزه احول من تجاره اسماعيليه الى تجاره عين شمس ادخل على موقع ايه عشان احول وكمان عايزه اعرف هل اللى فى تجاره انتساب وجاب تقدير فى سنه اولى جيد جدا او امتياز بيحولوله الى تجاره انتظام سنه 2.

انا عايز اسأل سؤال
هو اية الفرق بين الجيد من 130والجيد من 159 هل بتفرق فى اى حاجة
ومثلا لما بتروح تشتغل هيكتب بردة المجموع ولا التقدير بس وهل بتفرق بردة
ارجو الرد
على فكرة انا عارف ان محدش بيجيب 159 لأنها بتترفع بس افتراضا

ياجدعان انا عايز اسأل على موضوع الأغتراب لو حد يعرف حاجة عنوا يقول هفسر كلامى اكتر انا واحد قبلت فى تجارة السويس وانا من الزقازيق ينفع احول علطول من غير اقعد سنة هناك